သဘာဝဆေးဖက်ဝင်ပစ္စည်းများ

အာတာလွတ်ဥလေးကိုပြုတ်၊ ဆီလေးဆားလေးနဲ့ စားရတာ အရသာဆိမ့်ဆိမ့်လေးရယ်။မြန်မာ့အစားအစာတွေထဲမှာနေရာတစ်နေရာယူထားတဲ့ အာတာလွတ်ကဆေးဖက်ဝင်တယ်လို့လည်း လူကြီးတွေပြောဖူးပါတယ်။ အာတာလွတ်မှာပါဝင်တဲ့ အာဟာရဓါတ်တွေနဲ့ ဆေးဖက်ဝင်အာနိသင်တွေကိုသိပ္ပံပညာလေ့လာမှုအထောက်အထားတွေလည်းတွေ့ရှိထားပါတယ်။ အာတာလွတ်မှာ ကာဗိုဟိုက်ဒရိတ်၊ဗီတာမင်ဘီတွေ အပြင် ကယ်လ်စီယမ်၊ပိုတက်စီယမ်၊ မဂ္ဂနီဆီယမ်၊ ဆိုဒီယမ်၊ဖော့စ်ဖရပ်စ်တို့လိုသတ္တုဓါတ်တွေကြွယ်ဝတယ်။ အမျှင်ဓါတ်နဲ့ ပရိုတင်းဓါတ်တွေလည်း ပါဝင်တော့ အာဟာရအတော်ပြည့်စုံပါတယ်။ ဆေးဖက်ဝင်အကျိုးကျေးဇူးတွေက ဘာတွေလဲ အစာကြေတယ် အစာခြေစနစ်မှာ အမျှင်ဓါတ်က အရေးပါဆုံးထဲပါဝင်ပါတယ်။ အမျှင်ဓါတ်က အူလမ်းကြောင်းထဲမှာ အစာတွေရွေ့လျားမှုကောင်းမွန်စေပြီး အာဟာရဓါတ်တွေစုပ်ယူနိုင်အောင်နှိုးဆွပေးပါတယ်။ သူက ဝမ်းချုပ်တာ၊ ဝမ်းလျှောတာတွေကိုပျောက်ကင်းစေပြီးသွေးတွင်းသကြားဓါတ်ကိုလည်း ထိန်းညှိပေးပါတယ်။ အမျှင်ဓါတ်ကြောင့်ပဲ ပိုလျှံနေတဲ့ ကိုလက်စထရောတွေကို ရှင်းလင်းပေးပြီး နှလုံးသွေးကြောကျန်းမာရေးကိုကောင်းမွန်စေပါတယ်။ နှလုံးကျန်းမာရေးအတွက်ကောင်းတယ် ပိုတက်စီယမ်ပါဝင်မှုပမာဏများလို့ နှလုံးနဲ့ပတ်သက်တဲ့ရောဂါဝေဒနာတွေရန်က အကာအကွယ်ဖြစ်စေပါတယ်။ ပိုတက်စီယမ်က နှလုံးသွေးလွှတ်ကြောတွေနဲ့သွေးပြန်ကြောတွေကိုပြေလျော့စေပြီးသွေးဖိအားကိုကျစေတယ်၊ နှလုံးရောဂါနဲ့လေဖြတ်ခြင်း အန္တရာယ်ကိုလျော့နည်းစေပါတယ်။ သန္ဓေသားအတွက်ကောင်းတယ် ဖောလိတ်ဓါတ်ပါဝင်မှုများလို့ ကိုယ်ဝန်ဆောင်တွေစားရင်မွေးလာမယ့်ကလေးမှာ ချို့ယွင်းချက်ပါလာနိုင်ခြေနည်းစေပါတယ်။ဖောလိတ်ဓါတ်က ဒီအင်န်အေဖြစ်တည်မှုနဲ့ ဆဲလ်ကျန်းမာရေးတွေမှာအရေးကြီးတဲ့ဓါတ်ဖြစ်ပြီး ဖွံ့ဖြိုးမှုကိုလည်းမြှင့်တင်ပေးပါတယ်။ ကြီးထွားဖွံ့ဖြိုးမှုကို အားပေးတယ် အာတာလွတ်ဥမှာ ပရိုတင်းက ထိုက်သင့်သလောက်ပါရှိပါတယ်။ အသားကရတဲ့ပရိုတင်းတွေထက် အသီးအနှံ၊သစ်ဥသစ်ဖုကရတဲ့ ပရိုတင်းကို ခန္ဓါကိုယ်က စုပ်ယူချက်လုပ်ရတာပိုလွယ်တာမို့ အဆင်ပြေပါတယ်။ ဒါ့ကြောင့် […]

အိမ်မှာဆို ပန်းအိုးထဲထည့်စိုက်ထားလို့ရတယ်၊ ဘယ်နားစိုက်စိုက် အလွယ်တကူပေါက်နိုင်တဲ့ဆေးမြင်းခွာလေးတွေက ဘယ်လိုတွေဆေးဖက်ဝင်လဲဆိုတာ သိပြီးပြီလား။ သုပ်စားလို့ရတယ်၊ တို့စရာအဖြစ်လည်းစားကြတဲ့မြင်းခွာသေးသေးလေးတွေပါ။ ရိုးရိုးမြင်းခွာလို ဟင်းချိုချက်တာမျိုး လုပ်မစားကြဘဲ အစိမ်းပဲစားတာများပါတယ်။ သူ့ရဲ့ဆေးစွမ်းကတော့ - ဆံပင်ကျွတ်သက်သာတယ် ဆေးမြင်းခွာက ဆံပင်ကျွတ်စေတဲ့အကြောင်းရင်းခံတွေဖြစ်တဲ့ စိတ်ဖိစီးမှုကိုလျော့ကျစေတယ်၊free radicalsတွေရန်က ကာကွယ်ပေးတယ်။ အနာကျက်မြန်စေတယ် ဆေးမြင်းခွာမှာပါတဲ့Saponins နဲ့ တခြားအော်ဂင်းနစ်ဒြပ်ပေါင်းတွေကြောင့် အနာကျက်ခြင်းဖြစ်စဉ်ကိုမြန်အောင် နှိုးဆွပေးပါတယ်။ ဆဲလ်တွေဆီကိုသွေးပို့လွှတ်မှုကိုအားပေးပြီးရောဂါပိုးတွေရန်ကကာကွယ်ပေးတာကြောင့် အနာကျက်မြန်စေတာဖြစ်ပါတယ်။ အသားလှစေတယ် ဆေးမြင်းခွာမှာ အသားအရေကိုကျန်းမာလှပစေနိုင်တဲ့ ဓါတ်တိုးဆန့်ကျင်ပစ္စည်းတွေနဲ့saponinsတွေ ကြွယ်ဝပါတယ်။ အထူးသဖြင့် အမာရွတ်တစ်ရှူးတွေကိုဟန့်တားပေးလို့ ခွဲစိတ်မှုအမာရွတ်တွေကိုတောင်ပျောက်ကင်းသက်သာစေတဲ့အထိ အသားအရေကိုအကျိုးပြုပါတယ်။ အရေးအကြောင်းတွေနဲ့ရင့်ရော်မှုလက္ခဏာတွေကိုလည်းလျော့ပါးစေတယ်လို့ဆိုပါတယ်။ သွေးလည်ပတ်မှုကောင်းစေတယ် ဆေးမြင်းခွာကသွေးလည်ပတ်မှုစနစ်မှာ အရေးပါတဲ့နေရာနှစ်ခုကနေ ပါဝင်နေပါတယ်။ တစ်ခုကသွေးကြောနဲ့ဆံချည်မျှင်သွေးကြောနံရံတွေကို ကျန်းမာစေပြီးသွေးကြောပိတ်ခြင်းကိုကာကွယ်ပေးနိုင်ပါတယ်။ ဒုတိယတစ်ခုကသွေးလည်ပတ်မှုကိုနှိုးဆွပေးလို့ ခန္ဓါကိုယ်ရဲ့အရေးပါတဲ့အစိတ်အပိုင်းတွေကိုအောက်ဆီဂျင်ပို့ပေးနိုင်စွမ်းကောင်းစေပါတယ်။ ဒါ့ကြောင့်သွေးလည်ပတ်မှုမကောင်းတဲ့အခါဖြစ်လာနိုင်တဲ့ခြေထောက်ဖောရောင်ခြင်း၊ နာကျင်ကိုက်ခဲခြင်း၊ စတဲေ့ဝဒနာတွေကိုလျော့ပါးသက်သာစေနိုင်တယ်။ အစာအိမ်အနာကို သက်သာစေတယ် ဆေးမြင်းခွာမှာပါတဲ့Asiaticoside က အစာအိမ်အနာအတွက်ဆေးတစ်လက်လို အာနိသင်ရှိပါတယ်။ သူက ဆဲလ်တွေကို ကုသပေးနိုင်စွမ်းရှိပြီး အနာတွေကို သက်သာပျောက်ကင်းစေပါတယ်။ ပူပန်သောကနဲ့ စိတ်ကျဝေဒနာ ဆေးမြင်းခွာအပါအဝင်မြင်းခွာရွက်တွေမှာ စိတ်ဖိစီးမှုဟော်မုန်းcortisol ကိုလျော့စေပြီးစိတ်ခံစားချက်နဲ့ပျော်ရွှင်မှုတို့အတွက်အရေးပါတဲ့serotonin နဲ့ dopamineဟော်မုန်းတွေကိုမြင့်တက်စေပါတယ်။ […]

အကျိုးကျေးဇူးများတယ်ဆိုပြီး ပန်းသီးရှာလကာရည် က အတော်လေးခေတ်စားသွားသေးတယ်နော်။ အဆီလည်းကျတယ်၊ နှလုံးအတွက်ကောင်းတယ်၊ အသားလှတယ်၊ အဆိပ်အတောက်သန့်စင်ပေးတယ် စတဲ့အစွမ်းအာနိသင်တွေရှိတယ်။ ဒါ့ကြောင့် ရတဲ့နေရာက အပြေးအလွှားသွားဝယ်ပြီး နေ့တိုင်းသောက်ကြလေရဲ့။ ပန်းသီးရှာလကာရည် မှာ ကျန်းမာရေးအကျိုးကျေးဇူးတွေများတာ မှန်ပါတယ်။ ဒါပေမယ့် "ဆရာ မပြ နည်းမကျ" ဆိုသလို အသုံးပြုတဲ့နည်းလမ်းမှန်ကန်မှ ဒီအစွမ်းတွေကိုရရှိနိုင်မှာပါ။ နည်းလမ်းမှားခဲ့ရင်တော့ ကျန်းမာရေးအကျိုးကျေးဇူးတွေမရမယ့်အပြင် အန္တရာယ်ပါဖြစ်စေနိုင်တာ သတိထားသင့်တဲ့အချက်ပါ။ သူက အဆီကျစေနိုင်တယ်၊ နှလုံးကျန်းမာရေးကို အထောက်အကူပြုတယ်ဆိုတဲ့အချက်နဲ့ မြန်မြန်ပိန်ချင်သူတွေက ရေတောင်မရောဘဲ နေ့တိုင်းသောက်ချနေကြတာ ကြောက်စရာပါ။ ဒီလိုသောက်မယ်ဆို ပန်းသီးရှာလကာရည်မှာပါတဲ့ အက်စစ်ကြောင့် အစာရေမျိုနဲ့ အစာအိမ်ကို ဆိုးဆိုးဝါးဝါးထိခိုက်စေနိုင်ပါတယ်။ ဒါ့ကြောင့် သူနဲ့ပတ်သက်ပြီး သိထားသင့်တာက ပမာဏမလွန်ကဲစေဘဲ ရေရောသောက်ရမှာဖြစ်တယ်။ ချက်ချင်းအဆီကျပြီး ပိန်မှာမဟုတ်ဘူး။ အကျိုးကျေးဇူးတွေကို ဖြည်းဖြည်းချင်းပဲ ရနိုင်မယ်ဆိုတာပါပဲ။ ပန်းသီးရှာလကာရည် ရဲ့ ကျန်းမာရေးအာနိသင်တွေကို ရချင်တယ်ဆို သတိထားသင့်တဲ့အချက်လေးတွေကို […]

မှည့်မှည့်၊ စိမ်းစိမ်း သရက်သီးဆိုတာနဲ့ မကြိုက်တဲ့သူရှိမယ်မထင်ပါဘူး။ မှည့်လွန်းရင်လည်း ချိုချိုလေးနဲ့မို့ အစိမ်းကျတော့လည်း ချဉ်မြုံမြုံလေးနဲ့ ခံတွင်းမြိန်စေတယ်ဆိုတော့ သရက်သီး ပေါ်ပြီဆိုတာနဲ့ အပြေးဝယ်ကြတဲ့ သူချည်းပါပဲ။ သရက်သီး အမှည့်ရဲ့ ကောင်းကျိုးတွေက သိထားပြီးသားဖြစ်နေကြတော့ အခု သရက်သီးအစိမ်း လေးရဲ့ ကျန်းမာရေး ကောင်းကျိုးလေးတွေ အကြောင်းပြောပြပေးချင်ပါတယ်။ ဘယ်လိုကောင်ကျိုးတွေများရှိမလဲ ကြည့်ရအောင်။ သရက်သီးအစိမ်း ရဲ့ ကျန်းမာရေး အာနိသင်များ ။ ။ ( ၁ ) ဓာတ်တိုးဆန့်ကျင်ပေးတဲ့ အာနိသင် အပြည့်အဝရှိပါတယ်။ သရက်သီးမှာ zeaxanthin လို့ခေါ်တဲ့ ဓာတ်တိုးဆန့်ကျင်ပစ္စည်းပါဝင်တဲ့ အတွက် ကိုယ်တွင်းက မကောင်းတဲ့ ဓာတု အဆိပ်အတောက်တွေကို ဖယ်ရှားပေးပါတယ်။ ဒါ့အပြင် သူရဲ့ ဓာတ်တိုးဆန့်ကျင်တဲ့ ဂုဏ်သတ္တိက ဆဲလ်အသစ်တွေ ဖြစ်ပေါ်မှုကို အားပေးလို့ အသားအရေမှာ အရေးအကြောင်းပေါ်တာ၊ အရွယ်မတိုင်ခင် အိုမင်းရင့်ရော်တာတွေကို […]

သင်္ဘောသီးကို အာဟာရဓါတ်တွေ ကြွယ်ဝပြီး အရသာရှိလွန်းတဲ့ အသီးတစ်ခုအဖြစ် လူတိုင်းက လက်ခံထားကြတာပါ။ ဒီအတိုင်းပဲ အသီးမှည့်ကို စားစား၊ အစိမ်းကို သုပ်စားစား၊ မျက်နှာအသားအရေအတွက် ပေါင်းတင်တင် အဘက်ဘက်က အသုံးဝင်တဲ့ အသီးတစ်ခုပါ။ ဒါပေမယ် တော်တော်များများက သင်္ဘောသီး အသားကိုသာစားပြီး အစေ့ကို ပစ်လိုက်ကြတာများပါတယ်။ သူတို့ပစ်လိုက်တဲ့ အဲဒီ အစေ့လေးတွေဟာ ဆေးဘက်ဝင်ပြီး ကျန်းမာရေးအတွက် ကောင်းကျိုးတွေ အများကြီးရှိပါတယ်။ ဘာတွေလဲဆိုတာ ကြည့်လိုက်ရအောင် ။ ။ ( ၁) အင်ဇိုင်းတွေ အများကြီးပါပါတယ်။ သင်္ဘောသီး အစေ့မှာ ကိုယ်တွင်းက ကပ်ပါးကောင်တွေကို ဖယ်ရှားပေးတဲ့ proteolytic enzymes နဲ့ papain ဓါတ်တွေ အများကြီးပါတဲ့အတွက်ကြောင့် သန်ကောင်တွေကိုဖယ်ရှားပေးနိုင်တဲ့ အစွမ်းရှိပါတယ်။ ( ၂ ) အစာခြေစနစ်ကို ကောင်းမွန်စေပါတယ်။ သင်္ဘောစေ့မှာ အစာခြေစနစ်အတွက်လိုအပ်တဲ့ အင်ဇိုင်းတွေ […]

ပေါင်မုန့်တွေမှာ နှမ်းကပ်ထားတာ၊ ဂျပန်အစားအစာ ဆူရှီတွေမှာ ပါတတ်တာ နှမ်းနက်လေးတွေ တွေ့နေကျပါ။ မြန်မာမုန့်မှာလည်း နှမ်းနက်ယိုဆို လူကြိုက်များတယ်၊ ဆေးဖက်ဝင်တယ်လို့ပြောကြတယ်။ နှမ်းနက်စေ့ မှာ ဆေးဖက်ဝင်အာနိသင်တွေရှိနေတာတော့ အမှန်ပါပဲ။ နှမ်းနက်စေ့ ရဲ့ အစွမ်းထက်အာနိသင် (၇) မျိုး (၁) ကိုလက်စထရောကို ကျစေတယ် နှမ်းနက်စေ့မှာပါတဲ့ အမျှင်ဓာတ်က lignans ဆိုတဲ့ အမျိုးအစားပါ။ ဒီအမျှင်ဓာတ်အုပ်စုက သွေးတွင်းကိုလက်စထရောပမာဏကို လျော့ကျစေနိုင်တယ်လို့ တွေ့ရှိထားပါတယ်။ နှမ်းနက်စေ့မှာ phytosterols ဆိုတဲ့ ကိုလက်စထရောကျစေတဲ့ အပင်ထွက်ဒြပ်ပေါင်းတွေလည်း ပါဝင်ပါတယ်။ (၂) ကင်ဆာဖြစ်နိုင်ခြေ နည်းစေတယ် lignans နဲ့ phytosterols တို့ဟာ ကင်ဆာကာကွယ်နိုင်စွမ်းရှိတဲ့နေရာမှာလည်း အာနိသင်တူပါတယ်။ ဒါ့အပြင် နှမ်းနက်စေ့မှာပါတဲ့ sesamin ဒြပ်ပေါင်းကြောင့် အာရုံစူးစိုက်နိုင်စွမ်းပိုကောင်းစေပြီး အသည်းရဲ့လုပ်ဆောင်ချက်ကိုကောင်းမွန်စေတာကြောင့် ကိုယ်တွင်းသန့်စင်စေတဲ့ အကျိုးကျေးဇူးရှိပါတယ်။ (၃) အစာအိမ်နဲ့ အူလမ်းကြောင်းပြဿနာတွေ သက်သာစေတယ် နှမ်းနက်စေ့ရဲ့ အဆီက ဝမ်းချုပ်ခြင်းကို […]

ပိန္နဲသီးဆို အရမ်းကြိုက်သူတွေရှိလား။ အသီးတင်မကဘူး၊ အသီးခြောက်တွေကိုပါ နိုင်ငံခြားကကို တကူးတက မှာယူကြတဲ့ သူတွေရှိပါတယ်။ ကိုယ်တွေအိမ်မှာတော့ ပိန္နဲသီးခွဲပြီဆို စားပြီးတဲ့အစေ့တွေ အမေက အကုန်ပြန်သိမ်းတော့တာပဲ။ ပိန္နဲစေ့ကိုဆေးကြော၊ပြန်ပြုတ်ပြီး ပုဇွန်ခြောက်ငံပြာရည်ချက်လေးနဲ့ စားရတာ ထမင်းမြိန်စေတဲ့ အတွဲအဖက်ပါ။ပိန္နဲစေ့ပြုတ်ကို ဒီတိုင်းအခွံလေးခွာစားတာလည်း သရေစာတစ်မျိုးပဲ။ ငယ်ငယ်တည်းက လူကြီးတွေစားသလို လိုက်စားခဲ့တယ်၊ စားလို့ကောင်းလို့ ကြိုက်တယ် ဒီလောက်ပဲလေ။ ဒီလောက် ကျန်းမာရေးအကျိုးကျေးဇူးရှိလိမ့်မယ်လို့ မထင်ခဲ့မိပါဘူး။ ပိန္နဲစေ့ကနေ ဘယ်လို ကျန်းမာရေးအကျိုးကျေးဇူးတွေရနိုင်လဲ (၁) သွေးအားကောင်းစေတယ် ပိန္နဲစေ့မှာ ဟေမိုဂလိုဘင်ရဲ့အဓိကပါဝင်ပစ္စည်းဖြစ်တဲ့ သံဓါတ်ပါဝင်မှုများပါတယ်။ သံဓါတ်ပမာဏအလုံအလောက်ရရှိနိုင်ရင်သွေးအားနည်းရောဂါကိုကုသနိုင်ပြီးသွေးနဲ့ပတ်သက်တဲ့ရောဂါဝေဒနာအတော်များများကို ကာကွယ်နိုင်ပါတယ်။ သံဓါတ်ကသွေးနီဥဆဲလ်တွေ ထုတ်လုပ်မှုကိုတိုးမြင့်စေလို့ ကိုယ်ခံအားကိုတက်စေပါတယ်။ (၂) အစာခြေစနစ်ကို ကျန်းမာစေတယ် တိုင်းရင်းဆေးပညာတွေအရဆိုရင် ဝမ်းချုပ်ခြင်းနဲ့ တခြားအစာခြေစနစ်ပြဿနာတွေကို ကုသဖို့ ပိန္နဲစေ့ကိုကြိတ်ထားတဲ့အမှုန့်ကို သုံးခဲ့ကြတာဖြစ်ပါတယ်။ပိန္နဲစေ့ မှာ အစာခြေစနစ်ကျန်းမာရေးအတွက် သိပ်ကိုအကျိုးပြုတဲ့ အမျှင်ဓါတ်ကြွယ်ဝနေတာဖြစ်ပါတယ်။ ဒါ့ကြောင့် ဝမ်းပျက်ဝမ်းလျှောတဲ့အခါလည်း သူ့ကို သုံးလို့ရတယ်လို့ ဆိုကြပါတယ်။ ပမာဏအများကြီးမဟုတ်ဘဲတော်သင့်သလောက်စားတာကဆေးဖက်ဝင်နိုင်ပါတယ်။ (၃) […]

ကျောက်သင်ပုန်း အရွက်လေးက ခပ်ထူထူလေးနဲ့ မြေလျှောက်ပင်လေးလိုမျိုး မြေကြီးမှာ ကပ်ပေါက်နေတဲ့ အပင်လေးပါ။ ငယ်ငယ်က ကစားဖို့ အရွက်လေးတွေ ခူးရင်းမြင်ဖူးကြမှာပါ။ ကျောက်သင်ပုန်း ဖျက်ဖို့အတွက် သုံးလို့ရတယ်လို့ ပြောတာကြားဖူးမှာပေါ့။ ဒီအရွက်လေးတွေက ကျောက်သင်ပုန်းဖျက်လို့ရတယ်ဆိုတာထက် ပိုတဲ့ အာနိသင်တွေ ရှိနေတယ်ဆိုတာကို ဒီဆောင်းပါးလေးကနေတဆင့် ပြောပြပေးပါရစေ။ ကျောက်သင်ပုန်းရွက် ဆိုတာ ကျောက်သင်ပုန်းရွက် ဆိုတာက မြေလျှောက်ပြီး အလေ့ကျပေါက်တတ်တဲ့ အပင်လေးရဲ့ အရွက်ပါ။ အရွက်က ပြောင်ပြောင်လေးနဲ့ ကွမ်းရွက်ပုံလေးပါ။ ရိုးတံလေးမှာ အစေ့လေးတွေ ကပ်နေသလိုမျိုး ရိုးတံလေးနဲ့ အရွက်ပြောင်ပြောင်လေးတွေ ဘေးတစ်ဖက်တစ်ချက်စီးမှာ ထွက်နေတတ်ပါတယ်။ ကျောက်သင်ပုန်းရွက်က စားလို့ရပါတယ်။ ပူဒီနာတို့ ဇီယာရွက်တို့လို ပူရှိန်းရှိန်းလေးပါ။ မုန်လာဥဖြူ လိုမျိုး အရသာလည်း ရှိပါတယ်။ မစားခင်မှာ ရေ သေချာ စင်အောင် ဆေးဖို့တော့ လိုပါတယ်။ အသုပ်တွေထဲမှာ ထည့်စားလို့လည်း ရပါတယ်။ […]

ဒန့်သလွန်သီးကို ချက်စားမယ်ဆိုပါစို့။ တခြားအသီးတွေလို အစေ့ကိုဖယ်ရတာမဟုတ်၊ အစေ့နဲ့အသားကို အဓိကစားကြတာပါ။ ဒီလိုချက်စားမယ်ဆို နုတဲ့အသီးမှ ရွေးရပါတယ်။ ဒါပေမယ့် ဒန့်သလွန်ပင် ရှိနေတဲ့အိမ်မှာတော့ အသီးအရင့်တွေကို အခြောက်ပဲခံလိုက်တော့တယ်။ မျိုးစေ့ယူရတာကိုး။ ဒီလိုမျိုး မျိုးစုံအသုံးဝင်တဲ့ ဒန့်သလွန်စေ့ ရဲ့ ကျန်းမာရေးအကျိုးကျေးဇူးများ က ဘာတွေများဖြစ်မလဲ။ ဒန့်သလွန်စေ့ ရဲ့ ကျန်းမာရေးအကျိုးကျေးဇူးများ သွေးချိုကျစေတယ် ဒန့်သလွန်စေ့ရဲ့ ထင်ရှားတဲ့အာနိသင်တစ်ခုက သွေးတွင်းသကြားဓာတ်ကို လျော့ကျစေနိုင်စွမ်းရှိတာပါပဲ။၂၀၁၅ ခုနှစ်က သုတေသနတစ်ခုမှာ ဆီးချိုရှိတဲ့ ကြွက်တွေကို တစ်ရက် ဒန့်သလွန်စေ့ ၅၀-၁၀၀ မီလီဂရမ် ကျွေးခဲ့ရာ အခြေအနေတိုးတက်လာတာကို တွေ့ရပါတယ်။ ဒါက ဆက်လေ့လာဖို့တော့ လိုပါသေးတယ်။ ကိုလက်စထရော ကျစေတယ် ဒန့်သလွန်ဟာ ကိုယ်လက်စထရောနဲ့ အဆီဓာတ်တွေနဲ့ပတ်သက်ရင် ခန္ဓာကိုယ်အတွက် အကျိုးပြုတဲ့အာနိသင်တွေရှိတယ်ဆိုတာ လူသိများပါတယ်။ ၂၀၀၃ ခုနှစ်က လေ့လာမှုမှာ ယုန်လေးတွေကို ရက် ၁၂၀ […]

သဘာဝတရားကြီးက သက်ရှိတွေကို အကောင်းဆုံးတွေပဲ ပေးထားတာပါ။ သဘာဝမှာ အလေ့ကျလိုပေါက်လာတဲ့ အပင်တွေကလည်း ကျန်းမာရေးကို တစ်ဖက်တစ်လမ်းက အကောင်းဆုံးအထောက်အပံ့ပေးနေပါတယ်။ ဒီတစ်ခေါက်တော့ ကျန်းမာရေအတွက် အထောက်အပံ့ပေးတယ်ဆိုတဲ့ သင်္ဘောရွက် အကြောင်းလေး ပြောပြပေးချင်ပါတယ်။ သင်္ဘောရွက် ဆိုတာ ထွေထွေထူးထူးပြောနေစရာမလိုအောင် မြင်ဖူးကြမှာပါ။ သင်္ဘောပင်ရဲ့ ခပ်ဖားဖား စိမ်းစိမ်းအရွက်တွေပါ။ အာရှတိုက်ဒေသ တော်တော်များများနဲ့ အမေရိကတိုက်တို့မှာ တွေ့ရနိုင်ပါတယ်။ သင်္ဘောပင်က အသီးကို စားလို့ရသလို အရွက်နုနုလေးတွေကိုလည်း သုပ်စားတာဖြစ်ဖြစ်၊ လက်ဖက်နဲ့စားတာဖြစ်ဖြစ် စားလို့ရပါတယ်။ သင်္ဘောရွက်မှာ အာဟာရဓာတ်တွေ ကြွယ်ဝစွာပါဝင်နေသလို ဓာတ်တိုးဆန့်ကျင်ပစ္စည်းတွေလည်း ကြွယ်ဝပါတယ်။ဆေးဖက်ဝင်သလို ဟင်းလျာတစ်ခုအဖြစ်နဲ့တောင် စားသုံးလို့ရတဲ့ အရွက်တစ်မျိုးပါ။ သင်္ဘောရွက်မှာ ပါပါအင်ဆိုတဲ့ဓာတ်နဲ့ အခြားသော အကျိုးပြုအင်ဇိုင်းတွေပါဝင်နေပါတယ်။ သင်္ဘောရွက် အကြောင်း တစေ့တစောင်း အာဟာရဓာတ်တွေနဲ့ ဓာတ်တိုးဆန့်ကျင်ပစ္စည်းတွေ ကြွယ်ဝတဲ့ သင်္ဘောရွက်က အခုလို ကျန်းမာရေးအကျိုးကျေးဇူးတွေ ရရှိစေနိုင်ပါတယ်။ သင်္ဘောရွက်မှာ ပါတဲ့ ပါပါအင်ဆိုတဲ့ ဓာတ်က […]