အချဉ်စိမ်ထားတဲ့ ဂေါ်ဖီထုပ် (သို့မဟုတ်) အကျိုးပြုဘက်တီးရီးယား ကြွယ်ဝတဲ့ အစားအစာ တစ်မျိုး

အချဉ်စိမ်ထားတဲ့ ဂေါ်ဖီထုပ် (သို့မဟုတ်) အကျိုးပြုဘက်တီးရီးယား ကြွယ်ဝတဲ့ အစားအစာ တစ်မျိုး

အကျိုးပြု ဘက်တီးရီးယား ကြွယ်ဝတဲ့ အစားအစာတွေ စာရင်းထဲမှာ တွေ့ရလေ့ရှိတဲ့ sauerkraut လို့ သိကြတဲ့ အချဉ်စိမ်ထားတဲ့ ဂေါ်ဖီထုပ် စားပေးရင် အစာခြေစနစ် ကျန်းမာတာအပြင် ခန္ဓာကိုယ်အတွက် ဘယ်လိုတွေများ အကျိုးကျေးဇူးတွေ ရရှိနိုင်ဦးမလဲဆိုပြီး သိချင်နေတဲ့သူလေးတွေ ရှိလား။ ဒါဆိုရင်တော့ ဒီဆောင်းပါးလေးက အဖြေထုတ်ပေးနိုင်မှာမို့ အတူတူ ဖတ်ကြည့်လိုက်ရအောင်နော်။

အချဉ်စိမ်ထားတဲ့ ဂေါ်ဖီထုပ် (သို့မဟုတ်) sauerkraut

ရေစင်အောင်ဆေးလို့ ရိတ်ရိတ်လှီးပြီး ရေစစ်ထားတဲ့ ဂေါ်ဖီထုပ်ကို နုတ်နုတ်စဉ်းထားတဲ့ ကြက်သွန်ဖြူ၊ ရိုးရိုးဆားကြမ်းနဲ့ ဗီနီကာတို့နဲ့ စိမ်ပြီး လေလုံအောင် ဖန်ပုလင်းလေးနဲ့ ပိတ်ထားပါ။ ဒီလို အချဉ်စိမ်ထားတဲ့ ဂေါ်ဖီထုပ်ချဉ်က အကျိုးပြုဘက်တီးရီးယား ကြွယ်ဝတာကြောင့် အစာခြေစနစ်ကို ကျန်းမာစေသလို အခြားသော ကျန်းမာရေး အကျိုးကျေးဇူးတွေကိုလည်း ရရှိစေနိုင်ပါတယ်။ ဘယ်လို အကျိုးကျေးဇူးတွေလဲဆိုတာကို အတူတူ ဆက်ကြည့်လိုက်စို့နော်။

အချဉ်စိမ်ထားတဲ့ ဂေါ်ဖီထုပ် (သို့မဟုတ်) sauerkraut ကနေ ရရှိတဲ့ အာဟာရဓာတ်တွေ

အချဉ်စိမ်ထားတဲ့ ဂေါ်ဖီထုပ် (သို့မဟုတ်) sauerkraut ပါတဲ့ အာဟာရဓာတ်တွေကတော့

  • ကယ်လ်လိုရီ
  • ကာဗိုဟိုက်ဒရိတ်
  • အမျှင်ဓာတ်
  • ပရိုတင်း
  • ဆိုဒီယမ်
  • ဗီတာမင် C
  • ဗီတာမင် K
  • သံဓာတ်
  • မဂ္ဂနိစ်
  • ဗီတာမင် B6
  • ဖောလိတ်
  • ကော့ပါး
  • ပိုတက်ဆီယမ်တို့ ပါဝင်နေပါတယ်။

အချဉ်စိမ်ထားတဲ့ ဂေါ်ဖီထုပ် စားရင်းရမယ့် ကျန်းမာရေး အကျိုးကျေးဇူးတွေက ဘာတွေဖြစ်မလဲ

အချဉ်စိမ်ထားတဲ့ ဂေါ်ဖီထုပ်ကို စားရင်းရမယ့် ကျန်းမာရေး အကျိုးကျေးဇူးတွေကတော့

  • အစာခြေစနစ် ကျန်းမာစေတယ်

အချဉ်စိမ်ထားတဲ့ ဂေါ်ဖီထုပ် အပါအဝင် အချဉ်ဖောက်ထားတဲ့ အစားအစာတွေမှာ အကျိုးပြု ဘက်တီးရီးယားတွေရော အကျိုးပြု ဘက်တီးရီးယား အာဟာရ အမျှင်ဓာတ်တွေရော ပါဝင်နေတာကြောင့် အစာခြေစနစ်ကို ကျန်းမာစေပြီး ဝမ်းချုပ်တာ၊ ဝမ်းပျက်ဝမ်းလျှောတာလိုမျိုး အစာခြေစနစ် ပြဿနာတွေ ကင်းဝေးစေပါတယ်။

  • ဆဲလ်တွေရောင်ရမ်းတာကို ကာကွယ်ပေးနိုင်တယ်

အချဉ်စိမ်ထားတဲ့ ဂေါ်ဖီထုပ်မှာ ဓာတ်တိုးဆန့်ကျင်ပစ္စည်း ကြွယ်ဝစွာ ပါဝင်နေသလို ဓာတ်တိုးပစ္စည်းတွေကြောင့် ထိခိုက်တာမျိုး မဖြစ်အောင်လည်း ကာကွယ်ပေးနိုင်ပါတယ်။ ဆဲလ်တွေ ဓာတ်တိုးပြီး ရောင်ရမ်းပျက်စီးတာကို ကာကွယ်ပေးနိုင်ပါတယ်။

  • ကိုယ်ခံအား ကောင်းစေနိုင်တယ်

အချဉ်စိမ်ထားတဲ့ ဂေါ်ဖီထုပ်မှာ သံဓာတ် ပါဝင်နေတာကြောင့် သွေးအားကောင်းစေဖို့ရော သွေးလည်ပတ်မှု ကောင်းစေဖို့ပါ ထောက်ကူပေးပါတယ်။ သံဓာတ် ပြည့်ဝမှုက ကိုယ်ခံအားကောင်းစေဖို့ ထောက်ကူပေးသလို ဗီတာမင် C ပါဝင်နေတာကလည်း ကိုယ်ခံအားကို အားဖြည့်ပေးနိုင်ပါတယ်။ ဗီတာမင် C ကလည်း သံဓာတ်စုပ်ယူမှု ကောင်းစေဖို့ ထောက်ကူပေးပါတယ်။

ဆီးလမ်းကြောင်း ပိုးဝင်တာ၊ အအေးမိတာမျိုးတွေ မဖြစ်စေဖို့လည်း ကာကွယ်ပေးနိုင်စွမ်း ရှိသလို ဘက်တီးရီးယား ကူးစက်မှုတွေကိုလည်း ကာကွယ်ပေးနိုင်ပါတယ်။

  • နှလုံး ကျန်းမာစေတယ်

အချဉ်စိမ်ထားတဲ့ ဂေါ်ဖီထုပ်မှာ အကျိုးပြု ဘက်တီးရီးယား၊ ဗီတာမင် K၊ အမျှင်ဓာတ်တို့ ပါဝင်နေတာကြောင့် သွေးတွင်းကိုလက်စထရော ကျဆင်းစေဖို့ ထောက်ကူပေးနိုင်ပါတယ်။ သွေးတွင်းအဆီ ကျဆင်းစေတာက သွေးလည်ပတ်မှု ကောင်းစေပြီး နှလုံးသွေးကြောတွေကို ကျန်းမာစေဖို့ ထောက်ကူပေးနိုင်ပါတယ်။ နှလုံးရောဂါ ဖြစ်နိုင်ခြေကို လျှော့ချချင်တယ်ဆိုရင် အချဉ်စိမ်ထားတဲ့ ဂေါ်ဖီထုပ်ကို စားပေးလို့ ရပါတယ်။

  • ကိုယ်အလေးချိန် ကျစေနိုင်တယ်

အချဉ်စိမ်ထားတဲ့ ဂေါ်ဖီထုပ်မှာ အမျှင်ဓာတ် ကြွယ်ဝစွာ ပါဝင်နေတာကြောင့် အဆာခံနိုင်စေဖို့ ထောက်ကူပေးသလို အစားစားချင်စိတ် နည်းစေဖို့လည်း ထောက်ကူပေးပါတယ်။ ကိုယ်တွင်းက အဆီတွေကို ကျဆင်းစေပြီး ကိုယ်အလေးချိန်ကို ထိန်းညှိနိုင်စေဖို့ ထောက်ကူပေးပါတယ်။

  • ဦးနှောက် ကျန်းမာစေတယ်

အကျိုးပြု ဘက်တီးရီးယား ကြွယ်ဝတဲ့ အချဉ်စိမ်ထားတဲ့ ဂေါ်ဖီထုပ်မှာ ဇင့်၊ မဂ္ဂနီဆီယမ်တို့ ပါဝင်နေတာကြောင့် ဦးနှောက်ကို အာဟာရ ဖြည့်ပေးနိုင်ပါတယ်။ စိတ်ဓာတ်ကျတာ၊ စိတ်ဖိစီးတယ်၊ စိုးရိမ်စိတ် များတာတွေကို သက်သာစေဖို့ ထောက်ကူပေးနိုင်သလို စိတ်ပိုင်းဆိုင်ရာ ကျန်းမာစေဖို့လည်း ထောက်ကူပေးနိုင်ပါတယ်။ ပျော်ရွှင်စေတဲ့ ဟော်မုန်းတွေ ထွက်ရှိစေဖို့လည်း ထောက်ကူပေးနိုင်ပါတယ်။

  • အရိုးတွေ သန်မာစေတယ်

အချဉ်စိမ်ထားတဲ့ ဂေါ်ဖီထုပ်မှာ ဗီတာမင် K နဲ့ ပရိုတင်းတို့ ပါဝင်နေတာကြောင့် အရိုးတွေကို သန်မာစေဖို့ အားဖြည့်ပေးနိုင်ပါတယ်။ သွေးဆုံးချိန်မှာ အရိုးပွတာကို ကာကွယ်ပေးနိုင်သလို အရိုးပါးတာကိုလည်း ကာကွယ်ပေးပါတယ်။

  • အသားအရေ ကျန်းမာစေတယ်

အချဉ်စိမ်ထားတဲ့ ဂေါ်ဖီထုပ်မှာ ဗီတာမင် C၊ ဗီတာမင် K နဲ့ ဗီတာမင် A တို့ ပါဝင်နေတာကြောင့် အသားအရေကို ကျန်းမာစေဖို့ ထောက်ကူပေးနိုင်သလို ကော်လာဂျင်တွေ ထွက်ရှိစေဖို့လည်း လှုံ့ဆော်ပေးပါတယ်။ အရေပြားရောင်ရမ်းတာမျိုး မဖြစ်အောင် ကာကွယ်ပေးနိုင်သလို ဘက်တီးရီးယားတွေကို တိုက်ဖျက်ပေးနိုင်တာကြောင့် ဝက်ခြံမဖြစ်စေဖို့လည်း ကာကွယ်ပေးနိုင်ပါတယ်။

ဘာတွေ သတိထားရမလဲ

အချဉ်စိမ်ထားတဲ့ ဂေါ်ဖီထုပ်က ကျန်းမာရေးကို အကျိုးပြုတယ်ဆိုပေမယ့် အများကြီး စားရင် အစာခြေစနစ်ကို ထိခိုက်စေနိုင်တာကြောင့် အလွန်အကျွံ မစားဖို့ လိုပါမယ်။

ဘယ်သူတွေ မစားသင့်ဘူးလဲ

ရောဂါအခံ ရှိသူတွေ၊ ကျန်းမာရေးပြဿနာ တစ်ရပ်ရပ်ကြောင့် ဆေးသောက်နေရသူတွေအနေနဲ့ ဆရာဝန်နဲ့ တိုင်ပင်ပြီးမှ စားတာ အကောင်းဆုံးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

မှ အချက်အလက် စစ်ဆေးထားပါသည်။

Aye Thi Mon


Aye Thi Mon မှ ရေးသားသည်။ · 02/01/2023 တွင် အသစ်ဖြည့်စွက်ခဲ့သည်။

advertisement
advertisement
advertisement
advertisement