ကလေးငယ်

ဖွံ့ဖြိုးတိုးတက်မှုနှင့် အပြုအမူ ဘယ်လိုဖွံ့ဖြိုးလာလဲ ခုဆိုရင်ကလေးဟာ စာရွက်တွေလျှောက်လှန်ရတာ၊ စာအုပ်တွေကြည့်ရတာကို နှစ်သက်လာပါပြီ။ စာရွက်တစ်ရွက်ချင်းစီလှန်ဖို့ကတော့ မဖြစ်နိုင်သေးပေမယ့်ပေါ့။ အရုပ်အကြီးကြီးတွေပါတဲ့ စာအုပ်တွေကိုသူတို့သဘောခွေ့ကြမှာပါ။ ကလေးတွေစာဖတ်ချိန်မှာ အမျိုးစုံဖို့အတွက်၊ သူတို့ဘယ်လိုစာအုပ်မျိုးပိုနှစ်ခြိုက်လဲသိရအောင် ကိုယ်ပိုင်စာကြည့်တိုက်ငယ်လေးတည်ဆောက်ပေးတာ၊ ဒါမှမဟုတ် မိသားစုစာအုပ်စင်မှာ ကလေးအတွက်တစ်ကန့်ထားပေးတာမျိုး၊ သူငယ်ချင်းမိတ်ဆွေတွေနဲ့ စာအုပ်ဖလှယ်တာမျိုး လုပ်ပေးပါ။ ဒီအရွယ်မှာဆိုရင် သင့်ရင်သွေးလေးဟာ- • လက်ခုပ်တီးတတ်၊ တာ့တာ ပြတတ်ပြီ • ပရိဘောဂတွေကိုင်ပြီးလမ်းလျှောက်တတ်ပြီ • လိုချင်တာကို ညွှန်ပြတတ်ပြီ • စာအုပ်တွေကြည့်ရ၊ စာရွက်တွေလျှောက်လှန်ရတာကို နှစ်သက်တတ်လာပါပြီ သူ့ကို ဘယ်လိုအထောက်အပံ့ပေးနိုင်မလဲ သင့်ကလေးဟာ ပြီးခဲ့တဲ့လတွေမှာ သင်နဲ့ခွဲနေရမှာကိုပူပန်တဲ့စိတ်တွေနဲ့ သတ်ပုတ်နေခဲ့ရမှာပါ။ ဒါဟာသဘာဝကျပါတယ်၊ ဘာလို့လည်းဆိုတော့ သူတို့ကသင့်ကိုချစ်ပြီး မှီခိုတာကိုး..။ ဒါကိုသက်သာစေဖို့ ခွဲနေရချိန်ကိုတတ်နိုင်သမျှတိုပါစေ။ ကလေးကို နေ့ကလေးထိန်းကျောင်း၊ ဒါမှမဟုတ် အိမ်မှာကလေးထိန်းနဲ့ထားခဲ့ရတဲ့အခါ ကလေးကိုသေချာပြောခဲ့ပါ၊ ဒါပေမယ့် အကြာကြီးနှုတ်ဆက်လိုက်၊ ငိုလိုက်နဲ့ ပိုစိတ်ညစ်စရာကောင်းအောင်တော့မလုပ်ပါနဲ့။ သူတို့က ခဏနေရင် ပြန်ရွှင်မြူးမှာပါ။ အချိန်ပြည့်ဘေးကနေ့ အရိပ်တကြည့်ကြည့်လုပ်တာလျှော့ခြင်းဖြင့် သူတို့ကိုအမှီအခိုကင်းအောင် ကူညီနိုင်ပါတယ်။ ဒါပေမယ့် […]

ဖွံ့ဖြိုးတိုးတက်မှုနှင့် အပြုအမူ ဘယ်လိုဖွံ့ဖြိုးလာလဲ တကယ်လို့သင့်ရင်သွေးလေးက ခုထိလမ်းမလျှောက်သးဘူးဆိုရင် မကြာခင်စလျှောက်တော့မှာပါ။ တကယ်လို့မလျှောက်သေးရင်လည်းမပူပါနဲ့၊ လုံးဝပုံမှန်ကလေးတချို့ဟာ ၁၆လ၊ ၁၇လသားလောက်မှ လမ်းစလျှောက်တတ်ပါတယ်။ ဒီအရွယ်မှာဆိုရင် သင့်ရင်သွေးလေးဟာ- • တစ်ယောက်ထဲကောင်းကောင်းမတ်တပ်ရပ်တတ်ပြီ • လမ်းကောင်းကောင်းလျှောက်တတ်ပြီ • ငိုတာအပြင် တခြားနည်းလမ်းနဲ့ သူလိုချင်တာကိုပြောတတ်ပြီ • ဘောလုံးကစားတတ်ပြီ • ခွက်ကနေအကူမလိုဘဲသောက်တတ်ပြီ • မသိရင် တခြားဘာသာစကားတစ်ခုပြောနေသလို မပီကလာပီကလာ လျှောက်ပြောတတ်လာပြီ • ခြေဟန်လက်ဟန်မပြတော့လည်း တချို့အမိန့်စကားတွေကို လိုက်လုပ်တတ်လာပြီ • မေမေ ဖေဖေ အပြင် စကားလုံးတွေအများကြီးပိုပြောလာပါပြီ။ သူ့ကို ဘယ်လိုအထောက်အပံ့ပေးနိုင်မလဲ အမြဲတမ်းလိုပဲ သင့်ရင်သွေးလေးက စွမ်းရည်အသစ်တွေလေ့ကျင့်နေချိန်မှာ လုံခြုံတဲ့ပတ်ဝန်းကျင်တစ်ခုဖန်တီးထားပေးပါ။ ကလေးစောင့်ရှောက်မှုနည်းတွေလေ့လာပြီး ကလေးကိုဘယ်တော့မှပစ်မထားနဲ့။ ပြီးတော့…… ကင်မရာအသင့်သာပြင်ထားပါတော့။ သင့်ကလေးငယ်ပထမဆုံးခြေလှမ်းကိုကြည့်ရတာလောက် ပျော်စရာကောင်းတာလောကကြီးမှာမရှိတော့ပါဘူး။ သူတို့ရှေ့မတ်တပ်ရပ်လို့ဖြစ်စေ၊ ဒူးထောက်ရင်းဖြစ်စေ သင့်လက်တွေကိုဆန့်ထုတ်ထားပြီး သူတို့လမ်းလျှောက်တာကိုအားပေးပါ။ ဒါမှမဟုတ် သူတို့လက်ကိုကိုင်ထားပေးရင်း သင့်ဆီသူတို့လျှောက်လာပါစေ။ ကလေးအများစုလိုပဲ သင့်ကလေးဟာ ပထမဆုံးခြေလှမ်းတွေမှာ ဟန်ချက်ညီစေဖို့အတွက် တံထောင်ကွေးထားလျက်လက်ကို ဘေးကိုဆန့်ထုတ်ရင်း ၊ ခြေထောက်တွေကဘေးကားပြီး ဝမ်းဗိုက်ကရှေ့ထွက်၊ အောက်ပိုင်းကနောက်ကျန်ခဲ့ရင်းလျှောက်ကြပါလိမ့်မယ်။   ကျန်းမာဖို့၊ လုံခြုံဖို့ ဆရာဝန်နှင့် […]

ဖွံ့ဖြိုးလာမှုနဲ့ အပြုအမူလေးတွေ ဘယ်လိုဖွံ့ဖြိုးလာလဲ ပထမဆုံးတစ်လပြည့်ပြီး အပတ်မှာပဲ သင့်ရင်သွေးလေးဟာ သူတို့မှောက်လျက်အနေအထားမှာဖြစ်ဖြစ် ခဏလောက်လေး ခေါင်းမော့နိုင်နေပါပြီ။ ဒါ့အပြင် တခြားလူတွေရဲ့မျက်နှာတွေကိုလည်း အာရုံစိုက်ကြည့်တတ်လာပြီ၊ အထူးသဖြင့် သူ့အနားမှာ အမြဲစောင့်ရှောက်နေတဲ့ သင့်ကိုပေါ့။ ခုအချိန်မှာဆိုရင် ကလေးလေးတွေဟာ တအီအီတအဲအဲ နဲ့ သူ့တို့ခံစားချက်လေးတွေကို အသံမျိုးစုံနဲ့ ဖော်ပြတတ်လာပြီ တခါတရံမှာ အသံစူးနေအောင်ထအော်တာမျိုး၊ ခိုးခိုးခစ်ခစ်ရယ်တာမျိုးလေးတွေပါ ရှိလာတတ်ပါတယ်။ သူ့ကိုဘယ်လိုအထောက်အပံ့ပေးနိုင်မလဲ သူတို့ကိုမြှူပါ၊ စနောက်ပါ၊ အမြဲသူတို့ကိုပြန်ဖြေပါ၊ စကားလေးတွေပြောပေးနေပါ။ ဒီအချိန်မှာဆိုရင် သူတို့ကအာရုံစိုက်မှုရတာကို နှစ်ခြိုက်တတ်လာပါပြီ။ ဒါကြောင့် သူတို့နဲ့တိုက်ရိုက်စကားတွေပြောပေးပါ။ ကလေးလေးတွေနဲ့အဆင်ပြေမယ့်ပုံစံမျိုးနဲ့ ပြောတာမျိုး၊ စကားလေးတွေသင်ပေးတာမျိုးလည်း ပြုလုပ်ပေးပါ။ ရင်သွေးလေးနဲ့ အမြဲဆက်သွယ်ပြောဆိုနေတာဟာ သူနဲ့မိခင်ကြားမှရင်းနှီးမှုတွေတိုးလာစေပါတယ်။   ကျန်းမာဖို့၊ လုံခြုံဖို့ ဆရာဝန်နဲ့ ဘာတွေဆွေးနွေးသင့်လဲ သင့်ကလေးရဲ့ကျန်းမာရေးအခြေအနေပေါ်မူတည်ပြီး ဆရာဝန်ကရက်ချိန်းပေးစစ်ဆေးစမ်းသပ်မှုများ ပြုလုပ်ပါတယ်။ ဒါပေမယ့် ခုအချိန်မှာ ဆေးခန်းသွားပြခဲ့ရင်တော့ ဒီအရာတွေ ဆရာဝန်နဲ့တိုင်ပင်သင့်ပါတယ်။ ကလေးရဲ့စားသောက်အိပ်စက်ခြင်းတွေအပါအဝင် ဖြစ်ရပ်အမျိုးမျိုးနှင့် ကလေးလေးရော၊ သင်တို့မိသားစုရော အိမ်မှာနေထိုင်မှုပုံစံအကြောင်း ကလေးရဲ့ကလေးချိန်၊ အရပ်၊ […]

ဖွံ့ဖြိုးလာမှုနဲ့ အပြုအမူလေးတွေ ဘယ်လိုဖွံ့ဖြိုးလာလဲ အပြုံးလေးတွေကတော့ ကမ္ဘာနဲ့အနှံ့ အနန္တပါပဲ။ သင့်ရဲ့ချစ်ခြင်းမေတ္တာအပြည့်နဲ့ ဂရုစိုက်မှုတွေအတွက် ပြန်ရလာမယ့် သင့်တစ်ဦးထဲအတွက်ဖြစ်တဲ့ တောက်ပရွှင်လန်းနေတဲ့ အပြုံးတွေကိုရင်ဆိုင်ဖို့အသင့်သာပြင်ထားပါတော့။ သင့်နှလုံးသားကိုအရည်ပျော်ကျသွားစေမှာပါ။ ဒီတစ်လပြည့်လို့ ဒုတိယမြောက်အပတ်မှာဆိုရင်တော့ ကလေးလေးဟာ ခေါင်းလောင်းမြည်သံစသည်ဖြင့် အသံလေးတွေကို စိုက်ကြည့်နေတာ၊ ငိုတာ ဒါမှမဟုတ် တိတ်ပြီးငြိမ်သွားတာမျိုး နည်းလမ်းတစ်မျိုးမျိုးနဲ့ ပြန်တုံ့ပြန်တတ်လာပါပြီ။ သူ့ကိုဘယ်လိုအထောက်အပံ့ပေးနိုင်မလဲ တချို့အိပ်ခြင်းနဲ့ဆိုင်တဲ့သုတေသနပညာရှင်တွေကတော့ ကလေးငယ်လေးတွေကို အိပ်မပျော်သေးခင် မျက်ကြောစဉ်းနေချိန် အိပ်ရာထဲထည့်သိပ်ဖို့အကြံပေးထားပါတယ်။ ဒီနည်းဟာ ကလေးတွေကို သူ့တို့ဖာသာအိပ်ပျော်တတ်ဖို့ ကူညီပေးပါလိမ့်မယ်။ ဒါဟာ ညအချိန်မတော် သူတစ်ယောက်ထဲ နိုးလာတဲ့အခါမျိုးမှာ သူ့အတွက်ရော သင့်အတွက်ရော ကောင်းကျိုးပေးပါလိမ့်မယ်။ ဒီအချက်ကိုအောင်မြင်ဖို့အတွက် ညဘက်ရေနွေးနွေးလေးချိုးပေးတာမျိုး၊ အသာအယာနှိပ်နယ်ပေးတာမျိုး၊ အိပ်ရာဝင်ပုံပြင်ပြောပြာတာမျိုးလေးတွေနဲ့ အိပ်ချိန်မှန်အောင်ကျင့်ပေးခြင်းဖြင့် ကူညီပေးနိုင်ပါတယ်။ ဒီလိုအကျင့်တစ်ခုတည်ဆောက်ပေးလိုက်ခြင်းဟာ ကလေးငယ်ကို မိမိကိုယ်ကိုယ်အားကိုးတတ်တဲ့ အကျင့်လေးတစ်ခုလည်း မသိမသာထည့်ပေးလိုက်ရာရောက်ပါတယ်။   ကျန်းမာဖို့၊ လုံခြုံဖို့ ဆရာဝန်နဲ့ဘာတွေဆွေးနွေးသင့်လဲ သင့်ကလေးရဲ့ကျန်းမာရေးအခြေအနေပေါ်မူတည်ပြီး ဆရာဝန်ကရက်ချိန်းပေးစစ်ဆေးစမ်းသပ်မှုများ ပြုလုပ်ပါတယ်။ ဒါပေမယ့် ခုအချိန်မှာ ဆေးခန်းသွားပြခဲ့ရင်တော့ ဒီအရာတွေ […]

ဖွံ့ဖြိုးလာမှုနဲ့ အပြုအမူလေးတွေ ဘယ်လိုဖွံ့ဖြိုးလာလဲ အသက်တစ်ပတ်လောက်သာရှိစဉ်ကတည်းက သင့်ကိုမှီခိုလို့ရတယ်ဆိုတာ သိထားခဲ့တဲ့ သင့်ရင်သွေးလေးဟာ ခုဆိုရင် သင့်အသံထိမှတ်မိနေပါပြီ။ သူတို့မိဘတွေရဲ့ ရင်းနှီးကျွမ်းဝင်နေတဲ့ အသံကိုကြားရခြင်းဟာ အမိဝမ်းဗိုက်အပြင်ဘက်က ကမ္ဘာအသစ်ကြီးနဲ့ လိုက်လျောညီထွေဖြစ်လာအောင် ကူညီပေးနိုင်တာမို့ သူတို့တစ်ယောက်ထဲမဟုတ်ကြောင်း သူတို့သိပါစေ။ စကားများများပြောပေးလေလေ ကောင်းလေပါပဲ။ သင်ပြောတာတွေနားမလည်ပေမယ့် သင့်ချစ်ခြင်းမေတ္တာတွေကိုတော့ ကျယ်ကျယ်လောင်လောင်ရှင်းရှင်းလင်းလင်းကို ကြားနေသိနေပါတယ်။ ဒီအချိန်မှာဆိုရင် သင့်ကလေးလေးတွေဟာ • မှောက်နေရင်း သူတို့ခေါင်းကို ၄၅ဒီဂရီလောက်ထိ မြှောက်နိုင်လာပါတယ်။ • ငိုတာအပြင် တခြားအသံလေးတွေလုပ်နိုင်လာတယ် တအီအီတအဲ့အဲ့လုပ်တာမျိုးပေါ့ • သင်ပြုံးပြရင် ပြန်ပြုံးပြတတ်လာပါတယ်။ သူ့ကိုဘယ်လိုအထောက်အပံ့ပေးနိုင်မလဲ ဒီရက်သတ္တပတ်မှာဆိုရင် သင့်ကလေးလေးဟာ နေ့ဘက်တွေမှာ ပိုနိုးကြားလာပါပြီ။ ဒီအချိန်တွေမှာ သီချင်းဖွင့်ပေးခြင်း၊ သားချော့တေးဆိုပြခြင်းဆို့ဖြင့် သူတို့ရဲ့အာရုံတွေ ဖွံ့ဖြိုးလာအောင် ကူညီပေးနိုင်ပါတယ်။ ဘာမှနားမလည်ပေမယ့် သင်သီချင်းဆိုတာကို ပြန်တုံ့ပြန်ပါလိမ့်မယ်။ ကလေးသီချင်းတွေချည်းဆိုစရာမလိုပါဘူး၊ ပေါ့ပ်အမျိုးအစားမှ ဂန္တဝင်တေးသွားတွေထိ အမျိုးမျိုးဆိုနိုင်ပြီး ဘယ်ဟာကိုကလေးကပိုစိတ်ဝင်စားလည်းဆိုတာ ကြည့်နိုင်ပါတယ်။ သူတို့စိတ်ဝင်စားတဲ့အခါ ရွှင်မြူးဟန်ပြမယ်၊ ပါးစပ်လေးလှုပ်စိလှုပ်စိလုပ်နေမယ်၊ လက်ကားယား ခြေကားယားလိုက်လုပ်နေပါလိမ့်မယ်။ […]

ဖွံ့ဖြိုးလာမှုနဲ့ အပြုအမူလေးတွေ ဘယ်လိုဖွံ့ဖြိုးလာလဲ ဒီအချိန်မှာ သင့်ကလေးရဲ့ဦးနှောက်ကဟာ အရွယ်အစားရော၊ ရှုပ်ထွေးမှုပါ တိုးတက်လာနေပါပြီ။ ၅ စင်တီမီတာလောက် ပိုကြီးလာနိုင်ပါတယ်။ ကလေးငယ်ဟာတခါတရံ နိုးကြားနေလိုက်၊ ငြိမ်သွားလိုက်ဖြစ်နေချိန်လေးတွေရှိလာတာ သတိထားမိပါလိမ့်မယ်။ စိတ်မပူပါနဲ့ ဒါဖြစ်ရိုးဖြစ်စဉ်ပါပဲ၊ သူတို့ကပတ်ဝန်းကျင်ကိုစူးစမ်းနေကြတာပါ။ ဒါကြောင့် ဒီအချိန်ဟာ သူတို့နဲ့ဆက်သွယ်ရမယ့်အချိန်လည်းဖြစ်တယ်။ သူတို့နဲ့စကားပြောမယ်၊ သီချင်းတွေဆိုပြမယ်၊ ဒါမှမဟုတ် သင်ဘာလုပ်နေတယ်ဆိုတာကို အသေးစိတ်ပြောပြောပြနေမယ်၊ သူတို့နားမလည်ပေမယ့် အသံနဲ့ သင့်မျက်နှာအမူအရာကိုကြည့်ပြီး သင်ယူသဘောပေါက်ကြပါလိမ့်မယ်။ ဒီအချိန်မှာဆိုရင် သင့်ရင်သွေးလေးဟာ • မှောက်နေရင်း ခေါင်းကို ၉၀ဒီဂရီလောက်ထိ မော့နိုင်လာပြီ • ခေါင်းမတ်မတ်ထောင်နိုင်လာပြီ • လက်နှစ်ဖက်ကိုတူတူလှုပ်ရှားတတ်လာပြီ • တခါတလေ တိတ်တိတ်ငြိမ်ငြိမ်နေတတ်လာပါပြီ၊ ဒါဟာ ပတ်ဝန်းကျင်ကိုလေ့လာနေတာလည်းဖြစ်ပါတယ်။ သူ့ကိုဘယ်လိုအထောက်အပံ့ပေးနိုင်မလဲ ခုအချိန်ဟာ သင့်ကလေးလေးအတွက် သင်ယူဖို့အရေးကြီးဆုံးအချိန်ပါ။ သူငြိမ်နေချိန်မှာဆိုရင် သင်ကသူနဲ့စကားပြောတာ၊ သီချင်းတွေဆိုပြတာ၊ တွေ့မြင်နေရတဲ့ ပုံလေးတွေကိုပြပြီး ရှင်းပြ၊ ပြောပြတာမျိုးလုပ်သင့်ပါတယ်။ သူတို့ကိုနို့တိုက်နေရင်း၊ သေးခံလဲနေပေးရင်းနဲ့လည်း ယုယုယယပွတ်သပ်ပေးရင်း စကားတွေပြောနေနိုင်ပါတယ်။ ဒါဟာ သင့်ကလေးအတွက် ဘာသာစကားကျွမ်းကျင်မှု၊ […]

ဖွံ့ဖြိုးတိုးတက်မှုနှင့် အပြုအမူ ကျွန်ုပ်၏ကလေးသည် မည်သို့ဖွံ့ဖြိုးလာသင့်ပါသလဲ။ အသက်သုံးဆယ့်ရှစ်ပတ်မှာဆိုရင် သင့်ကလေးလေးဟာ- • ထိုင်ရာကနေမတ်တပ်ရပ်တတ်လာပါပြီ • လေးဘက်ထောက်သွားတတ်ပြီ • ဝမ်းလျားမှောက်နေရာမှထိုင်တတ်လာပြီ • သင်ကသူ့အရုပ်ကိုယူပစ်ရင်ငြင်းတတ်လာပြီ • တစ်ယောက်ယောက်၊ တစ်ခုခုကိုကိုင်ပြီး မတ်တပ်စရပ်လာပြီ • ပစ္စည်းသေးသေးလေးတွေကိုပါ လက်မနဲ့ လက်ညှိုးနဲ့ ညှပ်ပြီးကိုင်တတ်လာပါပြီ (ဒါကြောင့် အန္တရာယ်များတဲ့ အရာတွေကို ကလေးတွေလက်လှမ်းမမီနိုင်မယ့်နေရာမှာထားပါ) • ‘မေမေ၊ ဖေဖေ’ စသည်ဖြင့် မပီမသခေါ်ချင်သလို လျှောက်ခေါ်တတ်လာပါပြီ • တူတူပုန်းတမ်းကစားတတ်လာပြီ • အရုပ်တွေကိုဘယ်မှာထားထားတာလဲ ဆိုတာမျိုး ပိုတိကျတဲ့အချက်တွေကို မှတ်မိတတ်လာပြီ • ဒီတစ်ပတ်အတွင်းမှာ သူတို့တွေ့ဖူးထားတဲ့ ဟန်ပန်တွေအတိုင်းလိုက်လုပ်တတ်လာပါပြီ။   သူ့ကို ဘယ်လိုအထောက်အပံ့ပေးနိုင်မလဲ သူတို့ဟာ ခုဆိုရင် ခွက်တွေ၊ ပုံးတွေထဲကို ပစ္စည်းတွေထည့်လိုက် ပြန်ထုတ်လိုက်လုပ်တတ်လာပြီမို့ ထိုအရည်အချင်းသစ်ကို လေ့ကျင့်လို့ရအောင် ပလတ်စတစ်ပုံးတစ်ပုံးနဲ့ ရောင်စုံတုံးလေးတွေသာပေးထားလိုက်ပါ။ ဒါပေမယ့် မျိုချပစ်မှာစိုးလို့ သေးသေးလေးတွေတော့ မဖြစ်ပါစေနဲ့။ သူတို့က တံခါးလိုမျိုးအဖွင့်အပိတ်လုပ်လို့ရတာမျိုးလေးတွေ၊ အတင်အချလုပ်လို့ရတာတွေပါတဲ့ အရုပ်မျိုး ၊ ရွှေ့လို့တဲ့ကစားစရာမျိုးတွေကို နှစ်သက်တတ်ကြပါတယ်။ ကြမ်းပေါ်မှာလျှောက်မောင်းပြီး ဆော့လို့ရတဲ့ […]

ဖွံ့ဖြိုးတိုးတက်မှုနှင့် အပြုအမူ ကျွန်ုပ်၏ကလေးသည် မည်သို့ဖွံ့ဖြိုးလာသင့်ပါသလဲ။ သုံးဆယ့်ကိုးပတ်သားလေး သင့်ရင်သွေးငယ်ဟာ- • လက်ခုပ်တီးတတ်၊ တာ့တာပြတတ်လာပြီ။ • စကားလုံး၊ စာကြောင်းတွေမပီကလာ ပီကလာပြောတတ်လာပြီ။ • ပရိဘောဂတွေကိုင်ရင်း လမ်းလျှောက်တတ်လာပြီ။ • မလုပ်ရဘူး ဆိုတာကိုနားလည်လာပြီ၊ (အမြဲတမ်းတော့လိုက်နာမှမဟုတ်ပေမယ့်…။)   သူ့ကို ဘယ်လိုအထောက်အပံ့ပေးနိုင်မလဲ ကလေးငယ်ဟာ သင်ပြောလိုက်တဲ့စကားတွေထက် သင်သုံးလိုက်တဲ့လေသံကိုပိုပြီး အဓိပ္ပါယ်ပေါက်တာပါ။ သင်ကျေနပ်နေတဲ့လေသံကိုသူတို့နားလည်တဲ့အတွက် သင်က ‘အရုပ်ကလေးတွေလိုက်ကောက်ထားတာ တော်လိုက်တာ’ စသည်ဖြင့် ချီးမွမ်းစကားပြောပေးသင့်ပါတယ်။ သင့်ကလေးနဲ့စကားများများပြောလေလေ၊ ပြောဆိုဆက်သွယ်ခြင်းကို သူတို့ပိုနားလည်လည်လေဖြစ်ပါတယ်။ ကလေးငယ်ဟာ ‘မလုပ်ရဘူး’ ‘ဟင့်အင်း’ စသည့်ဖြင့် အငြင်းစကားကို နားလည်လာပါပြီ၊ လိုက်နာမှာတော့မဟုတ်ပေမယ့်ပေါ့….။ ဥပမာ၊ သင်ကမထိဖို့ မကိုင်ဖို့ပြောတာတောင် လှမ်းကိုင်ဖို့ကြိုးစားတာမျိုး တွေ့ရမှာပါ။ ဒါကြောင့် ထိုတားမြစ်စကားကို အမြဲသုံးမနေဘဲ တကယ်လိုမှသုံးပြီး သုံးတဲ့အခါမှာလည်း ထိထိရောက်ရောက် ထိုအရာကိုသူတို့ရှေ့ကဖယ်ပစ်ပြီး တခြားတစ်ခုခုနဲ့အစားထိုးအာရုံလွှဲလိုက်ပါ။   ကျန်းမာဖို့၊ လုံခြုံဖို့ ဆရာဝန်နှင့် ဘာတွေ ဆွေးနွေးသင့်ပါသလဲ။ စစ်ဆေးစမ်းသပ်မှုပုံစံတွေ၊ အမျိုးအစားအရေအတွက်ဟာ ကလေးတစ်ယောက်ခြင်းဆီရဲ့ လိုအပ်မှုပေါ်မူတည်ပြီး ကွာခြားနိုင်ပါတယ်။ စစ်ဆေးနိုင်တာတွေကတော့…. • ယခင်မထိုးဖူးသေးပါက […]

ဖွံ့ဖြိုးလာမှုနဲ့ အပြုအမူလေးတွေ ဘယ်လိုဖွံ့ဖြိုးလာလဲ ခုဆိုရင် သင့်ရင်သွေးလေးဟာ လေးပတ်သားလေးဖြစ်နေပါပြီ။ ကလေးလေးဟာ စုပ်ရတာကိုပိုနှစ်သက်လာသလို လိုလည်းလိုအပ်တာကြောင့် မတားပါနဲ့။ သင့်ရင်သွေးလေး ငြိမ်နေဖို့ ချိုလိမ်လေးတွေက တော်တော်အသုံးဝင်လာတာကို တွေ့ရမှာပါ။ တစ်ခါတလေ ကလေးလေးဟာ သူ့လက်မ သို့မဟုတ် လက်ချောင်းလေးတွေကိုပါ စုပ်နေတာကိုတွေ့ရတတ်ပါတယ်။ လေးပတ်မြောက်မှာဆိုရင် သင့်ရင်သွေးလေးမှာ အမြင်အာရုံတွေပိုကောင်းလာပြီး ၂၀-၃၅ စင်တီမီတာ အကွာက အရာတွေကို ကောင်းကောင်းအာရုံစိုက်ကြည့်နိုင်လာပါပြီ။ သူ့ကို ဘယ်လိုအထောက်အပံ့ပေးနိုင်မလဲ ကလေးကိုနိုးနေလျှင်တောင်မှ ပက်လက်အနေအထားနှင့်သာအိပ်စေဖို့မမေ့ပါနဲ့၊ သူတို့ခေါင်းလေးတွေဟာ ချိုင့်ဝင်နိုင်ချေရှိတာမို့ ကျောနှင့်သာအိပ်စေခြင်းက ထိုအခြေအနေကို ကာကွယ်နိုင်မှာပါ။ သူတို့ခေါင်းလေးတွေထောင်လာပြီး သင့်ကိုကြည့်ဖို့အတွက် သူတို့မျက်စိရှေ့ သင့်မျက်နှာကိုထားပြီး မြှူပါ။ မှောက်လျက်အနေအထားမှာ တဘက်၊ စောင် အလိပ်ကလေးကို သူတို့ရင်ဘတ်အောက်မှာထားပြီး သူတို့ခေါင်းလေးတွေထောင်လာနိုင်ဖို့ ကူညီနိုင်ပါတယ်။ မကြာခင်မှာ သူတို့ရဲ့အာရုံကြောအဖွဲ့အစည်းတွေ၊ကြွက်သားထိန်းချုပ်မှုစနစ်တွေ ဖွံ့ဖြိုးလာပါတော့မယ်။   ကျန်းမာဖို့၊ လုံခြုံဖို့ ဆရာဝန်နဲ့ ဘာတွေဆွေးနွေးသင့်လဲ ဒီအချိန်မှာတော့ ဆရာဝန်ချိန်းတဲ့အချိန် စစ်ဆေးဖို့သွားရပါမယ်။ ဆရာဝန်က • ကလေးခြေဖနောင့်လေးမှသွေးယူကာ ကလေးမှာ […]

ဖွံ့ဖြိုးတိုးတက်မှုနှင့် အပြုအမူ ကျွန်ုပ်၏ကလေးသည် မည်သို့ဖွံ့ဖြိုးလာသင့်ပါသလဲ။ သင့်ကလေးသည် သုံးလခန့်တွင် သွားစပေါက်နိုင်သကဲ့သို့ ၁၂ လခန့်ထိနောက်ကျပြီးမှပေါက်သည်လည်း ဖြစ်နိုင်ပါသည်။ အများစုသည် ၄လမှ ၇လ ကြားတွင် ပထမဆုံး အောက်သွားတစ်ချောင်းစပေါက်ကြသည်။ သင့်ကလေး သွားကျဲနေလျှင် စိတ်မပူပါနှင့်။ သွားများ ကြားရှိနေရာလပ် များသည် အသက် သုံးနှစ်ခန့်တွင် ပျောက်သွားတတ်သည်။ ကလေးသွားစပေါက်ချိန်တွင် သွားရည်ပိုကျတတ်ပြီး ထူးဆန်းသောအသံများထွက်တတ်သည်။ ၃၁ ပတ်တွင် သင့်ကလေးသည်- • လေးဘက်တွားသွားနိုင်သည်။ • ပစ္စည်းများကို လက်တစ်ဖက်မှ တစ်ဖက်သို့ ပြောင်းကိုင်နိုင်သည်။ • လူများ၊ ပစ္စည်းများကို ကိုင်ပြီး မတ်တပ်ရပ်နိုင်သည်။ ကလေးကို မည်သို့ ကူညီသင့်ပါသလဲ။ သင့်ကလေးသည် သင့်ကို တောက်လျောက်မခွာတမ်းနေချင်နေသည့်အတွက် စိတ်ချမ်းသာရသော်လည်း သင့်အတွက် အလုပ်ရှုပ်စေပါလိမ့်မည်။ သင်အပြင်သွားသည့်အခါ ကလေးကို အိမ်တွင် ထားခဲ့လျှင် သင့်ကလေးကို နားလည်အောင်ပြောပြပြီး သင်အမြန်ဆုံးပြန်လာမည်ဖြစ်ကြောင်း ရှင်းပြပါ။ သင်ပြောသည်ကို ကလေးကနားမလည်နိုင်သော်လည်း သင့်အမူအရာနှင့် ကြင်နာမှုသည် […]