home

What are your concerns?

close
Inaccurate
Hard to understand
Other

သို့မဟုတ် လင့်ခ်ကူးယူမည်

ခံတွင်းတွေ့စေမယ့် သပြုသီး ကပေးစွမ်းတဲ့ ကျန်းမာရေးအာနိသင်

ခံတွင်းတွေ့စေမယ့် သပြုသီး ကပေးစွမ်းတဲ့ ကျန်းမာရေးအာနိသင်

သပြုသီး က ကြည့်လိုက်ရင် အရသာရှိမယ်လို့ သိပ်မထင်ရပေမယ့် စားလိုက်တဲ့အခါ သူ့ရဲ့ ချဉ်ပြုံးပြုံးအရသာလေးကတော်တော်လေးစားကောင်းပါတယ်။ ခံတွင်းရှင်းသလို လန်းဆန်းမှုလည်းရစေပါတယ်။ ဟင်းချက်တဲ့အခါ အချဉ်အရသာရအောင် ထည့်ချက်ကြတဲ့ မရမ်းသီးမန်ကျည်းသီးတို့နဲ့မတူဘဲ သပြုသီးချဉ်တဲ့အရသာလေးက စားရတာခံတွင်းတွေ့လှပါတယ်။

သပြုသီး ဆိုတာ

သပြုသီးရဲ့ သိပ္ပံနာမည်ကDillenia indicaဖြစ်ပြီး အရှေ့တောင်အာရှဒေသ၊ ဘင်္ဂလားဒေ့ရှ်၊ အိန္ဒိယ၊ သီရိလင်္ကာ၊ တရုတ်နိုင်ငံအနောက်တောင်ပိုင်း၊ ဗီယက်နမ်၊ မလေးရှား၊ အင်ဒိုနီးရှား၊ ထိုင်း နဲ့မြန်မာနိုင်ငံတို့မှာပေါက်ရောက်ကြပါတယ်။ သပြုပင်က ပူနွေးစိုစွတ်သောရာသီဥတုမှာပေါက်ရောက်တတ်ကြပြီး အမြဲစိမ်းအပင်တစ်မျိုးပါ။ အပင်ကြီးတစ်မျိုးဖြစ်ပြီးပေ ၃၀ ကနေ ၈၀ အထိမြင့်တတ်ကြပါတယ်။ သပြုပင်ကအရွက်၊အသီး၊အခေါက်အားလုံးနီးပါးက အသုံးတည့်ကြတာပါ။

သပြုသီးမှာပါတဲ့ အာဟာရဓါတ်တွေက ဘာတွေလဲ………..

သပြုသီးမှာ

သပြုသီးက ဘယ်လိုဆေးဖက်ဝင်လဲ……

သပြုသီးကို စားသုံးပေးတာက အခုလိုကျန်းမာရေးအကျိုးကျေးဇူးတွေရရှိစေနိုင်ပါတယ်။

သွေးပေါင်ချိန် ထိန်းညှိပေးတယ်

ငှက်ပျောသီးလိုမျိုး ပိုတက်ဆီယမ်ပါဝင်မှုမများပေမယ့် သပြုသီးကသွေးပေါင်ချိန်ကိုကောင်းကောင်းထိန်းညှိပေးနိုင်ပါတယ်။သွေးတိုးရှိသူတွေအတွက် အဆင်ပြေသလိုသွေးတိုးမဖြစ်အောင် ကာကွယ်ချင်သူတွေအတွက်လည်း အထူးသင့်တော်ပါတယ်။သွေးပေါင်ချိန်ကိုထိန်းညှိပေးသလိုသွေးတွင်းကအဆိပ်အတောက်တွေကိုလည်း ဖယ်ရှားပေးပါတယ်။

မျက်လုံးကျန်းမာစေနိုင်ပါတယ်

သပြုသီးမှာ မျက်လုံးအတွက် အရေးပါတဲ့ အာဟာရဓါတ်တစ်မျိုးဖြစ်တဲ့ ဗီတာမင် A ကြွယ်ဝစွာပါဝင်နေတာကြောင့် မျက်စိကျန်းမာစေနိုင်ပါတယ်။ အမြင်အာရုံဝေဝါးတာ၊ အသက်အရွယ်ကြောင့်ဖြစ်တဲ့ အမြင်အာရုံချို့ယွင်းတာတွေကို သိသိသာသာသက်သာစေနိုင်ပါတယ်။ မျက်လုံးကျန်းမာရေးကိုစောင့်ရှောက်တဲ့အနေနဲ့လည်း သပြုသီး ကို စားပေးလို့ရပါတယ်။

ကိုယ်ခံအားကောင်းစေနိုင်တယ်

ဗီတာမင် C ကြွယ်ဝစွာပါဝင်နေတာကြောင့် ကိုယ်ခံအားကို အကောင်းဆုံးတိုးမြှင့်ပေးနိုင်ပါတယ်။ ခန္ဓါကိုယ်ကို အအေးမိဖျားနာတာတွေကနေ အထိရောက်ဆုံးကာကွယ်ပေးပြီး အခြားသောရောဂါတွေကူစက်ဝင်ရောက်မခံရအောင်လည်း အကောင်းဆုံးကာကွယ်ပေးနိုင်မှာပါ။

အသားအရေကျန်းမာစေနိုင်တယ်

အရေပြားကို အိုမင်းရင့်ရော်စေနိုင်တဲ့free radicalsတွေကို တိုက်ထုတ်ပေးတဲ့ ဗီတာမင် C ကြွယ်ဝစွာပါဝင်နေတာကြောင့် အရွယ်မတိုင်ခင် အိုမင်းရင့်ရော်မှုကို အကောင်းဆုံးတားဆီးပေးနိုင်ပါတယ်။ အသားအရေကို ကြည်လင်ပြီး အရွယ်တင်နုပျိုစေချင်ရင်တော့ သပြုသီးစားပေးလို့ရပါတယ်။

ခန္ဓါကိုယ်ကို အင်အားပြည့်စေနိုင်တယ်

ဗီတာမင် B ကြွယ်ဝစွာပါဝင်နေတာကြောင့် ခန္ဓါကိုယ်မှာ အားမရှိတာ၊ခြေကုန်လက်ပမ်းကျတာမျိုးတွေမဖြစ်အောင် အထိရောက်ဆုံးကာကွယ်ပေးနိုင်ပါတယ်။ ပင်ပန်းလွယ်သူတွေစားသုံးပေးသင့်ပါတယ်။ ဦးနှောက်နဲ့အာရုံကြောဆဲလ်တွေကိုလည်း အကောင်းဆုံးအားဖြည့်ပေးနိုင်ပါတယ်။

သွေးအားနည်းရောဂါမဖြစ်အောင် ကာကွယ်ပေးတယ်

ခန္ဓါကိုယ်ကျန်းမာစေဖို့ လိုအပ်တဲ့ဓါတ်တစ်မျိုးဖြစ်တဲ့ သံဓါတ်ကိုလည်းပြည့်ဝအောင်ထောက်ပံ့ပေးပါတယ်။ ဒါကြောင့် သံဓါတ်အားနည်းပြီးသွေးအာနည်းရောဂါမဖြစ်စေဖို့ဆိုရင် သပြုသီးကို စားပေးလို့ရပါတယ်။သွေးအားကောင်းသလို၊သွေးကြောလေးတွေကို ကျန်းမာစေပြီးသွေးတွင်းအဆိပ်အတောက်ကို အထိရောက်ဆုံးဖယ်ရှားပေးနိုင်ပါတယ်။

ဒါတွေအပြင် သပြုသီးက အစာအိမ်အနာကိုသက်သာစေသလို၊ ဆံသားကိုကျန်းမာစေပြီးဗောက်ပျောက်စေနိုင်ပါတယ်။ နှလုံးနဲ့အသည်းကိုကျန်းမာစေနိုင်သလို ဆီးချိုရောဂါကိုလည်း သက်သာစေနိုင်ပါသေးတယ်။ စမ်းသပ်ဆဲရလဒ်တစ်ခုအရကတော့ ကင်ဆာကိုပါ ကာကွယ်ပေးတယ်လို့ဆိုပါတယ်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ရင်းမြစ်များ

Health Benefits of Elephant Applehttps://healthybenefits.info/health-benefits-of-elephant-apple/ Accessed Date 6 September 2019

Introduction of Elephant Apple https://www.fruitsinfo.com/elephant-apple-tropical-fruit.phpAccessed Date 6 September 2019

Health Benefits of Having Elephant Apples Regularlyhttps://www.healthybuilderz.com/health-benefits-elephant-apples-regularly/Accessed Date 6 September 2019

စာရေးသူ ဓာတ်ပုံbadge
Aye Thi Mon မှ ရေးသားသည်။ 28/10/2021 တွင် ပြန်လည်ပြင်ဆင်ခဲ့သည်။
Dr. Thurein Hlaing Win မှ အချက်အလက် စစ်ဆေးထားပါသည်။