အခြေခံကျန်းမာရေး

Circulation ဂျာနယ်မှာ ဖော်ပြခဲ့တဲ့ သုတေသနအသစ်တစ်ခုအရ လိင်ပြောင်းလဲဖို့ဟော်မုန်းဆေးတွေသောက်ခဲ့တဲ့သူတွေမှာ နှလုံးသွေးကြောနဲ့ဆိုင်တဲ့ရောဂါတွေဖြစ်နိုင်ခြေပိုများနိုင်တယ်လို့ သိရပါတယ်။ အရင်သုတေသနမှာတော့ဟော်မုန်းဆေးကုထုံးကို ခံယူခဲ့သူတွေမှာ နှလုံးသွေးကြောရောဂါဖြစ်နိုင်ခြေများစေတယ်လို့ဖော်ပြခဲ့ပါတယ်။ဥပမာNational Institutes of Health (NIH) ရဲ့လေ့လာမှုအရ အက်စထရိုဂျင်နဲ့ ပရိုဂျက်စတင်ဟော်မုန်းကုထုံးကြောင့်သွေးဆုံးပြီးအမျိုးသမီးတွေမှာလေဖြတ်နိုင်ခြေ ၄၁ ရာခိုင်နှုန်း၊ နှလုံးရုတ်တရက်ရပ်နိုင်ခြေ ၂၉ ရာခိုင်နှုန်းနဲ့သွေးကြောပိတ်နိုင်ခြေ ၁၀၀ ရာခိုင်နှုန်း ရှိတယ်လို့ ခန့်မှန်းထားပါတယ်။ အက်စထရိုဂျင်ဟော်မုန်းတစ်ခုတည်းနဲ့တင်လေဖြတ်နိုင်ခြေ ၃၉ ရာခိုင်နှုန်း၊သွေးကြောပိတ်နိုင်ခြေ ၄၇ ရာခိုင်နှုန်းရှိတယ်လို့NIH ကခန့်မှန်းပါတယ်။ဒီသုတေသနအသစ်မှာတော့ နယ်သာလန်နိုင်ငံ Amsterdam Universityဆေးပညာစင်တာမှ သုတေသီအဖွဲ့က ၁၉၇၂ ခုနှစ်နဲ့ ၂၀၁၅ ခုနှစ်အတွင်းဟော်မုန်းကုထုံးခံယူခဲ့တဲ့ ဒတ်ခ်ျလူမျိုး လိင်ပြောင်းလဲသူ ၃၈၇၅ ဦးရဲ့ဆေးမှတ်တမ်းတွေကို စစ်ဆေးလေ့လာခဲ့တာပါ။ လိင်ပြောင်းလဲတဲ့ အမျိုးသမီးတွေ လေဖြတ်အန္တရာယ်ပိုများ လိင်ပြောင်းအမျိုးသမီး(အမျိုးသမီးလိင်တူချစ်သူ) ၂၅၁၇ ဦးနဲ့ အမျိုးသားလိင်ပြောင်းလဲသူ(အမျိုးသားလိင်တူချစ်သူ) ၁၃၅၈ ဦးကိုလေ့လာခဲ့ပါတယ်။ အမျိုးသမီးတွေက ပျမ်းမျှအားဖြင့် အသက် […]

ညဘက်အိပ်ရာဝင်နောက်ကျပြီး မနက်လည်းနောက်ကျတတ်သူတွေကို အားပေးအားမြှောက်လုပ်ကြတဲ့စကားတစ်ခွန်းရှိတယ်။ ညဉ့်နက်တဲ့အထိ အလုပ်လုပ်သူ၊ ညဉ့်နက်တဲ့အထိ မအိပ်တဲ့သူတွေဟာ တီထွင်ဖန်တီးနိုင်စွမ်းပိုကောင်းကြတယ်ဆိုတာပါပဲ။ အနုပညာရှင်တွေ၊ အတွေးပညာရှင်၊ အိုင်ဒီယာထုတ်ရသူတွေဟာလည်း အိပ်စက်မှုစက်ဝန်း မမှန်ကန်ကြတာများတာကိုး။ညအိပ်နောက်ကျသူတွေဟာနေ့စဉ်လုပ်ဆောင်မှုတွေမှာ အဆင်မပြေဖြစ်စေနိုင်တဲ့ကျန်းမာရေးပြဿနာတွေ ရှိလာနိုင်တယ်လို့အရင်သုတေသနမှာဖော်ပြထားပါတယ်။ စားသောက်ပုံမမှန်ကန်၊ ကျန်းမာရေးနဲ့မညီ ဖြစ်လာနိုင်တဲ့အန္တရာယ်တွေထဲမှာ ဆီးချိုရောဂါလိုမျိုး ဇီဝကမ္မဖြစ်စဉ်နဲ့ဆိုင်တဲ့ရောဂါတွေပါဝင်ပါတယ်။ ယူကေ ဘာမင်ဟန်တက္ကသိုလ်ရဲ့သုတေသနအသစ်မှာတော့ ညအိပ်နောက်ကျသူတွေဟာ အလုပ်လုပ်နိုင်စွမ်းတွေ၊ အတွေးသစ်အိုင်ဒီယာသစ်ထုတ်နိုင်စွမ်းတွေမှာ မကောင်းတဲ့သက်ရောက်မှုတွေရှိလာနိုင်တယ်လို့တွေ့ရှိခဲ့ပါတယ်။"ကိုယ့်ခန္ဓါကိုယ်က မှတ်သားထားတဲ့အချိန်စက်ဝန်းနဲ့မကိုက်ညီတဲ့ အချိန်ဇယားမှာ အလုပ်ချိန်၊ကျောင်းချိန်အတွင်း စွမ်းဆောင်မကောင်းနိုင်ကြလို့ ရုန်းကန်ပင်ပန်းနေရသူတွေ အများကြီးရှိပါတယ်" လို့ဒေါက်တာဖေဆာချိုင်းစ်ကပြောပါတယ်။ သည်လေ့လာတွေ့ရှိမှုကိုSLEEPဂျာနယ်မှာဖော်ပြခဲ့ပါတယ်။ ဇီးကွက်တို့ရဲ့ ဦးနှောက်အလုပ်လုပ်ပုံ ဒီလေ့လာမှုမှာ ပါဝင်သူ ၃၈ဦးကိုသုတေသနအဖွဲ့က နှစ်ဖွဲ့ခွဲပြီး လေ့လာခဲ့တာပါ။ မနက်စောစောထသူ ၁၆ ဦးကတစ်စု၊ ညအိပ်နောက်ကျသူ ၂၂ ဦးက တစ်စုဖြစ်ပါတယ်။ ပျမ်းမျှအားဖြင့် နောက်ကျသူတွေက မနက် ၂နာရီခွဲမှာ အိပ်စက်ကြပြီး မနက်၁၀နာရီ ၁၅ မိနစ်လောက်မှာ အိပ်ရာထကြပါတယ်။ ပါဝင်သူတွေကို […]

ဖော်မလင်ထိုးထားတဲ့ငါးတွေ၊ ဖော်မလင် ထည့်ထားတဲ့ ကြက်သွေး ဘဲသွေးတွေကို ကျန်းမာရေးဝန်ကြီးဌာနက ပြင်းပြင်းထန်ထန် နှိမ်နင်းနေတဲ့ အကြောင်းတွေ သင်ကြားဖူးမှာပါ။ ကျန်းမာရေးဝန်ကြီးဌာန ကတောင် လိုက်သိမ်းတယ်ဆိုမှတော့ ဒီ ဖော်မလင်ပါတဲ့ အစားအသောက်တွေဟာ ကျန်းမာရေးကို တော်တော်ဒုက္ခပေးလို့ပေ့ါနော့။ ကျန်းမာရေးဝန်ထမ်းတွေသာ သိပေမယ့် သာမာန်ပြည်သူတွေ ဒီ ဖော်မလင်ပါတဲ့ အစားအသောက်တွေကရနိုင်တဲ့ ရောဂါတွေ မသိဘူးမဖြစ်ရလေအောင် ဒီဆောင်းပါးလေးကို ဖတ်ကြည့်စေချင်ပါတယ်။ အထူးသဖြင့် ဟင်းလျာတွေကို ဝယ်ယူ ပြင်ဆင်ချက်ပြုတ်နေရတဲ့ အိမ်ရှင်မတွေ ပိုပြီး သိထားသင့်ပါတယ်။ ။ ဖော်မလင်ဆိုတာဘာလဲ ။ ။ ဖော်မလင်ဆိုတာ ဓါတုပစ္စည်းတစ်မျိးဖြစ်ပြီး သူနဲ့ထိတွေ့တဲ့အရာတွေ မှန်သမျှ မပုပ်သိုးအောင် သူက ထိန်းထားပေးတာဖြစ်ပါတယ်။ ဒါတွေကို သိပ္ပံပညာရှင်တွေက ခန္ဓါဗေဓဆိုင်ရာ လေ့လာဖို့အတွက် လူသေတွေကို မပုပ်အောင် ဖော်မလင်စိမ်ရာကနေ စီးပွားရေး သမားတွေလက်ထဲရောက်ပြီး ခုလို အစားအသောက်တွေ […]

ကျန်းမာချင်ကြတာ လူတိုင်းပါပဲ။ ဘယ်လောက်ပဲ ချမ်းသာ ချမ်းသာ ကျန်းမာရေး မကောင်းရင် ကိုယ်ရှာထားတဲ့ စည်းစိမ်ချမ်းသာကို ခံစားနိုင်ဖို့ဆိုတာ အရမ်းကို အလှမ်းဝေးတဲ့ ကိစ္စတစ်ခုပါ။ ကျန်းမာရေးကောင်းချင်ရင် လိုက်နာသင့်တဲ့ အကြောင်းများစွာကို ဖတ်ဖူးကြမှာပါ။ များလွန်းလို့ ဖတ်ပြီးတာနဲ့ မေ့သွားကြတယ်မလား။ ဒီဆောင်းပါးမှာတော့ ကျန်းမာပျော်ရွင်တဲ့ ဘဝကို ပိုင်ဆိုင်ဖို့ လိုက်နာသင့်တဲ့ အချက် ၅ ချက်ကို ပြောပြပေးမှာပါ။ လိုရင်းတိုရှင်းပေါ့။ ။ အဆိပ် မျိုးစေ့တွေ ကိုယ်ခန္ဓာထဲမှာ မချပါနဲ့ ။ ။ စီးကရက်တို့ အရက်တို့ဆိုတာလည်း ဘယ်လောက်ပဲ ကျန်းမာရေးအတွက် မကောင်းဘူးပြောပြော သုံးဖူးတဲ့ လူတိုင်း ကြိုက်တဲ့ အရာတစ်ခုဖြစ်နေကြတုန်းပါပဲ။ မူးယစ်ဆေးဆို ပိုဆိုးတာပေါ့။ ကျန်းမာချင်တဲ့ ဘဝတစ်ခုပိုင်ဆိုင်ချင်ရင် ဒီမူးယစ်ပြီး စွဲလန်းစေတတ်တဲ့ အရာတွေကို ယောင်လို့တောင် မကြည့်မိဖို့ လိုပါတယ်။ ကိုယ့်ဘဝရဲ့ […]

မက်ကလောင် မက်ကလောင် ဒီနာမည်လေးက ကြားဖူးသလိုလိုရှိနေပေမယ့် ဘာကြီးလဲဆိုတာကို သိတဲ့သူ အင်မတန်နည်းပါတယ်။ တရုတ်ပြည်ရဲ့ ယဉ်ကျေးမှု ဓလေ့ထုံးတမ်းတွေ လွှမ်းမိုးမှုအများဆုံးဖြစ်တဲ့ မန္တလေးတို့ ရှမ်းပြည်နယ်တို့မှာတော့ မက်ကလောင်ခြစ်တယ်ဆိုတာ ဓလေ့တစ်ခုကိုဖြစ်လို့။ ဒီတော့ ဒီ မက်ကလောင်ခြစ်တယ်ဆိုတာ ဘာလဲ။ ဘယ်လို ကောင်းကျိုးဆိုးကျိုးတွေရှိလဲဆိုတဲ့ အကြောင်းလေး ရေးဖို့ကြောင်းဖန်လာတော့တာပေါ့။ မက်ကလောင် ခြစ်တယ်ဆိုတာဘာလဲ ။ ။ မက်ကလောင်ခြစ်တယ်ဆိုတာ မက်ကလောင်ခြစ်တဲ့အတံလေးနဲ့ အရေပြားကို ခြစ်ပြီး သွေးလည်ပတ်မှု ကောင်းအောင်လို့ လုပ်ကြတယ်လို့ ဆိုပါတယ်။ ဒါက အရမ်းကို ရှေးကျတဲ့တရုတ်တိုင်းရင်းဆေးသမားတော်တို့ တီထွင်ခဲ့တဲ့ ဓလေ့တစ်ခုဖြစ်ပါတယ်။ မက်ကလောင် ခြစ်တာနဲ့ ပက်သက်တဲ့ အချက်ကလေး တစ်ချို့ ။ ။ မက်ကလောင်ကို ကျောဘက်၊ တင်ပါး၊ လည်ပင်း နဲ့ ခြေလက်တွေမှာ ခြစ်လေ့ရှိပါတယ်။ အဲဒီနေရာတွေမှာ အဆီတစ်ခုခုလိမ်းပြီး မက်ကလောင်ခြစ်တဲ့အတံလေးနဲ့ အရေပြားကို […]

သွေးက လူတိုင်းအတွက် အရမ်းကို အရေးကြီးတဲ့ တန်ဖိုးကြီး ပစ္စည်းလေး တစ်ခုပါ။ သက်ရှိ သတ္တဝါတိုင်းမှာ သွေးရှိ ပါတယ်။ ဒီလို အရေးပါတဲ့ သွေးလေးကို လှူမယ်ဆိုရင် ဘယ်လောက်များ ကုသိုလ် ရလိုက်မလဲနော်။ ဒါပေမယ့် သွေးလှူချင်ပေမယ့် အယူအဆ အမှားတွေကြောင့် သွေးလှူဖို့များ ကြောက်နေလား။ ဒါဆို ဒီဆောင်းပါးလေးက သွေးလှူချင်ရက်နဲ့ ကြောက်စိတ်ကြောင့် သွေးမလှူဖြစ်ဘူး ဖြစ်နေတဲ့ Hello ဆရာဝန် ပရိသတ်ကြီးအတွက် သွေးလှူတာနဲ့ပတ်သက်လို့ သိထားမိနိုင်တဲ့ အယူအဆမှားအချို့ အကြောင်း ပြောပြပေးသွားပါမယ်။ သွေးလှူတာနဲ့ပတ်သက်လို့ သိထားမိနိုင်တဲ့ အယူအဆမှားအချို့ သွေးလှူတာနဲ့ပတ်သက်လို့ သိထားမိနိုင်တဲ့ အယူအဆမှား အချို့ ကတော့ သွေးလှူတာက အားနည်းစေတယ် သွေးလှူတာကြောင့် ခန္ဓာကိုယ်မှာ အားနည်းသွားတာမျိုး မဖြစ်နိုင်ပါဘူး။ သွေးလှူပြီးရင်တော့ ၂၄ နာရီ ပြည့်ပြည့်ဝဝ အနားယူပေးဖို့ လိုမှာပါနော်။ […]

ခန္ဓာကိုယ်ရဲ့ ကိုယ်နံ့ကလည်း လူတွေကို ဆွဲဆောင်တဲ့အရာတွေထဲက တစ်ခုပါ။ အနံ့ဆိုး ကင်းစင်ပြီး လတ်ဆတ်တဲ့ ကိုယ်သင်းနံ့လေး ရှိနေမယ်ဆိုရင် သင်ဟာ အများကြားမှာ မျက်နှာ ပွင့်လန်းနေမှာ အသေအချာပါ။ လူတိုင်းမှာ သီးသန့်ကိုယ်နံ့တွေ ရှိတတ်ပြီး များသောအားဖြင့် ဘေးလူသတိထားမိလောက်အောင် မပြင်းတတ်ပါဘူး။ သင်းပျံ့တဲ့ ကိုယ်နံ့မရှိရင်တောင်  အနည်းဆုံးတော့ ကိုယ်နံ့မပြင်းဖို့ လိုတာပေါ့။ ကိုယ်က ကိုယ်နံ့ပြင်းရင် ဒါတွေကို ရှောင်ကြည့်ပါ။ ကိုယ်နံ့ပြင်းရင် ဒါတွေရှောင်ပါ တစ်ခါတလေမှာ ကိုယ်နံ့ဆိုးတာက မျိုးရိုး လိုက်တာကြောင့် ဖြစ်နိုင်သလို ကျန်းမာရေး အခြေအနေ တစ်ခုခုကြောင့်လည်း ဖြစ်နေနိုင်ပါတယ်။ တစ်ကိုယ်ရေသန့်ရှင်းမှု အားနည်းတာကြောင့်နဲ့ နေ့စဉ် စားသုံးနေတဲ့ အစားအစာတွေ ကြောင့်လည်း ကိုယ်နံ့ ဆိုးနိုင်ပါသေးတယ်။ ဒါကြောင့် ကိုယ်နံ့ပြင်းရင် နေ့စဉ်စားတဲ့ အစားအစာတွေထဲကနေ ဒါတွေကို ခဏလောက် ဖယ်ထုတ်ကြည့်ပါ။ ကြက်သွန်ဖြူ ကြက်သွန်ဖြူက ကျန်းမာရေးအတွက် အကျိုးပြုပေမယ့် […]