backup og meta

နို့တိုက်မေမေ မဖြစ်မနေလိုအပ်မယ့် ဗီတာမင်တွေ

မှ အချက်အလက် စစ်ဆေးထားပါသည်။ Dr. Thurein Hlaing Win


Aye Thi Mon မှ ရေးသားသည်။ · 3 ပတ် အကြာက တွင် အသစ်ဖြည့်စွက်ခဲ့သည်။

    နို့တိုက်မေမေ မဖြစ်မနေလိုအပ်မယ့် ဗီတာမင်တွေ

    နို့တိုက်မေမေ တစ်ယောက်အနေနဲ့ ဘေဘီလေးကို ကောင်းစွာကြီးပြင်းလာစေဖို့ဆိုရင် အာဟာရပြည့်ဝဖို့လိုအပ်မှာပါ။ မေမေက လိုအပ်တဲ့ ဗီတာမင်တွေပြည့်ဝမှ ဘေဘီလေးက ကျန်းမာပျော်ရွှင်စွာကြီးပြင်းနိုင်မှာပေါ့။ အကြောင်းကတော့ ဘေဘီလေးက မွေးပြီးစကနေ အသက် ၆ လအထိ မေမေ့နို့တစ်ခုတည်းကိုပဲ အားကိုးထားရတာလေ။ ဒီတော့ မေမေရော ဘေဘီလေးပါကျန်းမာစေဖို့ နို့တိုက်မေမေ အနေနဲ့ ဘယ်လိုဗီတာမင်တွေ ပြည့်ဝအောင်စားရမလဲဆိုတာကို ဒီဆောင်းပါးလေးကနေတဆင့် ပြောပြပေးပါရစေ။

    နို့တိုက်မေမေ ပြည့်ဝနေဖို့ လိုအပ်မယ့် ဗီတာမင်တွေက ဘာတွေများလဲ……

    မေမေရော ဘေဘီလေးပါ ကျန်းမာနေစေဖို့ နို့တိုက်မေမေတစ်ယောက်အနေနဲ့ ဒီဗီတာမင်တွေ ပြည့်ဝဖို့ လိုအပ်ပါမယ်။

    ဗီတာမင် A

    ဘေဘီလေး အမြင်အာရုံဖွံ့ဖြိုးစေဖို့၊ အရောင်တွေကိုကွဲပြားစွာသိမြင်နိုင်စေဖို့နဲ့ ကြက်မျက်သင့်တာမျိုးမဖြစ်စေဖို့ ကာကွယ်ပေးပါတယ်။ အရေပြား နဲ့ ဆံသား တစ်ရှူးတွေကို ဖြစ်ပေါ်စေပြီး ကိုယ်ခံအားကောင်းဖို့ ထောက်ပံ့ပေးပါတယ်။

    ဗီတာမင် A ကြွယ်ဝစွာပါဝင်နေတာတွေက – ငါး၊ ဥအမျိုးမျိုး၊ အသည်း၊ ကန်စွန်းဥ၊ မုန်လာနီ၊ ရွှေဖရုံသီး၊ ဟင်းနုနွယ်၊ ချိစ်၊ တရုတ်ဇီးသီး၊ သရက်သီးတို့ကနေရရှိနိုင်ပါတယ်။ 

    ဗီတာမင် B1 (Thiamin)

    ဘေဘီလေးမှာ ခွန်အားပြည့်စေဖို့အတွက် အရေးပါတဲ့ဓာတ်တစ်ခုပါ။ ခန္ဓာကိုယ်ရဲ့ ဇီဝကမ္မဖြစ်စဉ်တွေကို အကောင်းဆုံးအားဖြည့်ပေးနိုင်ပါတယ်။ ဦးနှောက်ဖွံ့ဖြိုးမှုကိုကောင်းစေပြီး မှတ်ဉာဏ်တည်ဆောက်မှုကိုလည်း အကောင်းဆုံးအားဖြည့်ပေးပါတယ်။

    ဗီတာမင် B1 (Thiamin) ကြွယ်ဝစွာပါဝင်နေတာက – ဂျုံ၊ ဆန်လုံးညို၊ အသား၊ အခွံမာသီးတွေ၊ ပဲပိစပ်၊ ဥအမျိုးမျိုး၊ ပဲတောင့်ရှည်၊ အစေ့အဆန်တွေ စားပေးလို့ရပါတယ်။

    ဗီတာမင် B12 (Cobalamin)

    ခန္ဓာကိုယ်ကြီးထွားဖွံ့ဖြိုးစေဖို့ အကောင်းဆုံး အားဖြည့်ပေးနိုင်ပါတယ်။ အာရုံကြောဆဲလ်တွေကို ကျန်းမာစေနိုင်သလို သိမြင်မှုစွမ်းရည်ကိုလည်း တိုးတက်စေနိုင်ပါတယ်။ မျိုးဗီဇဆဲလ်တွေ ဖြစ်ပေါ်စေဖို့ အကောင်းဆုံးအားဖြည့်ပေးနိုင်ပါတယ်။

    ဗီတာမင် B12 (Cobalamin) ကြွယ်ဝစွာပါဝင်နေတာက – ငါး၊ ဥအမျိုးမျိုး၊ ကမာ၊ နို့ နဲ့ နို့ထွက်ပစ္စည်းတွေမှာ တွေ့ရနိုင်ပါတယ်။ 

    ဗီတာမင် B2 (Riboflavin)

    ခန္ဓာကိုယ်က သံဓာတ်စုပ်ယူမှုကောင်းအောင် အကောင်းဆုံးအားဖြည့်ပေးပါတယ်။ သွေးဖြူဥပမာဏကို ထိန်းညှိပေးပါတယ်။ ဓာတ်တိုးဆန့်ကျင်အာနိသင်ပါဝင်ပြီး ဆဲလ်တွေကို ကျန်းမာစေနိုင်ပါတယ်။ သွေးဆဲလ်တွေကျန်းမာစေပြီး သွေးအားနည်းရောဂါမဖြစ်အောင် ကာကွယ်ပေးနိုင်ပါတယ်။

    ဗီတာမင် B2 (Riboflavin)ကြွယ်ဝစွာပါဝင်နေတာက – အဆီပြည့်နို့၊ ဂျုံ၊ ဆန်လုံးညို၊ အယ်လ်မွန်စေ့၊ ဥအမျိုးမျိုး၊ ဟင်းနုနွယ်၊ ပဲပိစပ်၊ ပန်းဂေါ်ဖီစိမ်း၊ အသား၊ မှိုတွေကနေရရှိနိုင်ပါတယ်။ 

    ဗီတာမင် B3 (Niacin)

    အာရုံကြောစနစ် ကျန်းမာစေဖို့ အကောင်းဆုံးအားဖြည့်ပေးနိုင်ပါတယ်။ ကိုယ်တွင်းဟော်မုန်းထွက်ရှိမှုကို ထိန်းညှိပေးနိုင်ပါတယ်။ ရောင်ရမ်းမှုကို သက်သာစေနိုင်ပါတယ်။ ရောဂါပိုးတွေ အန္တရာယ်ကနေ ကာကွယ်ပေးပြီး ကူးစက်ရောဂါတွေမဖြစ်အောင် အကောင်းဆုံးအားဖြည့်ပေးနိုင်ပါတယ်။

    ဗီတာမင် B3 (Niacin) ကြွယ်ဝစွာပါဝင်နေတာက – ကြက်သား၊ နှမ်း၊ ငါး၊ နေကြာစေ့၊ မြေပဲ၊ ပဲနီလေး၊ နို့ နဲ့ ဥအမျိုးမျိုးတို့မှာ ကြွယ်ဝစွာပါဝင်နေပါတယ်။ 

    ဗီတာမင် B5 (Pantothenic Acid)

    သွေးနီဥဆဲလ်တွေကို ကျန်းမာစေပြီး ဂလင်းတွေကိုလည်း အကောင်းဆုံး ထိန်းညှိပေးပါတယ်။ အစာခြေစနစ်ကို ကျန်းမာစေနိုင်ပြီး ခန္ဓာကိုယ်ကို ကျန်းမာစေနိုင်ပါတယ်။ အနာကျက်စေနိုင်ပါတယ်။

    ဗီတာမင် B5 (Pantothenic Acid)ကြွယ်ဝစွာပါဝင်နေတာက – ပဲအမျိုးမျိုး၊ ပန်းဂေါ်ဖီ၊ နေကြာစေ့၊ ငါး၊ ထောပတ်သီး၊ ကန်စွန်းဥ၊ ဥအမျိုးမျိုး၊ ချိစ်၊ ပဲနီလေးတို့ စားပေးလို့ရပါတယ်။ 

    ဗီတာမင် B6 (Pyridoxine)

    ဦးနှောက် နဲ့ အာရုံကြော ဖွံ့ဖြိုးစေဖို့ အကောင်းဆုံးအားဖြည့်ပေးနိုင်ပါတယ်။ ဘေဘီလေးရဲ့ အိပ်စက်မှုအတွက် အကောင်းဆုံးအားဖြည့်ပေးနိုင်ပါတယ်။

    ဗီတာမင် B6 (Pyridoxine) ကြွယ်ဝစွာပါဝင်နေတာက – ငါး၊ အသား၊ ပဲနီလေး၊ ဇီးသီး၊ ငှက်ပျောသီး၊ မုန်လာဥနီ၊ ဟင်းနုနွယ်၊ အာလူး တို့ကနေရရှိနိုင်ပါတယ်။ 

    ဗီတာမင် B9 (Folic Acid/Folate)

    မျိုးဗီဇဆဲလ်တွေကို ဖြစ်ပေါ်စေနိုင်တယ်။ ဦးနှောက် ဖွံ့ဖြိုးစေတယ်။ သင်ယူမှုစွမ်းရည်တွေကောင်းစေနိုင်တယ်။ သံဓာတ်စုပ်ယူမှုကောင်းစေပြီး သွေးနီဥဆဲလ်တွေကို အကောင်းဆုံးဖြစ်ပေါ်စေနိုင်ပါတယ်။

    ဗီတာမင် B9 (Folic Acid/Folate)ကြွယ်ဝစွာပါဝင်နေတာက – ပဲနီလေး၊ ဟင်းနုနွယ်၊ ကညွတ်၊ တရုတ်မုန်လာ၊ ထမင်း၊ လိမ္မာ်သီး၊ ထောပတ်သီး၊ နို့၊ ဂျုံ တို့ကနေ ရရှိနိုင်ပါတယ်။ 

    ဗီတာမင် C (Ascorbic Acid)

    ကော်လာဂျင်ထွက်ရှိမှုကို မြှင့်တင်ပေးနိုင်ပါတယ်။ ဆံသား၊အရေပြား နဲ့ သွေးကြောတွေကို ကျန်းမာစေနိုင်ပါတယ်။ ခန္ဓာကိုယ်ဆဲလ်တွေကို ပြုပြင်ပေးပြီး အနာကျက်စေနိုင်ပါတယ်။ သွေးဖြူဥဆဲလ်တွေဖြစ်ပေါ်စေပြီး ရောဂါတွေကနေ ကာကွယ်ပေးပါတယ်။

    ဗီတာမင် C (Ascorbic Acid) ကြွယ်ဝစွာပါဝင်နေတာက – မာလကာသီး၊ ဇီးဖြူသီး၊ လိမ္မော်သီး၊ စတော်ဘယ်ရီ၊ ကီဝီသီး၊ ခရမ်းချဉ်သီး၊ ပန်းဂေါ်ဖီစိမ်း၊ အာလူး၊ ဟင်းနုနွယ် စသည်တို့ကနေ ရရှိနိုင်ပါတယ်။ 

    ဗီတာမင် D 

    အရိုးတွေ သန်မာစေနိုင်တယ်။ ကိုယ်ခံအားကောင်းစေပြီး အရေပြားပြဿနာတွေ ကင်းစေနိုင်ပါတယ်။

    ဗီတာမင် D ကြွယ်ဝစွာပါဝင်နေတာက – ဆာဒင်း၊ တူနာ၊ မက်ကာရယ်၊ ဆယ်လ်မွန်၊ ကြက်ဥအနှစ်၊ နေရောင်ခြည်တို့ကနေ ရရှိနိုင်ပါတယ်။ 

    ဗီတာမင် E

    ကြွက်သားတွေ ကျန်းမာသန်စွမ်းစေနိုင်ပါတယ်။ ကိုယ်ခံအားကောင်းစေပြီး ရောဂါတွေကနေ ကာကွယ်ပေးတယ်။ သွေးနီဥဆဲလ်တွေကို အကောင်းဆုံး ဖြစ်ပေးစေနိုင်ပါတယ်။

    ဗီတာမင် E ကြွယ်ဝစွာပါဝင်နေတာက – နေကြာဆီ၊ စပျစ်စေ့အဆီ၊ ပဲပိစပ်ဆီ၊ သံလွင်ဆီ၊ အယ်လ်မွန်စေ့၊ မြေပဲ၊ ထောပတ်သီး၊ ဟင်းနုနွယ်တို့ကနေ ရရှိနိုင်ပါတယ်။ 

    ဗီတာမင် H

    ခန္ဓာကိုယ် ကြီးထွားဖွံ့ဖြိုးစေဖို့ အကောင်းဆုံးအားဖြည့်ပေးနိုင်ပြီး ခန္ဓာကိုယ်ရဲ့ လုပ်ငန်းဆောင်တာတွေကို အကောင်းဆုံးလုပ်ဆောင်နိုင်စေဖို့ အားဖြည့်ပေးပါတယ်။ အရေပြားပြဿနာတွေကိုလည်း ကာကွယ်ပေးနိုင်ပါတယ်။ ဆံသား၊ အရေပြား နဲ့ လက်သည်းခြေသည်းတွေကို ကျန်းမာစေနိုင်ပါတယ်။

    ဗီတာမင် H ကြွယ်ဝစွာပါဝင်နေတာက – အသား၊ ဥအမျိုးမျိုး၊ ချိစ်၊ ဂျုံ၊ ငါး၊ ပန်းဂေါ်ဖီ၊ ထောပတ်သီး၊ သစ်ကြားသီး၊ မြေပဲ၊ အယ်လ်မွန်စေ့တို့ကနေ ရရှိနိုင်ပါတယ်။ 

    ဗီတာမင် K

    သွေးခဲတာတွေမဖြစ်အောင်ကာကွယ်ပေးပါတယ်။ အရိုးသိပ်သည်းဆ တိုးစေပြီး အရိုးတွေကို ကြံ့ခိုင်သန်စွမ်းစေပါတယ်။ သွေးကြောတွေကို ကျန်းမာစေနိုင်ပြီး သွေးလည်ပတ်မှုကို ကောင်းစေနိုင်ပါတယ်။

    ဗီတာမင် K ကြွယ်ဝစွာပါဝင်နေတာက – ဟင်းနုနွယ်၊ ကိုက်လန်၊ ပန်းဂေါ်ဖီစိမ်း၊ ပဲပိစပ်ဆီ၊ သံလွင်ဆီ၊ ဆလတ်ရွက် ၊ စပျစ်သီးတို့ကနေရရှိနိုင်ပါတယ်။ 

    ဒါတွေအပြင် နို့တိုက်နေရတဲ့ မေမေအနေနဲ့ ကယ်လ်ဆီယမ် နဲ့ ဇင့်တို့ကို ပြည့်ဝစွာရရှိဖို့လည်း လိုအပ်ပါမယ်။

    မသက်ဆိုင်ကြောင်း ရှင်းလင်းချက်

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    မှ အချက်အလက် စစ်ဆေးထားပါသည်။

    Dr. Thurein Hlaing Win


    Aye Thi Mon မှ ရေးသားသည်။ · 3 ပတ် အကြာက တွင် အသစ်ဖြည့်စွက်ခဲ့သည်။

    advertisement iconadvertisement

    ဤဆောင်းပါးက အကူအညီဖြစ်ပါသလား။

    advertisement iconadvertisement
    advertisement iconadvertisement