ကိုယ်အလေးချိန်လျှော့ချခြင်း

သင်နေ့စဉ် စားသောက်နေတဲ့ အစားအသောက်တွေဟာ သင့်ရဲ့ ကိုယ်အလေးချိန် အပေါ် တိုက်ရိုက်သက်ရောက်မှုရှိပါတယ်။ အစားအသောက်ပုံစံကြောင့်ပဲ ကိုယ်အလေးချိန် လျှော့ချနိုင်သလို အစားအသောက်ကြောင်ပဲ့ ကိုယ်အလေးချိန် တိုးလာနိုင်ပါတယ်။ အထူးသဖြင့် အဆင့်ဆင့်ပြုပြင်ထားတဲ့ စားကောင်းအောင်ပြုလုပ်ထားတဲ့ အစားအသောက်တွေဟာ ကိုယ်အလေးချိန် တိုးစေပါတယ်။ အောက်ပါ အစားအသောက်တွေကတော့ ကိုယ်အလေးချိန် လျှော့ချနေချိန်မှာ သတိပြုပြီး ရှောင်ကြဉ်သင့်တဲ့ အစားအသောက်တွေ ဖြစ်ပါတယ်။ ၁။ အာလူးချောင်းကြော် အာလူးဟာ အာဟာရဓာတ်ပြည့်ဝတဲ့ စားစရာဖြစ်ပေမယ့် အာလူးချောင်းကြော်ကတော့ ကျန်းမာရေးအတွက် ရေရှည်မှာ မကောင်းပါဘူး။ အာလူးချောင်းကြော်မှာ ကယ်လိုရီများစွာ ပါဝင်ပါတယ်။ ဒါကြောင့် ကိုယ်အလေးချိန်လည်း တက်နိုင်တဲ့အပြင် တခြားသော ကျန်းမာရေးပြဿနာတွေလည်း ဖြစ်စေနိုင်ပါတယ်။ ၂။ အချိုရည်များ ဆိုဒါကဲ့သို့သော အချိုရည်မျိုးစုံဟာလည်း ကယ်လိုရီဓာတ်များစွာ ပါဝင်တာမို့ ကျန်းမာရေးအတွက် မသင့်တော်တဲ့ အစားအသောက်စာရင်းမှာ ပါဝင်ပါတယ်။ ဒါ့အပြင် သောက်ပြီးရင် ဆက်သောက်ချင်စိတ်ဖြစ်ပေါ်တဲ့အပြင် အခြားသော အစားအစာတွေကိုပါ […]

ဝိတ်ချတယ်ဆိုတာကို ကိုယ့်ကိုယ်ကို နှိပ်စက်နေတာလို့ တွေးကြည့်ဖူးပါသလား? သင့်တော်တဲ့ အစားအစာတွေကို မစားသောက်ပဲ ကိုယ့်ကိုယ်ကို ပိတ်ပင်တားဆီးနေတာဟာ ကျန်းမာရေးနဲ့ တကယ်ညီညွတ်ရဲ့လား? ကျွမ်းကျင်သူတစ်ချို့ကတော့ ကိုယ်အလေးချိန် လျှော့ချမှုနဲ့ ပတ်သက်ပြီး သင်တို့ရဲ့ အပြုအမူတွေဟာ မှားယွင်းနေတယ်ဆိုတာကို ထောက်ပြနေကြပါတယ်။ အစားအသောက်ကို လျှော့ချပြီး ဝိတ်အလွန်အကျွံချတာဟာ အဝလွန်နေတာထက် သင့်ရဲ့ ကျန်းမာရေးကို ပိုထိခိုက်စေနိုင်ပါတယ်တဲ့။ ကယ်လိုရီ ပမာဏကို အလွန်အမင်းလျှော့ချပြီး အစားအသောက်တွေကို ခွဲခြားရွေးချယ်စားသောက်နေတာဟာ မှန်ကန်တဲ့ အပြုအမူတစ်ခုမဟုတ်ဘူးလို့ ဆိုပါတယ်။ အာဟာရဓာတ်ကို ပြည့်ဝအောင် မဖြည့်ဆည်းတဲ့အတွက် အစာအိမ်နဲ့ ခန္ဓာကိုယ်ရဲ့ ဇီဝကမ္မဖြစ်စဉ်တွေကိုသာမက စိတ်ကျန်းမာရေးကိုပါ ထိခိုက်စေနိုင်ပါတယ်။ အစားအသောက်ကို အာဟာရမျှတစွာမစားပဲ ဝိတ်ချလို့ ဘယ်လို့ ဖြစ်ပေါ်လာနိုင်တဲ့ ဘေးထွက်ဆိုးကျိုးတွေကတော့ … ဝိတ်ချတာဟာ အစာချေဖျက်မှုစနစ်ကို ရှုပ်ထွေးစေပါတယ် - အစားအသောက်ကို လျှော့ချပြီး ဝိတ်ချတဲ့အခါမှာ အစာအိမ်တွင်းက […]

"ခင်ဗျား ဝိတ်ချနေတာနဲ့ပဲ သူငယ်ချင်းတွေနဲ့ ပျော်ပျော်ပါးပါး သောက်စားတာမျိုးကို ရပ်တန့်လိုက်စရာမလိုပါဘူး" လို့ ကိုယ်အလေးချိန် ထိန်းသိမ်းရေး ပညာရှင် အလိုနာ ဘန်ဇနယ်လီက ပြောဖူးပါတယ်။ ယေဘုယျအားဖြင့်တော့ အရက်သေစာနဲ့ အဖျော်ယမကာ သောက်စားတာမျိုးကို တတ်နိုင်သမျှ ရှောင်ကြဉ်ကြပါတယ်။ ဒါဟာ ကောင်းတဲ့ အလေ့အထတစ်ခုဖြစ်ပါတယ်။ ခုပြောချင်တာကတော့ အလေးချိန်လည်းချချင်တယ်။ အဖျော်ယမကာလေးလည်း တစ်ခါတစ်ရံ မှီဝဲချင်တယ်ဆိုတဲ့ သူတွေအတွက်ပါ။ တကယ်တမ်းအားဖြင့် အယ်လ်ကိုဟောမှာ ကယ်လိုရီဓာတ်တွေ ပါဝင်ပြီးတော့ ပရိုတိန်း၊ ဗီတာမင်၊ သတ္တုဓာတ်တွေနဲ့ အမျှင်ဓာတ်တွေလည်း နည်းနည်းစီပါဝင်ပါတယ်။ ဒါကြောင့် ကိုယ်အလေးချိန်လျှော့ချနေသူတွေအနေနဲ့ သင့်တော်တဲ့ပမာဏမျိုးနဲ့ အဖျော်ယမကာသောက်သုံးတာမျိုးလုပ်ချင်တယ်ဆိုရင် လုပ်နိုင်တယ်ဆိုတဲ့သဘောပါ။ ဒါကြောင့် အရက်အပါအဝင် အဖျော်ယမကာတွေကို သင့်တော်ရုံ ပမာဏမျိုး သောက်သုံးပေးခြင်းဟာ မိမိတို့ နေ့စဉ်လိုအပ်တဲ့ ကယ်လိုရီစားသုံးမှုကို အထောက်အကူဖြစ်စေပါတယ်။ ဝိတ်ချနေချိန်မှာ တစ်ပတ်ကို ဘယ်လောက်ပမာဏ သောက်သုံးသင့်သလဲ? ကိုယ်အလေးချိန်လျှော့ချနေချိန်မျိုးမှာ ကယ်လိုရီသုံးစွဲမှုပမာဏကို အဆက်မပြတ် စောင့်ကြည့်နေဖို့ […]

ကိုယ်က သစ္စာရှိရှိနဲ့ ဝိတ်ချ နေပါတယ်။ စားချင်တာတွေကို အောင့်ထားရတယ်၊ အပင်ပန်းခံပြီး အားကစားလုပ်တယ်၊ လမ်းလျှောက်ထွက်တယ်၊ အရသာမရှိတဲ့ diet ပလန်တွေလည်း ကြိုးစားပြီး စားပါတယ်။ ဒါပေမယ့် ဝိတ်ကမကျတဲ့အပြင် ပိုတောင်တက်တက်လာလို့ စိတ်ညစ်နေရတာမျိုး သိပ်ဆိုးပါတယ်နော်။ ကိုယ်အလေးချိန်ထိန်းဖို့ လေ့ကျင့်ခန်းတွေနဲ့ diet တွေက အရေးပါတယ်ဆိုပေမယ့် တစ်ခါတစ်လေမှာ သတိမထားမိလိုက်တဲ့ထောင်ချောက်တွေ ရှိနေတတ်ပါတယ်။ အဲဒါတွေကြောင့် ကြိုးစားထားသမျှ အရာမထင်တာ၊ ဖတ်ခနဲ ဝိတ်ပြန်တက်တာတွေ ဖြစ်စေတာပေါ့။ အဲဒီထောင်ချောက်တွေက ဘာတွေများလဲ ဆက်ပြီးကြည့်ရအောင်… ကျန်းမာရေးနဲ့ညီတဲ့ အစားအသောက်တွေ အစားများသွားတာ ကျန်းမာရေးနဲ့ညီတာ ကောင်းတယ်ဆိုပေမယ့်လည်း ပမာဏကလည်း အရေးပါတယ်ဆိုတာ မမေ့သင့်ပါဘူး။ ဥပမာ ထောပတ်သီး၊ အုတ်ဂျုံ၊ ဆန်လုံးညို၊ အစေ့အဆန် စတဲ့ အာဟာရပြည့်အစားအစာတွေကို ဝိတ်ချပလန်မှာ အသုံးများပေမယ့် လိုတာထက်ပိုစားမိရင် ကယ်လိုရီများပြီး ဝိတ်တက်စေနိုင်ပါတယ်။ ရေလုံလောက်အောင် မသောက်တာ ရေက ခန္ဓာကိုယ်ကို ခွန်အားဖြစ်စေနိုင်တဲ့အပြင် […]

ဝနေပြီ၊ အဆီတွေ စုနေပြီ။ ပြည့်လာပြီဆိုပြီး မှန်ထဲကြည့်လိုက်တိုင်း၊ အကျီၤတွေဝတ်ကြည့်တိုင်း စိတ်ညစ်နေပြီလား။ ဝလာနေမှန်းတော့သိတယ်။ အဆီချဖို့ လေ့ကျင့်ခန်းလုပ်ရမှာလည်း သိတယ်။ ဒါပေမယ့် မအားလို့၊ gym သွားရမှ ပျင်းလို့၊ လေ့ကျင့်ခန်းလုပ်ပြီး ပြန်နားလိုက်ရင် တရှိန်ထိုးဝလာမှာ ကြောက်လို့ဆိုပြီး လေ့ကျင့်ခန်းလုပ်ဖို့ တွန့်ဆုတ်နေလား။ တကယ်တော့ လေ့ကျင့်ခန်းက ကိုယ်အလေးချိန် လျှော့ချတဲ့နေရာမှာ ၂၀ ရာခိုင်နှုန်းလောက်ပဲ အသုံးဝင်တာပါ။ ဒီတော့ ကျန်တဲ့ ၈၀ ရာခိုင်နှုန်းက ဘယ်သူနဲ့ သက်ဆိုင်နေတာလဲ။ အစားအသောက်ပါ။ အစားကိုသာ ထိန်းစားနိုင်လို့ကတော့ ကိုယ်အလေးချိန်လျှော့ချနေတဲ့ plan ရဲ့ ၈၀ ရာခိုင်နှုန်းကို ကျော်ဖြတ်ပြီးသားဖြစ်သွားပြီး အချိန်တိုအတွင်း ကိုယ်ပေါ်မှာ စုနေတဲ့ အဆီ တွေ ကျသွားမှာပါ။ ဒါပေမယ့် အစားထိန်းစားတဲ့နေရာမှာ နည်းမှန်လမ်းမှန် ဖြစ်ဖို့ကတော့ အဓိက သော့ချက်ပဲဖြစ်ပါတယ်။ ပိန်ချင်လွန်းလို့ […]

အဆီမြန်မြန်ကျ ချင်ရင် ကိုယ့်ရဲ့တစ်နေ့တာကို ဒီလိုပြောင်းလဲလိုက်ပါ ဒီဘက်ခေတ်ထဲမှာ ယောက်ျားလေးတွေရော မိန်းကလေးတွေပါ အဆီကျဖို့ ကြိုးစားလာကြတယ်နော်။ အဓိကကတော့ အလှအပကို ပိုပြီး ဦးစားပေးလာကြတယ်လို့ ထင်ရပေမယ့် ကျန်းမာရေးဘက်က ကြည့်ရင်း ကိုယ်ခန္ဓာတွင်းက မကောင်းတဲ့ အဆီပိုတွေကို အမြန်ချဖို့ လိုအပ်ပါတယ်။ ဘာကြောင့်လဲဆိုတော့ ဒီအဆီတွေက ကိုယ်ထဲမှာ နေတာကြာလာတာနဲ့အမျှ အဝလွန်လာမယ်၊ ကိုယ်အလေးချိန် တိုးလာမယ်၊ ကြွက်သားတွေ လျော့တိလျော့ရဲ ဖြစ်လာမယ်။ နောက်ဆက်တွဲအနေနဲ့ သွေးတိုး၊ ဆီးချို၊ နှလုံးရောဂါတွေ ဖြစ်လာမယ်၊ ကင်ဆာရောဂါ တချို့ဖြစ်နိုင်ခြေပါ မြင့်တက်လာမှာပါ။ နောက်ပြီးတော့ ဝတဲ့သူတွေမှာမှ အဆီများနေတာမဟုတ်ပါဘူး။ ပိန်တဲ့သူတွေမှာလည်း ကိုယ်ခန္ဓာ၊ သွေးကြောတွေထဲမှာ အဆီဖုံးနေတာမျိုးတွေ ဖြစ်နိုင်တယ်နော်။ ဒါကြောင့် ကိုယ့်ကိုယ်ကိုယ် ဝနေတယ်လို့ ထင်နေတာဖြစ်စေ၊ ကျန်းမာရေးလိုက်စားဖို့အတွက်ဖြစ်စေ အဆီချဖို့ လိုအပ်တယ်နော်။ ဒီနေ့ပြောပြပေးမယ့် အကြောင်းအရာကတော့ အဆီချချင်တဲ့သူတိုင်း သိထားသင့်တဲ့ စားသောက်နေထိုင်မှုပုံစံနဲ့ […]

မှန်ထဲကြည့်လိုက်တဲ့အခါ ကိုယ့်ကိုယ်ကိုယ် စိတ်တိုင်းမကျဖြစ်နေတာ၊ အဝတ်အစားတွေ မတော်တော့တာ၊ သွားလာလှုပ်ရှားမှုတွေလုပ်တဲ့အခါ သွက်သွက်လက်လက်မရှိတော့တာတွေဖြစ်နေပြီလား။ ဒါဆိုရင် သေချာတာကတော့ ကျန်းမာတဲ့ ကိုယ်အလေးချိန် ဆိုတဲ့ ကန့်သတ်ချက်ဘောင်​လေးကို နည်းနည်းတော့ ကျော်စပြုနေပြီဆိုတာပါ။ ဝတ်လိုက်ရင်လည်း စမတ်ကျ၊ သွားလာရင်လည်း ပေါ့ပေါ့ပါးပါးဖြစ်နေစေဖို့ဆိုရင် လုပ်ရမယ့် နည်းလမ်းကတစ်ခုပဲရှိတော့တယ်။ ဒါကတော့ ကျန်းမာရေးနဲ့ ညီညွတ်တဲ့ ကိုယ်အလေးချိန်ရရှိအောင် ထိန်းသိမ်းဖို့ပါ။ ဘယ်လိုထိန်းမယ် စဉ်းစားထားလဲ.............. ကျန်းမာတဲ့ကိုယ်အလေးချိန်ရဖို့ အတွက် ဘယ်လိုများလုပ်မယ်စဉ်းစားထားလဲ။ အစားမစားဘဲလျှော့မယ် အစားလျှော့စားမယ် ကိုယ်လက်လေ့ကျင့်ခန်းလုပ်မယ် အသီးတွေပဲစားမယ် စသဖြင့်ရွေးချယ်မှုတွေကအမျိုးမျိုးရှိနိုင်ပါတယ်။ ကျန်းမာတဲ့ ကိုယ်အလေးချိန်ရဖို့ အစားတစ်ခုတည်းကိုပဲ အားကိုးတော့မယ်ဆိုရင် ကျန်းမာတဲ့ ကိုယ်အလေးချိန်ရဖို့ အစားတစ်ခုတည်းကိုပဲ အားကိုးတော့မယ်ဆိုရင် မဖြစစ်မနေ လုပ်ရမှာက အစားလေးပဲ ဂရုစိုက်လိုက်ပါ ကျန်းမာတဲ့ ကိုယ်အလေးချိန် ရစေဖို့ အစားအစာတွေကို အလွန်အကျွံရှောင်ဖို့ မလိုသလို လေ့ကျင့်ခန်းတွေကို အပြင်းအထန်လုပ်ဖို့လည်းမလိုပါဘူး။ တကယ်ကတော့ ဖြစ်နိုင်တဲ့ အတိုင်းအတာအတွင်းက စားသောက်နေထိုင်မှုကို […]

ဝိတ်ကျအောင် အသီးစားပြီး ဝိတ်ချချင်သူလေးတွေရှိလား။ ဒါဆိုရင်တော့ အသီးလည်းစားရင်း အဆီလည်းကျရင်းဖြစ်စေဖို့အတွက် ဒီအသီးလေးတွေကို စားပေးရင်အဆင်ပြေနိုင်မှာပါ။ ဒီတော့ ဝိတ်ကျစေဖို့ စားပေးသင့်တဲ့ အသီးလေးတွေအကြောင်း ပြောပြပေးမယ်နော်။ အသီးစားရင်း ဝိတ်ချတာက ကောင်းလား.... အသီးအရွက်တွေစားပြီး ဝိတ်ချတာက ကိုယ်အလေးချိန်ကျစေနိုင်သလို အသားအ​ရေကို ကြည်လင်စေတဲ့ အာနိသင်ကိုပါ ပေးစွမ်းပါတယ်။ ဒီတော့ အာဟာရလည်းရ၊ အသားလည်း ကြည်၊ ဝိတ်လည်းကျစေဖို့ အစာအိမ်ပြဿနာမရှိဘူးဆိုရင် အသီးစားပြီး ဝိတ်ချတာက တော်တော်လေး အဆင်ပြေမှာပါ။ အသီးတိုင်းက အဆီလောင်ကျွမ်းစေနိုင်လား.......... အသီးတိုင်းက အဆီလောင်ကျွမ်းစေနိုင်လားဆိုတော့ မဟုတ်ပါဘူး။ အသီးအချို့ပဲ အဆီကို လောင်ကျွမ်းစေပြီး ဝိတ်ကျစေဖို့ အားဖြည့်ပေးတာပါ။ ဝိတ်ကျစေမယ့် အသီးအချို့ ကဘာတွေလဲ..... ဒီအသီးတွေစားပေးတာက ဝိတ်ကျဖို့ တော်တော်လေးအထောက်အကူပြုပေးပါတယ်။ ထောပတ်သီး ထောပတ်သီးမှာ အစားစားချင်စိတ်ကို အကောင်းဆုံးထိန်းချုပ်ပေးနိုင်တဲ့ အကျိုးပြုအဆီတစ်မျိုးဖြစ်တဲ့ Omega-9 fatty acids ပါဝင်နေပါတယ်။ ဒီအဆီဓာတ်က ကိုယ်တွင်းဇီဝကမ္မဖြစ်စဉ်တွေကို အကောင်းဆုံးလည်ပတ်စေနိုင်ပါတယ်။ Omega-9 fatty […]

ဝိတ်ချတော့မယ်၊ ဝိတ်ချတော့မယ် ပေါင် ၁၅၀ ဆိုတဲ့သူလေးတွေရှိလား။ ဝိတ်ချမယ်လို့ပြောနေပေမယ့် ကိုယ်အလေးချိန်တွေက ကျမသွားဘူးဆိုရင် သေချာတာက သင်က ဝိတ်ချနည်းကို စရွေးကတည်းက မှားယွင်းမှုရှိနေလို့ပါ။ ဒါဆိုရင် ဝိတ်ချဖို့နည်းလမ်း ဘယ်လိုရွေးရမှာလဲလို့များ မေးချင်နေပြီလား။ ဒီဆောင်းပါးလေးထဲမှာ ပြောပြပေးမယ်နော်။ ဝိတ်တကယ်ကျဖို့ မဖြစ်မနေလိုအပ်ချက်တစ်ခု ဝိတ်ကျချင်တယ်ဆိုရင် လေ့ကျင့်ခန်းလုပ်ရုံ အစားလျှော့ရရုံနဲ့လုံလောက်ပြီလား။ တကယ်ကို ကျန်းမာပျော်ရွှင်စွာနဲ့ ဝိတ်ကျသွားဖို့က ဒီအချက်တွေအပြင် ကိုယ့်ဝိတ်ချမယ့် plan ကကိုယ်နဲ့ အဆင်ပြေမလားဆိုတာကို အရင်စဉ်စားဖို့ပါ။ Plan ကကိုယ်နဲ့ တကယ်အဆင်ပြေမှလည်း ရေရှည် လုပ်နိုင်တော့မှာပေါ့။ ဒီတော့ ဝိတ်မချခင်မှာ ကိုယ့်နဲ့အဆင်အ​ပြေဆုံးဖြစ်မယ့် plan ကိုရွေးစေချင်ပါတယ်။ အဆင်ပြေပြေဝိတ်ချကြမယ် ဝိတ်ချတော့မယ်လို့ တွေးပြီးပြီ ဆုံးဖြတ်ချက်က တော်တော်လေးပြင်းထန်နေပြီဆိုရင် ဒီအချက်တွေကို ကိုယ့်ကိုယ်ကိုယ်အရင်မေးကြည့်ပါ။ ကိုယ်ရွေးချယ်မယ့် ဝိတ်ချနည်းက ကိုယ်နဲ့ ကိုက်ရဲ့လား... ကိုယ်က အစားတသွတ်သွတ် စားတတ်သူဖြစ်နေမယ်ဆိုရင် အစာစားတဲ့အကြိမ်ရေကို ကန့်သတ်တဲ့ ဝိတ်ချနည်းတွေက သင်နဲ့ […]

ကိုယ်အလေးချိန်က ကျန်းမာရေးအတွက် သိထားဖို့လိုမယ့်အချက်တစ်ခုပါ။ ဒီလိုအရေးပါတဲ့ ကိုယ်အလေးချိန်ကို အမှန်ကန်ဆုံးရဖို့ကလည်း အရေးကြီးတဲ့အချက်တစ်ခုပါ။ ဒီအရေးပါတဲ့ ကိုယ်အလေးချိန်ကို အမှန်ဆုံးဖြစ်စေဖို့ ဘယ်လိုများချိန်မလဲ ........ ကျန်းမာတဲ့လူတစ်ယောက်မှာရှိသင့်တဲ့ ကိုယ်အလေးချိန်က ဘယ်လောက်လဲ.... လူတစ်ယောက်နဲ့ တစ်ယောက်မှာရှိသင့်တဲ့ ကျန်းမာတဲ့ကိုယ်အလေးချိန်ကမတူပါဘူး။ လူတစ်ယောက်ကျန်းမာတဲ့ ကိုယ်အလေးချိန်ရှိလားဆိုတာကို အရပ်အမြင့်နဲ့ ကိုယ်အလေးချိန်ကို တွက်ချက်ရတဲ့ ခန္ဓာကိုယ်ထုထည်ညွှန်းကိန်း (BMI) နဲ့တွက်ချက်ပါတယ်။ BMI က ၁၈.၅ ထက်နည်းနေရင် ရှိသင့်တဲ့ ကိုယ်အလေးချိန်ထက်နည်းနေတာပါ။ BMI က ၁၈.၅ နဲ့ ၂၄.၉ အတွင်းမှာရှိနေရင် ပုံမှန်ရှိသင့်တဲ့ ကိုယ်အလေးချိန်ပါ။ BMI က ၂၅ ကနေ ၂၉.၉ အတွင်းမှာရှိနေရင် ရှိသင့်တဲ့ကိုယ်အလေးချိန်ထက်များနေပါတယ်။ BMI က ၃၀ ထက်ကျော်သွားပြီဆိုရင်တော့ အဝလွန်နေပါပြီ။ ကိုယ်အလေးချိန်ကို မှန်မှန်ကန်ကန်သိနိုင်စေဖို့ သတိထားရမယ့်အချက်အချို့ ကိုယ်အလေးချိန်တိုင်းတဲ့အခါ တိကျမှန်ကန်တဲ့ အဖြေထွက်ဖို့ဆိုရင် တစ်ပတ် […]