မျက်လုံးပြဿနာပေါင်း သောင်းခြောက်ထောင် ။ ။

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 11, 2020 . 3 mins read
Share now

လူတိုင်းဟာ တစ်ချိန်မဟုတ် တစ်ချိန်မှာတော့ မျက်လုံးနဲ့ပက်သက်တဲ့ ပြဿနာတွေ ဖြစ်ဖူးကြမှာပါ။ တစ်ချို့မျက်လုံး ပြဿာနာတွေက သူ့ဘာသာ ပျောက်သွားပေမယ့် တစ်ချို့ပြဿာနာတွေကတော့ မျက်လုံးဆရာဝန်ဆီမှာ သေချာသွားကုမှ ပျောက်တာမျိုးတွေရှိပါတယ်။ ရှိတာမှ ဒီမျက်လုံးလေးတစ်စုံမလား။ ဒီမျက်လုံးလေးမှာ ဖြစ်လိုက်တဲ့ ပြဿနာတွေကလည်း စုံလို့။ ကဲ အဖြစ်အများဆုံး မျက်လုံး ပြဿာနာတွေက ဘာတွေလဲ ။ ။

Eyestrain ( မျက်လုံးညောင်းခြင်း)

စာအကြာကြီးဖတ်သူ၊ ကွန်ပျူတာကြည့်ပြီးအကြာကြီး အလုပ်လုပ်ရသူ၊ ကားအကြာကြီးမောင်းရသူုတိုင်း ခံစားဖူးတဲ့အရာပါ။ အခြားကိုယ်ပေါ်က အရာတွေလိုပါပဲ။ မျက်လုံးကလည်း အကြာကြီးအလုပ်လုပ်ရရင် ပင်ပန်းတတ်ပြီး သူ့ကို အနားပေးဖို့လိုအပ်ပါတယ်။ ဒါကြောင့် ကွန်ပျူတာ ၁ နာရီလောက်ကြည့်ပြီးရင် မျက်လုံးကို ၁၀ မိနစ်ခန့် ပိတ်ထားပါ ( ဒါမှမဟုတ်) ၁၀ပေ အကွာအဝေးလောက်မှာရှိတဲ့ အရာတစ်ခုကို ၁၀ စက္ကန့်လောက်ကြည့်ပါ။ စိမ်းနေတဲ့ အပင်တွေဆို ပိုကောင်းပါတယ်။

မျက်လုံးနီရဲခြင်း။ ။

မျက်လုံးရဲ့ မျက်နှာပြင်ဆိုတာ သွေးကြောမျှင်လေးတွေနဲ့ဖွဲ့စည်းထားတာဖြစ်လို့ သွေးကြောမျှင်လေးတွေဖောင်းလာစေတဲ့ မျက်လုံးထဲပိုးဝင်တာ၊ မျက်ကြည်လွှာရောင်တာ၊ ဓါတ်မတည့်မှုတွေ ဖြစ်တဲ့အခါမျိုးမှာ မျက်လုံးနီနေတတ်ပါတယ်။ ဒါ့အပြင် မျက်လုံးညောင်းတာ၊ ညဘက်အိပ်ရေးပျက်တာ တွေကလည်း မျက်လုံးနီရဲစေတဲ့အကြောင်းတွေပါ။ တော်တော်နဲ့ မပျောက်ရင်တော့ ဆေးခန်းသွားပြဖို့လိုပါတယ်။

Night Blindness ( ကြက်မျက်သင့်)

ရုပ်ရှင်ရုံလိုမျိုး မှောင်နေတဲ့ နေရာကို ဝင်ဝင်ချင်းမှာ ဘာမှ မမြင်ရဘဲ တဖြည်းဖြည်းမှ အမှောင်ကိုကျင့်သားရပြီး ပတ်ဝန်းကျင်ကို မြင်လာရတာမျိုး လူတိုင်းဖြစ်ဖူးကြမှာပါ။ ကြက်မျက်သင့်ဝေဒနာခံစားနေရတဲ့ သူတွေကျတော့ ညဘက်မှောင်နေတဲ့အခါမျိုး၊ အလင်းမှိန်တဲ့ နေရာတွေ ရောက်တဲ့အခါမျိုးဆို သူတို့ မြင်ရတဲ့ ပတ်ဝန်းကျင်က လုံးဝကို အမှောင်အတိပါ။ ကြက်မျက်သင့်တာဆိုတာ ရောဂါတစ်ခုတော့ မဟုတ်ပါဘူး။ ဗီတာမင် A ချို့တဲ့တာရဲ့ အဓိက လက္ခဏာတစ်ခုပါ။ မွေးရာပါကြက်မျက်သင့်ဝေဒနာခံစားရတဲ့သူတွေလည်း ရှိပါတယ်။

Lazy eye ( မျက်ကြောသေ ရောဂါ)

မျက်ကြောသေရောဂါဆိုတာ သန္ဓေသား ဘဝတည်းက မျက်လုံးကောင်းကောင်း မဖွံဖြိုးတဲ့အတွက်ကြောင့် ဖြစ်ရတာဖြစ်ပါတယ်။ မျက်ကြောသေတယ်ဆိုတာ မျက်လုံး ၂ ဘက်လုံးမှာ ဖြစ်တယ်ဆိုတာရှားပါတယ်။ မျက်လုံး တစ်ဘက်ကို ပဲ ထိတာများပြီး ငယ်ငယ်တည်းက ကုသဖို့လိုအပ်ပါတယ်။

Strabismus ( မျက်စိစွေခြင်း)

မျက်စိစွေတဲ့ ဝေဒနာကို လူတိုင်းသိကြမှာပါ။ သူကတော့ ကိုယ့်ကိုကြည့်ပြီး စကားပြောနေပေမယ့် သူမျက်လုံးက အခြားနေရာကို ရောက်နေမျိုးပေါ့။ မျက်လုံး ဆရာဝန်ဆီမှာ သေချာသွားပြမှာ ပျောက်တဲ့ ရောဂါမျိုးပါ။ ။

အရောင်တွေ မခွဲနိုင်တော့ခြင်း ။ ။

colorblind လို့လူတွေသိကြတဲ့ အရောင်တွေကို မခွဲခြားနိုင်တဲ့ ရောဂါဟာ မျက်လုံးအတွင်းမှာရှိတဲ့ အရောင်တွေကို အာရုံခံတဲ့ colour cone cell တွေ ကောင်းကောင်း အလုပ်မလုပ်တာကြောင့် ဖြစ်ရတာပါ။ တစ်ချို့ဆိုးဆိုးဝါးဝါးဖြစ်တဲ့သူတွေမှာဆို ကြည့်လေရာ မီးခိုးရောင်ကြီးပဲ မြင်နေတတ်ပါတယ်။ မွေးရာပါဖြစ်တာများပါတယ်။ အမျိုးသားတွေကပိုအဖြစ်များပြီး သူ့ကို ပျောက်အောင် ကုသနိုင်တာမျိုးတော မရှိသေးပေမယ့် ခုနောက်ပိုင်း colorblind ကို ကောင်းအောင် ပြန်တည့်မတ်ပေးနိုင်တဲ့ မျက်မှန်ပေါ်လာပါပြီ။

Uveitis

မျက်လုံးအလယ်ပိုင်းမှာရှိတဲ့ သွေးကြောတွေ အများကြီးရှိတဲ့ uvea အလွှာရောင်တာကို ခေါ်တာဖြစ်ပါတယ်။ မျက်လုံး တစ်ရှူးကိုထိခိုက်စေပြီး မျက်လုံးဆုံးရှုံးတဲ့အထိပြင်းထန်တဲ့ ဝေဒနာတစ်ခုပါ။ သူ့ရဲ့ လက္ခဏာတွေကတော့ အမြင်အာရုံဝေဝါးလာတာ၊ မျက်လုံးအောင့်လာတာ၊ မျက်လုံးတွေနီရဲပြီး အလင်းရောင်ကို မခံနိုင်တော့တာတွေဖြစ်ပါတယ်။

Presbyopia( မျက်လုံး အနီးမှုန်လာတာ)

အသက် ၄၀ နောက်ပိုင်းမှာ ဖြစ်လာတဲ့ အနီးမှာရှိတဲ့ အရာတွေကို သေချာ မမြင်ရဘဲ အဝေးမှာရှိနေတဲ့ အရာတွေကို သေချာရှငိးလင်းပြတ်သားစွာ မြင်ရတာကို ပြောတာဖြစ်ပါတယ်။ ဒီလိုအချိန်မျိုးမှာ အနီးမြင်ရတဲ့ မျက်မှန်တွေတပ်တာမျိုး၊ ဆရာဝန်ဆီသွားပြပြီး ဆေးကုသမှု သေချာခံယူတာမျိုးတွေ လုပ်လို့ရပါတယ်။

Floaters ( မြင်ကွင်းထဲမှာ မီးခိုးရောင်အမျှင်တွေ ပေါ်နေတာ)

ကြည့်လေရာနေရာတိုင်း အထူးသဖြင့် အဖြူရောင်နံရံတွေကို ကြည့်လိုက်တိုင်း မြင်ကွင်းထဲမှာ အမျှင်လေးတွေ ပြေးနေတာကို ပြောတာဖြစ်ပါတယ်။ Floaters တွေမြင်ရရင်သိပ်တော့စိုးရိမ်စရာ မရှိပေမယ့် ရုတ်တရက်ကြီး မြင်နေရတဲ့ အမျှင်အရေ အတွက်တွေများလာတာ၊ ကြည့်လိုက်တဲ့နေရာတိုင်းမှာ ကန့်လန့်ကာ ကာထားသလိုမျိုးဖြစ်နေပြီဆိုရင်တော့ retina ကွာကျတဲ့ လက္ခဏာဖြစ်နိုင်တဲ့အတွက် ဆရာဝန်ဆီ သေချာသွားပြစေချင်ပါတယ်။

မျက်လုံးခြောက်ခြင်း။ ။

ကွန်ပျူတာ အရမ်းသုံးတဲ့သူတွေ၊ အဲယားကွန်းခန်းထဲမှာအနေများတဲ့ သူတွေ ကြုံတွေ့ရတဲ့ အဖြစ်အများဆုံး ပြဿနာတစ်ခုပါ။ ခြောက်နေတဲ့ မျက်လုံးအတွက် မျက်စဉ်းဆေးတွေခတ်ပေးလို့ရပါတယ်။

မျက်ရည်တွေကျနေတာ။

အလင်းရောင်စူးစူးကို ကြည့်လိုက်တဲ့အခါမျိုး၊ လေအရမ်းတိုက်တဲ့အခါမျိုးမှာဆို မျက်လုံးတွေစပ်ပြီး မျက်ရည်ပူတွေကျလာတာမျိုး ခံစားကြဖူးကြမှာပါ။ ဒါတွေဟာ မျက်လုံးက သာမန်တုံ့ပြန်တာမျိုးဖြစ်ပေမယ့် မျက်ရည်ကြောင်းပိတ်တဲ့သူတွေနဲ့ မျက်လုံးထဲ ပိုးဝင်တဲ့သူတွေမှာလည်း မျက်ရည်တစ်ချိန်လုံး ကျနေတတ်ပါတယ်။

အတွင်းတိမ် ။ ။

ကြည့်လေရာနေရာတိုင်းမှာ တိမ်တွေဖုံးနေသလို အုံ့ဆိုင်းဆိုင်းဖြစ်နေပြီဆိုရင်တော့ မျက်လုံးတိမ်စွဲနေပြီလို့ ပြောလို့ရပါတယ်။ မျက်လုံးရဲ့ မှန်ဘီလူးမှာ ဖြစ်တတ်တဲ့ အတွင်းတိမ်ပါ။ မျက်လုံးကို နာကျင်စေတာ၊ မျက်လုံးနီရဲစေတာ၊ မျက်ရည်ပူကျစေတာမျိုးတွေ မရှိ ဘဲ အသံတတ်နဲ့ တဖြည်းဖြည်းချင်းရောက်လာတတ်မျိုးပါ။

ရေတိမ် ။ ။

မျက်လုံးကို တစ်ခုခုထိခိုက်မိတာ၊ မျက်လုံးသွေးကြောတွေ ပိတ်တာ၊ မျက်လုံးရောင်တာတို့ကြောင့် ဖြစ်တတ်တဲ့ ရေတိမ်ပါ။ မျက်လုံးထဲ ဖိအားတွေများလာပြီး နောက်ဆုံး မျက်လုံးအကြောကို သွားထိတတ်လို့သေချာကုသသင့်တဲ့ ရောဂါတစ်ခုပါ။

ဒါတွေကတော့ ဖြစ်လေ့ဖြစ်ထရှိတဲ့ မျက်လုံးနဲ့ ပက်သက်တဲ့ရောဂါတွေ ပဲဖြစ်ပါတယ်။ မျက်လံးုဆိုတာလည်း ကိုယ်ခန္ဓါ အစိတ်အပိုင်းတွေထဲမှာ အရေးကြီးတဲ့ အရာတစ်ခုဖြစ်တာကြောင့် ကိုယ့်မျက်လုံးလေးကို သေချာ ဂရုစိုက်ပေးဖို့လိုတယ်နော် ။ ။

Hello Health Group သည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ငရုတ်ပွ နဲ့ ကျန်းမာရေး

အစိမ်းကြော်လေးပဲ ကြော်ကြော်၊ အသားလေးနဲ့ပဲ နှပ်နှပ်၊ မွှေးပြီး စားလို့ ကောင်းတဲ့ ငရုတ်ပွကို ကြိုက်လား။ ငရုတ်ပွက အရောင်လှသလို ကျန်းမာရေးအတွက် ကောင်းပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ကိုယ်ဝန်ဆောင် မေမေ ဘာတွေ ခံစားရနိုင်လဲ။

ကိုယ်ဝန်ဆောင်ချိန်မှာ အရာရာသတိထားပေမယ့်လည်း မလွှဲမရှောင်သာ ခံစားရတဲ့ ပြဿနာတွေ အများကြီးပါ။ ကိုယ်ဝန်ဆောင်ချိန်မှာ ဖြစ်နိုင်တဲ့ ရောဂါတွေကို ကာကွယ်လိုက်ရအောင်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

Contact lenses လို့ခေါ်တဲ့ မျက်ကပ်မှန် လေးတွေ တပ်မယ်ဆိုရင်

မျက်ကပ်မှန် အနီးမှုန် အဝေးမှုန် မျက်မှန် မျက်လုံးထဲကို ပိုးဝင်စေ လက်ဆေး မျက်လုံးခြယ်သ မျက်လုံးခြောက် မျက်စဉ်းဆေး မျှဝေမသုံးသင့် မျက်လုံးယား

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Htet Htet Zaw Win

သင်က colour blind တစ်ယောက်လား။

colour blind အရောင်တွေမခွဲနိုင် အမြင်အာရုံ မျိုးရိုးဗီဇ ဆီးချိ ရေတိမ် ပါကင်ဆန် အတက်ကျဆေး ဓာတုပစ္စည်း ကျောင်းစာမှာခက်ခဲ မျိုးရိုးလိုက်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Htet Htet Zaw Win

သင့်အတွက် ရွေးချယ်ထားသည်

ရောဂါကင်းစင်ပြီး ကျန်းမာပျော်ရွှင်စွာ ရှင်သန်ပါစေ။

ရောဂါကင်းစင်ပြီး ကျန်းမာပျော်ရွှင်စွာ ရှင်သန်ပါစေ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် နိုဝင်ဘာ 12, 2020 . 3 mins read

စမတ်ဖုန်း အလွန်အကျွံသုံးစွဲခြင်းရဲ့ နောက်ဆက်တွဲပြဿနာများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat
ရေးသား ထုတ်ဝေခဲ့သည် အောက်တိုဘာ 25, 2020 . 2 mins read
လေထုထဲမှ ကူးစက်နိုင်သော ရောဂါများ

လေထုထဲမှ ကူးစက်နိုင်သော ရောဂါများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin
ရေးသား ထုတ်ဝေခဲ့သည် အောက်တိုဘာ 23, 2020 . 2 mins read
ရေချိုးပြီးတိုင်း မျက်လုံးနီ နေရတဲ့ အကြောင်းအရင်း

ရေချိုးပြီးတိုင်း မျက်လုံးနီ နေရတဲ့ အကြောင်းအရင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် အောက်တိုဘာ 5, 2020 . 2 mins read