မတ်တတ်ပြေးအရွယ် နဲ့ မူကြိုအရွယ်

သားသားမီးမီးတွေကို ကျန်းမာကြံ့ခိုင်ပြီး အရပ်ရှည် ဉာဏ်ရည်ထက်မြက်စွာ ကြီးပြင်းလာစေချင်တာ မိဘတိုင်းရဲ့ ဆန္ဒပါ။ ကလေးတွေ အရပ်ရှည်ပြီး ကိုယ်ခန္ဓာကြီးထွားစေဖို့ အစာအာဟာရက အရေးပါတဲ့ အခန်းကဏ္ဍကနေ ပါဝင်နေပါတယ်။ နေ့စဉ် အစာအာဟာရမျှတစေဖို့ ချက်ပြုတ်ရာမှာ ခေါင်းစားနေရတဲ့ မေမေတွေအတွက် ဝယ်လို့လည်း လွယ်ကူပြီး ကလေးတွေ ကြိုက်လောက်မယ့်အပြင် ကလေးအရပ်ရှည်စေဖို့ ကျွေးသင့်တဲ့ အစားအစာတွေ ကို ဝေမျှပေးချင်ပါတယ်။ ကလေးအရပ်ရှည်စေဖို့ ကျွေးသင့်တဲ့ အစားအစာတွေ ကလေးအရပ်ရှည်စေဖို့ ကျွေးသင့်တဲ့ အစားအစာတွေ ကတော့ ၁။ ကြက်ဥ ကလေးတွေကို ကြီးထွားစေဖို့နဲ့ အရပ်ရှည်စေဖို့ ကူညီပေးနိုင်တဲ့ အာဟာရတွေထဲမှာ ပရိုတင်းဓာတ်ဟာလည်း တစ်ခုအပါအဝင်ပါပဲ။ ကြက်ဥမှာ ပရိုတင်းဓာတ်နဲ့ အာဟာရတွေ များစွာ ပါဝင်တဲ့အပြင် ကလေးတွေလည်း ကြိုက်နှစ်သက်ကြတဲ့ အစားအစာပါပဲ။ မနက်စာကို ကြက်ဥကြော်နဲ့ ထမင်းဖြစ်စေ၊ ကြက်ဥပြုတ်နဲ့ နွားနို့ပူပူလေး တစ်ခွက်ဖြစ်စေ ကိုယ်ကလေးကို […]

အမျှင်ဓာတ်ဟာ လူ့ခန္ဓာကိုယ်အတွက် ကောင်းကျိုးများစွာ ဖြစ်စေတဲ့ အာဟာရဓာတ်တွေထဲက တစ်မျိုးဖြစ်ပေမယ့် လူတော်တော်များများက သတိမထားတတ်ကြပါဘူး။ ကျန်းမာစေတဲ့ နေထိုင်စားသောက်မှုပုံစံမှာ အမျှင်ဓာတ်ကိုလည်း မေ့ထားလို့ မဖြစ်ပါဘူး။ ဒါကြောင့် ကလေးကြီးထွားဖွံ့ဖြိုးမှုအတွက် အမျှင်ဓာတ်ဟာ ဘယ်လောက်ထိ အရေးပါလဲ၊ ဘယ်လိုအစားအစာတွေမှာ အမျှင်ဓာတ်အများဆုံးပါဝင်လို့ ကလေးတွေ များများစားပေးသင့်လဲ အစရှိတဲ့ ဗဟုသုတအကြောင်းအရာတွေကို ဝေမျှပေးချင်ပါတယ်။ အမျှင်ဓာတ်ရဲ့ အရေးပါပုံ အမျှင်ဓာတ်ဟာ သွေးထဲက ကိုလက်စထရောကို လျှော့ချပေးနိုင်လို့ ဆီးချိုရောဂါ၊ နှလုံးရောဂါကို ကောင်းကောင်းကာကွယ်ပေးနိုင်ပါတယ်။ သကြားစုပ်ယူမှုကိုလည်း နှေးစေပြီး ခန္ဓာကိုယ်ကို အကျိုးပြုစေတဲ့ အင်ဆူလင်ကို ကောင်းမွန်စွာ လည်ပတ်စေနိုင်ပါတယ်။ အမျှင်ဓာတ်ဟာ ဗိုက်ကို ပြည့်ဝစေလို့ ကလေးကို မကြာခဏ အစာစားချင်စိတ် မဖြစ်စေတော့တာကြောင့် အဝလွန်ခြင်းကိုလည်း တားဆီးပေးနိုင်ပါတယ်။ အမျှင်ဓာတ်မှာ ကယ်လိုရီတွေ မပါဝင်တဲ့အပြင် အစာခြေစနစ်ကို ကောင်းစေလို့ ကလေးတွေကို ဝမ်းမှန်စေတယ်။ ရင်ပြည့်တာမျိုး၊ ဝမ်းချုပ်တာမျိုးကိုလည်း ကာကွယ်ပေးနိုင်ပါတယ်။ […]

ကိုယ့်ကလေးနေမကောင်းရင် မိဘလုပ်သူတွေ အလုပ်ရှုပ်ပြီး ပျာယာခတ်ရပြီ။ ကလေးအမြန်သက်သာအောင် ဟိုဆေးခန်းပြေးရ၊ ဒီဆေးခန်းပြေးရနဲ့ ဖတ်ဖတ်မောနေရတဲ့အပြင် အိမ်မှာလည်း ကလေးဝေယျာဝစ္စနဲ့ အစားအသောက်ပြင်ဆင်တာလည်းလုပ်ရသေးတယ်။ ဒါပေမယ့် ကလေးနေမကောင်းတဲ့အခါမှာဆေးခန်းပြ၊ဆေးမှန်မှန်တိုက်တာနဲ့ မပြီးသေးပါဘူး။နေမြန်မြန်ပြန်ကောင်းဖို့က ကလေးရဲ့ကိုယ်ခံအားတက်လာဖို့အရေးကြီးတာကြောင့် အစာဝင်မှဖြစ်မယ်၊ ဝင်တဲ့အစာတွေကလည်း အာဟာရပြည့်တာတွေဖြစ်ရမယ်။ ဒီအချိန်မှာဘာတွေကျွေးရင်ကောင်းမလဲ၊ ဘယ်အစားအစာတွေက အားပြန်ပြည့်စေပြီးမြန်မြန်နေပြန်ကောင်းစေမလဲဆိုတာ ကြည့်ရအောင်။ (၁) ဆန်ပြုတ် နေမကောင်းရင် ဆန်ပြုတ်က တကယ်ကိုဆေးတစ်ခွက်ပါပဲ။ စားရလွယ်တယ်၊ သူ့ထဲမှာ အာဟာရတွေထပ်ပေါင်းထည့်လို့ရတယ်( ကြက်သားပြုတ်ရည်ထည့်တည်တာမျိုး)၊ အားရှိစေတယ်၊ အစာကြေလွယ်တယ်၊ များများစားလို့တောင်ဘေးမဖြစ်စေနိုင်ဘူး။ (၂) နို့နဲ့ ကြက်ဥ ကလေးက ဝမ်းလျှောနေတာမဟုတ်ဘူးဆိုရင် နွားနို့ သို့မဟုတ် နို့မှုန့် နဲ့ကြက်ဥပါတဲ့ အာဟာရတစ်ခုခုဖန်တီးပေးနိုင်ပါတယ်။ ဥပမာ ပူတင်းပျော့ပျော့လေးလုပ်ကျွေးတာမျိုး။ကွေကာအုပ်နဲ့နွားနို့ကို ကျိုတိုက်တာလည်းကောင်းပါတယ်။ (၃) ကြက်စွပ်ပြုတ် အအေးမိ၊တုပ်ကွေးဆိုရင် ကြက်စွပ်ပြုတ်နဲ့တင်ပျောက်ကင်းသက်သာစေနိုင်တယ်လို့ပြောကြပါတယ်။ အအေးမိအတွက်တင် မကပါဘူး။ ကြက်စွပ်ပြုတ်က ကိုယ်ခံအားကိုကောင်းစေတာကြောင့်ဖျားနာ၊ အားနည်းနေတာမှန်သမျှ နာလန်ထူဖို့မြန်စေပါလိမ့်မယ်။ အစာအိမ်အတွက်လည်းကောင်းပြီး ပရိုတင်းနဲ့တခြားအာဟာရဓါတ်တွေပါဝင်လို့ အသီးအရွက်လေးနည်းနည်းခတ်လိုက်ရင် ညီညွတ်မျှတဲ့အာဟာရကို […]

သားသမီးအမြွှာဆိုတာ ကံထူးမှ ရတတ်တာမျိုးပါ။ လူတိုင်းမရနိုင်ကြပါဘူး။ ကလေးထိန်းပေးမယ့်သူရှိရင်တော့ အမြွှာလေးတွေ မွေးတာ ပြဿနာ မဟုတ်ပေမယ့် ကိုယ့်တစ်ယောက်တည်းသာရှိရင်တော့ အမြွှာကလေးတွေကို ပြုစုစောင့်ရှောက်ဖို့ဆိုတာ မိခင်တိုင်းအတွက် ကြီးမားတဲ့ စိန်ခေါ်မှုကြီးတစ်ရပ်ပါ။ အထူးသဖြင့် အစားအသောက် ပြင်ဆင်တဲ့ အပိုင်းမှာဆို အမြွှာနှစ်ယောက်အတွက် မေမေတို့ ပိုအားစိုက်ရတတ်ပါတယ်။ ကလေးဆိုတာ ထမင်းကျွေးရတာခက်ပါတယ်။ တစ်ယောက်ကို ထမင်းကျွေးဖို့အတွက်တောင် ခေါင်းစားနေတာ အမြွှာဆိုဘယ်လိုလုပ်မလဲလို့ စိုးရိမ်နေကြတဲ့မေမေတို့တွေဒီဆောင်းပါးလေးကို ဖတ်သင့်ပါတယ်။ ။ ကလေးနှစ်ယောက်လုံး တစ်ပြိုင်တည်း အစားစားအောင် လေ့ကျင့်ပေးထားပါ။ နှစ်ယောက်လုံးထမင်းစားချိန် တစ်ချိန်တည်းဖြစ်ပါမှ မေမေတို့ နှစ်ခါ အလုပ်မရှုပ်တော့မှာဖြစ်ပါတယ်။ အစားအသောက်တွေများများဆောင်ထားပါ။ ကလေးနှစ်ယောက်က တစ်ပြိုင်တည်းလည်း ဗိုက်ဆာတတ်တဲ့အတွက် အစားအသောက်တွေကို များများကြိုပြင်ထားပါ။ တစ်ယောက်နဲ့ တစ်ယောက်က စားနှုန်းလည်း မတူတဲ့အတွက် အပိုဆောင်ထားတာကသာ အကောင်းဆုံးဖြစ်မှာပါ။ ကလေးဆိုတာ အဖော်ရှိရင် ပိုပျော်တတ်တာမျိုးပါ။ အမြွှာတွေကိုကြည့်ကြည့်ပါ။ […]

မိဘတွေအနေနဲ့ ကိုယ့်ရဲ့ ကလေးကို ကျန်းမာဖွံ့ဖြိုးပြီး ဉာဏ်ရည်ထက်မြက်စေချင်တာ သဘာဝပါပဲ။ ဒီလို ကျန်းမာကြံ့ခိုင်ခြင်းအတွက် နေ့စဉ်လိုအပ်တဲ့ ဗီတာမင်နဲ့ သတ္တုဓာတ်တွေ ရရှိဖို့ လိုအပ်သလို မှန်ကန်ပြီး အာဟာရမျှတတဲ့ စားသောက်နေထိုင်မှုပုံစံ ရှိဖို့လည်း လိုအပ်ပါတယ်။ မိဘတွေ စိုးရိမ်နေတတ်တဲ့ ပြဿနာတွေထဲမှာ ကိုယ့်ကလေးတွေ မုန့်ပဲသရေစာ စားလွန်းတဲ့အခါ ဖြစ်လာနိုင်တဲ့ နောက်ဆက်တွဲကျန်းမာရေးပြဿနာတွေလည်း တစ်ခုအပါအဝင်ပါပဲ။ မုန့်ပဲသရေစာတွေမှာ ဆီ၊ ဆား၊ သကြား ပါဝင်မှုများပြီး ကလေးအတွက် လိုအပ်တဲ့ အာဟာရဓာတ်တွေ မရှိသလောက် နည်းပါးတာကြောင့် လျှော့စားတာတော့ အကောင်းဆုံးပါပဲ။ ကလေးတွေနဲ့ မုန့်ပဲသရေစာ ကလေးတွေဟာ အာဟာရဖြစ်စေတဲ့ အစားအစာတွေထက် မုန့်ပဲသရေစာကို ပိုသဘောကျနှစ်သက်ကြတာ သဘာဝပါပဲ။ အဆီများတဲ့ အကြော်အလှော်တွေ၊ သကြားပါဝင်မှုများတဲ့ ကိတ်မုန့်၊ သကြားလုံး၊ ပူတင်း၊ ရေခဲမုန့်တွေအပြင် ဆိုင်တွေမှာ အလွယ်တကူဝယ်လို့ ရတဲ့ အာလူးကြော်၊ […]

ကလေးကို အစားအသောက်ပြင်ဆင်ပေးတဲ့နေရာမှာ မေမေတိုင်း တစ်ဘက်ကမ်းခတ်တော်နေကြတာ မဟုတ်ပါဘူး။ သူတို့ မသဲကွဲတဲ့အချက်တွေ မရှင်းတဲ့အချက်တွေ အများကြီးရှိပါသေးတယ်။ ဒီဆောင်းပါေးလးထဲမှာ မေမေတို့ အမေးများတဲ့ မေးခွန်းတွေအတွက် အဖြေလေးတွေ ဖြေပေးထားပါတယ်။ Q .ကလေးကို ဘယ်အရွယ်မှာ ရေစတိုက်လို့ရသလဲ။ ။ ကလေးအသက် ၆ လအထိ မိခင်နို့ တစ်မျိုးတည်းတိုက်ရမှာဖြစ်တဲ့ အတွက် ရေတိုက်လို့မရပါဘူး။ ကလေးအသက် ၆လကျော် ဖြည့်စွက်စာစားတဲ့ အချိန်ရောက်မှသာ ရေတိုက်လို့ရမှာပါ။ Q .ကလေး ဝမ်းမှန်အောင် ဘာတွေကျွေးရမလဲ။ ။ ဖြည့်စွက်စာ စားချိန်ဆို ကလေးတွေအသီးအရွက်ထက် အသားပိုစားကြပါတယ်။ ဒါကြောင့် အမျှင်ဓါတ်ေတွမရတော့ဘဲ ကလေးတွေဝမ်းချုပ်ကြတာဖြစ်ပါတယ်။ ကလေးဝမ်းမှန်စေဖို့အတွက်ဆို အသီးအရွက်များများကျွေးပါ။ အသီးဖျော်ရည်လုပ်တိုက်ပါ။ ကိုယ်လက်လှုပ်ရှားမှုလုပ်ခိုင်းပါ။ ဝမ်းသွားချင်ရင် ချုပ်မထားသင့်ကြောင်း ပြောပြပါ။ ကလေးက မိခင်နို့်သောက်နေတဲ့သူဆိုရင်တော့ မေမေတို့ အသီးအရွက်များများ စားပေးပါ။ Q .ကလေးထွားဖို့ အားဆေးတိုက်ဖို့လိုလား ။ […]

အသီးအရွက်တွေကို ရေသန့်သန့်လေးဆေးပြီး အစိမ်းလိုက် ဂျိုးဂျိုးဂျွက်ဂျွက်ဝါးစားရတာ မိုက်တယ်နော်။ ကိုယ်စားလို့ အရသာရှိတိုင်း ကိုယ်ရဲ့ ကိုယ်ပွားဖြစ်တဲ့ ကလေးကို ကျွေးချင်မိတယ်ဟုတ်။ ကလေးတွေ ဟင်းသီးဟင်းရွက် အစိမ်းစားလို့ရလား .... ကလေးက ငယ်သေးတော့ကျွေးလို့ရပါ့မလားလို့ စိတ်ပူနေတယ်ဆိုရင်တော့ ဒီဆောင်းပါးလေးက မေမေဖေဖေတို့အတွက်ပါ။ ကလေးတွေ ဟင်းသီးဟင်းရွက် အစိမ်းစားလို့ရလား ကလေးက ဖြည့်စွက်စာစစားပြီး နည်းနည်းလေး ကြီးလာပြီဆိုရင် လူကြီးတွေစားသမျှကို စားဖို့ စိတ်ဝင်စားစပြုလာပြီလေ။ ကိုကိုမမတွေရှိတဲ့ ကလေးတွေဆို အကြီးတွေစားသမျှကိုလိုက်စားချင်ပြီလေ။ ဒီလိုအချိန်မျာ ကလေးကိုကျွေးမှာလား ၊ မကျွေးဘူးလား ဘယ်လိုဆုံးဖြတ်မလဲ။ ကလေးတွေ ဟင်းသီးဟင်းရွက် အစိမ်းစားလို့ရလား ဆိုတော့ ကလေးက ၂ နှစ်လောက်ကျော်လာပြီဆိုရင်၊ ကျွတ်ဆတ်တဲ့ အစာမာတွေကို သေချာကြေညက်အောင် ဝါးပြီး မျိုချနိုင်ပြီဆိုရင် ကျွေးလို့ ရပါပြီ။ ကျွေးလို့ရတာဆိုရင်တော့ကျွေးလိုက်တာအကောင်းဆုံးပါ။ ကလေးအတွက် အရသာအသစ်အဆန်းကိုမြည်းစမ်းခွင့်ရစေမှာဖြစ်သလို ကလေးကို ကျန်းမာတဲ့ အစားအသောက်အလေ့အထပျိုးထောင်ခွင့်ရစေမှာပါ။ အသက် […]

ကလေးတစ်ယောက် ဘဝထဲရောက်လာရင် သူကျန်းမာပျော်ရွှင်နေစေဖို့အတွက်က အရေးကြီးဆုံးကိစ္စဖြစ်လာပါပြီ။ ကလေးကို ပြုစုတဲ့အခါ ဘေးပတ်ဝန်းကျင်ရဲ့ လွှမ်းမိုးမှုကြောင့် ဖိုးဖိုးဖွားဖွားတွေ၊ ဆွေမျိုးတွေ၊ သူငယ်ချင်းမိတ်ဆွေတွေ ပြောသမျှကို လိုက်လုပ်မိတတ်ကြပါတယ်။ အတွေ့အကြုံမရှိတော့ အတွေ့အကြုံရှိသူတွေရဲ့ အကြံဉာဏ်ကိုယူရတယ်ဆိုတဲ့သဘောပေါ့။ ဒီလိုအတွေ့အကြုံတွေထဲမှာ အကြံဉာဏ်ပေးသူကိုယ်တိုင်က အသိမှားထားတာလေးတွေရှိနေတတ်ပါတယ်။ ကဲ .... ကလေးတွေရဲ့ အာဟာရနဲ့ပတ်သက်တဲ့ လွဲလွဲလေးများ အကြောင်း လေ့လာလိုက်ရအောင်နော်။ ကလေးတွေရဲ့ အာဟာရနဲ့ပတ်သက်တဲ့ လွဲလွဲလေးများ ကလေးတွေရဲ့ အာဟာရနဲ့ပတ်သက်တဲ့ လွဲလွဲလေးများ ကတော့ အလွဲ (၁) - ကလေးက မိခင်နို့နဲ့ ဓာတ်မတည့်ဖြစ်နိုင်တယ် ဒါက အင်မတန်ရှားတဲ့အခြေအနေပါ။ ကလေးတွေက မိခင်နို့နဲ့ ဓာတ်မတည့်ဘူးဆိုတာ ရှားပါတယ်။ ကလေးက မေမေ့ဆီက နို့တွေကို အငမ်းမရစို့တာကြောင့် နို့ပြန်အန်တာမျိုး၊ အရမ်းဆာနေတာကြောင့် နို့တွေကို အများကြီးသောက်မိရာကနေ အန်တာမျိုးတော့ ဖြစ်နိုင်ပါတယ်။ ဒါက မိခင်နို့နဲ့ မတည့်လို့ မဟုတ်ပါဘူး။ […]

ဆီးချိုေရာဂါကို ကြိုတင်ကာကွယ်ခွင့်မရနိုင်တဲ့ကံကြမ္မာနဲ့မွေးဖွားလာတဲ့ကလေးအတွက် မိဘတွေ စိတ်မကောင်းဖြစ်ကြမှာပါ။ ဒါပေမယ့် ဆင်ခြင်ထိန်းညှိနေထိုင်သွားမယ်ဆိုရင် သက်ရှည်ကျန်းမာစွာနေထိုင်သွားနိုင်လိမ့်မယ်ဆိုတာလေး သတိရပါ။ အမျိုးအစား ၁ ဆီးချိုေသွးချိုဆိုတာ ကလေးတွေရဲ့ခန္ဓါကိုယ်က အင်ဆူလင်မထုတ်ပေးနိုင်တဲ့ရောဂါဖြစ်ပါတယ်။ ဒါ့ကြောင့် ကလေးရဲ့သွေးတွင်းသကြားဓါတ်၊ စားသောက်ပုံနဲ့ကိုယ်လက်လှုပ်ရှားမှုတွေကို အမြဲစောင့်ကြည့်ပေးဖို့၊ လိုအပ်လာရင် အင်ဆူလင်ထိုးပေးဖို့လိုပါတယ်။ တခြားကလေးတွေလိုပဲ ဆီးချိုရှိတဲ့ကလေးတွေဟာလည်း ကြီးထွားဖွံ့ဖြိုးမှုအတွက် အာဟာရဓါတ်ကြွယ်ဝတဲ့အစားအသောက်တွေလိုအပ်ပါတယ်။ တစ်နေ့တာမှာ ပရိုတင်းဓါတ်၊ အကျိုးပြုအဆီဓါတ်တွေ၊ ဗီတာမင်နဲ့သတ္တုဓါတ်ေတွလုံလောက်အောင်ရရှိသင့်ပါတယ်။ အာဟာရပြည့်အောင် ဘယ်လိုကျွေးရမလဲ ဆီးချိုမရှိတဲ့ကလေးတစ်ယောက်ကို အစားအသောက်စီစဉ်ပေးရတာကတောင် မေမေတို့အတွက် အတော်ခေါင်းစားရတဲ့ကိစ္စပါ။ သူတို့က စားချင်တဲ့အခါစားတယ်၊နောက်တစ်ခါ ဒီအစားအစာပဲထပ်ကျွေးတဲ့အခါ မစားတော့တာမျိုး အကြိုက်တွေ၊အစားစားချင်စိတ်တွေကပြောင်းလဲတတ်တဲ့ အရွယ်ပါ။ ဆီးချိုရောဂါရှိနေရင်တော့ ပိုဂရုစိုက်ရမယ်၊နောက်ဆက်တွဲပြဿနာတွေကိုလည်းထည့်တွက်ရမယ်။ ဒါပေမယ့် သွေးတွင်းသကြားဓါတ်ကိုထိန်းဖို့ရယ် အာဟာရပြည့်ဖို့ရယ်က ဟန်ချက်ညီဖို့နည်းနည်းခက်နိုင်ပါတယ်။ ကလေးကို လိုအပ်တဲ့ အာဟာရဓါတ်တွေလည်းရအောင် ဆီးချိုလည်းထိန်းနိုင်အောင် ဒီအချက်လေးတွေ အကြံပေးပါရစေ။ ကလေးဆိုတော့ရေထက် အချိုရည်ကိုပိုတောင့်တနေတယ်ဆိုရင် အရည်ရွှမ်းတဲ့ အသီးကျွေးပါ ဒါမှမဟုတ် အသီးဖျော်ရည်(သကြားမပါ) ကို […]

ကလေးကို အိုင်းစတိုင်းလောက် ဉာဏ်ရည် မြင့်အောင် မမွေးမြူနိုင်တာ သင့်အပြစ် မဟုတ်ဘူး၊ ကလေးရဲ့ ဦးနှောက်ဖွံ့ဖြိုးမှုကို ထိခိုက်စေတဲ့ အရာတွေ ကျွေးမိနေတာ မသိရင်တော့ သင့်အပြစ်ပဲ။ ဘာလို့ဆို ကလေးရဲ့ ကြီးထွားဖွံ့ဖြိုးမှု အပေါ် သက်ရောက်နိုင်တဲ့ အချက်တွေထဲမှာ အစာအာဟာရက ထိပ်ဆုံးက ပါဝင်လို့ပါပဲ။ ဒါကြောင့် ဘယ်အစားအစာတွေက ကလေးရဲ့ဦးနှောက်ဖွံ့ဖြိုးမှုကိုထိခိုက်စေတယ်ဆိုတာ သိထားဖို့ လိုပါတယ်။ သင်သိပါသလား ဒါတွေက ကလေးရဲ့ဦးနှောက်ဖွံ့ဖြိုးမှုကိုထိခိုက်စေတယ်ဆိုတာ ဘာတွေကများ ကလေးရဲ့ဦးနှောက်ဖွံ့ဖြိုးမှုကိုထိခိုက်စေတယ်ဆိုတာ သိရှိနိုင်စေဖို့ ဖော်ပြလိုက်ပါတယ်။ အချိုများတဲ့ သောက်စရာတွေ အချိုများတဲ့ သောက်စရာတွေက အဝလွန်ခြင်းကို ဖြစ်စေတဲ့အပြင် အမျိုးအစား ၂ ဆီးချိုရောဂါနဲ့ နှလုံးရောဂါ ဖြစ်နိုင်ခြေ ပိုများစေနိုင်ပါတယ်။ ဒီထက်ပိုဆိုးတာက ဦးနှောက်ကိုလည်း ဆိုးကျိုးသက်ရောက်နိုင်တယ်တဲ့။ တိရိစ္ဆာန်လေးတွေမှာ လေ့လာချက်အရ အချို များများစားရင် မှတ်ဉာဏ် ချို့ယွင်းခြင်းနဲ့ သင်ယူလေ့လာနိုင်စွမ်း ကျဆင်းခြင်းတွေ ဖြစ်စေနိုင်တယ်လို့ သုတေသန […]