ဆယ်ကျော်သက်နှင့်လူငယ်ကျန်းမာရေးပြဿနာများ

ဆယ်ကျော်သက်အရွယ်မှာ ဘယ်လို ကျန်းမာရေး ပြဿနာတွေ ကြုံရနိုင်လဲ။ ဖြေရှင်းနည်းတွေက ဘာတွေလဲဆိုတာကို ဒီကဏ္ဍလေးထဲမှာ လေ့လာကြည့်လို့ ရပါတယ်။

ကျန်းမာရေးဗဟုသုတ

ဆယ်ကျော်သက်နှင့်လူငယ်ကျန်းမာရေးပြဿနာများ

လူငယ်တွေရဲ့ ကျန်းမာရေးက ဘာလို့အရေးကြီးတာလဲ..ဘယ်လိုဂရုစိုက်ပေးရမလဲ

ယနေ့ လူငယ် နောင်ဝယ်လူကြီးဆိုတဲ့ စကားကို ကြားဖူးကြမယ်ထင်ပါတယ်။ ကောင်းမွန်တဲ့ အနာဂတ် ကမ္ဘာကြီးကို ဖန်တီးချင်ရင် လူငယ်တွေကို ငယ်စဉ်ကတည်းက အကောင်းဆုံး ပျိုးထောင်ပေးဖို့ လိုပါမယ်။ ဒီလို ပျိုးထောင်ပေးတယ်ဆိုတဲ့ နေရာမှာ လူငယ်တွေရဲ့ ကျန်းမာရေးက အရေးကြီးတာကြောင့် စိတ်ရော ကိုယ်ပါ ကျန်းမာပြီး တက်ကြွဖျတ်လတ်တဲ့ လူငယ်လေးတွေ ဖြစ်အောင် ပျိုးထောင်ဖို့ လိုပါမယ်။ ဒါမှ သူတို့လေးတွေရဲ့ ကိုယ်တိုင် အနာဂတ်ရော လူသားတွေရဲ့ အနာဂတ်ပါ လှပမှာ ဖြစ်ပါတယ်။ ဒီတော့ ဆယ်ကျော်သက် သားသမီးတွေကို ဘယ်လိုများ ဂရုစိုက်ပေးမလဲ။ သိချင်ရင် ဆောင်းပါးလေးထဲမှာ ဖတ်ကြည့်လိုက်ပါ။ လူငယ်တွေရဲ့ ကျန်းမာရေးက အရေးကြီးသလား........... ကျန်းမာရေးက လူတိုင်းအတွက် အရေးပါပါတယ်။ ဘေဘီလေး ဘဝကစလို့ ဆယ်ကျော်သက်၊ သတ်လတ်ပိုင်း၊ ဖိုးဖိုးဖွားဖွား အရွယ်အထိ ကျန်းမာရေးက ထိပ်ဆုံးက အရေးပါတဲ့အရာပါ။ အသိပညာကြွယ်ဝပြီး […]

ဆယ်ကျော်သက်နှင့်လူငယ်ကျန်းမာရေးပြဿနာများ နဲ့ ပတ်သက်သော အကြောင်းအရာများကို ပိုမိုသိရှိလိုသည်

ဆယ်ကျော်သက်နှင့်လူငယ်ကျန်းမာရေးပြဿနာများ

ဆယ်ကျော်သက်အရွယ် မိန်းကလေးတွေမှာ ကြုံရတဲ့စိန်ခေါ်မှုတွေကို ဘယ်လိုကျော်လွှားကြမလဲ

အရွယ်ရောက်လာတာနဲ့အမျှ ရင်ဆိုင်ရတဲ့ အခြေအနေတွေကလည်း ကလေးဘဝကထက် ခက်ခဲလာပါတယ်။ ကလေးတုန်းက ဘယ်လိုနေနေ သင့်တော်ပေမယ့် အရွယ်ရောက်လာရင် အနေအထိုင်ကတော်တော်လေးဂရုစိုက်ရပါတယ်။ ဘယ်လိုနေနေ ဖေဖေမေမေတို့မျက်စိထဲမှ အမြင်မတော်တာတွေ ကြုံတဲ့အခါများဆိုရင် အလိုလိုနေရင်းကို စိတ်ညစ်နေရရောနော်။ ဒီမှာတော့ ဆယ်ကျော်သက်အရွယ် မိန်းကလေးတွေမှာ ဘယ်လိုပြဿနာမျိုးတွေကို ရင်ဆိုင်ရနိုင်မလဲဆိုတာနဲ့ ဘယ်လိုကျော်ဖြတ်ကြမလဲဆိုတာကို ပြောပြပေးထားပါတယ်။ ဆယ်ကျော်သက်အရွယ် မိန်းကလေးတွေမှာ ကြုံတွေ့ရမယ့် အခက်အခဲတွေ အရွယ်ရောက်လာတာနဲ့အမျှ ရုပ်ပိုင်းဆိုင်ရာ ပြောင်းလဲမှုတွေရော၊ စိတ်ပိုင်းဆိုင်ရာ ပြောင်းလဲမှုတွေပါ ခံစားရပါတယ်။ ကလေးဘဝက မြင်တွေ့ခဲ့ရတဲ့ ကိုယ်ခန္ဓာကိုယ်က စတင်ပြောင်းလဲလာပြီ။ အရင်က အင်္ကျီပဲကောက်စွပ်လိုက်ရင် အဆင်ပြေနေပြီကို အတွင်းခံထပ်တိုးဝတ်ရတာက စိတ်ညစ်စရာဖြစ်လာပြီ။ ရင်သားတွေ စတင်ဖွံ့ဖြိုးလာသလို ခန္ဓာကိုယ်က မိန်းကလေးတစ်ယောက်လို့ ပီပီပြင်ပြင်ဖြစ်ပေါ်လာပြီ။ အစ်ကိုတွေ၊မောင်တွေနဲ့ ကစားရတာကအရင်လောက် ယုံကြည်မှု မရှိတော့ဘူး။ ဘောလုံးကန်ရတာ ကြိုက်ပေမယ့်တောင် ယောက်ျားလေးတွေနဲ့ ရောကစားရတာ တစ်မျိုးဖြစ်လို့ သိပ်မကစားဖြစ်တော့ဘူး။ […]

ဆယ်ကျော်သက်နှင့်လူငယ်ကျန်းမာရေးပြဿနာများ

ဆယ်ကျော်သက်အရွယ် သားသမီးရှိသူမိဘတိုင်း ဖတ်ထားသင့်တဲ့ အကြောင်းအရာ

မိဘတစ်ယောက်ဖြစ်လာပြီဆိုရင် ဆယ်ကျော်သက်အရွယ် သားသမီးကိုနားလည်နိုင်ဖို့အတွက် ပိုအဆင်ပြေတဲ့အချက်တစ်ချက်က ကိုယ်လည်းဒီအရွယ်ကိုကျော်ဖြတ်ခဲ့ဖူးတယ်ဆိုတာပါပဲ။ အသက် ၉ နှစ်လောက်ရောက်ပြီဆိုရင် ကလေးမှာ ရုပ်ပိုင်းဆိုင်ရာအပြောင်းအလဲတချို့ဖြစ်လာပြီးလောက်ပါပြီ။ နောက်သုံးနှစ်လောက်ကြာတဲ့အခါ သား သို့မဟုတ် သမီးလေးက မြီးကောင်ပေါက်လို့ခေါ်ကြတဲ့ အရွယ်ကို လုံးလုံး ရောက်ရှိသွားတော့မှာပါ။ အဲဒီအချိန်ကျရင်တော့ ခန္ဓာကိုယ်မှာပဲ အပြောင်းအလဲတွေဖြစ်မှာမဟုတ်တော့ပါဘူး။ စိတ်ပိုင်းဆိုင်ရာရော၊ အပြုအမူပိုင်းမှာပါ ပြောင်းလဲလာပါလိမ့်မယ်။ ဆယ်ကျော်သက်အရွယ် သားသမီးရှိသူမိဘတိုင်း ဖတ်ထားသင့်တဲ့ အကြောင်းအရာ ဆယ်ကျော်သက်အရွယ် သားသမီးရှိသူမိဘတိုင်း ဖတ်ထားသင့်တဲ့ အကြောင်းအရာတွေကတော့ အပြုအမူအပြောင်းအလဲ အများအားဖြင့် ဒီအဆင့်ကိုဖြတ်ကျော်ရတော့မယ့် ဆယ်ကျော်သက်တိုင်းဟာ အပြုအမူပိုင်းမှာ တစ်နည်းမဟုတ် တစ်နည်း ပြောင်းလဲလာတတ်ပါတယ်။ ဆယ်ကျော်သက်ကလေးတွေကို ထိန်းသိမ်းဖို့အတွက် အခက်အခဲဖြစ်ရတဲ့အချက်က ဒီအဆင့်မှာ ကလေးတွေက အကြောက်တရားနည်းပြီး လွတ်လပ်ခွင့်နဲ့ပတ်သက်တဲ့အတွေးမှားတွေရှိတတ်တာပါ။ ဒီလိုဖြစ်ရတာက မိန်းကလေးရော၊ ယောကျာ်းလေးမှာပါ ခန္ဓာကိုယ်တွင်းဟော်မုန်းအပြောင်းအလဲတွေကြောင့်ပါ။ ဒါပေမယ့် ဒီအနေအထားမှာ မိဘတစ်ယောက်အနေနဲ့ ဘယ်လောက်ကောင်းကောင်းအားပေးစောင့်ရှောက်သလဲဆိုတာပေါ် အများကြီးမူတည်နေပါတယ်။ သားဖြစ်သူ၊ သမီးဖြစ်သူရဲ့ဖွံ့ဖြိုးမှုအတွက်က မိဘဆိုတာ အဓိကကျောထောက်နောက်ခံတစ်ခုပါပဲ။ […]

ဆယ်ကျော်သက်နှင့်လူငယ်ကျန်းမာရေးပြဿနာများ

ဆယ်ကျော်သက်တွေ သုံးတတ်တဲ့ မူးယစ်ဆေးမဟုတ်သော မူးယစ်ဆေးများ

ဆယ်ကျော်သက်တွေ သုံးတတ်တဲ့ မူးယစ်ဆေးမဟုတ်သော မူးယစ်ဆေးများ ဆယ်ကျော်သက်ဆိုတာ အင်မတန် လက်တည့်စမ်းတတ်ကြသူတွေပါ။ ဆေးလိပ်၊အရက်က စလို့ မူးယစ်ဆေးဝါးအထိလည်း အဖော်ကောင်းရင်ကောင်းသလို စမ်းတတ်ကြပါတယ်။ ဒီအရွယ်လေးတွေဖို့ မူးယစ်ဆေးဝါးအများစုဟာ ဈေးကြီးသလို လက်လှမ်းလည်း သိပ်မမှီတတ်ကြပါဘူး။ ဒါပေမယ့် မဟုတ်တဲ့နေရာမှာဆို ဉာဏ်ကောင်းလေ့ရှိကြတဲ့ 'တလွဲဆံပင်ကောင်းတတ်သူ'တို့ ထုံးစံအတိုင်း မူးယစ်ဆေးမဟုတ်သော မူးယစ်ဆေးတွေကို အတတ်စမ်းကြပါတော့တယ်။ ဘယ်လိုမျိုးပါလိမ့်လို့ တွေးမနေပါနဲ့။ ဒီဆောင်းပါးလေးကို ဖတ်ကြည့်လိုက်ပါဦး။ (၁) ချောင်းဆိုးပျောက်ဆေးရည် နှစ်နှစ်သားကလေးတောင် ပိုက်ဆံပါရင် ဆေးဆိုင်မှာ သွားဝယ်လို့ရတဲ့ ချောင်းဆိုးပျောက်ဆေးပုလင်း အိမ်မှာရှိနေတာကို ဘယ်မိဘမှ အထူးတလည် ဂရုစိုက်မိမယ် မထင်ပါဘူး။ ဒါပေမယ့် ဒီချောင်းဆိုးပျောက်ဆေးရည်တွေကို ပမာဏများများသောက်သုံးရင် သင့်စိတ်နဲ့အာရုံကို ပြောင်းလဲစေတတ်တဲ့အပြင် ခန္ဓာကိုယ်အပြင်ကို သင့်စိတ်ဝိညာဉ်လွင့်မျောသွားသလို ခံစားရပါလိမ့်မယ်။ ချောင်းဆိုးပျောက်ဆေးရည်ဟာ စွဲတတ်ပါတယ်။ အလွန်အကျွံသောက်သုံးရင် (အထူးသဖြင့် အရက်နဲ့ တွဲစပ်သောက်သုံးရင်) သင့်နှလုံးခုန်နှုန်းနဲ့ အသက်ရှူနှုန်းကို နှေးသွားစေတဲ့အတွက် […]

ဆယ်ကျော်သက်နှင့်လူငယ်ကျန်းမာရေးပြဿနာများ

သင်၏ ၈နှစ်မှ ၁၂နှစ်အရွယ် ကလေးသည် PE ကိုမကြိုက် ပါက ဘယ်လိုလုပ်မလဲ

လူပျိုပေါက်မဖြစ်မီအရွယ် ၈နှစ်မှ ၁၂နှစ်သည် ဖွဲ့ဖြိုးဆဲ အဆင့်တစ်ခု ဖြစ်သည်။ အစောပိုင်း ကလေးဘဝနှင့် လူပျို ပေါက် အရွယ်ကြား ဖြစ်သည်။ ဤအရွယ်တွင် ကိုယ်ကာယ ပညာရေး (PE) သည် ကလေး၏ ဖွံ့ဖြိုးမှုအတွက် အလွန်အရေး ပါသည်။ သို့သော်လည်း တစ်နေ့တွင် သင့်ကလေးသည် PE ကို မုန်းသည်ဟုလာပြောပါက ဘယ်လိုလုပ်မည်နည်း။ ကိုယ်ကာယ ပညာရေးကို သင့်ကလေး စိတ်ဝင်စားလာအောင် သင် ဘယ်လိုလုပ်သင့် သလဲ။   သင့်ကလေးသည် အားကစားအား ဘာကြောင့်မုန်းသလဲကို သိရှိအောင် ဖော်ထုတ်ပါ။ သင်သည် ဆရာများ၊ သင့်ကလေး၏ သူငယ်ချင်းများ၊ နည်းပြများဖြင့် ဆွေးနွေးခြင်း သို့မဟုတ် သူတို့၏ အပြုအမူ ကို ဖော်ထုတ်ခြင်းဖြင့် သင့်ကလေး ဘာကြောင့် အားကစား ကို မကြိုက်သည်ကို သင်တွေ့ရှိနိုင်သည်။ […]

ဆယ်ကျော်သက်နှင့်လူငယ်ကျန်းမာရေးပြဿနာများ

ဆယ်ကျော်သက်အရွယ် sexting

Sexting ဆိုတာဘာလဲ။ Sexting ကို sex texting လို့လဲ သိကြပြီး လက်ကိုင်ဖုန်း သို့မဟုတ် အင်တာနက်မှာတဆင့် ဗီဒီယို၊ စာတို၊ လိင်ပိုင်းဆိုင်ရာ ပုံများကို အတိအလင်း ပေးပို့ခြင်း၊ လက်ခံခြင်း၊ သို့မဟုတ် တဆင့်ပို့ခြင်းတို့ကို ဆိုလိုပါတယ်။ Sexting မှာ ဥပမာအများအပြားရှိပါတယ်။ - ဝတ်လစ်စလစ် သို့မဟုတ် ဝတ်လစ်စလစ်နီးပါး ဓါတ်ပုံ သို့မဟုတ် selfies - ဝတ်လစ်စလစ်၊ သံဝါသ၊ သို့မဟုတ် လိင်စိတ်လှုံ့ဆော်သော အခန်းများပါတဲ့ ဗီဒီယိုများ - သံဝါသအပြုအမူ သို့မဟုတ် သံဝါသပြုဖို့ ရည်ညွှန်းသော စာတိုများ ဆယ်ကျော်သက်တွေ ဘာလို့ sext လုပ်ကြတာလဲ။ ဆယ်ကျော်သက်တွေ sext လုပ်တဲ့အတွက် အပြစ်တင်ရမယ့် အကြောင်းအရာတွေ အများကြီးပါပဲ။ - ဟာသအဖြစ် လုပ်ခြင်း၊ အာရုံစိုက်မှု ခံလိုခြင်း - သူငယ်ချင်းတွေရဲ့ ဖိအားပေးမှု - ဆွဲဆောင်မှု တစ်မျိုး - […]

ဆယ်ကျော်သက်နှင့်လူငယ်ကျန်းမာရေးပြဿနာများ

လူပျိုဖော်/အပျိုဖော် အဝင်စောတာကို ဘယ်လိုသိမလဲ၊ ဘယ်လို ကုသမလဲ

လူပျိုဖော်/အပျိုဖော်အဝင်စောတယ်ဆိုတာမိန်းကလေးတယောက်အတွက်အသက်ရှစ်နှစ်မတိုင်ခင်ဒါမှမဟုတ်ယောက်ျားလေးတယောက်အတွက်အသက်ကိုးနှစ်မတိုင်ခင်ကြီးကောင်ဝင်တဲ့လက္ခဏာပြောင်းလဲမှုတွေသူတို့ခန္ဓါမှာ ဖြစ်ပေါ်လာတာကိုဆိုလိုပါတယ်။ လူပျိုဖော်/အပျိုဖော်စောဝင်တာကိုဘယ်လိုသိနိုင်မလဲ။ အထက်မှာဖော်ပြခဲ့တဲ့အသက်တွေမတိုင်ခင်ကြီးကောင်ဝင်တဲ့ရုပ်ပိုင်းဆိုင်ရာပြောင်းလဲမှုတွေပေါ်လာလေ့ရှိပါတယ်။ မိန်းကလေးတွေမှာဆိုရင်ဒီပြောင်းလဲမှုလက္ခဏာတွေကရင်သားကြီးထွားလာခြင်းနဲ့ပထမဆုံးရာသီပန်းစပွင့်တာပဲ ဖြစ်ပါတယ်။ ယောက်ျားလေးတွေမှာဆိုရင်လိင်တံနဲ့ကပ္ပါယ်အိတ်ကြီးလာတာ၊မျက်နှာမှာအမွှေးအမျှင်(မုတ်ဆိတ်မွှေး၊နှုတ်ခမ်းမွှေးစသည်)တွေပေါက်လာတာနဲ့အသံပြောင်းလာတာစသဖြင့် ဖြစ်ကြပါတယ်။ ယောက်ျားလေးရောမိန်းကလေးပါတွေ့ကြုံခံစားရမယ့်လက္ခဏာတွေကတော့ ခန္ဓါကိုယ်မှာအမွှေးအမျှင်တွေပေါက်လာတာ(ဆီးခုံဒါမှမဟုတ်ချိုင်းမှာ) လူကောင်အကြီး မြန်လာတာ။ ဝက်ခြံတွေထွက်လာတာ။ ခန္ဓါကိုယ်အနံ့ရှိလာတာစသဖြင့်ပေါ့။   ဘာလို့ဒီလိုစောစီးစွာကြီးကောင်ဝင်ရတာလဲ။ ဦးနှောက်ရဲ့ဖွဲ့စည်းတည်ဆောက်ပုံမှာ ပြဿနာရှိတာ (ဥပမာအကျိတ်ဖြစ်နေတာ)၊ခေါင်းထိခိုက်မိလို့ဦးနှောက်မှာဒါဏ်ရာရတာ၊ကူးစက်ပိုးဝင်တာ(ဥပမာဦးနှောက်အမြှေးပါးရောင်တာ) ၊သိုင်းရွိုက်ဂလင်းဒါမှမဟုတ်သားဥအိမ်မှာ ပြဿနာတွေရှိနေတဲ့အတွက်လူပျိုဖော်/အပျိုဖော်ဝင်တာကိုစောအောင်နှိုးဆွတာစတဲ့အကြောင်းအရာတွေကြောင့်စောစီးစွာကြီးကောင်ဝင်ရပါတယ်။ မိန်းကလေးအများစုမှာသိသာထင်ရှားသတိထားမိလောက်တဲ့အကြောင်းပြချက်ထူးထူးခြားခြားမရှိတတ်ပါဖူး။ ယောက်ျားလေးတွေမှာဒီလိုစောစီးစွာကြီးကောင်ဝင်တာက ဖြစ်လေ့သိပ်မရှိပါဖူး။ တခြားကျန်းမာရေးအခြေအနေတွေနဲ့ပိုဆက်စပ်ဖို့များပါတယ်။ စောစီးစွာကြီးကောင်ဝင်တဲ့ယောက်ျားလေးတွေရဲ့ငါးရာခိုင်နှုန်းဟာမျိုးရိုးဗီဇကြောင့် ဖြစ်ရတာပါ။   ဒီလိုအခြေအနေကိုဘယ်လိုသိရှိဖော်ထုတ်နိုင်မလဲ။ သင့်ကလေးမှာရုပ်ပိုင်းဆိုင်ရာပြောင်းလဲမှုတွေကိုတွေ့ရှိနေရပြီးနောက်မှာဆရာဝန်အနေနဲ့ဟော်မုန်းပြောင်းလဲမှုတွေကိုရှာဖွေဖော်ထုတ်နိုင်ဖို့အတွက်သွေးစစ်၊ဆီးစစ်တာတွေကို ပြုလုပ်ခိုင်းပါလိမ့်မယ်။ ဒါ့အပြင်အရိုးတွေ မြန်မြန်ဆန်ဆန်ကြီးထွားနေတာရှိမရှိသိနိုင်ဖို့အတွက်လက်ဒါမှမဟုတ်လက်ကောက်ဝတ်ကိုဓါတ်မှန်ရိုက်ပါလိမ့်မယ်။ ကင်ဆာကျိတ်လိုမျိုးတခြားအကြောင်းရင်းတွေကိုရှာဖွေဖော်ထုတ်နိုင်ဖို့အတွက်အခြားအခြားသောစစ်ဆေးမှုတွေ (ဥပမာ CT scan ရိုက်တာ)ကိုလည်း ပြုလုပ်ဖို့လိုကောင်းလိုပါလိမ့်မယ်။   စောစီးစွာကြီးကောင်ဝင်တာကိုဘယ်လိုကုသရမလဲ။ တကယ်လို့သင့်ကလေးဟာစောစီးစွာကြီးကောင်ဝင်တဲ့ ပြဿနာနဲ့ရင်ဆိုင်နေရတာသေချာပြီဆိုရင်ဟော်မုန်းဗေဒကျွမ်းကျင်ကလေးဆရာဝန်ဆီကိုလွှဲပါလိမ့်မယ်။ ဟော်မုန်းဗေဒကျွမ်းကျင်ကလေးဆရာဝန်ဟာကလေးတွေရဲ့ကြီးထွားမှုနဲ့ဟော်မုန်းဆိုင်ရာအပြောင်းအလဲ ပြဿနာတွေကိုအထူးပြုလေ့လာထားတဲ့ကျွမ်းကျင်သူတွေ ဖြစ်တာမို့သူတို့အနေနဲ့ဆက်လက်စမ်းသပ်စစ်ဆေးတာတွေပြုလုပ်ပြီးလိုအပ်သလိုကုသမှုပေးပါလိမ့်မယ်။ လိင်ပိုင်းဆိုင်ရာဖွံ့ဖြိုးမှုတွေကိုရပ်ပစ်ဖို့(ဖြစ်နိုင်ရင် ပြန်နည်းသွားအောင် ပြုလုပ်ဖို့)၊ခန္ဓါကိုယ်နဲ့အရိုးတွေလျင်မြန်စွာကြီးထွားတာကိုရပ်ပစ်ဖို့ဟာဒီကုသမှုရဲ့အဓိကရည်ရွယ်ချက်ဖြစ်ပါတယ်။ ဘာလို့လဲဆိုတော့ဒီအခြေအနေတွေဟာအသက်ကြီးလို့အရွယ်ရောက်လာတဲ့အခါလူကောင်ပုသေးတာမျိုး ဖြစ်သွားစေနိုင်တဲ့အတွက်ဖြစ်ပါတယ်။ အဓိကကုသပေးမယ့်နည်းလမ်းနှစ်သွယ်ကတော့ နောက်ကွယ်ကအဓိကလက်သည်အကြောင်းရင်းကိုရှာဖွေကုသတာ (ကင်ဆာလိုမျိုး)။ ကြီးထွားဖွံ့ဖြိုးမှုကိုရပ်ပစ်ဖို့ကျား/မဟော်မုန်းတွေရဲ့ပမာဏကိုဆေးတွေပေးပြီးထိန်းပေးတာ။ အခုလက်ရှိတွင်တွင်ကျယ်ကျယ်သုံးနေကြတဲ့ဟော်မုန်းဆိုင်ရာကုသမှုကတော့ LHRH analogs လို့ခေါ်တဲ့ဆေးတွေပေးပြီးကုသတာပါပဲ။LHRH analogs တွေဆိုတာလူပျိုဖော်/အပျိုဖော်အဝင်စောခြင်းမှာအဓိကတာဝန်ရှိတဲ့ကျား/မဟော်မုန်းတွေထွက်ရှိမှုကိုတားဆီးပိတ်ပင်ပေးနိုင်တဲ့ (ဓါတ်ခွဲခန်းမှာဖန်တီးပြုလုပ်ထားသော) ဟော်မုန်းတွေပဲ ဖြစ်ပါတယ်။ ဒီဟော်မုန်းဆေးအသုံးပြုပြီးတစ်နှစ်အတွင်းမှာပဲအင်မတန်သိသာထင်ရှားတဲ့အကျိုးရလာဒ်တွေကိုရရှိလေ့ရှိပါတယ်။ ဒါ့အပြင် LHRH analogs […]

ဆယ်ကျော်သက်နှင့်လူငယ်ကျန်းမာရေးပြဿနာများ

ဆယ်ကျော်သက်အရွယ် သွေးအားနည်းရောဂါအကြောင်း သိကောင်းစရာ

ကျောင်းလုပ်ငန်းစဉ်များ၊ လူမှုရေးလုပ်ငန်းစဉ်များ လုပ်နေရခြင်းကြောင့် သင်၏ဆယ်ကျော်သက်ကလေးငယ်သည် အလွန်ပင်ပန်းနွမ်းနယ်နေသည်ဟု မိဘအများစုကထင်ကြပါသည်။ သင့်ကလေးကို ပင်ပန်းနွမ်းနယ်စေသည့် အကြောင်းအရင်းများစွာရှိသည်မှာ မှန်ကန်ပါသည်။ သို့သော်လည်းဆေးပညာအရဆိုလျှင်တော့အဖြစ်အများဆုံးသည် သွေးအားနည်းခြင်း ပြဿနာကြောင့်ပင်ဖြစ်ပါသည်။ သွေးအားနည်းခြင်းဆိုသည်မှာအဘယ်နည်း။ သွေးအားနည်းခြင်းဆိုသည်မှာ သွေးထဲတွင်သွေးနီဥ သို့မဟုတ် ဟေမိုဂလိုဘင်နည်းပါးခြင်းကြောင့်ဖြစ်သည့် ကျန်းမာရေးအခြေအနေတစ်ခုပင်ဖြစ်ပါသည်။ သွေးနီဥတွင်ပါရှိသောဟေမိုဂလိုဘင်သည် အောက်ဆီဂျင်ကိုပေါင်း၍ ခန္ဓါကိုယ်အစိတ်အပိုင်းအမျိုးမျိုးသို့ သယ်ယူပို့ဆောင်ပေးပါသည်။ အကယ်၍သင့်သွေးထဲတွင် ဟေမိုဂလိုဘင်ပမာဏသည်ရှိရမည့် ပမာဏထက်နည်းနေပါက သင့်ခန္ဓါကိုယ်အင်္ဂါများသည် လိုအပ်သောအောက်ဆီဂျင်ပမာဏ မရရှိသည့်အတွက်မှန်ကန်ပြီး အကျိုးရှိသောလုပ်ဆောင်ချက်များကို ပုံမှန်လုပ်နိုင်လိမ့်မည်မဟုတ်ပါ။ သွေးအားနည်းခြင်းပုံစံများစွာရှိပါသည်။ ဆယ်ကျော်သက်များအကြား အဖြစ်အများဆုံးသွေးအားနည်းခြင်း ပုံစံနှစ်မျိုးကတော့ သံဓါတ်ချို့တဲ့၍သွေးအားနည်းခြင်းနှင့် ဖောလစ်အက်စစ် သို့မဟုတ် ဗီတာမင်ဘီ၁၂ ချို့တဲ့၍သွေးအားနည်းခြင်းတို့ဖြစ်ပါသည်။ အခြားသွေးအားနည်းခြင်းအမျိုးအစားများမှာ နာတာရှည်ရောဂါများကြောင့် သွေးအားနည်းခြင်း၊သွေးနီဥ၊သွေးဖြူုဥ၊သွေးမွှား ဆဲလ်သုံးမျိုးစလုံးကျဆင်းခြင်းကြောင့် သွေးအားနည်းခြင်း၊ရိုးတွင်းခြင်ဆီရောဂါကြောင့် သွေးအားနည်းခြင်း၊ သွေးနီဥများပေါက်ကွဲ၍သွေးအားနည်းခြင်း၊သွေးနီဥပုံစံမမှန်ခြင်းကြောင့်သွေးအားနည်းခြင်းတို့ဖြစ်ပါသည်။ ဘာကြောင့်ဆယ်ကျော်သက်တွေသည် သွေးအားနည်းရောဂါဖြစ်ဖို့အန္တရာယ်ရှိနေတာလဲ။ ဆယ်ကျော်သက်များသည် သွေးအားနည်းရောဂါဖြစ်ဖို့အတွက်ပိုပြီးအန္တရာယ်ရှိပါသည်။ အဘယ်ကြောင့်ဆိုသော် ဤဆယ်ကျော်သက်အရွယ်တို့၏ ခန္ဓါကိုယ်များသည် ရုပ်ပိုင်းဆိုင်ရာပြောင်းလဲမှုလျင်မြန်စွာ ဖြစ်ပေါ်နေခြင်းကြောင့်ဖြစ်ပါသည်။ သွေးပမာဏနှင့်ကြွက်သားပမာဏလည်း သိသာစွာပြောင်းလဲနေပါသည်။ ထို့အပြင်ဆယ်ကျော်သက်များသည် […]

ဆယ်ကျော်သက်နှင့်လူငယ်ကျန်းမာရေးပြဿနာများ

ကလေးများ၊ဆယ်ကျော်သက်များနှင့်ကင်ဆာရောဂါ

ကင်ဆာရောဂါဟာ အဖြစ်များပါတယ်။ ကင်ဆာရောဂါဆိုတာ သင်အရင်ကလုပ်ခဲ့သမျှတွေအတွက် ပြစ်ဒဏ်တစ်ခုမဟုတ်ပါဘူး။ ဘာလို့လဲဆိုတော့ ကလေးငယ်တွေနဲ့ ဆယ်ကျော်သက်အရွယ်တွေမှာတောင် ကင်ဆာရောဂါ ဖြစ်လာတတ်တာကြောင့်ပါ။ ကင်ဆာရောဂါဟာ ကလေးတွေနဲ့မြီးကောင်ပေါက် အရွယ်တွေ သေဆုံးမှုနှုန်းမှာအဖြစ်များတဲ့အကြောင်းရင်းတစ်ခု ဖြစ်နေဆဲပါ။ အမေရိကန်နိုင်ငံတစ်ခုတည်းမှာပဲ ၂၀၁၄ ခုနှစ်အတွင်း ကင်ဆာရောဂါရှိသူ ကလေးငယ်နဲ့ အသက် ၁၉ နှစ်အောက်အရွယ် ၁၅၀၀၀ ကျော်ရှိခဲ့ပါတယ်။ သည်အရေအတွက်ရဲ့ ၁၀ ရာခိုင်နှုန်းကျော်ကျော်ကတော့ အသက်ဘေးက မလွတ်မြောက်နိုင်ခဲ့ပါဘူး။ သွေးကင်ဆာနဲ့ ဦးနှောက်ကင်ဆာတို့က ကလေးတွေနဲ့ ဆယ်ကျော်သက်တွေမှာ တွေ့ရှိရအများဆုံးရောဂါနှစ်မျိးဖြစ်ပါတယ်။ ၎င်းတို့အပြင် ဗဟိုအာရုံကြောစနစ်အတွင်းအကျိတ်ကင်ဆာ၊ lymphoma ကင်ဆာ၊ neuroblastoma ကင်ဆာ၊ sarcoma ကင်ဆာ၊ wilms tumor ကင်ဆာ၊ အရိုးကင်ဆာ၊ testicular ကင်ဆာနဲ့ ovarian germ cell ကျိတ်ကင်ဆာတို့လို တခြားရောဂါတွေလည်းရှိပါ သေးတယ်။ ဒါပေမယ့်ကလေးတွေနဲ့ဆယ်ကျော်သက်ကင်ဆာတွေမှာ အသက်ရှင်နိုင်တဲ့အခွင့်အလမ်းပိုများလာတာကို မကြာသေးမီက […]