ကူးစက်ရောဂါများ

ကိုရိုနာဗိုင်းရပ်စ် (Covid – 19) က မျိုးဗီဇ ပြောင်းလဲမှုနဲ့အတူ ကိုဗစ်တွေက တစ်လှိုင်းပြီး တစ်လှိုင်းဖြစ်ပေါ်နေပါတယ်။ ကိုဗစ် တစ်လှိုင်းပြီး တစ်လှိုင်းဖြစ်ပေါ်မှုနဲ့အတူ စာဖတ်သူတွေရဲ့ စိတ်ထဲမှာ စိုးရိမ်စိတ်တွေနဲ့အတူ သိချင်စိတ်တွေလည်း များနေမယ် ထင်ပါတယ်။ ဒီတစ်ခေါက်တော့ ကိုဗစ်နဲ့ ပတ်သက်ပြီး စာဖတ်သူတွေ ဇဝေဇဝါဖြစ်နေနိုင်တဲ့ အကြောင်းလေးတွေကို ပြောပြပေးသွား ပါမယ်။ စပ်မိစပ်ရာ Covid – 19 ရေးရာ ကိုဗစ်က ရေကနေတဆင့် ကူးနိုင်လား……… အခုထိတော့ ကိုဗစ်က သောက်သုံးရေတွေ၊ ချိုးရေနဲ့ အခြားသော ရေအရင်းအမြစ်တွေမှာ ရှင်သန်နေထိုင်နိုင်တယ်ဆိုတဲ့ သက်သေ မတွေ့ရသေးပါဘူး။ သောက်သုံးရေတွေကို သန့်ရှင်းအောင် ဂရုစိုက်တာ၊ ကလိုရင်း ခတ်တာလိုမျိုး လုပ်တာကတော့ အကောင်းဆုံး ဖြစ်မှာပါ။ ကိုဗစ်က အစားအစာတွေကနေတဆင့်ရော ကူးနိုင်လား……… အခုထိတော့ အစားအစာတွေကနေ ကိုဗစ် ကူးစက်တယ်ဆိုတဲ့ အထောက်အထား မတွေ့ရသေးပါဘူး။ […]

နှစ်တိုင်း တုပ်ကွေးကာကွယ်ဆေး ထိုးလေ့ရှိတဲ့သူ၊ ဒီနှစ်လည်း ထိုးထားပြီးတဲ့သူတွေအတွက် သတင်းကောင်းပါ။ ရာသီတုပ်ကွေးကာကွယ်ဆေး ထိုးထားတဲ့သူတွေမှာ ပြင်းထန်ကိုဗစ်ဖြစ်တာ၊ အထူးကြပ်မတ်ဆောင်တက်ရတာ၊ သွေးဆိပ်သင့်တာနဲ့ လေဖြတ်တာကို အတိုင်းအတာတစ်ခုအထိ ကာကွယ်ပေးနိုင်တယ်လို့ ဆိုပါတယ်။ တုပ်ကွေးကာကွယ်ဆေး ဆိုတာ တုပ်ကွေးကာကွယ်ဆေးကို မြန်မာနိုင်ငံမှာ နှစ်စဉ် ၅လပိုင်းလောက်ဆို စထိုးကြပါပြီ။ ရာသီတုပ်ကွေး ကို ကာကွယ်ဖို့ပါ။ ရာသီတုပ်ကွေးက ရက်ပိုင်းလောက်နေရင်  သက်သာတတ်ပေမယ့် လူကြီးတွေ၊ ကိုယ်ဝန်ဆောင်တွေ၊ ကလေးတွေနဲ့ ခုခံအားကျနေတဲ့သူတွေမှာ မတော်တဆ နောက်ဆက်တွဲဆိုးကျိုးတွေ ဖြစ်လာရင် အခြေအနေဆိုးတာကြောင့် သူတို့ကို ထိုးပါလို့ တိုက်တွန်းလေ့ရှိပါတယ်။ ကိုဗစ်စဖြစ်တုန်းကလည်း တတ်နိုင်ရင် ထိုးထားကြပါလို့ အကြံပေးခဲ့ပါတယ်။ တုပ်ကွေးနဲ့ ကိုဗစ်က လက္ခဏာတူနေလို့ ခွဲရခက်တဲ့အပြင် လူတစ်ယောက်တည်းမှာ တုပ်ကွေးရော၊ ကိုဗစ်ပါ ဖြစ်လာရင် ပိုဆိုးနိုင်တာကြောင့် ကာကွယ်လို့ရတဲ့ ရာသီတုပ်ကွေးကို ကာကွယ်ဆေးထိုးပြီး ကာကွယ်ကြပါလို့ တိုက်တွန်းခဲ့ပါတယ်။ ခုတော့ […]

ကိုဗစ်လူနာတွေမှာ ခပ်စိတ်စိတ်တွေ့လာရတဲ့ လက္ခဏာတစ်ခုက ကြို့ထိုး တာပါ။ လူနာကတော့ သတိထားမိမှာ မဟုတ်ပေမယ့် ကြည့်နေတဲ့ ဆရာဝန်ကတော့ သတိထားမိပါတယ်။ ကြို့ထိုးတာကလည်း ဘာနဲ့မှမသက်သာဘဲ ဆက်တိုက်ထိုးနေတာပါ။ ကြို့ထိုးတာက မစိုးရိမ်ရတဲ့ အခြေအနေလည်း ဖြစ်နိုင်သလို တစ်ခါတလေမှာ ပြင်းထန်တဲ့ ရောဂါတစ်ခုခုကို အချက်ပြနေတာလည်း ဖြစ်နိုင်ပါတယ်။ ကိုဗစ်လူနာတွေ ကြို့ထိုး ရတဲ့ အကြောင်းအရင်း ကိုဗစ်လူနာတွေ အဆက်မပြတ် ကြို့ထိုးရတဲ့ အကြောင်းအရင်းကတော့ ကိုဗစ်ရဲ့ လက္ခဏာဖြစ်နေတာ ကြို့ထိုးတာက ကိုဗစ်ရဲ့ လက္ခဏာ တစ်ခုလည်း ဖြစ်နေနိုင်ပါတယ်။ ရှားတော့ ရှားပါတယ်။ ကိုဗစ်ဖြစ်တယ်လို့ သိပြီးသားသူတစ်ယောက်မှာ ဒီလက္ခဏာ တစ်ခုထပ်တိုးလို့လည်း ထူးခြားတာ မရှိပါဘူး။ စတီးရွိုက်ရဲ့ ဘေးထွက်ဆိုးကျိုး အထူးသဖြင့်တော့ ကိုဗစ်လူနာတွေမှာ dexaဒက်ဆာ သောက်ပြီး ရက်ပိုင်းလောက်နေရင် အဆက်မပြတ် ကြို့ထိုး တာမျိုး ဖြစ်တတ်ပါတယ်။ ကျောက်ကပ်မကောင်းတာ ကျောက်ကပ်မကောင်းတဲ့အခါ ယူရီးယားလို့ခေါ်တဲ့ […]

အခုကာလမှာ ဘေဘီလေး ဖျားပြီဆိုရင် မေမေတိုင်း ရင်ပူတကြီးနဲ့ တွေးမိနိုင်တာက ကိုဗစ်များ ကူးပြီလားဆိုပြီးဟုတ်….. တကယ်ကတော့ ဘေဘီလေးတွေမှာ အဖျားဝင်တာ၊ ချောင်းဆိုးတာ၊ အသက်ရှူရခက်တာတွေက ကိုရိုနာဗိုင်းရပ်စ်ကြောင့် ဖြစ်နိုင်သလို အခြားသော ဖျားနာမှုတွေကြောင့်လည်း ဖြစ်နိုင်ပါတယ်။ ဘေဘီလေးက ဖျားနာလာပြီဆိုရင် အရေးကြီးဆုံးက ဘေဘီလေးကို တတ်သိနားလည်တဲ့သူနဲ့ ထိရောက်တဲ့ ကုသမှုပေးနိုင်ဖို့ ပါ။ ဒီကာလမှာ အကောင်းဆုံးကတော့ ဘေဘီလေးကို ဖျားနာမှု ကင်းအောင် ကာကွယ်တာပါပဲ။ ဒါပေမယ့် တကယ်လို့ ဘေဘီလေးက ဖျားနာလာပြီဆိုရင် အမြန်ဆုံး ကျန်းမာလာစေဖို့ ဘယ်လို ပြင်ဆင်ပေးရမလဲဆိုတာကို ဆောင်းပါးလေးထဲမှာ ပြောပြပေးသွားပါမယ်။ COVID-19 ဖြစ်ပွားနေချိန်မှာ ဖျားနေတဲ့ ဘေဘီလေးကို ဘယ်လို ပြင်ဆင်ပေးမလဲ…….. အခုလို ကိုဗစ်တွေ ဖြစ်ပွားနေချိန်မှာ ဘေဘီလေးက ဖျားနာလာပြီဆိုရင် ကိုယ်ခံအား အမြန်ဆုံး ပြန်ပြည့်လာစေဖို့အတွက် အခုလိုလေး ဂရုစိုက်ပေးဖို့လိုပါမယ် မေမေတို့ရေ…….. မိခင်နို့ […]

အရင်လှိုင်းတွေတုန်းက ကိုဗစ်ဖြစ်ပြီး သား၊ ပြန်လည်း ကောင်းပြီးသား၊ ဒီတတိယလှိုင်းမှာ ပြန်ဖြစ်နိုင်သေးလားလို့ မေးစရာ ရှိပါတယ်။ အထူးသဖြင့် ခုလက်ရှိမှာ ဖြစ်နေတဲ့ ကူးစက်မြန်ဒယ်တာမျိုးကွဲ ထပ်ဖြစ်နိုင်သေးလားလို့ မေးစရာ ရှိပါတယ်။ ကိုဗစ်ပြန်ဖြစ်ခြင်း မဖြစ်ခြင်းဆိုတာ အမေရိကန် ကူးစက်ရောဂါဗဟိုဌာနက လက်ရှိ အမေရိကန်မှာ ဖြစ်နေတဲ့ caseအသစ်တွေရဲ့ တစ်ဝက်နီးပါးလောက်က ဒယ်တာမျိုးကွဲကြောင့်ပါတဲ့။ ဒီလိုဆိုလို့ ကာကွယ်ဆေးတွေက မကောင်းဘူးလားလို့ မေးစရာ ရှိပါတယ်။ ကာကွယ်ဆေးတွေ (အထူးသဖြင့် အနောက်နိုင်ငံတွေမှာ ထိုးတဲ့ဆေးတွေ)က လက်ရှိမျိုးကွဲတွေကို အတိုင်းအတာတစ်ခုအထိ ကာကွယ်ပေးနိုင်စွမ်းရှိပါတယ်။ အထူးသဖြင့် ပြင်းထန်ကိုဗစ်တွေ၊ ဆေးရုံတက်ရနိုင်တဲ့ အခြေအနေတွေ၊ သေဆုံးနှုန်းတွေကို လျှော့ချပေးနိုင်ပါတယ်။ အရင်က ကိုဗစ်ကူးထားတဲ့ သူတွေကလည်း ကာကွယ်ဆေးထိုးထားတဲ့ သူတွေလိုပဲ ခုခံအားရှိပါတယ်။ မသကာ ပြန်ကူးခံရရင်တောင် ရောဂါအပျော့စားလောက်ပဲ ဖြစ်ပါတယ်။ ကိုဗစ်ဖြစ်ပြီး ပြန်ကူးနိုင်ခြေက တော်တော်နည်းပါတယ်။ ကိုဗစ်ဖြစ်ပြီးသားလူက ထပ်ဖြစ်နိုင်ခြေ နည်းပါတယ်။ […]

နှာခေါင်းစည်း တပ်တာက တခြားကာကွယ်ရေး နည်းလမ်းတွေဖြစ်တဲ့ မကြာခဏ လက်ဆေးတာတို့၊ ခပ်ခွာခွာနေတာတို့လိုပဲ အရေးပါပါတယ်။ အမေရိကန် ကူးစက်ရောဂါ ဗဟိုဌာနက အိမ်ပြင်ထွက်ပြီ၊ လူအများကြားသွားရပြီဆိုတာနဲ့ အသက်၂နှစ်အထက်ကစလို့ လူတိုင်း နှာခေါင်းစည်းတပ်ဖို့ ညွှန်ကြားထားပါတယ်။ ဒါပေမယ့် ခုထက်ထိ နှာခေါင်းစည်းတပ်တာနဲ့ ပတ်သက်ပြီး အယူအဆမှားတွေ ရှိနေပါသေးတယ်။ နေကောင်းနေလို့ နှာခေါင်းစည်း တပ်စရာ မလိုဘူး။ အရိုးဆုံး ပြောရရင်  နှာခေါင်းစည်းတပ်တာက သူများကို ကူးမှာရော၊ ကိုယ့်ကို ကူးလာမှာပါ ကာကွယ်ပေးနိုင်ပါတယ်။ ပြီးတော့ ကိုဗစ်ပိုးရှိနေရဲ့သားနဲ့ လက္ခဏာမပြတဲ့ သူတွေ အများကြီး ရှိပါတယ်။ ဒီလူတွေက ဘာမှမဖြစ်ဘူးဆိုပြီး နှာခေါင်းစည်းမတပ်ထားရင် သူတို့ စကားပြော၊ နှာချေ၊ ချောင်းဆိုး၊ အော်ဟစ်လို့ အမှုန်အမွှားတွေ ထွက်လာရင် အနီးအနားက လူကို ကူးသွားနိုင်ပါတယ်။ ဒါကြောင့် လူတိုင်း […]

မြန်မာနိုင်ငံအနေနဲ့ လတ်တလောမှာ အလွယ်တကူ လက်လှမ်းမှီနိုင်တာကတော့ တရုတ်နိုင်ငံက ကိုဗစ်ကာကွယ်ဆေး တွေပဲ ဖြစ်ပါတယ်။ တရုတ်မှာ ကာကွယ်ဆေး ဘယ်နှမျိုးရှိသလဲ။ ဘယ်လောက်အစွမ်းထက်သလဲ။ စိတ်ချရသလားဆိုတာတွေ ပြောပြပေးပါမယ်။ တရုတ်နိုင်ငံထုတ် ကိုဗစ်ကာကွယ်ဆေးများ တရုတ်နိုင်ငံမှာ လက်ရှိကိုဗစ် ကာကွယ်ဆေး ၅မျိုးရှိပါတယ်။ Sinovac  Sinopharm (Beijing) Sinopharm (Wuhan) CanSino Zhifei, Longcom (China)  တို့ပဲ ဖြစ်ပါတယ်။ ဒီထဲမှာ နောက်ဆုံးသိပ်မတွင်ကျယ်သေးတဲ့အတွက် ဒါတွေကို ထည့်မပြောတော့ပါဘူး။ ပထမ၃မျိုး အကြောင်း ပြောပြပါမယ်။ Sinovac ကိုဗစ်ကာကွယ်ဆေး ဆေးအမျိုးအစား - ဗိုင်းရပ်စ်အသေမှ ထုတ်ထားသော ကာကွယ်ဆေး သိမ်းဆည်းအပူချိန် -၂-၈ ဒီဂရီ အကြိမ်အရေအတွက် - ၂ကြိမ် ဆေးအကြိမ်ကြား ကြာချိန် -၂-၄ပတ် WHOမှ အရေးပေါ်အသုံးပြုခွင့်ရသည့်ရက် - ဇွန်လ ၁ရက် ၂၀၂၁ ဆေးစွမ်းထက်မှု - ဘရာဇီးမှာ ဒုတိယအကြိမ်ထိုးပြီး […]

ခုလိုအချိန် အိမ်မှာ အောက်စီဂျင် စက်တွေ၊ စလင်ဒါတွေ ရှိလာကြပြီး ကိုဗစ်လူနာတွေက အိမ်မှာတင် အောက်စီဂျင် ရှူနေရပြီဆိုတော့ အောက်စီဂျင်နဲ့ ပတ်သက်ပြီး ဟုတ်တာတွေရော၊ မဟုတ်တာတွေရော ထွက်လာပါပြီ။ ဒါလေးတွေကို ပြန်ရှင်းပြပေးချင်ပါတယ်။ အသက်လုပြီး အောက်စီဂျင်ရှူနေရတဲ့အချိန်မှာ မဟုတ်တဲ့ သတင်းစကားတွေက လူနာကုသမှုမှာ သိပ်ကို အနှောင့်အယှက်ဖြစ်လို့ပါ။ အောက်စီဂျင် နဲ့ ပတ်သက်တဲ့ ယုံတမ်းစကားများ အောက်စီဂျင် ရှူရင် စွဲတတ်တယ်။ အဆုတ်မှာ ရောဂါတစ်ခုခုရှိလို့ ခန္ဓာကိုယ်က အောက်စီဂျင်လိုအပ်ချက်ကို မဖြည့်နိုင်တဲ့အခါ သွေးတွင်းအောက်စီဂျင် စကျလာပြီး ဆဲလ်တွေဆီကို အောက်စီဂျင်ရတာ နည်းလာပါတယ်။ ဒီလိုအခါမျိုးမှာ လူနာအနေနဲ့ ဒီတိုင်း လေထဲက အောက်စီဂျင်ကို ရှူနေလို့ မလုံလောက်တော့ပါဘူး။ အောက်စီဂျင်စက်တွေ၊ စလင်ဒါတွေကို အားကိုးလာရပါပြီ။ ဒါပေမယ့် လူတွေ ထင်နေတာက ဒီလို အောက်စီဂျင်ကို ကြာကြာရှူနေတာ၊ များများရှူနေတာက […]