သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

ask-doctor-icon

ဆရာဝန်အား အခမဲ့မေးမြန်းလိုက်ပါ။

Hello ဆရာဝန်မှာ သင့်အတွေးများကို အသိပေးနိုင်ပါတယ်။

အမှည့်မဟုတ်ဘဲ သရက်သီးအစိမ်း ချဉ်ချဉ်လေးမှ ကြိုက်တဲ့သူတွေရှိလား ။ ။

    အမှည့်မဟုတ်ဘဲ သရက်သီးအစိမ်း ချဉ်ချဉ်လေးမှ ကြိုက်တဲ့သူတွေရှိလား ။ ။

    မှည့်မှည့်၊ စိမ်းစိမ်း သရက်သီးဆိုတာနဲ့ မကြိုက်တဲ့သူရှိမယ်မထင်ပါဘူး။ မှည့်လွန်းရင်လည်း ချိုချိုလေးနဲ့မို့ အစိမ်းကျတော့လည်း ချဉ်မြုံမြုံလေးနဲ့ ခံတွင်းမြိန်စေတယ်ဆိုတော့ သရက်သီး ပေါ်ပြီဆိုတာနဲ့ အပြေးဝယ်ကြတဲ့ သူချည်းပါပဲ။ သရက်သီး အမှည့်ရဲ့ ကောင်းကျိုးတွေက သိထားပြီးသားဖြစ်နေကြတော့ အခု သရက်သီးအစိမ်း လေးရဲ့ ကျန်းမာရေး ကောင်းကျိုးလေးတွေ အကြောင်းပြောပြပေးချင်ပါတယ်။ ဘယ်လိုကောင်ကျိုးတွေများရှိမလဲ ကြည့်ရအောင်။

    သရက်သီးအစိမ်း ရဲ့ ကျန်းမာရေး အာနိသင်များ ။ ။

    ( ၁ ) ဓာတ်တိုးဆန့်ကျင်ပေးတဲ့ အာနိသင် အပြည့်အဝရှိပါတယ်။

    သရက်သီးမှာ zeaxanthin လို့ခေါ်တဲ့ ဓာတ်တိုးဆန့်ကျင်ပစ္စည်းပါဝင်တဲ့ အတွက် ကိုယ်တွင်းက မကောင်းတဲ့ ဓာတု အဆိပ်အတောက်တွေကို ဖယ်ရှားပေးပါတယ်။ ဒါ့အပြင် သူရဲ့ ဓာတ်တိုးဆန့်ကျင်တဲ့ ဂုဏ်သတ္တိက ဆဲလ်အသစ်တွေ ဖြစ်ပေါ်မှုကို အားပေးလို့ အသားအရေမှာ အရေးအကြောင်းပေါ်တာ၊ အရွယ်မတိုင်ခင် အိုမင်းရင့်ရော်တာတွေကို တားဆီးပေးဦးမှာပါ။ ကင်ဆာရောဂါကိုလည်း ကာကွယ်ပေးတယ်ဆိုတာ အထူးပြောနေစရာ လိုမယ်တောင်မထင်ပါဘူး။

    ( ၂ ) ဗီတာမင် စီ ကြွယ်ဝစွာပါပါတယ်။

    သရက်သီးအစိမ်း ချဉ်ချဉ်လေးမှ ဗီတာမင် စီ မကြွယ်ဝရင် ဘယ်အသီးတွေကသွားပြီး ကြွယ်ဝဦးမလဲနော်။ ပါဝင်တဲ့ ဗီတာမင် စီကြောင့် ကိုယ်တွင်းခုခံအား စနစ်တက်လာပြီး ရောဂါတွေကို တိုက်ထုတ်ပေးမယ့်အပြင် သွားဖုံးသွေးယိုတာနဲ့ အခြားသွေးအားနည်းရောဂါတွေကိုတောင် ကာကွယ်ပေးဦးမှာနော်။

    ( ၃ ) အမျှင်ဓာတ်ကြွယ်ဝစွာပါပါတယ်။

    သရက်သီးအစိမ်း မှာ ပါဝင်တဲ့ ကြွယ်ဝတဲ့ အမျှင်ဓာတ်ကြောင့် တစ်ခါစားလိုက်ပြီဆိုတာနဲ့ အဆာခံစေလို့ ကိုယ်အလေးချိန်ကို ထိန်းပြီးသားဖြစ်မှာပါ။ ဒါ့အပြင် ဝမ်းမှန် အောင်လည်း သူက ကူညီပေးဦးမှာနော်။

    ( ၄ ) အစာခြေစနစ်ကို ကောင်းမွန်စေပါတယ်။

    သရက်သီး အစိမ်းရဲ့ အစာအိမ်တွင်းက အက်ဆစ်ဓာတ်ကို ပြေလျော့စေတဲ့ အစွမ်းသတ္တိကြောင့် အစာခြေရည် ပြန်ဆန်တက်လို့ ရင်ပူခြင်းကိုလည်း သက်သာစေမှာပါ။ ဒါ့အပြင် ပရိုတင်းကို ချေဖျက်ပေးတဲ့ အင်ဇိုင်းတွေလည်း ပါဝင်တာကြောင့် အစာမကြေခြင်းကိုလည်း သက်သာစေမှာပါ။

    အမှည့်မဟုတ်ဘဲ သရက်သီးအစိမ်း ချဉ်ချဉ်လေးမှ ကြိုက်တဲ့သူတွေရှိလား ။ ။

    ( ၅ ) အသည်းအတွက်လည်း အထောက်အကူပြုပေးပါတယ်။

    သည်းခြေရည် တွေ ပိုထွက်အောင်လှုံ့ဆော်ပေးတဲ့ အစွမ်းသတ္တိကြောင့် အသည်းကို အထောက်အကူပြုရာရောက်ပြီး ကိုယ်တွင်းက မကောင်းတဲ့ အဆိပ်တွေကို ဖယ်ရှားပေးသန့်စင်ပေးပါတယ်။

    ( ၆ ) သွေးပေါင်ချိန်ကိုလည်း ထိန်းညှိပေးပါတယ်။

    သရက်သီးအစိမ်းမှာပါဝင်တဲ့ ပိုတက်ဆီယမ်ဓာတ်ရဲ့ သွေးကြောတွေကို ပြေလျော့စေတဲ့ အာနိသင်ကြောင့် သွေးပေါင်ချိန်မှန်အောင် ထိန်းညှိပေးမယ့်အပြင် နှလုံးကြွက်သားကိုလည်း အားကောင်းစေပါတယ်။

    ( ၇ ) အမြင်အာရုံကို ကောင်းမွန်စေပါတယ်။

    သရက်သီးအစိမ်း မှာ မျက်လုံးအတွက် အဓိက လိုအပ်တဲ့ ဗီတာမင် A အများကြီးပါတာကြောင့် မျက်စိအတွက် အထူးကောင်းမွန်မယ်ဆိုတာ ပြောစရာမလိုပါဘူး။ ဒါ့အပြင် ဗီတာမင် A က ဆံသားကိုလည်း ကောင်းမွန်စေမှာပါ။

    အမှည့်မဟုတ်ဘဲ သရက်သီးအစိမ်း ချဉ်ချဉ်လေးမှ ကြိုက်တဲ့သူတွေရှိလား ။ ။

    ( ၈ ) အသားအရေကိုလည်း ကောင်းမွန်စေပါတယ်။

    သရက်သီးအစိမ်းမှာ ပါဝင်တဲ့ ဗီတာမင် C နဲ့ ဗီတာမင် A နှစ်မျိုးလုံးဟာ အသားအရေအတွက် အထူးလိုအပ်တဲ့ ဗီတာမင်တွေဖြစ်တာကြောင့် ချောမွတ်တဲ့အသားအရေ၊ အပြစ်အနာအဆာကင်းတဲ အသားအရေတွေကို ပိုင်ဆိုင်နိုင်မှာ အသေအချာပါ ။

    health-tool-icon

    အခြေခံတစ်နေ့တာ ကယ်လ်လိုရီ လိုအပ်ချက်ပမာဏ တွက်ချက်ခြင်း ကိရိယာ (BMR)

    အရပ််၊ အသက်၊ ကိုယ်အလေးချိန်၊ တစ်နေ့တာ လှုပ်ရှားမှုတွေအပေါ်မူတည်ပြီး တစ်နေ့တာ လိုအပ်မယ့် ကယ်လ်လိုရီ ပမာဏကို သိရှိနိုင်ဖို့ အခြေခံတစ်နေ့တာ ကယ်လ်လိုရီ လိုအပ်ချက်ပမာဏ တွက်ချက်ခြင်း ကိရိယာ (BMR)ကို အသုံးပြုပြီး တွက်ချက်နိုင်ပါတယ်

    အမျိုးသား

    အမျိုးသမီး

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    စာရေးသူ ဓာတ်ပုံbadge
    Dr. Thin Yadanar @ Frances မှ ရေးသားသည်။ 3 ပတ် အကြာက တွင် ပြန်လည်ပြင်ဆင်ခဲ့သည်။
    Hello Sayarwon Panel မှ အချက်အလက် စစ်ဆေးထားပါသည်။
    Next article: