ရှေးဦးသူနာပြုစုခြင်း

တစ်ခုခု ထိခိုက်မိပြီး အနာဖြစ်ဖူးတဲ့သူ၊ ဒဏ်ရာရဖူးတဲ့သူတွေ ရှိကြပါသလား။ လူတိုင်းဖြစ်ဖူးကြမှာပါ။ မတော်တဆထိခိုက်မိလို့ပဲဖြစ်ဖစ်၊ ရန်ဖြစ်လို့ပဲဖြစ်ဖြစ် ကိုယ့်ကိုကိုယ် နာကျင်အောင်လုပ်တာပဲဖြစ်ဖြစ် အကုန်လုံးက ထိခိုက်ဒဏ်ရာကနေ ပြေးမလွတ်ပါဘူး။ ဒီလို ထိခိုက်တဲ့အခါ အနာကပ်ပလာစတာ ကပ်ကြတယ်ဟုတ်။ ဒါဆိုရင်တော့ အနာကပ်ပလာစတာသုံးသူတိုင်း သိသင့်တဲ့ ရှောင်ရန်ဆောင်ရန်တွေ သိထားဖို့ လိုမယ်နော်။ အနာကပ်ပလာစတာသုံးသူတိုင်း သိသင့်တဲ့ ရှောင်ရန်ဆောင်ရန်တွေ။ ။ ဒဏ်ရာသေးရင်တော့ အနာကပ်ပလာစတာသာ ကပ်ကြပြီး ၊ ဒဏ်ရာကြီးရင်တော့ ပတ်တီးစည်းတတ်ကြပါတယ်။ ပတ်တီးစည်းရတဲ့ အဆင့်လောက်ဆို အနာက တော်တော်လေးကြီးနေပြီမို့ ဆေးခန်းသွားပြီး ကုမှရတာပါ။ အဲဒီအခါကျရင် ဆရာဝန်က ပတ်တီးစည်းရင်လုပ်သင့်တဲ့ရှောင်ရန်ဆောင်ရန်တွေ တစ်ခါတည်းပြောလိုက်မှာပါ။ အနာကပ်ပလာစတာ က ကျတော့ ကိုယ့်ဘာသာ အိမ်မှာပဲ လွယ်လွယ်ဝယ် သုံးနေကြတဲ့ အတွက် သူနဲ့ ပတ်သက်တဲ့ ရှောင်ရန်ဆောင်ရန်တွေကျတော့ မသိတာ ဖြစ်တတ်ကြပါတယ်။ ဒဏ်ရာမြန်မြန်ကျက်ချင်လို့၊ ပိုးမဝင်စေချင်လို့ […]

အမြင့်တစ်နေရာရာက ပြုတ်ကျတယ်ဆိုတာ လူကြီး၊ လူငယ်မရွေးကို အခန့်မသင့်ရင် ဒုက္ခပေးနိုင်တာမျိုးပါ။ ကြောင်ကျကျတယ်ဆိုရင်တော့ တော်တာပေါ့။ အကျမတော်ရင်တော့ ခေါင်းကွဲ၊ ဒူးပြဲ၊ အရိုးကျိုးနဲ့ ဒဏ်ရာဒဏ်ချက်တွေ တစ်ပြုံကြီး ရသွားနိုင်ပါတယ်။ ဘယ်သူမှတော့ ပြုတ်ကျချင်တဲ့သူ မရှိပါဘူး။ မတော်တဆဆိုပြီးတော့သာ အကုန်ဖြစ်ရတာပါ။ ဖြစ်ပြီးမှတော့လည်း ပိုဆိုးမသွားအောင် ဆက်ကာကွယ်ဖို့ပဲရှိတော့တာပေါ့။ ဒါကြောင့် မတော်တဆ အမြင့်ကကိုယ်ကျရင်ပဲဖြစ်ဖြစ်၊ လမ်းမှာပြုတ်ကျပြီး ဒဏ်ရာရတဲ့သူကို တွေ့ရင်ပဲဖြစ်ဖြစ် လုပ်သင့်တဲ့ ရှေးဦးသူနာပြုစုနည်းလေးတွေ အကြောင်း ပြောပြပေးချင်ပါတယ်။ နေရာတိုင်းအတွက် အသုံးဝင်နိုင်မယ့် နည်းလေးတွေပေါ့။ ။   အမြင့်ကပြုတ်ကျတဲ့သူတစ်ယောက်ကိုတွေ့ရင် အရင်ဆုံး ဘယ်လို ကူညီပေးသင့်သလဲ။ လမ်းသွားရင်းပဲဖြစ်ဖြစ်၊ လုပ်ငန်းခွင်ထဲမှာပဲဖြစ်ဖြစ် အိမ်မှာပဲဖြစ်ဖြစ် တစ်ယောက်ယောက် ဒဏ်ရာရနိုင်လောက်တဲ့ အမြင့်က ပြုတ်ကျလာလို့ရှိရင် ဒဏ်ရာ ပြင်းမပြင်း အရင်ကြည့်ပါ။ ဒဏ်ရာပြင်းတဲ့ သူဆိုရင် လူနာတင်ယာဉ် အရင်ခေါ်ပါ။ လူနာတင်ကား လာနေချိန် […]

မီးပြဿနာကြောင့်ဖြစ်စေ၊ စက်ပိုင်းဆိုင်ရာ ချို့ယွင်းချက်ကြောင့်ဖြစ်စေ ဓာတ်လှေကားစက် ရပ်သွားပြီး ပိတ်မိသွားတတ်ပါတယ်။ ဒါကြောင့် ဓာတ်လှေကားထဲမှာ ပိတ်မိသူတွေအနေနဲ့ ဒီလိုအချိန်မျိုးမှာ အကြောက်မလွန်ဖို့၊ မစိုးရိမ်ဖို့ လိုအပ်ပါတယ်။ ဘေးအန္တရာယ်ကင်းကင်းနဲ့ အပြင်ကို ပြန်ထွက်လို့ ရတဲ့အချိန်ထိ ဘာတွေ လုပ်သင့်လဲ၊ ဘယ်လို အပြုအမူမျိုးတွေကို ရှောင်ကြဉ်ရမလဲဆိုတာကို ဗဟုသုတအနေနဲ့ ဝေမျှပေးလိုက်ပါတယ်။ ၁။ စိတ်ကို တည်ငြိမ်အောင် ထားပါ။ ဘယ်လိုမှ အပြင်ကို ပြန်ထွက်လို့ မရတဲ့ ဒီလိုအခြေအနေမျိုးမှာ ကြောက်ရွံ့ထိတ်လန့်တတ်ကြတာ လူ့စိတ်သဘာဝပါပဲ။ ကိုယ့်ရဲ့ စိတ်က မတည်မငြိမ်ြဖစ်နေတဲ့အခါမှာ ပိတ်မိနေတဲ့ အခြေအနေကို ပိုဆိုးစေမယ့် အမှားတွေ လုပ်မိနိုင်သလို နှလုံးမကောင်းသူတွေမှာဆိုရင် စိတ်က တုန်လှုပ်ခြောက်ခြားပြီး အမောဖောက်တာမျိုး ဖြစ်လာနိုင်ပါတယ်။ ဒီလိုဖြစ်လာပြီဆိုရင် အသက်ကို ၀၀ရှူပြီး စိတ်ကို တည်ငြိမ်အောင် ထားဖို့ အလွန်အရေးကြီးပါတယ်။ အသက်ကို ၀၀ရှူပါ။ […]

ရာသီဥတုက ပူလာပြီနော်။ ခုနောက်ပိုင်း ရာသီဥတုက အပူဓာတ်ပဲ လွန်ကဲလာတာဆိုတော့ နွေရာသီ အတိုင်းကို ပူပြင်းလို့ နေပြီလေ။ အပူရှိန် ပြင်းပြင်းနဲ့ တောက်လောင်နေတဲ့ ရာသီဥတုက အသက်အရွယ် မရွေးကို အပူလျှပ် စေနိုင်တဲ့ အန္တရာယ် ရှိစေနိုင်ပါတယ်။ အပူလျှပ်တာက အရေးမကြီးဘူးလို့ မထင်ပါနဲ့။ အရေးပေါ် အသက်ကယ်ဆယ်မှုတွေ မပြုလုပ်နိုင်ဘူး ဆိုရင် အသက် ဆုံးရှုံးသွားနိုင်တဲ့ အထိ ပြင်းထန်နိုင်ပါတယ်။ ဒီတစ်ခေါက်တော့ အပူလျှပ်တဲ့အခါ အရေးပေါ် ဘယ်လို ပြုစုကုသရမလဲ ဆိုတာကို ပြောပြပေးချင်ပါတယ်။ အပူလျှပ်ပြီဆိုတာကို ဘယ်လိုသိနိုင်မလဲ။ အပူလျှပ်ပြီဆိုရင် ၁။ ခန္ဓာကိုယ်ရဲ့ အပူချိန်က ၁၀၄ ဒီဂရီ ဖာရင်ဟိုက်ထက် မြင့်မားနေမယ်။ ၂။ နှလုံးခုန်နှုန်း အရမ်း မြန်နေမယ်။ ၃။ ချွေး မထွက်တော့ဘဲ ခြောက်သွေ့နေမယ်။ ၄။ သတိလစ်နေမယ် ဒါမှမဟုတ် သတိ မကောင်းဘဲ […]

ကာဗွန်မိုနောက်ဆိုက်ဆိုတာ အနံ့မရှိ၊ အရသာမရှိတဲ့ အဆိပ်ဓါတ်ငွေ့ဖြစ်ပါတယ်။ သူ့ကိုရှူရှိုက်မိရင် အဆိပ်သင့်စေနိုင်ပြီး ပမာဏနည်းရင်တော့သတိမထားမိဘဲ လူကဘာဖြစ်လို့ဖြစ်မှန်းမသိလိုက်တာ ရှိတတ်ပါတယ်။လေထုထဲမှာ ဒီဓါတ်ငွေ့များနေပြီဆိုရင်တော့သွေးနီဥဆဲလ်တွေထဲကအောက်ဆီဂျင်ေနရာမှာ ကာဗွန်မိုနောက်ဆိုက်တွေအစားထိုးဝင်ရောက်သွားနိုင်တာမို့ ခန္ဓါကိုယ်ထဲမှာ ဆိုးရွားတဲ့ထိခိုက်ပျက်စီးမှုတွေဖြစ်လာနိုင်တယ်၊ အသက်ဆုံးရှုံးရတဲ့အထိတောင်ဖြစ်နိုင်ပါတယ်။ ဥပမာ အလုံပိတ်ကားပါကင်ထဲမှာ ကားစက်နှိုးလို့ အင်ဂျင်ကထွက်လာတဲ့ဓါတ်ငွေ့တွေ လွန်ကဲလာရင်လေထုညစ်ညမ်းပြီး အသက်ရှူကျပ်လာတာ၊ မီးခိုးမွှန်လို့ အသက်ရှူကျပ်လာတာ၊လေအေးပေးစက်ကြောင့် ဘာနံ့မှမရဘဲအသက်ရှူကျပ်လာတာ၊ စတာတွေကို အလုံပိတ်နေရာတစ်ခုခုအတွင်း ခံစားဖူးကြမှာပါ။ အခိုးအငွေ့မမြင်ရတဲ့ အသံတိတ်လူသတ်သမားပါပဲ။ ကာဗွန်မိုနောက်ဆိုက်အဆိပ်သင့်ခြင်းက ဓါတ်ငွေ့အနည်းအများနဲ့ ရှူရှိုက်မှုအတိုင်းအတာကိုမူတည်ပြီး ဦးနှောက်သေခြင်း၊ နှလုံးထိခိုက်ပျက်စီးခြင်း၊ ကိုယ်ဝန်ပျက်ကျခြင်း၊သေဆုံးခြင်းတို့အထိဖြစ်နိုင်လောက်အောင် အန္တရာယ်ကြီးပါတယ်။ အဆိပ်သင့်မှုဖြစ်နိုင်ခြေအများဆုံး အရင်းအမြစ်တွေ ကာဗွန်မိုနောက်ဆိုက်ဓါတ်ငွေ့တွေ ထွက်ရှိမှုကို သတိထားသင့်တဲ့ အရင်းအမြစ်တွေကတော့ - ကားအင်ဂျင် -ကားဂိုဒေါင်တွေ၊ကားဝပ်ရှော့တွေမှာ အင်ဂျင်ကနေထွက်တဲ့ မီးခိုးငွေ့တွေရှူရှိုက်မှုများတတ်ပါတယ်။ အလုံပိတ်ကားပါကင်မှာ ကားစက်နှိုးပြီးထားထားတာက ၁၀ မိနစ်အတွင်းမှာ လူကိုသေစေလောက်တဲ့ ကာဗွန်မိုနောက်ဆိုက်ပမာဏကို အင်ဂျင်ကနေထွက်စေနိုင်ပါတယ်။ ဂက်စ် မီးဖိုနဲ့ ထင်းမီးဖို ဂက်စ် သို့မဟုတ် […]

အလှပဆုံး မျက်နှာလေးတစ်ခုကို ပိုင်ဆိုင်ချင်ကြတာ လူတိုင်းရဲ့ အိပ်မက်တစ်ခုပါ။ မိန်းကလေးဆိုရင် စင်ယော်တောင် မျက်ခုံးလေးနဲ့မှ လှပြီး ယောက်ျားလေးတွေကျတော့ မုတ်ဆိတ်လေးနဲ့မှ ကြည့်ကောင်းတာမျိုးပါ။ အဲဒီတော့ လှချင်လို့ မျက်ခုံးကို ပုံဖော်ကြ၊ မုတ်ဆိတ်ထူအောင် ရိတ်ကြ၊ တချို့ကျတော့လည်း နှုတ်ခမ်းမွေး၊ ပါးသိုင်းမွေးတွေ မကြိုက်လို့ အပြောင်ရိတ်ကြ ဆိုတော့ အခန့်မသင့်ရင် ထိမိ၊ ရှမိတတ်ပါတယ်။ ဒီတစ်ခေါက်တော့ မုတ်ဆိတ်ရိတ်ရင်း ထိခိုက်မိတာကို ဘယ်လို ဂရုစိုက်မလဲ ပြောပြပေးမယ်နော်။ မုတ်ဆိတ်ရိတ်ရင်း ဓားထိသွားရင် ဒဏ်ရာလေးတွေက သေးရင် မစိုးရိမ်ရပေမယ့်လည်း သေချာဂရုစိုက်ပေးဖို့တော့လိုပါတယ်။ မျက်နှာဆိုတာ အရေးအကြီးဆုံးပဲမလား။ ဒဏ်ရာသေးပေမယ့်လည်း ဂရုမစိုက်ရင် ပိုဆိုးသွားမှာစိုးလို့ မျက်နှာပေါ် ဒဏ်ရာ တစ်ခုခုရခဲ့ရင် လုပ်သင့်တာလေးတွေ ပြောပြပေးမှာပါ။ အနာကို ရေဆေးပါ။ ။ ဒဏ်ရာရသွားတဲ့နေရာကို ချက်ချင်း ရေဆေးလိုက်ပါ။ စပ်ပေမယ့်လည်း ပိုးသေအောင်လို့ ဆပ်ပြာလေးပါသုံးပေးပါ။ […]

ဘာမီတွန် အလွန်အကျွံသောက်မိရင် ဘာတွေဖြစ်လာနိုင်သလဲ။ ဆိုတာကို သိပြီးပြီလား! မသိသေးဘူးဆိုရင်တော့ ဆောင်းပါးလေးကို ဖတ်ကြည့်လိုက်ပါ။ ဘာမီတွန် အလွန်အကျွံသောက်မိရင် ဘာတွေဖြစ်လာနိုင်သလဲ။ ဘာမီတွန် အလွန်အကျွံသောက်မိရင် ဘာတွေဖြစ်လာနိုင်သလဲ။ ဆိုတာ မပြောခင် ဘာမီတွန်ကို ဘာအတွက် သုံးလို့ရလဲဆိုတာကို အရင်ဆုံး ပြောပြပေးချင်ပါတယ်။ ဘာမီတွန်ဆိုတာဘာဆေးလဲ။ ဘာမီတွန်ကို ဓာတ်မတည့်မှုတွေ၊ အရေပြားမှာ အဖုအပိမ့်တွေထွက်တာတွေအတွက်အသုံးပြုကြတာပါ။ ဘာမီတွန်ကို အရေပြားမှာ အင်ပျဉ်တွေထွက်တဲ့အခါ၊ ဓာတ်မတည့်မှုကြောင့်ဖြစ်တဲ့ အသက်ရှူရခက်တာ၊ မျက်နှာ၊ နှုတ်ခမ်း၊ လျှာနဲ့ လည်ပင်းတွေမှာ ဓာတ်တည့်မှုကြောင့်ဖြစ်လာတဲ့ ရောင်ရမ်းမှုတွေကို သက်သာစေဖို့အတွက် အသုံးပြုလို့ရတဲ့ဆေးတစ်မျိုးပေါ့။ သောက်သုံးနိုင်တဲ့ပမာဏ ဆေးဝါးတစ်ခုခုကို သောက်သုံးတဲ့အခါ ဆေးညွှန်းအတိုင်း အတိအကျသောက်ဖို့က အရေးကြီးပါတယ်။ ဒီလိုမှပဲ မလိုအပ်တဲ့အန္တရာယ်တွေကနေ ကာကွယ်နိုင်မှာပါ။ ဘာမီတွန်သောက်မယ်ဆိုရင်တော့ - အသက် ၁၂ နှစ်အထက်ဆိုရင် 4 mgဆေးပြားကို ၄ နာရီခြား ကနေ ၆နာရီခြား တစ်လုံးစီသောက်နိုင်ပါတယ်။ တစ်နေ့ကို […]

ဖိနပ်အသစ်လေးများဝယ်လာရင် ကိုယ်တွေကြုံနေကျပြဿနာက စတော့တာပဲ။ မနက်စီးသွားတုန်းကအကောင်း၊ နည်းနည်းသွားလာပြီးတာနဲ့ခြေလှမ်းတွေက သိပ်မသွက်နိုင်တော့ဘူး။ ဖိနပ်ကပေါက်နေပြီကိုး။ အရင်ဆုံးပြေးလုပ်နိုင်တဲ့ တစ်ခုတည်းသောအလုပ်ကတွေ့ရာဆိုင်မှာ ပလာစတာပြေးဝယ်တော့တာပဲ။ ဖိနပ်ပေါက်တဲ့နေရာလေးကို ပလာစတာကပ်ပြီး ဆက်စီးရင်စီး ဒါမှမဟုတ် ဖိနပ်လဲစရာရှိလဲရတော့တယ်။ ဒါပေမယ့်နောက်နေ့ကျ အဆင်ပြေသွားမှာပဲဆိုပြီးအောင့်အည်းပြီး သည်းခံစီးကြပါတယ်။ ဖိနပ်အသစ်လေးကို မစွန့်လွှတ်နိုင်ဘူးလေ။ ဒါပေမယ့်ပြဿနာက တချို့အနာတွေက အရည်ကြည်ဖုလေးတွေဖြစ်လာရာကနေ ပေါက်ပြဲကုန်လို့ အနာတွေဖြစ်ကုန်တာ၊ အသားမာတက်၊ အမာရွတ်ဖြစ်ကျန်တတ်ပါတယ်။ အဲဒီလိုဖြစ်ကျန်ခဲ့တဲ့အခါ ခြေထောက်လေးတွေ အရုပ်ဆိုးရပြီပေါ့။ အနာကနေ ပိုးဝင်ရင်လည်းနောက်ဆက်တွဲတွေက လာဦးမယ်ဆိုတော့ ကိုယ့်ဘက်က ကြိုးစားကြည့်လို့ရမယ့်အကြံဉာဏ်လေးတွေ ဒီဆောင်းပါးမှာပြောပြပေးချင်ပါတယ်။ အရမ်းကျပ်တဲ့ဖိနပ်ကို မစီးပါနဲ့။ ကိုယ့်ခြေထောက်နဲ့ ကွက်တိတော်တာပဲစီးပါ။ ဆိုင်မှာက စီးကြည့်လို့ရနေတာပဲလေ။ စီးကြည့်ပြီး သက်သောင့်သက်သာရှိမှစီးပါ။ လှပေမယ့်ခြေထောက်ကို ဒုက္ခပေးသလို ဖြစ်စေတာမျိုးက ရေရှည်အတွက်မကောင်းပါဘူး။ အရည်အသွေးကောင်းတဲ့ဖိနပ်တွေပဲ စီးပါ။ ဈေးပေါပြီး အရည်အသွေးညံ့တဲ့ ဖိနပ်တချို့က ခြေထောက်အရေပြားအတွက် ရန်သူပါပဲ။ ပျော့ပျောင်းမှုမရှိ၊ မာတောင့်တောင့်ကြီးလည်းဖြစ်နေနိုင်တော့ […]

ခန္ဓါကိုယ်က အမာဆုံး အစိတ်အပိုင်း တစ်ခုကို ပြပါဆိုရင် သွားကိုသာ အရင်ဆုံးပြေးမြင်ရလောက်အောင် သွားက ကိုယ်ပေါ်မှာ အမာကြောဆုံး အရာတစ်ခုပါ။ ကိုယ်တို့ စားသမျှ အရာ တွေ မာမာပျော့ပျော့ သူကပဲ မညည်းမညူ ကြိတ်ချေပေးတာပါ။ အစားစားတဲ့ နေရာမှာ သူရှိမှ ဖြစ်တဲ့ သွားလည်းတစ်ခါတစ်ရံ ထိခိုက်မိပြီး ကျိုးတာ၊ပဲ့တာတွေရှိနိုင်ပါတယ်။ ကိုယ်ပေါ်က တခြားနေရာတွေ ထိခိုက်မိရင် အရေးပေါ် ကုသပြုစုနည်းတွေ ရှိပေမယ့် သွားတစ်ခုခုထိခိုက်မိရင်တော့ ဘာလုပ်ရမလဲဆိုတာ သိပ်မသိကြသေးတာကြောင့် ခုပြောပြပေးချင်ပါတယ်။ သွားကို ဘယ်အရာကထိခိုက်စေတတ်တာလဲ ဘယ်လောက်ပဲ မာတယ်ပြောပြော သွားကလည်း ကျိုးနိုင်၊ ပဲ့နိုင်၊ ပြုတ်ထွက်နိုင်ပါတယ်။ သူ့ဘာသာသူ ကျိုးတယ်ဆိုတာ ကလေးဘဝကသွားအသစ်လဲတဲ့ အချိန်မှာပဲဖြစ်နိုင်ပြီး လူကြီးသွားတွေကတော့ တစ်ခုခုပြင်းပြင်းထန်ထန် ထိခိုက်မိလို့သာ ကျိုးပဲ့ကုန်တာပါ။ သွားကိုထိခိုက်စေတတ်တာတွေကတော့ သွားထက်မာတဲ့ အရာတစ်ခုကို သင်စားမိလိုက်လို့ သွားပဲ့သွားတာ […]

မတော်တဆထိခိုက်မိတာကရှောင်လွှဲလို့မရတဲ့ပြဿနာပါ။ အချိန်မရွေးတွေ့ကြုံခံစားရနိုင်ပါတယ်။ သွားရင်းလာရင်းဖြစ်ဖြစ်၊ အိမ်အလုပ်တွေလုပ်ရင်းဖြစ်ဖြစ်၊ အလုပ်တွေလုပ်နေရင်းဖြစ်ဖြစ် မတော်တဆထိခိုက်မိနိုင်တဲ့ အနေအထားတွေအများကြီးပါ။ အိမ်မှာထိခိုက်မိရင်က အစစအရာရာအဆင့်သင့်ရှိနေနိုင်တာကြောင့် ဒဏ်ရာအတွက်လိုအပ်တဲ့စောင့်ရှောက်မှုအားလုံးကို လုပ်ဆောင်ရတာအဆင်ပြေမှာပါ။ ဒါပေမယ့် ခရီးသွား တဲ့အခါမှာလည်း ထိခိုက်မိနိုင်တာပဲလေ။ ဒီလိုထိခိုက်မိတဲ့အခါမှာလည်း အနာကိုသေချာဂရုစိုက်ဖို့လိုအပ်မှာပါ။ ခရီးသွား တဲ့အခါ ဒီလိုပြဿနာလေးတွေကြုံရနိုင်ပါတယ် ချော်လဲတာ ပြတ်ရှဒဏ်ရာ ထိခိုက်ပွန်းပဲ့တာ ခြေသည်းလက်သည်းပဲ့တာ အပူရှပ်တာ ရေဓါတ်ခမ်းခြောက်တာ အရက်အလွန်အကျွံသောက်မိတာ နေလောင်တာမျိုး အပူလောင်တာမျိုးတွေခံစားရနိုင်ပါတယ်။ ခရီးသွားရင်း မတော်တဆထိခိုက်မိပြီဆိုရင် ခရီးသွားတာက အတွေ့အကြုံ ခံစားမှုအသစ်တွေကိုပေးစွမ်းနိုင်ပါတယ်။ အလုပ်ကိစ္စကြောင့် ခရီးသွားရတာမျိုးရှိသလို အပန်းဖြေတဲ့အနေနဲ့လည်း ခရီးသွားကြပါတယ်။ ဒီလိုခရီးသွားတဲ့အခါ လူတော်တော်များများက လိုအပ်တာတွေကိုပြင်ဆင်တတ်ကြပေမယ့် များသောအားဖြင့်မေ့နေတတ်တာတစ်ခုတော့ရှိနေတတ်ပါတယ်။ ဒါက မတော်တဆထိခိုက်မိတာမျိုးအတွက်ပြင်ဆင်ဖို့ပါ။ မတော်တဆဆိုတဲ့ အဓိပ္ပါယ်ကိုက မမျှော်လင့်ဘဲဖြစ်လာတဲ့ အခြေအနေပါ။ ဒီတော့ ခရီးသွားတဲ့အခါဖြစ်လာနိုင်ခြေရှိတဲ့ အခြေအနေမတွက် ကြိုတင်ပြင်ဆင်သွားတာအကောင်းဆုံးပါ။ တကယ်လို့ မတော်တဆထိခိုက်မိပြီဆိုရင် - လက်ကိုအရင်ဆုံးသန့်စင်ဆေးကြောပေးပါ။ရေအလွယ်တကူမရနိုင်ခဲ့ရင်ရေမလိုလက်သန့်ဆေးရည်နဲ့ဆေးကြောပေးပါ။ အနာကိုသေချာသန့်စင်ဆေးကြောပေးပါ။ အနာထဲမှာရှိနေတဲ့ ဖုန်မှုန့်တွေ၊ […]