ကလေးကျန်းမာရေး

ဘယ်ကလေးမဆိုအရွယ်ရောက်လာသည်နှင့်အမျှ သွေးခြေဥတာ ခြစ်ရာပွန်းရာဖြစ်တာမျိုးရှိလာပါမည်။ အရိုးကျိုးခြင်းဆိုတာလဲ ဖြစ်လာနိုင်သည့်ပြဿနာမျိုးပင်။   အရိုးကျိုးသောနေ့တွင် ပြုစုခြင်း အရေးကြီးဆုံးလုပ်ရမည်မှာကျိုးသောအရိုးနေရာကိုကလေး၏နှလုံးထက်ပိုမြင့်မြင့်ထားရမည်ဖြစ်သည်။ ထိုမှသာ နှလုံးဆီသို့ အရည်များစီးဆင်းမှုကိုအထောက်အကူပြုပြီးရောင်းရမ်းခြင်းမသက်မသာဖြစ်ခြင်းကိုလျော့ချနိုင်ပါမည်။ ထို့အပြင် ကလေးငယ်လှဲလျှင်ဖြစ်စေထိုင်လျှင်ဖြစ်စေခိုင်းမိသည့်နေရာကိုအမှီအတွယ်တစ်ခုခုပေးထားခြင်းဖြင့် အနာသက်သာစေနိုင်သည်။ ဒဏ်ရာရပြီးနောက် ၂ ရက်အတွင်းအရိုးကျိုးသည့်နေရာတွင် ရေခဲဝတ်အုပ်ပေးနိုင်ပါသည်။ နောက်ရက်တွင် ရေဖဲဝတ်ကို ခဏခဏလဲပေးသင့်သည်။ ရေခဲဝတ်သည် သေချာချည်လို့ရသည့် ပလက်စတစ်အိတ်ဖြစ်စေတဘက်ဖြစ်စေသုံးလျှင် ကျောက်ပတ်တီးရေမဆိုစေရန်ဂရုစိုက်ပါ။ ဆေးဆိုင်မှသေချာဝယ်သော ပါရာစီတမောလိုIbuprofen လိုဆေးမျိုးသည် ကလေးများအတွက် စိတ်ချစွာသုံးနိုင်ပါသည်။   ကျောက်ပတ်တီးကိုဘယ်လိုဂရုစိုက်မလဲ ခန္ဓါကိုယ်ကိုကျောက်ပတ်တီးထူထူနှင့်ကြပ်စည်းထားပါကယားယံပြီးစိတ်ရှုပ်စေတတ်ပါသည်။ ယားယံခြင်းသည် ပတ်တီးအောက်တွင်အဆီများစုလာသောကြောင့် ဖြစ်လာခြင်းဖြစသည်။. ပတ်တီးအတွင်းတုတ်နှင့်ထိုးမကုတ်စေရန် ကလေးကိုသေချာစောင့်ကြည့်ထားပါ။ ပိုးဝင်တတ်ပါသည်။ ပတ်တီးအပြင်ဖက်ကိုအသာခေါက်ပေးတာမျိုးလုပ်ပေးနိုင်သည်။ အဆင်မပြေသေးပါကဆံပင်လေမှုတ်စက်ကိုလေးအေးပေးခလုတ်ကိုနှိပ်ပြီးမှုတ်ပေးနိုင်ပါသည်။ ဘာမီတွန်လိုဆေးမျိုးသည် ယားယံမှုကိုသက်သာစေသည်။ သို့သော်လည်းအိပ်ငိုက်စေတတ်သည်ကိုသတိပြုပါ။ ထိုကြောင့်တိုက်မည်ဆိုလျှင် အိပ်ယာဝင်ခါနီးမှသာတိုက်ပါ။ အရေးကြီးဆုံးကကျောက်ပတ်တီးခြောက်သွေ့နေစေရန်သာပင်။ ပတ်တီးကိုဖုံးရန်တစ်ခုခုဝယ်ဖို့လဲ စဉ်းစားနိုင်ပါသည်။ မည်သို့ဆိုစေဘယ်အဖုံးအကာမှ ၁၀၀% ရေမလုံပါ။ ထို့ကြောင့် ဖုံးထားသည်ဆိုပြီးရေငုပ်တာမျိုးဆိုစေတာမျိုးမလုပ်နှင့်။   ပြန်ကောင်းလာသောအခါ ကျောက်ပတ်တီးသည် အရိုးဆက်ရန်အတွက်အရေးပါကြောင်းကိုကလေးနားလည်အောင်ရှင်းပြထားပါ။ ကျိုးနေသည့်အစိတ်အပိုင်းကိုလှုပ်ရှားလျှင်သေချာဂရိုက်ပါ။ ပြန်ကျိုးနိုင်သည့်အန္တရာယ်ရှိသည်။ ကျောက်ပတ်တီးဖြည်ပြီးနောက် ထိုနေရာသည်တစ်မျိုးကြီးဖြစ်နေပြီးနာကောင်းနာနေနိုင်ပါသည်။ အဆစ်များအရွတ်များလဲမလှုပ်ရှားရတာကြာပြီဖြစ်၍ […]

အော်တစ်ဇင်ဝေဒနာရှင်ကလေးတွေဟာတခြားလူတွေနဲ့ဆက်ဆံပြောဆိုဖို့အရမ်းကိုခက်ခဲပါတယ်။ အော်တစ်ဇင်ကိုအရှင်းပျောက်သွားအောင်မကုသပေးနိုင်ပေမယ့်သူတို့လေးတွေရဲ့ပေါင်းသင်းဆက်ဆံရေးပိုပြီးလွယ်ကူအဆင်ပြေလာအောင်တော့ကူညီပေးလို့ရနိုင်ပါတယ်။ တကယ်လို့သင့်မှာအော်တစ်ဇင်ကလေးရှိတယ်ဆိုရင်ဒါမှမဟုတ်ဒီကိစ္စကိုစိတ်ဝင်စားတယ်ဆိုရင်အခုဆောင်းပါးလေးကိုဖတ်ကြည့်သင့်ပါတယ်။ အော်တစ်ဇင်ကလေးတွေမှာကြုံတွေ့ရလေ့ရှိတဲ့ပေါင်းသင်းဆက်ဆံရေးဆိုင်ရာ ပြဿနာတွေကဘာတွေလဲ။ အော်တစ်ဇင်ကလေးတွေဟာသူတို့ရဲ့ကိုယ်ပိုင်ကမ္ဘာလေးထဲမှာပဲနေလေ့ရှိပြီးတခြားသူတွေနဲ့ဆက်သွယ်နိုင်လေ့မရှိပါဖူး။ သူတို့ဟာဘာသာစကားနဲ့ပေါင်းသင်းဆက်ဆံရေးဆိုင်ရာ ပြဿနာတွေကိုရင်ဆိုင်ရလေ့ရှိပါတယ်။ တခြားသူတွေသူတို့ကိုဘာပြောတယ်ဆိုတာသူတို့နားမလည်သလိုသူတို့လေးတွေရဲ့စိတ်ထဲမှာရှိတာတွေကိုလည်းတခြားသူတွေနားလည်အောင်ပြောပြနိုင်စွမ်းမရှိကြပါဖူး။ ဒါ့အပြင်ခြေဟန်လက်ဟန်အမူအရာ၊မျက်လုံးချင်းဆုံတာ၊မျက်နှာအမူအရာစတဲ့ body language(ကိုယ်ဟန်အမူအရာနဲ့ဆက်သွယ်တာ) နဲ့ဆက်သွယ်နိုင်ခြင်းလည်းမရှိပါဖူး။body language ဆိုတာဘာမှန်းတောင်သူတို့လေးတွေနားလည်ဟန်မတူပါဖူး။ ဒါပေမယ့်အော်တစ်ဇင်ကလေးတွေအားလုံးကတော့ဒီလိုမျိုးပေါင်းသင်းဆက်ဆံရေးပြဿနာတွေရှိတာမဟုတ်ပါဖူး။ ပေါင်းသင်းဆက်သွယ်နိုင်စွမ်းမှာအော်တစ်ဇင်ဝေဒနာရှင်ကလေးတွေအနေနဲ့တယောက်နဲ့တယောက်ကွာခြားမှုတွေရှိနေပါတယ်။ တချို့ကလေးတွေဟာနည်းနည်းစကားပြောနိုင်၊နားလည်နိုင်စွမ်းရှိပါတယ်။ တချို့တွေကျပြန်တော့စကားပြောတာ (စာလုံးတွေကိုအသံထွက်ဖတ်တာမျိုး) မလုပ်နိုင်ပါဖူး။ တချို့ကလေးတွေကသူတို့ခံစားရတာ၊ပြောချင်တာကိုထုတ်ပြောနိုင်စွမ်းမရှိသလိုတချို့များဆိုရင်ပညာရပ်ဆိုင်ရာ၊ဘာသာရပ်ဆိုင်ရာတွေကိုတကယ့်ပညာရှင်ကြီးတယောက်လိုပြောတတ်နေပြန်ရော။ အော်တစ်ဇင်ကလေးတွေရင်ဆိုင်ရလေ့ရှိတဲ့ ပြဿနာတွေ ထပ်ခါတလဲလဲပြောတာ အော်တစ်ဇင်ကလေးတွေဟာသူတို့တီဗီမှာကြားလိုက်ရတဲ့စကားလုံးကိုပဲဖြစ်ဖြစ်၊တယောက်ယောက်ဆီကကြားလိုက်ရတာကိုပဲဖြစ်ဖြစ်ထပ်ခါတလဲလဲရေရွတ်နေလေ့ရှိပါတယ်။ သူတို့ထပ်ခါတလဲလဲပြောနေတဲ့စကားတွေဟာအဓိပ္ပါယ်ရှိချင်မှလည်းရှိမယ်၊ဒါမှမဟုတ်ပြောနေတဲ့စကားနဲ့မဆိုင်ဘဲထင်ရာတွေပြောနေတာလည်းဖြစ်ချင်ဖြစ်ပါလိမ့်မယ်။ သင်ကမေးခွန်းမေးလိုက်ရင်လည်းအော်တစ်ဇင်ကလေးဟာအဖြေအဖြစ်သင့်ကိုအဲ့ဒီမေးခွန်းပဲ ပြန်ရွတ်ပြကောင်းရွတ်ပြပါလိမ့်မယ် (မခက်လား)။ သူတို့စကားပြောရင်အသံကထူးခြားကောင်းထူးခြားနေလိမ့်မယ်။ ပြီးတော့သူတို့ရဲ့နာမည်ကိုအရင်မိတ်ဆတ်ပြီးစကားစပြောကောင်းပြောပါလိမ့်မယ်။ တခြားလူနဲ့စကားပြောရခက်တာ အော်တစ်ဇင်ကလေးတွေဟာပုံဆွဲတာ၊ဂဏန်းတွေရေတွက်တာစတဲ့ကိစ္စတွေမှာထူးချွန်ကောင်းထူးချွန်နေပါလိမ့်မယ်။ သူတို့စိတ်ဝင်စားတဲ့အကြောင်းကိုတယောက်ထဲတနေကုန်ထိုင်ပြောနိုင်ပေမယ့်တခြားလူတယောက်နဲ့စကားအပြန်အလှန်ပြောရတော့မယ်ဆိုရင်ဘယ်လိုမှပြောမထွက်တော့ပါဖူး။ ဘာသာစကားလေ့လာတတ်မြောက်မှုမူမမှန်တာ ဘာသာစကားနဲ့ပတ်သက်လို့အော်တစ်ဇင်ကလေးဟာလည်းတတ်မြောက်နိုင်စွမ်းရှိပါတယ်။ ဒါပေမယ့်သူတို့အသက်ကြီးလာတာနဲ့အမျှတတ်မြောက်မှုဟာမူမမှန်ဖြစ်လာပါလိမ့်မယ်။ဥပမာပြောရရင်တချို့အော်တစ်ဇင်ကလေးတွေဟာအသက်ငါးနှစ်လောက်ကတည်းကသတင်းစာတွေစာအုပ်တွေကိုဖတ်နိုင်ပါတယ်။ ပြဿနာကသူတို့ဖတ်လိုက်တဲ့စာတွေကဘာအဓိပ္ပါယ်တွေကိုဆိုလိုတယ်ဆိုတာသူတို့နားမလည်နိုင်ပါဖူး(ထူးဆန်းပါတယ်)။ တချို့ဝေဒနာရှင်လေးတွေကျပြန်တော့လည်းသူတို့နာမည်ကိုခေါ်ရင် ပြန်မထူးပါဖူး(ဘာမှမတုန့်ပြန်ပါဖူး)။ ဘယ်လိုဆက်သွယ်ရေးနည်းကိုမှအသုံးမပြုနိုင်တာ အော်တစ်ဇင်ကလေးတွေဟာသူတို့ရဲ့ခံစားမှုဒါမှမဟုတ်တခုခုလိုချင်တာဖြစ်ချင်တာကိုမျက်နှာအမူအရာတွေကနေတဆင့် ပြနိုင်စွမ်းလည်းမရှိကြရှာပါဖူး။ လူတယောက်နဲ့စကားပြောတဲ့အခါမှာမျက်စိချင်းဆုံပြီးမပြောတတ်သလိုသူတို့စိတ်မဝင်စားတဲ့အရာတွေဆိုရင်လည်းလုံးဝမကြည့်ပါဖူး။ သူတို့လေးတွေကိုဘယ်လိုများကူညီနိုင်မလဲ။ တခြားကလေးတွေနဲ့မတူနိုင်ဖူးဆိုပေမယ့်သူတို့လေးတွေကိုလည်းပေါင်းသင်းဆက်ဆံရေး၊တဦးနဲ့တဦးဆက်သွယ်ရေးတွေမှာအဆင်ပြေလာစေဖို့စိတ်ရှည်ရှည်နဲ့ကူညီပေးနိုင်ပါတယ်။ စာကြောင်းအတိုလေးတွေနဲ့စပါ။ အော်တစ်ဇင်ကလေးကိုရှုပ်ထွေးရှည်လျားတဲ့စကားအရှည်ကြီးတွေသွားမပြောပါနဲ့။ သူတို့နားလည်နိုင်မှာမဟုတ်ပါဖူး။ တဖြည်းဖြည်းအခြေအနေတိုးတက်လာပြီဆိုတော့မှစကားလုံးလေးတွေထပ်ထပ်ထည့်ပြီးနည်းနည်းရှည်တဲ့စာကြောင်းလေးတွေကိုပြောပါ။ ကလေးတွေပြောတဲ့စကားလုံးလေးတွေနဲ့ပြောပါ(မန်မန်း၊အော်အော့ကြီးစသဖြင့်ပေါ့)။ ဒီလိုစကားလေးတွေဟာကလေးတွေအတွက်ရင်းနှီးနွေးထွေးမှုကိုပိုခံစားရစေပါတယ်။=အော်တစ်ဇင်ကလေးနဲ့စကားပြောတာကိုယ်ကပါအသံသေကြီးနဲ့ပြောမနေပါနဲ့။ အသံကိုအနိမ့်အမြင့်အဖိအဖော့စသဖြင့်ကလေးစိတ်ဝင်စားအောင်ပြောပါ။ ကလေးလေးတွေကိုမေးခွန်းတွေမေးပါ။ သူတို့ပြန်ဖြေပါစေ။ စကားပြောရင်မျက်စိတည့်တည့်ကိုကြည့်ပြီးပြောဖို့မျက်နှာအမူအရာနဲ့ပြောတတ်ဖို့ကိုတတ်နိုင်သမျှသင်ပေးပါ။ သူတို့စိတ်ဝင်စားမယ်ထင်တာလေးတွေ(လည်နေတာလေးတွေ-ဥပမာဒီခေတ်ဆိုရင် fidget spinner လိုမျိုးပေါ့)ကိုကြည့်ခိုင်းပါ။ အော်တစ်ဇင်ကလေးတွေမှာ ဖြစ်တတ်တဲ့ပေါင်းသင်းဆက်သွယ်ရေးဆိုင်ရာပြဿနာတွေကြောင့်ကလေးတွေဟာဘာသာစကားအသုံးပြုရာမှာ၊တခြားသူတွေပြောတာကိုနားလည်ဖို့ကြိုးစားတဲ့နေရာမှာဒါမှမဟုတ်အကြည့်ချင်းဆုံပြီးစကားပြောဖို့ကြိုးစားရာမှာနဲ့မျက်နှာအမူအရာပြဖို့ကြိုးစားရာမှာအခက်အခဲတွေအများကြီးရင်ဆိုင်ကြရရှာပါတယ်။ ဘယ်လိုပဲဖြစ်ဖြစ်သင့်အနေနဲ့အော်တစ်ဇင်ကလေးတွေကိုနားလည်ပေးမှုအပြည့်နဲ့ကူညီပေးမယ်ဆိုရင်ကလေးတွေရဲ့ပေါင်းသင်းဆက်သွယ်နိုင်စွမ်းတိုးတက်လာမှာပါ။ တခြားပုံမှန်ကလေးတွေလိုတော့မဟုတ်ဖူးပေါ့။   Hello Health Groupသည် ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် […]

အသည်းတစ်ရှူးတွေမှာ အသည်းရောင် အသားဝါဘီပိုး ကူးစက်ပြီး အသည်းတစ်ခုလုံး ရောင်ရမ်းလာတာကို ကလေးတွေမှာ ဖြစ်တဲ့ အသည်းရောင် အသားဝါဘီရောဂါလို့ ခေါ်ပါတယ်။ တခြား ဖြစ်လေ့ရှိတဲ့ အသည်းရောင် အသားဝါရောဂါတွေက အေပိုး နဲ့ စီပိုးတို့ကြောင့် ဖြစ်ပါတယ်။ ကလေးတွေမှာ အသည်းရောင် အသားဝါဘီရောဂါ ဘာလို့ဖြစ်တာလဲ။ ဗိုင်းရပ်စ်ပိုးကူးစက်ခံထားရတဲ့သူရဲ့ သွေး ဒါမှမဟုတ် ခန္ဓာကိုယ်က ထွက်တဲ့ တခြားအရည်တွေကနေတဆင့် ကလေးတွေဆီကို ဘီပိုး ကူးစက်နိုင်ပါတယ်။ ကူးစက်လေ့ရှိတဲ့ပုံစံတွေက ဘီပိုးရှိတဲ့အမေဆီကနေ မွေးနေတဲ့အချိန်မှာကူးမယ်။ ဘီပိုးရှိတဲ့သူက ကိုက်လိုက်လို့ အရေပြားလည်း စုတ်ပြဲသွားရင် ကူးနိုင်တယ်။ ကိုယ့်အနာထဲကို (အနာကလည်း open wound လို့ခေါ်တဲ့ ဟောင်းလောင်းပွင့်နေတဲ့ အနာဆိုရင်) ဘီပိုးရှိသူရဲ့ ခန္ဓာကိုယ်က အရည် တစ်မျိုးမျိုးဝင်သွားရင်ကူးနိုင်တယ်။ သွားပွတ်တံလိုမျိုး တစ်ကိုယ်ရေသုံးပစ္စည်းတွေကို ဘီပိုးရှိသူနဲ့ မျှဝေသုံးရင် ကူးနိုင်တယ်။ ဘီပိုးရှိတဲ့သူ […]

အော်တစ်ဇင်ဆိုတာဘာလဲ။ အော်တစ်ဇင်(Autism Spectrum Disorder လို့လည်းခေါ်ကြတယ်)ဆိုတာ ပြင်းထန်ဆိုးရွားတဲ့ဦးနှောက်နဲ့အာရုံကြောဆိုင်ရာရောဂါတမျိုးဖြစ်ပါတယ်။ ဒီရောဂါဟာဝေဒနာရှင်ကလေးရဲ့တခြားလူတွေနဲ့ပြောဆိုပေါင်းသင်းဆက်ဆံနိုင်စွမ်းကိုအဓိကထိခိုက်စေပါတယ်။ အရာတခုခုဒါမှမဟုတ်စိတ်ဝင်စားရာတခုခုကိုတချိန်လုံးထပ်ခါတလဲလဲလုပ်နေတတ်တဲ့အမူအကျင့်ဟာလည်းဒီရောဂါရဲ့လက္ခဏာတခုပဲ ဖြစ်ပါတယ်။ ဒါကြောင့်ဒီရောဂါဟာပေါင်းသင်းဆက်ဆံရေး၊ပညာရေးနဲ့နေ့စဉ်နေထိုင်သွားလာမှုတွေကိုဆိုးဆိုးရွားရွားကိုထိခိုက်စေတာပါ။   ကိုယ့်ကလေးမှာအော်တစ်ဇင်ရောဂါဖြစ်နေပြီဆိုတာဘယ်လိုသိနိုင်မလဲ။ အောက်မှာပြောပြထားတဲ့အချက်တွေကိုသတိထားမိပြီဆိုရင်ကလေးကိုဆရာဝန်ဆီခေါ်သွားပါ။ အသက်၆လမှာမပြုံးမရယ်တာ၊အရယ်အပြုံးကိုမတုန့်ပြန်တာ။ အသက်၉လမှာပတ်ဝန်းကျင်ကကြားရတဲ့အသံလေးတွေကိုလိုက်မတုပတာ၊ဘာမျက်နှာအမူအရာမှမဖော်ပြတာ။ အသက်၁၂လမှာဘာသံမှမပြုနိုင်သေးတာ။ အသက်၁၄လမှာလက်ဟန်ခြေဟန် (လက်ညှိုးထိုးတာ၊လက်ဝှေ့ယမ်းတာမျိုး) မလုပ်ပြနိုင်တာ။ အသက်၁၆လမှာစကားတလုံးတောင်စမပြောနိုင်သေးတာ။ အသက်၁၈လမှာတခုခုလုပ်တမ်းမဆော့တတ်တာ (ဥပမာ။ ကျားကြီးလုပ်မယ်၊သားသားလေးကဆင်ကြီးဖြစ်သွားပြီစသဖြင့်ပေါ့)။ အသက်၂၄လမှာစကားစုနှစ်စုမပြောနိုင်တာ။ အရင်ကတတ်ပြီးသားစကားတွေ၊လုပ်တတ်ပြီးသားအရာတွေ (ဘယ်အချိန်မှာမဆို)ပျောက်ကုန်တာ။   အော်တစ်ဇင်ကလေးတွေစကားပြောတတ်လာအောင်ဘယ်လိုကူညီပေးမလဲ။ အသုံးဝင်တဲ့နည်းစနစ်လေးတွေအောက်ပါဖော်ပြထားပါတယ်။ ကလေးတွေဟာကစားရင်းနဲ့သင်ယူတာဖြစ်တာမို့ကစားနည်းလေးတွေများများဆော့ပေးပါ။ တခြားကလေးတွေနဲ့ပေါင်းသင်းဆက်ဆံခိုင်းပါ။ စကားသင်တဲ့အခါမှာလည်းဒီသဘောအတိုင်းပဲဖြစ်ပါတယ်။ အပြန်အလှန်ကစားရတဲ့ဂိမ်းကစားနည်းလေးတွေဟာသင်နဲ့သင့်ရင်သွေးလေးတို့အပြန်အလှန်နီးနီးကပ်ကပ်ဆက်ဆံနိုင်မယ့်အခွင့်အလမ်းကောင်းတခုဖြစ်ပါတယ်။ ကလေးသဘောကျနှစ်ခြိုက်တဲ့ကစားနည်းမရောက်မချင်းတမျိုးပြီးတမျိုးပြောင်းကစားပါ။ ပေါင်းသင်းဆက်ဆံရေးကိုတိုးတက်မြင့်မားစေတဲ့ကစားနည်းလေးတွေကိုလည်းရှာဖွေကစားပေးပါ။   သင့်ကလေးရဲ့အသံနဲ့ကစားတဲ့ဟန်အမူအရာလေးတွေကိုတုပပြီးလုပ်ပြပါ။ ဒီလိုလုပ်ခြင်းဟာသင့်ကလေးနဲ့ဆက်ဆံရာမှာအထောက်အကူဖြစ်စေသလိုသူလေးကလည်းတပြန်တလှည့်သင့်ကို ပြန်ပြီးအတုခိုးပြပါလိမ့်မယ်။ ဒါပေမယ့်ဒီနေရာမှာတခုသတိထားရမှာကကလေးရဲ့မကောင်းတဲ့အမူအရာဟန်ပန်တွေ၊ဖျက်လို့ဖျက်ဆီးလုပ်တာတွေကိုတော့အားပေးအားမြှောက်နဲ့တုပမပြမိဖို့ပဲ ဖြစ်ပါတယ်။   =သင့်ကလေးကိုစကားများများပြောဖို့အခွင့်အလမ်းလေးတွေဖန်တီးပေးပါ။ သင့်ကလေးကတော်တော်နဲ့စကားမပြောနိုင်တဲ့အခါသင့်အနေနဲ့အားမလိုအားမရဖြစ်ပြီးထောက်ပေးဖို့ကြိုးစားမိပါလိမ့်မယ်။ ဒီလိုမလုပ်ပါနဲ့။ ကလေးကစကားပြန်မပြောသည့်တိုင်သူလေးကိုတတ်နိုင်သမျှစကားပြောနိုင်ဖို့အခြေအနေလေးတွေကို ပြုလုပ်ပေးပါ။ တကယ်လို့သင်ကကလေးကိုမေးခွန်းတခုမေးချင်တဲ့အခါမျိုးဒါမှမဟုတ်ကလေးကသင့်ကိုတခုခုပြောပြဖို့ကြိုးစားနေတယ်လို့သတိထားမိတဲ့အခါမျိုးတွေမှာသူလေးရဲ့မျက်နှာကိုကြည့်ပြီး ငြိမ်ငြိမ်လေးနေကာစောင့်ကြည့်ပြီးကလေးကိုစကားပြောဖို့အခွင့်အရေးပေးပါ။ အသံလေးထွက်လာတာဒါမှမဟုတ်အမူအရာတခုခုပြတာမျိုးကိုအသေအချာစောင့်ကြည့်ပြီးချက်ချင်းတုန့်ပြန်ပေးပါ။   လွယ်လွယ်နဲ့ရိုးရိုးရှင်းရှင်းပြောပါ။ ရိုးရှင်းပြီးလွယ်ကူတဲ့စကားလုံးလေးတွေရွေးချယ်ပြီးသုံးမယ်ဆိုရင်ကလေးငယ်အနေနဲ့သင်ဘာပြောလဲဆိုတာကိုပိုပြီးလွယ်လွယ်ကူကူနားလည်နိုင်စေမှာပါ။ ဒီလိုဆိုတော့သူတို့အတုခိုးပြီး ပြန်ပြောရင်လည်းပြောရလွယ်သွားမယ်လေ။ သင့်ကလေးဟာစကားလုံးဝမပြောဖူးဆိုရင်တော့စကားလုံးတလုံးထဲနဲ့ကလေးကိုဆက်သွယ်ပြောဆိုပါ (ဥပမာ။ ဘောလုံးနဲ့ဆော့နေတဲ့အချိန်ဆို "ကန်" "ဖမ်း" စသဖြင့်ပေါ့)။ စကားလုံးတလုံးထဲနဲ့စတင်ပြီးသင့်ကလေးစကားပြောလာပြီဆိုရင်တော့နောက်ထပ်တလုံးဆီတက်တက်ပြီးသင်ပေး၊ပြောပေးသွားဖို့အရေးကြီးပါတယ်။ အဆင့်မကျော်ပါစေနဲ့။   Hello Health Groupသည် ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများမပြုလုပ်ပေးပါ။

ဆုံဆို့နာဆိုတာ ဟိုးလွန်ခဲ့တဲ့ ၁၉၃၀ ပြည့်နှစ်တွေလောက်က ကလေးတွေမှာအဖြစ်များခဲ့တဲ့ ရောဂါတစ်ခု ဖြစ်ပါတယ်။ ဒီ ရောဂါဟာ ဘက်တီးရီးယားပိုးကြောင့် ဖြစ်တဲ့ရောဂါ တစ်ခုဖြစ်ပြီး လည်ချောင်း၊ နှာခေါင်း၊အာသီး(အသက်ရှူလမ်းကြောင်းဆိုင်ရာဆုံဆို့နာလို့ခေါ်တယ်) နဲ့ အရေပြားစတဲ့နေရာတွေထဲက နှစ်နေရာမှာ ဖြစ်ပွားလေ့ရှိပါတယ်။ ဆုံဆို့နာဘယ်လိုကူးလဲ။ ဆုံဆို့နာကို ဖြစ်စေတဲ့ဘက်တီးရီးယားပိုးဟာ ခန္ဒ္ဓာကိုယ်ထဲကို နှာခေါင်း ဒါမှမဟုတ် ပါးစပ်ကတဆင့်ဝင်ရောက်လာနိုင်တဲ့အပြင် အရေပြားပေါက်ပြဲဒဏ်ရာတွေကနေလည်းဝင်ရောက်နိုင်ပါတယ်။ လူတစ်ဦးနဲ့တစ်ဦး အနီးကပ် ထိတွေ့ရင် အသက်ရှူထုတ်လိုက်တဲ့ထဲမှာ ပါလာတဲ့ အမှုန်လေးတွေကတဆင့် ရောဂါကူးစက်ပါတယ်။ ဆိုလိုတာက ပိုးကူးစက်ခံထားရတဲ့သူ ချောင်းဆိုးတာ၊နှာချေတာ ဒါမှမဟုတ် ရယ်လိုက်တာကနေ ထွက်လာတဲ့ဘက်တီးရီးယားတွေပါတဲ့ လေကိုရှူရှိုက်မိရင်ပိုးကူးစက်တယ်လို့ပြောချင်တာဖြစ်တယ်။ ရောဂါပိုးနဲ့ထိတွေ့ပြီးနောက်ရောဂါလက္ခဏာတွေပြဖို့၂ရက်ကနေ၄ရက်အထိကြာတတ်ပါတယ်။ ဆုံဆို့နာရဲ့ ရောဂါလက္ခဏာတွေက ဘာတွေလဲ။ အောက်မှာဖော်ပြထားတဲ့လက္ခဏာတွေဟာဆုံဆို့နာရဲ့အတွေ့ရအများဆုံး လက္ခဏာတွေ ဆိုပေမယ့် ကလေးတစ်ယောက်နဲ့တစ်ယောက်ပြတဲ့လက္ခဏာတွေကတော့တူချင်မှတူမှာပါ။ အသက်ရှူလမ်းကြောင်းဆိုင်ရာဆုံဆို့နာ ကလေးတစ်ယောက်ဆုံဆို့နာရောဂါပိုးကူးစက်ခံရပြီဆိုရင်ရောဂါပိုးတွေဟာ လည်ချောင်းထဲမှာ ပျံ့နှံ့ပေါက်ပွားကြီးထွားပါတယ်။ လည်ချောင်းထဲနဲ့အာသီးတို့မှာအဖတ်ကလေးတွေအလွှာလေးတွေ ဖြစ်လာပြီးလည်ချောင်းနာခြင်းကို ဖြစ်စေပါတယ်။ အသက်ရှူလမ်းကြောင်းဆိုင်ရာဆုံဆို့နာမှာတွေ့ရတတ်တဲ့တခြားလက္ခဏာတွေက အသက်ရှူရခက်ခြင်း။ ငွေ့ငွေ့ဖျားခြင်း။ အသံရှတတဖြစ်ခြင်း။ အသက်ရှူသွင်းလိုက်တဲ့အခါပုံမှန်မဟုတ်တဲ့အသံထွက်ခြင်း လည်ပင်းကအကြိတ်တွေကြီးခြင်း။ […]

သင့်ကလေးအရိုးကျိုးလာပြီဆိုရင်သင့်အနေနဲ့ဒါဟာခွဲစိတ်ဖို့လိုမလိုစဉ်းစားမိမှာအမှန်ပါပဲ။ တကယ်တမ်းလိုအပ်လာရင်တော့ဆရာဝန်တွေကခွဲစိတ်မှုတွေလုပ်မှာပါ။ ဒါပေမယ့်သင့်အနေနဲ့ဘာလို့ခွဲစိတ်ရတယ်ဆိုတဲ့အခြေခံအချက်လေးတွေတချို့ကိုတော့သိသင့်ပါတယ်။ ဒါမှသာဆရာဝန်နဲ့အသေအချာဆွေးနွေးမေးမြန်းနိုင်မှာပါ။   သင့်ကလေးအရိုးကျိုးပြီဆိုကြပါစို့ အရိုးကျိုးသွားပြီဆိုရင်ကုသမှုမပေးဘဲနဲ့သူ့အလိုလိုအကောင်းအတိုင်း ပြန်မဖြစ်နိုင်ပါဖူး။ ဒါကြောင့်အရိုးကျိုးပြီဆိုတာ ပြတဲ့လက္ခဏာလေးတွေကိုသင့်အနေနဲ့သိထားရပါမယ်။ ဒါမှသာကလေးကိုအမြန်ဆုံးကုသပေးနိုင်မှာပါ။ အောက်မှာဖော်ပြထားတဲ့အချက်လေးတွေကိုမှတ်သားထားပါ။ ဖြစ်တဲ့နေရာမှာအရိုးကျိုးသွားတဲ့အသံကိုကြားရပါမယ်။ သွေးခြေဥလာမယ်။ ကျိုးတဲ့နေရာကိုဖိကြည့်ရင်တင်းနေမယ်။ နာနေမယ်။ ကလေးကအရမ်းကိုနာမယ်။ ကျိုးတဲ့နေရာကိုလှုပ်မိရင်ပိုနာမယ်။ ဖြစ်တဲ့နေရာကမာတောင့်နေမယ်။ ဒါဆိုရင်သင့်ကလေးကိုဆေးရုံအမြန်ဆုံးသာခေါ်သွားပါ။ ဆရာဝန်ကလိုအပ်သလိုဆက်လက်ကုသပေးပါလိမ့်မယ်။   ဘယ်အခြေအနေမှာခွဲစိတ်ဖို့လိုသလဲ။ ကလေးအများစုဟာကျိုးပြီပဲ့ပြီဆိုရင်ကျောက်ပတ်တီးစည်းတာလောက်နဲ့အဆင်ပြေသွားလေ့ရှိတာများပါတယ်။ ဒါပေမယ့်တချို့ကလေးတွေမှာတော့ကျိုးသွားတဲ့အရိုးပုံမှန်အတိုင်း ပြန်ဆက်ဖို့အတွက်ခွဲစိတ်မှုလုပ်ဖို့လိုတတ်ပါတယ်။ ကျိုးသွားတဲ့အရိုးတွေနေသားတကျဖြစ်အောင်မူလီလေးတွေနဲ့ထိန်းပေးဖို့လိုတဲ့အရိုးကျိုးပုံကျိုးနည်းတွေလည်းရှိပါသေးတယ်။ ဒါကြောင့်သင့်ကလေးဟာအရိုးကျိုးတာကို ပြန်ဆက်ဖို့တချို့အခြေအနေတွေမှာခွဲစိတ်မှုလုပ်ရပါမယ်။ အရိုးကအစိတ်စိတ်အမြွှာမြွှာကျိုးတာ။ ဒီလိုအနေအထားမျိုးမှာကျိုးသွားတဲ့အရိုးပိုင်းတွေသူ့နေရာမှာပဲသူရှိနေဖို့အတွက်ခွဲစိတ်မှု ပြုလုပ်ဖို့ဆရာဝန်တွေကအကြံပြုပါလိမ့်မယ်။ မူလီတွေ၊စတီးချောင်းတွေ၊ပင်တွေကိုအသုံးပြုပြီးကျိုးနေတဲ့အရိုးတွေကိုနေရာတကျရှိစေပါတယ်။ တနှစ်လောက်ကြာပြီးတဲ့အခါဒီမူလီတွေ၊စတီးချောင်းတွေနဲ့ပင်တွေကို ပြန်ထုတ်ဖို့ခွဲစိတ်မှုတခုထပ်လုပ်ရပါမယ်။ အဆစ်နေရာမှာကျိုးရင်။ ဒီလိုအခြေအနေမျိုးမှာကျိုးတာကအဆစ်ကိုပါ ဖြတ်ပြီးကျိုးသွားတာမို့ခွဲစိတ်မှုလုပ်ပြီးအဆစ်ကိုကာကွယ်ရပါမယ်။ ကျိုးနေတဲ့အရိုးကအပြင်ကိုငေါထွက်လာရင်။ ဒီလိုဒါဏ်ရာမျိုးကို open fracture (အပြင်ကိုထိုးဖောက်ပြီးအရိုးကျိုးခြင်း)လို့ခေါ်ပြီးအဲ့ဒီနေရာမှာရှိတဲ့ကြွက်သားတွေနဲ့အရွတ်ကြောတွေကိုပါထိခိုက်စေပါတယ်။ ဒီလိုအခြေအနေမျိုးမှာအရိုးကို ပြန်ဆက်ဖို့နဲ့ဒါဏ်ရာကို ပြန်ပိတ်ဖို့အတွက်ခွဲစိတ်မှုပြုလုပ်ဖို့လိုကိုလိုအပ်ပါတယ်။ တံတောင်ဆစ်နားကျိုးရင်။ ဒီလိုနေရာမှာကျိုးရင် displaced fracture (အဆစ်ပါလွဲသွားသောအရိုးကျိုးခြင်း)လို့ခေါ်ပြီးဒါကိုလည်းခွဲစိတ်ကုသရပါမယ်။ ကျိုးနေတဲ့အရိုးကိုနေရာတကျ ပြန်တည့်ဖို့လိုရင်။ ဘယ်လို ပြန်တည့်ရမလဲသိနိုင်ဖို့အတွက်ဓါတ်မှန်ရိုက်ဖို့သင့်ဆရာဝန်ကပြောပါလိမ့်မယ်။ ဒါဏ်ရာရပြီးတစ်ရက်နှစ်ရက်လောက်အကြာအရောင်ကျသွားပြီဆိုရင်ခွဲစိတ်မှုကို ပြုလုပ်ပါလိမ့်မယ်။ သင့်ဆုံးဖြတ်ချက်ကအဓိကပါ။ သင့်ဆရာဝန်ကခွဲဖို့မခွဲဖို့ဘယ်လိုပဲဆုံးဖြတ်ဆုံးဖြတ်သူ့အနေနဲ့လူနာအတွက်အကောင်းဆုံးလို့ထင်တာကိုလုပ်တာဖြစ်ပါတယ်။ သင့်အနေနဲ့လည်းခွဲစိတ်ဖို့ကို ငြင်းဆန်ပိုင်ခွင့်ရှိပါတယ်။ မခွဲရင်လည်းအရိုးဟာ ပြန်ဆက်မှာ ဖြစ်ပါတယ်။ ဒါပေမယ့်ကောင်းကောင်းမွန်မွန်ပုံမှန်အတိုင်းတော့ […]

မိဘအများစုကဲ့သို့ပင် သင်၏ကလေးများရေကူးခြင်းရေဆော့ခြင်းမလုပ်တော့သည်နှင့် ရေမနစ်နိုင်တော့ဟုသင်ထင်ကောင်းထင်နိုင်ပါသည်။ သို့သော် “dry သို့မဟုတ် secondary drowning” (ရေနစ်ခြင်း) သည် ရေချိုးပြီးနောက်ပိုင်းနာရီများစွာကြာချိန် တခြားအလုပ်များလုပ်နေချိန်ရောက်မှ ဖြစ်ပွားနိုင်ပါသည်။ ထိုကဲ့သို့အန္တရာယ်မှကင်းစေရန် သင့်ကလေးအတွက်လုပ်ပေးနိုင်သောအဆင့်များရှိပါသည်။   Dry drowning and second drowning ဆိုတာဘာလဲ ဒီရေနစ်ခြင်းမျိုးသည် အဆုတ်ထဲသို့ရေများကိုရှူသွင်းမိသည့်အခါ ဖြစ်ပေါ်နိုင်ပါသည်။ တစ်ခါတစ်ရံတွင် ရေကူးစဉ်ရုန်းကန်ခြင်းများကြောင့်လဲ ဖြစ်နိုင်သည်။ သို့သော် ပါးစပ်ထဲသို့ရေဝင်ရုံလောက်နှင့်ပင် ဖြစ်ပေါ်လာတတ်သောနောက်ဆက်တွဲအခြေအနေတစ်ခုလဲ ဖြစ်နိုင်၏။ အရွယ်ရောက်ပြီးသူများတွင်ပါဖြစ်နိုင်သော်လည်းကလေးများကအရွယ်ပိုငယ်သောကြောင့် အဖြစ်ပိုများပါသည်။ Dry drowning တွင် ရေများကအဆုတ်ထဲထိအောင်မထိုးဖောက်ပါ။ ထိုအစားရေများသည်အသက်ရှူရာမှဝင်လာပြီး ရေကန်၊ ပင်လယ်၊ ရေအိုင်အတွင်းမှ ထွက်လာပြီးနောက်ပိုင်းကလေးငယ်၏အသံကြိုးကိုညှစ်စေပြီးပိတ်သွားစေနိုင်သည်။ ထို့ကြောင့် အသက်ရှူလမ်းကြောင်းကိုပိတ်သွားစေပြီးအသက်ရှူမရဖြစ်သွားစေသည်။ Secondary drowning က နည်းနည်းကွဲသည်။ ကလေး၏လေပြွန်သည်ပွင့်သွားပြီးအဆုတ်ထဲထိရေများကိုရောက်သွားစေသည်။ ထိုအခြေအနေမှ Pulmonary Edema ဟုခေါ်သော အဆုတ်ရေဝင်ခြင်းဖြစ်ပွားလာပြီးနောက်ဆုံးအနေဖြင့် အသက်ရှူမရဖြစ်သွားစေနိုင်၏။ Dry drowning ၏ လက္ခဏာများသည် ရေထဲတွင်တစ်ခုခုဖြစ်ပြီးနောက်ပိုင်းတွင်ပေါ်လာတတ်သည်။ […]

သင့်ကလေးသည် သင်မရှိသောအချိန် သင်မမြင်ကွယ်ရာအချိန်သူလက်ထဲတွင်ရှိသောမည်သည့်အစာကိုမဆိုစားနိုင်သည်။ အကယ်၍သင်ကိုယ်တိုင်ဟင်းချက်သူဖြစ်နေလျှင်တောင်မှ သင့်ကလေးတွင် အစာအဆိပ်သင့်မှုဖြစ်ပွားနိုင်သေးသည်။ သင့်ကလေး အစာအဆိပ်သင့်လျှင် အလွန်အမင်းကြောက်လန့်သွားခြင်းသည် မှန်ကန်သောပြုလုပ်ရမည့်အရာတစ်ခုမဟုတ်ပါ။ အလွန်အမင်းကြောက်လန့်နေမည့်အစား အစာအဆိပ်သင့်ခြင်းနှင့် ပက်သက်ပြီးလုံလောက်သော ဗဟုသုတထားရှိပြီး အရေးပေါ်အခြေအနေများကို ကိုင်တွယ်ဖြေရှင်းနိုင်ရန်လေ့လာထားပါ။ အစာအဆိပ်သင့်ခြင်းဆိုသည်မှာ အဘယ်နည်း။ ဘယ်အချိန်တွင်ဖြစ်ပွားတတ်သလဲ။ အစာအဆိပ်သင့်ခြင်းသည် မကောင်းတော့သော အစာများတွင် ပိုးမွှားများပေါက်ပွားရာမှ ဖြစ်ပွားသည်။ အချို့ကိစ္စရပ်များတွင် မကျက်တကျက်အစာများ၊ မီးပုံမှန်မရသော ရေခဲသေတ္တာထဲတွင် ထည့်ထားသော အစာများ၊ သေချာစွာ မသန့်စင်ထားသော အစာများထဲတွင် ပိုးမွှားများပေါက်ပွားခြင်းဖြစ်သည်။ အစာအဆိပ်သင့်ခြင်းဖြစ်စေသောပိုးမွှားများသည်ဘယ်အရာတွေလဲ။ အစာအဆိပ်သင့်ခြင်းဖြစ်စေနိုင်သော ပိုးမွှားများတွင် ကမ်ပိုင်လိုဘက်ဒါ၊ စတက်ဖိုင်လိုကော့တက်စ်၊ ဆာမိုနဲလားနှင့် အက်စ်ချီးရီးချီးယားကိုလိုင်းတို့ ပါဝင်သည်။ ဗိုင်းရပ်စ်များ၊ ကပ်ပါးပိုးများ၊ အဆိပ်များသည်လည်းပဲ အစာအဆိပ်သင့်ခြင်းကို ဖြစ်ပွားစေနိုင်သည်။ အစာအဆိပ်သင့်ခြင်းဆိုသည်မှာ အစာအိမ်နှင့် အူရောင်ရမ်းပြီး အထက်လန်အောက်လျှောဖြစ်ခြင်း ဖြစ်သည်။ ဘယ်သူတွေ အစာအဆိပ်သင့်ခြင်း ဖြစ်ပွားနိုင်သလဲ။ ကလေးများ၊ အသက်အနည်းငယ်ပိုကြီးသော ကလေးများနှင့် အရွယ်ရောက်ပြီးသူများ အပါအဝင်မည်သူမဆိုဖြစ်နိုင်သည်။ အစာအဆိပ်သင့်ခြင်း၏ လက္ခဏာရပ်များ များသောအားဖြင့် အစာအဆိပ်သင့်ခြင်း […]

ရေကျောက်ဆိုတာ ရေယုန်ဗိုင်းရပ်စ်တမျိုးဖြစ်တဲ့ varicella-zoster virus ကြောင့် ဖြစ်ရတာပါ။ ကလေးအများစုက ရေကျောက်ပေါက်ဖူးကြပါတယ်(အများအားဖြင့် အသက်ဆယ်နှစ် မတိုင်ခင်လောက်မှာပေါ့)။ ဗိုင်းရပ်စ်ပိုးဝင်တဲ့အခါမှာ ခန္ဓါကိုယ်ရဲ့ ခုခံအားစနစ်ကနေ ပဋိပစ္စည်း(antibody)လို့ခေါ်တဲ့ ပရိုတင်းတွေကို ထုတ်ပေးလိုက်ပါတယ်။ ဒီပဋိပစ္စည်းလေးတွေဟာ ဗိုင်းရပ်စ်ပိုးကို တိုက်ထုတ်တဲ့အပြင် နောက်တခါ ရေကျောက်ထပ်မပေါက်တော့အောင်လည်း ကူညီကာကွယ်ပေးပါတယ်။ ဒါကြောင့်မို့ လူတယောက်မှာ ရေကျောက်နှစ်ခါ ပေါက်တယ်ဆိုတာ မရှိသလောက်ကို ရှားပါတယ်။   ရေကျောက်ရဲ့ လက္ခဏာတွေက ဘာတွေလဲ။ ဦးဆုံးဖြစ်ပေါ်လာတဲ့ လက္ခဏာတွေက ဖျားတာ၊၊ခေါင်းကိုက်တာ၊လည်ချောင်းနာတာ ဒါမှမဟုတ် ဗိုက်နာ၊ဗိုက်အောင့်တာ စတာတွေပဲ ဖြစ်ပါတယ်။ ရေကျောက်ပေါက်ပြီဆိုရင် ပထမဆုံးအနေနဲ့ မျက်နှာနဲ့ ကျောမှာ ယားယံတဲ့ အနီစက်လေးတွေ ထွက်လာပါမယ်။ ဒီအစက်လေးတွေဟာ တကိုယ်လုံးကို ပျံ့သွားနိုင်ပါတယ်။ တချို့ကလေးတွေမှာဆိုရင် နေလို့ထိုင်လို့မကောင်း၊မအီမသာဖြစ်တာ၊အစားအသောက်ပျက်တာတွေကိုပါ တွေ့ရတတ်ပါတယ်။ အဓိက လက္ခဏာကတော့ အဆင့်သုံးဆင့်နဲ့ ဖြစ်ပေါ်လာတဲ့ အနီစက်တွေပါပဲ။ ပထမဆုံး ဝက်ခြံလို၊ခြင်ကိုက်ဖုလို အနီစက်လေးအနေနဲ့ စထွက်လာပြီး […]

အူသိမ်အဆုံးပိုင်းနဲ့ စအိုတဝိုက်မှာရှိတဲ့ သွေးပြန်ကြောတွေ ရောင်ရမ်းဖောင်းကားနေတာကို လိပ်ခေါင်းလို့ ခေါ်ပါတယ်။ သွေးကြောနံရံတွေဟာ တစ်ချိန်လုံး ဆွဲဆန့်ခံထားရသလို ဖြစ်နေတာမို့ ယားယံတာနဲ့ နာကျင်တာတွေကို ခံစားရစေပါတယ်။ လူတော်တော်များများက အရွယ်ရောက်ပြီးသူတွေမှာပဲ လိပ်ခေါင်းဖြစ်တယ်လို့ ထင်တတ်ကြပါတယ်။ ဒါဟာမှားပါတယ်။ တကယ်တမ်းကျတော့ ကလေးတွေမှာလည်း လိပ်ခေါင်းဖြစ်နိုင်ပါတယ်။ သင့်ကလေးမှာ လိပ်ခေါင်းဖြစ်နေမှန်း ဘယ်လိုသိနိုင်မလဲ။ အောက်ကအချက်တွေ ဖြစ်နေပြီဆိုရင် လိပ်ခေါင်းမှန်း သိနိုင်ပါတယ်။ ကလေးရဲ့ စအိုနားတဝိုက်မှာ ယားယံနေတာ ဒါမှမဟုတ် နာနေတာ။ အိမ်သာတက်ပြီး သန့်ရှင်းရေးလုပ်တဲ့ တစ်ရှူးစ ဒါမှမဟုတ် အိမ်သာကြွေခွက်မှာ သွေးတွေရှိနေတာကို သတိထားမိတာ။ စအိုဝနားမှာ ဒါမှမဟုတ် စအိုဝကနေ အပြင်ကို ပြူထွက်လာတဲ့ ပန်းရောင်အသားစစိုစိုလေးကို သတိထားမိတာ(ဒီအသားဖုလေးက အပြာရောင် ဒါမှမဟုတ် ခရမ်းရောင်လည်းဖြစ်နေနိုင်တယ်)။ ဘယ်အချိန်မှာ ဆေးဝါးကုသမှု ခံယူရမလဲ။ စအိုက သွေးထွက်တာဟာ ဆိုးရွားပြီး အရေးကြီးတဲ့ ရောဂါတွေဖြစ်တဲ့ အူမကြီးအနာတွေ၊အူမကြီးရောင်တာ၊Crohn's […]