ကလေးကျန်းမာရေး

ဆီးချိုသွေးချိုဆိုတာ လူကြီးတွေမှာ (အထူးသဖြင့် သက်ကြီးပိုင်းတွေ) မှာပဲ ဖြစ်တတ်တဲ့ရောဂါတစ်ခုလို့ ထင်ကြပါတယ်။ ခုခေတ် ဟိုမှာဒီမှာ ကြားရလွန်းလှတဲ့ ဆီးချိုရောဂါဆိုတာ တကယ်တော့ အရွယ်သုံးပါးမရွေးပါဘူးနော်။ သက်ကြီးပိုင်းတင်မကဘူး၊ လူငယ်၊လူလတ်မကျန် ကလေးတွေလည်း ဆီးချိုသွေးချိုအန္တရာယ် ရှိနေနိုင်တယ်နော် ။ ဆီးချိုသွေးချိုရောဂါနှစ်မျိုးထဲမှာ မွေးရာပါဖြစ်တဲ့ အမျိုးအစား ၁ အန္တရာယ်အတွက်တော့ ကြိုတားဆီးလို့မရနိုင်ပေမယ့် အကြောင်းရင်းခံတချို့ကြောင့်နောက်ပိုင်းမှဖြစ်လာနိုင်တဲ့ အမျိုးအစား ၂ အတွက်တော့ ကြိုတင်ကာကွယ်လို့ရပါတယ်။ ပြဿနာက အမျိုးအစား ၂ ရဲ့လက္ခဏာကို မသိလိုက်တာမျိုးရှိတတ်တာပါပဲ။ အများစုကရောဂါတဖြည်းဖြည်းအဆင့်တက်လာတာကို မသိလိုက်ဘဲ လက္ခဏာလည်း သိပ်မတွေ့ရတတ်ပါဘူး။ ကလေးတွေလည်း ဆီးချိုသွေးချိုအန္တရာယ် ရှိနေနိုင်တယ်နော် ကလေးမှာ အဖြစ်များတာက အမျိုးအစား (၁) ဆီးချိုရောဂါဆိုပေမယ့် တစ်ခါတလေ အမျိုးအစား (၂) ဆီးချိုရောဂါနဲ့ တခြားအမျိုးအစား ဆီးချိုရောဂါတွေ ဖြစ်နိုင်တာကိုလည်း တွေ့ရပါတယ်။ အထူးသဖြင့် ဆယ်ကျော်သက်အရွယ်တွေမှာပေါ့။  ဒါကြောင့် […]

လူတွေရဲ့ တစ်နေ့တာမှာ လိုအပ်တဲ့ ဗီတာမင်ဓာတ်တွေ၊ အာဟာရဓာတ်တွေ ရရှိမှ ကိုယ်ခန္ဓာက ကောင်းစွာ ဖွံ့ဖြိုးကြီးထွားပြီး သာမန်လူတွေထက် ကိုယ်ခံအားရော ကျန်းမာရေးပါ ပိုကောင်းမှာပါ။ ကလေးတွေ အရိုးသန်မာဖို့၊ ကိုယ်ခန္ဓာကြီးထွားဖို့၊ ကျန်းမာရေးကောင်းဖို့၊ ရောဂါတွေကို တိုက်ထုတ်ပေးနိုင်ဖို့နဲ့ ကိုယ်တွင်းအင်္ဂါတွေ ကောင်းစွာ အလုပ်လုပ်နိုင်စေဖို့ ဗီတာမင်နဲ့ အာဟာရဓာတ်က အရေးပါတဲ့ အခန်းကဏ္ဍကနေ ပါဝင်နေပါတယ်။ ဖွံ့ဖြိုးဆဲနိုင်ငံတွေနဲ့ မဖွံ့ဖြိုးသေးတဲ့ နိုင်ငံအချို့မှာ ရှိတဲ့ ကလေးတွေဟာ နေ့စဉ် လုံလောက်တဲ့ အစာအာဟာရတွေ မရရှိကြပါဘူး။ ဒီလိုကလေးတွေဟာ ကြီးပြင်းလာတဲ့အခါမှာ ကိုယ်လက်အင်္ဂါမသန်မစွမ်းဖြစ်တာ၊ ကျန်းမာရေးချူချာတာ၊ အလွယ်တကူ ဖျားနိုင်တာ၊ ကိုယ်ခံအားနည်းတာအပြင် တခြားသော ဘေးဒုက္ခတွေကိုပါ ကြုံတွေ့လာနိုင်ပါတယ်။ ဒါကြောင့် ကလေးတွေအတွက် အရေးပါတဲ့ ဗီတာမင်နဲ့ အာဟာရဓာတ်အကြောင်း၊ ပြင်ဆင်ပြောင်းလဲသင့်တဲ့ နေထိုင်စားသောက်မှုပုံစံတွေကို ဗဟုသုတအနေနဲ့ ဝေမျှပေးချင်ပါတယ်။ ကလေးတွေအတွက် အရေးပါတဲ့ ဗီတာမင်နဲ့ […]

Human Papillomavirus (HPV)ဆိုတာ Human Papillomavirus (HPV)ဆိုတာက လိင်ဆက်ဆံမှုကနေတဆင့် အများဆုံးကူးစက်တဲ့ ရောဂါတစ်မျိုးပါ။ HPVဗိုင်းရပ်စ်ကူးစက်ခံရတာကြောင့် လိင်အင်္ဂါတဝိုက်မှ ကြွက်နို့တွေ ဖြစ်လာနိုင်ပါတယ်။ သားအိမ်ခေါင်းကင်ဆာ၊ လိင်တံကင်ဆာ၊ လည်ချောင်းကင်ဆာနဲ့ လျှာကင်ဆာလိုမျိုး ရောဂါတွေဖြစ်နိုင်ပါတယ်။ HPVဗိုင်းရပ်စ်ကူးစက်ခံရတဲ့အခါ ကင်ဆာမဖြစ်ရင်တောင်မှ လူမှု့ဘဝနေထိုင်မှုကို ထိခိုက်စေနိုင်တဲ့ လိင်အင်္ဂါတဝိုက် ကြွက်နို့တွေဖြစ်တာကို ဖြစ်စေနိုင်ပါတယ်။ HPVဗိုင်းရပ်စ်က လိင်ဆက်ဆံမှုကနေတဆင့် ကူးစက်နိုင်ပြီး တော်တော်များများက ဒီဝေဒနာကို အရွယ်ရောက်ပြီးသူတွေလောက်ပဲ စိုးရိမ်ဖို့လိုအပ်တယ်လို့ ယူဆနေကြပါတယ်။ ဒီအယူအဆက အပြည့်အဝမမှန်ပါဘူး။ ဘာကြောင့် ဒီလိုပြောရလဲဆိုတာ သင်အနေနဲ့ ကလေးကို ငယ်ငယ်ကတည်းကHPV အန္တရာယ်ကနေ ကာကွယ်ဖို့အတွက် ဘာကြောင့် ကြိုတင်ပြင်ဆင်ထားသင့်တာလဲဆိုတဲ့ အကြောင်းအရင်းတွေကို အောက်မှာ သေသေချာချာရှင်းပြပေးထားပါတယ်။ HPVဗိုင်းရပ်စ် နဲ့ကင်ဆာရောဂါများ- Human Papillomavirus (HPV)ဆိုတာ ကမ္ဘာတလွှားမှာ အရမ်းအဖြစ်များနေတဲ့ ဗိုင်းရပ်စ်တစ်မျိုးပါ။ HPVဗိုင်းရပ်စ်က အမျိုးအစား၁၀၀ကျော်ရှိနေပြီး […]

မိဘတိုင်းဟာ ကိုယ့်သားသမီးကို ဒီကမ္ဘာပေါ်မှာ အချောဆုံး၊အလှဆုံး၊အတော်ဆုံး၊အထက်မြက်ဆုံး ဖြစ်စေချင်ကြတာ သဘာဝပါ။ ကိုယ့်ဗိုက်ထဲက ရင်သွေးလေး ထွက်လာပြီဆိုတာနဲ့ ကိုယ်လက်အင်္ဂါစုံရဲ့လား၊တခြားပြဿနာ ဘာများရှိနေသလဲ စတဲ့ ပူပန်စိုးရိမ်မှုလေးတွေ ရှိကြစမြဲပါပဲ။ တကယ်လို့ ရင်သွေးလေးမှာ တခုခု ချွတ်ချော်ယွင်းမှားနေပြီဆိုရင် ခေါင်းမိုးကြိုးပစ်ခံလိုက်ရသလို မိုက်ခနဲ၊ဒိန်းခနဲ ဖြစ်သွားတတ်ပါတယ်။ ဒါဟာ သဘာဝပါ။ ဒါပေမယ့် ဒီလိုပြဿနာနဲ့ ရင်ဆိုင်နေရတာ သင်တယောက်တည်း မဟုတ်ပါဘူး။ ရောဂါထိန်းချုပ်ရေးနဲ့ကာကွယ်ရေး ဗဟိုဋ္ဌာန (စီဒီစီ)ရဲ့ ထုတ်ပြန်ချက်အရ အမေရိကန်ပြည်ထောင်စုလို နိုင်ငံမှာတောင် နှစ်စဉ်ကလေးပေါင်း ၁၂၀၀၀၀ ဟာ မွေးရာပါချို့ယွင်းချက်တမျိုးမျိုးနဲ့ မွေးဖွားလာတယ်လို့ သိရပါတယ်။ ဒါကြောင့် သင်နဲ့ သင့်ရင်သွေးလေးကို ကူညီပေးနိုင်မယ့် နည်းလမ်းတွေ၊ကျွမ်းကျင်သူလူပုဂ္ဂိုလ်တွေဟာ သင့်လက်တကမ်းမှာပဲ ရှိနေတယ်ဆိုတာကို သိထားဖို့ အထူးအရေးကြီးပါတယ်။   မွေးရာပါ ချို့ယွင်းချက်ဆိုတာ ဘာလဲ   မိခင်ဝမ်းထဲက ကျွတ်ပြီဟေ့ဆိုတဲ့အချိန်မှာပဲ ကလေးနဲ့ အတူတကွ ပါရှိလာတဲ့ […]

သွေးလွန်တုပ်ကွေးရောဂါကို အများစုကတော့ အပူပိုင်းဒေသနေရာများမှာ တွေ့ရလေ့ရှိပါတယ်။ ဒီလိုနေရာတွေကို ခရီးသွားလာနေတဲ့ ဧည့်သည်တွေကတော့ အဲ့လိုဒေသက ဒေသခံလူတွေလိုပဲ သွေးလွန်တုပ်ကွေးရောဂါဖြစ်နိုင်ဖို့ အန္တရာယ်ညီတူညီမျှရှိပါတယ်။ အဲ့လိုနေရာတွေကတော့ အရှေ့တောင်အာရှ၊ အိန္ဒိယ,အမေရိက အလယ်ပိုင်းနဲ့ တောင်ပိုင်း၊ ကာရေဘီယန်၊ အာဖရိက၊ ပစိဖိတ်ကျွန်းစွယ်များ တို့ဖြစ်ပါတယ်။ သွေးလွန်တုပ်ကွေးရောဂါကို ဖြစ်စေတဲ့ဗိုင်းရပ်စ်ပိုးလေးမျိုးရှိပါတယ်။ ဒီဗိုင်းရပ်စ်တွေကို ပုံစံတူခြင်းအမျိုးအစားနှစ်မျိုး က သယ်ဆောင်ပြီး ရောဂါဖြစ်စေပါတယ်။ အဲ့ခြင်အမျိုးအစားနာမည်များကတော့ Aedes aegypti and Aedes albopictus တို့ဖြစ်ပါတယ်။ တစ်ခြားခြင်အမျိုးအစားတွေကို ညပိုင်းမှာ ကိုက်လေ့မရှိပဲ ဒီ ခြင်အမျိုးအစားနှစ်မျိုးက မနက်စောစောပိုင်းနဲ့ နေမဝင်ခင် ညနေစောင်းတို့မှာကိုက်လေ့ရှိပါတယ်။ သွေးလွန်တုပ်ကွေးရဲ့ ရောဂါလက္ခဏာများ အခြေအနေတော်တော်များများမှာတော့ သွေးလွန်တုပ်ကွေးရောဂါရှိတဲ့ကလေးတွေက အောက်ပါ လက္ခဏာတွေ တစ်ခုသို့မဟုတ် အဲ့ထက်ပိုပြီး ဖော်ပြနိုင်ပါတယ်။ အဖျားကြီးခြင်း ပျို့ခြင်း၊ အန်ခြင်း အစားအသောက်ပျက်ခြင်း အနီစက်များပေါ်ခြင်း ခေါင်းနဲ့ ကိုယ်တွေမှာကိုက်ခဲခြင်း(အထူးသဖြင့် […]

G6PD ချို့တဲ့ခြင်းဆိုတာ ဘာလဲ။ G6PD ဆိုတာ Glucose 6 Phosphate Dehydrogenase ဆိုတဲ့ အင်ဇိုင်းကို အတိုကောက်ခေါ်တာဖြစ်ပြီး ဒီအင်ဇိုင်းက သွေးထဲမှာရှိတဲ့ သွေးနီဥတွေ ကောင်းကောင်းအလုပ်လုပ်နိုင်အောင် ကူညီပေးပါတယ်။ G6PD ချို့တဲ့တဲ့ရောဂါက ရှားပါးတဲ့ရောဂါတစ်ခုမဟုတ်ပါဘူး။ ကမ္ဘာပေါ်မှာ G6PD အင်ဇိုင်းချို့တဲ့မှုကို ခံစားနေရတဲ့ လူပေါင်း သန်း ၄၀၀ ခန့်တောင်ရှိပြီး မြန်မာနိုင်ငံမှာလည်း အများအပြားရှိပါတယ်။ G6PD ချို့တဲ့မှုဟာ မျိုးရိုးလိုက်တဲ့ အဖြစ်အများဆုံးသော သွေးနီဥအင်ဇိုင်းချို့တဲ့ရောဂါတစ်ခုဖြစ်ပြီး အမျိုးသားတွေမှာ ပိုပြီးအဖြစ်များပါတယ်။ G6PD က ဘယ်လောက်အရေးပါလဲ။ ခန္ဓာကိုယ်အစိတ်အပိုင်းတွေ ကောင်းကောင်း အလုပ်လုပ်နိုင်ဖို့အတွက် လိုအပ်တဲ့ အောက်ဆီဂျင်ကို သွေးနီဥလေးတွေက သယ်ဆောင်ပြီး ခန္ဓာကိုယ်အနှံ့ကို ပို့ပေးရပါတယ်။ ဒီလိုပို့ဆောင်ပေးတဲ့အလုပ်ကို ကောင်းကောင်းလုပ်နိုင်ဖို့ သွေးနီဥလေးတွေအတွက် G6PD အင်ဇိုင်းက အကူအညီပေးသလို အကာအကွယ်လည်းပေးပါတယ်။ G6PD အင်ဇိုင်းချို့တဲ့ချိန်မှာတော့ သွေးနီဥလေးတွေ ဖျက်ဆီးခံရပြီး အသစ်ပြန်မထုတ်နိုင်တာကြောင့် […]

သန်ကောင် တုပ်ကောင်ဆိုတာ ခန္ဓာကိုယ်မှာ တွယ်ကပ်ပြီး အာဟာရတွေ လုယူနေတဲ့ ကပ်ပါးပိုးတွေပါ။ သန်လုံးကောင်၊ တုပ်ကောင်၊ ချိတ်ပြားသန်ကောင်၊ ကြာပွတ်နဲ့တူတဲ့ သန်ကောင် အစရှိသဖြင့် သန်ကောင်တုပ်ကောင်အမျိုးအစားတွေ အများကြီးရှိပါတယ်။ ဒီလိုသန်ကောင်တွေ ရှိနေရင် ကိုယ့်ကလေးရဲ့ ကြီးထွားဖွံ့ဖြိုးမှုနဲ့ ကျန်းမာရေးအတွက် အန္တရာယ်ရှိပါတယ်။ ဒါကြောင့် ကိုယ့်ရဲ့ရင်သွေးလေးတွေကို မှန်မှန်သန်ချပေးဖို့ လိုအပ်ပါတယ်။ ဒီမှာတော့ ဘယ်အချိန်တွေမှာဆိုရင် သန်ချဖို့လိုအပ်နေပြီလဲဆိုတာကို ဖော်ပြပေးထားပါတယ်။ ကလေးကို သန်ချပေးဖို့လိုနေပြီဆိုတာ သိနိုင်တဲ့ လက္ခဏာများ က ဘာတွေဖြစ်မလဲဆိုတာကို လေ့လာလိုက်ရအောင်နော်။ ကလေးကို သန်ချပေးဖို့လိုနေပြီဆိုတာ သိနိုင်တဲ့ လက္ခဏာများ သန်ကောင်တွေရှိနေတယ်ဆိုတာ အများအားဖြင့်တော့ လက္ခဏာမပြတတ်ပါဘူး။ ပြခဲ့ရင်လည်း သိပ်မသိသာတာကြောင့် အမှုမဲ့အမှတ်မဲ့နေတတ်ကြပါတယ်။ သန်ချဖို့ဆိုတာ လူကြီးတွေတောင်မေ့လျော့နေတတ်တဲ့ အရာဖြစ်နေတော့ ကလေးတွေမှာဆို သတိထားမိကြပါ့မလား။ ကူးစက်ခံထားရတဲ့ သန်ကောင်ရဲ့ အမျိုးအစားနဲ့ အခြေအနေပြင်းထန်မှုတို့အပေါ် မူတည်ပြီး ကလေးမှာ သန်ထတဲ့လက္ခဏာတွေ […]

ကလေးလေးပျော်ရွှင်နေဖို့က မိဘတိုင်းရဲ့ ဆန္ဒတစ်ခုဖြစ်သလို တောင်းဆုတစ်ခုဆိုလည်းမမှားပါဘူး။ ကလေးငိုနေရင် စိတ်မကောင်းဖြစ်မိတယ်လေနော်။ ကလေးက အကြောင်းအရင်းလည်းမယ်မယ်ရရမရှိဘဲ မတိတ်တမ်းငိုနေတာမျိုးကြုံဖူးကြလား။ ချော့လို့လည်းမရတာမျိုးလေ။ ဘာများဖြစ်တာလဲဆိုတာမျိုး ကြု့နေရသလား။ ကလေးကချော့မရအောင်ငိုနေတာက ဘာကြောင့်လဲဆိုတာ သိချင်ရင် ဒီဆောင်းပါးလေးထဲမှာ ဖတ်ကြည့်လိုက်ပါနော်။ ကလေးက မရပ်မနား အသည်းအသန် ငိုနေပြီး ဘာအကြောင်းရင်းမှ ရှာမရဘူးဆိုရင် လေနာဝေဒနာဖြစ်နိုင်ပါတယ်။ ဒီတော့ မွေးကင်းစကလေးတွေမှာဖြစ်တဲ့ လေနာဝေဒနာ သက်သာအောင် ဘယ်လိုလုပ်မလဲ ဆိုတာကို ပြောပြပေးချင်ပါတယ်။ လေနာဝေဒနာ။ ကလေးတွေမှာအရမ်းအဖြစ်များတဲ့ဝေဒနာတစ်ခုပါ။ မွေးကင်းစကလေးတွေမှာ မရပ်မနားနဲ့ အသည်းအသန်ငိုနေပြီဆိုရင် လေနာဝေဒနာဖြစ်ဖို့များပါတယ်။ လေနာလို့ သတ်မှတ်ဖို့ဆိုရင် ကလေးက တစ်နေ့ကို (၃)နာရီနဲ့အထက် ငိုနေပြီး တစ်ပတ်ကို (၃)ရက်နဲ့အထက်ငိုနေရမယ်။ လေနာရှိတဲ့ကလေးတွေမှာ အချိန်မရွေးနာနိုင်ပေမယ့် ညဘက်တွေ၊ ညနေခင်းတွေမှာပိုဆိုးတတ်ပါတယ်။ လေနာဝေဒနာက ပြင်းထန်တဲ့အရာတစ်ခုမဟုတ်ဘဲ ရောဂါတစ်ခုခုရှိနေလို့ကြောင့်လည်းမဟုတ်ပါဘူး။ ဒါပေမယ့် အသည်းအသန်ငိုနေတဲ့ကိုယ့်သားသမီးလေးကို ကြည့်ရတာတော့ မိဘဘိုးဘွားတွေအတွက် နာကျင်ခံစားရခက်ပါတယ်။ ဘယ်အရွယ်မှာဖြစ်တတ်သလဲ။ ကလေး […]

ဦးခေါင်းဒဏ်ရာဆိုတာဘာလဲ ကလေးတိုင်းဟာ ဦးခေါင်းမှာ ဒဏ်ဖြစ်တတ်ပါတယ်။ လမ်းလျှောက်သင်ခါစအရွယ်မှာ ချော်လဲပြီး ဖြစ်တတ်ကြပါတယ်။ ဦးခေါင်းဒဏ်ရာ အများစုကတော့ ဦးရေပြားမှာတင် ဖြစ်တတ်ပါတယ်။ ဒဏ်ရာသေးပေမယ့် အဖုထလာတတ်တာကတော့ ဦးရေပြားမှာ သွေးကြောလေးတွေ များစွာရှိနေလို့ ဖြစ်ပါတယ်။ ဒါကြောင့် နည်းနည်းရှမိတာတောင် သွေးများများ ထွက်တတ်ပါတယ်။ သွေးခြေဥဒဏ်ရာ အများစုကတော့ နဖူးမှာရတတ်ပါတယ်။ တခါတရံ ဒဏ်ရာရပြီး ၃ရက်လောက်ကြာမှ မျက်ကွင်းညိုလာတတ်ပါတယ်။ ဒါဟာ သွေးခြေဥတဲ့သွေးတွေဟာ အောင်ဘက်ကို ရွေ့လာလို့ ဖြစ်ပါတယ်။ ၁ကနေ ၂% ခန့်သာ ဦးခွံရိုးကျိုးတာ ဖြစ်နိုင်ပါတယ်။ ရိုးရိုး ဦးခွံရိုးကျိုးခြင်းဟာ နောက်ဆက်တွဲပြသနာတွေကို မြင့်တက်စေခြင်း၊ ကုသမှုကို ပြောင်းလဲတတ်စေခြင်း မရှိတာကြောင့် ဦးခေါင်းဓါတ်မှန်ကို ရိုက်လေ့ရိုက်ထ သိပ်မရှိပါဘူး။ ထိခိုက်မိတဲ့ နေရာမှာ ခေါင်းကိုက်တာကလွဲလို့ တခြားလက္ခဏာ သိပ်မရှိတတ်ပါဘူး။ ဦးခေါင်းထိခိုက်မိပြီး သတိလစ်သွားတဲ့ကလေးတွေကို ဆရာဝန်နဲ့ပြသဖို့ […]

ကလေးတွေအနေနဲ့ တိရစ္ဆာန်တွေအပေါ် မသင့်မတော်ပြုမူခြင်း၊ နှိပ်စက်ခြင်းဟာ အန္တရာယ်များလှပါတယ်။ တိရစ္ဆာန်တွေအပေါ် ရက်စက်ရုံသာမက ကလေးတွေမှာ စိတ်ပိုင်းဆိုင်ရာ ပြသနာရှိနေတတ်တာကို ပြနေပါတယ်။ ဘယ်အရာတွေက ကလေးတွေကို တိရစ္ဆာန်များအပေါ် ညှဉ်းပန်းမှုဖြစ်စေသလဲ ဒီအကြောင်းအရာနဲ့ ပတ်သက်လို့ သိပ္ပံနည်းကျ သက်သေပြနိုင်ခြင်း မရှိသေးပါဘူး။ တွေ့ဆုံမေးမြန်းခြင်းတွေကနေ ကလေးများအနေနဲ့ ဘာကြောင့် ဒီလိုပြုမူချင်စိတ်တွေပေါ်လာရလဲ ဆိုတာ ဖော်ထုတ်ထားတာတွေရှိပါတယ်။ စူးစမ်းလေ့လာခြင်း စိတ်ဖြေခြင်း ပျင်းရိနေတဲ့၊ စိတ်ဓါတ်ကျနေတဲ့၊ ဝမ်းနည်းနေတဲ့ ကလေးများဟာ သူတို့စိတ်ထွက်ပေါက်အဖြစ် အိမ်မွေးတိရစ္ဆာန်တွေကို ညှဉ်းပန်းတတ်ပါတယ်။ အချင်းချင်းဖိအားပေးခြင်း သူငယ်ချင်းများက တွန်းအားပေးလို့ လုပ်ဖြစ်သွားပါတယ်။ ကလေးအချို့ဟာ သူတို့အဖွဲ့ဝင်အဖြစ် သတ်မှတ်ဖို့ စမ်းသပ်စစ်ဆေးမှု အဖြစ်လည်း ခိုင်းစေတတ်ကြပါတယ်။ လိင်ပိုင်းဆိုင်ရာ ကျေနပ်မှုရခြင်း တိရစ္ဆာန်များနဲ့ လိင်ပိုင်းဆိုင်ရာ အားထုတ်ဖို့ စိတ်ဝင်စားခြင်း ဖြစ်ပါတယ်။ ဒီလိုအခြေအနေကို ရိပ်စားမိရင် ကုသမှု အကူအညီ ချက်ချင်းယူဖို့ လိုအပ်ပါတယ်။ အဲဒီစိတ်တိမ်းညွတ်မှုဟာ တသက်လုံးစွဲသွားတတ်လို့ ဖြစ်ပါတယ်။ ကလေးများအနေနဲ့ တိရစ္ဆာန်များကို ညှဉ်းပန်းဖို့ သူတို့ကိုလွှမ်းမိုးနိုင်သူများက […]