ကလေးများမှာ လည်ပင်းထိန်းနိုင်မှုနဲ့ နောက်ကျောသန်မာမှု တည်ဆောက်ဖို့ရာ အလွန်အရေးကြီးပါတယ်။ သူတို့ လေးဘက်တွားတဲ့အခါ သူတို့စိတ်ကြိုက် အရှိန်နဲ့ သွားပါစေ။ ခေါင်းကိုမတာ၊ လှိမ့်တာ၊ ထိုင်တာ စတာတွေလည်း အတူတူပါပဲ။ ဖွံ့ဖြိုးမှုတဆင့်နဲ့ တဆင့်ဟာ ဆက်နွယ်မှု ရှိပါတယ်။ ရှေ့ကဖွံ့ဖြိုးမှု အဆင့်ဟာ နောက်ကတဆင့်အတွက် အရေးပါပါတယ်။ တချို့အဆင့်တွေကို ကျော်လိုက်မယ် မြန်လိုက်မယ်ဆိုရင် တချို့ကြွက်သားတွေက အသင့်မဖြစ်ပါသေးပါဘူး။ ဒါဟာ ကိုယ်ဟန်နေထား မကောင်းခြင်းကို ဖြစ်ပေါ်စေပါတယ်။
- သင့်တော်သော ပစ္စည်းများကို သုံးစွဲပါစေ
အထူး ကျောင်းအကူပစ္စည်းများကို ရွေးချယ်ပါ။ ကိုယ်ဟန်နေထား မကောင်းခြင်းကို ကာကွယ်ပေးမယ့် ကျောပိုးအိတ်၊ ထိုင်ခုံ၊ စားပွဲ စတာတွေဟာ ဝယ်ယူရရှိနိုင်ပါတယ်။
ကိုယ်ဟန်နေထား ကောင်းမွန်စေခြင်း
၁။ သင့်တော်ကောင်းမွန်တဲ့ ကိုယ်ဟန်နေထားနဲ့နေပါ
ထိုင်တဲ့အခါ ကလေးတွေကို အောက်ပါအချက်တွေကို လိုက်နာခိုင်းပါ။
– ခါးအောက်ပိုင်းကို ထိုင်ခုံနောက်ကျောနဲ့ ကပ်ထိုင်ပါ
– ပခုံးများကို ထိုင်ခုံနောက်ကျောမှာ သက်သာစွာမှီထားပါ
– ခြေထောက်များကို ကြမ်းပြင်မှာ သေချာထိကပ်ထားပါ။
ရပ်နေတဲ့အခါ
– ရှေ့တည့်တည့်ကို ကြည့်နေပါ။
– ပခုံးများကို နားများနဲ့ မျဉ်းပြိုင်ထားပါ။
– ပခုံးကိုနောက်သို့ ဖျော့ချထားပြီး တင်ပါးဆုံရိုးကို နောက်သို့ အနည်းငယ် ပစ်ထားပါ။
၂။ တီဗီ၊ ဗီဒီယိုဂိမ်း၊ ကွန်ပျူတာ စတာတွေ သုံးစွဲချိန်ကို ကန့်သတ်ထားပါ။
အဲဒီအရာတွေ တခါသုံးစွဲတိုင်းမှာ မိနစ်၂၀ထက်ပိုပြီး မသုံးပါစေနဲ့။
တီဗီ၊ ကွန်ပျူတာ မျက်နှာပြင်တွေကို ကြည့်သင့်တဲ့ ပမာဏကတော့ တနေ့လုံးမှာ ၂နာရီထက် မကျော်သင့်ပါဘူး။
၃။ သင့်ကလေးကို ကိုယ်လက်လှုပ်ရှား လေ့ကျင့်ခိုင်းပါ
လေ့ကျင့်ခန်းလုပ်ခြင်းဟာ နောက်ကျောနဲ့ ခါးရဲ့ ကြွက်သားတွေရဲ့ တင်းအားကို လျော့ကျစေတယ်လို့ ဆိုပါတယ်။ ဒိုက်ထိုးခြင်း၊ ဖျစ်ခြင်း၊ ဆွဲခြင်းစတဲ့ လေ့ကျင့်ခန်းတွေ လုပ်ခိုင်းပါ။
တခြားလေ့ကျင့်ခန်းတွေကတော့ ကြွက်သားတွေရဲ့ အား၊ ဟန်ချက်ညီမှု၊ ပျော့ပြောင်းမှု စတာတွေကို တည်ဆောက်ခြင်း ဖြစ်ပါတယ်။ ဘောလုံး၊ ဘက်စကတ်ဘော၊ ဘေ့စ်ဘော စတဲ့ အားကစားနည်းတွေ အားပေးပါ။ ယောဂနဲ့ ထိုက်ချိကစားခြင်းဟာလည်း ကောင်းမွန်တဲ့ ရွေးချယ်မှုပါပဲ။
၄။ ကလေးများကို ကိုယ်ဟန်နေထားဟာ ဘယ်လောက်အရေးကြီးတယ်ဆိုတာ၊ ကိုယ်ဟန်နေထား မကောင်းခြင်းရဲ့ အကျိုးဆက်တွေ ဘယ်လိုရှိတယ်ဆိုတာ နားလည်အောင်ပြောပြပါ။
၅။ မရှိမဖြစ်အရေးကြီးတဲ့ အာဟာရဓါတ်များပါဝင်တဲ့ စားသောက်မှုပုံစံကို ရွေးချယ်ပေးပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။