သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

အိမ်ကအမြွှာ သားသားမီးမီးတွေအတွက် အစားအသောက်တွေ ဘယ်လိုပြင်ဆင်မလဲ။ ။

အိမ်ကအမြွှာ သားသားမီးမီးတွေအတွက် အစားအသောက်တွေ ဘယ်လိုပြင်ဆင်မလဲ။   ။

သားသမီးအမြွှာဆိုတာ ကံထူးမှ ရတတ်တာမျိုးပါ။ လူတိုင်းမရနိုင်ကြပါဘူး။ ကလေးထိန်းပေးမယ့်သူရှိရင်တော့ အမြွှာလေးတွေ မွေးတာ ပြဿနာ မဟုတ်ပေမယ့် ကိုယ့်တစ်ယောက်တည်းသာရှိရင်တော့ အမြွှာကလေးတွေကို ပြုစုစောင့်ရှောက်ဖို့ဆိုတာ မိခင်တိုင်းအတွက် ကြီးမားတဲ့ စိန်ခေါ်မှုကြီးတစ်ရပ်ပါ။ အထူးသဖြင့် အစားအသောက် ပြင်ဆင်တဲ့ အပိုင်းမှာဆို အမြွှာနှစ်ယောက်အတွက် မေမေတို့ ပိုအားစိုက်ရတတ်ပါတယ်။ ကလေးဆိုတာ ထမင်းကျွေးရတာခက်ပါတယ်။ တစ်ယောက်ကို ထမင်းကျွေးဖို့အတွက်တောင် ခေါင်းစားနေတာ အမြွှာဆိုဘယ်လိုလုပ်မလဲလို့ စိုးရိမ်နေကြတဲ့မေမေတို့တွေဒီဆောင်းပါးလေးကို ဖတ်သင့်ပါတယ်။ ။

  • ကလေးနှစ်ယောက်လုံး တစ်ပြိုင်တည်း အစားစားအောင် လေ့ကျင့်ပေးထားပါ။

နှစ်ယောက်လုံးထမင်းစားချိန် တစ်ချိန်တည်းဖြစ်ပါမှ မေမေတို့ နှစ်ခါ အလုပ်မရှုပ်တော့မှာဖြစ်ပါတယ်။

  • အစားအသောက်တွေများများဆောင်ထားပါ။

ကလေးနှစ်ယောက်က တစ်ပြိုင်တည်းလည်း ဗိုက်ဆာတတ်တဲ့အတွက် အစားအသောက်တွေကို များများကြိုပြင်ထားပါ။ တစ်ယောက်နဲ့ တစ်ယောက်က စားနှုန်းလည်း မတူတဲ့အတွက် အပိုဆောင်ထားတာကသာ အကောင်းဆုံးဖြစ်မှာပါ။

  • ကလေးဆိုတာ အဖော်ရှိရင် ပိုပျော်တတ်တာမျိုးပါ။

အမြွှာတွေကိုကြည့်ကြည့်ပါ။ တစ်ယောက်ထမင်းစား၊ မုန့်စားနေပြီဆို နောက်တစ်ယောက်က မစားချင်ဘဲကို မနေပါဘူး။ ဒါကြောင့် ကိုယ့်အမြွှာထဲက တစ်ယောက်ကသာ အစားပုတ်တယ်ဆိုရင် နောက်တစ်ယောက် အစားစားဖို့ သိပ်တွန်းနေစရာ မလိုပါဘူး။ စားဖော်စားဖက်ရှိတော့ ပိုစားဝင်ကြတယ်မလား။

  • ချီးမွမ်းပါ။

ကလေးဆိုတာ အမြှောက်ကြိုက်ပါတယ်။ တစ်ယောက်ကို ကိုယ်က ချီးမွမ်းနေရင် နောက်တစ်ယောက်ကလည်း အချီးမွမ်းခံချင်တာနဲ့ လိုက်လုပ်မှာဖြစ်ပါတယ်။ ဒါကြောင့် ဟယ် မမကတော်လိုက်တာ လိမ္မာတယ် ထမင်းတွေ အကုန်စားတယ်လို့ ချီးကျူးလိုက်တာနဲ့ ညီမလေးကလည်း သူလိမ္မာကြောင်းပြချင်လို့ ထမင်းကုန်အောင် လိုက်စားတော့မှာပါ။

  • အစားအသောက်တွေကို သန့်သန့်ရှင်းရှင်းပြင်ပေးပါ။

ကလေးစားမယ့် အစားသောက်တွေကို သန့်ရှင်းအောင်ပြင်ပေးဖို့ဆိုတာ ကလေးရှိတဲ့မေမေတိုင်း လိုက်နာသင့်တဲ့ အချက်ပါ။ အမြွှာနှစ်ယောက်မှာ တစ်ယောက်နေမကောင်းဖြစ်ရင်နောက်တစ်ယောက်ကလည်း လိုက်ပြီးနေမကောင်းဖြစ်နိုင်တာကြောင့်မေမေတို့ အလုပ်ပိုရှုပ်နိုင်ပါတယ်။

  • စိတ်ရှည်ပါ။

ကလေးတစ်ယောက်ကိုပြုစုပျိုးထောင်ဖို့ဆိုတာ မလွယ်ပါဘူး။ အမြွှာဆိုတော့တစ်ယောက်တည်း မဟုတ်တာသေချာတဲ့အတွက်မေမေတို့ဘက်က ပိုပြီး စိတ်ရှည်သည်းခံရမယ့် အပိုင်းလေးတွေပါလာပါပြီ။

ကလေးတစ်ယောက်ကိုတောင် ထမင်းကျွေးဖို့တောင် တိုင်ပတ်နေတဲ့ မေမေတို့တွေ အမြွှာလေးတွေကိုသာ ထမင်းကျွေးရမယ်ဆိုရင် မူးနောက်နေမှာ ပြောဖို့လိုမယ်တောင် မထင်ပါဘူး။ ခုဆောင်းပါးလေးကအမြွှာလေးတွေကို ထမင်းကျွေးချိန်ရောက်တိုင်း ကလေးတွေ ထမင်းမစားမှာစိုးလို့ ခေါင်းစားနေတဲ့ မေမေတို့ အတွက် အထောက်အကူပြုမယ်လို့ရည်ရွယ်ပါတယ်။ ။

health-tool-icon

ကလေးကာကွယ်ဆေးထိုး အချိန်ဇယား

ကာကွယ်ဆေးထိုးအချိန်ဇယားကို အသုံးပြုပြီး သင့်ကလေး ဘယ်ကာကွယ်ဆေးကို ဘယ်အရွယ်မှာ ထိုးသင့်တယ်ဆိုတာကို လေ့လာလိုက်ပါ။

ကလေးက ယောကျာ်းလေးလား၊ မိန်းကလေးလား

အမျိုးသား

အမျိုးသမီး

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

စာရေးသူ ဓာတ်ပုံbadge
Dr. Thin Yadanar @ Frances မှ ရေးသားသည်။ 4 ပတ် အကြာက တွင် ပြန်လည်ပြင်ဆင်ခဲ့သည်။
Hello Sayarwon Panel မှ အချက်အလက် စစ်ဆေးထားပါသည်။