အသားအရေနှင့် အလှအပ

လူတိုင်းကြည့်ကောင်းချင်ကြသည် လှချင်ကြသည်ချည်းဖြစ်သည်။ နေ့စဉ်သုံး အသားရေထိန်းပစ္စည်းများက သင့် အသားရေကို အဆီပြန်ခြင်းလျှော့ချခြင်း၊ ချွေးပေါက်များကို သန့်စင်ပေးခြင်းနှင့် ဝက်ခြံများကို သက်သာစေခြင်း၊ ကာကွယ်ပေးခြင်း စသည်တို့ဖြင့်များစွာအထောက်အကူပြုနိုင်ပါသည်။ ဝက်ခြံမဖြစ်အောင်ထိန်းသိမ်းရာတွင် အချိန်သိပ်ပေးရန်မလိုသလို ဈေးကြီးသောပစ္စည်းများကိုသာ အသုံးပြုရန်လည်းမလိုပါ။ အောက်ပါနည်းလမ်းများသည် သင့်အတွက် သန့်စင်ကြည်လင်သော အသားရေကို ပိုင်ဆိုင်နိုင်ရန် ကူညီပေးလိမ့်မည်။   သင့်မျက်နှာကို သန့်စင်စွာထားပါ။ · သင့်မှာ ဝက်ခြံရှိရှိ မရှိရှိ တနေ့လျှင်မျက်နှာ ၂ကြိမ်သစ်ရန် အရေ:ကြီးသည်။ ၎င်းသည် သင့် အရေပြားရှိ အညစ်အကြေးများကို သန့်စင်ပေးခြင်း၊ အဆီပြန်ခြင်းကိုသက်သာစေခြင်း နှင့် အရေပြားဆဲလ်အသေများကိုဖယ်ရှားပေးခြင်းဖြင့် သင့်အတွက်ကျန်းမာသော အသားရေကို ရရှိစေလိမ့်မည်။ · မျက်နှာသစ်ရန် မပူလွန်းသော ကြက်သီးနွေးရေနှင့် မျက်နှာသစ်ဆေးကို အသုံးပြုသင့်သည်။ အမွှေးအကြိုင်ပါဝင်သော ကိုယ်တိုက်ဆပ်ပြာများသည် သင့် မျက်နှာအသားရေကို ပိုထိခိုက်စေပါသည်။ သင့်မျက်နှာကို တဘက် သို့မဟုတ် ကြမ်းတမ်းသော အဝတ်တို့ဖြင့် ပွတ်တိုက်ခြင်းမပြုရ။ […]

သင့်တွင် အသားပက်ခြင်း ၊အသားရေခြောက်ခြင်း စသည့်ပြသနာများနှင့် ရင်ဆိုင်နေရပါသလား။ သို့မဟုတ်နွေရာသီတွင် သင့် အသားရေကို ဘယ်လိုဂရုစိုက်ရမလဲ တွေးပူနေပါသလား။ အကယ်၍သင်သည် အသားရေထိန်းသိမ်းမှုဆိုင်ရာတွင် အခက်အခဲရှိနေပါက အောက်ဖော်ပြပါ အချက်များက သင့်အတွက်အထောက်အကူဖြစ်စေလိမ့်မည်။ ပူအိုက်သော ရာသီတွင် အသားရေထိန်းသိမ်းနည်းများ ၁။ ရေပူနှင့်ကြာရှည်စွာရေချိုးခြင်းကို ရှောင်ကျဉ်ပါ။ အလုပ်ပင်ပန်းသည့်နေ့ရက်များတွင် ရေပူနှင့် စိမ်ပြေနပြေရေချိုးခြင်းသည် သင့်အတွက်အပန်းပြေလိမ်မည်။ သို့သော် ၎င်းသည် သင့်အရေပြားတွင် ရှိသင့်သော အဆီဓါတ်များကို ဖယ်ရှားပေးသည့်အတွက် ကြက်သီးနွေးရေနှင့် ချိုးခြင်းလောက် သင့်အရေပြားအတွက်မကောင်းပါ။ အရေပြားတွင် သဘာဝအဆီဓါတ်ရှိမှသာ သင့် အရေပြားစိုပြေနေမည်ဖြစ်သည်။ ထို့ကြောင့် ရေနွေးဖြင့် တနေ့လျှင် ၅-၁၀ မိနစ်ခန့်သာရေချိုးသင့်သည်။   ၂။ ညင်သာစွာ သန့်စင်ပါ။ နွေရာသီတွင် ရာသီဥတုကြောင့် ချွေးထွက်များပြီး ဖုန်ထူသောအခါ သင့်ကိုယ်သင်သန့်စင်ရန်ပိုလိုအပ်သည်ဟု ထင်ပါလိမ့်မည်။ ပိုးသတ်ဆေးနှင့် အနံ့ပြင်းပြင်းပါသော ဆပ်ပြာများသည် သင့်အရေပြားရှိသဘာဝဆီများကို ခမ်းခြောက်စေသည်။ ထို့ကြောင့် အညစ်အကြေးများကို သန့်စင်ရန် ရိုးရိုးဆပ်ပြာကိုသာ သုံးပါ။ ဆပ်ပြာမပါသော၊ […]

သင်စားနေသော အစားအစာများသည် သင့်ကျန်းမာရေးနှင့် ရုပ်ရည်သွင်ပြင်ပေါ်ကို များစွာအကျိုးသက်ရောက်မှုရှိပါသည်။ သင့်တွင်ဝက်ခြံ၊ ဝက်ခြံအမာရွတ်များရှိပါက ဠင်းတို့ကို ကာကွယ်ရန်နှင့်ကုသရန် နည်းလမ်းများကို သင်သိချင်နေပါလိမ့်မည်။ အောက်ပါအစားအစာ ၅ မျိုးသည် သင့်အတွက် အမာရွတ်များကို သက်သာစေမည့် အစားအစာများဖြစ်ပါသည်။ (၁) ဗီတာမင် စီ ဗီတာမင် စီသည် ဓါတ်တိုးဆန့်ကျင်ပစ္စည်း တမျိုးဖြစ်သည်။ ၎င်းသည် သင့်ကို အနာကျက်စေပြီးခန္ဒါကိုယ်ရှိကြွက်သားများနှင့် တစ်သျုးများကို အကျိုးပြုပေးသည်။ ထို့အပြင် ဝက်ခြံကြောင့် ပျက်စီးသွားသော သင့်အသားရေကို အနာမြန်မြန်ကျက်စေရန် ကူညီပေးသည်။ အနာမကျက်ပဲ အနာရင်းနေပါက သင့်အမာရွတ်များကို ပိုဆိုးသွားစေနိုင်သည်။ ဗီတာမင် စီသည် အရေပြားကိုတင်းရင်းစေသော ချောမွေ့စေသော ကော်လဂျင်ဓါတ်ကို ပိုထုတ်ပေးသည်။ ဗီတာမင် စီကို အသီးအနှံ အတော်များများတွင်တွေ့နိုင်သည်။ ချဉ်သော အသီးများသည် ဗီတာမင် စီ ဓါတ်ကြွယ်ဝသည်။ ဥပမာ- လိမ္မော်သီး၊ သံပုရာသီး၊ ရှောက်သီး၊ စပျစ်သီး။ […]

ဆရာဝန်၊ အရေပြားဆရာဝန်နှင့် အင်တာနက်ပေါ်မှ ဆောင်းပါးများက ဝက်ခြံများကို မညှစ်ရန် အမြဲအကြံပေးသော်လည်း လူတွေက ဘာလို့ထိုအမှားကို ဆက်လုပ်နေကြသလဲ။ နောက်ပြီး ဝက်ခြံမညှစ်မိစေရန် ဘယ်လိုတားမြစ်ရမလဲ သင်သိချင်ပါသလား။ အောက်ပါ ဆောင်းပါးကိုဖတ်လျှင် သင်လိုအပ်နေသော အချက်များကို သိရလိမ့်မည်။   ဝက်ခြံများကိုမညှစ်သင့်မှန်းသိသော်လည်း ဘာကြောင့် ညှစ်နေရသလဲ။ ကျွနုပ်တို့သည် ကျွနုပ်တို့အရေပြားတွင်မရှိစေချင်သော အရာများကို ဖယ်ထုတ်ရန်ကြိုးစားတတ်ကြသည်။ ကျွနုပ်တို့အရေပြားကို ပိုးသားလေးကဲ့သို့ ချောမွတ်လိုကြသည်။ ကျွနုပ်တို့မှာ အစက်အပြောက်၊ ဝက်ခြံ နှင့် ဆားဝက်ခြံများရှိလာလျှင်လည်း ဖယ်ထုတ်ဖို့ကြိုးစားကြသည်။ တခါတရံသင့်မျက်နှာကို ဂရုတစိုက်ကြည့်ရန် အချိန်မရှိစေဦးတော့ ၊ ကြည့်လိုက်သည့် အချိန် သင့်တွင်ဖြစ်နေသော ဝက်ခြံများကြိ ညှစ်ထုတ်လိုက်ခြင်းက သင့်အတွက် စိတ်သက်သာရာတခုဖြစ်ကောင်းဖြစ်နေပေလိမ့်မည်။ အချို့ကမူ ဝက်ခြံညှစ်လိုက်လျှင် ပြည်များထွက်သွားပြီး နီရဲရောင်ရမ်းမှုများလျော့သွားကာ ပိုကောင်းသွားမည်ဟုထင်ကြသည်။ ထိုသို့ပြုလုပ်ခြင်းသည် အရေပြားကိုထိခိုက်ပျက်စီးစေနိုင်ရုံသာမက အန္တရာယ်လည်းရှိနိုင်ပါသည်။   ဝက်ခြံညှစ်ခြင်းသည် ကောင်းလား ဆိုးလား။ ဝက်ခြံညှစ်လိုက်လျှင် သင့်ဝက်ခြံအနာသည် ပြင်ပလေထုထဲရှိ ဖုန်မှုန့် ဘက်တီးရီးယားတို့နှင့်ထိတွေ့၇သည်။ […]

ဝက်ခြံပေါက်ခြင်းသည် ဖြစ်လေ့ဖြစ်ထရှိသော အရေပြားပြဿနာ တခုဖြစ်သော်လည်း ဆိုးရွားသော ကျန်းမာရေးပြသနာတခုမဟုတ်ပါ။ သို့သော် ဝက်ခြံပေါက်ပြီးလျှင်ကျန်ခဲ့သော အမာရွတ် အနီစက်များက သင့်ကိုယ်သင် ယုံကြည်မှုကျဆင်းစေပါသည်။ လူအတော်များများသည် ထိုပြသနာနှင့် ကြုံဖူးကြသည် ဖြစ်ရာ အောက်ပါအချက်များကို အကြံပေးမျှဝေလိုက်ရပါသည်။ ဆေးဖြင့်ကုသခြင်း ဝက်ခြံသည် ဆယ်ကျော်သက် အရွယ်တွင်ပေါက်လေ့ရှိသည်။ သို့သော် ဆယ်ကျော်သက်နောက်ပိုင်းတွင်လည်းပေါက်လေ့ရှိပါသည်။ ဝက်ခြံပေါက်လျှင် နီရဲ ရောင်ရမ်းခြင်း၊ နာကျင်ခြင်း၊ ပြည်ဖုကြီးဖြစ်ခြင်း၊ ဆားဝက်ခြံငယ်လေးများဖြစ်ခြင်း စသည်တို့ဖြစ်တတ်ကြသည်။ အများစုကို ကုရလွယ်သော်လည်း အမာရွတ်နှင့် အနီစက်များသည် ဝက်ခြံပျောက်ပြီး ကြာရှည်စွာကျန်နေတတ်ကြသည်။ သင်သည် အရေပြားဆရာဝန်နှင့် သွားပြပြီး အချို့သောညွှန်ကြားမှုများကို လိုက်နာသင့်ပေသည်။ အရေပြားဆရာဝန်က သင့်အရေပြားတွင်ရှိသော ဝက်ခြံဖြစ်စေသည့် ဘက်တီးရီးယားများကို သေစေရန် ပိုးသတ်ဆေးပေးလိမ့်မည်။ ဝက်ခြံနည်းလာလေလေ အနီစက်များလည်းတဖြေးဖြေးလျော့နည်းသွားမည်ဖြစ်သည်။ တခါတရံတွင် ပိုးသတ်ဆေးများကို retinol , benzyl peroxide တို့နှင့်တွဲသုံးခြင်းဖြင့် အာနိသင်ပိုရှိစေပြီး ဆေးယဉ်ပါးမှုပြသနာကိုလည်း လျော့နည်းစေသည်။ သင်သည် […]

စနေ၊တနင်္ဂနွေတော့ရောက်လာပါရဲ့၊တပတ်လုံးပင်ပန်းနွမ်းနယ်ထားပြီးစာမေးပွဲ၊ရုံးအလုပ်၊ပရောဂျက်အပြီးလုပ်ရမယ့်အလုပ်တွေကလည်းနှိပ်စက်နေတဲ့အတွက်စိုးရိမ်ပူပန်မှုတွေကလည်းရှိနေပါသေးတယ်။ ထိုအချိန်မျိုးမှာသင့်မျက်နှာမှာ ဝက်ခြံတွေ ပိုထွက်လာတတ်တာမျိုး ဖြစ်ဖူးပါသလား။ အရေပြားပြဿနာတွေနဲ့စိုးရိမ်ပူပန်မှုတွေဟာတပြိုင်တည်းလိုလိုပေါ်လာတတ်တယ်ဆိုတာ (သို့) ဝက်ခြံတွေဟာသင့်ပြဿနာတွေရဲ့အမှတ်အသားတစ်ခုဖြစ်တယ်ဆိုတာသင်သိပါသလား။ အရေပြားရောဂါဆိုင်ရာပါမောက္ခတဦးရဲ့အဆိုအရစိတ်ပိုင်းဆိုင်ရာဖိစီးမှုတွေ၊စိုးရိမ်ပူပန်မှုတွေဟာဝက်ခြံအသစ်ထွက်လာတာနဲ့တိုက်ရိုက်သက်ဆိုင်ခြင်းတော့မရှိဘဲသူတို့ဟာရှိပြီးသားအရေပြားပြဿနာတွေကိုပိုဆိုးစေတာလို့ဆိုပါတယ်။ ဒါ့အပြင်ကျောင်းသားတွေအနေနဲ့စာမေးပွဲရက်တွေအတွင်းမှာဝက်ခြံပြဿနာကနေထွက်ပြေးဖို့အင်မတန်ခဲယဉ်းတယ်ဆိုတာနဲ့ဒီပြဿနာတွေဟာ နွေရာသီကျောင်းပိတ်ရက်လိုမျိုးဖိအားမရှိတဲ့အချိန်တွေမှာထက်ပိုပြီးဆိုးတယ်လို့သုတေသနပညာရှင်တွေရဲ့လေ့လာချက်တွေအရသိရပါတယ်။ စိတ်ဖိစီးမှုများနေချိန်မှာသူတို့ရဲ့ဆဲလ်တွေဟာ sebum လို့ခေါ်တဲ့အဆီတွေကိုပုံမှန်ထက်ပိုထုတ်လေ့ရှိပါတယ်။ အလုပ်၊အိမ်ထောင်ရေး၊စီးပွားရေးနဲ့ပညာရေးအဆင်မပြေမှုတွေကကာလရှည်စိတ်ဖိစီးမှုကို ဖြစ်လာစေနိုင်ပါတယ်။ ဒီလိုဖြစ်လာရင်အက်ဒရီနယ်ဂလင်းကိုပါသွားဆွနိုင်ပြီးအဆိုပါဂလင်းကထုတ်ပေးတဲ့ဟော်မုန်းတွေဟာအဆီထုတ်တဲ့ဂလင်းတွေအပေါ်သက်ရောက်မှုရှိပါတယ်။ ဒီအဆီတွေဟာအရေပြားဆဲလ်သေတွေ၊ဘက်တီးရီးယားတွေနဲ့ပေါင်းပြီးမွေးညင်းပေါက်တွေကိုပိတ်ဆို့ကာဝက်ခြံဖြစ်လာစေပါတယ်။ ဒါ့အပြင်စိတ်ဖိစီးမှုတွေများခြင်းဟာသွေးပေါင်တက်စေပြီးသွေးကြောတွေကိုကျယ်လာစေတာကြောင့်အရေပြားနီရဲရောင်ရမ်းတာတွေကိုလည်း ဖြစ်စေပါတယ်။ စိတ်ဖိစီးမှုတွေဟာအစာအာဟာရဓါတ်တွေစုပ်ယူမှုကိုလျော့နည်းသွားစေတာကြောင့်ကိုယ်ခံအားစနစ်အားနည်းပြီးဝက်ခြံပျောက်ဖို့အချိန်ကြာစေပါတယ်။ ဒီပြဿနာတွေကိုဖြေရှင်းဖို့အကောင်းဆုံးနဲ့အထိရောက်ဆုံးနည်းလမ်းကတော့စိတ်ဖိစီးမှုနဲ့ပင်ပန်းနွမ်းနယ်မှုတွေကိုလျှော့ချဖို့ပဲ ဖြစ်ပါတယ်။ ကိုယ်လက်လေ့ကျင့်ခန်းလုပ်ခြင်း (ယောဂ၊အပြေး၊အားကစားလုပ်၊အားကစားခန်းမမှာကစားစသည်)။ ကဖင်းဓါတ်နဲ့သကြားဓါတ်တွေလျှော့စားခြင်း။ အသီးအနှံတွေနဲ့အမျှင်ဓါတ်ပါသောဟင်းသီးဟင်းရွက်တွေများများစားခြင်း။ အသားအရေထိန်းသိမ်းခြင်း။ အိပ်ရေးဝဝအိပ်ခြင်း (တစ်ညကို၇-၈နာရီလောက်အိပ်ရပါမယ်)။ ဝက်ခြံဆိုတာဒီနေ့ကုမနက်ဖြန်ပျောက်ဆိုတဲ့အမျိုးတော့မဟုတ်ပါဘူး။ အခြေအနေဆိုးတဲ့လူနာတွေမှာဆိုရင်retinoids၊ပဋိဇီဝပိုးသတ်ဆေးနဲ့တခြားဆေးတွေသုံးပြီးကုသဖို့လည်းလိုအပ်ကောင်းလိုအပ်ပါလိမ့်မယ်။ ဒါကြောင့်သင့်အနေနဲ့စိတ်ဖိစီးမှုတွေနည်းနိုင်သမျှနည်းအောင်နေထိုင်ရမှာဖြစ်ပြီးဝက်ခြံတွေစထွက်လာပြီဆိုရင်လည်းစိတ်ဖိစီးမှုတွေကိုအမြန်ဆုံးလျှော့ချနိုင်ဖို့ရာအတွက်ဆရာဝန်နဲ့အမြန်ဆုံးပြသရမှာပဲ ဖြစ်ပါတယ်။ Hello Health Groupသည် ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများမပြုလုပ်ပေးပါ။

ဝက်ခြံအမာရွတ်များသည် ဝက်ခြံဖြစ်ပြီးနှစ်ပေါင်းများစွာ အထိ ကျန်ရှိနေနိုင်ပါသည်။ ပထမအဆင့် ဝက်ခြံပေါက်မည်။ ဒုတိယ သင်သည် အမာရွတ်များနှင့် ရင်ဆိုင်ရမည်။ ထိုအမာရွတ်များကိုကုသရန် သင့်အမာရွတ်ပုံစံများကို ရှင်းလင်းစွာသိထားသင့်သည်။ ဝက်ခြံ အမာရွတ်ဟူသည် ဝက်ခြံပေါက်ပြီး အနာကျက်နေသော အချိန်တွင် အရေပြားပျက်စီးသွားသောကြောင့် ဖြစ်လာရခြင်းဖြစ်သည်။ ဝက်ခြံ အမာရွတ်တွင် သေးကျုံ့သွားသော အမာရွတ်နှင့် ပိုကြီးလာသော ကီးလွိုက်အမာရွတ်ဟူ၍ ၂ မျိုးရှိသည်။   သေးကျုံ့သွားသော အမာရွတ် သေးကျုံ့သွားသော အမာရွတ်များသည် ပိုကြီးလာသော ကီးလွိုက်အမာရွတ်များထက် ပိုအဖြစ်များသည်။ ယင်းတွင် အောက်ဖော်ပြပါအတိုင်း အမျိုးအစား ၃ မျိုးရှိပါသည်။   ၁။ Rolling scars ထိုအမာရွတ်များသည် ၄-၅ မီလီမီတာခန့်ရှိပါသည်။ လုံးဝန်းသောပုံစံနှင့် ပြေလျောသော အနားသတ်တို့ရှိကြသည်။ ထိုအမာရွတ်များသည် သင့် မျက်နှညပေါ်တွင် ဒလှိမ့်တုံးနှင့် လှိမ့်ထားသလို သို့မဟုတ် M ပုံသဏ္ဍာန်ရှိကြသည်။ ဠင်းပုံစံ အမာရွတ်များသည် ကာလရှာကြည်စွာရောင်ရမ်းနေသော ဝက်ခြံများကြောင့်ဖြစ်ရသည်။ လေဆာရောင်ခြည်ဖြင့်ကုသခြင်း၊ […]

လက်ရှိသုံးနေတဲ့အသားအရေထိန်းသိမ်းတဲ့ပစ္စည်းတွေကသင်နဲ့အဆင်ပြေရဲ့လားလို့တခါတရံတွေးကောင်းတွေးမိမှာပါ။ တချို့အသားအရေထိန်းသိမ်းတဲ့ပစ္စည်းတွေကိုသုံးလိုက်ကာမှပိုဆိုးသွားတာမျိုးတွေ ဖြစ်လာမလား။ ဒါပေမယ့်သင့်အနေနဲ့အလှကုန်ပစ္စည်းတခုကိုသုံးစွဲတဲ့အခါဒီပစ္စည်းရဲ့ရည်ရွယ်ချက်ကိုသိရှိနားလည်ရမှာဖြစ်ပြီးဘာလို့သင်မျှော်လင့်ထားသလိုအာနိသင်မပြတာလဲဆိုတာကိုလည်းသိရှိဖို့အလွန်အရေးကြီးပါတယ်။ ဖြစ်နိုင်တဲ့အကျိုးအာနိသင်နဲ့မဖြစ်နိုင်တဲ့အကျိုးအာနိသင်တွေကိုခွဲခြားနားလည်ထားဖို့လိုပါလိမ့်မယ်။ သင်လိုချင်တဲ့ရလာဒ်အတိအကျကိုကြိုတင်သတ်မှတ်ထားဖို့ကလည်းအရေးကြီးပါတယ်။ ဘာလို့လဲဆိုတော့လက်တွေ့နဲ့မကိုက်ညီတဲ့ ဖြစ်ချင်ဇောဆန္ဒဟာငွေကုန်လူပန်းဖြစ်တာပဲအဖတ်တင်ပြီးဘာအကျိုးမှထူးလာမှာမဟုတ်လို့ပါပဲ။ အကောင်းဆုံးသောနည်းကတော့ ဖြစ်နိုင်ချေရှိတဲ့(ဝါ)လက်တွေ့ကျတဲ့ပန်းတိုင်ရည်မှန်းချက်ကိုသတ်မှတ်ပြီးသင့်တော်တဲ့အသားအရေထိန်းသိမ်းနည်းကိုပုံမှန်ပြုလုပ်သွားတာပဲ ဖြစ်ပါတယ်။ သင်လက်ရှိသုံးနေတဲ့အသားအရေထိန်းသိမ်းတဲ့အလှကုန်တွေဟာဘယ်လောက်များအကျိုးရှိထိရောက်မလဲဆိုတာအောက်ဖော်ပြပါအချက်လေးတွေနဲ့ချိန်ထိုးပြီးကြည့်လိုက်ပါဦး။   ကြော်အောင်ညာတဲ့ကြော်ငြာတွေပြောသမျှမယုံပါနဲ့။ ကြော်ငြာတွေဟာမကြာခဏဆိုသလိုမဖြစ်နိုင်တာတွေ၊မှားယွင်းတဲ့အချက်တွေနဲ့လှည့်ဖျားပြီးကြော်ငြာလေ့ရှိပါတယ်။ဥပမာတံဆိပ်တခုဆိုရင်အိုမင်းရင့်ရော်မှုကိုကာကွယ်ပေးနိုင်တယ်ဆိုတဲ့အရေပြားအစိုဓါတ်ထိန်းပစ္စည်း (moisturizer) ကိုကြော်ငြာပါတယ်။ ဒါပေမယ့်အဆိုပါပစ္စည်းမှာနေလောင်ဒါဏ်ကိုကာကွယ်ပေးနိုင်တဲ့အရာ (ဒါမှမဟုတ် SPF 30) လုံးဝပါမလာပါဘူး။ ဒီနေရာမှာသိထားသင့်တာကသင့်အနေနဲ့ SPF 30 ဒါမှမဟုတ်ဒီထက်များများပါတဲ့နေလောင်ခံခရင်မ်ကို (ဘယ်လိုရာသီဥတုအခြေအနေမှာပဲ ဖြစ်ဖြစ်) မသုံးစွဲဖူးဆိုရင်အိုမင်းရင့်ရော်ခြင်းရဲ့လက္ခဏာတွေပျောက်သွားစရာဘာအကြောင်းမှမရှိတဲ့အပြင်ပိုလို့တောင်ဆိုးသွားဦးမယ်ဆိုတာပါပဲ။   အာဟာရတမျိုးတည်းစားပြီးဒါမှမဟုတ်အလှကုန်တမျိုးတည်းသုံးပြီးအံ့ဩဘနန်းအကျိုးရလာဒ်တွေကိုမမျှော်လင့်ပါနဲ့။ တမျိုးတည်းနဲ့အားလုံးပြီးပြည့်စုံအောင်လုပ်ပေးနိုင်မယ့်အာဟာရဓါတ်ဒါမှမဟုတ်အလှကုန်ပစ္စည်းရယ်လို့မရှိတာတော့အမှန်ပါပဲ။ ကျန်းမာလှပတဲ့အသားအရေကိုရရှိဖို့ဆိုရင်အာဟာရပြည့်ဝတဲ့အစားအစာအမျိုးမျိုးကိုစားပြီးမရှိမဖြစ်လိုအပ်တဲ့အာဟာရဓါတ်အများအပြားကို ဖြည့်တင်းပေးဖို့လိုပါလိမ့်မယ်။ သင့်အရေပြားလိုအပ်သမျှအရာအားလုံးကိုပစ္စည်းတမျိုးတည်းကနေရဖို့ကတော့မဖြစ်နိုင်ပါဘူး။ သင့်အသားအရေကိုအမှန်တကယ်ပိုမိုကောင်းမွန်လာစေဖို့အတွက်ဆိုရင်အရေပြားအတွက်လိုအပ်တဲ့အာဟာရဓါတ်များစွာကိုပေးစွမ်းနိုင်တဲ့အလှကုန်ပစ္စည်းအမျိုးမျိုးကိုသင့်တော်သလိုပူးတွဲသုံးစွဲဖို့လိုအပ်ပါလိမ့်မယ်။   အသားအရေထိန်းသိမ်းတဲ့နည်းလမ်းတခုခုကိုအသုံးမပြုခင်အသေအချာစဉ်းစားပါ။ ပုံမှန်အသားအရေထိန်းသိမ်းမှုပြုလုပ်သူတိုင်းဟာလိုချင်တဲ့၊မျှော်လင့်တဲ့ရလာဒ်အတိုင်း ဖြစ်လာမှာမဟုတ်ပါဘူး။ နည်းလမ်းတခုနဲ့တခုဟာလည်းအကျိုးသက်ရောက်ပုံမတူညီပါဘူး။ အသားအရေထိန်းသိမ်းတဲ့နည်းလမ်းတွေဟာသင့်ရဲ့အရေပြားပြဿနာတွေကိုကူညီဖြေရှင်းပေးပြီးလိုအပ်တဲ့အာဟာရဓါတ်တွေကိုထောက်ပံ့ပေးကာနေလောင်ဒါဏ်ကလည်းကာကွယ်ပေးပါလိမ့်မယ်။ ဒါ့အပြင်မတူညီတဲ့အသားအရေထိန်းသိမ်းမှုနည်းစနစ်တွေကတဆင့်အရေပြားအစိုဓါတ်ထိန်းပေးခြင်း၊အိုမင်းရင့်ရော်မှုကိုလျှော့ချပေးခြင်းဒါမှမဟုတ်အသားဖြူလာခြင်းစတဲ့အကျိုးအာနိသင်တွေကိုလည်းပေးစွမ်းနိုင်ပါသေးတယ်။   အသားအရေထိန်းသိမ်းမှုကိုပုံမှန်ပြုလုပ်ပေးပါ။ အကောင်းဆုံးအာနိသင်နဲ့ရလာဒ်ကိုရရှိနိုင်ဖို့အတွက်သင့်အနေနဲ့အသားအရေထိန်းသိမ်းမှုကိုပုံမှန်ပြုလုပ်ပေးဖို့လိုပါလိမ့်မယ်။ တချို့အလှကုန်တွေကတနေ့ကိုနှစ်ခါအသုံးပြုဖို့လိုမှာဖြစ်ပေမယ့်တချို့ကျပြန်တော့တနေ့တခါသုံးစွဲဖို့ပဲလိုတာမျိုးတွေလည်းရှိပါတယ်။ မျက်နှာသန့်စင်ရည်၊နှင်းဆီပွင့်ဖတ်တွေကတဆင့်ထုတ်လုပ်ထားတဲ့ rose water နဲ့အစိုဓါတ်ထိန်းပေးပြီးမွေးညင်းပေါက်တွေကိုကျဉ်းစေနိုင်တဲ့ serum အရည်စတဲ့အလှကုန်တွေဟာတနေ့ကိုနှစ်ကြိမ်လောက်အသုံးပြုရလေ့ရှိပြီးနေလောင်ခံခရင်မ်၊အစိုဓါတ်ထိန်းညလိမ်းခရင်မ်နဲ့ဂျီးချွတ်ပေးနိုင်တဲ့ခရင်မ်တွေကိုတော့တနေ့တခါအသုံးပြုရင်လုံလောက်ပါပြီ။   အခုရေတွင်းတူးအခုရေကြည်မသောက်ချင်ပါနဲ့။ နေလောင်ဒါဏ်တွေနဲ့အရေးအကြောင်းတွေကိုပျောက်ကင်းအောင်ကုဖို့အချိန်အတိုင်းအတာတခုတော့လိုပါလိမ့်မယ်။ ဒါကြောင့်ညတွင်းချင်းကြီးအစွမ်းတွေပြဖို့တော့မမျှော်လင့်ပါနဲ့။ နေ့ချင်းညချင်းအစွမ်းပြတဲ့တချို့သောအလှကုန်ပစ္စည်းတွေ (ဥပမာ AHA ဒါမှမဟုတ် BHA တို့လိုဂျီးချွတ်ပေးတဲ့ခရင်မ်တွေ) ရှိပေမယ့်လည်းယေဘုယျအားဖြင့်အလှကုန်ပစ္စည်းတိုင်းဟာအာနိသင်ပြဖို့အချိန်အနည်းငယ်တော့လိုမှာဖြစ်ပါတယ်။   အရမ်းပြင်းလွန်းတဲ့ပါဝင်ပစ္စည်းတွေနဲ့ ပြုလုပ်ထားတဲ့ဒါမှမဟုတ်အရေပြားကိုထိခိုက်စေတဲ့အလှကုန်ပစ္စည်းတံဆိပ်တွေကိုရှောင်ပါ။ အသားအရေထိန်းသိမ်းရာမှာအသုံးပြုတဲ့ပစ္စည်းတွေအနေနဲ့နူးညံ့ပြီးအသားအရေကိုမထိခိုက်စေဖို့ကအရေးအကြီးဆုံး ဖြစ်ပါတယ်။ တကယ်လို့သင်အသုံးပြုနေတဲ့တံဆိပ်ဟာသင့်အရေပြားနဲ့မတည့်ဘူးဒါမှမဟုတ်သင့်ပတ်ဝန်းကျင်အနေအထားနဲ့မသင့်တော်ဖူးလို့ယူဆရင်အသုံးပြုတာကိုချက်ချင်းရပ်ပါ။ ဘာလို့လဲဆိုတော့ဒီလိုမျိုးပစ္စည်းတွေဟာကောင်းကျိုးထက်ဆိုးကျိုးကိုသာပိုဖြစ်စေလို့ပါပဲ (အရေပြားမူလအတိုင်း ပြန်ကောင်းမှာ၊အသစ်ဖြစ်လာမှာကိုတားဆီးပါလိမ့်မယ်)။ ဒါ့အပြင်သင့်အနေနဲ့အရေပြားကိုထိခိုက်စေတဲ့ပါဝင်ပစ္စည်းတွေကိုလည်းရှောင်ကြဉ်ရပါမယ်။ […]

ကျန်းမာတဲ့ အသားအရေကို ပိုင်ဆိုင်ချင်တယ်ဆိုရင် နေ့စဉ်အသားအရေထိန်းသိမ်းတာဟာ အရေးပါတဲ့ အချက်တချက်ဖြစ်ပါတယ်။ အသားအရေကောင်းစွာ ထိန်းသိမ်းခြင်းဟာ နူးညံ့ချောမွတ်တဲ့ အသားအရေကို ပေးစွမ်းနိုင်ရုံသာမက အိုမင်းရင့်ရော်မှုကိုလည်း ကာကွယ်ပေးပါသေးတယ်။ ဒီဆောင်းပါးမှာ ပြီးပြည့်စုံတဲ့ အသားအရေထိန်းသိမ်းမှု အဆင့်ဆင့်ကို မျှဝေပေးသွားမှာပဲ ဖြစ်ပါတယ်။ အဆင့် ၁ : မျက်နှာအရေပြားကို သန့်စင်ပါ။ မျက်နှာသစ်ခြင်းဟာ အသားအရေထိန်းသိမ်းရာမှာ သင့်အနေနဲ့ လျစ်လျူမရှုသင့်တဲ့ ပထမဆုံးခြေလှမ်းပဲ ဖြစ်ပါတယ်။ မျက်နှာသစ်ခြင်းဟာ အညစ်အကြေး၊အဆီ၊အရေပြားဆဲလ်အသေတွေ နဲ့ မိတ်ကပ်တွေကို ဖယ်ရှားပေးတာမို့ ဝက်ခြံတွေရဲ့ ရန်ကနေ ကာကွယ်ပေးနိုင်ပါတယ်။ ဒါပေမယ့် သင့်အနေနဲ့ မျက်နှာကို အလွန်အကျွံမသစ်သင့်ပါဘူး။ ပုံမှန်အားဖြင့် မနက်အိပ်ယာထတခါ နဲ့ ညအိပ်ယာမဝင်ခင် တခါ သစ်ရင် လုံလောက်ပြီ ဖြစ်ပါတယ်။ ပထမဆုံးသတိထားရမယ့် အချက်အနေနဲ့ ဝက်ခြံတွေကို ခဏခဏ ဖြစ်စေနိုင်တဲ့ ဘက်တီးရီးယားပိုးမွှားတွေ သင့်လက်မှာ […]

ဝက်ခြံ ဒါမှမဟုတ် အရေပြားမှာဖြစ်တဲ့ ဒဏ်ရာတွေကတဆင့် ကြွင်းကျန်ရစ်တဲ့ အမာရွတ်တွေ၊အမည်းစက်တွေဟာ ယေဘုယျအားဖြင့် အချိန်ကြာလာတာနဲ့အမျှ အလိုလို ပျောက်ကွယ်သွားလေ့ ရှိပါတယ်။ ဒါပေမယ့် တစ်ခါတလေ ဒီအမည်းစက်တွေ လုံးဝပျောက်ကွယ်သွားဖို့ နှစ်နဲ့ချီပြီးတော့လည်း ကြာတတ်ပြန်ပါတယ်။ ဓာတ်မတည့်ခြင်း ဒါမှမဟုတ် အသက်အရွယ် ကြီးရင့်လာခြင်းကြောင့် ဖြစ်ပေါ်လာတဲ့ အမည်းစက်တွေကတော့ အလိုလိုပျောက်မသွားရုံသာမက အချိန်ကြာလာလေ ပိုလို့ဆိုးလာလေတောင် ဖြစ်သွားနိုင်ပါတယ်။ စိတ်ရှည်ပါ။ · ဝက်ခြံအမာရွတ်တွေ ပျောက်ကင်းဖို့ အဓိကသော့ချက်က စိတ်ရှည်ဖို့ပဲ ဖြစ်ပါတယ်။ ဝက်ခြံဖြစ်ပြီး ရက်သတ္တပတ်အနည်းငယ်ကြာလို့ အမာရွတ်တွေထွက်လာပြီဆိုရင် အဆိုပါနေရာကို သွေးနဲ့အာဟာရတွေ ထောက်ပံ့ပေးဖို့အတွက် သွေးကြောအသစ်တွေ ရောက်ရှိလို့ လာပါပြီ။ ဒါကြောင့် ဖြစ်ခါစ အမာရွတ်အများစုဟာ ပန်းရောင်ဖြစ်နေတာပဲ ဖြစ်ပါတယ်။ · လအနည်းငယ်ကြာတဲ့အခါ collagen (ကော်လဂျင်) ဓာတ်တွေ စတင်ဖြစ်ပေါ်လာပြီး အမာရွတ်ဖြစ်နေတဲ့ နေရာမှာ စုပုံလို့ လာပါတယ်။ […]