ကလေးကို အစားအသောက်ပြင်ဆင်ပေးတဲ့နေရာမှာ မေမေတိုင်း တစ်ဘက်ကမ်းခတ်တော်နေကြတာ မဟုတ်ပါဘူး။ သူတို့ မသဲကွဲတဲ့အချက်တွေ မရှင်းတဲ့အချက်တွေ အများကြီးရှိပါသေးတယ်။ ဒီဆောင်းပါေးလးထဲမှာ မေမေတို့ အမေးများတဲ့ မေးခွန်းတွေအတွက် အဖြေလေးတွေ ဖြေပေးထားပါတယ်။
ထွက်မှာ သေချာပြီလား။
ကလေးကို အစားအသောက်ပြင်ဆင်ပေးတဲ့နေရာမှာ မေမေတိုင်း တစ်ဘက်ကမ်းခတ်တော်နေကြတာ မဟုတ်ပါဘူး။ သူတို့ မသဲကွဲတဲ့အချက်တွေ မရှင်းတဲ့အချက်တွေ အများကြီးရှိပါသေးတယ်။ ဒီဆောင်းပါေးလးထဲမှာ မေမေတို့ အမေးများတဲ့ မေးခွန်းတွေအတွက် အဖြေလေးတွေ ဖြေပေးထားပါတယ်။
ကလေးအသက် ၆ လအထိ မိခင်နို့ တစ်မျိုးတည်းတိုက်ရမှာဖြစ်တဲ့ အတွက် ရေတိုက်လို့မရပါဘူး။ ကလေးအသက် ၆လကျော် ဖြည့်စွက်စာစားတဲ့ အချိန်ရောက်မှသာ ရေတိုက်လို့ရမှာပါ။
ဖြည့်စွက်စာ စားချိန်ဆို ကလေးတွေအသီးအရွက်ထက် အသားပိုစားကြပါတယ်။ ဒါကြောင့် အမျှင်ဓါတ်ေတွမရတော့ဘဲ ကလေးတွေဝမ်းချုပ်ကြတာဖြစ်ပါတယ်။ ကလေးဝမ်းမှန်စေဖို့အတွက်ဆို အသီးအရွက်များများကျွေးပါ။ အသီးဖျော်ရည်လုပ်တိုက်ပါ။ ကိုယ်လက်လှုပ်ရှားမှုလုပ်ခိုင်းပါ။ ဝမ်းသွားချင်ရင် ချုပ်မထားသင့်ကြောင်း ပြောပြပါ။ ကလေးက မိခင်နို့်သောက်နေတဲ့သူဆိုရင်တော့ မေမေတို့ အသီးအရွက်များများ စားပေးပါ။
ကလေးရဲ့ နေ့စဉ်စားတဲ့ အစားအသောက်တွေဟာ အာဟာရြပည့်ဝမျှတနေမယ်၊ ကလေးကလည်း အစားကြေးများ မနေဘူးဆိုရင် ကလေးထွားဖို့ အားဆေးတိုက်စရာ မလိုပါဘူး။
ကလေး အသက် ၆ လအတွင်းမှာ မိခင်နို့တစ်မျိုးတည်း တိုက်တာကသာ အကောင်းဆုံးပါ။ ဖြည့်စွက်စာစကျွေးတဲ့ အချိန်ရောက်မှသာ ဖြည့်စွက်စာလည်းကျွေး၊ မိခင်နို့လည်းတိုက်၊ နို့မှုန့်လည်းတိုက်ပါ။ ဒါမှ ကလေးအူက ခံနိုင်ရည်ရှိမှာဖြစ်ပါတယ်။
ကလေးက အသက် ၁ နှစ်အရွယ်ဆိုရင် တစ်နေ့ကို နွားနို့ ၈အောင် စကနေ ၁၂အောင်စ တိုက်ပေးရုံနဲ့ လုံလောက်ပါတယ်။ နွားနို့ တစ်နေ့ကို တစ်ခွက် ကနေ ၁ ခွက်ခွဲလောက်ဆိုရင် ကလေးအတွက် လိုအပ်တဲ့ ကယ်လ်ဆီယမ်နဲ့ဗီတာမင် Dကိုရရှိစေမှာပါ။ ကလေးက အသက် ၂ နှစ်ဆိုရင်တော့ တစ်နေ့ကို နွားနို့ ၁၆အောင်စ နှစ်ခွက်တိုက်ပေးရင်လုံလောက်ပါတယ်။ ကလေးက နှစ်နှစ်ကျော်ပြီဆိုရင်တော့ နွားနို့ကို တစ်နေ့ကို ၄ ခွက်လောက်အထိတိုက်ပေးလို့ရပါတယ်။ ဒါ့အပြင်နို့ထွက်ပစ္စည်းတွေကျွးပေးလို့လည်းရပါတယ်။
ကလေးအသက်ဘယ်လောက်ဆို ငါးကြီးဆီ တိုက်မှရမယ်ဆိုတဲ့ ကန့်သတ်ချက်တော့ မရှိပါဘူး။ ကလေး အသက် ၆ လအထိကမိခင်နို့တစ်မျိုးတည်း တိုက်ရမယ်ဆိုတာကတော့ အားလုံးအသိပါ။ ဒီတော့ဖြည့်စွက်စာကျွေးတဲ့ အရွယ်မှာ ကိုယ့်ကလေးက ငါးတွေ မစားတဲ့သူ၊ EPA နဲ့ DHA တို့ပါတဲ့ အာဟာရနို့မှုန့်တွေ မသောက်ဘူးဆိုရင်တော့ ကလေးကို ငါးကြီးဆီတိုက်ဖို့လိုပါတယ်။ အတိုချုပ်ပြောရရင် ငါးကြီးဆီ တိုက်သင့်တဲ့ အရွယ်ဆိုတာ အတိအကျ သတ်မှတ်ထားတာမရှိပါဘူး။ ကိုယ့်ကလေးက ငါးမစားဘူးဆိုရင် ဆရာဝန်နဲ့ တိုင်ပင်ပြီး ငါးကြီးဆီ တိုက်သင့်ရင်တိုက်ရပါမယ်။
ကလေးတစ်ယောက်သောက်သင့်တဲ့ ငါးကြီးဆီ ပမာဏကို ငါးကြီးဆီတွေမှာပါတဲ့ EPA နဲ့ DHA ပမာဏနဲ့ ဆုံးဖြတ်ပါတယ်။
သဘောကတော့ ကိုယ်ငါးကြီးဆီဝယ်ပြီဆိုရင် ငါးကြီးဆီဘူးနောက်မှာပါတဲ့ EPA နဲ့ DHA ပမာဏနှစ်ခုကို တစ်ချက်ပေါင်းပြီး ကိုယ့်ကလေး အသက်နဲ့ ပြန်ချိန်ဆပါ ။ ငါးကြီးဆီတော်တော်များများကတော့ လိုအပ်တဲ့ ပမာဏတွေ ချိန်ပြီး ထုတ်ထားတာဖြစ်ပါတယ်။ လူကြီးဆို ဘယ်နှစ်လုံး ကလေးဆို ဘယ်နှစ်လုံးဆို သောက်ရမလဲဆိုတာက ကိုယ်ဝယ်သောက်တဲ့ ငါးကြီးဆီ တံဆိပ်ပေါ်မူတည်ပါတယ်။ ။
ပီကေ၊ ပျားရည်၊ ရယ်ဒီမိတ်အသားတွေ၊ အကင်တွေ၊ ဂတ်စ်ပါတဲ့ အချိုရည်တွေနဲ့ ကလေးနဲ့ ဓါတ်မတည့်တဲ့ အစားအသောက်တွေဟာ ကလေးကို မကျွေးသင့်တဲ့ အစားအသောက်တွေပါ။
ကလေးက ဖျားနာလွယ်မယ်၊ ခဏခဏဝမ်းပျက်ဝမ်းလျှောဖြစ်မယ်၊ သူများတွေထက်ညှက်နေမယ်၊ အာရုံလည်း မစူးစိုက်နိုင်ဘူး၊ ဆိုရင် အာဟာရမပြည့်ဝတာဖြစ်နိုင်ပါတယ်။
ကိုယ့်ကလေးကို ဉာဏ်ကောင်းစေချင်ရင် ဦးနှောက်ဖွံ့ဖြိုးဖို့အတွက် လိုအပ်တဲ့ အာဟာရတွေ ဖြစ်တဲ့
သံဓါတ် ။ ။ အသား၊ အသည်းအမြစ်၊ ငါး၊ တို့ဟူး၊ အစေ့အဆန်တွေ၊ အစိမ်းရောင်ဟင်းသီးဟင်းရွက်
ဗီတာမင် B ။ ။ အသား၊ ငါး၊ ကြက်သား၊ အခွံမာသီး၊ နို့ထွက်ပစ္စည်း၊ ဥနဲ့ ပဲအမျိုးမျိုး
ဖောလစ်အက်ဆစ် (Folic Acid) ။ ။ မိခင်နို့၊ အစိမ်းရောင်ဟင်းသီးဟင်းရွက်၊ အသည်း၊ ပဲ၊ ဂျုံ၊ ကောက်ပဲသီးနှံ
အိုင်အိုဒင်းဓါတ် ။ ။ မိခင်နို့၊ ပင်လယ်စာ၊အိုင်အိုဒင်းဆား
DHA, Omega – 3, Omega – 6 ။ ။ DHA, Omega 3, Omega 6 တို့ပါတဲ့ အဆီများတဲ့ တူနာငါး၊ ဆယ်လ်မွန်ငါး၊ အာဟာရနို့မှုန့်တွေ၊ ငါးကြီးဆီတွေကျွေးရပါမယ်
ကဲ ဒီလောက်ဆို ကလေးကို ကျွေးမွေးပြုစုတာနဲ့ ပက်သက်လို့ မေမေတို့ရှင်းသလောက်ဖြစ်သွားပြီလို့ထင်ပါတယ်။ ကလေးအာဟာရနဲ့ ပက်သက်လို့ သိပ်မသိကြသေးတဲ့ မေမေတို့တစ်နေရာတည်းမှာဖတ်နိုင်စေဖို့ အတွက် ရည်ရွယ်ပါတယ်။
Hello Health Groupသည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပါ။
ကာကွယ်ဆေးထိုးအချိန်ဇယားကို အသုံးပြုပြီး သင့်ကလေး ဘယ်ကာကွယ်ဆေးကို ဘယ်အရွယ်မှာ ထိုးသင့်တယ်ဆိုတာကို လေ့လာလိုက်ပါ။
ကလေးက ယောကျာ်းလေးလား၊ မိန်းကလေးလား
အမျိုးသား
အမျိုးသမီး
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
How to choose the best formula for your babyhttps://www.babycenter.com.au/a9302/how-to-choose-the-best-formula-for-your-baby#ixzz5UAYyGSoGAccessed Date 17 October 2018
Essential fatty acids in your child’s diet. http://www.babycenter.com/0_essential-fatty-acids-in-your-childs-diet_10324690.bc. Accessed on January 10, 2017.
When Can Babies Start Drinking Cow’s Milk?https://kidshealth.org/en/parents/cow-milk.html Accessed Date 27 November 2018
10 Ways to Relieve Baby’s Constipation https://www.mom365.com/baby/baby-health/10-ways-to-relieve-babys-constipation Accessed date 28.11.2018