မတ်တတ်ပြေးအရွယ် နဲ့ မူကြိုအရွယ်

ကလေးကို တီထွင်ဖန်တီးမှုကောင်းမွန်သူအဖြစ်ကြီးပြင်းလာအောင် ပျိုးထောင်ပေးဖို့က မိဘတွေမှာတာဝန်ရှိတယ်ဆိုတာကိုပြောပြနေစရာမလိုအောင်သိထားပြီးဖြစ်မှာပါ။ မိဘတိုင်းအနေနဲ့လည်း သားသမီးတွေကို စိတ်ကူးဉာဏ်ရင့်သန်ပြီး ဖန်တီးမှုကောင်းမွန်တဲ့သူတွေအဖြစ် ကြီးပြင်းစေချင်ကြမှာပါ။ ဒါပေမယ့် ဒီဆန္ဒကို အကောင်အထည်ဖော်ဖို့က တစ်ခါတစ်လေမှာ အဆင်မပြေတာမျိုးရှိပါတယ်။ တစ်နေ့တာမှာ များပြားလှတဲ့ လုပ်ငန်းဆောင်တာတွေကို လုပ်ဆောင်ရင်း ကလေးတွေကိုပြုစုပျိုးထောင်ဖို့အတွက် အချိန်မပေးနိုင်တာမျိုးကြုံရနိုင်သလို ကလေးတွေက ကိုယ့်ကိုလိုအပ်မယ်ဆိုတာကိုမေ့နေတာမျိုးလည်းရှိနိုင်ပါတယ်။ ကံကောင်းတာတစ်ခုက ကလေးတွေက သူတို့သဘာဝအလျောက် အရမ်းကို စိတ်ကူးဉာဏ်ရင့်သန်ကြပြီးမွေးလာကတည်းက ဖန်တီးလိုစိတ်တွေပါလာကြတာပါ။ သူတို့လေးတွေက အသစ်အဆန်းတွေကို ဖန်တီးလိုကြပြီး အတွေ့အကြုံအသစ်တွေနဲ့ ပတ်ဝန်းကျင်အသစ်တွေကို ထိတွေ့တဲ့အခါ စူးစမ်းလိုစိတ်နဲ့အတူ ဖန်တီးဆန်းသစ်လိုစိတ်ကအလိုလိုဖြစ်ပေါ်လာတတ်ကြပါတယ်။ ဒါကြောင့်ဖေဖေမေမေတို့အနေနဲ့ မိမိရင်သွေးကို ဖန်တီးမှုစွမ်းရည်ကောင်းမွန်တဲ့ ကလေးတစ်ဦးအဖြစ်ကြီးပြင်းလာစေဖို့ဆိုရင် ကလေးရဲ့ လုပ်ဆောင်မှုတွေကို အားပေးပေးဖို့လိုသလို ကလေးတွေရဲ့ လုပ်ဆောင်မှုတွေအပေါ်မှာ သွားရောက်ထိန်းချုပ်မိတာမျိုး မဖြစ်စေဖို့ သတိထားသင့်ပါတယ်။ ငယ်စဉ်ကတည်းက စိတ်ကူးဉာဏ်ရင့်သန်တဲ့ ကလေးတွေဟာ အရွယ်ရောက်လာတဲ့အခါ တီထွင်ဖန်တီးမှုကောင်းသူတွေအဖြစ်အရွယ်ရောက်လာတတ်ကြပါတယ်။ တီထွင်ဖန်တီးနိုင်စွမ်းကောင်းမွန်သူတွေကပြဿနာတွေကိုလည်းကောင်းကောင်းဖြေရှင်းနိုင်ပါတယ်။ ဒီတော့ ကလေးကိုဖန်တီးမှုစွမ်းရည်ကောင်းမွန်တဲ့သူတစ်ဦးဖြစ်လာစေဖို့ ဒီလိုပျိုးထောင်ပါနော် ၁။ […]

ကလေးကို အာဟာရြပည့်ဝပြီး ကျန်းမာတဲ့အစားအသောက်တွေကျွေးချင်တဲ့ဆန္ဒ မိဘတိုင်းလိုလိုမှာရှိကြပါတယ်။ တစ်ခါတလေစားကောင်းလို့ ကိုယ်က သူတို့ကိုကျွေးချင်ပေမယ့် ကလေးတွေရဲ့ အစာခြေစနစ်က လူကြီးတွေလိုမျိုး အပြည့်အဝမဖွံ့ဖြိုးသေးပါဘူး။ ဒါပေမယ့် အရာရာတိုင်းက ကိုယ့်အတွက် သင့်တော်တယ်ဆိုရင်တောင် ရင်သွေးလေးနဲ့ သင့်တော်ဖို့က သိပ်မဖြစ်နိုင်ပါဘူး။ ဒီတော့ ကလေးကို ဘာတွေမကျွေးသင့်ဘူးလဲဆိုတာကို ဖတ်ကြည့်လိုက်နော်။ ဒီအစားအစာတွေက ကလေးကို မကျွေးသင့်ပါဘူး အသင့်စား အစားအစာတွေ ဈေးဝယ်စင်တာမှာ အလွယ်တကူဝယ်ယူလို့ရတဲ့ အသင့်စား အစားအစာတွေက အဆီနဲ့အငန်ဓါတ်ကဲပါတယ်။ လူကြီးတွေအတွက်တောင် ကျန်းမာရေးထိုက်စေနိုင်တဲ့ ဒီအစားအစာတွေက ကလေးတွေကို မကျွေးသင့်ဘူးဆိုတာပြောနေစရာတောင်မလိုပါဘူး။ ဒါကြောင့် ကလေးတွေကိုဈေးဝယ်ခေါ်သွားတဲ့အခါ ကလေး လက်ညှိုးထိုးတိုင်း မဝယ်ပေးပါနဲ့။ ပြုပြင်ထားတဲ့အသားတွေ ပြုပြင်ထားတဲ့ အသားတွေမှာ ဆားနဲ့ နိုက်ထရိတ်တွေအများကြီးပါဝင်နေတတ်ပါတယ်။ ကြက်အူချောင်း၊ ဝက်အူချောင်း၊ ဝက်ပေါင်ခြောက်၊ အမဲသားဆီသွတ်ဗူးတွေအလွန်အကျွံစားသုံးမှုက နှလုံးရောဂါ၊ အစာအိမ်နဲ့ အူမကြီးကင်ဆာအပါအဝင် နာတာရှည်ရောဂါတော်တော်များများကိုဖြစ်စေနိုင်ပါတယ်။ ဒါကြောင့် သားသားမီးမီးတွေကိုပြုပြင်ထားတဲ့အသားတွေမကျွေးပါနဲ့။ သကြားလုံးတွေ အချိုတွေအလွန်အကျွံစားသုံးမှုက ကလေးရဲ့ သွားကြွေလွှာကို ထိခိုက်ပျက်စီးစေနိုင်ပါတယ်။ […]

မိဘနှစ်ပါးရဲ့ မူလဘာသာစကား မတူညီတဲ့ အနေအထားမျိုးအပါအဝင် အမျိုးမျိုးသော အခြေအနေတွေမှာ ကလေးဟာ ဘာသာစကားနှစ်မျိုး စလုံးကို သင်ယူရင်း ကြီးပြင်းလာရတတ်ပါတယ်။ ဒီလို ကြီးပြင်းလာရတာဟာ ကောင်းသလား၊ ဆိုးသလား ဆိုတာနဲ့ ပတ်သက်လို့ အငြင်းပွားမှုတွေလည်း အများအပြား ရှိနေပါသေးတယ်။ ဒီလို အငြင်းပွားမှုတွေထဲမှာ မှားယွင်းစွာ လက်ခံထားကြတဲ့ အချက်အလက်လေးတွေလည်း ရှိနေပါတယ်။ အခု ဆောင်းပါးလေးမှာတော့ အဆိုပါ အယူအဆမှားတွေကို တင်ပြသွားမှာပဲ ဖြစ်ပါတယ်။ ဘာသာစကားနှစ်မျိုး နဲ့ ကြီးပြင်းခြင်း : ဘာတွေ အယူအဆ မှားနေကြသလဲ ဘာသာစကားနှစ်မျိုး နဲ့ ကြီးပြင်းခြင်း : ဘာတွေ အယူအဆ မှားနေကြသလဲ ဆိုတာကို အတူတူ ဆက်ကြည့်လိုက်ရအောင်နော်။ ၁။ တစ်မျိုးထက်ပိုတဲ့ ဘာသာစကားတွေနဲ့ ကြီးပြင်းလာခြင်းဟာ ကလေးကို ရှုပ်ထွေးသွားစေတယ် ဒါဟာ အယူအဆအမှားတွေ အားလုံးထဲမှာ သဘာဝအကျဆုံး […]

ကလေးကို ထမင်းစကျွေးပြီဆိုတာနဲ့ မိဘတွေတိုင်ပတ်တဲ့ဇာတ်လမ်းကစလာပါပြီ။ အရာရာသူ့ဘာသာလုပ်မယ်တကဲကဲနဲ့ ဖွံ့ဖြိုးလာတဲ့ ကလေးကြောင့်ပါ။ ဘာကျွေးကျွေး ခုကြိုက်လိုက်၊တော်ကြာထွေးထုတ်လိုက်၊ သူ့လက်နဲ့ပြန်ကောက်စားလိုက် လုပ်ရင်လုပ်တတ်သေးတယ်။ ဘယ်အစားအစာကိုကြိုက်မလဲ မှန်းဆရလည်းတော်တော်ခက်တဲ့အရွယ်ပါ။ အစားတစ်မျိုးကို ခဏပဲကြိုက်တာကိုး။ ဆော့ရင်းကစားရင်း လိုက်ခွံ့ရတာ၊ ထမင်းပန်းကန်ကိုင်ပြီး ကလေးနဲ့စိန်ပြေးလိုက်တမ်းကစားရတာလည်း အမော။ ဒီလိုကာလတွေမှာအတော်ပင်ပန်းရပေမယ့် ဒါဟာ ကလေးတွေရဲ့ပုံမှန်ဖွံ့ဖြိုးမှုအဆင့်တစ်ခုဖြစ်နေပြန်ပါတယ်။ သိပ်စိတ်ပူနေဖို့တော့ မလိုပါဘူး။ မေမေတို့အနေနဲ့ ဉာဏ်ရှိရှိနဲ့ဖြတ်သန်းနိုင်မယ်ဆိုရင် ကလေးလည်းအာဟာရမလျော့ဘဲ အချိန်နဲ့အမျှ အဆင်ပြေလာမှာပါ။ ဘယ်လို ကိုင်တွယ်ဖြေရှင်းမလဲ ကလေးအများစုက တစ်ခါတရံ စားစရာကိုငြင်းဆန်နေရင်တောင်မှ မိဘတွေရဲ့ ကြိုးပမ်းမှု(ဉာဏ်ကစားမှု)ကြောင့် စားသင့်သလောက် စားဝင်ကြပါတယ်။ တစ်ခုသတိထားရမှာက ကလေးရဲ့အစာအိမ်ကသေးသေးလေးရယ်။ ဒီလောက်ဝင်မှဖြစ်မယ်ဆိုပြီး တစ်ကြိမ်တည်းမှာ ပုံတိုက်သတ်မှတ်ပြီး အတင်းမကျွေးမိဖို့ပါ။ ထိုက်သင့်သလောက်စားဝင်ပြီးမှ ကလေးက ဆက်မစားချင်တော့ရင် အတင်းအကျပ်ဆက်မကျွေးသင့်ပါဘူး။ ကဲ ဘယ်လိုနည်းလမ်းတွေသုံးပြီး ဇီဇာကြောင်တဲ့ကလေးကို အစားချော့ကျွေးနိုင်မလဲ ကြည့်ရအောင်။ ကိုယ်နဲ့အတူကျွေးကြည့်ပါ လူကြီးတွေစားတဲ့ထမင်းဝိုင်းနားမှာဖြစ်ဖြစ်၊ တစ်ဝိုင်းတည်းထိုင်ခိုင်းတာဖြစ်ဖြစ် တတ်နိုင်သလောက် တူတူထမင်းစားကြည့်ပါ။ အချိန်မရတဲ့သူတွေအတွက် နည်းနည်းတော့ခက်ခဲနိုင်ပေမယ့် ကလေးတစ်ယောက်တည်းကိုထမင်းခွံ့ရင်း […]

ဗီတာမင်ဆိုတာလူ့ခန္ဓါကိုယ်အတွက်မရှိမဖြစ်အရေးပါတဲ့အရာတွေပါ။ ဗီတာမင်နဲ့သတ္တုဓါတ်တွေက ခန္ဓါကိုယ်ရဲ့လုပ်ဆောင်ချက်တွေကောင်းမွန်ကျန်းမာစေဖို့ အဓိကအထောက်အကူပြုသလို ခန္ဓါကိုယ်ကြီးထွားဖွံ့ဖြိုးဖို့၊အမြင်အာရုံဖွံ့ဖြိုးဖို့၊အရိုးသန်မာစေဖို့၊ အရေပြားနဲ့ကိုယ်တွင်းအင်္ဂါကျန်းမာစေဖို့၊ရောဂါပိုးတွေကိုခုခံနိုင်ဖို့အတွက် ကူညီပေးပါတယ်။ ဒါ့ကြောင့် ဗီတာမင်နဲ့သတ္တုဓါတ်တချို့ကို ချို့တဲ့တဲ့အခါ ကျန်းမာရေးထိခိုက်မှုကြီးမားတဲ့အထိဖြစ်စေနိုင်ပါတယ်။ ဖွံ့ဖြိုးကာစ ကလေးတွေအတွက်ဆို ပိုလို့တောင်အရေးကြီးပါသေးတယ်။ ကိုယ်ခန္ဓါဖွံ့ဖြိုးကြီးထွားဖို့နဲ့ ကျန်းမာသွက်လက်ဖို့ကအစ ဉာဏ်ရည်ထက်မြက်မှုအထိ မရှိမဖြစ်လိုအပ်နေတဲ့ ဗီတာမင်ဓါတ်နဲ့သတ္တုဓါတ်တွေကို ဘယ်ကရရှိနိုင်မလဲ။ အာဟာရဓါတ်တွေညီညွတ်မျှတအောင် အစုံမစားနိုင်သေးတဲ့အရွယ်ဖြစ်တာကြောင့် သူတို့ကိုကျွေးမယ့်အာဟာရထဲ ဗီတာမင်ဓါတ်ပြည့်ဝနေမှဖြစ်မှာပါ။ မိခင်နို့မှာ အာဟာရပြည့်ဝတယ်ဆိုပေမယ့် မိခင်နို့အပြည့်အဝမရနိုင်တဲ့ကလေးတွေ ဗီတာမင်နဲ့သတ္တုဓါတ်အချိုးမျှတစွာသောက်သုံးနိုင်ဖို့ အာဟာရဓါတ်တွေအပြည့်အဝပါဝင်နေတဲ့ကလေးနို့မှုန့်၊အာဟာရမှုန့်ကိုရွေးချယ်သင့်ပါတယ်။ သူတို့လေးတွေစားမယ့် ကလေးအာဟာရထဲမှာ ဗီတာမင်ဓါတ်တွေဘာလို့ပါဝင်သင့်သလဲဆိုတာတော့အောက်မှာအသေးစိတ်ဖော်ပြလိုက်ပါတယ်။ Iron သံဓါတ်က သွေးတွင်းမှာရှိတဲ့ hemoglobin နဲ့ ကြွက်သားအတွင်းအောက်ဆီဂျင်ထိန်းသိမ်းပေးတဲ့myoglobinဖြစ်ပေါ်မှုအတွက် အရေးပါပြီးသွေးအားကောင်းစေပါတယ်။ Calcium ကယ်လ်စီယမ်က အရိုးနဲ့သွားကို ကြံ့ခိုင်စေတယ်၊ အာရုံကြောအားကောင်းစေတယ်၊ ကြွက်သားသန်မာစေတယ်၊သွေးလည်ပတ်မှုကောင်းစေတယ်၊ ခန္ဓါကိုယ်ကို အစားအစာကနေ ခွန်အားအဖြစ်ပြောင်းလဲနိုင်စွမ်းပိုကောင်းစေပါတယ်။ Essential fatty acids(EFAs) မရှိမဖြစ်လိုအပ်တဲ့fatty acidsတွေက ဆဲလ်တွေနဲ့ အာရုံကြောစနစ်ကို ကျန်းမာအောင် ထိန်းညှိပေးတယ်၊ နှလုံးသွေးကြောစနစ်ကိုကောင်းမွန်စေတယ်၊ကိုယ်ခံအားကောင်းစေတယ်၊ အာဟာရဓါတ်စုပ်ယူနိုင်စွမ်းကောင်းစေတယ်။ ဦးနှောက်လုပ်ဆောင်ချက်နဲ့ အမြင်အာရုံအတွက် မရှိမဖြစ်လိုအပ်တဲ့ အရာတွေပါ။ Magnesium မဂ္ဂနီဆီယမ်က […]

ငယ်ငယ်ကတော့ ကိုယ်တွေ စကားနားမထောင်ဘူးဆိုရင် အမေက ကြိမ်လုံးနဲ့ တီးတာပဲဟုတ်။ ဒီဘက်ခေတ်မှာတော့ ဒီအယူအဆတွေက ပြောင်းလဲလာပါပြီ။ ကလေးတွေကို ရိုက်ပြီးဆုံးမမှဖြစ်မှာလား ။ သင်ကိုယ်တိုင်ရော ဘယ်လို ထင်ပါသလဲ။ ကိုယ်တိုင်ရဲ့ ယူဆချက် မှန်ရဲ့လားဆိုတာကို ဆန်းစစ်ကြည့်ရအောင်နော်။ ကလေးတွေကို ရိုက်ပြီးဆုံးမမှဖြစ်မှာလား သားသမီးကို ဆုံးမတာလည်း ဆုံးမတာပေါ့လေ။ ဒါပေမယ့် ကလေးတွေကို  ရိုက်မောင်းပုတ်မောင်း နဲ့ ဆုံးမတာမျိုးကတော့ ဘယ်လိုမှ မဖြစ်သင့်တဲ့ ဆုံးမမှုမျိုးပါ။ သားသမီးတွေကို ရိုက်နှက်ဆုံးမခြင်းအားဖြင့် ကလေးတွေဟာ- လူကြောက်တတ်၊ လူရှိန်တတ်လာမယ်၊ အပေါင်းအသင်းမဆန့်တော့ဘူး။ လူစိမ်းတွေကို ကြောက်တတ်လာမယ်။ ရန်လိုဒေါသထွက်တတ်လာမယ်။ ထိခိုက်အနာတရဖြစ်မယ်။ စိတ်ဒဏ်ရာတွေ ရသွားမယ် အစရှိတဲ့ ပြဿနာတွေနဲ့ ကြုံတွေ့လာရနိုင်ပါတယ်။ ဒါကြောင့် ကလေးတွေကို ရိုက်နှက်ဆုံးမရတဲ့ အခြေအနေမဆိုက်ရအောင် ဘာတွေ လုပ်နိုင်မလဲဆိုတာကို ကြည့်ကြရအောင်။ ၁။ ပတ်ဝန်းကျင် အနေအထားကို ပြောင်းပေးပါ။ မီးဖိုချောင်ထဲ၊ ကြောင်အိမ်ထဲကို […]

ကလေးလေးတွေကောင်းမွန်စွာနဲ့ကြီးပြင်းလာစေဖို့ တာဝန်အရှိဆုံးပုဂ္ဂိုလ်တွေက မိဘတွေပါ။ ကလေးကိုကောင်းမွန်စွာကြီးပြင်းလာစေဖို့အတွက် အရမ်းအတင်းအကျပ်ကြီးလုပ်ကိုင်တဲ့အခါ အုပ်ထိန်းမှုက လမ်းကြောင်းပြောင်းသွားပြီး ကလေးကို ဝန်ထုတ်ဝန်ပိုးဖြစ်သွားစေတာမျိုးရှိနိုင်ပါတယ်။ ကလေးတွေကိုပြုစုပျိုးထောင်ရတာက အရမ်းကိုအနုစိတ်နိုင်လွန်းပြီး အတွေ့အကြုံများစွာကိုရရှိနိုင်တဲ့ ဘဝအစိတ်အပိုင်းတစ်ခုပါ။ မိဘတိုင်းကတော့ သူတို့ရဲ့ရင်သွေးလေးတွေကိုပြည့်စုံပျော်ရွှင်ပြီး ထူးချွန်တဲ့ ကလေးလေးတွေအဖြစ်ကြီးပြင်းလာစေချင်မှာ အသေအချာပါပဲ။ ကလေးတွေကိုပြုစုပျိုးထောင်တာက ကိုယ်တိုင်မှာလည်း တိုးတက်မှုတွေရရှိစေနိုင်ပါတယ်။ ဒါတင်မဟုတ်ပါဘူး၊ ကလေးတွေမှာတွေ့မြင်ချင်တဲ့ အရည်အချင်းတွေရလာအောင် ကိုယ်တိုင်ဦးဆောင်လမ်းပြရင်း ကိုယ်တိုင်မှာလည်း အရည်အသွေးတွေတိုးတက်လာနိုင်ပါသေးတယ်။ မိသားစုရဲ့နေထိုင်မှုပုံစံက ကလေးငယ်တွေရဲ့ အတွေးအခေါ်၊စိတ်ခံစားမှုနဲ့ လုပ်ဆောင်နိုင်စွမ်းတွေအပေါ်မှာ စိုးမိုးသက်ရောက်မှုရှိနေပါတယ်။ လူတွေနဲ့ဘယ်လိုမျိုးဆက်ဆံရမလဲဆိုတာနဲ့ အပြန်အလှန်လေးစားမှုထားရမလဲဆိုတာတွေကို မိဘတွေထံကနေသင်ယူတာပါ။ မိသားစုနေထိုင်မှုပုံစံက ကလေးတစ်ယောက်ရှင်သန်ကြီးပြင်းမှုအပေါ်မှာ အများကြီးသက်ရောက်မှုရှိနေပါတယ်။ပျော်ပျော်ရွှင်ရွှင်နေထိုင်တတ်တဲ့ မိသားစုတွေကနေကြီးပြင်းလာတဲ့ ကလေးတွေက ထူးချွန်ထက်မြက်တယ်လို့ပြောရင် သင့်အနေနဲ့ ဘယ်လိုများဆက်စပ်နေလို့လဲလို့ စဉ်းစားရခက်နေမလား။ ဘာလို့လဲဆိုတဲ့အဖြေကို ကြည့်လိုက်ရအောင်နော်။ ထူးချွန်ထက်မြက်တဲ့ကလေးတွေဖြစ်လာစေချင်သော မိဘများအတွက် ကလေးတွေကိုဖြစ်ချင်ဇောများပြီး အရမ်းတင်းတင်းကျပ်ကျပ်အုပ်ထိန်းမှုက ကလေးငယ်တွေကို စိတ်ဓါတ်ကျတာ၊ စိုးရိမ်စိတ်များစေတာမျိုးတွေခံစားရစေနိုင်ပါတယ်။ ဒါကြောင့် ကလေးတွေကို ထူးချွန်ထက်မြက်စေချင်တယ်ဆိုရင်တော့ အခုပြောတဲ့အချက်လေးတွေကို လုပ်ကြည့်သင့်ပါတယ်။ ကလေးကို ကိုယ်တိုင်သင်ယူခွင့်ပေးလိုက်ပါ ကလေးကို […]

မိခင်တွေရဲ့ ဂရုစိုက်မှုကိုခံရတဲ့ ကလေးလေးတွေက ပိုပြီးပျော်ရွှင်တတ်ကြသလို ပိုပြီးလည်း ထူးချွန်ထက်မြက်တတ်ကြပါတယ်။ မိခင်တွေက သားသမီးတွေရဲ့ လမ်းပြကြယ်တွေလို့ဆိုရင် လူတိုင်းလက်ခံမယ်ထင်ပါတယ်။ ကလေးတွေရဲ့ ပင်ကိုအသိကိုက မိခင်တွေကို ပိုအားကိုးတာပါ။ ကလေးတွေကို ရင်အုပ်မကွာစောင့်ရှောက်ရာမှာလည်း မိခင်တွေက ဖခင်တွေထက်ပိုပြီးတော်ကြပါတယ်။ အမျိုးသမီးတစ်ဦးအနေနဲ့လည်း မိခင်တစ်ယောက်ဘဝကိုရောက်လာပြီဆိုရင် အရာရာကပြောင်းလဲလာသလို စိတ်ဝင်စားစရာတွေနဲ့ပြည့်နေတဲ့ ဘဝအစိတ်အပိုင်းတစ်ခုကိုရောက်လာတာပါပဲ။ ကလေးတစ်ယောက်ကောင်းမွန်စွာကြီးပြင်းလာစေဖို့အတွက် မိခင်ရဲ့ အခန်းကဏ္ဍ ဘယ်လောက်အထိအရေးပါလဲဆိုတာကို ကြည့်လိုက်ရအောင်နော်။ မိခင်နဲ့ ကလေးကြားမှာချစ်ခင်မှုတွေနဲ့ပြည့်နှက်နေတဲ့ ဆက်ဆံရေးရှိနေဖို့က ကလေးတစ်ယောက် ပျော်ရွှင်ကျန်းမာစွာနဲ့ ကြီးပြင်းလာစေဖို့အတွက် အရေးအပါဆုံး စိတ်အပိုင်းပါ။ ကိုယ့်ရဲ့ ရင်သွေးကို မိခင်ဖြစ်သူကနွေးနွေးထွေးထွေး ကြင်ကြင်နာနာနဲ့ပြောဆိုဆက်ဆံတာက ကလေးတစ်ယောက်ကောင်းမွန်စွာနဲ့ ကြီးထွားဖွံ့ဖြိုးလာစေဖို့ အရေးပါတဲ့အခြေခံအုတ်မြစ်ဖြစ်သလို ကလေးကို ကောင်းမွန်တဲ့ လူရွယ်လေး အဖြစ်ကြီးပြင်းလာအောင် ပျိုးထောင်ရာမှာလည်း အထောက်အကူပြုနိုင်မှာဖြစ်ပါတယ်။ ကလေးကို ချစ်ချစ်ခင်ခင်နဲ့ပျိုးထောင်ပေးမှုက ဘာကြောင့်အရေးပါတာလဲ မိခင်နဲ့ကလေးကြားကဆက်ဆံရေးက ကလေးရဲ့ ပတ်ဝန်းကျင်ပေါ်အမြင်နဲ့ ကလေးရဲ့ဖွံ့ဖြိုးမှုအပါအဝင် အရာရာပေါ်မှာ သက်ရောက်မှုရှိနေတာပါ။ မိခင်နဲ့သူတို့လေးတွေကြားက […]

မိဘတိုင်းကတော့ သူတို့ရဲ့ကလေးတွေကို ကျန်းမာပျော်ရွှင်အောင်မြင်တဲ့ ကလေးတွေအဖြစ်ကြီးပြင်းစေချင်ကြမှာပါ။ ကလေးတွေကို ကျန်းမာပျော်ရွှင်အောင်မြင်တဲ့ ကလေးတွေအဖြစ်ကြီးပြင်းလာအောင် ပျိုးထောင်လို့ရတဲ့နည်းတွေရှိတယ်ဆိုရင် မိဘတိုင်းစိတ်ဝင်စားကြမယ်ထင်ပါတယ်။ ကိုယ့်ရဲ့ကလေးတွေကို ကျန်းမာပျော်ရွှင်အောင်မြင်တဲ့ ကလေးတွေအဖြစ်ကြီးပြင်းလာအောင် ဘယ်လိုပျိုးထောင်ပေးလို့ရလဲဆိုတာက ဆက်ကြည့်လိုက်ရအောင်ပါ။ ကျန်းမာပျော်ရွှင်အောင်မြင်တဲ့ ကလေးတွေအဖြစ်ပျိုးထောင်ကြမယ် ကလေးတွေရဲ့ လက်ဦးဆရာက မိဘတွေပါ။ ကလေးတွေဆိုတာက ဖယောင်းလေးတွေလိုပါပဲ။ ပုံသွင်းတဲ့အတိုင်းဝင်တဲ့အရွယ်လေးတွေပါ။ ကလေးကို ငယ်စဉ်ကတည်းကသေချာပျိုးထောင်ပေးမယ်ဆိုရင် ကလေးကကောင်းမွန်စွာနဲ့ကြီးပြင်းအရွယ်ရောက်လာမှာ အသေအချာပါပဲ။ (၁) ကလေးတွေကို ချစ်ပေးပါ - ဒါက သိပြီးသားအကြောင်းအရာလို့ထင်စရာရှိပါတယ်။ ဒါပေမယ့်လည်း ကလေးကိုချစ်ခြင်းမေတ္တာပေးဖို့က အရေးကြီးဆုံးအချက်တစ်ခုပါ။ သင့်အနေနဲ့ အားနည်းချက်ရှိနေရင်ဖြစ်ဖြစ် ဘယ်လိုပဲဖြစ်နေနေ ကလေးကိုတော့ ချစ်ခြင်းမေတ္တာတွေအကန့်အသတ်မရှိပေးနိုင်ပါတယ်။ ကလေးတွေအနေနဲ့ မိသားစုတွေဆီကနေ ချစ်ခြင်းကိုလက်ခံရရှိသင့်သလို သူငယ်ချင်းတွေ၊ အတန်းဖော်တွေ နဲ့ လူမှုပတ်ဝန်းကျင်ရဲ့ ချစ်ခြင်းတွေကိုရရှိဖို့လိုအပ်ပါတယ်။ မတော်တဆက ကလေးကိုအော်ငေါက်မိတာ၊ အသံမာမာနဲ့ပြောမိတာမျိုးရှိခဲ့ရင် ကလေးကိုနွေးနွေးထွေးထွေးပွေ့ဖက်ပြီး သင့်အနေနဲ့ ကလေးကိုချစ်ကြောင်းပြောပြပြီးအော်ငေါက်မိတာအတွက် စိတ်မကောင်းတဲ့အကြောင်းပြောပြပေးပါ။ အကန့်အသတ်မဲ့တဲ့ ချစ်ခြင်းမေတ္တာတွေက ကလေးအတွက် […]

သင်ဟာ ကလေးကိုရိုက်ပြီးဆုံးမ တတ်သူလား။ ရိုက်ဆုံးမတဲ့နည်းလမ်းက ကလေးကို တကယ်လိမ္မာသွားစေမှာလား။ မိဘတွေဟာ ကလေးတွေကို ရိုက်ဆုံးမတဲ့အခါ ဒေါသထွက်နေချိန်ဖြစ်တာကြောင့် တစ်ခါတရံ စိတ်မထိန်းနိုင်ဘဲ ကိုယ့်စိတ်ဖြေသလို လုပ်နေမိတတ်ပါတယ်။ မိဘအနေနဲ့ ကိုယ့်စိတ်ကို အရင်ထိန်းပြီးမှ ဆုံးမသင့်သလောက်ဆုံးမမယ်ဆိုရင် အကောင်းဆုံးပါ။ မိဘတွေက ကလေးကို ရိုက်ရတော့မယ်လို့ တွေးလိုက်ရင် အလိုလိုကို စိတ်မာထားရမယ်လို့ ခံယူထားကြပါတယ်။ အသည်းမာရမယ်ပေါ့။ ဒါ့ကြောင့်ပဲ ကလေးကိုရိုက်ပြီးမှ သနားပြီးပြန်ငိုတဲ့ တချို့မိဘတွေလည်း ရှိပါတယ်။ နောက်တစ်ချက်က အခုလိုရိုက်ခံရအောင် ကလေးက သူ့ဘာသာဖန်တီးခဲ့တာလို့ တွေးတာဖြစ်ပါတယ်။ အရိုက်ခံရအောင်လုပ်တာ သူတို့အမှားပဲ၊ ငါတို့မှားတာမဟုတ်ဘူးလို့ တွေးကြတာပါ။ ကလေးကိုရိုက်ပြီးဆုံးမ လိုက်ရင် ကလေးရဲ့အပြုအမူတွေကို ခဏတာအတွင်း ထိန်းချုပ်နိုင်မှာလား ကလေးတစ်ယောက်က အရိုက်ခံလိုက်ရတဲ့အချိန်မှာ သူ့ရဲ့လေ့လာနိုင်စွမ်း၊ နားလည်မှတ်သားနိုင်စွမ်းနဲ့ဆိုင်တဲ့ ဦးနှောက်အပိုင်းမှာ နှိုးဆွလိုက်သလိုဖြစ်စေပါတယ်။ ဒါ့ကြောင့် ရိုက်ဆုံးမခြင်းကို အန္တရာယ်လို ကလေးက သတိအနေအထားနဲ့ သိရှိလက်ခံလိုက်ပြီး ချက်ချင်းတုံ့ပြန်လာပါတယ်။ […]