အမျိုးသားကျန်းမာရေး

Circumcision (လိင်တံထိပ်အရေပြား ဖြတ်တောက်ဖယ်ရှားခြင်း) ဆိုတာဘာလဲ Circumcision ဆိုတာ လိင်တံထိပ်ရှိ အရေပြားအားဖြတ်တောက် ဖယ်ရှားခြင်းဖြစ်ပါတယ်။ Circumcisionကို အချို့နိုင်ငံတွေမှာ မွေးကင်းစယောက်ျားလေးတွေမှာ လုပ်လေ့ရှိပါတယ်။ Circumcision ကို မွေးမွေးပြီးချင်း မလုပ်လဲ ဖြစ်နိုင်ပါတယ်။ ဒါပေမဲ့ လုပ်ရတာ ပိုရှုပ်ထွေးလာပါလိမ့်မယ်။ ကလေးငယ်တွေကို လိင်တံထိပ် အရေပြားဖြတ်တောက်တာ ဘယ်လို အကျိုးကျေးဇူးတွေရလဲ လေ့လာကြတဲ့အခါမှာ အမျိုးမျိုးကွဲပြားနေတာကိုတွေ့ရပါတယ်။ လိင်တံထိပ် အရေပြားဖြတ်တောက်ခြင်းက - • ဆီးလမ်းကြောင်းပိုးဝင်ခြင်း • လိင်တံကင်ဆာ • HIV/AIDS အစရှိသော လိင်မှတဆင့် ကူးစက်တတ်သောရောဂါများ ဖြစ်ပွားနိုင်ခြေကို လျော့ချပေးနိုင်သည်ဟုသိရပါတယ်။ လိင်တံထိပ်အရေပြားဖြတ်တောက်ခြင်း ရဲ့သိသာတဲ့ အကျိးကျေးဇူးကတော့ ဆီးလမ်းကြောင်းပိုးဝင်ခြင်းကို လျော့ချပေးနိုင်ခြင်းပဲ ဖြစ်ပါတယ်။ ပထမ ၃လ ကနေ ၆ လ အတွင်းမှာ ဆီးလမ်းကြောင်းပိုးဝင်နိုင်ခြေဟာ လိင်တံထိပ်အရေပြားမဖြတ်ထားတဲ့ ယောက်ျားလေးတွေမှာ ဖြတ်ထားသော ယောက်ျားလေးတွေထက် ဆယ်ဆပိုများပါတယ်။ မွေးကင်းစကလေးတွေမှာ ဆီးလမ်းကြောင်းပိုးဝင်ခြင်းက […]

ယောင်္ကျားမျိုးမအောင်ခြင်းဆိုတာ အိမ်ထောင်သည်မိဘဖြစ်ရေးအတွက် အလွန်ဆိုးရွားတဲ့ အကျပ်အတည်းတွေထဲက တစ်ခုဖြစ်ပါတယ်။ ဒီရောဂါအခြေအနေကို ကျန်းမာရေးအကြောင်းခံ၊ ပတ်ဝန်းကျင် အကြောင်းခံ နှင့် လူနေမှုပြသနာအနေနဲ့ သတ်မှတ်လို့ရပါတယ်။ ကျန်းမာရေး အကြောင်းခံများ ပထမဆုံးအနေနဲ့ ဝှေးစေ့ပိုင်းဆိုင်ရာ ပြသနာတွေဖြစ်တဲ့ varicocele ( သွေးပြန်ကြောဖူးရောင်ခြင်း) သို့ ဝှေးစေ့အောက်သို့အကျခြင်းတွေက ယောင်္ကျားမျိုးမအောင်ခြင်းကို ဦးတည်ဖြစ်ပေါ်စေပါတယ်။ varicocele ဟာ သုက်ပိုးအရေအတွက် ကျဆင်းခြင်းကို ဖြစ်စေပြီး ဝှေးစေ့အောက်သို့မကျခြင်းကအမျိုးသားတွေမှာ မျိုးမအောင်ဖို့ အခွင့်အလမ်းတွေကို ပိုဖြစ်စေပါတယ်။ ဒုတိယအနေနဲ့ ကူးစက်ရောဂါများ ဥပမာ လိင်ဆက်ဆံခြင်းမှ ကူးနိုင်သော ဂနိုရောဂါ ( gonorrhea ) သို့ HIV နှင့် ဝှေးစေ့ပြွန်ရောင်ရောဂါ ( epididymitis) သို့ ဝှေးစေ့ရောင်ခြင်း (orchitis) တို့ကလည်း ယောင်္ကျားမျိုးမအောင်ခြင်းကို ဖြစ်စေပါတယ်။ ထို့ပြင် နောက်ထပ်ဖြစ်နိုင်တာတွေကတော့ သုက်ပိုးတွေကို […]

ယခင်ခေတ်များမှာရော ယခုခေတ်မှာပါ ကိုယ်ဝန် မရနိုင်တဲ့ အကြောင်းရင်းက အမျိုးသမီးကြောင့်ပဲလို့ မှားယွင်းတဲ့ အယူအဆ ရှိတတ်ကြပါတယ်။ လက်တွေ့မှာတော့ အမျိုးသားများရဲ့ သုက်ပိုး ကလည်း တစ်စိတ်တပိုင်း ပါဝင်နေပါတယ်။ အမျိုးသား သုက်ပိုး အကောင်ရေ လုံလောက်မှ၊ အရည်အသွေး ကောင်းမှ ကိုယ်ဝန် ရနိုင်မှာ ဖြစ်ပါတယ်။ ဒီတစ်ခေါက်တော့ သင့်သုက်ပိုး ကို သေစေနိုင်သော အစားအစာများ က ဘာတွေများ ဖြစ်မလဲဆိုတာကို ပြောပြပေးချင်ပါတယ်။ သင့်သုက်ပိုး ကို သေစေနိုင်သော အစားအစာများ သုက်ပိုး ကို သေစေနိုင်သော အစားအစာများ ကတော့ (၁) အရက် အရက် သောက်သုံးခြင်းက အသည်းကို ထိခိုက်နေရုံ သာမက ကိုယ်တွင်း လုပ်ဆောင်ချက်များ အထူးသဖြင့် ကာမ လုပ်ဆောင်နိုင်စွမ်းနဲ့ မျိုးပွား အင်္ဂါများကိုပါ ထိခိုက်စေပါတယ်။ အရက်ကြောင့် အသည်း ထိခိုက်လောက်တဲ့အထိ […]

ယောက်ျားတန်ဆာမှာ အဓိကကိစ္စနှစ်ရပ် ရှိပါတယ်။ လိင်မှုကိစ္စ ဆောင်ရွက်ဖို့နဲ့ ဆီးစွန့်ဖို့ ဖြစ်ပါတယ်။ ယောက်ျားတန်ဆာ၏ ဖြတ်ပိုင်းပုံ ယောက်ျားတန်ဆာဟာ ယောက်ျားလေးတွေအတွက် အရေးအပါဆုံး အစိတ်အပိုင်းတခု ဖြစ်ပါတယ်။ ဒါနဲ့ ပတ်သက်ပြီး ဘယ်လောက်ထိ သိထားပါသလဲ။ ယောက်ျားတန်ဆာမှာ အစိတ်အပိုင်းများစွာ ပါဝင်ပါတယ်။ တန်ဆာခေါင်း။ ထိပ်ပိုင်းအရေပြား မဖြတ်ထားသူတွေမှာ တန်ဆာထိပ်ပိုင်းကို mucosa လို့ခေါ်တဲ့ ပန်းရောင်ရှိပြီး စိုစွတ်တဲ့ အလွှာနဲ့ ဖွဲ့စည်းထားပါတယ်။ ဖုံးအုပ်နေတဲ့ အရေပြားကို foreskin (prepuce) လို့ ခေါ်ပါတယ်။ အရေပြားဖြတ်ထားသူတွေမှာတော့ foreskin ကို ခွဲစိတ်ဖြတ်တောက်ထားပြီး တန်ဆာခေါင်းဟာ ခြောက်သွေ့နေတတ်ပါတယ်။ Corpus cavernosum။ အစိတ်အပိုင်းနှစ်ခုနဲ့ တန်ဆာတလျှောက်ကို ဖွဲ့စည်းထားပါတယ်။ သွေးဝင်လာတဲ့အခါ တန်ဆာထောင်မတ်ခြင်းကို ဖြစ်စေပါတယ်။ Corpus spongiosum။ အခေါင်းပွပုံစံဖြစ်ပြီး တန်ဆာရှေ့ပိုင်းတလျှောက်မှာရှိပြီး တန်ဆာခေါင်းထိ ရှိပါတယ်။ […]

အမျိုးသားတွေက သူတို့အသက်ငယ်စဉ်မှာ ဘာမဆိုလုပ်ဆောင်နိုင်ဖို့ ကျန်းမာ၊ကြံ့ခိုင်တယ်လို့ ထင်တတ်ကြတယ်။ ဒါကြောင့် အမျိုးသားတွေဟာ ကျန်းမာရေးကို ဂရုမစိုက်ဘဲ အန္တရာယ်များတဲ့ ရူးမိုက်မိုက်အလုပ်တွေကို လုပ်တတ်ကြတယ်။ သူတို့က HIVပိုး၊ အသည်းရောင်အသားဝါ စီ ပိုး ၊အဝလွန်ရောဂါနှင့် သေစေတတ်တဲ့ရောဂါတွေအကြောင်း ကြားဖူးတာနည်းတဲ့အပြင် ဒီရောဂါတွေက တခြားလူတွေမှာဖြစ်တတ်ပေမယ့် သူတို့မှာတော့ မဖြစ်တတ်ဘူးလို့ထင်တတ်ကြတယ်။ ဒီလိုကြားရတာ တစ်မျိုးဖြစ်နေပေမယ့် ဒါကအမှန်တရားပါပဲ။   အမျိုးသားတွေရဲ့ ပြဿနာတွေက ဘာလဲ။ ဖြစ်နိုင်တာကတော့ သူတို့ကိုဒုက္ခပေးနိုင်တဲ့ အရာတွေကို သတိမပြုမိတာပဲ ဖြစ်မယ်။ အချို့အမျိုးသားတွေဟာ ယောကျာ်းဆန်လွန်းတယ်။ သူတို့ဟာမိသားစုကို ကာကွယ်နိုင်တယ်၊ အရာအားလုံးလုပ်ဆောင်နိုင်တယ်လို့ ထင်ကြတယ်။ တချို့ဆို ကျိုးကြောင်းမစဉ်းစားဘဲ လုပ်လေ့ရှိတယ်။ အမျိုးသားတွေဟာ ဆရာဝန်နှင့် ပြသဖို့လမ်းညွှန်သောအခါတွင်လည်း မပြဘဲနေတတ်တယ်။ နိုင်ငံတကာအမျိုးသားကျန်းမာရေးအဖွဲ့၏ ဥက္ကဌ၊ နယူးယောက်မြို့ရှိ ဆီးနှင့်ကျောက်ကပ်အထူးကုဆရာဝန် Dr.RRidwan Shabsigh က နယူးယောက် NBC […]

အမျိုးသားများအသက်ကြီးလာသောအခါ Testosterone(low T) လို့ခေါ်တဲ့ ကျားဟော်မုန်းနည်းလာတတ်တယ်။ အသက်ကြီးလာလေလေ ဟော်မုန်းနည်းလာလေလေဖြစ်တယ်။ အသက်၆၀အရွယ် အမျိုးသားတွေရဲ့ ၂၀ရာခိုင်နှုန်းဟာ ဟော်မုန်းနည်းခြင်းပြသနာနဲ့ ရင်ဆိုင်နေရတယ်။ အသက် ၇၀နှစ်အမျိုးသားတွေရဲ့ ၃၀ရာခိုင်နှုန်း၊ အသက် ၈၀ နှစ်အမျိုးသားတွေရဲ့ ၅၀ရာခိုင်နှုန်းမှာ တွေ့ရတယ်။   အမျိုးသားတွေက အဖိုဟော်မုန်း(Testosterone) ကို ဘာကြောင့်လိုတာလဲ။ Testosterone ဆိုတာ အမျိုးသားတွေက ဝှေးစေ့ကထုတ်တဲ့ ဖိုဟော်မုန်းတစ်မျိုးဖြစ်တယ်။ ဒီဟော်မုန်းက အမျိုးသားများအရွယ်ရောက်တဲ့အချိန် လိင်အဂါၤကြီးထွားအောင် လုပ်ပေးတယ်။ အရွယ်ရောက်တဲ့အချိန်တွင် ဒီဟော်မုန်းက ကောင်လေးကနေ အမျိုးသားဖြစ်အောင် လုပ်ပေးတယ်။ အမျိုးသားတွေမှာ ဒီဟော်မုန်းကြောင့် အမွှေးအမျှင်ပိုထူလာစေတယ်။ ကြွက်သားတွေ ထွက်လာစေတယ်။ အသံသြလာစေတယ်။ နောက်ပိုင်းတွင် လိင်မှုကိစ္စလုပ်ဆောင်ရန်လည်း ကူညီပေးတယ်။ Testosterone ပမာဏ ဘာလို့ကျတာလဲ။ အသက်ကြီးလာတဲ့အခါ testosterone ကျဆင်းတာဟာ ပုံမှန်ဖြစ်တယ်။ ဒါပေမယ့် testosterone ကျစေတဲ့ တခြားအကြောင်းရင်းတွေလည်း ရှိသေးတယ်။ ဝှေးစေ့တွင် […]

ဘဝရဲ့တစ်ချိန်ချိန်မှာ ယောက်ျားတွေဟာ လိင်တံမထောင်မတ်နိုင်တော့ခြင်း (ပန်းသေပန်းညှိုးခြင်း)နဲ့ ကြုံတွေ့ရနိုင်ပါတယ်။ လိင်တံ မထောင်မတ်နိုင်ခြင်း(ပန်းသေပန်းညှိုးခြင်း) ဆိုတာ ဘာလဲ။ ဘယ်လိုဖြေရှင်းကြမလဲ။ ယခုဖော်ပြမယ့် ဆောင်းပါးဟာ ဒီအခြေအနေနဲ့ပတ်သတ်တဲ့ သိသင့်သိထိုက်တာတွေကို ပြောပြပေးမှာပါ။ လိင်တံ မထောင်မတ်နိုင်တော့ခြင်း ဆိုဘာလဲ။ လိင်တံမထောင်မတ်နိုင်ခြင်း ဒါမှမဟုတ် ပန်းသေပန်းညှိုးခြင်းဆိုတာ ယောက်ျားတစ်ယောက်ဟာ လိင်ဆက်ဆံရန်အတွက် အမျိုးသားတန်ဆာ မထောင်မတ်ပေးနိုင်ခြင်းကို ခေါ်ပါတယ်။ တစ်ခါတစ်လေဖြစ်တယ်ဆိုရင် သိပ်တော့စိတ်ပူစရာမလိုပါဘူး။ ဒါပေမဲ့ ဒီအခြေအနေက ဆက်တိုက်ဖြစ်နေပြီဆိုရင် စိတ်ဖိစီးမှု၊ ကိုယ့်ကိုယ်ကို ယုံကြည်မရှိတော့တာ၊ ကိုယ့်အဖော်နဲ့ အဆင်မပြေတာတွေ ရှိလာနိုင်ပါတယ်။ ဒါ့အပြင် ရေရှည်မထောင်မတ်နိုင်ခြင်းက ရောဂါတစ်ခုခုကြောင့် ဖြစ်နိုင်ပြီး အမြန်ကုသဖို့လိုနေပြီဆိုတဲ့ လက္ခဏာတစ်ခုပါပဲ။ တစ်ခါတစ်ရံ ရောဂါရဲ့အကြောင်းအရင်းကို ကုသတယ်ဆိုရုံနဲ့ ပန်းသေပန်းညှိုးခြင်းဟာ ပျောက်ကင်းနိုင်ပါတယ်။ တစ်ခြားတစ်ဖက်မှကြည့်ရင်လည်း ပန်းသေပန်းညှိုးခြင်း ကုသခြင်းမှာ လိင်တံထောင်မတ်စေတဲ့ ဆေးဝါးနဲ့ ကုသခြင်းနဲ့ ဖြစ်စေတဲ့ ရောဂါကို ကုသခြင်းတွေ ပါဝင်နိုင်ပါတယ်။ ဘယ်အချိန်မှာ မိသားစုဆရာဝန်နဲ့ […]

သင့်သွားတွေကပြောပြနေတဲ့ သင့်လိင်တံ အကြောင်း ဆိုလို့ ခေါင်းစဉ်ကို ဖတ်ပြီး ထူးဆန်းသွားပြီလား။ သင့်သွားတွေက သင်ထက်တာထက်ပိုပြီး သင့်ခန္ဓာကိုယ်အကြောင်းကို ပြောနိုင်ကြပါတယ်။ ဒါဟာ အိပ်ရာဝင်ပုံပြင်မဟုတ်ပါဘူး။ သင့်သွားကိုကြည့်ပြီး သင့်ရဲ့ ခန္ဓာကိုယ်ကို ပြောနိုင်တယ်ဆိုတာကို သိပ္ပံပညာရှင်တွေ ကိုယ်တိုင်သက်သေပြထားကြတာပါ။ ကဲ .... ဘယ်လိုတွေများ ဆက်စပ်နေလဲဆိုတာကို အတူတူ ကြည့်လိုက်ရအောင်နော်။ သင့်သွားတွေကပြောပြနေတဲ့ သင့်လိင်တံ အကြောင်း သင့်သွားတွေကပြောပြနေတဲ့ သင့်လိင်တံ အကြောင်း အတူတူ လေ့လာလိုက်ရအောင်နော်။ ၁။ သင့်လိင်တံနဲ့ သင့်သွားတွေရဲ့ ဆက်စပ်မှု ခံတွင်းနံ့ဆိုးတာဟာ စကားပြောဆိုတဲ့အခါ ဆိုးရွားတဲ့အနံ့ထွက်စေရုံသာမက လိင်တံကို တုတ်ခိုင်မှုအားနည်းစေတယ်။ ထိုင်ဝမ်က စမ်းသပ်လေ့လာမှု အရ ခံတွင်းနံ့ဆိုးနဲ့ လိင်တံ ထောင်မတ်မှု အားနည်းတဲ့ရောဂါဆက်စပ်မှုကို ရှာတွေ့ခဲ့ပါတယ်။ ဒီရောဂါဖြစ်သူတွေကို လေ့လာရာမှာ ၇၉ ရာခိုင်နှုန်းက နာတာရှည်သွားဖုံးရောဂါ ဖြစ်နေတာကို တွေ့ရပါတယ်။ နာတာရှည်သွားဖုံးရောဂါဆိုတာ သင့်သွားအမြစ်တွေကနဲ့ကာ […]

အမွှေးအမျှင်တွေ ရိတ်ဖို့ လိုမလိုကို ဆရာဝန်နဲ့ တိုင်ပင်စရာ မလိုပါဖူး။ ဒါဟာ သင်ကိုယ်တိုင်ဆုံးဖြတ်ရမဲ့ ကိစ္စဖြစ်ပါတယ်။ ဒါပေမယ့် လတ်တလော လေ့လာချက်တွေအရ အမျိုးသားတွေ အနေနဲ့ အနည်းဆုံး ဂျိုင်းမွှေးကိုတော့ ရိတ်သင့်တယ်ဆိုတာ တွေ့ရှိခဲ့ရပါတယ်။ •ကြည့်လို့ပိုကောင်းအောင် ဒါမှမဟုတ် အနံ့အသက်ပိုကောင်းအောင် ဂျိုင်းမွှေးရှိတာဟာ ယောက်ျားပိုပီသစေတယ်လို့ အမျိုးသားအများအပြားက ယူဆထားကြပါတယ်။ ဒါကမှားတယ်လို့တော့လည်း မပြောသာပါဖူး။ ဒါပေမယ့် သင့်ဂျိုင်းကြားကို နောက်တခေါက်ထပ်ကြည့် ကြည့်ပါ။ တကယ်လို့ သင့်ဂျိုင်းကြားမှာ တောထနေပြီဆိုရင်တော့ သင့်အနေနဲ့ ပြန်စဉ်းစားဖို့လိုနေပါပြီ။ စစ်တမ်းတခုမှာ ဖော်ပြထားတာက အမျိုးသမီးအများအပြားဟာ ဂျိုင်းမွှေးတွေကို မကြိုက်ကြဖူးလို့ ဆိုပါတယ်။ ဒါ့အပြင် ဘယ်လိုအမွှေးအမျှင်ပဲဖြစ်ဖြစ် ချွေးတွေအောင်းနိုင်လို့ အနံ့အသက်ကိုလည်း ဆိုးစေနိုင်ပါတယ်။ •မလိုလားအပ်တာတွေကို ဖယ်ရှားပစ်ပါ။ ချွေးတွေကိုထုတ်ပေးတဲ့ apocrine ဂလင်းတွေဟာ ဂျိုင်းကြားမှာ အများအပြားရှိနေပါတယ်။ အမျိုးသားတွေရဲ့ချွေးမှာ စတီးရွိုက်ဓါတ်တွေ၊အဆီဓါတ်တွေ၊ပရိုတင်းဓါတ်တွေ နဲ့ တခြားဓါတ်ပစ္စည်းတွေ ပါဝင်ပြီး […]