home

What are your concerns?

close
Inaccurate
Hard to understand
Other

သို့မဟုတ် လင့်ခ်ကူးယူမည်

လူငယ်တွေရဲ့ ကျန်းမာရေးက ဘာလို့အရေးကြီးတာလဲ..ဘယ်လိုဂရုစိုက်ပေးရမလဲ

လူငယ်တွေရဲ့ ကျန်းမာရေးက ဘာလို့အရေးကြီးတာလဲ..ဘယ်လိုဂရုစိုက်ပေးရမလဲ

ယနေ့ လူငယ် နောင်ဝယ်လူကြီးဆိုတဲ့ စကားကို ကြားဖူးကြမယ်ထင်ပါတယ်။ ကောင်းမွန်တဲ့ အနာဂတ် ကမ္ဘာကြီးကို ဖန်တီးချင်ရင် လူငယ်တွေကို ငယ်စဉ်ကတည်းက အကောင်းဆုံး ပျိုးထောင်ပေးဖို့ လိုပါမယ်။ ဒီလို ပျိုးထောင်ပေးတယ်ဆိုတဲ့ နေရာမှာ စိတ်ရော ကိုယ်ပါ ကျန်းမာပြီး တက်ကြွဖျတ်လတ်တဲ့ လူငယ်လေးတွေ ဖြစ်အောင် ပျိုးထောင်ဖို့ လိုပါမယ်။

ဒါမှ သူတို့လေးတွေရဲ့ ကိုယ်တိုင် အနာဂတ်ရော လူသားတွေရဲ့ အနာဂတ်ပါ လှပမှာ ဖြစ်ပါတယ်။ ဒီတော့ ဆယ်ကျော်သက် သားသမီးတွေကို ဘယ်လိုများ ဂရုစိုက်ပေးမလဲ။ သိချင်ရင် ဆောင်းပါးလေးထဲမှာ ဖတ်ကြည့်လိုက်ပါ။

လူငယ်တွေရဲ့ ကျန်းမာရေး အရေးကြီးသလား………..

ကျန်းမာရေးက လူတိုင်းအတွက် အရေးပါပါတယ်။ ဘေဘီလေး ဘဝကစလို့ ဆယ်ကျော်သက်၊ သတ်လတ်ပိုင်း၊ ဖိုးဖိုးဖွားဖွား အရွယ်အထိ ကျန်းမာရေးက ထိပ်ဆုံးက အရေးပါတဲ့အရာပါ။

အသိပညာကြွယ်ဝပြီး ကောင်းမွန်တဲ့ အနာဂတ်ကို တည်ဆောက်နိုင်စေဖို့ ဆိုရင်တော့ လေ့လာသင်ယူပြီး တိုးတက်ဖို့ အရှိန်ယူနေတဲ့ ဆယ်ကျော်သက်အရွယ် ကလေးတွေကို သေချာ ကျန်းမာအောင် ဂရုစိုက်ပေးဖို့ လိုပါမယ်။ ကောင်းမွန်တဲ့အရာတွေကို ဖန်တီးမယ့် လက်တစ်စုံကို ပိုင်ဆိုင်ထားတဲ့ လူငယ်တွေကို ကောင်းမွန်တဲ့ အနာဂတ်တွေ ဖန်တီးနိုင်စေဖို့ဆိုရင် သူတို့လေးတွေရဲ့ ကျန်းမာရေးကို သေချာ ဂရုစိုက်ဖို့ လိုမယ်ဆိုတာ အသေအချာပါ။

လူငယ်တွေ ကျန်းမာစေဖို့ ဘယ်လို ဂရုစိုက်ပေးမလဲ……..

ဆယ်ကျော်သက်အရွယ် သားသားမီးမီးတို့ ကျန်းမာစေဖို့ ဆိုရင်

အာဟာရ ပြည့်ဝအောင် ပြင်ဆင်ပေးပါ

ဆယ်ကျော်သက်တွေမှာ အဖြစ်များတဲ့ အဝလွန်တာ၊ အာဟာရချို့တဲ့တာတွေ ကင်းစေဖို့နဲ့ ကလေးကို သင်ယူနိုင်စွမ်း စဉ်းစားတွေးခေါ်နိုင်စွမ်း ကောင်းမွန်စေဖို့ အာဟာရပြည့်ဝအောင် ကျွေးပေးသင့်ပါတယ်။ ကာဗိုဟိုက်ဒရိတ်၊ ပရိုတင်း၊ ကယ်လ်လိုရီ၊ အဆီ၊ အမျှင်ဓာတ်၊ ဗီတာမင် နဲ့ သတ္တုဓာတ်တွေပြည့်ဝ မျှတစွာ ပါဝင်အောင် ပြင်ဆင်ပေးဖို့ လိုပါမယ်။

ဒါမှ ရုပ်ပိုင်းဆိုင်ရာရော စိတ်ပိုင်းဆိုင်ရာပါ ကျန်းမာစေမှာပါ။

ကိုယ်လက်လေ့ကျင့်ခန်း လုပ်စေပါ

နေ့စဉ် စာတွေ၊ သင်ယူစရာတွေ များလွန်းတာကြောင့် မအားဘူးဆိုရင်တောင် အထိုင်များတဲ့ ဘဝနေထိုင်မှုပုံစံကနေ ၁၅ မိနစ်လောက် ရုန်းထွက်ခွင့်ပေးလိုက်ပါ။ တစ်နေ့တာမှာ အနည်းဆုံး ၁၅ မိနစ်လောက် ကိုယ်လက်လေ့ကျင့်ခန်း လုပ်ပေးတာက စိတ်ရော ကိုယ်ပါ ကျန်းမာစေဖို့ အကောင်းဆုံး အထောက်အကူပြုပေးနိုင်ပါတယ်။

ကျန်းမာတဲ့ ကိုယ်အလေးချိန် ထိန်းပေးပါ

ကျန်းမာတဲ့ ကိုယ်အလေးချိန် ထိန်းသိမ်းတာက အဝလွန်တာကြောင့် ဖြစ်လာနိုင်တဲ့ နောက်ဆက်တွဲ ကျန်းမာရေး ပြဿနာတွေကို ကာကွယ်ရာ ရောက်ပါတယ်။ဒါတင်မကဘဲ အသက်အရွယ်ရလာတဲ့အခါ ခံစားရနိုင်တဲ့ နာတာရှည်ရောဂါတွေ ဖြစ်တဲ့ ဆီးချို၊ သွေးတိုး၊ နှလုံးရောဂါတွေကိုပါ ကာကွယ်ပေးရာ ရောက်ပါတယ်။

သင့်တင့်တဲ့ ကိုယ်အလေးချိန် နဲ့ အရပ်အမြင့်ကိုလည်း ရရှိစေမှာပါ။

တစ်ကိုယ်ရေ သန့်ရှင်းရေး ဂရုစိုက်ပါ

ငယ်စဉ်ကတည်းက တစ်ကိုယ်ရေသန့်ရှင်းရေး ဂရုစိုက်တာက စိတ်ရော ကိုယ်ပါ ကျန်းမာစေဖို့ အကောင်းဆုံး ထောက်ပံ့ပေးနိုင်ပါတယ်။ တစ်ကိုယ်ရေကျန်းမာရေး အလေ့အထကောင်းတွေ သင်ပေးတာက ကလေးကို တစ်သက်လုံး ကျန်းမာပျော်ရွှင်စေမယ့် အမွေကို ပေးတာပါ။

နားထောင်ပေးပါ

ကလေးက သူ့ရဲ့ အတွေ့အကြုံ အခက်အခဲတွေကို ရင်ဖွင့်လာတဲ့အခါ နားထောင်ပေးပါ။ အကြံပေးပါ။ ဒါကလည်း ကလေးကို စိတ်ကျန်းမာစေဖို့ အကောင်းဆုံး ထောက်ပံ့ပေးတာပါပဲ။ ကလေးနဲ့ မိဘကြားမှာလည်း ချစ်ခြင်းမေတ္တာ တိုးစေပါတယ်။

ချစ်ပေးပါ

ကလေးတစ်ယောက် ကျန်းမာပျော်ရွှင်စေဖို့ အရေးအပါဆုံးက မိဘကနေ ချစ်ပေးဖို့ပါ။ ချစ်ခြင်းမေတ္တာ ပြည့်ဝစွာ ရရှိတဲ့ ကလေးတွေက ကျန်းမာပျော်ရွှင် ကြပါတယ်။

အပြောင်းအလဲတွေကို ရင်ဆိုင်နေရတဲ့ ဆယ်ကျော်သက်လေးတွေကို ချစ်ပေးတာက ကောင်းမွန်တဲ့ ရလဒ်တွေကို ရရှိစေမှာပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ရင်းမြစ်များ

Maternal, newborn, child and adolescent health https://www.who.int/maternal_child_adolescent/topics/adolescence/development/en/ Accessed Date 11 August 2020

Parenting skills: Tips for raising teens https://www.mayoclinic.org/healthy-lifestyle/tween-and-teen-health/in-depth/parenting-tips-for-teens/art-20044693 Accessed Date 11 August 2020

စာရေးသူ ဓာတ်ပုံbadge
Aye Thi Mon မှ ရေးသားသည်။ 12/08/2020 တွင် ပြန်လည်ပြင်ဆင်ခဲ့သည်။
Dr. Phyo Wai Lynn မှ အချက်အလက် စစ်ဆေးထားပါသည်။