အသားအရေနှင့် အလှအပ

အသက်အရွယ်ရလာသည်နှင့်အမျှ သင့်ဆံပင်၏ထူထဲမှုသည်လည်း တဖြည်းဖြည်းလျော့ပါးလာသည်။ သင့်ဆံပင်ဆံသားစပ်သည်လည်းနောက်သို့ရောက်ရောက်သွားပြီးသင်၏ဦးရေပြားသည်လည်းပါးလှပ်သောဆံပင်ကိုကျော်၍ပိုမိုမြင်လာရသည်။ ယခုဖြစ်စဉ်သည် မျိုးရိုးဗီဇပေါ်မူတည်၍ကြိုတင်သတ်မှတ်ထားပြီးဖြစ်သော်လည်းအောက်ပါနည်းလမ်းနှစ်သွယ်ကိုအသုံးပြု၍ ဆုံးရှုံးခဲ့ပြီးသောဆံပင်များကိုထပ်မံမဆုံးရှုံးတော့ရန်နှင့် ဆံပင်များထပ်မံပေါက်ရန်ကိုသာ ဖြစ်စေနိုင်ပါသည်။ (၁)မီနောက်ဆီဒေးလ်ဟုခေါ်သောဆေးရည် (သို့မဟုတ်) လူးဆေး ( Minoxidil ) သင့်အနေဖြင့်သောက်ဆေးများကိုလည်းမသုံးစွဲဘဲဆံပင်ကျွတ်ခြင်းကိုလည်းကာကွယ်ချင်သည်ဆိုလျှင် မီနောက်ဆီဒေးလ်သည်သင်ရှာဖွေနေသောအဖြေဖြစ်လိမ့်မည်။ သင်၏ကျန်ရှိသောဘဝအချိန်များတွင် တစ်နေ့လျှင် ၂ ကြိမ်အသုံးပြုနိုင်ပါသည်။ အဆင်ပြေသည်မှာ ထိုဆေးသည်ဆရာဝန်ညွှန်ကြားချက်မလိုဘဲအသုံးပြုနိုင်ခြင်းဖြစ်သည်။ ထို့ပြင်ပိုမိုကောင်းမွန်သည့်အချက်မှာထိုဆေး၌ဘေးထွက်ဆိုးကျိုးမရှိသလောက်နည်းပါးခြင်းဖြစ်သည်။ ထိုဆေး၏အလုပ်လုပ်ပုံကိုတိကျရှင်းလင်းသည့် သိပ္ပံနည်းကျဖြေရှင်းချက်မရှိသေးပါ။ သို့သော် သုတေသီများကထိုဆေးသည်ဆံရင်းရှိဆံအိတ်များကို ကြီးထွားစေပြီးဆံပင်ရှင်သန်မှုကိုအားပေးသည်ဟုဆိုကြသည်။ မီနောက်ဆီဒေးလ် ကိုအသုံးပြုမည်ဟု ဆန္ဒရှိလျှင်စိတ်ရှည်ဖို့တော့လိုလိမ့်မည်။ သိသာမြင်သာသောပြောင်းလဲမှုဖြစ်ရန် အနည်းဆုံးအချိန် ၄ လခန့်ယူရမည်ဖြစ်သောကြောင့်ဖြစ်သည်။ အချို့လူများတွင် ထိုဆေးသည်ဦးရေပြားကိုယားယံစေခြင်း ၊ အဖတ်အဖတ်များကွာကျစေခြင်းမျိုးလည်းရှိနိုင်သည်ကိုတွေ့ရသည်။ ထို့ကြောင့် တုန့်ပြန်လွယ်သောအရေပြားရှိသူများသည် သတိပြု၍သုံးစွဲသင့်သည်။   (၂)ဖီနာစထရိုက်ဟုခေါ်သောဆေးပြား ( Finasteride ) အကြောင်းတစ်ခုခုကြောင့် မီနောက်ဆီဒေးလ်ကိုအသုံးမပြုနိုင်သူများအတွက် ဖီနာစထရိုက်သည်သာရွေးချယ်စရာကျန်ပါသည်။ ဖီနာစထရိုက်သည် ဆံပင်ကျွတ်ခြင်းကိုဖြစ်စေသောဟော်မုန်းတစ်မျိုးဖြစ်သည့် ဒိုင်ဟိုက်ဒရိုတက်စတိုစတီရုန်း ( Dihydrotestosterone ) ဆံပင်ကျွတ်ခြင်းကိုဖြစ်စေသောဟော်မုန်းတစ်မျိုးဖြစ်သည့် ဒိုင်ဟိုက်ဒရိုတက်စတိုစတီရုန်း( Dihydrotestosterone […]

ဝက်ခြံအမာရွတ်တွေအတွက် စားသောက်သင့်သောအစားအစာများ ချောမွတ်တဲ့အသားအရည်တွေကိုအမြန်ဆုံးပြန်လည်ပိုင်ဆိုင်စေဖို့ ဝက်ခြံအမာရွတ်တွေကိုကုသပေးဖို့လိုအပ်ပါတယ်။ ဒီအမာရွတ်တွေကို သဘာဝနည်းလမ်းနဲ့ကုသမယ်ဆိုရင်တော့ အသားအရည်ကိုပြန်လည်ကောင်းမွန်စေပြီး အာဟာရတွေပါဝင်တဲ့ စားစရာအမျိုးမျိုးကိုစားပေးရမှာပါ။ အမြန်ဆုံးပြန်ကောင်းလာဖို့အတွက်ဆိုရင်တော့ အစားအစာတွေကိုအစီအစဉ်တကျ ညီညီမျှမျှစားသောက်ရမှာပါ။ Zinc (ဇင့်) အသားအရည်ကျန်းမာရေးအတွက်အရေးကြီးတဲ့လိုအပ်ချက်တစ်ခုဖြစ်တဲ့ ဇင့်ကမရှိမဖြစ်အရေးပါပါတယ်။ သူကဒဏ်ရာတွေကို ကုသတဲ့နေရာမှာအထောက်အကူပြုပေးနိုင်ပါတယ်။ ပရိုတိန်းမြင့်မားစွာပါဝင်တဲ့စားစရာတွေဖြစ်တဲ့ အမဲသား၊ ဝက်သား ၊ ငါး၊ နွားပေါက်သား၊ သိုးသားနဲ့ ကြက်သား ၊ကြက်ဥစသည်တွေမှာဇင့် ဓါတ်မြောက်များစွာပါဝင်ပါတယ်။ zinc ဓါတ်ကိုပိုပြီးရရှိစားသောက်နိုင်ဖို့အတွက် အနီရောင်အသားတွေကိုများများစားပေးပါ။ မြေပဲနဲ့ မြေပဲထောပတ်တွေမှာလဲဇင့် ဓါတ်တွေပါဝင်ပါတယ်။ ပဲအမျိုးမျိုးမှာလဲလုံလောက်တဲ့ဇင့် ဓါတ်တွေရှိပါတယ်။ ကုလားပဲ၊ ပဲနီလေး၊ ထောပတ်ပဲ၊ black beanနဲ့ ပဲလိပ်ပြာစတဲ့ပဲတွေမှာဇင့်တွေအလုံအလောက်ပါဝင်ပါတယ်။ ပဲဟင်းကတော့ တကယ်ကိုဇင့်ဓါတ်ကြွယ်ဝတဲ့ဟင်းပါ။ ပဲငါးပိနဲ့ အခြားပဲအမျိုးမျိုးမှာလည်းဇင့်ဓါတ်တွေပါဝင်ပါတယ်။ ပဲပုပ်(soy)ကိုအခြေခံထားတဲ့စားစရာတွေဖြစ်တဲ့ တိုဟူး၊ မီဆို ၊ tempeh ၊ soy cheese နဲ့ meatless entrée ကိုလည်းသင်စားသုံးနိုင်ပါတယ်။ […]

လှပသန်စွမ်းတဲ့ ဆံကေသာပိုင်ဆိုင်ရဖို့က အမျိုးသားတွေရော၊ အမျိုးသမီးတွေပါ ဆန္ဒရှိတဲ့အရာပါ။ ဒါပေမယ့် ဆံပင်ကျွတ်ခြင်းနဲ့ဆံသားပျက်စီးခြင်းက အခုတလော အရမ်းအဖြစ်များနေကြတဲ့ ကိစ္စဖြစ်လာပါတယ်။ အသက်ကတဖြည်းဖြည်းကြီးလာတာကြောင့် အရွယ်လေးရလာတာနဲ့အမျှ ဆံပင်တွေ နည်းလာတာက ပုံမှန်ပါပဲ။ ဒါပေမယ့် အသက်ငယ်ရွယ်စဉ်မှာတည်းက ဆံပင်တွေစနည်းလာပြီဆိုရင်တော့ ပြဿနာတစ်ခုခုရှိနေတဲ့ လက္ခဏာဖြစ်နေနိုင်ပါတယ်။ သင်သိမှာတော့မဟုတ်ပေမယ့် ဆံကေသာနဲ့ပတ်သက်တဲ့ ဆေးနည်းကို သင်စားသောက်နေတဲ့အာဟာရဓါတ်စာတွေထဲမှာ တွေ့ရှိနိုင်ပါတယ်။ ဟုတ်ပါတယ်။ ဆံပင်ဆိုတာ ရှင်သန်ကြီးထွားမှုမြန်တဲ့ တစ်ရှူးတစ်မျိုးဖြစ်ပြီး ကိုယ်စားလိုက်တဲ့အစားအစာ ကိုမူတည်ပြီး သင့်ရဲ့ဆံသားမှာ ကြီးမားတဲ့ပြောင်းလဲမှုတွေဖြစ်သွားစေနိုင်ပါတယ်။ ဒါ့ကြောင့် ကိုယ်စားမယ့်အရာတွေကို ရွေးချယ်ဆုံးဖြတ်ပြီး ဆံပင်သန်စွမ်းမှု၊ တောက်ပြောင်ချောမွေ့မှုနဲ့ ဆံပင်ကျန်းမာရေးအလုံးစုံကို တိုးတက်အောင်လုပ်ဆောင်နိုင်ပါတယ်။ ဆံပင်ကျွတ်သက်သာ စေဖို့က သင်စားမယ့် အစားအစာတွေမှာ အရေးပါတဲ့အာဟာရဓါတ်တွေ ညီညွတ်မျှတစွာ ပေါင်းစပ်ပါဝင်နေဖို့လိုပါတယ်။ အရေးကြီးဆုံးအာဟာရကတော့ ပရိုတင်းဓါတ်ဖြစ်ပါတယ်။ ပရိုတင်းက ဆံပင်ရဲ့အဓိကအခြေဖြစ်တဲ့အတွက် အရေးကြီးဆုံးနဲ့ မရှိမဖြစ်အာဟာရ ဖြစ်ပြီး ဇင့်၊ ဆာလဖာ၊ […]

အမျိုးသားတွေရဲ့ အရေပြားထိန်းသိမ်းစောင့်ရှောက်မှုက ရိုးရှင်းပြီး သမာရိုးကျဖြစ်ကာ လွယ်ကူသင့်ပါတယ်။ အမျိုးသားတွေအနေနဲ့ အရေပြားထိန်းသိမ်းစောင့်ရှောက်တဲ့နေရာမှာ အမျိုးသမီးတွေလိုမျိုး အဆင့်ဆင့်လိမ်းခြယ်မှု တွေမလိုအပ်သလို ခရင်မ်တွေကိုလည်း အထူကြီးလိမ်းစရာ မလိုအပ်ပါဘူး။ ဒါပေမယ့် အရိုးသားဆုံးပြောပြရမယ်ဆိုရင်တော့ အရမ်းကြည့်ရဆိုးနေတာမျိုးမဖြစ်စေဘဲ သပ်သပ်ရပ်ရပ်နဲ့ကြည့်ကောင်းစေဖို့အတွက် အချိန်နည်းနည်းလောက်ပေးပြီး အရေပြားကို ထိန်းသိမ်းပေးသင့်ပါတယ်။ တန်ဖိုးကြီးအလှကုန်ပစ္စည်းတွေ ဝယ်ယူသုံးစွဲဖို့ မလိုအပ်ပါဘူး။ သဘာဝကနေရရှိတဲ့ ပစ္စည်းတွေနဲ့တင် အရေပြားထိန်းသိမ်းစောင့်ရှောက်မှု လုပ်ဖို့လုံလောက်ပါတယ်။ ကျွမ်းကျင်သူ တွေရဲ့ကျန်းမာ၊ သန့်စင်ပြီး အစိုဓါတ်ထိန်းသိမ်းနည်း အကြံပြုချက်တွေကို တစ်ချက်လောက်ကြည့်လိုက်ကြရအောင်ပါ။ ၁။ အရေပြားကိုသန့်စင်ပေးပါ အမျိုးသားများစုဟာ နေ့အချိန်မှာ အရေပြားအချို့နေရာတွေမှာ အဆီပြန်လေ့ရှိပါတယ်။ အေးတဲ့ရာသီဥတုမှာတောင် အဆီပြန်လေ့ရှိပါတယ်။ အဆီပြန်လွန်းတဲ့အခါ အရေပြားစေးကပ်ပြီး ချွေးပေါက်ပိတ်တာမျိုးတွေကိုဖြစ်ပေါ်စေတဲ့အပြင် သင်တုန်းဓါးနဲ့ အမွေးမျှင်တွေကိုရိတ်တဲ့အခါ ချောချောမွေ့မွေ့ မဖြစ်စေပါဘူး။ ဒါကြောင့်မုတ်ဆိတ်မရိတ်ခင်မှာ ချွေးပေါက်တွေအဆီနဲ့ပိတ်မနေအောင် မျက်နှာသစ်ဆပ်ပြာ၊ ရေတို့နဲ့ မျက်နှာကို အရင်ဆုံး သန့်စင်ပေးပါ။ ၂။ မုတ်ဆိတ်ရိတ်ဖို့အသင့်ပြင်ပါ သင်တုန်းဓါးနဲ့မျက်နှာပေါ်ကအမွေးမျှင်တွေကို မရိတ်ခင်မှာ […]

ပန်းရောင်နှုတ်ခမ်း လေးရဲ့ နူးညံ့ပျော့ပြောင်းမှုဟာ ဆွဲဆောင်မှုအားကောင်းတဲ့ မျက်နှာအစိတ်အပိုင်းတစ်ခုပါ။ အထူးသဖြင့်မိန်းကလေးတွေနဲ့ အမျိုးသမီးတွေအတွက်ပေါ့။ အမျိုးသမီးအများစုဟာ ခြောက်သွေ့ မှိုင်းညစ်ပြီး အလှပျက်စေတဲ့နှုတ်ခမ်းတွေကိုပိုင်ဆိုင်ထားကြဆဲပါ။ ဒီလိုနှုတ်ခမ်းတွေက ကြည့်ရတာရော ခံစားရတာပါ မကောင်းလှပါဘူး။ ဒါပေမယ့် နှုတ်ခမ်းသားလေးတွေအရောင်ပြန်စိုလာဖို့နဲ့ ပြန်ပြီးတောက်ပလာဖို့ နည်းလမ်းအမျိုးမျိုးကို သုံးနိုင်ပါတယ်။ သင့်နှုတ်ခမ်းလေးတွေ နူးညံ့ပြီး ပန်းရောင်သန်းလာစေဖို့ လွယ်ကူတဲ့နည်းလမ်း၈မျိုးကိုဖော်ပြပေးထားပါတယ်။ ၁။ ပျားရည်-သံပုရာ ကုသမှု ပျားရည်နဲ့သံပုရာအရောဟာ နှုတ်ခမ်းအတွက် ဗီတာမင်ပြန်ဖြည့်ပေးတဲ့ကုသမှုတွေထဲကအကောင်းဆုံးတစ်ခုလို့ သတ်မှတ်လို့ရပါတယ်။ ဒါက နှုတ်ခမ်းကိုသန့်စင်ပေးနိုင်တဲ့အပြင် နက်ရှိုင်းစွာရေဓါတ်ဖြည့်ပေးနိုင်ပြီး နှုတ်ခမ်းကို နူးညံ့သန့်စင်ပြီးပန်းရောင်ဖြစ်အောင်လုပ်ပေးနိုင်ပါတယ်။ ပျားရည်-သံပုရာအရောကိုရဖို့ ခွက်တစ်လုံးထဲကို ၂မျိုးလုံးဆတူထည့်ပြီး မွှေပါ။ ရလာတဲ့အရောကို နှုတ်ခမ်းပေါ်လိမ်းပြီး ၁နာရီခန့်ထားပါ။ ပြီးရင်တော့ နှုတ်ခမ်းကို ရေနဲ့ဆေးကြောပါ။ ရလဒ်အနေနဲ့ နှုတ်ခမ်းက ပိုပြီးချောမွေ့ပြီး ပန်းရောင်သန်းလာမှာပါ။ ဒီကုသမှုက နှုတ်ခမ်းနေလောင်ထားတာကိုပါ ပျောက်ကွယ်သွားစေနိုင်ပါတယ်။ ပန်းရောင်နှုတ်ခမ်း လေးအဖြစ် အမြန်ဆုံးသိသာလာစေဖို့ တစ်ရက်ကို အကြိမ်ပေါင်းများစွာပြုလုပ်နိုင်ပါတယ်။ ၂။ Glycerin (ဂလစ်စရင်း အလှဆီ) ခြောက်သွေ့ခြင်းဟာ နှုတ်ခမ်းတွေမဲနေတယ်လို့မြင်ရစေတာကြောင့် […]

ဝက်ခြံတွေက တကယ်စိတ်ညစ်စရာပါ။ ဒါပေမယ့် သင့်ခန္ဓါကိုယ်တွင်းမှာ မတူညီတဲ့ဟော်မုန်းတွေကို တုံ့ပြန်တတ်တဲ့ မျိုးရိုးဗီဇတွေနဲ့အတူ သင်နေ့စဉ်လုပ်နေကျ လုပ်ငန်းဆောင်တာတွေကလည်း ဝက်ခြံထွက်စေနိုင်တာ သို့မဟုတ် ဝက်ခြံပေါက်နေရင်တောင် ပိုဆိုးစေတာမျိုးကို ဖြစ်စေနိုင်ပါတယ်။ အချို့သော အံ့အားသင့်ဖွယ်ကောင်းတဲ့ အဓိကအချက်တွေကို အောက်မှာဖော်ပြထားပါတယ။် ကဲ ဝက်ခြံထွက်လွယ်တဲ့ အသားအရေပိုင်ရှင်လေးတို့ ကြည့်လိုက်ရအောင်။ ဝက်ခြံတွေထွက်လာရခြင်းရဲ့ အဖြစ်အများဆုံးအကြောင်းရင်းတွေကို နားလည်ထားရမှာက ပထမဆုံးနဲ့ အရေးအကြီးဆုံးအချက်ဖြစ်ပြီး ဒီလိုနားလည်တာကပဲ ဝက်ခြံတွေကို ရင်ဆိုင်နိုင်စေမှာဖြစ်ပါတယ်။ နိုင်ငံတကာလေ့လာသူများရဲ့ သုံးသပ်ချက်အရ ဝက်ခြံဖြစ်ရခြင်းအကြောင်းရင်းတွေထဲက အဖြစ်အများဆုံးအကြောင်းရင်း ၁၁ချက် ကို ဖော်ပြထားပေးပါတယ်။ • ဝက်ခြံပေါက်ရခြင်း အကြောင်းရင်း ၁ : မျက်နှာကို ထိကိုင်ခြင်း ဒါကတော့ အတော်အံ့သြဖို့ကောင်းပါတယ်။ ဒါပေမယ့် သင့်မျက်နှာကို တစ်နေ့လုံးအဆက်မပြတ် ထိနေကိုင်နေခြင်းက ခန္ဓါကိုယ်တစ်ခုလုံးမှာ အညစ်ပတ်ဆုံး ခန္ဓါကိုယ်အစိတ်အပိုင်းတစ်ခု ဖြစ်သွားစေနိုင်ပါတယ်။ ဒါဟာ ကျွန်တော်တို့အများစု သတိမမူဘဲ လုပ်မိတတ်ကြတဲ့ အရာတစ်ခုဖြစ်ပြီး […]

အရေးအကြောင်းတွေ ဖြစ်မလာဖို့ ဘယ်လိုကာကွယ်ရမလဲ။ အရေးအကြောင်းဆိုတာ အသားအရေပေါ်မှာ အတွန့်အခေါက်တွေဖြစ်လာတာပါ။ များသောအားဖြင့်တော့ အသက်ကြီးလို့ ဖြစ်ကြတာပေါ့။ သင်အသက်ကြီးလာလေလေ ဆဲလ်ပွားနှုန်းက ပိုနှေးလာလေလေဖြစ်ပြီး အရေပြားက တဖြည်းဖြည်းပါးလာပါတယ်။ အသက်ကြီးလာတာနဲ့ အမျှ အသားတွေ ခြောက်လာပါးလာပြီး အသားကြုံ့နိုင်ဆန့်နိုင်စွမ်းတွေ နည်းပါးလာတဲ့အခါမှာ သင့်အသားပေါ်မှာ အရေးအကြောင်းတွေ ထင်လာတော့တာပါပဲ။ အခြားအချက်တွေကလည်း ဇရာဖြစ်စဉ်ကိုပိုမြန်စေပြီး အရွယ်မတိုင်ခင် အိုမင်းရင့်ရော်စေကာ အချိန်မတိုင်ဘဲ အရေးအကြောင်းတွေဖြစ်လာစေတော့တာပါပဲ။ ပတ်ဝန်းကျင်မှာဖြစ်နေတဲ့ နေရောင်ခြည်နဲ့ ညစ်ညမ်းမှုတွေကလည်း အရွယ်မတိုင်ခင် အိုမင်းလာစေပါတယ်။ အရေးအကြောင်းဖြစ်ရခြင်းရဲ့ အဓိကအကြောင်းရင်း -နေရောင်ခြည်နဲ့ ထိတွေ့မှု ကျန်းမာတဲ့ ရွှေညိုရောင်အသားအရေဆိုတာက အတော်ကိုကောင်းမွန်ပါတယ်။ ဒါပေမဲ့ နေပူဆာလှုံခြင်းကြောင့်ဖြစ်လာတဲ့ ရွှေညိုရောင် အသားကတော့ အသားအရေပျက်စီးခြင်းရဲ့ သင်္ကေတပါပဲ။ ဒါဟာ ခရမ်းလွန်ရောင်ခြည်ကအသားအရေကို အထောက်အပံ့ပေးနေတဲ့ ဖွဲ့စည်းပုံတွေကို ထိုးဖောက် ဖျက်ဆီးပစ်လိုက်ခြင်းရဲ့ သက်သေပဲမဟုတ်လား။ အရေးအကြောင်းအများစုဟာ ဘဝတစ်သက်တာ ေ နရောင်ခြည်နဲ့ […]

အနီမှတ်တွေနဲ့ ဝက်ခြံအမာရွတ်တွေကိုဘယ်လိုကုသမလဲ။ ဝက်ခြံထွက်ပြီးဖြစ်လာတဲ့ အသားအရေအရောင်ပြောင်းခြင်းကို သေချာပေါက်ကုသပေးနိုင်တယ်လို့ ပြောထားတဲ့ အလှကုန်ပစ္စည်းတွေဟာ အချို့သောကိစ္စရပ်တွေမှာအချို့သော ခြွင်းချက်တွေကြောင့်ပြောထားတဲ့အတိုင်းကုသပျောက်ကင်းစေနိုင်မှာမဟုတ်ပါဘူး။ ဒီဆေးတွေထဲမှာ အသားအရေနေလောင်တဲ့ဒဏ်ကိုလျှော့ချပေးနိုင်တဲ့ (အသားညိုစေခြင်းကိုလျှော့ချပေးနိုင်တဲ့) hydroquinone ပါဝင်တဲ့ အသားဖြူစေတဲ့ ကုသမှုတွေ၊ မယ်လ်နင် (ဆံပင် အသားအရေနဲ့ မျက်လုံးအတွက် ရောင်ခြယ်ပစ္စည်း)ထုတ်လုပ်မှုကိုနှေးကွေးစေတဲ့ကုသမှုတွေ ပါဝင်မှာပါ။ ဒါပေမဲ့ ဝက်ခြံရဲ့ ပန်းရောင်သို့မဟုတ် အနီရောင်အမှတ်တွေဟာမယ်လ်နင်နဲ့ဆက်စပ်နေခြင်းမရှိပါဘူး။ ဆိုလိုတာက Hydroquinone နဲ့ အခြားသောအသားဖြူစေတဲ့ ပစ္စည်းတွေကိုသုံးတာက လုံးဝထိရောက်မှာမဟုတ်ပါဘူး။ ခြွင်းချက်အနေနဲ့ ဝက်ခြံတွေပေါက်ပြီးနောက် ကျန်ခဲ့တဲ့အမှတ်ကအညိုရောင်ဖြစ်နေတာမျိုးလိုရှိရင်းစွဲအသားအရည်ထက် ညိုနေတာမျိုးတွေကိုတော့ hydroquinoeသုံးပေးခြင်းအားဖြင့် ပျောက်ကွယ်သွားစေနိုင်ပါတယ်။ အိမ်မှာကုသနိုင်တဲ့ နည်းလမ်းတွေထဲမှာတော့ သံပုရာရည်သို့မဟုတ် အခြားသော အက်ဆစ်ပါဝင်တဲ့ သစ်သီးတွေကို မျက်နှာပေါ် ပွတ်တိုက်ခြင်းမျိုး လုံးဝမလုပ်ပါနဲ့။ သူတို့တွေက အရေပြားကို မှန်ကန်စွာချေးချွတ်မပေးနိုင်တဲ့အပြင် သူတို့ရဲ့ အက်ဆစ်ရည်တွေက အရေပြားကိုပျက်စီးစေနိုင်တာကြောင့် ကုသရမယ့်အချိန်ကိုပိုပြီးရှည်ကြာစေပါတယ်။ ဒါကြောင့် ဒီအရာကိုတော့ လုံးဝမလုပ်လိုက်ပါနဲ့။ ဒီပြဿနာကို […]

ဝက်ခြံတွေပျောက်ဖို့ ရှားစောင်းလက်ပက်ကို ဘယ်လိုသုံးရမလဲ ဆိုတာ ပြောပြချင်ပါတယ်။ ဝက်ခြံဆိုတာ ချွေးပေါက်တွေမှာ အဆီပိုတွေ၊ ဆဲလ်သေတွေနဲ့ ဘက်တီးရီးယားတွေ ပိတ်ဆို့နေခြင်းကြောင့် အဖြစ်များတဲ့ အရည်ပြား ပြဿနာတစ်ခုပါ။ မျက်နှာ၊ ရင်ဘတ်နဲ့ ကျောမှာ နီရဲနေတဲ့ ဝက်ခြံတွေပုံစံမျိုး ပေါက်လေ့ရှိပါတယ်။ ရှားစောင်းလက်ပတ်ဟာ ဝက်ခြံတွေအတွက် လူကြိုက်များဆုံးနဲ့ ရှေးအကျဆုံးဆေးတစ်မျိုးပါပဲ။ သူက ဝက်ခြံကိုကုသပေးရုံမကဘဲ အပူလောင်တာ ၊ နေလောင်တာစတာတွေကို ကုသပေးနိုင်ပြီး ၊ အသေးစားထိခိုက်ဒဏ်ရာရရှိမှုတွေကိုပါ သက်သာပျောက်ကင်း စေနိုင်ပါတယ်။ သူဟာ cactus-like မျိုးနွယ်ထဲကအပင်တစ်မျိုးဖြစ်ပြီး သူ့အရွက်မှာ ကြည်လင်စေးပျစ်တဲ့အနှစ်တွေပါပါတယ်။ ဒီအနှစ်တွေကို ဒဏ်ရာရှိတဲ့နေရာတွေမှာလိမ်းပေးခြင်းအားဖြင့် အရည်ပြားပြဿနာတွေကို ပိုမိုလျင်မြန်စွာ ပျောက်ကင်းစေနိုင်ပါတယ်။ ရှားစောင်းလက်ပက်မှာ anti-bacterial, anti-inflammatory, astringent, pain inhibitor (နာကျင်မှုကိုလျှော့ချပေးသော) စတဲ့ ဂုဏ်သတ္တိတွေအပြင် အမာရွတ်ကိုလျှော့ချပေးပြီး ဆဲလ်တွေရဲ့ကြီးထွားမှုကိုအားပေးကာ ဝက်ခြံကို သဘာဝကျပြီး ထိရောက်မှုရှိရှိ ပျောက်ကင်းစေနိုင်တဲ့ […]

ဝက်ခြံပျောက်ဖို့ ပျားရည်ကိုဘယ်လိုအသုံးချကြမလဲ ..... ဝက်ခြံတွေဆိုတာ အရေပြားပေါ်မှာရှိတဲ့ မွေးညှင်းပေါက်တွေနဲ့ အဆီထုတ်ပေးနိုင်တဲ့ ဂလင်းတွေ ရောင်ရမ်းတတ်တဲ့ အရေပြားရောဂါတစ်မျိုးပါ။ အရေပြားပေါ်မှာအထူးသဖြင့် မျက်နှာပေါ်မှာ ဝက်ခြံဖုတွေနဲ့ ပြည်ဖုလေးတွေ ပေါက်လာတာကိုခေါ်ပါတယ်။ ပျားရည်ဟာ နည်းလမ်းပေါင်းများစွာနဲ့ ဝက်ခြံတွေဖြစ်မလာအောင် သေချာပေါက် ကာကွယ်ပေးနိုင်ပါတယ်။ ပျားရည်ဆိုတာ ဝက်ခြံတေ ွပျောက်စေရုံသာမကဘဲ အခြားအလှအပပြဿနာတွေကိ ုဖြေရှင်းပေးနိုင်တဲ့ သဘာဝရဲ့ လျှို့ဝှက်အလှကုန်ပစ္စည်းတစ်ခုပါပဲ။ သူ့မှာ သဘာဝပိုးသတ်နိုင်တဲ့ အာနိသင်၊စေးကပ်ကပ်သဘာဝ၊ဓါတ်တိုးဆန့်ကျင်ဂုဏ်သတ္တိ၊ ရောင်ရမ်းခြင်းမဖြစ်စေတဲ့အရာ၊ မရှိမဖြစ်လိုအပ်တဲ့ ဗီတာမင်နဲ့ သတ္တုဓါတ်တွေ ၊ အစိုဓါတ်ဖြည့်ပေးနိုင်စွမ်း၊ ရေဆွဲနိုင်စွမ်း (osmotic effect)နဲ့ လျင်မြန်စွာ ကုသပေးနိုင်တဲ့ အစွမ်းသတ္တိတွေ ပါဝင်ပါတယ်။ ဒီအရာတွေက ဝက်ခြံကုသရာမှာအခြားအရာတွေထက် ပိုပြီးထိရောက်လျင်မြန်စွာနဲ့ သဘာဝကျကျ အကျိုးရှိရှိ ကုသပေးနိုင်ပါတယ်။ ဝက်ခြံတွေကုသနိုင်ဖို့ ပျားရည်ကဘယ်လိုလုပ်ဆောင်ပေးသလဲ။ ပျားရည်ဟာ ဝက်ခြံဖြစ်စေတဲ့ ဘက်တီးရီးယားတွေကိုသတ်ပေးတဲ့ သဘာ၀ ပိုးသတ်ဆေးအဖြစ် လုပ်ဆောင်ပေးပါတယ်။ […]