ကလေးငယ်ပြုစုစောင့်ရှောက်နည်း

ကလေးငယ်တစ်ယောက်၏ ညဏ်စွမ်းရည် ကျန်းမာမှု သည် မိခင်တိုင်း၏ အဓိက ဦးစားပေးမှု ဖြစ်သည်။ ထို့ကြောင့် ကလေးငယ်များ၏ ဦးနှောက်ဖွံ့ဖြိုးမှု အားကောင်းစေရန် အကောင်းဆုံး အာဟာရများကို ရှာဖွေ ကျွေးမွေးကြခြင်း ဖြစ်သည်။ သို့သော်လည်း မိဘများသည် အလွန်အရေးကြီးပြီး ရိုးရှင်းသော အချက်တစ်ခုကို မေ့နေ တတ်ကြသည်။ ၎င်းသည် အရေပြားအချင်းချင်း ထိတွေ့မှု ဖြစ်သည်။ လေ့လာမှုများအရ မိခင်နှင့် ရင်သွေးငယ်ကြား တွင် အရေပြားအချင်းချင်း ထိတွေ့မှု ရှိခြင်းသည် ကလေး ၏ ဦးနှောက်ကို အလွန်အကျိုးရှိစေသည်ဟု ဆိုသည်။ အရေပြားအချင်းချင်းထိတွေ့မှု ဆိုတာဘာလဲ။ ကလေးမွေးဖွားပြီးပါက ကလေးကို ဝမ်းလျားမှောက်ပြီး ရင်ဘတ်ပေါ်တွင် ထားပါ။ အရေပြားအချင်းချင်း ထိတွေ့မှု သည် သင်နှင့် သင့်ကလေးငယ်ကို ပူးကပ်ထိတွေ့စေပြီး တစ်ဦးနှင့် တစ်ဦး သိရှိရင်းနှီးစေသည်။ လူသိများသော အရေပြားအချင်းချင်း […]

မိဘများအနေဖြင့် ကျွန်ုပ်တို့အားလုံးသည် ကိုယ်ကလေးကို လိမ္မာရေးခြား ရှိစေချင်၊ ပါရမီတစ်ခုခု ပါစေချင်ကြသည်။ အနည်းဆုံး တန်ဖိုးရှိအသုံးဝင်သော လူတစ်ယောက် ဖြစ်လာစေ ချင်ကြသည်။ အချို့မိဘများသည် သူတို့ကလေးများအား ပန်းချီဆွဲခြင်း၊ ဆေးရောင်ခြယ်ခြင်း စသည်တို့နှင့် ရင်းနှီးစေ ကြသည်။ အချို့မှာ အားကစားတစ်ခုခုနှင့် ရင်းနှီးကျွမ်းဝင် စေသည်။ ဂီတဆိုရင်ရော? သင့်ကလေးအား ဂီတကို ချစ်မြတ်နိုးအောင် ဘယ်လို ပြုစုပျိုးထောင်မလဲ။ အသံတွေအကြောင်း ပထမဆုံးသင်ကြားပေးပါ။ ဂီတသည် ပတ်ဝန်းကျင်မှာ ရှိသည့် ရိုးရှင်းသော အရာတွေစီမှ လာတယ်ဆိုတာကို သင့်ကလေးအား သိပါစေ။ အိမ်အပြန်လမ်း တွင် သင့်ကလေးအား ထရပ်ကားများ၏ အသံကို စက္ကန့် အနည်းငယ် ပေးနားထောင်ပါ။ မီးဖိုချောင်ထဲတွင် ချက်ပြုတ် နေစဉ် သစ်သီးဖျော်စက်မှ ဆူညံသံကို သင့်ကလေးအား သတိထား နားထောင်ခိုင်းကြည့်ပါ။ ကဗျာဆန်ဆန်ဆိုလျှင် သင့်ကလေး အား […]

ကလေးအများစုက အစာထွေးထုတ်ခြင်း၊ ကျွေးနေကျမဟုတ်တဲ့အစာတွေကို စားဖို့ငြင်းဆန်ရန်ကြိုးစားခြင်း၊ အချို့အချိန်တွေမှာ အစားစားဖို့ငြင်းခြင်းစတဲ့ အစားနဲ့ဆိုင်တဲ့ပြဿနာတွေ ခံစားရနိုင်ပါတယ်။ သာမန်ဖြစ်ရိုးဖြစ်စဉ်အနေနဲ့သာ ကြည့်တတ်ကြပြီး ကလေးနေမကောင်းဖြစ်နေတယ်လို့ မမြင်တတ်ကြပါဘူး။ ကလေးက အချိန်အတော်ကြာ အစားကိုစိတ်မဝင်စားဘဲ အစာတွေ အရည်တွေကို ငြင်းနေမယ်ဆိုရင် သတိပြုရမယ့်ပြဿနာတွေရှိနေနိုင်ပါတယ်။ ကလေးအစားကျွေးမရခြင်းပြဿနာရဲ့ လက္ခဏာများ အစားကျွေးမရတဲ့ကလေးတွေမှာ လက္ခဏာအတော်များများပြတတ်ပါတယ်။ တစ်ယောက်ချင်းစီက သက်ဆိုင်ရာအခြေအနေနဲ့ အစားကျွေးမရခြင်းပြဿနာအပြင်းအထန်ပေါ် မူတည်ပြီး ကွဲပြားနိုင်ပါတယ်။ အစာကျွေးမရတဲ့ကလေးငယ်တွေရဲ့ လက္ခဏာတွေက အစာကျွေးနေစဉ် နောက်ကျောနဲ့ ကိုယ်တစ်ကိုယ်လုံး ကုန်းနေခြင်း အစားကျွေးနေချိန် စိတ်ဝင်စားမှုမရှိခြင်း အစာအစာ၊ အရည်တွေကို ငြင်းဆန်ခြင်း အရောင်အဆင်းကွဲသွားတဲ့ အစာတွေကို ငြင်းဆန်ခြင်း အစားစားချိန်ကြာလွန်းခြင်း အစားဝါးရခက်ခြင်း နို့ဘူး ဒါမှမဟုတ် နို့တိုက်ရခက်ခြင်း အစားစားနေစဉ် ချောင်းဆိုးခြင်း၊ ပျို့ခြင်း သွားရည် တမြားမြားကျခြင်း အစားစားနေစဉ်၊ အရည်သောက်နေစဉ်တွင် အသက်ရှူခက်ခြင်း ထွေးထုတ်ခြင်း၊ အော့အန်ခြင်း အဆုတ်ရောင်ရောဂါ […]

မိဘများဟာ ကလေးများရဲ့ ရုပ်ပိုင်းဆိုင်ရာ ကျန်းမာရေးကို အလေးထားတတ်ကြသလို စိတ်ပိုင်းဆိုင်ရာကိုလည်း လစ်လျူရှုထားလို့ မရပါဘူး။ ယနေ့ခေတ်ကာလမှာ အရာရာဟာ မြန်ဆန်လွန်းတာမို့ မိမိကိုယ်ကို သိပ်ပြီး ဂရုစိုက်နေချိန်မရပါဘူး။ အဲဒီအခါ အပျက်သဘောဆောင်တဲ့ အတွေးတွေ၊ ခံစားမှုတွေ ဝင်လာပါတယ်။ အပျက်သဘောအတွေးတွေ လျှော့ချဖို့အတွက် ငယ်ရွယ်စဉ်ကတည်းက သတိတရား လက်ကိုင်ထားတတ်အောင် လေ့ကျင့်ယူရပါမယ်။ သင့်ကလေးများကို အခုကတည်းက စတင်သင်ကြားပေးရအောင်။ သတိတရားဆိုတာဘာလဲ သတိတရားရှိခြင်းဆိုတာ တကယ်တော့ ရိုးရှင်းပါတယ်။ မျက်မှောက် ဖြစ်ပျက်နေတာတွေကို သတိရှိရှိ သိမှတ်နေပြီး ဘဝကို အကဲဖြတ်ခြင်းမရှိဘဲ တွေ့ကြုံခံစားနေခြင်းသာ ဖြစ်ပါတယ်။ ဒါဟာ ဒုက္ခတွေ ကြုံလာတိုင်း စိတ်ဖိစီးမှု၊ စိုးရိမ်ပူပန်မှုတွေကို လျှော့ချဖို့ နည်းလမ်းဖြစ်ပါတယ်။ သတိတရားရှိခြင်း၏ အကျိုးကျေးဇူး သတိတရားဆိုတာ သင့်ရဲ့ အတွေးအခေါ်၊ အမူအကျင့်ကို ပိုပြီး သတိပြုနိုင်မယ့် နည်းလမ်း ဖြစ်ပါတယ်။ မျက်မှောက်ကာလကို အာရုံစိုက်နိုင်ပြီး လုပ်ကိုင်ဆောင်ရွက်မှု […]

ကိုယ်နေဟန်ထား မှန်ကန်ခြင်းဟာ ကိုယ်ခန္ဒါရဲ့ အစိတ်အပိုင်းတချို့ကို အလွန်အကျွံ အားစိုက်ရခြင်းကနေ ကာကွယ်ပေးပါတယ်။ ဒီအားစိုက်မှုဟာ ကိုယ်ခန္ဓါအပေါ် သက်ရောက်မှု ရှိပါတယ်။ ကလေးများအတွက် ဘယ်လို ကိုယ်နေဟန်ထားတွေက ကောင်းသလားဆိုတာ တွေးတောဖူးပါသလား။ ကဲ .... ကလေးများ ကိုယ်နေဟန်ထားမှန်ကန်ရေး ဘာတေတွ လုပ်ဆောင်ပေးရမလဲ ဆိုတာ အတူတူ ကြည့်လိုက်ရအောင်နော်။ ကိုယ်နေဟန်ထား မကောင်းရတဲ့ အကြောင်းအရင်းများ ကလေးများမှာဆိုရင် - ကျန်းမာရေးနဲ့ မညီညွတ်တဲ့ စားသောက်မှုပုံစံ - အာဟာရဓါတ်မပြည့်ဝမှု - စံမမီသော ဖွံ့ဖြိုးတိုးတက်မှု စတာတွေကြောင့် ဖြစ်ပါတယ်။ ကျောင်းနေ ဆယ်ကျော်သက်အရွယ်တွေဆိုရင် - အဝလွန်ခြင်း - အလှုပ်ရှားနည်းပြီး အထိုင်များသော လူနေမှုပုံစံ - ကိုယ်လက်လှုပ်ရှားမှုနည်းခြင်း - အတုခိုးမှားခြင်း။ ၃-၅နှစ်အရွယ် ကလေးများဟာ တခြားလူတွေရဲ့ ကိုယ်နေဟန်ထားကို အတုခိုးတတ်တဲ့ အလေ့အကျင့်ရှိပါတယ်။ ဒါကြောင့် အတုခိုးမှားရင် ကိုယ်ဟန်နေထား မကောင်း ဖြစ်သွားတတ်ပါတယ်။ - […]

လူတိုင်းကျန်းမာဖို့အတွက် တစ်ကိုယ်ရေသန့်ရှင်းရေးက အရေးကြီးတယ် ဆိုတာကို ပြောစရာမလိုအောင်ကို သိထားပြီး ဖြစ်မယ်ထင်ပါတယ်။ တစ်ကိုယ်ရေသန့်ရှင်းရေး ဆိုတဲ့ နေရာမှာလည်း ခေါင်းအစခြေအဆုံး သန့်ရှင်းဖို့ လိုပါမယ်။ ခြေသည်းလက်သည်းတွေ ကိုလည်း မေ့ထားလို့ မဖြစ်ပြန်ပါဘူး။ ခြေသည်းလက်သည်းတွေ ရှည်လာတဲ့အခါ လက်သည်းတွေကြားမှာ မသန့်ရှင်းတဲ့အရာတွေ ကပ်ညှိပြီး လက်ကနေတဆင့် ပါးစပ်ထဲဝင်သွားရင် မလိုလားအပ်တဲ့ ပြဿနာတွေ ဖြစ်လာနိုင်ပါတယ်။ ဒါကြောင့် ဘေဘီလေးတွေကိုလည်း ရောဂါကင်းတဲ့ ကလေးလေးတွေအဖြစ် ကြီးပြင်းလာစေဖို့အတွက် ငယ်စဉ်ကတည်းက လက်သည်းတွေကို သေချာသန့်စင်ပေးဖို့ လိုပါမယ်။ လူတွေက ကိုယ့်လက်သည်းကို ကိုယ်တိုင်ညှပ်ကြတာများပါတယ်။ ကိုယ့်လက်သည်းခြေသည်းတွေကို ကိုယ်တိုင်ညှပ်တဲ့အခါ သိပ်ပြဿနာ မရှိပေမယ့် ကလေးတွေရဲ့လက်သည်းကို ညှပ်ပေးဖို့ကျတော့ မတော်တဆ ထိခိုက်သွားမှာကိုစိုးရိမ်ကြပါတယ်။ ဒါကြောင့် အခုတစ်ခေါက် ဘေဘီလေးတွေကို လက်သည်းညှပ်ပေးမယ်ဆိုရင် ဘယ်အချက်လေးတွေကို သတိထားရမလဲ ဆိုတာကို ပြောပြပေးပါရစေ။ ဘေဘီလေးတွေကို လက်သည်းညှပ်ပေးမယ်ဆိုရင် ကလေးလေးတွေရဲ့ လက်သည်းလေးတွေက […]

မိဘတွေအတွက် ကိုယ့်ကလေးနေမကောင်းဖြစ်နေတာလောက် စိတ်ပင်ပန်းရတာမရှိပါဘူး။ သားသမီးတွေအတွက် ပူပင်နေရတဲ့စိတ်ဒုက္ခက လူပင်ပန်းရတာထက်ကိုပိုပါတယ်။ ကလေးနေမကောင်းဖြစ်တာနဲ့ ချက်ချင်းကိုဆေးခန်းပြေးကြတာဆိုပေမယ့် ဆရာဝန်ပြပြီးပြန်လာတဲ့အခါ ကလေးကိုပြုစုကုသဖို့က ကိုယ့်တာဝန်ဖြစ်လာပါတယ်။ ကလေးငယ်ငယ်လေးကို ပြုစုရတဲ့အခါဆေးတိုက်ကျွေးရတဲ့အလုပ်ကလည်း မလွယ်တဲ့အလုပ်ပါ။ အအေးမိ၊ချောင်းဆိုးနဲ့ ရာသီတုပ်ကွေးတို့က အဖြစ်များတဲ့ပြဿနာတွေဖြစ်ပြီးဆေးတိုက်ကျွေးမှုအမှားအယွင်းတွေလည်း မသိလိုက်ဘဲလုပ်မိနိုင်တဲ့အခါတွေဖြစ်ပါတယ်။ ကလေးမှာဝေဒနာခံစားနေရတာကို မကြည့်ရက်တာနဲ့ဘဲ ပျာယာခတ်ကာ မြန်မြန်သက်သာလိုဇောနဲ့ အမှားလုပ်မိတတ်ပါတယ်။ ဥပမာ -အဖျားကျဆေး၊ချောင်းဆိုးပျောက်ဆေးတွေကဆေးရည်တွေများတာမို့ ထိခိုက်လွယ်ပြီးနုနယ်လွန်းတဲ့ ကလေးလေးတွေအတွက် တိုက်ကျွေးတဲ့အခါ အတိုင်းအဆပမာဏ ကအစ အမှားမရှိအောင် ဂရုစိုက်ရပါတယ်။ ရင်နှစ်သည်းချာလေးတွေနဲ့ပတ်သက်လာရင် စိတ်တည်ငြိမ်ပြီး တိကျတဲ့မိဘတွေတောင်မှ အမှားလုပ်မိတတ်ကြပါတယ်။ ဒါ့ကြောင့် ကလေးကိုဆေးတိုက်တဲ့အခါ ကိုယ်တိုင်မသိလိုက်ဘဲ လုပ်မိနေတဲ့အမှားတွေကို သတိထားဆင်ခြင်သင့်ပါတယ်။ အအေးမိချောင်းဆိုးအတွက် ဆေးတိုက်ကျွေးမှုလွန်ကဲခြင်း ကလေးက ညတိုင်းချောင်းဆိုးနေရတာကို မကြားရက်နိုင်တဲ့အခါချောင်းဆိုးပျောက်ဆေးရည်ပြေးဝယ်တိုက်တာမျိုး လုပ်မိမှာပါ။ ဒါပေမယ့် အအေးမိချောင်းဆိုးပျောက်ဆေးရည်တွေက ရောဂါလက္ခဏာအမျိုးမျိုးကို သက်သာစေနိုင်တဲ့ပါဝင်ဆေးဝါးတချို့ တူနေတတ်ပါတယ်။ ဥပမာ - အအေးမိပျောက်ဆေးမှာ ပါရာစီတမောပါဝင်တတ်တယ်။ ကလေးကနှာစေးနေလို့ ဒီဆေးကိုတိုက်မယ်၊ပြီးရင် Biogesic […]

ဆေးသောက်ရတာကို သဘောကျတဲ့ ကလေးရယ်လို့ ရှိမယ်မထင်ပါဘူး။ ကလေးတိုင်းက ဆေးထိုးဖို့ကြောက်သလို ဆေးသောက်ရတာကိုလည်း မကြိုက်ကြပါဘူး။ ကလေးတွေကို ဆေးတိုက်တိုင်း တိုက်ပွဲတစ်ခုဝင်နေရသလို မိဘတိုင်းခံစားကြရမယ် ထင်ပါတယ်။ တစ်ခါတလေများဆို ကလေးက ဆေးကိုမျိုမချဘဲ ထွေးထုတ်တာမျိုးတောင် ကြုံရနိုင်ပါသေးတယ်။ ဒီလိုအခြေအနေမျိုးမှာ ကလေးကို ဆေးတိုက်မှဖြစ်မယ်ဆိုတဲ့ အသိပဲခေါင်းထဲရောက်ပြီး ကလေးက ဆေးကိုမမျိုချရင် နှာခေါင်းပိတ်ပြီးတိုက်လိုက်မယ်လို့ တွေးမိလုပ်မိတာရှိနိုင်ပါတယ်။ ဒါက မလုပ်သင့်ပါဘူး။ မတော်တဆကလေးက အသက်ရှူရပ်သွားတာမျိုးဖြစ်နိုင်သလို အသက်ဆုံးရှုံးတာမျိုးအထိတောင် ဖြစ်နိုင်ပါတယ်။ ဒီတစ်ခေါက်တော့ ဆေးတိုက်ရခက်တဲ့ ဘေဘီလေးတွေကို ဘယ်လိုဆေးတိုက်မလဲ ဆိုတာနဲ့ ဆေးတိုက်ရလွယ်အောင် ဘာတွေ လုပ်ဆောင်ပေးရမလဲဆိုတာကို ဖော်ပြပေးချင်ပါတယ်။ ဘေဘီလေးတွေကို ဘယ်လိုဆေးတိုက်မလဲ ဘေဘီလေးတွေကို ဘယ်လိုဆေးတိုက်မလဲ ဆိုတာ အတူတူ ကြည့်လိုက်ရအောင်နော်။ ကလေးကို အန္တရာယ်ကင်းကင်းနဲ့ ဆေးဘယ်လိုတိုက်မလဲ ကလေးကို ဆေးမတိုက်ခင်မှာ အရင်ဆုံးလုပ်ရမှာက ဆေးညွှန်းအတိုင်း မှန်ကန်အောင် တိုက်ဖို့ပါ။ နောက်ထပ်သတိထားရမှာတစ်ခုက ဆေးကို နည်းစနစ်မှန်မှန်ထိန်းသိမ်းဖို့ပါ။ […]

ဘေဘီပေါက်စလေးတော်တော်များများကရေဆော့ရတာကို ကြိုက်ပေမယ့်ရေချိုးရတာကိုတော့ သိပ်မကြိုက်တတ်ကြပါဘူး။ အချို့ကလေးတွေဆိုရင်ရေချိုးဖို့ ပျင်းတာမျိုးတောင်ရှိပါတယ်။ ခေါင်းလျှော်ဖို့ကတော့ ကလေးတိုင်းကြောက်တဲ့ ကိစ္စတစ်ခုလို့တောင်ပြောလို့ရမယ်ထင်ပါတယ်။ ဒီလိုရေချိုးဖို့မကြိုက်၊ ခေါင်းလျှော်ရမှာကိုကြောက်တတ်တဲ့ ကလေးလေးတွေကိုရေချိုးခေါင်းလျှော်ရတာပျော်အောင်လုပ်ပေးဖို့က လည်း မိဘတွေရဲ့တာဝန်တွေထဲကတစ်ခုပါပဲ။ ဒါကြောင့် အခုတစ်ခေါက်မှာတော့ရေချိုးရမှာကိုကြောက်တတ်တဲ့ ကလေးငယ်တွေခေါင်းလျှော်တိုင်း ငိုတဲ့ကလေးလေးတွေကို ဘယ်လိုမျိုး ရေချိုးခေါင်းလျှော်ပေးရင် အဆင်ပြေမလဲဆိုတဲ့ နည်းလမ်းလေးတွေကိုပြောပြပေးချင်ပါတယ်။ ကလေးငယ်တွေရေချိုးရတာပျော်စေဖို့ ကလေးအများစုကရေချိုးတဲ့အခါ သူတို့ မျက်လုံးတွေထဲကိုရေဝင်တာကိုကြောက်ကြတာပါ။ ဒါကြောင့်ကလေးကိုရေချိုးပေးတဲ့အခါ မျက်လုံးထဲရေဝင်တာမျိုးမဖြစ်စေဖို့အတွက်ရေချိုးပေးနေတဲ့အနီးမှာ တဘက်အခြောက်တစ်ထည်ကိုယူထားပေးရပါမယ်။ မျက်လုံးကိုရေဝင်တဲ့အခါ အလွယ်တကူသုတ်ပေးနိုင်စေဖို့ပါ။ ရေချိုးကန်ထဲကို အရုပ်ယူခွင့်ပေးလိုက်ပါ ကလေးအများစုက သူတို့အရုပ်လေးတွေနဲ့အတူရေချိုးရတာကိုနှစ်သက်ကြပါတယ်။ ကိုယ်က သူကိုရေချိုးပေးသလို သူက သူ့အရုပ်လေးကိုရေချိုးပေးတာမျိုးလုပ်နေခွင့်ပေးလိုက်ပါ။ ဒီလိုလုပ်ပေးတာက ကလေးကိုရေချိုးပေးရလွယ်ကူစေမှာ အသေအချာပါပဲ။ ရေချိုးကန်ထဲမှာ အမြှုပ်လေးတွေဖြစ်အောင်လုပ်ပေးပါ ဆပ်ပြာပူဖောင်းလေးတွေနဲ့ မဆော့ချင်တဲ့ ကလေးဆိုတာက ခပ်ရှားရှားပါ။ ကလေးကိုရေမချိုးပေးခင်မှာရေချိုးကန်ထဲမှာ ဆပ်ပြာမြှုပ်လေးတွေဖျော်ပေးထားလိုက်ပါ။ ကလေးက ဆပ်ပြာမြှုပ်လေတွေကိုမြင်တဲ့အခါရေချိုးရမှာကို စိုးရိမ်နေတဲ့ စိတ်တွေက ဆပ်ပြာမြှုပ်တွေ ဆီကိုအာရုံရောက်သွားတာကြောင့်မေ့မေ့ပျောက်ပျောက်ဖြစ်သွားပါလိမ့်မယ်။ ရေချိုးကန်ထဲမှာ အရောင်လေးတွေထည့်ဖော်ျပေးပါ ကလေးငယ်ကိုရေချိုးပေးမယ့်ရေချိုးကန်ထဲမှာ အရောင်လှလှလေးတွေဖြစ်နေအောင် အစားအစာဆိုးဆေး နည်းနည်းထည့်ထားပေးလိုက်ပါ။ ကလေးက အရောင်လှလှလေးဖြစ်နေတဲ့ရေကိုမြင်တဲ့အခါရေချိုးချင်တာ […]

အသစ်စက်စက်မိဘဖြစ်လာသူတွေအနေနဲ့ သားသမီးကို အစစအရာရာသေချာဂရုစိုက်ပေးဖို့ လိုပါမယ်။ ဒီလိုဂရုစိုက်ပေးတယ်ဆိုတဲ့နေရာမှာလည်း အဝတ်အစား အသုံးအဆောင်တွေကိုပါ ဂရုစိုက်ပေးရမှာပါ။ အသားအရေထိန်းသိမ်းတဲ့ပစ္စည်းရွေးချယ်တဲ့အခါမျိုးမှာလည်း ကလေးအသားအရေကို ထိခိုက်စေနိုင်တဲ့ ဓာတုပစ္စည်းတွေ မပါဝင်တာမျိုးကို ရွေးချယ်မိဖို့လိုပါတယ်။ ဒီလိုဆိုတော့ ကလေးအသားအရေနဲ့ ပတ်သက်ပြီး သိထားသင့်တာတွေ ရှိတာပေါ့။ မွေးကင်းစကလေးငယ်ရဲ့ အသားအရေက အရမ်းကိုနူးညံ့ပြီး ထိခိုက်ခံနိုင်ရည်ကလည်း တော်တော်လေးနည်းပါတယ်။ မိဘတွေအနေနဲ့လည်း ကလေးငယ်အသားအရေကို ထိခိုက်မှာကို တော်တော်စိုးရိမ်တတ်ကြတာက အဆန်းတော့မဟုတ်ပါဘူး။ ကလေးတွေရဲ့ အသားအရေက အရမ်းကို ထိခိုက်လွယ်တာကြောင့် သေချာဂရုမစိုက်ပေးရင်တော့ အရေပြားပြဿနာတွေဖြစ်လာနိုင်ပါတယ်။ ဖေဖေမေမေတို့ သိထားဖို့လိုမယ့် ကလေးအရေပြားနဲ့ ပတ်သက်တဲ့အကြောင်းအရာလေးတွေကို အခုဆောင်းပါးလေးထဲမှာ ပြောပြပေးချင်ပါတယ်။ မွေးကင်းစကလေးရဲ့ အသားအရေက နူးညံ့ချောမွေ့ဖို့ဆိုတာ မလွယ်ကူပါဘူး မွေးကင်းစကနေ တစ်နှစ်လောက်အတွင်းမှာ ကလေးငယ်ရဲ့ အသားအရေက ဖွံ့ဖြိုးနေဆဲဖြစ်တာကြောင့် အရေပြားပေါ်မှာ မိတ်လိုမျိုး အဖုပိမ့်တွေ၊ အသားအရေမညီညာတာနဲ့ အရေပြားပေါ်မှာ အနီရောင်အကွက်လေးတွေဖြစ်ပေါ်တာက ပုံမှန်လို့ပဲပြောရပါမယ်။ ကလေးအသက်တစ်နှစ်မပြည့်ခင်အထိ […]