အမျိုးသားကျန်းမာရေးဆိုင်ရာများ

အမျိုးသားများ လျစ်လျူမရှုသင့်တဲ့ ကျန်းမာရေးလက္ခဏာများ က ဘာတွေ ဖြစ်မလဲ။ အမျိုးသမီးတွေနဲ့ ယှဉ်လိုက်တဲ့အခါ အမျိုးသားတွေဟာ ကျန်းမာရေးပြဿနာ တစ်စုံတစ်ရာ ရှိနေတဲ့တိုင်အောင် ဆရာဝန်နဲ့ သွားရောက်ပြသခြင်းမရှိတာကို တွေ့ရပါတယ်။ နှစ်စဉ်ကျန်းမာရေး စစ်ဆေးမှုများ မပြုလုပ်ခြင်း၊ အချို့သော ကျန်းမာရေးလက္ခဏာများကို လျစ်လျူရှုခြင်း၊ လိုအပ်သည့်အခါမှာလည်း ကျန်းမာရေးစောင့်ရှောက်မှု ခံယူရန် လက်တွန့်ခြင်းကြောင့် မလိုအပ်ဘဲ ရောဂါဒဏ်ကို ပိုခံရတဲ့အပြင် အသက်ဆုံးရှုံးမှုလည်း ပိုဖြစ်နိုင်ပါတယ်။ ဒီဆောင်းပါးမှာတော့ အမျိုးသားများ လုံးဝမပေါ့ဆသင့်တဲ့ ကျန်းမာရေးလက္ခဏာများကို ပြောပြသွားမှာဖြစ်ပြီး ဒီလက္ခဏာတွေထဲက တစ်ခုခုကို ကိုယ်အမြဲ ကြုံတွေ့ခံစားနေရတယ်ဆိုရင် အချိန်မဆွဲဘဲ ဆရာဝန်နဲ့ အမြန်ဆုံး ပြသကြည့်ဖို့ တိုက်တွန်းလိုက်ချင်ပါတယ်။ အမျိုးသားများ လျစ်လျူမရှုသင့်တဲ့ ကျန်းမာရေးလက္ခဏာများ အမျိုးသားများ လျစ်လျူမရှုသင့်တဲ့ ကျန်းမာရေးလက္ခဏာများ ကတော့ ၁။ အသက်ရှူမဝခြင်း၊ ရင်ဘတ်အောင့်ခြင်း ရင်ဘတ်အောင့်တယ်၊ အသက်ရှူမဝဘူးဆိုတာ ပုံမှန်ကျန်းမာနေတဲ့ သူတစ်ယောက်မှာ မတွေ့ရတဲ့ လက္ခဏာပါ။ […]

လူမှန်ရင် ကျန်းမာရေးပြဿနာနဲ့ မကင်းဝေးနိုင်ကြသလို အမျိုးသားများသည်လည်း ထိုနည်းတူပါပဲ။ အမျိုးသမီးတွေနဲ့ ကွာသွားတဲ့အချက်က အမျိုးသားတွေဟာ သူတို့ ဖြစ်နေတဲ့ ပြဿနာတွေ၊ ခံစားနေရတဲ့ ဝေဒနာတွေကို သိပ်ပြီး ဖွင့်ထုတ်ပြသလေ့မရှိဘဲ ရေငုံနှုတ်ပိတ် နေတတ်ကြတဲ့ ကိစ္စပါ။ ဒီအချက်ကြောင့်လည်း အမျိုးသားတွေဟာ အမျိုးသမီးများထက် တကယ်တမ်း ကျန်းမာရေးပြဿနာ ကြုံလာရတဲ့အခါ ပိုကုသရခက်ပြီး အသက်ဆုံးရှုံးနိုင်ခြေ ပိုများတတ်ပါတယ်။ အမျိုးသားများ အကြောက်ဆုံး ကျန်းမာရေးပြဿနာတွေက ဘာတွေဖြစ်မလဲ။ ဒီကျန်းမာရေးပြဿနာတွေဟာ ကိုယ်တိုင် သို့မဟုတ် ကိုယ့်အနီးပတ်ဝန်းကျင်မှာ ကြုံတွေ့နေရတာကို မြင်တွေ့၊ ကြားသိပြီး ကြောက်တဲ့စိတ်တွေ တိုးလာတတ်ကြတာပါ။ အမျိုးသားတိုင်း ဒီပြဿနာတွေ ဖြစ်လိမ့်မယ်လို့ ဆိုလိုတာမဟုတ်ပေမဲ့ အများစုကတော့ ဒီပြဿနာတွေကို မလွဲမသွေ တွေ့ကြုံရနိုင်ပါတယ်။ ၁။ ဆီးကျိတ်နဲ့ဆိုင်တဲ့ ပြဿနာများ အသက်အရွယ်ကြောင့် အမျိုးသားအများစု မလွှဲမသွေ ကြုံရတတ်တဲ့ ပြဿနာတွေထဲက တစ်ခုပါ။ ဆီးကျိတ်ကြီးခြင်း သို့မဟုတ် […]

အမျိုးသားတွေဟာ လိင်မှုရေးရာကိစ္စတွေနဲ့ ပတ်သက်လာရင် လွန်ကဲစွာ စွဲလမ်းနှစ်ခြိုက်တတ်ကြပြီး လိင်စိတ် လွန်ကဲတတ်ကြတယ်လို့ လူအတော်များများက ထင်ထားကြပါတယ်။ စာအုပ်တွေ၊ ရုပ်ရှင်တွေနဲ့ တီဗီအစီအစဉ်တွေမှာ ပါဝင်တဲ့ အကြောင်းအရာတွေ၊ ဇာတ်ဝင်ခန်းတွေမှာ အမျိုးသားတွေရဲ့ လိင်စိတ် လွန်ကဲမှုကို ဖော်ပြထားတတ်ကြပါတယ်။ အမျိုးသမီးတွေကိုကျတော့ စိတ်ကူးယဉ်ဆန်ပြီး အချစ်တစ်ခုတည်းကိုသာ တပ်မက်ကြသလို ရိုက်ကူးထားတာကို တွေ့နိုင်ပါတယ်။ တကယ့်လက်တွေ့မှာ အမျိုးသားတို့ရဲ့ လိင်စိတ် ဆိုတာ ကရော ဘယ်လိုရှိမလဲ။ အမျိုးသားတို့ရဲ့ လိင်စိတ် ဆိုတာ အမျိုးသားတွေရဲ့ လိင်စိတ်က လွန်ကဲတယ်လို့ ဖော်ပြယူဆထားကြတာဟာ အမှန်တရားလား။ ကဲ အောက်မှာ ထင်မြင်ယူဆချက်အချို့ကို ဖြေရှင်းချက်တွေနဲ့တကွ ကြည့်လိုက်ကြရ အောင်။ (၁)  အမျိုးသားတွေဟာ အချိန်ပြည့်လိင်ကိစ္စကို တွေးတောနေတတ်တယ်။ အမေရိကန်နိုင်ငံ အိုဟိုင်းရိုးပြည်နယ်က လေ့လာချက်တစ်ခုကို ပြုလုပ်ခဲ့ပါတယ်။ လေ့လာချက်အရ ငယ်ရွယ်တဲ့အမျိုးသားတစ်ယောက်ဟာ တစ်နေ့မှာ လိင်မှုကိစ္စအကြောင်းကို ၁၉ ကြိမ်လောက် […]

စင်ဂယ်ဖေဖေ (Single Father) တစ်ယောက်ဖြစ်ရတာ မလွယ်ကူလှပါဘူး။ စားဝတ်နေရေးအတွက် နေ့စဉ်လုပ်ငန်းဆောင်တာ အလုပ်တာဝန်ဝတ္တရားတွေကို ဆောင်ရွက်ရင်း ရင်သွေးလေးတွေကိုလည်း ကောင်းမွန်စွာ ကြီးပြင်းလာအောင် ထိန်းကျောင်းရတယ်ဆိုတာ ခက်ခဲတဲ့ ကိစ္စတွေပါ။ Single Father တစ်ယောက်အနေနဲ့ ဘဝကို ဘယ်လို ဖြတ်သန်းမလဲ ဆိုတာကို ပြောပြပေးချင်ပါတယ်။ အထူးသဖြင့် အမျိုးသားတစ်ယောက် ကလေးထိန်းတယ်ဆိုတာ အမျိုးသမီးတွေထက်တော့ ပိုပြီး ကသီလင်တ နိုင်နိုင်တယ်မဟုတ်လား။ ကိုယ့်ရဲ့ နေ့စဉ်လုပ်ငန်းခွင်ထဲက အလုပ်တွေအကြောင်းကို ခရေစေ့တွင်းကျ နားလည်တတ်ကျွမ်းနေတတ်ပေမယ့် သားသမီးကို ဘယ်လို ပြုစုယုယရမယ်ဆိုတာမျိုးကိုတော့ ဖေဖေတို့ တတ်ကျွမ်းနားလည်ဖို့ ခက်ခဲနေတတ်ပါတယ်။ စင်ဂယ်ဖေဖေ တစ်ယောက်ဖြစ်လာပြီဆိုရင် မိသားစုတာဝန်တွေ၊ သားသမီးအရေးကိစ္စတွေ၊ လုပ်ငန်းခွင်ဖိအားတွေနဲ့ ပိုပြီး စိတ်ပင်ပန်းနေရတတ်ပါတယ်။ ဒီစာစုလေးမှာတော့ စင်ဂယ်ဖေဖေ တွေ စိတ်ဖိစီးမှုမများပဲ နေ့စဉ်ဘဝမှာ စနစ်တကျစီမံခန့်ခွဲရင်း သားသားမီးမီးတွေနဲ့ ပျော်ရွှင်စွာဖြတ်သန်းနိုင်စေမယ့် နည်းနာတွေကို မျှဝေပေးချင်ပါတယ်။ Single […]

ပုံမှန် ကျန်းမာနေတဲ့ အမျိုးသားတစ်ယောက် လက်နဲ့ အာသာဖြေပြီး၊ လိင်ဆက်ဆံပြီးနောက် ဆန္ဒအထွတ်အထိပ်ကို ရောက်သွားတဲ့အခါ (Orgasm) ခေါင်းမူးသလို၊ မိုက်ကနဲ လဲချင်သလို ဖြစ်တာမျိုး ကြုံရတတ်ပါတယ်။ အမြဲတမ်းတော့ မဟုတ်တတ်ပါဘူး။ ဒီကိစ္စနဲ့ပတ်သက်ပြီး တိကျမှန်ကန်တဲ့ အကြောင်းရင်းကို ရှာဖွေနိုင်ခြင်း မရှိသေးပေမယ့် ဖြစ်နိုင်ခြေများတဲ့ အကြောင်းရင်းတွေကိုတော့ ဒီဆောင်းပါးမှာ ဖော်ပြပေးချင်ပါတယ်။ တစ်ခုခုဆို သုက်လွှတ်ပြီးမှ ခေါင်းမူးလာလို့ ဘာလုပ်ရမှန်းမသိ ဖြစ်နေတဲ့ ပုရိသတွေလည်း အဖြေရှာရလိမ့်မယ်လို့ မျှော်လင့်မိပါတယ်။ အမျိုးသားများ သုက်လွှတ်ပြီးနောက် မူးဝေသလိုခံစားရခြင်း က ဘာကြောင့်လဲဆိုတာ အဖြေထုတ်ကြည့်လိုက်နော်။ အမျိုးသားများ သုက်လွှတ်ပြီးနောက် မူးဝေသလိုခံစားရခြင်း အမျိုးသားများ သုက်လွှတ်ပြီးနောက် မူးဝေသလိုခံစားရခြင်း ကို ဒါတွေက ဖြစ်စေတာပါ။ ၁။ ဆီးကျိတ်ကြီးဆေး သောက်နေရခြင်း BPH လို့ခေါ်တဲ့ ဆီးကျိတ်ကြီးတဲ့ အမျိုးသားတွေမှာ ဆီးသွားရလွယ်ကူအောင် သောက်ရတဲ့ ဆေးတွေ ရှိပါတယ်။ […]

အသောက်ဆရာကြီးတို့ ဘာလို့ ရုပ်ရင့်လာရတာလဲ ..... မယုံမရှိနဲ့နော်။ အရက် သို့မဟုတ် ဘီယာ ခဏခဏသောက်တာ ဆက်တိုက် ဖြစ်လာပြီဆို ကိုယ့်မျက်နှာကို မှန်ထဲ သေချာကြည့်ပါ။ အရင်ကနဲ့ ဓာတ်ပုံတွေ ပြန်ယှဉ်ကြည့်ပါ။ သောက်ခဲ့တဲ့ ပမာဏ နဲ့ သက်တမ်း ကို မူတည်ပြီး အနည်းဆုံးတော့ အသားအရေ ပိုညစ်လာပါလိမ့်မယ်။ နောက်တစ်ဆင့် အနေနဲ့ အသားက ပွယောင်းယောင်း ဖြစ်မယ်၊ ဗိုက်လေး စူထွက်လာမယ်၊ တဖြည်းဖြည်းနဲ့ ရှိရင်းစွဲ အသက်အရွယ် ထက် ပိုရင့်ရော်လာပါမယ်။ အသောက်ဆရာကြီးတို့ ဘာလို့ ရုပ်ရင့်လာရတာလဲ အသောက်ဆရာကြီးတို့ ဘာလို့ ရုပ်ရင့်လာရတာလဲ ဆိုတော့ အရက်ကြောင့် ပေါ့။ အရက် ဆိုတာ ဘီယာ၊ ဝီစကီ၊ ဝိုင် နဲ့ ဗော့ကာ စတဲ့ အယ်လ်ကိုဟော ပါသမျှ သောက်စရာ […]

ကိုယ့်လူတို့ရေ… ကိုယ်အသက်အရွယ်လေး ရလာတဲ့အခါ “သိပ်အရွယ်တင်တာပဲ၊ လူငယ်လေး အတိုင်းပဲနော်” ဆိုတဲ့ မှတ်ချက်စကားကို ကြားချင်သလား။ ဒါမှမဟုတ် ကိုယ့်အသက်လည်း မကြီးသေးဘဲ “ဟယ် ငယ်ငယ်လေးနဲ့ ရုပ်ရင့်လိုက်တာ၊ မထင်ရဘူးနော်” ဆိုတဲ့ စကားမျိုး ကိုယ့်နားထဲ နားဝင်ချိုနိုင်ပါ့မလား။ ဒီလို မကြားချင်ဘူးဆို အမျိုးသားတွေအတွက် အရွယ်မတိုင်မီရင့်ရော်မှုကို တားဆီးပေးနိုင်မယ့်နည်းလမ်း လေးတွေ လေ့လာထားလိုက်ပါတော့။ အမျိုးသားတွေအတွက် အရွယ်မတိုင်မီရင့်ရော်မှုကို တားဆီးပေးနိုင်မယ့်နည်းလမ်း (၅) သွယ် အမျိုးသားတွေအတွက် အရွယ်မတိုင်မီရင့်ရော်မှုကို တားဆီးပေးနိုင်မယ့်နည်းလမ်း တွေကတော့ (၁) ဗီတာမင် တွေ ပြည့်ဝအောင် စားသုံးပါ အစားမရွေးတတ်တဲ့ ကိုယ့်လူတွေအတွက်တော့ အဆင်ပြေပေမယ့် ဟိုလိုဆို မစား၊ ဒါဆိုလည်း မကြိုက်နဲ့ ကြေးထူတတ်တဲ့ သူတွေအတွက် ရုပ်ပိုရင့်စေမယ့် အချက်ပါ။ ဗီတာမင် စီ၊ ဗီတာမင် အီး၊ ဗီတာမင် အေ စတာတွေက အရွယ်တင်နုပျိုစေဖို့ […]

အမျိုးသားတစ်ယောက်ရဲ့ အတွင်းစိတ်ထဲက တောင့်တမှုတွေထဲမှာ အိပ်ရာပေါ်မှာ စွမ်းဆောင်ရည်ကောင်းပြသနိုင်ဖို့ကလည်း တစ်ခုအပါအဝင်ပါပဲ။ ဘယ်အချိန်မှာမဆို တစ်ဖက်သား ကျေနပ်သွားအောင် စွမ်းဆောင်ပြနိုင်ဖို့ အမျိုးသားတိုင်းက မျှော်လင့်ကြပါတယ်။ ဒါပေမယ့် လူတိုင်းတော့ ဆန္ဒပြည့်ဝကြတယ်လို့တော့ မဟုတ်ပါဘူး။ အဓိက အကြောင်းပြချက်ကတော့ မြင့်မားလှတဲ့ မျှော်လင့်ချက်ကြောင့်ပါပဲ။ မျှော်မှန်းချက်မြင့်မြင့်မားမားထားရှိနေတာမို့ အဲ့ဒီမျှော်မှန်းချက်ကပဲ စိုးရိမ်စိတ်ကို ပြန်ဖြစ်စေတာပါပဲ။ ဒီလိုပြဿနာမျိုးကို အိပ်ရာပေါ်မှာ မကြာခဏ ကြုံဆုံရလေ့ရှိပါတယ်။ ဒီကိစ္စမျိုးက အတွေ့အကြုံရှိသူရော မရှိသူပါ ကြုံရနိုင်တဲ့ ပြဿနာမျိုးဖြစ်ပါတယ်။ ငါလုပ်နိုင်ပါ့မလား၊ ငါအဆင်ပြေပါ့မလား၊ ပုံမှန်စွမ်းဆောင်ရည်မျိုး ပြနိုင်ပါ့မလားဆိုတာတွေကို တွေးပူရင်း ကိစ္စပြီးမြောက်ဖို့ အခက်တွေ့ကုန်ကြတော့တာပါပဲ။ လိင်ဆက်ဆံရာမှာ အဓိကအကျဆုံး အစိတ်အပိုင်းက ဘယ်အရာလဲလို့ မေးမြန်းတဲ့အခါ လူတိုင်းက လိင်အင်္ဂါအစိတ်အပိုင်းတွေကိုသာ လက်ညှိုးညွှန်ကြမှာပါ။ ဒါပေမယ့် တကယ်တမ်းအရေးအကြီးဆုံးက ဦးနှောက်ဖြစ်ပါတယ်။ ဦးနှောက်ရဲ့ မောင်းနှင်အားက ဒီဖြစ်ရပ်တစ်ခုလုံးရဲ့ အသက်ပါပဲ။ စိတ်အားထက်သန်မှု၊ ယုံကြည်မှုမပြည့်ဝဘူးဆိုရင် သင်စွမ်းဆောင်ချင်သလိုမျိုးဖြစ်လာဖို့ မမျှော်လင့်ပါနဲ့။ ဒီပြဿနာကို ဖြေရှင်းဖို့ဆိုရင် အိပ်ရာပေါ်မှာ […]

သုက်ပိုးနဲ့ ပတ်သက်တဲ့ အလွဲလေးတချို့ သိပြီးကြပြီလား ...... သုက်ပိုးဆိုတာ အမျိုးသားတွေရဲ့ ဝှေးစေ့အတွင်းမှာ တည်ရှိပါတယ်။ လိင်ဆက်ဆံပြီးချိန်၊ အာသာဖြေပြီးချိန် သုက်ရည်နဲ့အတူ သုက်ပိုးတွေပါ ပါသွားပြီး မမျိုးဥနဲ့ ပေါင်းစပ်ကာ သန္ဓေတည်စေပြီး ကိုယ်ဝန်ရစေပါတယ်။ အမျိုးသားတစ်ယောက် တစ်ကြိမ် သုက်လွှတ်တဲ့အခါ သုက်ပိုးပေါင်း သန်းနဲ့ချီ ပါသွားပြီး သုက်ပိုး တစ်ကောင်တည်းကသာ မမျိုးဥနဲ့ ပေါင်းစပ်တာပါ။ ဒီဆောင်းပါးမှာတော့ လိင်ကျန်းမာရေးနဲ့ပတ်သက်ပြီး သိထားတဲ့ အလွဲတွေထဲမှာမှ သုက်ပိုးနဲ့ ပတ်သက်တဲ့ အလွဲလေးတချို့ကို ပြောပြပေးချင်ပါတယ်။ သုက်ပိုးနဲ့ ပတ်သက်တဲ့ အလွဲလေးတချို့ သုက်ပိုးနဲ့ ပတ်သက်တဲ့ အလွဲလေးတချို့ ကတော့ ၁။ သုက်ပိုးဟာ မမျိုးဥဆီသို့ တည့်တည့်ပြေးတဲ့ အလွဲ ယောက်ျားလေးတစ်ယောက် မိန်းမကိုယ်အတွင်း သုက်လွှတ်လိုက်တဲ့အခါ သုက်ရည်ထဲမှာ ရှိတဲ့ သုက်ပိုးတွေဟာ မမျိုးဥဆီကို အပြိုင်ကူးခတ်တာ မှန်ပေမယ့် သုက်ပိုးတိုင်းက တည့်တည့်သွားတာမျိုး မဟုတ်ပါဘူး။ မြွေလိမ်မြွေကောက် […]

အမျိုးသမီးတွေကတော့ သဘာဝအရ အသက်၅၀လောက်ဆို သွေးဆုံးသွားကြပါပြီ။ ဒါက အမျိုးသမီးတိုင်း မလွဲမသွေ တွေ့ရတဲ့ ကိစ္စပါ။ အမျိုးသားတွေရော သွေးဆုံးတယ်လို့ ကြားဖူးပါသလား။ သိပ်မရင်းနှီးတော့ အမျိုးသားတွေလည်း သွေးမဆုံးတတ်ဘူးလို့ ထင်မှာပါ။ တကယ်တော့ အမျိုးသားတွေလည်း သွေးဆုံးတတ်ပါတယ်။ ဒါပေမယ့် အမျိုးသားတိုင်းတော့ မဟုတ်ပါဘူး။ ဖြစ်လေ့ရှိတဲ့ ကျန်းမာရေးကိစ္စမို့လို့ သွေးဆုံးတဲ့အခါ အမျိုးသားတွေ  ဘာတွေခံစားရနိုင်လဲဆိုတာ ပြောပြပေးပါမယ်။ အမျိုးသားတွေ သွေးဆုံး နိုင်သလား ဆိုတာ အတူတူ ကြည့်လိုက်ရအောင်နော်။ အမျိုးသားတွေ သွေးဆုံး နိုင်သလား အမျိုးသမီးတွေမှာ သွေးဆုံးတာက menopauseဆိုရင် အမျိုးသားတွေမှာက andropauseလို့ခေါ်ပါတယ်။ အမျိုးသားတွေမှာ အသက်ကြီးလာတာနဲ့အမျှ ဟော်မုန်းတွေက ပြောင်းလဲလာပါတယ်။ အမျိုးသားတွေမှာ အသက်၅၀ကျော်လာတာနဲ့အမျှ တက်စတိုစတီရုန်းပမာဏက လျော့နည်းလာပါတယ်။ အမျိုးသားတွေမှာ တက်စတိုစတီရုန်းကို ဝှေးစေ့ကနေ ထုတ်ပေးတာပါ။ သူက အမျိုးသားတွေရဲ့ လိင်စိတ်ဆန္ဒအတွက်ပဲ မဟုတ်ပါဘူး။ […]