ဟင်းခတ်ငရုတ်ကောင်းရဲ့ကျန်းမာရေးအကျိုးကျေးဇူး (၁၀) ခု

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 11, 2020 . 2 mins read
Share now

ငရုတ်ကောင်းနံ့မွှေးမွှေးလေးနဲ့ဆို ဟင်းခါးလေးဖြစ်ဖြစ်၊ မုန့်ဟင်းခါးလေးဖြစ်ဖြစ် အတော်ခံတွင်းမြိန်ကြတယ်မလား။ အရှေ့တိုင်းထမင်းဝိုင်းမှာ ပါလေ့ရှိတဲ့ ဟင်းခတ်အမွှေးအကြိုင်ဖြစ်သလို အနောက်တိုင်းအစားအစာ၊ ဥရောပအစားအစာတွေမှာလည်း ငရုတ်ကောင်းလေးဖြူးထားတာ တွေ့ရများပါတယ်။

သည်လို အစားတလိုင်းတွေရဲ့မိတ်ဆွေကြီး ငရုတ်ကောင်းက ခံတွင်းမြိန်စေတယ်၊ အခိုးပွင့်စေတယ်ဆိုတာအပြင် အသားအရေအတွက်အပါအဝင် တခြားကျန်းမာရေး အကျိုးကျေးဇူးတွေရှိနေသေးတယ်ဆိုတာကို သင်သိပါသလား။ဘာတွေဖြစ်မလဲ ကြည့်လိုက်ရအောင် –

(၁) စိတ်ကျခြင်းကို သက်သာစေခြင်း

ငရုတ်ကောင်းမှာ ပါတဲ့ piperine ဆိုတဲ့ဒြပ်ပေါင်းက စိတ်ကျဝေဒနာခံစားနေရတဲ့သူတွေအတွက် အရမ်းကိုအကျိုးပြုပါတယ်တဲ့။ ဦးနှောက်ရဲ့လုပ်ဆောင်ချက်တွေကိုကောင်းမွန်စေပြီး မှတ်ဉာဏ်လည်းကောင်းစေပါတယ်။

သုတေသနတွေအရ ငရုတ်ကောင်းနည်းနည်းကို ပုံမှန်စားပေးရင် စိတ်ကျရောဂါသက်သာစေပြီး ဦးနှောက်စွမ်းရည်ကို သိသိသာသာတိုးတက်စေတယ်လို့ဆိုပါတယ်။

(၂) အစာခြေစနစ်ကိုကောင်းစေခြင်း

အစာခြေတဲ့စနစ်အတွက် မရှိမဖြစ်လိုအပ်တဲ့ hydrochloric acid ဆိုတဲ့အက်စစ်ဓာတ်ကို ခန္ဓာကိုယ်ကထုတ်ပေးပါတယ်။ ငရုတ်ကောင်းက အဲဒီအက်စစ်ဓာတ်ထွက်ရှိမှုကိုအားပေးပြီး အစာချေဖျက်မှုပိုကောင်းစေပါတယ်။ လေလည်စေပြီး ချွေးထွက်ခြင်းနဲ့ဆီးသွားခြင်းကို နှိုးဆွပေးနိုင်စွမ်းရှိလို့ ခန္ဓာကိုယ်ထဲက အဆိပ်အတောက်တွေကိုကင်းစင်စေပါတယ်။

(၃) အာဟာရစုပ်ယူမှုအားကောင်းစေခြင်း

ငရုတ်ကောင်းလေးထည့်စားရင် တခြားအစားအစာတွေထဲကနေ အာဟာရဓာတ်စုပ်ယူနိုင်စွမ်းပိုကောင်းစေပါတယ်တဲ့။

(၄) ဝိတ်ကျစေခြင်း

ကိုယ်အလေးချိန်ကျဖို့ဆိုရင် အဆီဆဲလ်တွေကိုဖြိုခွင်းနိုင်ဖို့လိုပါတယ်။ငရုတ်ကောင်းက အဆီဆဲလ်တွေပြိုကွဲမှုကို မြန်ဆန်စေပြီး ခန္ဓာကိုယ်ရဲ့ဇီဝဖြစ်စဉ်ကို နှုန်းပိုမြန်စေပါတယ်။

(၅) ချောင်းဆိုးနဲ့ လည်ချောင်းနာပျောက်ကင်းစေခြင်း

ချောင်းဆိုးခြင်းနဲ့တခြားအသက်ရှူလမ်းကြောင်းဆိုင်ရာရောဂါလက္ခဏာတွေကို လျော့ပါးသက်သာစေတဲ့ အာနိသင်တွေ ငရုတ်ကောင်းမှာ ရှိပါတယ်။ ဥပမာ – ချောင်းအရမ်းဆိုးနေတဲ့အချိန် ငရုတ်ကောင်းမှုန့် လက်ဖက်ရည်ဇွန်းလေးပုံတစ်ပုံခန့်ကို ပျားရည်တစ်ဇွန်းနဲ့ရောပြီး စားပေးနိုင်ပါတယ်။

(၆) နှလုံးကျန်းမာစေခြင်း

နှလုံးသွေးကြောနံရံတွေမှာ သွေးတွင်းအဆီတွေကပ်တွယ်နေတာကိုလည်း ငရုတ်ကောင်းကဖယ်ရှားပေးနိုင်လို့ atherosclerosisလို့ခေါ်တဲ့ ရောဂါကို ကာကွယ်နိုင်ပါတယ်။ atherosclerosis ဟာ နှလုံးရုတ်တရက်ရပ်ခြင်းကိုဖြစ်စေတဲ့ အဓိကအကြောင်းရင်းလည်းဖြစ်ပါတယ်။

(၇) သွားကိုက်သက်သာစေခြင်း

ငရုတ်ကောင်းက သွားကိုက်ခြင်းနဲ့ သွားဖုံးရောဂါတွေကို သက်သာစေတဲ့အာနိသင်ရှိပါတယ်။ ပိုးမွှားတွေကိုသေစေတဲ့အာနိသင်ကြောင့် ခံတွင်းမှာ ဘက်တီးရီးယားပျံ့နှံ့မှုကို ကာကွယ်ပေးနိုင်ပါတယ်။

(၈) ဆံပင်ဖြူခြင်းကိုကာကွယ်ခြင်း

ဆံပင်ဖြူခြင်းဟာ အသက်ကြီးသူတွေတင်မက လူငယ်လေးတွေမှာပါရင်ဆိုင်လာရတဲ့ပြဿနာ ဖြစ်ပါတယ်။ အရွယ်မတိုင်ခင်ဆံပင်ဖြူခြင်းကို ကာကွယ်ဖို့ သို့မဟုတ် ဆံပင်ဖြူနောက်ကျစေဖို့ နည်းရှိပါတယ်။ ငရုတ်ကောင်းမှုန့်လက်ဖက်ရည်ဇွန်းလေးပုံတစ်ပုံကို ဒိန်ချဉ်ခွက်တစ်ဝက်ထဲမှာ ထည့်မွှေပါ။ ဦးရေပြားမှာ နှိပ်လိမ်းပေးပြီး နာရီဝက်လောက်ထားပါ။ ညင်သာစွာရေဆေးချပါ။ မကြာခဏ ပုံမှန်လုပ်ပေးရင် ဆံပင်ဖြူခြင်းကို ဟန့်တားနိုင်ပါလိမ့်မယ်

(၉) အဆစ်နာဝေဒနာသည်တွေအတွက် သက်သာစေခြင်း

ငရုတ်ကောင်းကို အရေပြားမှာလိမ်းလိုက်တဲ့အခါ ပူနွေးနွေးခံစားမှုလေး သတိထားမိမှာပါ။ အဲဒါက သွေးလည်ပတ်မှုကောင်းစေပါတယ်။ အဆစ်နာဝေဒနာရှင်တွေကို နာကျင်မှုဝေဒနာသက်သာစေတဲ့အပြင် ယူရစ်အက်စစ်ကိုလည်း လျော့ပါးစေပါတယ်။

(၁၀) ငရုတ်ကောင်းနဲ့ အသားအရေ

ငရုတ်ကောင်းဟာ ခန္ဓာကိုယ်အတွက် အာဟာရဓာတ်တွေပေးစွမ်းနိုင်သလို သူ့ကို ဟင်းခတ်ပဲဖြစ်ဖြစ် ပုံမှန်စားပေးရင် ဝင်းလက်ပြီး ကြည်လင်တဲ့အသားအရေကို ရရှိစေနိုင်ပါတယ်။ ပျားရည် သို့မဟုတ် ဒိန်ချဉ်တို့နဲ့ ရောစပ်ပြီး exfoliator အဖြစ် ဆဲလ်သေဖယ်ရှားရာမှာသုံးနိုင်ပါတယ်။

Hello Health Group သည် ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

မာလာရှမ်းကောထဲမှာပါတဲ့ မက်ခါသီး

မာလာရှမ်းကော မက်ခါသီး ဟင်းခတ် အမွှေးအကြိုင် ငရုတ်ကောင်း အာဟာရ ဓာတ်တိုးဆန့်ကျင်ပစ္စည်း ဗီတာမင် A phosphorous သတ္တုဓာတ် ကျန်းမာရေး လန်းဆန်းစေတယ်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ဆွမ်းမွှေးရွက် ရဲ့ ဆေးဖက်ဝင် အစွမ်းသတ္တိတွေ

ဆွမ်းမွှေးရွက် က မုန့်လက်ဆောင်း ပြုလုပ်ရာမှာ ပါဝင်တာ အပြင် ဘယ်လိုအသုံးဝင်သလဲ ၊ ဘယ်လို ကျန်းမာရေးအကျိုးကျေးဇူးတွေ ပေးနိုင်သလဲ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon

ပေါ်လီဖီနော (Polyphenol) အကြောင်း သိကောင်းစရာ

Polyphenol Flavonoid ပေါ်လီဖီနော ကျန်းမာရေး နှလုံးရောဂါ အမျိုးအစား ၂ ဆီးချို BMI ဘေးထွက်ဆိုးကျိုး ရောင်ရမ်းခြင်း ဟင်းသီးဟင်းရွက်များ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr.Thant Zin

သစ်ကြံပိုးခေါက်၏ ကျန်းမာရေး အကျိုးပြုပုံ

ဟင်းခတ်အမွှေးအကြိုင် ဆေးဖက်ဝင် ဓာတ်တိုးဆန့်ကျင်ပစ္စည်း ကိုလက်စထရော နှလုံးရောဂါဖြစ်နိုင်ခြေ ဆီးချို ဘက်တီးရီးယား အာရုံကြောချို့ယွင်းမှု သစ်ကြံပိုးခေါက်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr.Thant Zin

သင့်အတွက် ရွေးချယ်ထားသည်

ရာသီဥတုကြောင့်ဖြစ်တဲ့ ဓာတ်မတည့်မှု သက်သာစေဖို့ ဘာတွေစားမလဲ။

ရာသီဥတုကြောင့်ဖြစ်တဲ့ ဓာတ်မတည့်မှု သက်သာစေဖို့ ဘာတွေစားမလဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် နိုဝင်ဘာ 11, 2020 . 1 min read
စမုန်စပါးရဲ့ ကျန်းမာရေးအာနိသင်

စမုန်စပါးရဲ့ ကျန်းမာရေးအာနိသင်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် နိုဝင်ဘာ 4, 2020 . 1 min read
ဖျားနေရင် အမြန်ဆုံး သက်သာစေဖို့

ဖျားနေရင် အမြန်ဆုံး သက်သာစေဖို့

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် အောက်တိုဘာ 6, 2020 . 2 mins read
ဆေးဖက်ဝင်ဂျင်ဆင်း၏ အကျိုးကျေးဇူးများ

ဆေးဖက်ဝင်ဂျင်ဆင်း၏ အကျိုးကျေးဇူးများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin
ရေးသား ထုတ်ဝေခဲ့သည် စက်တင်ဘာ 21, 2020 . 2 mins read