ကျန်းမာစွာ စားသောက်ခြင်း

လူတစ်ချို့ဟာ သက်သက်လွတ်စားတာကို ဘာသာရေးယုံကြည်ချက်အရပဲဖြစ်ဖြစ် ကျန်းမာရေးလိုက်စားလို့ပဲဖြစ်ဖြစ် စားသောက်ကြပါတယ်။ သက်သက်လွတ်စားတာဟာ ပိုကျန်းမာစေတယ်၊ ကိုယ်အလေးချိန် သိသိသာသာကျစေတယ်ဆိုတဲ့ ယုံကြည်ချက်မျိုးလည်း ရှိကြပါတယ်။ အသား၊ ငါးတွေကို စားသုံးတာဟာ ကျန်းမာရေးနဲ့ မညီညွတ်ဘူးလို့ ထင်မြင်ကြသူတွေလည်း ရှိကြပါတယ်။ ဒီအယူအဆတွေဟာ ဘယ်လောက် မှန်ကန်မှုရှိပါသလဲ? သက်သက်လွတ်စားသင့်သလား? ဒါဟာ ကျန်းမာရေးနဲ့ ညီညွတ်ရဲ့လား? အသားတွေ ငါးတွေကို ရှောင်ကျဉ်သင့်သလား? သက်သက်လွတ်စားရင် ဘာကောင်းသလဲ အရင်ဆုံး သက်သက်လွတ်နဲ့ ပတ်သက်ပြီး ရှင်းပြလိုပါတယ်။ သက်သက်လွတ်စားတဲ့ ပုံစံ နှစ်မျိုးနှစ်စားရှိပါတယ်။ Lacto-ovo နဲ့ Strict (Vegan) ဆိုပြီးတော့ပါ။ Lacto-ovo Vegetarian တွေဟာ တိရိစ္ဆာန်တွေကနေ ထွက်ရှိတဲ့ အသားအပါအဝင် အစိတ်အပိုင်းအားလုံးကို မစားပေမယ့် နို့၊ ဒိန်ချဉ် ကြက်ဥတို့လို အစားအစာတွေကိုတော့ စားကြပါတယ်။ Vegans တွေကတော့ အားလုံးကိုမစားပဲ […]

စွပ်ပြုတ်ဆိုတာ နေမကောင်းတဲ့အချိန် တိုက်ကျွေးကြတဲ့လူမမာစာပဲလေ။ နေမကောင်းတဲ့အချိန်တော့ ကြက်စွပ်ပြုတ်က အသင့်တော်ဆုံးပေါ့။ ဒါပေမယ့် ဘာအသားဖြစ်ဖြစ် အရိုးပြုတ်ရည်က ခန္ဓာကိုယ်အတွက် အပြည့်အဝအားဖြစ်စေတာ သေချာပါတယ်။ လူကြိုက်များကြတဲ့ ကြေးအိုး၊ ဟော့ပေ့ါ တို့ဆိုတာလည်း ကြာကြာတည်ထားတဲ့ အရိုးစွပ်ပြုတ်ရည် တွေကို အခြေခံတဲ့ အစားအစာတွေပါ။ အဲဒါကြောင့် အရိုးဆိုလို့ အထင်မသေးနဲ့လို့ပြောတာ။ ငွေကုန်ကြေးကျမများဘဲ ကိုယ်ခံအားကောင်းစေမယ့် ဆေးတစ်ခွက်ကိုရနိုင်တာပဲ နည်းလားလို့။ အရိုးစွပ်ပြုတ်ရည် က ဘာလို့အကျိုးကျေးဇူးများတယ်လို့ ပြောရတာလဲဆိုတာ ဆက်သာဖတ်ကြည့်လိုက်ပါတော့… (၁) အရေးကြီးတဲ့ ဗီတာမင်နဲ့ သတ္တုဓာတ်တွေပါဝင်တယ်။ ခြုံပြောရရင် အာဟာရပါဝင်မှုသိပ်များပါတယ်။ အရိုးပြုတ်ရည်မှာ ကယ်လ်စီယမ်၊ ပိုတက်စီယမ်၊ ဖော့စဖရပ်စ်နဲ့ တခြားသတ္တုဓာတ်တွေကြွယ်ဝတယ်။ ငါးရိုး (ငါးဖယ်ရိုး၊ ငါးခေါင်းဟင်းချို၊ မုန့်ဟင်းခါး) ပြုတ်ရည်တွေဆို သိုင်းရွိုက်လုပ်ဆောင်ချက်ကျန်းမာစေဖို့ မရှိမဖြစ်အရေးပါတဲ့ အိုင်အိုဒင်းဓာတ် ပါဝင်တာလည်း ပိုပါသေးတယ်။ သူတို့တွေမှာပါဝင်တဲ့ တွယ်ဆက်တစ်ရှူးတွေကနေ ဂလူကိုဆာမိုက် နဲ့ ခွန်ဒရွိုက်တင် […]

အရင်ရက်က ပင်ပန်း ထားတာ၊ အလုပ်တွေများထားတာ၊ အိပ်ရေးပျက်ထားတာ၊ စိတ်ဖိစီးတာတွေကြောင့် အိပ်ရာထတဲ့အချိန်မှာ ပင်ပန်းနွမ်းလျနေတာမျိုး ဖြစ်ဖူးတယ်မလား။ အိပ်ရာထဲက ထဖို့ကို အတော်အားယူပြီး ကိုယ့်ဘာသာတိုက်ပွဲဝင်နေရတာ သိပ်တော့မလွယ်ဘူးလေ။ ဒီလိုအချိန်မျိုးမှာ လူကို လန်းဆန်းအားပြည့်လာအောင် အစားအစာလေးတွေနဲ့ ဆွဲဆောင်ရတော့မှာပဲ။ ပင်ပန်း နေတဲ့ မနက်ခင်းမှာ အားဖြည့်ပေးနိုင်မယ့် အစားအစာတွေ က ဘာတွေဖြစ်မလဲဆိုတာကို အတူတူ ကြည့်လိုက်ရအောင်နော်။ စူပါအစားအစာလို့ ခေါ်လို့ရတဲ့ ခွန်အားတိုးအစားအသောက်တွေကတော့ အဆီအဆိမ့်နဲ့ လူကို ဝိတ်တက်စေမယ့် အရာတွေ မပါပါဘူးနော်။ ဒီစာရင်းမှာ အသီးအနှံတွေနဲ့ အသီးအရွက်တွေသာ ပါမယ်ဆိုတာ ကြိုပြောထားပါရစေ။ တာရှည်ခံပစ္စည်းပါတဲ့ ပြုပြင်အစားအစာတွေ၊ အဆီ၊ အငန်များတာတွေနဲ့ဆို ပင်ပန်း နေတဲ့လူက မသက်သာဘဲ ပိုတောင် ခေါင်းစိုက်သွားပါလိမ့်မယ်။ ပင်ပန်း နေတဲ့ မနက်ခင်းမှာ အားဖြည့်ပေးနိုင်မယ့် အစားအစာတွေ ပင်ပန်း နေတဲ့အချိန် ရာသီပေါ်အသီးအနှံလေးတွေ၊ […]

အခုအချိန်ထိ လုံးဝ မပြီးပြတ်သေးတဲ့  corona virus ကို သတိထားနေရဆဲ ဖြစ်သလို ရာသီအကူးအပြောင်းမှာ ဖြစ်တတ်တဲ့ တုပ်ကွေးဖျားနာမှု တွေကလည်း ဖြစ်ပွားနေတာကြောင့် ကိုယ်ခံအား ကောင်းစေမယ့် အစားအစာတွေကို ဂရုတစိုက် ရွေးချယ် စားသောက်ပေးဖို့ အလွန် အရေးကြီး လှပါတယ်။ ဒါကြောင့် ကိုယ့်ရဲ့ ခန္ဓာကိုယ်ကိုကိုယ်ခံအားကောင်းစေနိုင်သော အစားအစာ တွေအကြောင်းကို တင်ဆက်ပေးလိုက်ပါတယ်။ ကိုယ်ခံအားကောင်းစေနိုင်သော အစားအစာ ၁၅ မျိုး ကိုယ်ခံအားကောင်းစေနိုင်သော အစားအစာ တွေကတော့ ၁ - အချဉ်ဓာတ်ပါသော အသီးများ အအေးမိဖျားနာပြီးကာစ တော်တော်များများက အချဉ်ဓာတ်ပါတဲ့ ဗီတာမင်စီ ဖြည့်တင်းဖို့လို့ပါတယ်။ ဘာလို့လည်းဆိုတော့ ဗီတာမင်စီ ကကိုယ်ခံအားကိုတက်စေနိုင်လို့ပါ။ ရောဂါတွေကို တိုက်ထုတ်ပေးတဲ့ သွေးဖြူဥအရေအတွက်ကိုလည်း ဗီတာမင်စီက တိုးတက်စေပါတယ်။ အချဉ်ဓာတ်ပြည့်ဝစွာပါဝင်တဲ့ အသီးတွေကတော့ - ရှောက်ခါးသီး ( ဂရိတ်ဖရု ) - လိမ္မော်သီး - ကဗ္ဗလာသီး - သံပုရာသီး - […]

ဇီးသီးလေး ကြိုက်သူလေးတွေရှိလား။ ဒါဆိုရင်တော့ ဇီးသီးစားသုံးပေးတာက ခန္ဓာကိုယ်ကို ကျန်းမာစေနိုင်သလို အသားအရေကိုပါ လှပစေနိုင်ပါတယ်။ ဒီတစ်ခေါက်တော့ ဇီးသီးစားသုံးတာကြောင့် အသားအရေကို ဘယ်လိုအထောက်အကူပြုပေးနိုင်လဲဆိုတဲ့ အကြောင်းလေးကို ပြောပြပေးချင်ပါတယ်။ ဇီးသီးလေး ကပေးတဲ့ အသားအရေကျန်းမာရေး....... ချိုချိုချဉ်ချဉ်နဲ့အရသာရှိတဲ့ ဇီးသီးလေးကို စားသုံးပေးတာက (၁) အသားအရေကို အစက်အပြောက်ကင်းစေနိုင်တယ် မွမွလေး နဲ့ အရသာရှိတဲ့ ဇီးသီးလေး ကို စားသုံးပေးတာက အသားအရေကို ကြည်လင်စေပြီး အရေပြားပေါ်က အမည်းစက်တွေနဲ့ တင်းတိပ်တွေကို သက်သာစေနိုင်သလို အသားအရောင်မညီတာတွေကိုလည်း သက်သာစေနိုင်ပါတယ်။ စားတာအပြင် ဇီးသီးကို မျက်နှာပေါင်းတင်ဖို့အတွက်လည်း အသုံးပြုပေးလို့ရပါတယ်။ ဘယ်လိုပေါင်းတင်ရမှာလဲ...... မှည့်နေတဲ့ အရွယ်တော်ဇီးသီး ၂ လုံး ၃ လုံးလောက်ကို ဇလုံတစ်ခုထဲမှာ ကြိတ်ခြေပါ။ ရလာတဲ့အနှစ်ကို မျက်နှာ နဲ့ လည်ပင်းပေါ်မှာ လိမ်းပေးလိုက်ပါ။ ပြီးရင် မိနစ်လောက် ထားပေးပါ။ ပြီးသွားရင်တော့ ရေနွေးနွေးလေးနဲ့ ဆေးချလိုက်ပါ။ […]

Snake fruit လို့ခေါ်ကြတဲ့ ရေငန်းသီး ဟာ အရှေ့တောင်အာရှမှာ ထွက်တဲ့အသီးတစ်မျိုးဖြစ်ပေမယ့် ကမ္ဘာ့နိုင်ငံတော်တော်များများမှာ လူကြိုက်များနေပြီဖြစ်ပါတယ်။ရေငန်းသီးကို အမေရိကန်၊ဂျပန်နဲ့ ဥရောပတို့မှာလည်း နှစ်သက်ကြပါတယ်။ သူ့မှာ ကယ်လ်စီယမ်၊ ဖလောဗာနွိုက်၊ ဆာပိုနင်ဓာတ်တွေ ကြွယ်ဝပါတယ်။ ရေငန်းသီး ကို ရံဖန်ရံခါ စားသင့်တဲ့အကြောင်းရင်း ရေငန်းသီး ကျန်းမာရေးအတွက် ဘယ်လို အကျိုးပြုတာလဲ ဆိုတော့ - မျက်စိကျန်းမာရေး မျက်စိအတွက် ကောင်းတဲ့ အစားအစာဆိုရင် မုန်လာဥနီကို ပြေးမြင်ကြမှာပါ။ ဒါပေမယ့် အသီးတွေမှာလည်း မျက်စိအတွက် မရှိမဖြစ်လိုအပ်တဲ့ ဘီတာကယ်ရိုတင်းတွေ ပါဝင်ပါတယ်။ မုန်လာဥနီစားရတာ ငြီးငွေ့လာပြီဆိုရင် ရေငန်းသီးကို အစားထိုးစားသုံးလို့ ရလောက်တဲ့ အာနိသင်ရှိပါတယ်။ ဝမ်းပျက်ဝမ်းလျှောခြင်း ဝမ်းပျက်နေတယ်ဆိုရင် အရင်ဆုံး ဝမ်းပိတ်ဆေး မသောက်ပါနဲ့ဦး။ ဝမ်းပျက်ဝမ်းလျှောခြင်းကို ကုသနိုင်တဲ့ အသီးတွေကို စားကြည့်လိုက်ပါ။ ရေငန်းသီးနုနုလေး စားပေးလိုက်ရင် ဝမ်းလျှောခြင်းအတွက် ဆေးတစ်ခွက်ပါပဲ။ ဆာလောင်မှုကိုလည်း […]

ပေါက်ပေါက်ကို ရုပ်ရှင်ကြည့်မှ ဝယ်စားလေ့ရှိကြပေမယ့် ကြိုက်ကိုကြိုက်လို့ မကြာခဏစားတတ်သူတွေ ရှိပါတယ်။ ပေါ့ပါးတဲ့ သရေစာတစ်မျိုးလို့ပဲ သိထားကြပြီး ဗိုက်လည်းမပြည့်၊ အာဟာရလည်းနည်းတယ် လို့ တချို့က ယူဆကြပါတယ်။ အမှန်က ပြောင်းဖူးပေါက်ပေါက် ဆိုတာ ကုန်ကြမ်းအရည်အသွေးနဲ့ ပြုလုပ်မှုအဆင့်ကို မူတည်ပြီး အာဟာရနဲ့ ဗီတာမင်ဓာတ်တွေ အများကြီးရရှိနိုင်တဲ့ စားစရာတစ်ခုဖြစ် ပါတယ်။ ကျန်းမာရေးနဲ့ ညီရဲ့လား ပြောင်းဖူးပေါက်ပေါက် မှာ ဗီတာမင်နဲ့သတ္တုဓာတ်တွေအပြင် အမျှင်ဓာတ်ပါဝင်မှုလည်း မြင့်မားပါတယ်။  သူ့ရဲ့ပင်ကိုအာနိသင်ကိုက အာဟာရတွေပြည့်ပေမယ့်လည်း ကျန်းမာရေးနဲ့ညီအောင် ပြုလုပ်မှ ကျန်းမာရေးနဲ့ညီမှာပါ။ အရောင်ဆိုးဆေးတွေ၊ သကြားအတုတွေ၊ ထောပတ်တွေနဲ့ အရသာပိုကောင်းအောင် ပြုပြင်စီမံလေ ကျန်းမာရေးနဲ့မညီလေပဲ ဖြစ်ပါတယ်။ ဒီလိုထပ်ပေါင်းထည့်တဲ့အရာတွေက အာဟာရဓာတ်နည်းသလို လူကိုအဝလွန်စေတာ၊ သွေးတွင်းအဆီတက်စေတာတွေဖြစ်စေနိုင်ပြီး တာရှည်ခံပစ္စည်းတွေပါရင် ပိုတောင်ဆိုးနိုင်ပါတယ်။ တာရှည်ခံတွေနဲ့ပြုလုပ်ထားတဲ့ ပေါက်ပေါက်တွေက ဆိုဒီယမ်ပါဝင်မှုလည်းမြင့်မားပါတယ်။ ဆိုဒီယမ်စားသုံးမှုများရင် သွေးတိုးအပြင် တခြားကျန်းမာရေးပြဿနာတွေပါ နောက်ဆက်တွဲ ဖြစ်လာနိုင်ပါတယ်။ တချို့ဆို […]

ဗီတာမင်နဲ့ သတ္တုဓာတ်တွေပါဝင်တဲ့ ကျောက်ဖရုံသီး က ဆီးချိုသမားတွေအတွက် အကောင်းဆုံးစားစရာတွေထဲပါဝင်သလို ကယ်လ်လိုရီ ပါဝင်မှုလည်းနည်းပါတယ်။ ကိုယ်အလေးချိန်လျှော့ချရာမှာ ကျောက်ဖရုံသီးကိုစားသုံးခြင်းက အထောက်အကူပေးနိုင်တယ်လို့ သိရပါတယ်။ ကျောက်ဖရုံသီး ရဲ့ ကျန်းမာရေးအကျိုးကျေးဇူး  ကျောက်ဖရုံသီး က ခန္ဓာကိုယ်အပူကိုငြိမ်းစေပြီး အဆိပ်အတောက်ကို ပြေစေလို့ ဟင်းချိုလေးချက်သောက်ရင်ပဲ အဆင်ပြေနေပြီလေ။ နောက်ထပ် သူ့ရဲ့ကျန်းမာရေးအကျိုးကျေးဇူးတွေကတော့ -  (၁) အစာအိမ်အနာတွေသက်သာစေ၊ အူတွင်းပိုးမွှားတွေ ရှင်းစေတယ် ကျောက်ဖရုံသီး က အစာအိမ်နဲ့အူတွင်းအမြှေးပါးမှာအနာဖြစ်ပေါ်ခြင်းကို ကုသရာမှာ အထောက်အကူပေးပါတယ်။ အစာအိမ်နဲ့အူလမ်းကြောင်းအတွင်းမှာရှိတဲ့ အန္တရာယ်ရှိဘက်တီးရီးယားအားလုံးကို ဖယ်ရှားရှင်းလင်းပေးနိုင်လို့ အစာအိမ်နဲ့အူလမ်းကြောင်းရောဂါပိုးဝင်ခြင်းတွေ၊ အစာမကြေခြင်းတွေ ကိုကာကွယ်ပြီးသားဖြစ်ပါတယ်။ (၂) ကိုယ်အလေးချိန်လျှော့ချရာမှာ အထောက်အကူပေးတယ် ကိုယ်အလေးချိန်လျှော့ချဖို့ စဉ်းစားနေတာဆိုရင် ကယ်လိုရီများတဲ့အစားအစာတွေနေရာမှာ အစားထိုးနိုင်ဖို့ အသင့်တော်ဆုံးကကျောက်ဖရုံသီးဖျော်ရည် သို့မဟုတ်ပြုတ်ကြော်ပဲဖြစ်ပါတယ်။ သူ့မှာ အာဟာရဓါတ်ကအပြည့်အဝ ပါရှိပြီးရေဓါတ်က ၉၆ ရာခိုင်နှုန်းပါဝင်ပါတယ်။ (၃) သွေးတိတ်စေတယ် ကျောက်ဖရုံသီးက သွေးတိတ်စေတဲ့ သဘာဝ အာနိသင် ရှိပါတယ်။ပြင်ပဒဏ်ရာ အတွက် ကုသဖို့ […]

ခါးသက်သက်အရသာရှိပြီး ပြုတ်တို့ရင် စားလို့ကောင်းတဲ့ ကြက်ဟင်းခါးရွက် လေးတွေကလည်း ကြက်ဟင်းခါးသီးလိုပဲ ဆေးဖက်ဝင်ပါတယ်။ ဘယ်လို ကျန်းမာရေးအခြေအနေတွေအတွက် ကြက်ဟင်းခါးရွက် လေးကို သုံးလို့ရလဲဆိုတာ ဒီဆောင်းပါးလေးထဲမှာ ဖတ်ကြည့်လိုက်ပါ။ ကြက်ဟင်းခါးရွက် ဆိုတာ အစိမ်းရောင်ရှိပြီး နှာမောင်းလေးတွေနဲ့ အရိုးတံခပ်ပျော့ပျော့ စိမ်းစိမ်းလေးတွေပါ။ အပွင့် ဝါဝါလေးတွေ ပွင့်တတ်ပြီး နွယ်ပင်တစ်မျိုးပါ။ ကြီးထွားတာလည်း မြန်ပါတယ်။ ဘယ်လိုအာဟာရဓာတ်တွေပါလဲ.............. ကြက်ဟင်းခါးရွက်မှာ ကာဗိုဟိုက်ဒရိတ် ပရိုတင်း ဗီတာမင် K ဗီတာမင် B6 ဗီတာမင် B9 ဗီတာမင် B2 ဗီတာမင် C နဲ့ သံဓာတ် ကယ်လ်ဆီယမ် ဖော့စဖရိတ်တို့ ပါဝင်နေပါတယ်။ ကြက်ဟင်းခါးရွက်ကပေးတဲ့ ကျန်းမာရေး ကြက်ဟင်းခါးရွက်ကို စားသုံးပေးတာက ဆီးချို ကာကွယ်နိုင်တယ် ကြက်ဟင်းခါးရွက်ကို ပြုတ်တို့တာဖြစ်ဖြစ် အရွက်ကို ကြိတ်ခြေပြီး ရလာတဲ့ သတ္တုရည်ကို သောက်ပေးတာဖြစ်ဖြစ်၊ ပြုတ်ရည်ကိုသောက်တာဖြစ်ဖြစ် လုပ်ပေးမယ်ဆိုရင် အမျိုးအစား - ၂ ဆီးချိုရောဂါကို သက်သာစေနိုင်မှာဖြစ်သလို […]

နိုကိုဥဟာ မြန်မာပြည်မှာ အရမ်းခေတ်မစားတဲ့ အသီးအနှံတစ်မျိုးဖြစ်ပါတယ်။ ဂေါ်ဖီထုပ်နွယ်ဝင် အပင်တစ်မျိုးဖြစ်ပြီးတော့ အအေးပိုတဲ့ဒေသတွေမှာ အဓိကစိုက်ပျိုးကြလေ့ရှိပါတယ်။ မြန်မာပြည်မှာတော့ ရှမ်းပြည်ဘက်မှာ အဓိက စိုက်ပျိုးပြီး မန္တလေးအပါအဝင် အထက်မြန်မာပြည်က ဒေသတစ်ချို့မှာတော့ ဆောင်းရာသီကာလတွေမှာ ပမာဏအနည်းငယ်ခန့် စိုက်ပျိုးတာမျိုးရှိပါတယ်။ ဥရောပမျိုးရင်းအပင်တစ်မျိုးဖြစ်တဲ့ နိုကိုဥကို အနောက်နိုင်ငံတွေမှာသာမက အာရှနိုင်ငံတစ်ချို့မှာလည်း လူကြိုက်များတဲ့ အစားအစာတစ်ခုဖြစ်ပြီး ကျန်းမာရေးနဲ့ ညီညွတ်တဲ့ အသီးအနှံတစ်ခုအဖြစ် ထင်ရှားပါတယ်။ များသောအားဖြင့် နိုကိုဥကို ချက်ပြုတ်စားကြသလို ကင်တာ၊ သုပ်တာ၊ ပြုတ်တာ၊ ပေါင်းတာနဲ့ အစိမ်းအတိုင်း စီမံစားတာတွေလည်း ပြုလုပ်ကြပါတယ်။ နိုကိုဥဟာ အမည်မှာသာ ဥပါဝင်နေပေမယ့် တကယ်တမ်းတော့ ဥမျိုးနွယ်ဝင်မဟုတ်ပါဘူး။ ဂေါ်ဖီ၊ ပန်းဂေါ်ဖီနဲ့ ဘရိုကိုလီတို့နဲ့သာ မျိုးနွယ်ချင်းဆက်စပ်မှုရှိပါတယ်။ နိုကိုဥရဲ့ အင်္ဂလိပ်အခေါ်အဝေါ်က (Kohlrabi) ဖြစ်ပြီးတော့ German Turnip လို့လည်း လူသိများပါတယ်။ မြန်မာပြည်မှာတော့ ဗီတွတ်ဥ […]