ပဲသီးလေး နဲ့ ကျန်းမာရေး

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဇွန် 30, 2020 . 2 ဖတ်ရန် ကြာချိန်
Share now

မုန့်ဟင်းခါးထဲပဲ ထည့်စားစား၊ ချဉ်ရည်ဟင်းထဲပဲ ထည့်ချက်ချက်၊ ပဲဟင်းထဲရောချက်ချက်၊ ဘဲဥ၊ ပုစွန်ခြောက်၊ ပုစွန်ဆိတ် သေးသေးလေးတွေနဲ့ပဲ ရောကြော်ကြော် စားလို့ကောင်းတဲ့ ပဲသီးလေးကို ကြိုက်တဲ့သူ ရှိလား…. ဒါဆိုရင်တော့ ဒီဆောင်းပါးလေးကို ဖတ်ကြည့်နော်။ ပဲသီးက ဘယ်လို အကျိုးကျေးဇူးတွေပေးလဲဆိုတာကို သိရှိနိုင်တာပေါ့။

ပဲသီးလေးကပေးတဲ့ ကျန်းမာရေး

နေ့စဉ်နီးပါး တစ်မျိုးမျိုးနဲ့ စားသောက်နေမိတဲ့ ပဲသီးလေးမှာ ကျန်းမာရေးအတွက် အထောက်အကူပြုတဲ့ ဗီတာမင် နဲ့ သတ္တုဓာတ်တွေ ကြွယ်ဝစွာ ပါဝင်နေပါတယ်။ ပဲသီးလေးကို စားသုံးပေးမယ်ဆိုရင်

ပရိုတင်း ရရှိစေမယ်

ပဲသီး ၁၀၀ ဂရမ်မှာ ပရိတင်း ၈.၃ ဂရမ်အထိ ပါဝင်နေပါတယ်။ ပဲသီးကို နေ့စဉ် စားသုံးပေးတာက ခန္ဓာကိုယ် အတွက် လိုအပ်တဲ့ ပရိုတင်းကို ဖြည့်တင်းရာ ရောက်ပါတယ်။

ဗီတာမင် B Complex ပါဝင်နေတယ်

ပဲသီး ၁၀၀ ဂရမ်မှာ ဖောလိတ် ၃၇ ရာခိုင်နှုန်း၊ thiamin ၁၄ ရာခိုင်နှုန်း၊ riboflavin ၄ ရာခိုင်နှုန်း၊ pantothenic acid ၄ ရာခိုင်နှုန်း၊ niacin ၃ ရာခိုင်နှုန်း ပါဝင်နေပါတယ်။ ပဲသီးမှာ ခန္ဓာကိုယ်အတွက် မရှိမဖြစ် လိုအပ်တဲ့ ဗီတာမင် B အုပ်စု ပြည့်ဝစွာ ပါဝင်နေပါတယ်။ 

ဗီတာမင် B complex က စွမ်းအင်ထုတ်လုပ်ရာမှာ အရေးပါတဲ့ အခန်းကဏ္ဍကနေ ပါဝင်နေသလို အာရုံကြောတွေကို အကောင်းဆုံးထောက်ပံ့ပေးနိုင်ပါတယ်။ ​ဗီတာမင် B အားနည်းတဲ့အခါ ပင်ပန်းနွမ်းနယ်တာ၊ အားအင်ကုန်ခမ်းတာမျိုး ခံစားရနိုင်ပါတယ်။

အမျှင်ဓာတ် ပါဝင်မှုများတယ်

ပဲသီးမှာ အမျှင်ဓာတ်ကြွယ်ဝစွာ ပါဝင်နေပါတယ်။ ပဲသီး ၁၀၀ ဂရမ်မှာ အမျှင် ၄ ဂရမ်အထိ ပါဝင်နေပါတယ်။ အမျှင်ဓာတ်က အစာခြေစနစ်ကို ကျန်းမာစေနိုင်သလို သွေးတွင်း သကြားဓာတ်ကို ထိန်းညှိပေးနိုင်ပါတယ်။ ဇီဝကမ္မဖြစ်စဉ်ကို တိုးတက်စေနိုင်ပါတယ်။

ကယ်လ်ဆီယမ် ပါဝင်နေတယ်

ပဲသီး ၁၀၀ ဂရမ်မှာ ကယ်လ်ဆီယမ် ၄၂ မီလီဂရမ် ပါဝင်နေပြီး တစ်နေ့တာ ကယ်လ်ဆီယမ် လိုအပ်ချက်ရဲ့ ၄ ရာခိုင်နှုန်းပါ။ ကယ်လ်ဆီယမ်က အရိုးတွေ နဲ့ သွားတွေကို သန်မာစေနိုင်သလို အာရုံကြော နဲ့ ကြွက်သားတွေကို ကောင်းစွာ လုပ်ဆောင်နိုင်စေပါတယ်။

သံဓာတ် ပါဝင်နေတယ်

ပဲသီး ၁၀၀ ဂရမ်မှာ သံဓာတ် ၂.၆ မီလီဂရမ် ပါဝင်နေပြီး တစ်နေ့တာ သံဓာတ် လိုအပ်ချက်ရဲ့ ၁၅ ရာခိုင်နှုန်းပါ။ သံဓာတ်က သွေးနီဥဆဲလ်တွေ၊ ကြွက်သားဆဲလ်တွေ ဖြစ်ပေါ်စေဖို့ အကောင်းဆုံး အားဖြည့်ပေးပါတယ်။ သွေးအားနည်းရောဂါ မဖြစ်စေဖို့ အကောင်းဆုံး အားဖြည့်ပေးပါတယ်။

မဂ္ဂနီဆီယမ် ပါဝင်တယ်

ပဲသီး ၁၀၀ ဂရမ်မှာ မဂ္ဂနီဆီယမ် ၉၈ မီလီဂရမ် ပါဝင်နေပြီး တစ်နေ့တာ မဂ္ဂနီဆီယမ် လိုအပ်ချက်ရဲ့ ၂၅ ရာခိုင်နှုန်းပါ။ အရိုးနဲ့သွားတွေ ကြံ့ခိုင်စေဖို့ အားဖြည့်ပေးသလို ကြွက်သားနဲ့ အာရုံကြောတွေ လုပ်ဆောင်မှုကို ကောင်းမွန်စေပါတယ်။ ကိုယ်တွင်းက အင်ဇိုင်းတွေရဲ့ လုပ်ဆောင်မှုကိုလည်း ကောင်းမွန်စေပါတယ်။

Manganese ပါဝင်တယ်

ပဲသီး ၁၀၀ ဂရမ်မှာ Manganese ၀.၅ မီလီဂရမ် ပါဝင်နေပြီး တစ်နေ့တာ Manganese လိုအပ်ချက်ရဲ့ ၂၄ ရာခိုင်နှုန်းပါ။ Manganese က အင်ဇိုင်းတွေရဲ့ လုပ်ဆောင်မှုကိုလည်း ကောင်းမွန်စေသလို ဇီဝကမ္မဖြစ်စဉ်ကို တိုးတက်ကောင်းမွန်စေပါတယ်။ အဆစ်တွေကိုလည်း ကျန်းမာစေနိုင်ပါတယ်။ 

Phosphorus ပါဝင်တယ်

ပဲသီး ၁၀၀ ဂရမ်မှာ phosphorus ၁၈၁ မီလီဂရမ် ပါဝင်နေပြီး တစ်နေ့တာ phosphorus လိုအပ်ချက်ရဲ့ ၁၈ ရာခိုင်နှုန်းပါ။ ခန္ဓာကိုယ်မှာ အင်အားပြည့်စေသလို အရိုးနဲ့သွားတွေကို သန်မာစေပါတယ်။

Copper ပါဝင်တယ်

ပဲသီး ၁၀၀ ဂရမ်မှာ copper ၀.၂ မီလီဂရမ် ပါဝင်နေပြီး တစ်နေ့တာ copper လိုအပ်ချက်ရဲ့ ၁၁ ရာခိုင်နှုန်းပါ။ copper က အရေပြား ကျန်းမာရေးကို အားဖြည့်ပေးသလို စိတ်ဖိစီးမှုကို ပြေလျော့စေပြီး ရောဂါတွေကိုလည်း ခုခံပေးပါတယ်။ 

ပိုတက်ဆီယမ် ပါဝင်တယ်

ပဲသီး ၁၀၀ ဂရမ်မှာ ပိုတက်ဆီယမ် ၃၁၅ မီလီဂရမ် ပါဝင်နေပြီး တစ်နေ့တာ ပိုတက်ဆီယမ် လိုအပ်ချက်ရဲ့ ၉ ရာခိုင်နှုန်းပါ။ ပိုတက်ဆီယမ်က အာရုံကြောတွေကို လုပ်ဆောင်မှုကောင်းစေသလို ကြွက်သားတွေကို သန်မာစေပါတယ်။

ဇင့် ပါဝင်တယ်

ပဲသီး ၁၀၀ ဂရမ်မှာ ဇင့် ၁.၁ မီလီဂရမ် ပါဝင်နေပြီး တစ်နေ့တာ ဇင့် လိုအပ်ချက်ရဲ့ ၇ ရာခိုင်နှုန်းပါ။ ဇင့်က သွေးနီဥဆဲလ်တွေ နဲ့ အရိုးတွေ ဖြစ်ပေါ်စေဖို့ အားဖြည့်ပေးပါတယ်။

Selenium ပါဝင်ပါတယ်

ပဲသီး ၁၀၀ ဂရမ်မှာ selenium ၂.၈ မီလီဂရမ် ပါဝင်နေပြီး တစ်နေ့တာ selenium လိုအပ်ချက်ရဲ့ ၄ ရာခိုင်နှုန်းပါ။ selenium က အင်ဇိုင်းတွေ လုပ်ဆောင်မှု ကောင်းစေဖို့ အားဖြည့်ပေးသလို ခန္ဓာကိုယ်ကို ဓာတ်တိုးပစ္စည်းတွေကြောင့် ထိခိုက်မှု မဖြစ်စေဖို့ ကာကွယ်ပေးပါတယ်။ 

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

Read also:

ဒီဆောင်းပါးက သင့်အတွက် အသုံးဝင်ပါသလား။
happy unhappy"
ရင်းမြစ်များ

သင်ဒါလည်း နှစ်သက်နိုင်ပါတယ်။

ဘာကြောင့် လက်တုန် ရတာလဲ ၊ ဒါတွေကြောင့် ဖြစ်နိုင်ပါတယ်။

လက်တုန် တုန်ရီခြင်း ခြေ လက် ထုံကျဉ် အာရုံကြော ရောဂါအကြောင်းရင်း အာဟာရချို့တဲ့ခြင်း သိုင်းရွိုက် စိတ်ဖိစီးမှု သွေးတွင်းသကြား ဆေးဝါး

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon

ခံတွင်းကျန်းမာရေးအတွက် တံထွေးက ဘာလုပ်ပေးသလဲ။

ပါးစပ် ခန္ဓာကိုယ် antibodies အစာခြေ အရသာခံ သွားဖုံး သွားပိုးစားတာ လက္ခဏာ ခံတွင်းခြောက် အင်ဇိုင်းတွေ ခံတွင်းအနံ့ဆိုး ဘက်တီးရီးယား

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon
ကျန်းမာစွာနေထိုင်ခြင်း, ခံတွင်းကျန်းမာရေး ဇူလိုင် 3, 2020 . 2 ဖတ်ရန် ကြာချိန်

ဗီတာမင် B ကြွယ်ဝဖို့ ဒါတွေစားကြစို့

ခန္ဓာကိုယ် ဗီတာမင် သတ္တုဓာတ် ဗီတာမင် B ကိုယ်ခံအား ဦးနှောက် မျိုးဗီဇဆဲလ် ဆယ်လ်မွန် အစိမ်းရောင် ဟင်းသီးဟင်းရွက်တွေ ဟင်းနုနွယ်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon

ဗီတာမင် B က ခန္ဓာကိုယ်အတွက် ဘာတွေများ လုပ်ပေးလဲ။

ဗီတာမင် B ခန္ဓာကိုယ် ဆဲလ်တွေ ဇီဝကမ္မဖြစ်စဉ် အရေပြားဆဲလ် ဦးနှောက်ဆဲလ် thiamin folate နှလုံး အသည်း ဦးနှောက် သကြားဓာတ် fatty acids စတီးရွိုက်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon

သင့်အတွက် ရွေးချယ်ထားသည်

မကြာခဏ ခေါင်းကိုက်တတ်သူ တစ်ယောက်အတွက် အသုံးဝင်နိုင်မယ့် နည်းလမ်းများ

မကြာခဏ ခေါင်းကိုက်တတ်သူ တစ်ယောက်အတွက် အသုံးဝင်နိုင်မယ့် နည်းလမ်းများ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Thiha Phyo Myint
ရေးသား ထုတ်ဝေခဲ့သည် ဇူလိုင် 3, 2020 . 2 ဖတ်ရန် ကြာချိန်
စီးကရက် အမြဲ ခဲနေတတ်တာ ဂုဏ်ယူစရာလား

စီးကရက် အမြဲ ခဲနေတတ်တာ ဂုဏ်ယူစရာလား

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon
ရေးသား ထုတ်ဝေခဲ့သည် ဇူလိုင် 3, 2020 . 2 ဖတ်ရန် ကြာချိန်
ကာကွယ်ဆေးအကြောင်းသိကောင်းစရာများ (၂)

ကာကွယ်ဆေးအကြောင်းသိကောင်းစရာများ (၂)

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Thiha Phyo Myint
ရေးသား ထုတ်ဝေခဲ့သည် ဇူလိုင် 3, 2020 . 3 ဖတ်ရန် ကြာချိန်
ဘော်ဒီ တက်လာအောင် ဘာတွေ စားရမလဲ

ဘော်ဒီ တက်လာအောင် ဘာတွေ စားရမလဲ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon
ရေးသား ထုတ်ဝေခဲ့သည် ဇူလိုင် 3, 2020 . 3 ဖတ်ရန် ကြာချိန်