လေ့လာချက်တွေအရ ဦးနှောက်တွင်းက ဓာတုပစ္စည်းတွေ အပြောင်းအလဲဖြစ်လို့ မမှတ်မိတော့တာ ဖြစ်နိုင်သလို ဦးနှောက်တွင်းက နေရာလေးတွေ တစ်ယောက်နဲ့ တစ်ယောက် ဖွဲ့စည်းပုံ အနည်းငယ်ကွဲပြားလို့လည်း ဖြစ်နိုင်ပါတယ်။
နောက်ထပ် ယူဆချက်တစ်ခုကတော့ အိပ်မက်တွေကို အသေးစိတ် မှတ်မိနေရင် လက်တွေ့ဘဝနဲ့ ကင်းကွာသွားမှာစိုးလို့ ဦးနှောက်က အလိုအလျောက် မေ့ပစ်လိုက်တာလည်း ဖြစ်နိုင်ပါတယ်တဲ့။
အိပ်မက်တွေကို မမှတ်မိတာ ပုံမှန်ပဲလား
သဘာဝအရကို နိုးလာတာနဲ့ အိပ်မက်တွေက ဦးနှောက်ထဲကနေ တဖြည်းဖြည်း မှေးမှိန်သွားပါတယ်။ ဘာကြောင့်လဲဆိုတော့ အိပ်မက်မက်ရာမှာ ပါဝင်တဲ့ ဓာတုပစ္စည်းတွေက နိုးလာတာနဲ့ ပျောက်သွားလို့ပါ။ ဒါကြောင့် အိပ်မက်တွေကို သတိမရတာ ပုံမှန်ပါပဲ။
ဒါပေမဲ့ တစ်ခါတလေမှာတော့ အိပ်မက်တွေကို မမှတ်မိတာက တချို့သော ကျန်းမာရေးပြဿနာတွေနဲ့ ဆက်စပ်မှုရှိနေတာကို တွေ့ရပါတယ်။ ဥပမာ
အိပ်မက်အများစုက REM အဆင့်မှာ ဖြစ်တာဆိုတော့ အိပ်မက်မမက်ဘူး ဒါမှမဟုတ် လုံးဝသတိမရဘူးဆိုရင် REM အဆင့် မရှိလိုက်တာ ဖြစ်နိုင်ပါတယ်။ REMဆိုတာ လူတစ်ယောက် နှစ်နှစ်ခြိုက်ခြိုက် အိပ်ပျော်တဲ့ အဆင့်ဖြစ်တာကြောင့် ဒါမရှိရင် အိပ်ရေးမဝဘူးလို့ အကြမ်းအားဖြင့် ပြောလို့ ရပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။