ကလေးကျန်းမာရေး

သင့်ကလေးခေါင်းမူးတယ်၊နှာစေးတယ်ဒါမှမဟုတ်ဗိုက်နာတယ်၊ဗိုက်အောင့်တယ်လို့ပြောရင်တကယ်ပဲဖျားနာနေတာလားဒါမှမဟုတ်ကျောင်းမသွားချင်လို့သင့်ကိုသက်သက်ညာနေတာလားဆိုတာပြောဖို့နည်းနည်းတော့ခက်ပါတယ်။ ဆိုတော့ဆရာဝန်ပဲသွားပြရမှာလား၊သင့်ကလေးကိုပဲနားရွက်လိမ်ဆွဲရမှာလားဆိုတာသင်ဆုံးဖြတ်ဖို့လိုလာပါပြီ။ သင့်အနေနဲ့ဒီအမှုကြီးကိုစုံစမ်းဖော်ထုတ်ဖို့လိုလာပါပြီ။ မြေပြင်အခြေအနေကိုကွင်းဆင်းပါ။ သင်မြင်ရတဲ့အခြေအနေနဲ့သင့်ကလေးရဲ့ပြောစကားကိုချိန်ထိုးပါ။ တကယ်လို့သင့်ကလေးဟာဗိုက်နာတယ်သာတွင်တွင်အော်နေပေမယ့်ဝက်အူချောင်းတွေ၊မုန့်တွေ၊ကိတ်မုန့်တွေအစားမပျက်ဖူးဆိုရင်ဒါဘာပြဿနာမှမရှိပါဖူး။ ဒါပေမယ့်သင့်ကလေးဟာအစာလည်းမစား၊အရည်တွေလည်းမသောက်တော့ဖူးဆိုရင်တော့သင်စိုးရိမ်သင့်ပါပြီ။   သက်သေခံတွေကိုစုဆောင်းပါ။ သင့်ကလေးနေကောင်းလားမကောင်းလားနဲ့ပတ်သက်ပြီးသင့်ကိုသတင်းပေးနိုင်မယ့်ရိုးရှင်းတဲ့ကိရိယာလေးနှစ်ခုရှိပါတယ်။ ဒါတွေက ပြဒါးတိုင်နဲ့ဓါတ်မီးလေးပဲ ဖြစ်ပါတယ်။ ရှေးခေတ်ကသုံးတဲ့သားသားလေးဖျားနေလားမှန်းစမ်းဆိုပြီးနဖူးပေါ်လက်လေးတင်ပြီးစမ်းတာတကယ်တော့သိပ်အလုပ်မဖြစ်လှပါဖူး။ သင့်လက်ကစမ်းလို့ရတာဟာနဖူးအရေပြားရဲ့အပူချိန်သာ ဖြစ်ပါတယ်။ သင့်အနေနဲ့ခန္ဓါကိုယ်အတွင်းပိုင်းအပူချိန်ကိုအဓိကတိုင်းရမှာပါ။ စောင်ပုံထဲအောင်းထားတာဒါမှမဟုတ်နဖူးပေါ်ရေနွေးပုလင်းကပ်ထားတာမျိုးကိုလောလောလတ်လတ်လုပ်ထားရင်သင်စမ်းကြည့်တဲ့အခါသင့်ကလေးရဲ့နဖူးပူနေတာတွေ့ရပါလိမ့်မယ်။ ဂုဏ်ယူပါတယ်။ သင့်ကလေးသင့်ကိုအောင်မြင်စွာအရူးလုပ်သွားပါပြီ။ ဒါပေမယ့်မိဘဆိုတာအမြဲခြေတလှမ်းသာနေရပါမယ်။ သင်သိထားဖို့ကခုနကပြောသလိုတွေလုပ်ထားလို့သူတို့လေးတွေရဲ့နဖူးပူနေသည့်တိုင်ခန္ဓါကိုယ်အတွင်းပိုင်းအပူချိန်ကတော့တက်နေစရာဘာအကြောင်းမှမရှိပါဖူး။ ခန္ဓါကိုယ်အပူချိန်သုံးဆယ့်ရှစ်ဒီဂရီစင်တီဂရိတ်ထက်ပိုတော့မှဖျားတယ်လို့ဆရာဝန်တွေကသတ်မှတ်ပါတယ်။ ကလေးတွေဟာသူတို့အပူချိန်ကျသွားမှာကိုမစိုးရိမ်ပါဖူး(ကျောင်းသွားရမှာတော့စိုးရိမ်ကောင်းစိုးရိန်ပါလိမ့်မယ်)။ သင့်ကလေးအနေနဲ့လွန်ခဲ့တဲ့၂၄နာရီအတွင်းacetaminophenတို့၊ibuprofen တို့လိုအဖျားကျဆေးတွေလုံးဝမသောက်ထားတဲ့အနေအထားမှာခန္ဓါကိုယ်အပူချိန်ကပုံမှန်အတိုင်းအတာထဲမှာရှိနေသင့်ပါတယ်။ ဓါတ်မီးလေးကိုတော့သင့်ကလေးရဲ့ပါးစပ်အတွင်းထဲကိုကြည့်ဖို့သုံးပါ။ ကြည့်နေတဲ့အချိန်မှာသူတို့ကိုပါးစပ်အကျယ်ကြီးဟပြီး "အား"လို့အော်ခိုင်းပါ။ ဒီလိုအော်လိုက်ခြင်းအားဖြင့်လျှာကိုအောက်ဖိချထားလိုက်သလို ဖြစ်သွားတာကြောင့်အာသီးကိုရှင်းရှင်းလင်းလင်း မြင်ရပါလိမ့်မယ်။ တကယ်လို့လည်ချောင်းအနောက်ဖက်နားမှာအဖြူရောင်အစက်လေးတွေဒါမှမဟုတ်အရည်လေးတွေကိုတွေ့နေရတယ်ဆိုရင်သင့်ကလေးဖျားနေတာ ဖြစ်ကောင်းဖြစ်နိုင်ပါတယ်။ ဒီအချက်လေးတွကိုတွေ့တာနဲ့သင့်ကလေးဘက်တီးရီးယားပိုးဝင်နေပြီလို့သေချာပေါက်ဆိုလိုတာတော့မဟုတ်ပါဖူး။ လည်ပင်းကအကျိအချွဲလေးတွေကိုအနည်းငယ်ယူပြီးဓါတ်ခွဲခန်းမှာသေချာအောင်စစ်ဆေးရဦးမှာပါ။ ဒါပေမယ့်သင်ပြောနိုင်တာတခုကသင့်ကလေးပုံမှန်တော့မဟုတ်ဖူးဆိုတာပါပဲ။   ပွင့်ပွင့်လင်းလင်းဆွေးနွေးပါ။ သင့်ကလေးနေကောင်းရက်သားနဲ့ညာပြောတိုင်းမဆူပါနဲ့။ အကြောင်းရင်းကိုသိအောင်လုပ်ပါ။ သင့်ကိုညာပြောရတာဟာကျောင်းမှာသူတို့ကိုကြောက်စေတဲ့၊စိုးရိမ်ပူပန်စေတဲ့၊ပိုဆိုးတဲ့အရာတခုခုကစောင့်ကြိုနေတာကြောင့်လည်း ဖြစ်နိုင်ပါတယ်။ သင့်ရဲ့ကလေးပြုစုစောင့်ရှောက်မှုစွမ်းရည်ကိုမြှင့်တင်ပြီးသူတို့လေးတွေရဲ့စိတ်ထဲမှာတကယ်တမ်းဘာတွေရှိနေတယ်၊ဘာတွေဖြစ်နေတယ်ဆိုတာကိုသေချာသိအောင်လုပ်ရပါမယ်။ ကျောင်းမှာတရားလွန်စနောက်ခံရတာဒါမှမဟုတ်အနိုင်ကျင့်ခံရတာစတဲ့သူတို့မကြိုက်တဲ့၊အန္တရာယ်ရှိတဲ့အခြေအနေတွေကနေရှောင်ပုန်းချင်တဲ့အတွက်အကြောင်းရှာနေတာ ဖြစ်နိုင်ပါတယ်။   သင့်အနေနဲ့မသေချာရင်ဘာလုပ်ရမလဲ တခါတလေကျရင်မနက်ကျောင်းကားမလာခင်လေးမှသင့်ကလေးကနေမကောင်းဖူးလို့ပြောတဲ့အခါသင့်အနေနဲ့သူလေးညာနေတာလား၊တကယ်နေမကောင်းတာလားဆိုတာချက်ချင်းသိချင်မှသိနိုင်ပါလိမ့်မယ်။ ဒီလိုအနေအထားမျိုးနဲ့ကြုံလာရင်တနာရီလောက်စောင့်ကြည့်ပြီးသူတို့ညာနေတာဆိုရင်နောက်ကျနေလည်းကျောင်းကိုသင်ကိုယ်တိုင်လိုက်ပို့ပါ။ အဓိကအချက်ကကိုယ့်ကလေးအထာကိုကိုယ်နပ်ဖို့ပါပဲ။ Hello Health Groupသည် ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများမပြုလုပ်ပေးပါ။

ကလေးတွေကိုနွေရာသီနေဒဏ်မှကာကွယ်မယ်- နေရောင်ခံလိမ်းဆေး၊ အဝတ်အထည်၊ ဦးထုပ်နှင့်အခြားအရာများ   သင့်ကလေး၏အသားရေသည် နေဒဏ်ကိုပိုခံနိုင်ရပါသည်။ အထူးသဖြင့် အိမ်အပြင်၌လှုပ်ရှားမှုများသည့်ကာလဖြစ်သော နွေရာသီမျိုးတွင်ပိုဆိုးသည်။ အကာအကွယ်မပါပဲ ကလေးကိုအိမ်အပြင်မှာဆော့ခိုင်းပါက ပြင်းထန်သည့်ကျန်းမာရေးအခြေအနေများကို ခံစားရနိုင်ပါသည်။ ကလေးများအား နေရောင်ခံလိမ်းဆေး၊ ဦးထုပ်၊ အဝတ်အစားများနှင့် ကာကွယ်ပါ။ သင်ဘာလုပ်နိုင်မလဲ ရှာကြည့်ပါ။   နေရောင်ခံလိမ်းဆေးကိုအမြဲဆောင်ထားပါ။ ကလေး၏ချောမွတ်နူးညံ့သောအသားရေကို နေလှောင်ဒဏ်မခံရပါစေနှင့်။ နေမှလာသော UV အလင်းများသည် အရေတွန့်ခြင်း၊ အပြောက်များထခြင်းနှင့် အရေပြားကင်ဆာထိအောင်ဖြစ်နိုင်ပါသည်။ နေရောင်ခံခြင်းသည် မကောင်းပါ။ နေရောင်ခံခြင်းသည် ကလေးများ၏အရေပြားကို ပျက်စီးစေ၏။   အပြင်မထွက် ၁၅ မိနစ်ကြိုတင်၍နေရောင်ခံဆေးလိမ်းပေးရမည်ကို သတိပြုပါ။ ကလေးကို ကိုယ်တိုင်လိမ်းတတ်စေရန်သင်ပေးပါ။ နား၊ မျက်စေ့ဝန်းကျင်၊ လည်ပင်းနှင့် ဒူးနောက်ဖက်တို့ပါ လိမ်းရန်မမေ့ပါနှင့်။ နေရောင်ခံလိမ်းဆေးကို ၂ ခြားတစ်ခါလိမ်းပေးရမည်ဖြစ်သည်။ ကလေးရေကူးသွားလျှင် သို့ ချွေးအလွန်ထွက်လျှင် ၂ နာရီထက်စောလိမ်းပေးသင့်သည်။ ကလေးများအတွက်ထုတ်သော နေရောင်ခံဆေးကိုသာသုံးရန် မေမ့ပါနှင့်။ နေရောင်ခံလိမ်းဆေးတွင် zinc […]

ကလေးငယ်တွေရဲ့ဘဝအစပိုင်း လအနည်းငယ်မှာ cradle cap (ဦးရေပြား အဆီထွက်များ၊ အရေခွံကွာ သော ပြဿနာ) တွေဖြစ်ပေါ်ဖို့အလားအလာများပါတယ်။ cradle cap ဟာချစ်စရာကောင်းတဲ့အရာမဟုတ်ပေမယ့် အန္တရာယ်တော့မပေးပါဘူး။ ဒါပေမယ့် cradle cap ကိုမကုသဘဲထားရင် သင့်ကလေးကို အနာတွေဖြစ်စေနိုင်ပါတယ်။ အောက်ပါဆောင်းပါးက cradle cap ဆိုတာဘာလဲဆိုတာနဲ့ ဘယ်လိုရင်ဆိုင်ရမလဲဆိုတာကိုဖော်ပြထားပါတယ်။   ကျွန်မကလေးခေါင်းမှာ ဗောက်တွေဖြစ်နေပါတယ်။ ဒါဟာcradle cap ဟုတ်မဟုတ် ဘယ်လိုသိနိုင်မလဲ Cradle cap ရဲ့အတွေ့ရအများဆုံးရောဂါလက္ခဏာတွေကတော့ ထူပြီးအဆီတွေဖြစ်နေတဲ့ အညိုရောင် သို့မဟုတ် အဝါရောင်အရေခွံတွေ ဒါမှမဟုတ် မာကျောနေတဲ့အကွက်တွေ ကလေးရဲ့ဦးရေပြားမှာပေါ်နေတာပါပဲ။ ဒါ့အပြင် သင့်ကလေးမှာ ဗောက်လို ခြောက်သွေ့တဲ့အရေပြားအဖတ်အသေးလေးတွေဖြစ်နေတယ် ဆိုရင် cradle cap ဖြစ်ဖို့အလားအလာရှိပါတယ်။ ဒါကို infantile seborrheic dermatitis (မွေးကင်းစ ကလေး အဆီထွက်များသော အရေပြားပြဿနာ) […]

ကလေးငယ်များသည် အကြောင်းအမျိုးမျိုးကြောင့် သေးခံလောင်ခြင်းဖြစ်ပွားတတ်ပါသည်။ ဘယ်အရာများသည်အနှီးပူလောင်ခြင်းကို ဖြစ်ပွား စေနိုင်သလဲ။ စိုစွတ်ခြင်း ဘယ်လောက်ပဲ စုပ်ယူမှုအားကောင်းသည်ဟု ကြော်ငြာထားသော ကလေးသေးခံ (Diaper) ဖြစ်စေကာမူ စိုထိုင်းမှုအနည်းငယ်တော့ရှိပြီး သင့်ကလေး အရေပြားနှင့်ထိတွေ့နေရမည်ဖြစ်သည်။ ထို့အပြင် သင့်ကလေး၏ ဆီးနှင့်ဝမ်းမျာ း ရောသွားသောအခါ ဘက်တီးရီးယားပိုးများပေါက်ပွားရန် ပတ်ဝန်းကျင်တစ်ခုကို ဖန်တီးပေးလိမ့်မည်။ ရလဒ်အနေဖြင့် ဝမ်းပျက်ဝမ်းလျှောဖြစ်နေသောကလေးများသည် သေးခံလောင်ခြင်းဝေဒနာကို ပိုမိုခံစားရ လေ့ ရှိသည်။ တစ်ဖက်တွင်မူ သေးစိုခံဒိုင်ပါ ပုံမှန်လဲပေးနေလျှင်တောင်မှ သေးခံလောင်ခြင်း မဖြစ်ဘူးဟု အာမမခံနိုင်ပါဘူး။ အဘယ်ကြောင့်ဆိုသော် ထိခိုက်လွယ်သောအရေပြားသည် သေးခံလောင်ခြင်းကို ပိုမိုဖြစ်ပွားစေနိုင်သည်။ ဓါတုပစ္စည်းများထိတွေ့မှု သေးခံလောင်ခြင်း၏ အကြောင်းအရင်းတစ်ရပ်သည် သေးစိုခံဒိုင်ပါနှင့် ကလေး၏အရေပြားများ ပွတ်တိုက်မိခြင်းကြောင့်ဖြစ်သည်။ အထူးသဖြင့် သေးစိုခံဒိုင်ပါတွင် ပါဝင်သောအမွှေးရနံ့များ သို့မဟုတ် အနှီးလျှော်ရာတွင်သုံးသော ဆပ်ပြာများ စသောဓါတုပစ္စည်းများနှင့် ထိတွေ့ရခြင်းကြောင့်ဖြစ်သည်။ သေးခံလောင်ခြင်းသည် ကလေးငယ်ကိုသုံးပေးသော ကလေးလိုးရှင်း သို့မဟုတ် […]

(ဒီကလေး ငါပြောသမျှစကားကိုနားမထောင်တာဘယ်တော့ရပ်မလဲ၊ငါပြောတဲ့အတိုင်းဘယ်တော့မှ လုပ်မလဲ) သင်ဒီလိုမျိုး စဉ်းစားဖူးပါသလား။ ဤအရာသည် အလွန်စိတ်ပျက်စရာလည်း ကောင်းကာ ပင်ပန်းပါသည်။ သင့်ကလေးသည် သင်ပြောသမျှအရာတိုင်းကို ဆန့်ကျင်မည်၊ ဒေါသထွက်မည်၊ စိတ်ပျက်စရာ ကောင်းလောက်အောင်ပြုမူနေမည်ဆိုလျှင် ဤကဲ့သို့ကလေးများကို ကိုင်တွယ်ရသည်မှာ အလွန်စိတ်ပျက်စရာကောင်းပြီး ခြေကုန်လက်ပမ်း ကျနိုင်ဖွယ်ရှိပါသည်။ မိဘများသည် မကြာခဏဆိုသလို ထိုအခြေအနေကို ကိုင်တွယ်ဖြေရှင်းဖို့ကူကယ်ရာမဲ့သလို ခံစားတတ်ကြပါသည်။ ထိုကဲ့သို့ခေါင်းမာသောကလေးများကို အနာဂါတ်နှင့်ပက်သက်ပြီး စိတ်ပူတတ်ကြပါသည်။ ကံကောင်းသည်ကတော့ ကလေးများတွင် ထိုကဲ့သို့စကားနားမထောင်တာကို ဖြေရှင်းဖို့က် သင်ထင်ထားသည်ထက်ပိုမိုလွယ်ကူသောနည်းလမ်းများရှိပါသည်။ သင်သိလိုပါသလား။ အောက်ဖော်ပြပါ အချက်များကို ဆက်လက်ဖတ်ရှုကြည့်ပါ။   ကျောင်းမတက်မီကလေးများသည်အဘယ်ကြောင့် မိဘများ ကိုဆန့်ကျင်ကြသနည်း။ ကလေးများသည် သူငယ်ချင်းများ အိမ်မှပြန်ဖို့ငြင်းဆန်မည်၊သင်ပြောသမျှကိုအရုပ်များနှင့် ပစ်ပေါက်ပြီးငြင်းဆန်မည်၊သင်ဘယ်လောက် သတိပေးပေး လှေကားတွင် ကားများတွန်းပြီးဆော့နေမည်၊ ဘာကြောင့်ကလေးသည် ထိုကဲ့သို့ခေါင်းမာပြီးမိဘစကားနားမထောင်ရသလဲ။ မူကြိုအရွယ်ကလေးများသည် လမ်းလျှောက်တတ်ကာစ အရွယ်ကထက်စာလျှင် သင့်ကို မှီခိုမှုကင်းမဲ့သွားပြီဖြစ်ပါသည်။ ယခုဆိုလျှင်သူတို့သည်ပိုမိုသန်မာကြံ့ခိုင်လာပြီဖြစ် ပါသည်။ ပုန်ကန်တတ်သောအလေ့အကျင့်အနည်းငယ် […]

အိမ်ကိုမွေးကင်းစကလေးတစ်ယောက် ရောက်လာပြီဆိုတာနဲ့ သင်ဘာကိုအရင်ဆုံးတွေးမိမလဲ။ ကလေးအတွက်လိုအပ်တာတွေ မဝယ်ခင် နာမည်ပေးတာတွေမလုပ်ခင် အရေးကြီးဆုံးက ကလေးရဲ့ကျန်းမာရေးကို အနီးကပ်စောင့်ရှောက်ပေးဖို့သူတစ်ယောက် ရဖို့ပါ။ ဒါမှသာသင့်ကလေးရဲ့အရေးကြီးဆုံး အချိန်ကာလမှာလုံခြုံမှုနဲ့ ကျန်းမာမှုရစေမှာဖြစ်ပါတယ်။ ဒါဟာအရေးကြီးတဲ့ ဆုံးဖြတ်ချက်ဖြစ်တဲ့အတွက် ကလေးနဲ့သင့်လျော်တဲ့ စောင့်ရှောက်မှုရစေဖို့အောက်ပါစာပိုဒ်လေးတွေကို သေချာဖတ်ရှုစေချင်ပါတယ်။   ကလေးကျန်းမာရေး စောင့်ရှောက်သူတစ်ယောက် ရှာဖို့ သင့်တော်တဲ့အချိန် ကလေးမီးမဖွားခင်ကာလတည်းက မိဘတိုင်းက စောင့်ရှောက်သူတစ်ယောက်ရှိသင့်ပါတယ်။ ဒါကြောင့် ဖြစ်နိုင်သမျှမြန်မြန်ရှာဖို့ ပဲတိုက်တွန်းချင်ပါတယ်။ ဒီလိုမှ ကိုယ့်အတွက် ဆုံးဖြတ်ချက်ချစရာ အချိန်များများ ရနေမှာဖြစ်တယ် သင့်တော်တဲ့အချိန်ကတော့ မွေးမယ့်ရက်မတိုင်ခင် ၃လခန့်ဖြစ်ပါတယ်။ ဒါပေမယ့်မြို့ကြီးပြကြီးမှာ နေသူတွေအတွက်ကတော့ ၆လအလိုတည်းက ကြိုရှာထားသင့်တယ်။-ဒါပေမယ့် အဲဒီလိုလူတွေနဲ့မဆက်သွယ်ခင်မှာ သင်ဘယ်လို စောင့်ရှောက်သူမျိုးကိုလိုချင်တယ် ဘယ်လိုကျန်းမာရေးအခြေအနေမျိုးက သင့်ကလေးနဲ့သင့်တော်တယ်ဆိုတာ ကြိုစဉ်းစားသင့်ပါတယ်။   ကလေးကျန်းမာရေးစောင့်ရှောက်ပေးသူ အမျိုးအစားများ ဝန်ဆောင်မှုပေးသူ (၃)မျိုးရှိပါတယ်။ ၁။ ကလေးအထူးကုဆရာဝန် ဆရာဝန်တွေဟာ မွေးကင်းစလေးတွေနဲ့ ကလေးငယ်တွေအတွက် စောင့်ရှောက်မှုပေးရာမှာထူးချွန်ပြီးသားသူ တွေဖြစ်ပါတယ်။ သူတို့အဓိက လုပ်မယ့်အရာတွေက ကလေးအတွက် […]

ရေမလိုလက်သန့်ဆေးရည်အနည်းငယ်ခန့်ကို လျှက်မိလျှင်ဖျားနာမှုမဖြစ်နိုင်သော်လည်းအရသာခံမိရုံလောက်မဟုတ်ပဲအများအပြားမျိုချမိသောကလေးများတွင် အရက်အဆိပ်သင့်ခြင်းအန္တရာယ် ရှိစေနိုင်ပါသည်။ မိဘများနှင့် ကျောင်းဝန်ထမ်းများကို အရက်ပြန်အခြေခံရေမလိုလက်သန့်ဆေးများကိုသောက်မိပါက အန္တရာယ်ရှိစေနိုင်ကြောင်းသတိပေးထားရမည်။ အရက်ပြန်အခြေခံရေမလိုလက်သန့်ဆေးများသည် အလွန်အသုံးဝင်ပြီးကလေးများပိုမွှားအန္တရာယ်ကင်းဖို့ရာဘက်တီးရီးယားများ၊ ဗိုင်းရပ်များကိုတချို့မှလွဲ၍ သတ်ပေးနိုင်သောနည်းလမ်းဖြစ်သော်လည်းကလေးများကမလျော်မကန်သုံးမိလျှင် အန္တရာယ်ဖြစ်စေနိုင်သည်။ ဖြစ်ရပ်အချို့တွင် မျက်လုံးစပ်ခြင်း၊ အန်ခြင်းများတွေ့ရပြီးတစ်ချို့အနည်းစုသောဖြစ်ရပ်များတွင် ကလေးမှမျိုချမိပြီ Coma ဝင်သွားတာမျိုးဖြစ်ပွားဖူးပါသည်။   အရက်ပြန်အခြေခံရေမလိုလက်သန့်ဆေးအကြောင့်ဘာသိထားရမလဲ အရက်ပြန်အခြေခံရေမလိုလက်သန့်ဆေးများသည် လှပသောအရောင်ပုလင်းများနှင့်လာသည်။ တလက်လက်အမှုန်များနှင့် အလှဆင်ထားနိုင်ပြီးပီကေလိုအနံ့မွှေးမွှေးမျိုး၊ လီမွန်နိတ်လိုသစ်ခွလိုအနံ့မျိုးရှိတတ်၏။ ဤကဲ့သို့ထုပ်ပိုးမှုသည် ကလေးငယ်များကိုဆွဲဆောင်စေနိုင်သည်။ နည်းနည်းလောက်မျိုချမိရုံနှင့်ပင် ကလေးငယ်ကိုအဆိပ်သင့်စေနိုင်သည်။ အရက်ကိုတစ်ခွက်နှစ်ခွက်လောက် သောက်လိုက်သည်နှင့် တူသွားစေ၏။ ကျောပိုးအိတ်ထဲအရက်ပြန်အခြေခံရေမလိုလက်သန့်ဆေးထည့်ပေးလိုက်ရုံနှင့်တော့ ပြဿနာမဖြစ်နိုင်ပါ။ သို့သော် တစ်ချို့သောအရက်ပြန်အခြေခံရေမလိုလက်သန့်ဆေးမျာတွင် အရက်ပြန် ၆၀ % ပါဝင်ပါသည်။ အရက်ပြန်သည် သာမန်အရက်များထက် ပြင်းအားပိုကောင်းသည်။ နှိုင်းယှဉ်ကြည့်ပါကဘီယာနှင့်ဝိုင်များတွင် အရက်ပမာဏ ၁၀ -၁၅% လောက် ၅-၁၀% လောက်သာပါပါသည်။ ထို့ကြောင့် မိဘများကကလေးကိုစီစကီသို့ ရမ် တစ်ပုလင်းနှင့်ကျောင်းလွှတ်လိုက်သလို ဖြစ်သွား၏။ ကလေးငယ်များသည် အရွယ်အစားသေးငယ်သောကြောင့် အရွယ်ရောက်ပြီးသူများထက် အရက်အဆိပ်သင့်မှုကိုပိုဖြစ်စေနိုင်တာဖြစ်သည်။ ခလုတ်တိုက်မိခြင်း၊ […]

ဘယ်ကလေးမဆိုအရွယ်ရောက်လာသည်နှင့်အမျှ သွေးခြေဥတာ ခြစ်ရာပွန်းရာဖြစ်တာမျိုးရှိလာပါမည်။ အရိုးကျိုးခြင်းဆိုတာလဲ ဖြစ်လာနိုင်သည့်ပြဿနာမျိုးပင်။   အရိုးကျိုးသောနေ့တွင် ပြုစုခြင်း အရေးကြီးဆုံးလုပ်ရမည်မှာကျိုးသောအရိုးနေရာကိုကလေး၏နှလုံးထက်ပိုမြင့်မြင့်ထားရမည်ဖြစ်သည်။ ထိုမှသာ နှလုံးဆီသို့ အရည်များစီးဆင်းမှုကိုအထောက်အကူပြုပြီးရောင်းရမ်းခြင်းမသက်မသာဖြစ်ခြင်းကိုလျော့ချနိုင်ပါမည်။ ထို့အပြင် ကလေးငယ်လှဲလျှင်ဖြစ်စေထိုင်လျှင်ဖြစ်စေခိုင်းမိသည့်နေရာကိုအမှီအတွယ်တစ်ခုခုပေးထားခြင်းဖြင့် အနာသက်သာစေနိုင်သည်။ ဒဏ်ရာရပြီးနောက် ၂ ရက်အတွင်းအရိုးကျိုးသည့်နေရာတွင် ရေခဲဝတ်အုပ်ပေးနိုင်ပါသည်။ နောက်ရက်တွင် ရေဖဲဝတ်ကို ခဏခဏလဲပေးသင့်သည်။ ရေခဲဝတ်သည် သေချာချည်လို့ရသည့် ပလက်စတစ်အိတ်ဖြစ်စေတဘက်ဖြစ်စေသုံးလျှင် ကျောက်ပတ်တီးရေမဆိုစေရန်ဂရုစိုက်ပါ။ ဆေးဆိုင်မှသေချာဝယ်သော ပါရာစီတမောလိုIbuprofen လိုဆေးမျိုးသည် ကလေးများအတွက် စိတ်ချစွာသုံးနိုင်ပါသည်။   ကျောက်ပတ်တီးကိုဘယ်လိုဂရုစိုက်မလဲ ခန္ဓါကိုယ်ကိုကျောက်ပတ်တီးထူထူနှင့်ကြပ်စည်းထားပါကယားယံပြီးစိတ်ရှုပ်စေတတ်ပါသည်။ ယားယံခြင်းသည် ပတ်တီးအောက်တွင်အဆီများစုလာသောကြောင့် ဖြစ်လာခြင်းဖြစသည်။. ပတ်တီးအတွင်းတုတ်နှင့်ထိုးမကုတ်စေရန် ကလေးကိုသေချာစောင့်ကြည့်ထားပါ။ ပိုးဝင်တတ်ပါသည်။ ပတ်တီးအပြင်ဖက်ကိုအသာခေါက်ပေးတာမျိုးလုပ်ပေးနိုင်သည်။ အဆင်မပြေသေးပါကဆံပင်လေမှုတ်စက်ကိုလေးအေးပေးခလုတ်ကိုနှိပ်ပြီးမှုတ်ပေးနိုင်ပါသည်။ ဘာမီတွန်လိုဆေးမျိုးသည် ယားယံမှုကိုသက်သာစေသည်။ သို့သော်လည်းအိပ်ငိုက်စေတတ်သည်ကိုသတိပြုပါ။ ထိုကြောင့်တိုက်မည်ဆိုလျှင် အိပ်ယာဝင်ခါနီးမှသာတိုက်ပါ။ အရေးကြီးဆုံးကကျောက်ပတ်တီးခြောက်သွေ့နေစေရန်သာပင်။ ပတ်တီးကိုဖုံးရန်တစ်ခုခုဝယ်ဖို့လဲ စဉ်းစားနိုင်ပါသည်။ မည်သို့ဆိုစေဘယ်အဖုံးအကာမှ ၁၀၀% ရေမလုံပါ။ ထို့ကြောင့် ဖုံးထားသည်ဆိုပြီးရေငုပ်တာမျိုးဆိုစေတာမျိုးမလုပ်နှင့်။   ပြန်ကောင်းလာသောအခါ ကျောက်ပတ်တီးသည် အရိုးဆက်ရန်အတွက်အရေးပါကြောင်းကိုကလေးနားလည်အောင်ရှင်းပြထားပါ။ ကျိုးနေသည့်အစိတ်အပိုင်းကိုလှုပ်ရှားလျှင်သေချာဂရိုက်ပါ။ ပြန်ကျိုးနိုင်သည့်အန္တရာယ်ရှိသည်။ ကျောက်ပတ်တီးဖြည်ပြီးနောက် ထိုနေရာသည်တစ်မျိုးကြီးဖြစ်နေပြီးနာကောင်းနာနေနိုင်ပါသည်။ အဆစ်များအရွတ်များလဲမလှုပ်ရှားရတာကြာပြီဖြစ်၍ […]

အော်တစ်ဇင်ဝေဒနာရှင်ကလေးတွေဟာတခြားလူတွေနဲ့ဆက်ဆံပြောဆိုဖို့အရမ်းကိုခက်ခဲပါတယ်။ အော်တစ်ဇင်ကိုအရှင်းပျောက်သွားအောင်မကုသပေးနိုင်ပေမယ့်သူတို့လေးတွေရဲ့ပေါင်းသင်းဆက်ဆံရေးပိုပြီးလွယ်ကူအဆင်ပြေလာအောင်တော့ကူညီပေးလို့ရနိုင်ပါတယ်။ တကယ်လို့သင့်မှာအော်တစ်ဇင်ကလေးရှိတယ်ဆိုရင်ဒါမှမဟုတ်ဒီကိစ္စကိုစိတ်ဝင်စားတယ်ဆိုရင်အခုဆောင်းပါးလေးကိုဖတ်ကြည့်သင့်ပါတယ်။ အော်တစ်ဇင်ကလေးတွေမှာကြုံတွေ့ရလေ့ရှိတဲ့ပေါင်းသင်းဆက်ဆံရေးဆိုင်ရာ ပြဿနာတွေကဘာတွေလဲ။ အော်တစ်ဇင်ကလေးတွေဟာသူတို့ရဲ့ကိုယ်ပိုင်ကမ္ဘာလေးထဲမှာပဲနေလေ့ရှိပြီးတခြားသူတွေနဲ့ဆက်သွယ်နိုင်လေ့မရှိပါဖူး။ သူတို့ဟာဘာသာစကားနဲ့ပေါင်းသင်းဆက်ဆံရေးဆိုင်ရာ ပြဿနာတွေကိုရင်ဆိုင်ရလေ့ရှိပါတယ်။ တခြားသူတွေသူတို့ကိုဘာပြောတယ်ဆိုတာသူတို့နားမလည်သလိုသူတို့လေးတွေရဲ့စိတ်ထဲမှာရှိတာတွေကိုလည်းတခြားသူတွေနားလည်အောင်ပြောပြနိုင်စွမ်းမရှိကြပါဖူး။ ဒါ့အပြင်ခြေဟန်လက်ဟန်အမူအရာ၊မျက်လုံးချင်းဆုံတာ၊မျက်နှာအမူအရာစတဲ့ body language(ကိုယ်ဟန်အမူအရာနဲ့ဆက်သွယ်တာ) နဲ့ဆက်သွယ်နိုင်ခြင်းလည်းမရှိပါဖူး။body language ဆိုတာဘာမှန်းတောင်သူတို့လေးတွေနားလည်ဟန်မတူပါဖူး။ ဒါပေမယ့်အော်တစ်ဇင်ကလေးတွေအားလုံးကတော့ဒီလိုမျိုးပေါင်းသင်းဆက်ဆံရေးပြဿနာတွေရှိတာမဟုတ်ပါဖူး။ ပေါင်းသင်းဆက်သွယ်နိုင်စွမ်းမှာအော်တစ်ဇင်ဝေဒနာရှင်ကလေးတွေအနေနဲ့တယောက်နဲ့တယောက်ကွာခြားမှုတွေရှိနေပါတယ်။ တချို့ကလေးတွေဟာနည်းနည်းစကားပြောနိုင်၊နားလည်နိုင်စွမ်းရှိပါတယ်။ တချို့တွေကျပြန်တော့စကားပြောတာ (စာလုံးတွေကိုအသံထွက်ဖတ်တာမျိုး) မလုပ်နိုင်ပါဖူး။ တချို့ကလေးတွေကသူတို့ခံစားရတာ၊ပြောချင်တာကိုထုတ်ပြောနိုင်စွမ်းမရှိသလိုတချို့များဆိုရင်ပညာရပ်ဆိုင်ရာ၊ဘာသာရပ်ဆိုင်ရာတွေကိုတကယ့်ပညာရှင်ကြီးတယောက်လိုပြောတတ်နေပြန်ရော။ အော်တစ်ဇင်ကလေးတွေရင်ဆိုင်ရလေ့ရှိတဲ့ ပြဿနာတွေ ထပ်ခါတလဲလဲပြောတာ အော်တစ်ဇင်ကလေးတွေဟာသူတို့တီဗီမှာကြားလိုက်ရတဲ့စကားလုံးကိုပဲဖြစ်ဖြစ်၊တယောက်ယောက်ဆီကကြားလိုက်ရတာကိုပဲဖြစ်ဖြစ်ထပ်ခါတလဲလဲရေရွတ်နေလေ့ရှိပါတယ်။ သူတို့ထပ်ခါတလဲလဲပြောနေတဲ့စကားတွေဟာအဓိပ္ပါယ်ရှိချင်မှလည်းရှိမယ်၊ဒါမှမဟုတ်ပြောနေတဲ့စကားနဲ့မဆိုင်ဘဲထင်ရာတွေပြောနေတာလည်းဖြစ်ချင်ဖြစ်ပါလိမ့်မယ်။ သင်ကမေးခွန်းမေးလိုက်ရင်လည်းအော်တစ်ဇင်ကလေးဟာအဖြေအဖြစ်သင့်ကိုအဲ့ဒီမေးခွန်းပဲ ပြန်ရွတ်ပြကောင်းရွတ်ပြပါလိမ့်မယ် (မခက်လား)။ သူတို့စကားပြောရင်အသံကထူးခြားကောင်းထူးခြားနေလိမ့်မယ်။ ပြီးတော့သူတို့ရဲ့နာမည်ကိုအရင်မိတ်ဆတ်ပြီးစကားစပြောကောင်းပြောပါလိမ့်မယ်။ တခြားလူနဲ့စကားပြောရခက်တာ အော်တစ်ဇင်ကလေးတွေဟာပုံဆွဲတာ၊ဂဏန်းတွေရေတွက်တာစတဲ့ကိစ္စတွေမှာထူးချွန်ကောင်းထူးချွန်နေပါလိမ့်မယ်။ သူတို့စိတ်ဝင်စားတဲ့အကြောင်းကိုတယောက်ထဲတနေကုန်ထိုင်ပြောနိုင်ပေမယ့်တခြားလူတယောက်နဲ့စကားအပြန်အလှန်ပြောရတော့မယ်ဆိုရင်ဘယ်လိုမှပြောမထွက်တော့ပါဖူး။ ဘာသာစကားလေ့လာတတ်မြောက်မှုမူမမှန်တာ ဘာသာစကားနဲ့ပတ်သက်လို့အော်တစ်ဇင်ကလေးဟာလည်းတတ်မြောက်နိုင်စွမ်းရှိပါတယ်။ ဒါပေမယ့်သူတို့အသက်ကြီးလာတာနဲ့အမျှတတ်မြောက်မှုဟာမူမမှန်ဖြစ်လာပါလိမ့်မယ်။ဥပမာပြောရရင်တချို့အော်တစ်ဇင်ကလေးတွေဟာအသက်ငါးနှစ်လောက်ကတည်းကသတင်းစာတွေစာအုပ်တွေကိုဖတ်နိုင်ပါတယ်။ ပြဿနာကသူတို့ဖတ်လိုက်တဲ့စာတွေကဘာအဓိပ္ပါယ်တွေကိုဆိုလိုတယ်ဆိုတာသူတို့နားမလည်နိုင်ပါဖူး(ထူးဆန်းပါတယ်)။ တချို့ဝေဒနာရှင်လေးတွေကျပြန်တော့လည်းသူတို့နာမည်ကိုခေါ်ရင် ပြန်မထူးပါဖူး(ဘာမှမတုန့်ပြန်ပါဖူး)။ ဘယ်လိုဆက်သွယ်ရေးနည်းကိုမှအသုံးမပြုနိုင်တာ အော်တစ်ဇင်ကလေးတွေဟာသူတို့ရဲ့ခံစားမှုဒါမှမဟုတ်တခုခုလိုချင်တာဖြစ်ချင်တာကိုမျက်နှာအမူအရာတွေကနေတဆင့် ပြနိုင်စွမ်းလည်းမရှိကြရှာပါဖူး။ လူတယောက်နဲ့စကားပြောတဲ့အခါမှာမျက်စိချင်းဆုံပြီးမပြောတတ်သလိုသူတို့စိတ်မဝင်စားတဲ့အရာတွေဆိုရင်လည်းလုံးဝမကြည့်ပါဖူး။ သူတို့လေးတွေကိုဘယ်လိုများကူညီနိုင်မလဲ။ တခြားကလေးတွေနဲ့မတူနိုင်ဖူးဆိုပေမယ့်သူတို့လေးတွေကိုလည်းပေါင်းသင်းဆက်ဆံရေး၊တဦးနဲ့တဦးဆက်သွယ်ရေးတွေမှာအဆင်ပြေလာစေဖို့စိတ်ရှည်ရှည်နဲ့ကူညီပေးနိုင်ပါတယ်။ စာကြောင်းအတိုလေးတွေနဲ့စပါ။ အော်တစ်ဇင်ကလေးကိုရှုပ်ထွေးရှည်လျားတဲ့စကားအရှည်ကြီးတွေသွားမပြောပါနဲ့။ သူတို့နားလည်နိုင်မှာမဟုတ်ပါဖူး။ တဖြည်းဖြည်းအခြေအနေတိုးတက်လာပြီဆိုတော့မှစကားလုံးလေးတွေထပ်ထပ်ထည့်ပြီးနည်းနည်းရှည်တဲ့စာကြောင်းလေးတွေကိုပြောပါ။ ကလေးတွေပြောတဲ့စကားလုံးလေးတွေနဲ့ပြောပါ(မန်မန်း၊အော်အော့ကြီးစသဖြင့်ပေါ့)။ ဒီလိုစကားလေးတွေဟာကလေးတွေအတွက်ရင်းနှီးနွေးထွေးမှုကိုပိုခံစားရစေပါတယ်။=အော်တစ်ဇင်ကလေးနဲ့စကားပြောတာကိုယ်ကပါအသံသေကြီးနဲ့ပြောမနေပါနဲ့။ အသံကိုအနိမ့်အမြင့်အဖိအဖော့စသဖြင့်ကလေးစိတ်ဝင်စားအောင်ပြောပါ။ ကလေးလေးတွေကိုမေးခွန်းတွေမေးပါ။ သူတို့ပြန်ဖြေပါစေ။ စကားပြောရင်မျက်စိတည့်တည့်ကိုကြည့်ပြီးပြောဖို့မျက်နှာအမူအရာနဲ့ပြောတတ်ဖို့ကိုတတ်နိုင်သမျှသင်ပေးပါ။ သူတို့စိတ်ဝင်စားမယ်ထင်တာလေးတွေ(လည်နေတာလေးတွေ-ဥပမာဒီခေတ်ဆိုရင် fidget spinner လိုမျိုးပေါ့)ကိုကြည့်ခိုင်းပါ။ အော်တစ်ဇင်ကလေးတွေမှာ ဖြစ်တတ်တဲ့ပေါင်းသင်းဆက်သွယ်ရေးဆိုင်ရာပြဿနာတွေကြောင့်ကလေးတွေဟာဘာသာစကားအသုံးပြုရာမှာ၊တခြားသူတွေပြောတာကိုနားလည်ဖို့ကြိုးစားတဲ့နေရာမှာဒါမှမဟုတ်အကြည့်ချင်းဆုံပြီးစကားပြောဖို့ကြိုးစားရာမှာနဲ့မျက်နှာအမူအရာပြဖို့ကြိုးစားရာမှာအခက်အခဲတွေအများကြီးရင်ဆိုင်ကြရရှာပါတယ်။ ဘယ်လိုပဲဖြစ်ဖြစ်သင့်အနေနဲ့အော်တစ်ဇင်ကလေးတွေကိုနားလည်ပေးမှုအပြည့်နဲ့ကူညီပေးမယ်ဆိုရင်ကလေးတွေရဲ့ပေါင်းသင်းဆက်သွယ်နိုင်စွမ်းတိုးတက်လာမှာပါ။ တခြားပုံမှန်ကလေးတွေလိုတော့မဟုတ်ဖူးပေါ့။   Hello Health Groupသည် ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် […]

အသည်းတစ်ရှူးတွေမှာ အသည်းရောင် အသားဝါဘီပိုး ကူးစက်ပြီး အသည်းတစ်ခုလုံး ရောင်ရမ်းလာတာကို ကလေးတွေမှာ ဖြစ်တဲ့ အသည်းရောင် အသားဝါဘီရောဂါလို့ ခေါ်ပါတယ်။ တခြား ဖြစ်လေ့ရှိတဲ့ အသည်းရောင် အသားဝါရောဂါတွေက အေပိုး နဲ့ စီပိုးတို့ကြောင့် ဖြစ်ပါတယ်။ ကလေးတွေမှာ အသည်းရောင် အသားဝါဘီရောဂါ ဘာလို့ဖြစ်တာလဲ။ ဗိုင်းရပ်စ်ပိုးကူးစက်ခံထားရတဲ့သူရဲ့ သွေး ဒါမှမဟုတ် ခန္ဓာကိုယ်က ထွက်တဲ့ တခြားအရည်တွေကနေတဆင့် ကလေးတွေဆီကို ဘီပိုး ကူးစက်နိုင်ပါတယ်။ ကူးစက်လေ့ရှိတဲ့ပုံစံတွေက ဘီပိုးရှိတဲ့အမေဆီကနေ မွေးနေတဲ့အချိန်မှာကူးမယ်။ ဘီပိုးရှိတဲ့သူက ကိုက်လိုက်လို့ အရေပြားလည်း စုတ်ပြဲသွားရင် ကူးနိုင်တယ်။ ကိုယ့်အနာထဲကို (အနာကလည်း open wound လို့ခေါ်တဲ့ ဟောင်းလောင်းပွင့်နေတဲ့ အနာဆိုရင်) ဘီပိုးရှိသူရဲ့ ခန္ဓာကိုယ်က အရည် တစ်မျိုးမျိုးဝင်သွားရင်ကူးနိုင်တယ်။ သွားပွတ်တံလိုမျိုး တစ်ကိုယ်ရေသုံးပစ္စည်းတွေကို ဘီပိုးရှိသူနဲ့ မျှဝေသုံးရင် ကူးနိုင်တယ်။ ဘီပိုးရှိတဲ့သူ […]