အဆီများပေမယ့် ကျန်းမာရေးအတွက် အကျိုးရှိစေတဲ့ အစားအစာ (၅) မျိုး

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဩဂုတ် 23, 2020 . 2 mins read
Share now

အစားအစာတွေကို အဆီများတယ်ဆိုပြီးရှောင်စားနေတာတွေများရှိလား။ ဒါဆိုရင်တော့ ဒီဆောင်းပါးလေးကို အရင်ဆုံးဖတ်ကြည့်လိုက်ပါနော်။ အချို့ အစားအစာတွေက အဆီများသလောက် ကျန်းမာရေးအတွက်လည်း အကျိုးများနေတတ်လို့ပါ။

အဆီများပေမယ့်ကျန်းမာရေးအတွက် အကျိုးများတဲ့ စားစရာတွေက ဘာတွေများလဲ……………….

ဒီအစားအစာကိုတွေကို အဆီပါဝင်မှုများလို့ကျန်းမာရေးနဲ့မညီညွတ်လောက်ဘူးလို့ ထင်ကောင်းထင်နေနိုင်ပါတယ်။ ဒါပေမယ့် တကယ်တော့ကျန်းမာချင်တယ်ဆိုရင် ဒီအစားအစာတွေကို စားပေးဖို့ လိုအပ်ပါမယ်နော်။

(၁) ထောပတ်သီး

ထောပတ်သီးက အခြားအသီးတွေနဲ့မတူဘဲ အဆီပါဝင်မှုများပါတယ်။ထောပတ်သီးမှာ အဆီပါဝင်မှုက ၇၇ ရာခိုင်နှုန်းအထိရှိပြီး အသားတွေမှာပါဝင်နေတဲ့ အဆီပမာဏထက်များနေပါတယ်။ ဒါပေမယ့်ထောပတ်သီးက ပိုတက်ဆီယမ်ပါဝင်မှုမြင့်မားသလို အမျှင်ဓာတ်ကြွယ်ဝစွာပါဝင်နေတာကြောင့်သွေးတွင်းက အကျိုးမပြုကိုလက်စထရောကိုကျဆင်းစေနိုင်တာကြောင့် နှလုံးသွေးကြောဆိုင်ရာရောဂါတွေကို ကာကွယ်ဖို့ စားပေးသင့်ပါတယ်။ အကျိုးမပြုကိုလက်စထရောပမာဏကို ကျဆင်းစေနိုင်တဲ့ အာနိသင်ရှိပါတယ်။

(၂) ချိစ်

အာဟာရကြွယ်ဝတဲ့ အစားအသောက်ရင်းမြစ်တစ်ခုပါ။ ချိစ်မှာ ကယ်လ်ဆီယမ်၊ ဗီတာမင် B12၊phosphorus နဲ့ ဆီလီနီယမ်အပြင် အခြားသော အကျိုးပြု အာဟာရဓါတ်တွေပါဝင်နေပါတယ်။ ပရိုတင်းကြွယ်ဝစွာပါဝင်သလို fatty acid ပါဝင်နေတာကြောင့် အမျိုးအစား (၂) ဆီးချိုရောဂါမဖြစ်အောင် အထိရောက်ဆုံး ကာကွယ်ပေးနိုင်ပါတယ်။

(၃) အနက်ရောင်ချောကလက်

အနက်ရောင်ချောကလက်က အရသာရှိသလို ကျန်းမာရေးနဲ့လည်း ညီညွတ်တဲ့ အစားအစာတစ်ခုပေါ့။ အဆီပါဝင်မှုကတော့ ၆၅ ရာခိုင်နှုန်းအထိရှိပါတယ်။ အမျှင်ဓါတ်က ၁၁ ရာခိုင်နှုန်း ပါဝင်နေပြီး သံဓာတ်၊ မဂ္ဂနီဆီယမ်၊ကော့ပါး နဲ့ မဂ္ဂနိစ်တို့ ကြွယ်ဝစွာပါဝင်နေတာကြောင့် ခန္ဓာကိုယ်ရဲ့ ဇီဝကမ္မဖြစ်စဉ်တွေကို အကောင်းဆုံးထောက်ပံ့ပေးနိုင်ပါတယ်။ ဦးနှောက်စွမ်းဆောင်ရည်ကို ကောင်းမွန်စေနိုင်ပြီး နေလောင်ဒဏ်ကြောင့် အရေပြားထိခိုက်ပျက်စီးမှုကနေ ကာကွယ်ပေး ပါတယ်။ တစ်ပတ်ကို အနက်ရောင် ချောကလက် ၅ ကြိမ်ထက်ပိုစားသုံးသူတွေက နှလုံးရောဂါဖြစ်နိုင်ခြေ ၅၀ ရာခိုင်နှုန်းလောက်အထိလျှော့ချနိုင်ပါတယ်။ နှလုံးသွေးစီးဆင်းမှုကိုကောင်းစေနိုင်သလို နှလုံးကျန်းမာရေးကို အကောင်းဆုံးထောက်ပံ့ပေးနိုင်ပါတယ်။ ဓာတ်တိုးဆန့်ကျင် အာနိသင်ကြွယ်ဝတာကြောင့် အရွယ်မတိုင်ခင် အိုမင်းရင့်ရော်မှုမဖြစ်အောင် အကောင်းဆုံးထောက်ပံ့ပေးနိုင်မှာပါ။

(၄) ဥအမျိုးမျိုး

တော်တော်များများက ဥအမျိုးမျိုးကို ကျန်းမာရေးနဲ့မညီညွတ်ကြဘူးလို့ ယူဆတတ်ကြပါတယ်။ ဥအမျိုးမျိုးမှာ အနှစ်က ကိုလက်စထရော နဲ့ အဆီများစွာပါဝင်နေတာကြောင့် ကျန်းမာရေးနဲ့မညီညွတ်ဘူး၊လို့ ယူဆသူတွေရှိနေကြပါတယ်။ ကြက်ဥတစ်လုံးမှာ ကိုလက်စထရော ၇၁ ရာခိုင်နှုန်းပါဝင်နေပြီး အဆီက ၆၂ ရာခိုင်နှုန်းအထိပါဝင်နေပါတယ်။

တွေ့ရှိချက်အရကတော့ ဥအမျိုးမျိုးမှာပါတဲ့ ကိုလက်စထရောကသွေးတွင်းကိုလက်စထရောအပေါ်မှာ သက်ရောက်မှုမရှိပါဘူး။နောက်တစ်ခုက ဥအမျိုးမျိုးမှာ ဗီတာမင်နဲ့ သတ္တုဓာတ်တွေကြွယ်ဝစွာပါဝင်နေတာပါ။ ဥအမျိုးမျိုးမှာ အမြင်အာရုံကိုကောင်းမွန်စေနိုင်တဲ့ ဗီတာမင် နဲ့ သတ္တုဓါတ်တွေပါဝင်နေပါတယ်။

နောက်တစ်ခုက ဦးနှောက်အတွက်လိုအပ်တဲ့ အာဟာရတစ်မျိုးဖြစ်တဲ့ ကိုလင်းဓါတ်ပါဝင်နေတာပါ။ ပရိုတင်းကြွယ်ဝစွာပါဝင်နေတာကြောင့် ဝိတ်ချနေသူတွေအတွက်တောင် စားသုံးပေးသင့်တဲ့ အစားအစာတစ်ခုပါ။ omega-3 လည်းကြွယ်ဝတာကြောင့် ကြက်ဥ၊ဘဲဥတွေကိုစားတဲ့အခါ အနှစ်ရော အကာကိုပါစားပေးပါနော်။

တိရစ္ဆာန်တွေကနေရတဲ့ အဆီတွေက ကျန်းမာရေးနဲ့မညီညွတ်ဘူးဆိုပေမယ့် ငါးတွေကနေရတဲ့အဆီကတော့ ကျန်းမာရေးနဲ့ညီညွတ်ပါတယ်။ အဆီများတဲ့ငါးတွေကို စားသုံးပေးသင့်ပါတယ်။ ဆယ်လ်မွန်၊ ထရောက်ငါး၊ မက်ကာရယ်၊ ဆာဒင်းငါးတွေက နှလုံးကျန်းမာစေနိုင်တဲ့omega-3 fatty acids ကြွယ်ဝစွာ ပါဝင်နေပါတယ်။ ဒါကြောင့် ငါးတွေမှာပါတဲ့ အဆီတွေက နှလုံးကျန်းမာစေနိုင်သလို စိတ်ဓါတ်ကျတာ နဲ့ အခြားအာရုံကြောဆိုင်ရာရောဂါတွေခံစားရနိုင်ခြေကို သိသိသာသာလျှော့ချပေးနိုင်ပါတယ်။နောက်တစ်ချက်က အဆီများတဲ့ ငါးတွေက ဗီတာမင် D ကိုလည်း ရရှိစေနိုင်ပါတယ်။

အခုပြောခဲ့တဲ့ အစားအစာတွေက အဆီများသလောက် ကျန်းမာရေးအတွက်လည်း အကျိုးများတာကြောင့် ထိုက်သင့်သလောက်တော့ စားသုံးကြပါလို့ Hello ဆရာဝန်ပရိသတ်ကြီးကို တိုက်တွန်းပါရစေလား……………..

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

အစာဓာတ်မတည့်ခြင်း

အစာဓာတ်မတည့်ခြင်း ဆိုတာ အစားအစာ တစ်ခုခုကို စားပြီး သိပ်မကြာခင်မှာ ကိုယ်ခံအားစနစ်က တုံ့ပြန်တဲ့  တုံ့ပြန်မှု တစ်ရပ်ပါ။ ဓာတ်မတည့်မှု ဖြစ်တဲ့အခါ .....

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

အကြောက်တရား နဲ့ ကျန်းမာရေး

အကြောက်တရား နဲ့ ကျန်းမာရေး

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ကြောက်စိတ်တွေ များနေတယ် ဆိုရင် ဒါတွေ မစားပါနဲ့။

ကြောက်စိတ်တွေ များနေတယ် ဆိုတာကို ကိုယ်တိုင်တောင် မသိလိုက်ဘဲ ခံစားနေရနိုင်ပါတယ်။ ဒီအခြေအနေတွေကိူ အကောင်းဆုံး ကျော်လွှားဖို့ ဆိုရင်.....

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ကြောက်ရွံ့နေတာတွေ ကို သက်သာစေမယ့် အစားအသောက်များ

ကြောက်ရွံ့နေတာတွေ ကို သက်သာစေဖို့ အစားအစာလေးတွေ စားပေးလို့ ရတယ်ဆိုတာကို သိပြီးပြီလား...... ကြောက်ရွံ့တာကို သက်သာစေမယ့် အစားအစာတွေက ဘာတွေ ဖြစ်မလဲ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

ကော်လာဂျင်နဲ့ မေးခွန်းများစွာ

ကော်လာဂျင်နဲ့ မေးခွန်းများစွာ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဖေ‌ဖော်ဝါရီ 22, 2021 . 2 mins read
အရေပြား ဓာတ်မတည့်မှု

အရေပြား ဓာတ်မတည့်မှု

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဖေ‌ဖော်ဝါရီ 22, 2021 . 2 mins read
နေပူထဲ အချိန်အကြာကြီးရပ်နေမိလို့ Eye Sunburn မဖြစ်ရလေအောင်

နေပူထဲ အချိန်အကြာကြီးရပ်နေမိလို့ Eye Sunburn မဖြစ်ရလေအောင်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဖေ‌ဖော်ဝါရီ 22, 2021 . 2 mins read
blurry-vision-causes အမြင်မကြည်

အမြင်မကြည် ရသည့် အကြောင်းတရားများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဖေ‌ဖော်ဝါရီ 22, 2021 . 2 mins read