ရွှေဖရုံသီးစေ့ စားခြင်းဖြင့် ရနိုင်သော အကျိုးကျေးဇူးများ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဇူလိုင် 14, 2020 . 2 mins read
Share now

ရွှေဖရုံသီးစေ့ဟာ အရွယ်အစားအရသာ သေးငယ်ပေမယ့် အာဟာရဓာတ်တွေ များစွာပါဝင်တဲ့ စားစရာတစ်မျိုး ဖြစ်ပါတယ်။ အနည်းငယ်စားရုံမျှနဲ့တင် ကျန်းမာရေးအတွက် အကျိုးပြုတဲ့ အဆီဓာတ်၊ မဂ္ဂနီဆီယမ်နဲ့ ဇင့်ဓာတ်တွေ ရရှိနိုင်ပါတယ်။ ယခုဆက်လက်ဖော်ပြမယ့် အကြောင်းအရာတွေကတော့ သိပ္ပံနည်းကျ တွေ့ရှိထားတဲ့ ရွှေဖရုံသီးစေ့ရဲ့ အကျိုးကျေးဇူးတွေပဲ ဖြစ်ပါတယ်။

၁။ အာဟာရဓာတ်များစွာ ပါဝင်ခြင်း

ရွှေဖရုံသီးစေ့ဟာ အရွယ်အစားသေးငယ်လှပေမယ့် ပါဝင်တဲ့ အာဟာရဓာတ်တွေကတော့ အတော်များပါတယ်။ ရွှေဖရုံသီးစေ့ တစ်အောင်စ (၂၈ ဂရမ်) မှာပါဝင်တဲ့ အာဟာရဓာတ်တွေကတော့

– ကယ်လိုရီ။ ၁၅၁

– ကာဘိုဟိုက်ဒရိတ်။ ၅ ဂရမ်

– ပရိုတိန်း။ ၇ ဂရမ်

– အဆီဓာတ်။ ၁၃ ဂရမ်

– ဗီတာမင် K။ တစ်နေ့တာလိုအပ်ချက်၏ ၁၈ ရာခိုင်နှုန်း

– ဖော့စဖရပ်စ်။ တစ်နေ့တာလိုအပ်ချက်၏ ၃၃ ရာခိုင်နှုန်း

– မန်ဂနိစ်။ တစ်နေ့တာလိုအပ်ချက်၏ ၄၂ ရာခိုင်နှုန်း

– မဂ္ဂနီဆီယမ်။ တစ်နေ့တာလိုအပ်ချက်၏ ၃၇ ရာခိုင်နှုန်း

– သံဓာတ်။ တစ်နေ့တာလိုအပ်ချက်၏ ၂၃ ရာခိုင်နှုန်း

– ဇင့်။ တစ်နေ့တာလိုအပ်ချက်၏ ၁၈ ရာခိုင်နှုန်း

– ကြေးနီ။ တစ်နေ့တာလိုအပ်ချက်၏ ၁၉ ရာခိုင်နှုန်း စသဖြင့် ဖြစ်ပါတယ်။

၂။ ဓာတ်တိုးဆန့်ကျင်ပစ္စည်း ကြွယ်ဝခြင်း

ရွှေဖရုံသီးစေ့မှာ ကရိုတီးနွိုက်နဲ့ ဗီတာမင် E လို ဓာတ်တိုးဆန့်ကျင်ပစ္စည်းတွေ ပါဝင်ပါတယ်။ ဓာတ်တိုးဆန့်ကျင်ပစ္စည်းများဟာ ဖရီးရယ်ဒီကယ်တွေကြောင့် ဆဲလ်တွေ ထိခိုက်ပျက်စီးခြင်းကို ကာကွယ်ပေးပါတယ်။ ရောင်ရမ်းမှုကို ကျစေပါတယ်။

၃။ ကင်ဆာဖြစ်နိုင်ခြေ လျော့နည်းစေခြင်း

ရွှေဖရုံသီးစေ့ပုံမှန် စားသုံးခြင်းအားဖြင့် အစာအိမ်၊ ရင်သား၊ အဆုတ်၊ ဆီးကျိတ်နဲ့ အူမကြီးကင်ဆာတွေကို ဖြစ်နိုင်ခြေ လျော့နည်းစေတယ်လို့ ဆိုပါတယ်။ အထူးသဖြင့် ရွှေဖရုံသီးစေ့မှာပါဝင်တဲ့ lignin ဆိုတဲ့ ဓာတ်ပစ္စည်းဟာ ရင်သားကင်ဆာကို ကာကွယ်ကုသရာမှာ အထောက်အကူပြုပါတယ်။

၄။ ဆီးကျိတ်နှင့် ဆီးအိမ်ကို အထောက်အကူပြုခြင်း

ရွှေဖရုံသီးစေ့စားခြင်းဟာ ဆီးကျိတ်ရောင်ခြင်းကို သက်သာစေပါတယ်။ ဆီးအိမ်အလွန်အကျွံအလုပ်လုပ်ပြီး မကြာခဏ ဆီးသွားချင်တဲ့ ပြဿနာကိုလည်း သက်သာစေပါတယ်။ ဆီးအိမ်ပြဿနာရှိသူတွေမှာ တစ်နေ့ကို ရွှေဖရုံသီးစေ့ ၁၀ ဂရမ်စားပေးခြင်းအားဖြင့် ဆီးအိမ် အလွန်အကျွံအလုပ်လုပ်ခြင်းကို လျော့ပါးသက်သာစေတယ်လို့ ဆိုပါတယ်။

၅။ မဂ္ဂနီဆီယမ်ကြွယ်ဝခြင်း

မဂ္ဂနီဆီယမ်ဓာတ်ဟာ ကိုယ်ခန္ဓာထဲက ဓာတုဓာတ်ပြုမှုပေါင်း ခြောက်ရာကျော်အတွက် မဖြစ်မနေ လိုအပ်ပါတယ်။ မဂ္ဂနီဆီယမ်ဓာတ်ဟာ သွေးပေါင်ချိန်ထိန်းပေးခြင်း၊ နှလုံးရောဂါဖြစ်နိုင်ခြေ ကျဆင်းစေခြင်း၊ အရိုးများသန်မာစေခြင်း၊ သွေးတွင်းသကြားဓာတ်ကို ထိန်းပေးခြင်း စတဲ့လုပ်ငန်းစဉ်တွေအတွက် အရေးကြီးပါတယ်။ ရွှေဖရုံသီးစေ့မှာ မဂ္ဂနီဆီယမ်ဓာတ်ကြွယ်ဝပြီး ရွှေဖရုံသီးစေ့ ၂၈ ဂရမ်မှာ တနေ့တာလိုအပ်တဲ့ မဂ္ဂနီဆီယမ်ဓာတ် ၃၇ ရာခိုင်နှုန်းအထိ ပါဝင်ပါတယ်။

၆။ နှလုံးကျန်းမာရေးကို ကောင်းစေခြင်း

ရွှေဖရုံသီးစေ့မှာ ဓာတ်တိုးဆန့်ကျင်ပစ္စည်းများ၊ မဂ္ဂနီဆီယမ်၊ ဇင့်နဲ့ ဖက်တီးအက်ဆစ်တွေ ပါဝင်ပါတယ်။ အဆိုပါ အာဟာရဓာတ်များဟာ နှလုံးကျန်းမာရေးအတွက် အထောက်အကူပြုပါတယ်။ ဒါ့အပြင် သုတေသနတွေအရ ရွှေဖရုံသီးစေ့စားခြင်းဟာ နှလုံးရောဂါရဲ့ အကြောင်းအရင်းခံနှစ်ချက်ဖြစ်တဲ့ သွေးတိုးခြင်းနဲ့ ကိုလက်စထရောမြင့်မားခြင်းကို သက်သာစေတယ်လို့ သိရပါတယ်။

၇။ သုက်ပိုးအရည်အသွေးကို တိုးတက်စေခြင်း

ဇင့်ဓာတ်နည်းပါးခြင်းနဲ့ သုက်ပိုးအရည်အသွေး ကျဆင်းခြင်းအကြား ဆက်စပ်နေပါတယ်။ ရွှေဖရုံသီးစေ့မှာ ဇင့်ဓာတ်ကြွယ်ဝတာကြောင့် သုက်ပိုးများကို အားဖြည့်ပေးနိုင်ပါတယ်။ ဒါ့အပြင် ရွှေဖရုံသီးစေ့မှာပါဝင်တဲ့ ဓာတ်တိုးဆန့်ကျင်ပစ္စည်းများနဲ့ အာဟာရဓာတ်များဟာ တက်စတိုစထရုန်းဟော်မုန်းပမာဏကို မြင့်တက်စေနိုင်ပါတယ်။

၈။ အိပ်ပျော်စေခြင်း

ရွှေဖရုံသီးစေ့မှာ ထရစ်တိုဖန် (tryptophan) လို့ခေါ်တဲ့ အမိုင်နိုအက်ဆစ်တမျိုး ပါဝင်ပါတယ်။ အဆိုပါပစ္စည်းဟာ နှစ်ခြိုက်စွာအိပ်ပျော်စေဖို့ အားပေးပါတယ်။ ရွှေဖရုံသီးစေ့ ၂၀၀ ဂရမ်စားရင် တစ်နေ့တာလိုအပ်တဲ့ ထရစ်တိုဖန် အမိုင်နိုအက်ဆစ်ကို လုံလောက်စွာ ရစေပြီး နှစ်ခြိုက်စွာ အိပ်ပျော်နိုင်ဖို့ ကူညီပါလိမ့်မယ်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

အမျိုးသားတို့ သိထားသင့်တဲ့ ကျန်းမာရေးအခြေအနေများ

အမျိုးသားတွေက ဆေးရုံဆေးခန်းသွားရမှာ၊ ဆေးသောက်ရမှာ၊ ကုသမှု ခံယူရတာကို သဘောမတွေ့ကြပါဘူး ဒါပေမယ့် လူတိုင်းကတော့ ကျန်းမာရေးစောင့်ရှောက်မှု လိုအပ်တာပါ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ဆီးကျိတ်ကင်ဆာ (Prostate Cancer)

ကင်ဆာအမျိုးအစားတွေ အများကြီးရှိတဲ့အထဲကမှ ဆီးကျိတ်ကင်ဆာဆိုတာက အမျိုးသားတွေမှာ ...

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

စရိတ်နည်းနည်းနဲ့ ကျန်းမာချင်ရင် ကြက်ဥအနှစ်စားပါ

ဥအနှစ်တွေက ဘယ်လိုများ အာဟာရဓာတ်တွေကြွယ်ဝနေလို့လဲ၊ ကြက်ဥ ဘဲဥအနှစ်တွေက သင့်ကျန်းမာရေးကို ဘယ်လိုများအထောက်အကူဖြစ်စေမှာလဲဆိုတာကို ပြောပြပေးချင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

ကြက်ဥစားရင် ဝိတ်ကျတယ်ဆိုတာ မှန်ရဲ့လား

နေ့စဉ် ဝိတ်ချတဲ့လုပ်ငန်းစဉ်မှာ ကြက်ဥပြုတ်ကို အမယ်တစ်ခုအဖြစ် ထည့်သွင်းချင်သူတွေကို အထောက်အကူဖြစ်မဖြစ်ဆိုတာကို ဗဟုသုတဖြစ်စေဖို့ ရှင်းပြပေးချင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

သင့်အတွက် ရွေးချယ်ထားသည်

အာပူရွက် ရဲ့ကျန်းမာရေး အာနိသင်

အာပူရွက် ရဲ့ကျန်းမာရေး အာနိသင်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 5, 2021 . 2 mins read
မှတ်ဉာဏ်ကောင်းစေဖို့ ဒါတွေ စားပေးပါ။

မှတ်ဉာဏ်ကောင်းစေဖို့ ဒါတွေ စားပေးပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဖေ‌ဖော်ဝါရီ 3, 2021 . 2 mins read
ကလေးရဲ့အနာဂတ် လှပစေဖို့အတွက် အာဟာရဇယားကို ဖတ်ပါ.....

ကလေးရဲ့အနာဂတ် လှပစေဖို့အတွက် အာဟာရဇယားကို ဖတ်ပါ…..

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 22, 2021 . 2 mins read
အမျိုးသမီးတွေမှာဖြစ်တတ်တဲ့ ကျန်းမာရေးပြဿနာများ

အမျိုးသမီးတွေမှာဖြစ်တတ်တဲ့ ကျန်းမာရေးပြဿနာများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 14, 2021 . 2 mins read