home

What are your concerns?

close
Inaccurate
Hard to understand
Other

သို့မဟုတ် လင့်ခ်ကူးယူမည်

ဦးနှောက်နဲ့အာရုံကြော ကျန်းမာစေဖို့ ဘာတွေစားရမလဲ။

ဦးနှောက်နဲ့အာရုံကြော ကျန်းမာစေဖို့ ဘာတွေစားရမလဲ။

လူသားတွေက နေ့စဉ်တိုင်းမှာ နှလုံး၊ အဆုတ်၊ ကျောက်ကပ် စတာတွေကိုဂရုစိုက်သလို အသက်ရှူလမ်းကြောင်းနဲ့ အစာခြေစနစ်ကိုလည်း မေ့မထားကြပါဘူး။ ကိုယ်ခံအားကိုလည်း အရေးထားတတ်ပေမယ့် ဆုံးဖြတ်ချက် အဝဝကို ချမှတ်ပေးပြီး သိမှု၊ မြင်မှု၊ ကြားမှုတွေ ကို လုပ်ဆောင်ပေးနေတဲ့ အာရုံကြော စနစ် ကျန်းမာရေးကို ဂရုစိုက်ဖို့ မေ့နေတတ်ပါတယ်။ ဒီ တစ်ခေါက်တော့ အာရုံကြောစနစ်ကို ကျန်းမာစေဖို့ ဘာတွေ စားရမလဲဆိုတာကို ပြောပြပေးပါရစေ။

အာရုံကြော စနစ် ကျန်းမာစေဖို့ ဒါတွေ စားပေးပါ။

တစ်နေ့တာ ဆုံးဖြတ်ချက် အဝဝကို ချမျတ်ရာမှာ အရေးပါတဲ့ အာရုံကြော စနစ် ကျန်းမာစေဖို့ဆိုရင်

အစေ့အဆန် နဲ့ အခွံမာသီးတွေ

သစ်ကြားသီး၊ အယ်လ်မွန်စေ့၊ နှမ်းကြတ်စေ့တို့လိုမျိုး အစေ့အဆန်တွေ နဲ့ အခွံမာသီးတွေမှာ အသားအရေကို ကျန်းမာစေပြီး အာရုံကြောစနစ်နဲ့ ဆဲလ် အမြှေးပါးတွေကို ကျန်းမာစေနိုင်တဲ့ essential fatty acid ပါဝင်နေပါတယ်။ ဒီ အခွံမာသီးတွေနဲ့ အစေ့အဆန်တွေမှာ ဗီတာမင် နဲ့ သတ္တုဓာတ်တွေအပြင် ပရိုတင်းပါ ပါဝင်နေတာပါ။ Pistachios မှာလည်း အာရုံကြောစနစ်ကို ကျန်းမာစေဖို့ အရေးပါတဲ့ Thiamine ကြွယ်ဝစွာ ပါဝင်နေပါတယ်။

ဝက်သား

ဝက်သားမှာ အာရုံကြော ကျန်းမာစေဖို့ အထောက်အပံ့ပေးတဲ့ Thiamine လို့ခေါ်တဲ့ ဗီတာမင် B ကြွယ်ဝသလို ပိုတက်ဆီယမ်၊ phosphorous နဲ့ ပရိုတင်းတို့ ပြည့်ဝစွာ ပါဝင်နေပါတယ်။

Oatmeal

ဝက်သား မစားဘူးဆိုရင် အာရုံကြော ကျန်းမာစေဖို့ oatmeal ကို စားပေးလို့ ရပါတယ်။ oatmeal က ဗီတာမင် B ကြွယ်ဝသလို ပရိုတင်း၊ magnesium၊ သံဓာတ်၊ ဇင့်တို့ ပါဝင်နေတာကြောင့် အာရုံကြောကို ကျန်းမာစေနိုင်ပါတယ်။

ပင်လယ်စာ

ဦးနှောက်အတွက် အရေးပါတဲ့ အာဟာရဓာတ် တစ်မျိုးက ဗီတာမင် ​​B12 ပါ။ ဗီတာမင် ​​B12 က ဦးနှောက် ကျန်းမာစေဖို့ လုပ်ဆောင်ပေးသလို စိတ်ဓာတ်ကျတာ၊ ဦးနှောက်စွမ်းဆောင်ရည် ကျဆင်းတာမျိုး မဖြစ်စေဖို့ ကာကွယ်ပေးပါတယ်။

ခန္ဓာကိုယ်မှာ ဗီတာမင် ​​B12 နည်းနေတာက နှလုံးရောဂါ နဲ့ အာရုံကြော ထိခိုက်မှုတွေ ဖြစ်စေနိုင်ပါတယ်။ ဗီတာမင် ​​B12 ပြည့်ဝဖို့ဆိုရင် တူနာ၊ ဆာဒင်း၊ မက်ကာရယ်၊ ဆယ်လ်မွန်တို့လိုမျိုး ပင်လယ်စာတွေကို စားပေးလို့ ရပါတယ်။

ငှက်ပျောသီး

ငှက်ပျောသီးက ပိုတက်ဆီယမ် ကြွယ်ဝတဲ့ အစားအစားတစ်ခုပါ။ ပိုတက်ဆီယမ် ကြွယ်ဝမှုက ခန္ဓာကိုယ် နဲ့ ဦးနှောက်ကို ရေဓာတ် ပြည့်ဝစေပါတယ်။

ဟင်းနုနွယ်

အစိမ်းရင့်ရောင် ဟင်းနုနွယ်က သံဓာတ် အားဖြည့်ပေးသလို ဦးနှောက်နဲ့အာရုံကြော စနစ် ကျန်းမာစေဖို့ အားဖြည့်ပေးတဲ့ ဗီတာမင် B၊ ဗီတာမင် B6 နဲ့ ဖောလိတ်တို့ ပါဝင်နေပါတယ်။ အသက်အရွယ်ကြောင့် ဖြစ်တဲ့ သတိမေ့တာတွေ မဖြစ်စေဖို့ ကာကွယ်ပေးပါတယ်။

ကြက်သွန်ဖြူ

ကြက်သွန်ဖြူက ဓာတ်တိုးဆန့်ကျင် အာနိသင် ကြွယ်ဝတာကြောင့် ရုပ်ပိုင်းဆိုင်ရာ အိုမင်းမှု မဖြစ်အောင် ကာကွယ်ပေးသလို ဦးနှောက်ကိုလည်း အရွယ်တင်စေနိုင်ပါတယ်။ မှတ်ဉာဏ် ကောင်းစေပြီး စိတ်ဖိစီးမှု ကင်းစေပါတယ်။

နို့ထွက်ပစ္စည်း

အာရုံကြော ကျန်းမာစေဖို့ အရေးပါတဲ့ ပိုတက်ဆီယမ်ကို နို့ထွက်ပစ္စည်းတွေမှာ များပြားစွာ တွေ့ရနိုင်ပါတယ်။ အာရုံကြော ကျန်းမာစေဖို့ လိုအပ်တဲ့ ပိုတက်ဆီယမ် ပြည့်ဝစေဖို့ဆိုရင် နို့၊ ဒိန်ချဉ်၊ ချိစ် စတာတွေ စားပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ရင်းမြစ်များ

6 Beneficial Foods for Your Nervous System https://www.thehealthlodgepractice.com/6-beneficial-foods-for-your-nervous-system/ Accessed Date 5 August 2020

Top 7 foods for better nervous system – Foods contain Vitamin B12, Thiamine, Potassium and more https://www.timesnownews.com/health/article/top-7-foods-for-better-nervous-system-foods-contain-vitamin-b12-thiamine-potassium-and-more/344997 Accessed Date 5 August 2020

Nutrition and lifestyle tips for a healthy brain https://www.brainandspine.org.uk/information-and-support/health-and-lifestyle-tips/brain-food/ Accessed Date 5 August 2020

စာရေးသူ ဓာတ်ပုံbadge
Aye Thi Mon မှ ရေးသားသည်။ 3 ရက် အကြာက တွင် ပြန်လည်ပြင်ဆင်ခဲ့သည်။
Hello Sayarwon Panel မှ အချက်အလက် စစ်ဆေးထားပါသည်။