ကျန်းမာလှပ အသက်ရှည်ဖို့ ညဘက်ကို စောစောအိပ်ရာဝင်ကြစို့

ဆေးပညာပိုင်းဆိုင်ရာတည်းဖြတ်သူ | ရေးသားသူ

ရေးသား ထုတ်ဝေခဲ့သည် ဇူလိုင် 31, 2020 . 2 mins read
Share now

အမြဲတမ်း အိပ်ချိန်ပြည့်ဝအောင် အိပ်ရမယ့် အကြောင်း ပြောနေခဲ့တာဆိုတော့ ဒီတစ်ခေါက်မှာ အိပ်ရာစောစောဝင်ဖို့ ဘာလို့ အရေးကြီးလဲဆိုတာကို ပြောပြပေးချင်ပါတယ်။ ဘဝမှာ အကြွေးတင်ပြီး ပြန်မရတော့တဲ့အထဲမှာ အိပ်ချိန်ဟာလည်း တစ်ခုအပါအဝင်ပါပဲ။ အိပ်ချိန်မှန်မှ ကျန်းမာမယ်၊ အိပ်ချိန်ပြည့်မှ နောက်နေ့မှာ လူက လန်းလန်းဆန်းဆန်း ဖြစ်ပြီး အလုပ်တွေကို အားကြိုးမာန်တက် လုပ်ကိုင်နိုင်မှာပေါ့။

ဒီနေရာမှာ နောက်ထပ် ပြောဖို့ လိုလာတာတစ်ခုက အိပ်စက်တဲ့ အချိန်ပါ။ ခုနောက်ပိုင်းမှာ လူငယ်တွေရော၊ လူကြီးတွေပါ ညအိပ်ချိန်မမှန်တော့ပါဘူး။ ညဘက်ကို သန်းခေါင် ၁၂ နောက်ပိုင်းမှပဲ အိပ်လာကြတဲ့သူတွေလည်း အရမ်းကို များလာပါတယ်။ အခုက Covid-19 ကပ်ဘေးကာလဖြစ်လို့ ဒီရန်ကို စိုးရိမ်ပူပန်နေရတာလည်း ပါမှာပေါ့။

တကယ်တော့ ကိုယ်စတင်အိပ်စက်တဲ့အချိန်ဟာ သန်းခေါင် ၁၂ ထက် လုံးဝနောက်ကျတာမျိုး မဖြစ်သင့်ပါဘူး။ တစ်နေ့လုံး လူက အလုပ်လုပ်ပြီး ပင်ပန်းသလိုပဲ ကျွန်တော်တို့ ကိုယ်ခန္ဓာထဲမှာ ရှိတဲ့ ကိုယ်တွင်းအင်္ဂါတွေကလည်း အားနည်းနေပါပြီ။ ဒီလိုအချိန်မှာ ကျွန်တော်တို့က အနားမယူဘဲ အလုပ်ဆက်လုပ်နေမယ်ဆိုရင် ဒီကိုယ်တွင်းအင်္ဂါတွေက အားနည်းပြီး ဆုတ်ယုတ်ပျက်စီးလာတော့မှာပါ။ ဒီအတွက် အိပ်ချိန်မှန်ဖို့လည်း လိုသလို စောစောအိပ်ဖို့ဟာလည်း အရေးကြီးပါတယ်။

စောစောအိပ်ခြင်းဟာ အလှအပတစ်ခုတည်းအတွက်လား။

အိပ်ချိန်ဟာ အလှအပအတွက်လည်း အရေးကြီးသလို အသက်အရွယ်မရွေး လူတိုင်းရဲ့ ကျန်းမာရေးအပေါ်မှာလည်း တိုက်ရိုက်သက်ရောက်မှု ဖြစ်စေပါတယ်။

အလှအပရှုထောင့်ကနေ ကြည့်မယ်ဆိုရင် စောစောအိပ်စက်ခြင်းဟာ

အသားအရေကို လှပစေတယ်
• အသားအရေကို ဖြူစင်ဝင်းပလာစေတယ်
အိုမင်းရင့်ရော်ခြင်းကို နှေးကွေးစေပြီး အရေးအကြောင်းတွေကို လျော့ပါးစေတယ်
• မျက်အိတ်တွဲတာ၊ မျက်ကွင်းညိုတာကို သက်သာစေတယ်
နေလောင်ဒဏ်ကြောင့် အသားအရေပျက်စီးခြင်းမှ ကာကွယ်ပေးနိုင်ပါတယ်။

ကျန်းမာရေး ရှုထောင့်မှ စောစောအိပ်စက်ခြင်းဖြင့်

၁။ နှလုံးကျန်းမာစေပြီး သွေးပုံမှန်စီးဆင်းလည်ပတ်စေတယ်။ ရင်ပူတာ၊ နှလုံးအမောဖောက်တာ၊ ရုတ်တရက် တက်တာတွေဟာ အိပ်ချိန်မမှန်တဲ့သူတွေမှာ အရမ်း အဖြစ်များတာကြောင့် စောစောအိပ်စက်ခြင်းဖြင့် ဒီလိုပြဿနာတွေ ကြုံရနိုင်ခြေကို လျော့နည်းစေပါတယ်။

၂။ စောစီးစွာ အိပ်စက်တဲ့အခါ သန်းခေါင်ယံလောက်မှာ အိပ်နေရင်းနဲ့ ခန္ဓာကိုယ်ကနေ မယ်လတိုနင်ဟော်မုန်း (Melatonin) တွေ ထုတ်လုပ်ပေးပါတယ်။ ဒီဟော်မုန်းတွေဟာ ခန္ဓာကိုယ်ထဲမှာ ရှိနေတဲ့ ကင်ဆာဆဲလ်တွေကို တိုက်ထုတ်ပေးသလို ပြန့်ပွားနှုန်းကိုလည်း နှေးကွေးစေပါတယ်။ အထူးသဖြင့် ညဘက်ကို စောစောအိပ်ခြင်းဖြင့် အူမကြီးကင်ဆာ၊ ရင်သားကင်ဆာ အစရှိတဲ့ ကင်ဆာရောဂါအချို့ကို ကာကွယ်ပေးရာလည်း ရောက်ပါတယ်။

၃။ စိတ်ညစ်တဲ့အချိန်တင်မက အိပ်ရေးမဝတဲ့အခါမှာပါ လူတွေရဲ့ ဦးနှောက်က စိတ်ဖိစီးမှုကို ခံစားရပါတယ်။ ဒီအတွက် ညဘက်တွေကို စောစောအိပ်စက်အနားယူခြင်းဖြင့် စိတ်ဖိစီးမှုတွေကို လျော့ကျသွားစေနိုင်သလို ဦးနှောက်ကိုလည်း အနားပေးလိုက်တဲ့အတွက် မနက်နိုးထလာတဲ့အခါ လူက လန်းလန်းဆန်းဆန်း ဖြစ်နေပြီး အားအင်ပြည့်ဝနေမှာပါ။

၄။ အိပ်စက်ခြင်းဟာ ဦးနှောက်ကို အနားပေးတာဖြစ်လို့ ရေရှည်မှာလည်း မှတ်ဉာဏ်လျော့ပါးခြင်းကို ကာကွယ်ပေးနိုင်ပါတယ်။ အထူးသဖြင့် ဦးနှောက်အာရုံကြော ချို့ယွင်းမှုကြောင့် ဖြစ်တဲ့ အယ်လ်ဇိုင်းမားရောဂါ ဖြစ်နိုင်ခြေကိုလည်း လျှော့ချပေးနိုင်ပါတယ်။

၅။ ကိုယ်အလေးချိန် တက်ချင်သူတွေအတွက်ရာ၊ ကျချင်တဲ့သူတွေအနေနဲ့ပါ ညအိပ်ချိန်ကို သေချာဂရုစိုက်ဖို့ လိုပါတယ်။ ခန္ဓာကိုယ်အချိုးအစားအလိုက် ဇီဝကမ္မ ဖြစ်စဉ်ပြောင်းလဲမှု၊ ကယ်လိုရီ လောင်ကျွမ်းမှုတွေဟာ တစ်ယောက်နဲ့ တစ်ယောက် မတူနိုင်တဲ့အတွက် ကိုယ်လိုချင်တဲ့ ကိုယ်အလေးချိန်ရဖို့ဆိုရင် ညဘက်ကို စောစောအိပ်ပေးတာ အကောင်းဆုံးပါပဲ။

၆။ စောစောအိပ်စက်တဲ့အခါ ကိုယ်ခန္ဓာတွင်းမှာရှိတဲ့ ဆဲလ်တွေကို ပြန်လည် ပြုပြင်ဖို့ အချိန်ပိုရသလို ပိုပြီးတော့လည်း မြန်ဆန်စေပါတယ်။ တစ်ချိန်လုံး အလုပ်လုပ်နေရတဲ့ ကိုယ်တွင်းအင်္ဂါတွေလည်း အရောင်ကျစေပြီး အနားရလို့ နောက်တစ်နေ့ နိုးထလာချိန်မှာ ဇီဝကမ္မ ဖြစ်စဉ်ကို လျင်မြန်စွာ ဖြစ်ပျက်ပြောင်းလဲစေနိုင်မှာပါ။

ဒါကို ကြည့်ခြင်းဖြင့် လူတစ်ယောက်က အိပ်ရေးဝဖို့လည်း လိုအပ်သလို စောစောအိပ်စက် အနားယူဖို့လည်း လိုတယ်ဆိုတာ သိမှာပါနော်။ အထူးသဖြင့် မနက်စောစော ရုံးတက်နေရသူတွေအတွက် ညဘက်ကို စောစောအိပ်ပေးမှသာ သတ်မှတ်ထားတဲ့ ညအိပ်ချိန် အနည်းဆုံး ၇နာရီကို ပြည့်ဝစွာ ရရှိနိုင်မှာပါ။ ဒီအတွက် ညဘက်တွေကို တီဗီဇာတ်လမ်းတွဲတွေ အကြာကြီး ကြည့်တာ၊ ဖုန်းဖွင့်ပြီး အင်တာနက်မှာ ပတ်ရှာတာမျိုး မလုပ်ဘဲ စောစောလေး အိပ်ကြည့်ဖို့ အကြံပေးလိုက်ပါတယ်။ အချိန်ခဏလေးအတွင်းမှာ ကိုယ့်ခန္ဓာကိုယ်က ကောင်းတဲ့ ပြောင်းလဲခြင်းတွေ ဖြစ်ပေါ်လာတာကို ကိုယ်တိုင် ခံစားတွေ့မြင်လာနိုင်မှာပါ။

Hello ဆရာဝန် ပရိတ်သတ်ကြီးလည်း ကျန်းမာပျော်ရွှင်ပြီး စိတ်ချမ်းသာစရာ ကောင်းတဲ့ ဘဝနေ့ရက်တွေကို ပိုင်ဆိုင်ရပါစေလို့ ဆုတောင်းပေးရင်း ဒီမှာပဲ နိဂုံးချုပ်လိုက်ပါတယ်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

Read also:

ဒီဆောင်းပါးက သင့်အတွက် အသုံးဝင်ပါသလား။
happy unhappy"

သင်ဒါလည်း နှစ်သက်နိုင်ပါတယ်။

ဆံသား ကျန်းမာစေဖို့ဆိုတာထက် ပိုအသုံးဝင်တဲ့ အုန်းဆီစစ်စစ်

အုန်းဆီကို စားစရာလို့ မြင်ခဲပေမယ့် စားကြည့်ရင် ကျန်းမာရေးအတွက် အကျိုးများသတဲ့။ အုန်းဆီလို့ ပြောလိုက်ရင် အလှအပအတွက် သုံးစရာတစ်ခုလို့ပဲ မြင်တတ်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ငရုတ်ပွ နဲ့ ကျန်းမာရေး

အစိမ်းကြော်လေးပဲ ကြော်ကြော်၊ အသားလေးနဲ့ပဲ နှပ်နှပ်၊ မွှေးပြီး စားလို့ ကောင်းတဲ့ ငရုတ်ပွကို ကြိုက်လား။ ငရုတ်ပွက အရောင်လှသလို ကျန်းမာရေးအတွက် ကောင်းပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ကလေးရှိတဲ့နေအိမ်မှာ အလုပ်လုပ်ရတာ မဖြစ်နိုင်တဲ့ကိစ္စတစ်ခုလား

ကလေး နေအိမ် အလုပ် လုပ်ငန်းခွင် စိတ်ဖိစီးမှု အလုပ်လုပ်ချင်စိတ် မိသားစု အလုပ်ချိန် ရုပ်ရှင် အနားယူ အလင်းရောင် အိပ်ခန်း ဆော့ကစား အိမ်အလုပ် ဝန်ထမ်း Covid-19

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat

နေအိမ်မှာအလုပ်လုပ်ခြင်းကို အကောင်းဘက်က ရှုမြင်ခြင်း

နေအိမ် အလုပ်လုပ် လုပ်ငန်းခွင် စိတ်ဖိစီးမှု လုပ်ငန်းခွင်ဖိအား ဝန်ထမ်း ကုမ္ပဏီ လုပ်ဖော်ကိုင်ဖက် ရုံး အနားယူ အထိုင်များ ဇက်ကြောတက် မိသားစု Covid-19

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat

သင့်အတွက် ရွေးချယ်ထားသည်

ဆိုရီရေးစစ် (psoriasis) အရေပြားပြဿနာရှိသူတွေအတွက် ကျန်းမာတဲ့ နေထိုင်နည်း

ဆိုရီရေးစစ် (psoriasis) အရေပြားပြဿနာရှိသူတွေအတွက် ကျန်းမာတဲ့ နေထိုင်နည်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် စက်တင်ဘာ 23, 2020 . 2 mins read
နှင်းခူရှိသူတွေအတွက် စားသောက်မှုပုံစံ

နှင်းခူရှိသူတွေအတွက် စားသောက်မှုပုံစံ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် စက်တင်ဘာ 23, 2020 . 2 mins read
နှင်းခူရှိသူ ကျန်းမာစေဖို့

နှင်းခူရှိသူ ကျန်းမာစေဖို့

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် စက်တင်ဘာ 23, 2020 . 1 min read

အိမ်မှာနေရင်း အသားအရေမပျက်စီးအောင် ဘယ်လိုထိန်းသိမ်းကြမလဲ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat
ရေးသား ထုတ်ဝေခဲ့သည် စက်တင်ဘာ 22, 2020 . 2 mins read