သွေးတွင်းကိုလက်စထရော များတာက ကျန်းမာရေးကို ထိခိုက်စေနိုင်ပါတယ်။ သွေးတွင်းအဆီကင်းတာက သွေးစီးဆင်းမှု ကောင်းစေဖို့လုပ်ဆောင်ပေးသလို နှလုံးသွေးကြော ကျဉ်းတာ၊ လေဖြတ်တာမျိုးတွေ မဖြစ်အောင် ကာကွယ်ပေးပါတယ်။ ဒါကြောင့် သွေးတွင်းအဆီကျစေဖို့ဆိုရင် ပျဉ်းမဖြူကို အသုံးပြုပေးလို့ ရပါတယ်။
ပျဉ်းမဖြူရဲ့ နောက်ထပ်အာနိသင်လေး တစ်ခုက အရေပြားကို ကျန်းမာစေပြီး အနာကျက်စေနိုင်တာပါ။ အနာပိုးဝင်တာမျိုး မဖြစ်အောင်လည်း ကာကွယ်ပေးနိုင်ပါတယ်။
- ကိုယ်တွင်းက အဆိပ်အတောက် ဖယ်ရှားပေးတယ်
ကိုယ်တွင်းမှာ အဆိပ်အတောက်တွေ များနေတာကို ဖယ်ရှားချင်တယ်ဆိုရင်လည်း ပျဉ်းမဖြူကို အသုံးပြုပေးလို့ ရပါတယ်။ Tannin ဒြပ်ပေါင်းက ကိုယ်တွင်းမှာ အဆိပ်အတောက်တွေကို ထိထိရောက်ရောက် ဖယ်ရှားပေးနိုင်ပါတယ်။
ဘာတွေ သတိထားရမလဲ
ပျဉ်းမဖြူက ကျန်းမာရေးအတွက် ကောင်းတယ်ဆိုပေမယ့် သိပ္ပံနည်းကျ အတည်ပြုဖို့ လိုပါသေးတယ်။ သဘာဝကရတယ်ဆိုပေမဲ့ ဓာတုဗေဒနည်းအရ သန့်စင်ထားတာမျိုး မရှိရင် ဥပါဒ်ဖြစ်နိုင်ပါတယ်။ ဒါကြောင့် အထက်ပါရောဂါတွေ ဖြစ်လာခဲ့ရင် တတ်ကျွမ်းသူနဲ့သာ ပြသဖို့ အကြံပြုလိုပါတယ်။ ဒီဆောင်းပါးက ဗဟုသုတအနေနဲ့သာ မျှဝေထားခြင်း ဖြစ်ပါတယ်။
ဘယ်သူတွေ အသုံးမပြုသင့်ဘူးလဲ
ကိုယ်ဝန်ဆောင်နဲ့ ကလေးငယ်တွေ၊ ရောဂါအခံ ရှိသူတွေ၊ ကျန်းမာရေး ပြဿနာ တစ်ရပ်ရပ်ကြောင့် ဆေးသောက်နေရသူတွေ အနေနဲ့ ဆရာဝန်နဲ့ သေချာ တိုင်ပင်ပြီးမှ အသုံးပြုသင့်ပါတယ်။ အထူးသဖြင့် ကင်ဆာရောဂါတွေအနေနဲ့ ပျဉ်းမဖြူကို ကိုယ့်သဘောနဲ့ကိုယ် မသုံးသင့်ပါဘူး။ ကင်ဆာဆဲလ်တွေ ကြီးထွားတာကို တားတယ်ဆိုပေမဲ့ ဆက်လက်လေ့လာဖို့ လိုပါသေးတယ်။ ပျဉ်းမဖြူကို အသုံးပြုရင်း ကျောက်ကပ်ထိသွားခဲ့ရင် ကင်ဆာကုထုံးတွေပါ ရပ်လိုက်ရပြီး ကုသမှုကို ထိခိုက်နိုင်တာကြောင့် အသုံးမပြုဖို့ အကြံပြုချင်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။