ရှေးဦးသူနာပြုစုခြင်း

ကွဲတာရှတာလည်းမရှိဘဲခြေထောက်ကို အားပြုလိုက်တိုင်းနာတယ်။ လက်ချောင်းလေးတွေကလည်း ထိခိုက်ထားတာမျိုးမရှိဘဲ နာနေတယ်။မြင်မိတာဆိုလို့လည်းခြေချောင်းလက်ချောင်းလေးတွေဘေးမှာရောင်နေတာလောက်ပဲတွေ့ရတယ်။ ဘာဖြစ်တာလဲ မသိဘူးလို့များဖြစ်နေတာလား။ ဒါကခြေစွယ်လက်စွယ်ငုတ်နေတာဖြစ်ဖို့များပါတယ်။ ဒါဆို ဆရာဝန်သွားပြဖို့လိုမှာလား။ မလိုသေးပါဘူးနော်။ အရင်ဆုံးနေအိမ်မှာခြေစွယ်လက်စွယ်ငုတ်တာကိုပြုစုလို့ရမယ့် နည်းလမ်းလေးတွေကိုပြောပြပေးမယ်နော်။ ခြေစွယ်လက်စွယ်ငုတ်တယ်ဆိုတာ ခြေသည်းလက်သည်းအစွန်းလေးတွေက အသားထဲနစ်ဝင်နေတာပါ။ ဒီလိုဖြစ်တဲ့အခါ နာကျင်မှုနဲ့အတူခြေသည်း လက်သည်းပတ်ဝန်းကျင်မှာရောင်ရမ်းတာ၊ နီမြန်းတာ၊ပြည်တည်တာလိုမျိုးတွေ့ရနိုင်ပါတယ်။ခြေစွယ်လက်စွယ်ငုတ်တာက လူတိုင်းလိုလိုမှာဖြစ်နိုင်ပါတယ်။ ဒီအချက်လေးတွေကခြေစွယ်လက်စွယ်ငုတ်တာကိုဖြစ်စေနိုင်ပါတယ်နော်။ ခြေချောင်း၊ လက်ချောင်းလေးတွေကို တစ်ခုခုနဲ့ အားပြင်းပြင်းတိုက်မိတာ ခြေသည်းလက်သည်းတွေကို အတွင်းနှိုက်ညှပ်တာ ခြေသည်းလက်သည်းတွေကိုလေးထောင့်ကျကျခပ်တိုတိုညှပ်တာ ဖိနပ်ကျပ်ကျပ်တွေဝတ်တာ ခြေဗလာနဲ့ပြေးလွှားဆော့တာ၊ဘောလုံးကန်တာတွေကြောင့်ခြေစွယ် လက်စွယ်ငုတ်တတ်ပါတယ်။ ဒီလိုလက္ခဏာလေးတွေတွေ့ရနိုင်ပါတယ် ခြေစွယ်လက်စွယ်ငုတ်တဲ့အခါ ခြေသည်းလက်သည်းတဝိုက်မှာရှိတဲ့ အရေပြားက ထိလိုက်တိုင်းနာနေမယ် နီရဲရောင်ရမ်းနေမယ် ခြေသည်းလက်သည်းအစွန်းလေးက အသားထဲနစ်ဝင်နေမယ် ပြည်တည်နေမယ် နေအိမ်မှာပဲ ဘယ်လိုသက်သာအောင်လုပ်မလဲ ခြေစွယ်လက်စွယ်ငုတ်တာကိုနေအိမ်မှာပဲ သက်သာအောင်လုပ်လို့ရပါတယ်။ နည်းလမ်းလေးတွေကတော့ - ရေနွေးစိမ်ပေးပါ - ခြေစွယ်လက်စွယ်ငုတ်နေတဲ့ လက်ချောင်း၊ခြေချောင်းလေးတွေကိုရေနွေးထဲမှာ ၁၅ မိနစ် ကနေ မိနစ် ၂၀လောက် တစ်နေ့ကို ၄ ကြိမ် စိမ်ပေးပါ။ ဒီလိုစိမ်ပေးတာကခြေစွယ်လက်စွယ်ငုတ်တာကြောင့် နီမြန်းရောင်ရမ်းတာကိုလျော့ပါးသက်သာစေနိုင်ပါတယ်။ ခြေစွယ်လက်စွယ်ငုတ်နေတဲ့ခြေသည်လက်သည်းအောက်ကို ဂွမ်းစခပ်ပါးပါးလေးထည့်ထားပါ […]

ငယ်ငယ်တုန်းက ကြားဖူးနေကြ စကားလေးရှိပါတယ်။ ဆော့ရင်းပြုရင်း သံစူးမိတာ၊ သံခြစ်မိတာမျိုးတွေဖြစ်ခဲ့ရင် လူကြီးတွေက “အယ်သံစူးသွားပြီ၊ မေးခိုင်ပိုးတွေဝင်တော့မှာပဲ အနာကို အရက်ပြန်ထည့်” ဆိုပြီး ပြောတတ်လေ့ရှိကြပါတယ်။ ကိုယ်တွေကလည်း ငယ်သေးတော့ မေးခိုင်ပိုးဆိုတာ ဘာလဲ သေချာတောင် မသိဘဲနဲ့ ကြောက့်ခဲ့ရတာပါ။ မေးခိုင်ပိုးဆိုတာ ချိုကြီးနဲ့လား၊ အမြှီးရောပါလားပေါ့။ ခုဆောင်းပါးလေးကတော့ မေးခိုင်ပိုးဆိုတာ ဘာလဲ၊ ဘယ်ကနေ ဘယ်လိုကူးစက်တာလဲကို ခုထိရေရေရာရာ မသိသေးတဲ့ သူတွေအတွက် ရည်ရွယ်ပါတယ်။ ။ မေးခိုင်ပိုးဆိုတာ။ ။ မေးခိုင်ရောဂါဆိုတာကClostridium tetani လို့ခေါ်တဲ့ ဘက်တီးရီးယားကိုယ်ထဲဝင်ပြီး သူကနေထုတ်လွှတ်လိုက်တဲ့အဆိပ်တစ်မျိုးကြောင့်ဖြစ်လာရတာပါ။မေးခိုင်ရောဂါကပြင်းထန်တဲ့ဘက်တီးရီးယား ကူးစက်ရောဂါတစ်မျိုးပါ။ ဒီဘက်တီးရီးယားကအာရုံကြောစနစ်ကို ထိခိုက်စေတာကြောင့်ကြွက်သားတွေနာကျင်တာ၊မေးရိုးနဲ့လည်ပင်းတလျှောက်ကကြွက်သားတွေတောင့်တင်းသွားတာမျိုးဖြစ်စေပါတယ်။ ဒီရောဂါပိုးကအပူဒဏ်နဲ့ ဓာတုဆေးတော်တော်များများကို ခံနိုင်စွမ်းရှိတာကြောင့် သူ့ကိုဖျက်စီးဖို့ခက်ပါတယ်။ မျက်နှာနဲ့လည်ပင်းကြွက်သားတွေကို အကြောဆွဲစေပြီး ပါးစပ်ဖွင့်လို့မရတဲ့အခြေအနေမျိုးတွေဖြစ်စေနိုင်တာကြောင့် သူ့ကို မေးခိုင်ပိုးလို့ခေါ်တာပါ။ မေးခိုင်ပိုးဆိုတာ သေချာ ကာကွယ်မထားရင် လူ့အသက်ဆုံးအောင်တောင် လုပ်နိုင်တဲ့ […]

လူတော်တော်များများက ကိုယ်တိုင်မှာသွေးတိုးရှိနေမှန်းသိခဲကြပါတယ်။ ငါးပိ၊ငါးခြောက်တွေပါမှ စားလို့မြိန်တဲ့ ကျွန်မတို့မြန်မာလူမျိုးတွေအဖို့ကတော့သွေးတိုးဖို့က သိပ်ကိုလွယ်ကူလွန်းပါတယ်။ လူကြီးတွေမှာ အတွေ့ရများတာကသွေးတိုးဖြစ်လာနိုင်တာကြောင့် အငန်များတဲ့အစားအစာတွေမစားဖို့ ဆရာဝန်ကမှာပေမယ့် မနက်စာကို မုန့်ဟင်းခါး ချဉ်၊ငန်၊စပ်လေးစားလိုက်ရမှ၊နေ့လယ်စာဆိုရင်လည်း ငါးပိရည်၊တို့စရာ၊ ချဉ်ရည်ဟင်းလေးနဲ့မှ၊နေ့ခင်းနေ့လယ်ဆိုလည်း ငါးခြောက်ဖုတ်လေး၊ေရနွေးကြမ်းလေးနဲ့မှ ဒါမှမဟုတ် ပုဇွန်ခြောက်နိုင်နိုင်ထည့်ထားတဲ့ လက်ဖက်လေး၊ရေနွေးလေးစားလိုက်ရမှ ဆိုတာမျိုးပေါ့။ ညစာဆိုရင်လည်း အချို၊အငန်မျှတတဲ့ ဟင်းလေးတွေနဲ့မှ စားမြိန်ကြတာလေ။ တစ်နေ့တာမှာ အငန်ဓါတ်တွေက စားလိုက်သမျှ အစားအစာတိုင်းမှာပါနေရော။ ဒီလိုအခြေအနေက အလွယ်တကူသွေးတိုးစေတာပေါ့။သွေးတိုးတာက စိတ်ပူစရာမဟုတ်ဘူးလို့ထင်စရာရှိပေမယ့်သွေးတိုးကြောင့်ဖြစ်လာနိုင်တဲ့နောက်ဆက်တွဲကျန်းမာရေးထိခိုက်မှုတွေကတော်တော်လေးတော့များပါတယ်။သွေးတိုးရောဂါကို ကမ္ဘာတလွှားမှာ အသံတိတ်လူသတ်သမားရယ်လို့တောင်ခေါ်ဝေါ်နေကြပါတယ်။ အမှန်တကယ်လည်းဟုတ်ပါတယ်။ လူတော်တော်များများက ကိုယ်တိုင်မှာသွေးတိုးရှိမှန်းမသိလိုက်ဘဲ အသက်အန္တရာယ်ထိခိုက်တာမျိုးထိတောင်ခံစားကြရတာတွေရှိပါတယ်။ သွေးတိုးတယ်ဆိုတာ သွေးတိုးတယ်ဆိုတာကသွေးပေါင်ချိန် ပုံမှန်ထက်မြင့်တက်တဲ့အခြေအနေပေါ့။ အရမ်းပြင်းထန်မယ်ဆိုရင်လေဖြတ်တာအထိဖြစ်နိုင်ပါတယ်။သွေးပေါင်ချိန်အရမ်းမြင့်သွားမယ် အပေါ်သွေး ၁၈၀ mm Hg၊ အောက်သွေး ၁၂၀ mm Hgဖြစ်နေမယ်။ ဒါမှမဟုတ် အပေါ်သွေးက ၁၈၀ mm Hgကျော်နေမယ်၊အောက်သွေးက ၁၂၀ mm Hg ထက်များနေမယ်ဆိုရင်သွေးပေါင်ချိန်အရမ်းမြင့်နေပြီလို့ဆိုရပါမယ်။သွေးအရမ်းတိုးတာကသွေးကြောတွေကို […]

လုပ်ငန်းခွင်ဆိုတာ လူတိုင်းနီးပါး တနေ့တာအချိန်တွေကို ကုန်ဆုံးရတဲ့ နေရာဖြစ်ပါတယ်။ ဒါကြောင့် မိမိနေထိုင်ရာ အသိုက်အမြုံနည်းတူ နှစ်ခြိုက်ဖွယ်ရာ နေရာတခုဖြစ်ဖို့ လိုပါတယ်။ ဒီဆောင်းပါးမှာတော့ ကျန်းမာရေးနဲ့ညီညွတ်ပြီး ဘေးကင်းစိတ်ချရတဲ့ လုပ်ငန်းခွင်တခုဖြစ်အောင် ဘာတွေလိုအပ်သလဲ ဆိုတာပါပဲ။ အခြေခံအားဖြင့် စဉ်းစားသင့်တဲ့အချက် ၄မျိုး ရှိပါတယ်။ အဲဒါတွေကတော့ ၁။ အလင်းရောင် ၂။ ဆူညံမှု ၃။ အပူချိန် ၄။ လေဝင်လေထွက် စတာတွေပဲ ဖြစ်ပါတယ်။ ၁။ အလင်းရောင် လုပ်ငန်းခွင်တခုဟာ သဘာဝအလင်းရောင်ဖြစ်စေ၊ လျှပ်စစ်မီးရောင်ဖြစ်စေ ကောင်းကောင်းမြင်ရဖို့ လိုပါတယ်။ ဒါမှ ဝန်ထမ်းများ အလုပ်သမားများ မိမိတာဝန်များကို ဘေးကင်းစိတ်ချစွာ ပြုလုပ်နိုင်မှာပဲ ဖြစ်ပါတယ်။ အလင်းရောင်ကောင်းကောင်းမရတဲ့ လုပ်ငန်းခွင်တွေမှာ ပိုမိုအာရုံစိုက်ရပြီး မျက်စိနဲ့အာရုံကြေြာပသနာများ ဖြစ်လာနိုင်ပါတယ်။ အလင်းရောင်ဟာ လိုတာထက်ပိုပြီး စူးရှမနေဖို့လည်း လိုပါတယ်။ မတော်တဆဖြစ်မှုတွေ မကြုံရအောင်၊ မျက်စိနဲ့အာရုံကြောရောဂါတွေမဖြစ်အောင် နားလည်တတ်ကျွမ်းသူများနဲ့ တိုင်ပင်ပြီး လုပ်ငန်းခွင်ရဲ့ အလင်းရောင်ကို […]

လမ်းသွားနေရင်းခြေကျင်းဝတ်ကခြေခေါက်သွားတယ်၊လှေကားဆင်းရင်း ဒူးက မျက်ခနဲဖြစ်သွားတယ်၊ချော်လဲတဲ့အခါ ဒါမှမဟုတ် ဟန်ချက်ပျက်တဲ့အခါ လက်ကထောက်လိုက်မိတယ်။ ဒီအခြေအနေမျိုးတွေက အဖြစ်များကြပေမယ့် အမှတ်တမဲ့ ဆက်လှုပ်ရှားကြတာပဲ။ဖြစ်တဲ့အချိန်နာပေမယ့် ခဏနေ သက်သာသွားတာပဲဆိုပြီး အတော်ကြာမှရောင်လာ၊ ပိုနာကျင်လာတာမျိုးကြုံဖူးတယ်မလား။ အဲဒါ အရွတ်ထိခိုက်သွားတာ၊ အရွတ်စုတ်ပြဲသွားတာဖြစ်နိုင်ပါတယ်။ အများအားဖြင့်ခြေကျင်းဝတ်၊ ဒူး၊ လက်ကောက်ဝတ် စတဲ့ တွယ်ဆက်အရွတ်တွေရှိတဲ့ အဆစ်တွေနားမှာဖြစ်တတ်ပါတယ်။ နောက်တစ်မျိုးက လှုပ်ရှားမှုကြောင့် ကြွက်သားမှာ ဒဏ်ဖြစ်သွားတာပါ။ ပုံမှန်နဲ့မတူတဲ့ အနေအထားနဲ့ရုတ်တရက်လှုပ်ရှားမိလိုက်တဲ့အခါ (ရုတ်တရက် ပြေးတာ၊ ခုန်တာ၊ လှမ်းပစ်လိုက်တာ၊ချော်လဲတဲ့အခါ မီရာလှမ်းဆွဲလိုက်မိတာ၊ အနေအထားမမှန်ဘဲ အလေးအပင်မ လိုက်တာ) ဒဏ်ဖြစ်သွားတတ်တယ် ဒါမှမဟုတ် ကြွက်သားအသုံးပြုရတဲ့လှုပ်ရှားမှုတစ်ခုကို အချိန်ကြာကြာ၊ အကြိမ်ကြိမ်လုပ်မိတဲ့အခါ (ဂေါ့ဖ်ရိုက်တာ၊ တင်းနစ်၊ လှေလှော် စတဲ့ အားကစားလှုပ်ရှားမှုတွေ) နာတာရှည် ကြွက်သားဒဏ်ဖြစ်ခြင်းဝေဒနာဖြစ်လာတတ်ပါတယ်။ ဘယ်လိုပဲဖြစ်ဖြစ်ပါ နာကျင်ကိုက်ခဲမှုဖြစ်လာရင် အရင်ဆုံးလုပ်မိကြတာ အကိုက်အခဲပျောက်ဆေးဝယ်သောက်ကြတာပါ။ တစ်လုံးသောက်လို့မသက်သာရင် နှစ်လုံးသောက်ကြည့်မယ်ဆိုတာချည်းပဲ။ဘေးထွက်ဆိုးကျိုးနဲ့ […]

အမြဲတမ်းကျန်းမာနေတဲ့သူရယ်လို့မရှိပါဘူး။ လူတိုင်းလိုလိုဟာ ဖျားနာတာ၊ထိခိုက်ဒဏ်ရာရတာ၊ရောဂါခံစားရတာမျိုးတွေခံစားရနိုင်ပါတယ်။ရှောင်လွှဲလို့မရတဲ့ပြဿနာဆိုတော့ အကောင်းဆုံးရင်ဆိုင်နိုင်ဖို့ပြင်ဆင်ထားရုံကလွဲလို့ ဘာမှမတတ်စွမ်းသာဘူးလေ။ ဒီတော့ သွားရင်းလာရင်းဖြစ်ဖြစ် အလုပ်လုပ်နေရင်းဖြစ်ဖြစ်ထိခိုက်မိတဲ့အခါ ဘယ်လိုများအကောင်းဆုံးဖြစ်အောင်လုပ်ရမလဲဆိုတာသိချင်ရင် ဒီဆောင်းပါးလေးဖတ်ကြည့်နော်။ အနာဆိုတာဘာလဲ အနာဆိုတာက ခန္ဓါကိုယ်ရဲ့ အပြင်ပိုင်းကတစ်ရှုးတွေ ဒါမှမဟုတ် အတွင်းဘက်ကတစ်ရှုးထိခိုက်ပျက်စီးသွားတာပါ။မြင်သာအောင်ပြောပြရရင်တော့ အပေါ်ယံအရေပြားပေါက်ပြဲပျက်စီးသွားတာပေါ့။ လူတိုင်းလိုလိုဟာ တစ်သက်တာမှာ တစ်ကြိမ်ထက်မနည်းကို ထိခိုက်ဒဏ်ရာရဖူးကြမှာပါ။ ဒါပေမယ့် ထိခိုက်ဒဏ်ရာေတာ်တော်များများကနေအိမ်မှာပဲ အလွယ်တကူပြုစုစောင့်ရှောက်ပေးရုံနဲ့ သက်သာနိုင်ပါတယ်။ ချော်လဲတာကြောင့်ဖြစ်ဖြစ်၊ ချွန်ထက်တဲ့အရာတွေနဲ့ မတော်တဆထိခိုက်မိတာကြောင့်ဖြစ်ဖြစ်၊ ယာဉ်မတော်တဆမှုဖြစ်တာကြောင့်ဖြစ်ဖြစ် အမျိုးမျိုးသောအကြောင်းအရင်းတွေကြောင့် ခန္ဓါကိုယ်မှာ ထိခိုက်ဒဏ်ရာတွေရနိုင်ပါတယ်။ ထိခိုက်မိတဲ့အခါ အပေါ်ယံအရေပြားထိခိုက်သွားတဲ့အတွက်ကြောင့်သွေးကတော့ထွက်မှာအသေအချာပါ။ အနာကသေးရင်သွေးစို့ရုံလောက်ပဲဆိုပေမယ့် အနာအရမ်းကြီးရင်တော့သွေးတွေအများကြီးထွက်နိုင်ပါတယ်။ အနာအမျိုးအစားများ ထိခိုက်မိတဲ့အခြေအနေပေါ်မူတည်ပြီး အနာအမျိုးအစားတွေ အမျိုးမျိုးကွဲပြားနိုင်ပါတယ်။ အနာပေါက်ပွင့်တဲ့အနာ အနာပေါက်မပွင့်တဲ့အနာ ပွန်းပဲ့ဒဏ်ရာ အရေပြားစုတ်ပြဲဒဏ်ရာ ကြွက်သားနဲ့အရွတ်တွေကိုထိခိုက်မိတဲ့ ထိခိုက်ဒဏ်ရာ ချွန်ထက်တဲ့အရာတစ်ခုခုနဲ့ ထိုးစိုက်မိတာကြောင့် အရေပြားမှာ အပေါက်ဖြစ်သွားတဲ့ ထိခိုက်ဒဏ်ရာတွေဆိုပြီး အနာအမျိုးအစားတွေအမျိုးမျိုးကွဲပြားပါတယ်။ အနာပေါက်ပွင့်တဲ့အနာ အရေပြားမှာရှိတဲ့ အပေါ်ယံတစ်ရှုးလွှာပေါက်ပြဲဆုံးရှုံးသွားတာကြောင့်ဖြစ်တဲ့ ထိခိုက်ဒဏ်ရာပါ။ အနာကအရမ်းမနက်ဘူးဆိုရင်တော့ အိမ်မှာတင် ကုသစောင့်ရှောက်လို့ရပါတယ်။ အနာထဲကိုပြင်ပအရာဝတ္ထုတွေနဲ့ မသန့်ရှင်းတဲ့အရာတွေ မဝင်ရောက်အောင်တော့ […]

ကျွန်မတို့တော်တော်များများယူဆထားတာက အိမ်ဆိုတာက လုံခြုံတဲ့နေရာတစ်ခုလို့လေ။ ဒါပေမယ့်လေ့လာမှုတွေအရတော့ အိမ်ကမတော်တဆမှုတွေ အများဆုံးဖြစ်နိုင်တဲ့နေရာပါ။ အထူးသဖြင့် ကလေးငယ်တွေနဲ့ အသက်ကြီးတဲ့လူတွေဟာနေအိမ်မှာ မတော်တဆထိခိုက်မိတာများပါတယ်။ ကျွန်မတို့အနေနဲ့နေအိမ်မှာဖြစ်နိုင်တဲ့ မတော်တဆထိခိုက်မှုတွေကို မကာကွယ်နိုင်ပေမယ့်နေအိမ်ထဲမှာ လူကြီးတွေနဲ့ ကလေးတွေကို လုံခြုံဘေးကင်းအောင်ထားပေးလို့တော့ရပါတယ်။ နေအိမ်မှာဖြစ်နိုင်တဲ့ မတော်တဆမှုတွေက နေအိမ်မှာဖြစ်နိုင်တဲ့ မတော်တဆမှုတွေက - ချော်လဲတာ ပစ္စည်းတွေမတော်တဆပြုတ်ကျတာ ထိခိုက်ပွန်းပဲ့ဒဏ်ရာ ခြေဆစ်လက်ဆစ်လွဲတာ ပြတ်ရှဒဏ်ရာ အပူလောင်တာ အရေပြားမှာ ဓာတုပစ္စည်းတွေလောင်တာ ဖန်ကွဲစတွေရှတာတွေဖြစ်နိုင်ပါတယ်။ အိမ်တွင်းမှာဖြစ်နိုင်တဲ့ မတော်တဆထိခိုက်မှုတွေကို ဒီလိုကာကွယ်ပါ အိမ်တွင်းမှာဖြစ်နိုင်တဲ့ မတော်တဆထိခိုက်မှုတွေကို ကာကွယ်ချင်ရင် ဒီနည်းလမ်းလေးတွေက အသုံးဝင်မှာပါ။ အိမ်သာနဲ့ရေချိုးခန်းကြမ်းပြင်တို့ကိုသေချာတိုက်ထားပေးပါ - အိမ်သာနဲ့ရေချိုးခန်းက မဖြစ်မနေ အသုံးပြုရမယ့်နေရာတွေဖြစ်တာကြောင့်ချောနေတာမျိုးမဖြစ်အောင်သေချာဂရုစိုက်ဖို့လိုအပ်ပါမယ်။ကြွေပြားခင်းထားတာဆိုရင်တော့ အခင်းတစ်ခုခုခင်းပေးထားတာ အဆင်ပြေဆုံးဖြစ်မှာပါ။ လှေကားတွေကိုသေချာဂရုစိုက်ပေးပါ -လှေကားတွေကနေလည်း မတော်တဆခြေချော်ကျတာမျိုးဖြစ်နိုင်တာကြောင့်လှေကားမှာ အလှဆင်တဲ့အနေနဲ့ အခင်းခင်းထားတာမျိုး မလုပ်ပါနဲ့။နောက်တစ်ခုကလှေကားကိုအလင်းရောင်ကောင်းကောင်းရအောင်ထားပေးဖို့လည်းမမေ့ပါနဲ့။ ကော်ဇောခင်းတဲ့အခါ အစပ်နေရာတွေကိုသေချာတိပ်နဲ့ကပ်ပါ -ကော်ဇောတွေခင်းပြီး အိမ်ကိုအလှဆင်ထားတယ်ဆိုရင်တော့ကော်ဇောတွေတစ်ခုနဲ့တစ်ခုဆက်တဲ့နေရာကို တိပ်သုံးပြီးသေချာကပ်ထားပါ။ မတော်တဆခလုတ်တိုက်မိပြီးချော်လဲတာမျိုးဖြစ်နိုင်ပါတယ်။ ညမီးဖွင့်ထားပေးပါ - ညဘက်အိပ်တဲ့အခါ မီးအားလုံးမှိတ်ပြီး အိပ်မှ အိပ်ပျော်တယ်ဆိုရင်တောင် […]

နည်းနည်းပါးပါးထိခိုက်တာလောက်က ကိစ္စမရှိပေမယ့် အရိုးကျိုးပြီဆိုရင်တော့ ဒဏ်ရာကို ကာကွယ်ဖို့ကျောက်ပတ်တီးစည်းရနိုင်ပါတယ်။ ဒါပေမယ့် ရိုးရိုး ပလာစတာ၊ ပတ်တီးတွေလို ချက်ချင်းအသစ်လဲလို့မရ၊ ချွတ်လို့မရဘဲ အချိန်ကြာကြာပတ်စည်းထားရမယ့်အရာမို့ ပိုဂရုစိုက်ရပါတယ်။ ကျောက်ပတ်တီးဆိုတာ ထိခိုက်ထားတဲ့ ခြေထောက် သို့မဟုတ် လက်ကို မလှုပ်ရှားဖြစ်အောင် အထိန်းအနေနဲ့ ကျပ်စည်းရတာဖြစ်ပါတယ်။Plaster casts နဲ့Fiberglass castsဆိုပြီးကျောက်ပတ်တီးနှစ်မျိုးရှိပါတယ်။Plaster castsတွေကFiberglass castsတွေနဲ့ ယှဉ်ရင်ဈေးပိုသက်သာပေမယ့်Fiberglass casts က ပိုပေါ့ပါးပြီး တာရှည်ပိုခံတယ်။ ဓါတ်မှန်ရိုက်မယ်ဆိုလည်းဖောက်ထွင်းမြင်ရတာပိုကောင်းတယ်။ ကျောက်ပတ်တီးစည်းပြီးရင် ဘာတွေဂရုစိုက်ရမလဲ (၁) ကျောက်ပတ်တီးပေါ်မှာ မဖိမိအောင်၊ မလေးလံစေအောင် သတိထားပါ။ (၂) ခြောက်သွေ့သန့်ရှင်းအောင်ထားပါ။ကျောက်ပတ်တီးကိုရေစိုလို့မရပါဘူး။ ဒါပေမယ့်ရေချိုးတဲ့အခါကျ ပလတ်စတစ်နဲ့သေချာဖုံးအုပ်စည်းနှောင်တာ ဒါမှမဟုတ် ဒဏ်ရာရှိတဲ့ခြေ/လက်ကို ခပ်မြင့်မြင့်တစ်နေရာမှာလှမ်းတင်ထားတာမျိုး ကြိုးစားကြည့်ပါ။ (၃) ကျောက်ပတ်တီးအောက်က အရေပြားမှာ ယားယံတာေတွဖြစ်လာနိုင်ပါတယ်။ အယားပြေအောင် တစ်ခုခုနဲ့အလွယ်ထိုးကုတ်တာမျိုး(ဥပမာ ချွန်ထက်တဲ့အရာတစ်ခုခု) မလုပ်ပါနဲ့။ မနေနိုင်အောင်ဖြစ်လာရင် ဆရာဝန်ကိုတိုင်ပင်ပြီး အကြံဉာဏ်တောင်းပါ။ (၄) ပတ်တီးစည်းထားတဲ့ခြေ သို့မဟုတ် […]

ဒဏ်ရာ အနာတရြဖစ်တယ်ဆိုတာ လူတိုင်း ကြုံတွေ့ဖူးကြတဲ့ ကိစ္စပါ။ အိမ်မှာ ဟင်းချက်ရင်းနဲ့ ဓါးထိမိတာရှိမယ်၊ အိမ်သန့်ရှင်းရေးလုပ်ရင်းနဲ့ ချွန်ထက်တဲ့ အရာတစ်ခုခုနဲ့ ထိုးမိတာ၊ ခြစ်မိတာရှိမယ်၊ ပြေးရင်း လွှားရင်း ချော်လိမ့်ကျမိမယ်၊ အိမ်မွေးတိရစ္ဆာန်လေးတွေရဲ့ သွားနဲ့ ကိုက်မိတာ၊ လက်သည်းနဲ့ ခြစ်မိတာ၊ မီးပူလောင်တာ စသဖြင့် ဒဏ်ရာ အနာတရ ဖြစ်စရာ အကြောင်းရင်းကတော့ အများကြီးပါပဲ။ အနာတရဖြစ်ပြီဆိုရင် ပိုးမဝင်အောင် အရင်ဆုံး ဘာလုပ်ရမလဲ။ သွေးထွက်နေတဲ့ နေရာကို နူးညံ့တဲ့ အဝတ်သန့်သန့်လေးနဲ့ သွေးတိတ်အောင် ဖိထားပေးရပါမယ်။ အနာက သေးရင်တော့ မိနစ်အနည်းငယ်လောက်ဆိုရင် သွေးတိတ်ပေမယ့် ကြီးတဲ့ ဒဏ်ရာဆိုရင်တော့ ၁၅မိနစ်လောက်ထိ ဆက်တိုက် ဖိထားပေးရပါမယ်။ သွေးတိတ်သွားရင် အနာကို ရေနဲ့ သန့်ရှင်းပေးပါ။ ဒဏ်ရာပေါ်မူတည်ပြီး ရေနွေးနဲ့ဖြစ်စေ၊ ရေအေးနဲ့ဖြစ်စေ ၅မိနစ်ခန့် အနာပေါ် […]

လူတိုင်းသိကြမှာပါ။ ရင်ဘတ်အောင့်တယ်ဆိုတာ ပေါ့ဆလို့မရတဲ့ ဝေဒနာတစ်ခုဆိုတာ။ တစ်ချို့ရင်ဘတ်အောင့်တာတွေက သာမန်ရိုးရိုးသာဖြစ်ပေမယ့် တစ်ချို့ကျတော့ အသက်သေဆုံးတဲ့ အထိပြင်းထန်တတ်တာမျိုးပါ။ ဆုံးဖြတ်ချက်လေးမှားသွားတာနဲ့ အပိုအလုပ်ရှုပ်တာတွေ ဖြစ်သွားတတ်သလို အခြားတစ်ဘက်က ပြန်ကြည့်ရင်လည်း မဖြစ်သင့်ဘဲ အသက်သေဆုံးတာတွေ ဖြစ်နိုင်ပါတယ်။ ဒါကြောင့် ကိုယ့်ဆွေမျိုးတွေထဲကပဲဖြစ်ဖြစ်၊ ရင်ဘတ်အောင့်နေတဲ့ သူစိမ်းတစ်ယောက်ကို အပြင်မှာတွေ့ရင်ဘဲဖြစ်ဖြစ် လုပ်သင့်တဲ့ အရေးပေါ်ပြုစုနည်းတွေ အကြောင်း ဝေမျှချင်ပါတယ်။ နည်းလမ်းမှန်မှန်သိထားတော့ ဆုံးဖြတ်ချက်တွေလည်း မှန်ပြီး အပိုအလုပ်ရှုပ်တာတွေ၊ အသက်သေဆုံးတာတွေမဖြစ်တော့ဘူးပေါ့။ ။ ရင်ဘတ်အောင့်တာ အရေးပေါ်ကုသမှုခံယူဖို့ လိုမလို ဘယ်လိုအချက်တွေနဲ့ ဆုံးဖြတ်မလဲ။ ။ ရင်ဘတ်အောင့်တတ်ကြတဲ့ သူတွေထဲမှာမှ ဘယ်လိုလူတွေနဲ့ ဘယ်လိုရင်ဘတ်အောင့်တာမျိုးက အရေးပေါ်ကုသမှု ခံယူဖို့ ပိုပြီးလိုအပ်လဲဆိုတာ အရင်ဆုံး ပြောပြပေးချင်ပါတယ်။ ရင်ဘတ်အောင့်ရင် အရေးပေါ်ကုသမှု မြန်မြန်ခံယူသင့်တဲ့သူတွေကတော့ အသက် ၄၀ နဲ့ အထက်လူကြီးတွေ ဆေးလိပ် အရက် သောက်တဲ့သူ၊ အဝလွန်ေနတဲ့သူ၊ […]