ကျန်းမာစေမည့်အလေ့အကျင့်များ

ထိခိုက်ဒဏ်ရာမရဘူးသူရယ်လို့ မရှိလောက်ပါဘူး။ ထိခိုက်ဒဏ်ရာရရင် ဘယ်လိုမျိုး ထိန်းသိမ်းစောင့်ရှောက်ရမလဲဆိုတာကိုလည်း တော်တော်များများက သိသင့်သလောက် သိပြီးသားဖြစ်မှာပါ။ ထိခိုက်ဒဏ်ရာရရင် ကိုယ်လုပ်နေကျလုပ်ရပ်တွေက မှန်ကန်ရဲ့လားဆိုတာနဲ့ ဒဏ်ရာထိန်းသိမ်းနည်းကို ဘယ်လောက်ထိသိထားလဲဆိုတာကို နည်းနည်းလောက်စစ်ဆေးကြည့်ရအောင်လား။   (၁) ထိခိုက်ဒဏ်ရာရရင် အရင်ဆုံးလုပ်သင့်တာက (က) ဒဏ်ရာကို အရင်ဆုံး ဆေးကြောမယ် (ခ) ဒဏ်ရာကို ကိုင်မယ့်လက်ကိုဆေးကြောမယ် (ဂ) ထိခိုက်မိတဲ့အရာကို စစ်ဆေးမယ် အဖြေ - (ဂ) ထိခိုက်မိတဲ့အရာကို စစ်ဆေးမယ်။ အနာတရဖြစ်အောင်ထိခိုက်မိတဲ့ အရာက ညစ်ပေနေသလားဆိုတာကို အရင်ဆုံးစစ်ဆေးရပါမယ်။   (၂) အနာတိုင်းကို အရက်ပြန်နဲ့ဆေးဖို့လိုတယ်။ မှန်/ မှား အဖြေ - မှားပါတယ်။ အနာတိုင်းကို အရက်ပြန်နဲ့ ဆေးကြောဖို့မလိုပါဘူး။ တစ်ရှုးတွေထိခိုက်ပျက်စီးတာမျိုးဖြစ်စေနိုင်တာကြောင့်ပါ။ အနာကိုရေသန့်သန့်လေးသုံးပြီးသေချာဆေးကြောပေးရင်ရပါတယ်။   (၃) ထိခိုက်ဒဏ်ရာရတဲ့အခါ အနာကို မသန့်စင်ခင် သွေးတိတ်အောင်အရင်လုပ်သင့်ပါတယ်။ မှန်/ မှား အဖြေ - မှန်ပါတယ်။ ထိခိုက်ဒဏ်ရာရတဲ့ အခါ အနာကိုအဝတ်စသန့်သန့်လေးနဲ့ခပ်ဖွဖွလေး ဖိထားပြီး သွေးတိတ်အောင်အရင်လုပ်ရပါမယ်။   (၄) အနာကိုဆေးကြောတဲ့အခါ ရေနဲ့ဆပ်ပြာသုံးပြီး (က) […]

ဒဏ်ရာတွေရလာတဲ့အခါ ဆေးလိမ်းဆေးသောက်ရုံနဲ့ သက်သာသွားတာမျိုးရှိသလို ဒဏ်ရာက ပြင်းထန်လွန်းတဲ့အခါ၊ ကြီးလွန်းတဲ့အခါမျိုးမှာတော့ အနာကို ပိုးမဝင်အောင် ကာကွယ်ဆေးထိုးရတာမျိုးရှိပါတယ်။ တိရစ္ဆာန်လေးတွေ ကိုက်ခံရတဲ့အခါ၊ လူကိုက်ခံရတဲ့အခါမျိုးမှာလည်း မေးခိုင်ကာကွယ်ဆေးထိုးဖို့ လိုအပ်ပါတယ်။ မေးခိုင်ပိုးကို မဖြစ်ခင်က ကြိုတင်ကာကွယ်တာက အကောင်းဆုံးပါ။ ဘာကြောင့်လဲဆိုတော့ မေးခိုင်ပိုးက ရောဂါအဆင့်ထိဖြစ်သွားပြီဆိုရင် ကုသလို့မရတော့ဘဲ သေဆုံးနိုင်သည်အထိဖြစ်လို့ပါ။ အခုတစ်ခေါက်တော့ ဘယ်လိုထိခိုက်ဒဏ်ရာမျိုးတွေဆိုရင် မေးခိုင်ကာကွယ်ဆေးထိုးဖို့လိုလဲဆိုတာနဲ့ မေးခိုင်ရောဂါပိုးနဲ့ ပတ်သက်လို့သိထားသင့်တဲ့အကြောင်းအရာလေးတွေကိုပြောပြပေးချင်ပါတယ်။ မေးခိုင်ပိုးဆိုတာ မေးခိုင်ရောဂါက Clostridium tetani လို့သိကြတဲ့ ဘက်တီးရီးယားတစ်မျိုးကြောင့်ဖြစ်တဲ့ ရောဂါတစ်မျိုးပါ။ အဆိုပါ ဘက်တီးရီးယားကထုတ်လွှတ်လိုက်တဲ့အဆိပ်က အာရုံကြောလုပ်ငန်းစဉ်တွေကို ထိခိုက်စေပြီး ဝမ်းဗိုက်၊ လည်ပင်း၊အစာအိမ်တို့ကကြွက်သားတွေကို အကြောဆွဲတာမျိုးတွေဖြစ်စေနိုင်သလိုခြေလက်ကြွက်သားတွေကိုလည်း ရုတ်တရက်အကြောဆွဲတာမျိုး ဖြစ်စေနိုင်ပါတယ်။ ဒီရောဂါပိုးက တစ်ခါတလေမှာမျက်နှာနဲ့လည်ပင်းကြွက်သားတွေကို အကြောဆွဲတာမျိုးဖြစ်စေပြီး ပါးစပ်ဖွင့်လို့မရတဲ့အခြေအနေမျိုးတွေ ဖြစ်စေနိုင်တာကြောင့်မေးခိုင်ပိုးလို့ခေါ်တာလည်းဖြစ်ပါတယ်။ မေးခိုင်ရောဂါကပြင်းထန်တဲ့ရောဂါတစ်မျိုးဖြစ်ပြီးသေဆုံးတာမျိုးထိဖြစ်နိုင်ပါတယ်။ ဘယ်လိုအခြေအနေတွေက မေးခိုင်ပိုးဝင်စေနိုင်တာလဲ မြေကြီးတွေ၊ဖုန်မှုန့်တွေ၊ ညစ်ပတ်တဲ့ရေတွေထဲမှာ မေးခိုင်ရောဂါဖြစ်စေနိုင်တဲ့ ဘက်တီးရီးယားတွေရှိနေတတ်ပါတယ်။ ဒီရောဂါပိုးတွေကသေချာမကာကွယ်ထားတဲ့ အနာတွေ၊ ဒဏ်ရာတွေကနေတဆင့် […]

အသေးစားပြတ်ရှဒဏ်ရာ၊ ထိခိုက်ဒဏ်ရာတွေနဲ့ ကုတ်ခြစ်မိတဲ့အနာတရဖြစ်မှုတွေကနေ့စဉ်ဘဝတွေရဲ့ တစ်စိတ်တစ်ပိုင်းပါပဲ။ လူတိုင်းဟာ သွားလာလှုပ်ရှားနေချိန်မှာ အသေးစား ထိခိုက်ဒဏ်ရာတွေကနေစလို့ အကြီးစားထိခိုက်ဒဏ်ရာတွေတောင်ရရှိနိုင်ပါတယ်။ ဒီလိုထိခိုက်ဒဏ်ရာဖြစ်မှုတွေက ကိုယ့်ကိုကိုယ် ကောင်းကောင်းမွန်မွန်ထိန်းသိမ်းနိုင်စွမ်းမရှိသေးတဲ့ ကလေးတွေမှာဆို ပိုပြီး မကြာဏဖြစ်တတ်ပါတယ်။ မီးမီးလေးတွေဆို အိုးပုတ်တွေနဲ့ဟင်းချက်တမ်း ကစားတဲ့အခါမေမေတွေ မမတွေလုပ်သလိုမျိုး ဓါးနဲ့ဟင်းရွက်တွေကို လှီးကြည့်ရင်းက မတော်တဆဓါးရှတာမျိုးတောင်ဖြစ်နိုင်ပြီး သားသားတွေကတော့ ပြေးရင်းလွှားရင်း ဒူးပြဲ တာလိုမျိုး မတော်တဆထိခိုက်မိတာမျိုးလေးတွေရှိတတ်ပါတယ်။ ကလေးနဲ့မတော်တဆထိခိုက်မှုတွေက သူငယ်ချင်းလိုပါပဲ။ အဆော့သန်တဲ့ကလေးတွေဆိုရင် ဒဏ်ရာဒဏ်ချက်နဲ့ကင်းနေတယ်လို့ကိုမရှိတာပါ။   ကလေးတွေမှာဖြစ်တတ်တဲ့ ထိခိုက်ဒဏ်ရာတွေ ထိခိုက်ရှနာ - ဓါးလိုမျိုးချွန်ထက်တဲ့ အရာတစ်ခုခုနဲ့ထိခိုက်မိတာကနေဖြစ်တဲ့ ဒဏ်ရာပါ။ ကုတ်ခြစ်ဒဏ်ရာ - လက်သည်းနဲ့ အဆူးလိုမျိုး ချွန်ထက်တဲ့ အရာတစ်ခုခုနဲ့ ထိခိုက်မိတာကြောင့်ဖြစ်တဲ့ဒဏ်ရာမျိုးပါ။ ပွန်းပဲ့ဒဏ်ရာ - အပေါ်ယံအရေပြားလွှာပွန်းပဲ့သွားတာမျိုးပါ။ ဥပမာပြောပြရရင် စက်ဘီးစီးရင်း ရုတ်တရက် သံမန်တလင်းပေါ်ပြုတ်ကျပြီး အပေါ်ယံအရေပြားပွန်းသွားတာမျိုးပေါ့။   ကလေးတွေမှာထိခိုက်ရှနာဖြစ်တဲ့အခါ ဘယ်လိုစောင့်ရှောက်မှုပေးမလဲ အသေးစားထိခိုက်မိတာလောက်ကိုတော့နေအိမ်မှာပဲပြုစုစောင့်ရှောက်ပေးလို့ရပါတယ်။ ထိခိုက်ဒဏ်ရာတော်တော်များများက နေအိမ်မှာသေချာစောင့်ရှောက်ရုံနဲ့တင်ပျောက်ကင်းနိုင်ပါတယ်။သေသေချာချာစောင့်ရှောက်ပေးဖို့တော့လိုတာပေါ့။ […]

တစ်နေ့ထက်တစ်နေ့ပိုမိုညစ်ညမ်းပြီးရောဂါပိုးတွေပိုမိုများပြားလာတာကြောင့်နေ့စဉ်လှုပ်ရှားသွားလာနေရသူတွေအနေနဲ့ သွားရင်းလာရင်း အမှတ်မထင်ရောဂါကူးစက်တာမျိုးတွေခံရနိုင်ခြေကလည်းတော်တော်လေးကိုများလာနေတယ်ဆိုရပါမယ်။ အိပ်ရေးပျက်လွန်းတဲ့အခါဖြစ်ဖြစ်၊အားနည်းနေတဲ့အခါမျိုးမှာဖြစ်ဖြစ် ခန္ဓါကိုယ်ရဲ့ ကိုယ်ခံအားစနစ်ကအားနည်းနေပြီးရောဂါတွေကအလွယ်တကူဝင်ရောက် တာမျိုးဖြစ်တတ်ပါတယ်။ ပုံမှန်အားဖြင့်တော့ ကိုယ်ခံအားစနစ်ကောင်းမွန်နေမယ်ဆိုရင်တော်ရုံတန်ရုံရောဂါတွေကို တိုက်ထုတ်ပေးနိုင် မှာဖြစ်ပါတယ်။ အခုတစ်ခါမှာတော့ ကိုယ်ခံအားစနစ်က ခန္ဓါကိုယ်ထဲကိုရောဂါတွေအလွယ်တကူမဝင်ရောက်နိုင်အောင် ဘယ်လိုကာကွယ်ပေးလဲဆိုတာကိုပြောပြပေးလိုပါတယ်။   ကိုယ်ခံအားစနစ်ဆိုတာ ကိုယ်ခံအားစနစ်ဆိုတာ နားလည်လွယ်အောင်ပြောပြရရင် ခန္ဓါကိုယ်ကိုပြင်ပကရောဂါဖြစ်စေနိုင်တဲ့အရာတွေကြောင့်ရောဂါဘယတွေမခံစားရအောင်ကာကွယ်ရာမှာ အထောက်အပံ့ပေးတဲ့အရာတစ်ခုပါ။ပြင်ပကရောဂါဖြစ်စေတဲ့အရာတွေဆိုတဲ့ထဲမှာလည်း ဗိုင်ဒရပ်စတွေ၊ဘက်တီးရီးယားတွေ၊ ကပ်ပါးပိုးတွေ အပါအဝင် ခန္ဓါကိုယ်အတွင်းပိုင်းထဲကိုဝင်ရောက်ပြီး ကူးစက်ရောဂါတွေ၊ အနာရောဂါတွေဖြစ်စေနီုင်တဲ့အရာတွေပါဝင်လို့နေပါတယ်။ ဆဲလ်တွေ၊ တစ်ရှုးတွေနဲ့ဖွဲ့စည်းထားတဲ့ ရှုပ်ထွေးနက်နဲလှတဲ့ ကိုယ်ခံအားစနစ်ကပြင်ပကနေ ဝင်ရောက်လာတဲ့ရောဂါဖြစ်စေနိုင်တဲ့အရာတွေကို တိုက်ထုတ်ပေးပြီး ခန္ဓါကိုယ်တွင်းထဲမှာ ကျန်းမာတဲ့ တစ်ရှုးတွေကိုပဲကျန်ရှိစေပါတယ်။ ကိုယ်ခံအားစနစ်က အူအတွင်းပိုင်းမှာ ခန္ဓါကိုယ်ကို အကျိုးပြုတဲ့ဘက်တီးရီးယားတွေပေါက်ဖွားအောင် လှုံ့ဆော်ပေးပါတယ်။ အဆိုပါ အကျိုးပြု ဘက်တီးရီးယားတွေက အူလမ်းကြောင်းထဲကိုရောက်ရှိလာတဲ့ရောဂါဖြစ်စေနိုင်တဲ့အရာတွေကိုတိုက်ထုတ်ပေးပါတယ်။ ကိုယ်ခံအားစနစ်က ခန္ဓါကိုယ်ထဲကိုရောဂါတွေမဝင်ရောက်နိုင်အောင် ဘယ်လိုကာကွယ်ပေးလဲဆိုတာနဲ့ ကျန်းကျန်းမာမာဖြစ်ဖို့အတွက် ကိုယ်ခံအားစနစ်ကောင်းမွန်စေဖို့ ဘယ်လိုလုပ်ဆောင်ရမလဲဆိုတာကိုသေသေချာချာသိရှိနိုင်အောင် ဒီစာလေးကိုဆက်ဖတ်ကြည့်လိုက်ကြရအောင်ပါ။   ရောဂါပိုးကူးစက်ခြင်း ခန္ဓါကိုယ်ကဆဲလ်တွေထဲကိုရောဂါဖြစ်စေနိုင်တဲ့အရာတွေဝင်ရောက်သွားတဲ့အခါရောဂါကူးစက်မှုတွေဖြစ်လာပါတယ်။ ခန္ဓါကိုယ်တွင်းကိုရောဂါကူးစက်ဝင်ရောက်မှုက ကိုယ်ခံအားစနစ်တုံ့ပြန်မှုကိုဖြစ်စေပါတယ်။ ကိုယ်ခံအားစနစ်ရဲ့ တုံ့ပြန်မှုကမြန်ဆန်ထိရောက်လေလေရောဂါကိုခုခံမှုကလည်းမြန်ဆန်လေလေပါပဲ။ ကိုယ်ခံအားကောင်းတဲ့အခါရောဂါတွေကိုခုခံတိုက်ဖျက်မှုကမြန်ဆန်ပြီး နာမကျန်းဖြစ်တာကို သိပ်တောင်မခံစားလိုက်ရပါဘူး။ ကိုယ်ခံအားကနည်းနေမယ်ဆိုရင်တော့ […]

အနာကျက်မြန်စေဖို့ ဘယ်လိုလုပ်ရမလဲ .... လူ့ခန္ဓါကိုယ်မှာ အစိတ်အပိုင်းအားလုံးကမရှိမဖြစ် အရေးပါ ပါတယ်။ ဒါ့ကြောင့် ခန္ဓါကိုယ်အစိတ်အပိုင်းတစ်ခုခုမှာ ထိမိခိုက်မိ ဒဏ်ရာအသေးစားလေးဖြစ်နေရုံနဲ့ အဆင်မပြေဖြစ်တတ်ပါတယ်။ ဥပမာ အလုပ်မှာ ကွန်ပျူတာအမြဲသုံးနေရသူတွေ လက်ချောင်းမှာ ဓါးရှထားရင်၊ ထိခိုက်ထားရင် စာရိုက်ရခက်တာမျိုး၊ သွားလာရတာများတဲ့ အလုပ်လုပ်သူတွေခြေထောက်မှာကွဲရှအနာဖြစ်ထားရင် အလုပ်မတွင်တာမျိုးပါ။ ဒါ့အပြင် ဒီလောက်ဒဏ်ရာသေးသေးလေးနဲ့တောင်မေးခိုင်လိုမျိုး ရောဂါပိုးဝင်လာခဲ့ရင် ရောဂါပိုကြီးပြီး နောက်ဆက်တွဲဆိုးကျိုးတွေအမျိုးမျိုးဖြစ်စေနိုင်တာကြောင့် ဘေးအန္တရာယ်ကင်းကင်းနဲ့ အနာမြန်မြန်ကျက်ဖို့လိုပါတယ်။ အနာကျက်မြန်စေဖို့က အနာကိုပိုးမဝင်မှ ဖြစ်မှာပါ။ အပ်နဲ့ထွင်းရမယ့်ကိစ္စလောက်ကနေ ထိခိုက်ဒဏ်ရာလေးတွေကို သေချာမကုသ ၊မစောင့်ရှောက်ရင် ပုဆိန်နဲ့ပေါက်ရမယ့်အဖြစ်မျိုးဖြစ်မလာစေဖို့ အနာမရင်းအောင်ဂရုစိုက်ရပါမယ်။ အနာကျက်မြန်စေဖို့ ဘယ်လိုလုပ်ရမလဲ အနာကျက်မြန်စေဖို့ ဘယ်လိုလုပ်ရမလဲ ဆိုတာ ဆက်ကြည့်လိုက်ရအောင်နော်။ ဒါဆို အနာအမြန်ကျက်စေဖို့ ဘာတွေလုပ်ဖို့လိုသလဲဆိုတာရော သင်သိပါသလား။ သိထားသင့်တဲ့အချက်လေးတွေကိုအောက်မှာပြောပြလိုက်ပါတယ်နော်။ အရင်ဆုံး အနာရဲ့အနေအထားကို ကြည့်ပါ။ အရေပြားကပွန်းရုံပဲ၊ နီရဲနေရုံဖြစ်ပြီး သွေးမထွက်၊ မပေါက်ပြဲသေးဘူးဆိုရင်ရောဂါပိုးမဝင်အောင်ကာကွယ်ဖို့ပဲလိုပါတယ်။ အနာကိုအစိုဓါတ်မပျောက်အောင်ထိန်းပေးပါ။ အနာကိုမထိတွေ့ခင်မှာ […]

ခန္ဓါကိုယ်မှာတစ်ခုခုထိခိုက်အနာတရဖြစ်တဲ့အခါတိုင်း ဒါမှမဟုတ် ခွဲစိတ်မှုရဲ့ချုပ်ရိုးအနာကြောင့်ဖြစ်ဖြစ် သင့်ခန္ဓါကိုယ်က ဒဏ်ရာပြန်ကျက်စေဖို့ သူ့အလိုလိုလုပ်ဆောင်ပါတယ်။ အရေပြားမှာ အနာကျက်သွားရင်တောင်မှ အမာရွတ်ကျန်ရင် ကျန်ခဲ့နိင်ပါတယ်။ အမာရွတ်ဖြစ်မဖြစ်ဆိုတာက အနာကျက်ခဲ့တဲ့ပုံစံမှန်မှန်ဆိုတာမှာ မူတည်နေပါတယ်။ နည်းလမ်းမမှန်သေချာဂရုမစိုက်ခဲ့တဲ့ ဒဏ်ရာကတော့ အမာရွတ်ကျန်ခဲ့မှာသေချာပါတယ်။ ဒါပေမယ့် ဒူးခေါင်းနဲ့ တံတောင်ဆစ်တို့လို အရိုးအဆစ်နေရာတွေမှာဖြစ်တဲ့ဒဏ်ရာနဲ့ ခွဲစိတ်ချုပ်ရိုးတို့ကတော့ အမာရွတ်ဖြစ်ကျန်ဖို့ရှောင်လွှဲရခက်ပါတယ်။တော်တန်ရုံ အသေးစားထိခိုက်ဒဏ်ရာလေးတွေနဲ့ခြစ်ရာ၊ပွန်းပဲ့ရာတွေကို နည်းလမ်းတကျ ဂရုစိုက်ပေးမယ်ဆိုရင် အမာရွတ်မဖြစ်ဘဲ နဂိုအတိုင်းပြန်လည်ကောင်းမွန်လာနိုင်ပါတယ်။ ဒဏ်ရာတွေအမျိုးမျိုးရှိတဲ့အထဲက မတော်တဆဖြစ်တဲ့ အသေးစားထိခိုက်အနာတရလေးတွေကို အိမ်မှာပဲ ဂရုစိုက်စောင့်ရှောက်ပေးလို့ရပေမယ့် ဒဏ်ရာကြီးရင်တော့ဆေးခန်း၊ဆေးရုံအမြန်ဆုံးသွားပြီး ကျွမ်းကျင်ဆရာဝန်နဲ့ ကုသမှုခံယူသင့်ပါတယ်။ ထိခိုက်ရှနာ အသေးစားလေးဆိုပြီးလည်း မပေါ့ဆပါနဲ့။ အထင်မသေးပါနဲ့။ ဓါးရှရာလို၊ သံစူးတာလို အနာသေးသေးလေးကနေ အနာရင်းတာ၊ ပိုးဝင်တာတွေဖြစ်လာနိုင်ပြီး အသက်ဆုံးရှုံးရတဲ့အထိဖြစ်စေနိုင်ပါတယ်။ အနာကိုသေချာဂရုမစိုက်ရင်ဘာတွေဖြစ်လာနိုင်သလဲ ပိုးဝင်ခြင်း - အနာကို ပိုးဝင်ပြီဆိုရင် အနာရင်းပြီး ပြည်တည်လာမယ်၊ အနံ့ဆိုးလာမယ်၊အဖျားတက်လာမယ်၊အနာက အရမ်းနာလာမယ်၊ရောင်ရမ်းလာမယ်၊ အနာနေရာက ပူလောင်သလို ခံစားရမယ်။ ရောင်ရမ်းခြင်း […]

အိမ်မှာနေရင်းပဲဖြစ်ဖြစ် သွားရင်းလာရင်းပဲဖြစ်ဖြစ် မတော်တဆထိခိုက်ဒဏ်ရာရတာမျိုးတွေ၊ အပူလောင်တာ၊ ဓာတ်မတည့်တာမျိုးတွေ၊ ပိုးကောင်ကိုက်ခံရတာနဲ့ အခြားထိခိုက်ဒဏ်ရာဖြစ်တာမျိုးတွေ ကြုံတွေ့ရနိုင်ပါတယ်။ ဒီလိုထိခိုက်ဒဏ်ရာရတဲ့အခါ မြန်မြန်ဆန်ဆန် ကုစားနိုင်ဖို့အတွက် နေအိမ်မှာရော၊ ကားပေါ်မှာပါ အရေးပေါ်ဆေးသေတ္တာတွေ ဆောင်ထားသင့်ပါတယ်။ အဲလိုထားရှိခြင်းက ထိခိုက်ဒဏ်ရာရရှိခြင်းတွေကို အလျင်အမြန်သက်သာစေနိုင်ပြီး မလိုလားအပ်တဲ့နောက်ဆက်တွဲဆိုးကျိုးတွေကိုလည်းလျှော့ချနိုင်ပါတယ်။ ဒီတော့ နေအိမ်နဲ့ကားမှာ ဆောင်ထားသင့်တဲ့ အရေးပေါ်ဆေးသေတ္တာ တစ်ခု ကိုယ်တိုင်လုပ်ကြရအောင် လား ....... နေအိမ်နဲ့ကားမှာ ဆောင်ထားသင့်တဲ့ အရေးပေါ်ဆေးသေတ္တာ တစ်ခု ထဲမှာ ဘာတွေထည့်ထားမလဲ နေအိမ်နဲ့ကားမှာ ဆောင်ထားသင့်တဲ့ အရေးပေါ်ဆေးသေတ္တာ ထဲမှာ ဒါလေးတွေ ထည့်ထားဖို့ လိုပါမယ်။ တစ်ခါသုံးအပျော့စား ရော်ဘာလက်အိတ် အနာတွေထဲကို ရောဂါပိုးတွေနဲ့ အညစ်အကြေးတွေ မဝင်ရောက်စေအောင်ကာကွယ်ဖို့အတွက်ပါ။ အသုံးပြုပြီးတိုင်းမှာလည်း အသစ်လဲဖို့မမေ့ပါနဲ့။ အရက်ပြန် ပိုးသတ်သန့်စင်ဖို့ပါ။ ဒါမှမဟုတ်လည်း အနာထဲကပစ္စည်းတွေကို ဖယ်ရှားရာမှာ အသုံးပြုတဲ့ဇာဂနာတွေ၊ ကတ်ကြေးတွေကို ပိုးသတ်ဖို့အတွက်ပါ။ အရက်ပြန်စွတ်ထားတဲ့ ဂွမ်း ပိုးသတ်ဖို့ပါ။ ရိုးရိုးဂွမ်းကိုတော့ […]

ချက်ရင်းပြုတ်ရင်းဖြစ်ဖြစ်၊ အိမ်မှုကိစ္စတွေလုပ်ရင်းဖြစ်ဖြစ်၊ အလုပ်ခွင်ထဲမှာ အလုပ်လုပ်နေရင်းနဲ့ဖြစ်ဖြစ်၊ အားကစားတစ်ခုခုလုပ်ရင်း၊ သွားရင်းလာရင်းနဲ့လည်း လက်ချောင်းလေးတွေမှာ မတော်တဆထိခိုက်မိတာတွေဖြစ်လာနိုင်ပါတယ်။ ဘာလုပ်လုပ်မပါမဖြစ်အသုံးပြုလုပ်ဆောင်နေရတဲ့ လက်ချောင်းလေးတွေက အခြားအင်္ဂါအစိတ်အပိုင်းတွေထက်လည်း ထိမိခိုက်မိနိုင်ခြေပိုများပါတယ်။ အခန့်မသင့်ရင် အိမ်မွေးတိရစ္ဆာန်တွေနဲ့ ကစားရင်းက မတော်တဆအကိုက်ခံရတာမျိုးတောင်ရှိနိုင်ပါတယ်။ တစ်ခါတလေဆို ဘာရယ်မဟုတ်ဖန်ကွဲစလေးတွေကောက်ရင်းက လက်ကို ဖန်ကွဲစရှသွားတာမျိုးတောင်ဖြစ်တတ်ပါသေးတယ်။ အများဆုံးအသုံးပြုရတဲ့ လက်ချောင်းလေးတွေ ထိခိုက်မိရင် အခုဖော်ပြပေးမယ့်နည်းလေးတွေအတိုင်း ဂရုစိုက်ကြည့်လို့ရပါတယ်။ လက်ချောင်းထိရှမိတဲ့အခါ လက်ကိုအရင်သန့်စင်ရပါမယ်။ ထိရှမိတဲ့ဒဏ်ရာကို မကိုင်တွယ်ခင်မှာ လက်ကိုအရင်သန့်အောင်ဆေးကြောရပါမယ်။ ဒီလိုမျိုးလက်ကိုဆေးလိုက်တာက အနာထဲကို လက်မှာကပ်ညှိနေတဲ့ပိုးတွေမဝင်ရောက်နိုင်အောင် အတိုင်းအတာတစ်ခုအထိတားဆီးလိုက်နိုင်ပါလိမ့်မယ်။ တကယ်လို့များ လက်အိတ်သန့်သန့်လေးအလွယ်တကူရှိနေရင် အနာမဖြစ်တဲ့လက်ကို လက်အိတ်စွပ်ပြီး အနာကို ကိုင်တွယ်ပါ။   အနာသွေးတိတ်အောင်လုပ်ရပါမယ် အနာကနေသွေးထွက်လာမှာကတော့ အသေအချာပါပဲ။ အနာက ၅ မိနစ် - ၁၀ မိနစ်ကြာတဲ့အထိမှသွေးမတိတ်ဖူးဆိုရင် အနာကို ဂွမ်းစသန့်သန့်လေး (သို့မဟုတ်) ပတ်တီးစသန့်သန့်လေးနဲ့ခပ်ဖွဖွလေးဖိထားပေးပါ။ အနာကသွေးမတိတ်ဘဲကြာနေရင် အဝတ်စသန့်သန့်တစ်ခုထဲမှာရေခဲတုံးလေးတွေထည့်ပြီး အနာကို ကပ်ပေးလို့ရပါတယ်။ ရေခဲကပ်တာက အရောင်လည်းကျစေနိုင်ပါတယ်။ သွေးအရမ်းထွက်ရင်တော့ […]

ကျွန်မတို့နေထိုင်ရာပတ်ဝန်းကျင်မှာ ဘယ်လိုပဲကြိုးစားပြီး သတိထားပါစေ၊ ကိုယ့်အိမ်ထဲမှာတောင်နေတိုင်းလုပ်နေကျအလုပ်တွေ၊ ကိုင်တွယ်ထိတွေ့နေကျပစ္စည်းတွေနဲ့ မတော်တဆမှုတွေဖြစ်တတ်ပါတယ်။ အသေးအဖွဲပဲဖြစ်ဖြစ်၊ ကြီးကြီးမားမားဖြစ်ဖြစ် မတော်တဆ ဆိုမှတော့ ကြိုမှန်းမရနိုင်တဲ့ကိစ္စတွေပါ။ ဒါပေမယ့် အိမ်မှာက ကိုယ်ကိုယ်တိုင်အပြင် ကလေးငယ်တွေရှိမယ်၊ လူကြီးမိဘတွေရှိမယ်၊ မိသားစုတွေရှိသေးတာမို့ ဒီလို မတော်တဆတွေကို နည်းသည်ထက်နည်းအောင် အတတ်နိုင်ဆုံးကြိုးစားကာကွယ်ရပါလိမ့်မယ်။ အဖြစ်များတဲ့ အိမ်တွင်းမတော်တဆထိခိုက်မှုတွေက - ခလုတ်တိုက်၊ချော်လဲခြင်း (ပွန်းပဲ့အနာ၊ခြေပွတ်တိုင်လည်ခြင်း) -ချော်လဲတယ်ဆိုတာ အသက်အရွယ်မရွေး မတော်တဆဖြစ်တတ်ကြပေမယ့် ကလေးငယ်တွေနဲ့ အသက်ကြီးသူတွေမှာ ပိုအဖြစ်များပါတယ်။ ကလေးချော်လဲတယ်ဆိုရင် အုံဖွလုပ်ပေးရုံလောက်နဲ့သာ နှစ်သိမ့်ပေးရုံလောက်ပဲလိုတယ်လို့ ထင်ကြပါတယ်။ အခုဘာမှမဖြစ်ရင်တောင်မှ မကြာခဏချော်လဲပြီးခေါင်းနဲ့ကျတတ်တဲ့လူတစ်ယောက်ကခေါင်းမူးတာ၊အော့အန်တာ၊ သတိလစ်တာတွေဖြစ်လာပြီဆိုရင် စိတ်ပူရပါတယ်။ အမြန်ဆုံးဆေးကုသမှုခံယူသင့်ပါတယ်။ချော်လဲလို့ ဒူးပြဲတာ၊ လက်မှာထိခိုက်တာ၊ စတဲ့ ဒဏ်ရာတွေလည်းဖြစ်လာရင် အနာကျက်စေဖို့ ဂရုစိုက်ပေးရပါတယ်။ ထိရှဒဏ်ရာများ - မီးဖိုချောင်မှာဆို အိမ်အလုပ်လုပ်ရင်းရတဲ့ ထိခိုက်အနာတရတွေပိုအဖြစ်များပါတယ်။ ထိရှဒဏ်ရာတွေ မရအောင်လို့ ဓါးကို အရမ်းထက်တာတွေမသုံးပါနဲ့။ မီးဖိုခန်းထဲမှာ ဓါးကို […]

တစ်ခါတလေ အလောတကြီးဖြစ်တဲ့အခါမျိုးမှာ ဖိနပ်မစီးမိဘဲ ရုတ်တရက် ခပ်မြန်မြန် သွားမိတာမျိုး လူတိုင်းဖြစ်ဖူးမှာပါ။ တစ်ခါတလေကျတော့လည်း စိတ်ထဲရှုပ်လာလို့ ဖိနပ်မစီးဘဲခြံထဲဆင်းလမ်းလျှောက်လိုက်တာမျိုးလည်းရှိတတ်ပါတယ်။မြေကြီးဓါတ်ရအောင်ဆိုပြီး ဖိနပ်မစီးဘဲလမ်းလျှောက်တာမျိုးလည်းရှိကြမှာပါ။ ကိစ္စတိုင်းမှာတော့ အကောင်းဘက်နဲ့ အဆိုးဘက်ရှိတတ်စမြဲပါ။ ဖိနပ်မစီးဘဲလမ်းလျှောက်ရင်ကောင်းတဲ့အကျိုးကျေးဇူးတွေရရှိနိုင်တယ်ဆိုပေမယ့် ဆိုးကျိုးတွေကလည်း ထုနဲ့ဒေးပါ။ အထူးသဖြင့် ဆီးချိုဝေဒနာရသည်တွေခြေထောက်မှာထိခိုက်ပြတ်ရှ တစ်ခုခုဒဏ်ရာရှိထားသူတွေ၊ နာတာရှည်ရောဂါတမျိုးမျိုးရှိလို့ အနာကျက်နှေးတတ်တဲ့သူတွေအနေနဲ့က အကာအကွယ်ဖိနပ်မပါဘဲ အပြင်မှာလမ်းလျှောက်တာမျိုးလုံးဝမလုပ်သင့်ပါဘူး။ သာမန်လူတွေအနေနဲ့လည်း ဖိနပ်မပါဘဲ အပြင်ထွက်လမ်းမလျှောက်သင့်တဲ့အကြောင်းရင်းတွေ အများကြီးရှိပါတယ်။   ဖိနပ်မစီးဘဲ လမ်းလျှောက်တာက ဘာတွေဖြစ်နိုင်သလဲ ခြေထောက်မှာထိခိုက်ဒဏ်ရာရနိုင်ပါတယ် ဖိနပ်မစီးဘဲ လမ်းလျှောက်တာကခြေဖဝါးကိုအများကြီးထိခိုက်စေနိုင်ပါတယ်။ ချွန်ထက်တဲ့အရာတွေ၊ အဆိပ်ရှိတဲ့အရာတွေနဲ့ စူးတာမျိုးတွေ၊ ခဲလုံး၊ဖန်ကွဲစလိုမျိုး အမှိုက်တွေနဲ့ထိခိုက်မိတာမျိုးတွေဖြစ်နိုင်ပါတယ်။ခြေသည်းတွေကို ထိခိုက်တာမျိုးလည်း ခံစားရနိုင်ပါတယ်။ သံစူးမိတာ၊ သစ်သားစတွေစူးမိတာမျိုးလည်းဖြစ်နိုင်ပါတယ်။   ခြေသည်းမှိုပိုးဝင်တာမျိုးဖြစ်နိုင်ပါတယ် ခြေသည်းပိုးဝင်တာမျိုးလည်းဖြစ်နိုင်ပါသေးတယ်။ခြေသည်းပိုဝင်တာက လူတစ်ယောက်ကနေတစ်ယောက်ဆီကို ကူးစက်နိုင်တာကြောင့် ဖိနပ်မပါဘဲ လမ်းလျှောက်မယ်ဆိုရင် ဒီဗိုင်းရပ်စ်က တစ်ဦးစီးကနေတစ်ဦးစီကို အလွယ်တကူ ကူးစက်နိုင်ပါတယ်။   ချိတ်သန်ကောင် ကူးစက်ခံရနိုင်တယ် ဖိနပ်မစီးဘဲ သွားလာရင်ဖြစ်နိုင်တဲ့နောက်ထပ်ရောဂါတစ်ခုက ချိတ်သန်ကောင် ကူးစက်ခံရနိုင်တာပါ။ ချိတ်သန်ကောင်တွေက အူအတွင်းမှာ ကပ်တွယ်နေနိုင်တဲ့ […]