ကလေးကို အစား ကောင်းကောင်း စားစေဖို့နဲ့ ကျန်းမာရေးနဲ့ ညီညွတ်အောင် စားသောက်တတ်တဲ့ အလေ့အထဖြစ်စေဖို့ မွေးမြူပေးရတာက ကလေးကို ပျိုးထောင်ပေးနေတဲ့ မိဘတိုင်းအတွက် အရေးကြီးတဲ့ တာဝန် တစ်ရပ်ဖြစ်ပါတယ်။
လှုပ်ရှားသွားလာနိုင်နေပြီဖြစ်တဲ့ ၂ နှစ်ကျော် အရွယ် ကလေးတစ်ယောက်အဖို့ အာဟာရပြည့်ဝမှုက တော်တော်လေး အရေးပါလှပါတယ်။ ဒီလိုပြောရတာက အာဟာရပြည့်ဝမှ ကလေးက ရုပ်ပိုင်းဆိုင်ရာရော စိတ်ပိုင်းဆိုင်ရာပါ အကောင်းဆုံး ကြီးထွားဖွံ့ဖြိုးမှာ မို့လို့ပါ။
အာဟာရပြည့်ဝမှုက ကလေးကို ဖျားနာမှု ကင်းစေဖို့လည်း အထောက်အကူပြု ပေးနိုင်ပါသေးတယ်။ ကလေးက သံဓာတ်၊ ဗီတာမင် C စတာတွေ ချို့တဲ့မယ်ဆိုရင် ဦးနှောက် နဲ့ ခန္ဓာကိုယ်ရဲ့ ဖွံ့ဖြိုးမှုပါ ထိခိုက်နိုင်ပါတယ်။ အရွယ်ရောက်တဲ့အခါ အကောင်းဆုံး ဖွံ့ထွားပြီး ကျန်းမာတဲ့ ကလေးတစ်ယောက် ဖြစ်စေဖို့ဆိုရင် ငယ်စဉ် ကာလကတည်း အာဟာရပြည့်ဝဖို့ မဖြစ်မနေ လိုအပ်ပါလိမ့်မယ်။
အာဟာရ ပြည့်ဝမှုက အသက်အရွယ်တိုင်းအတွက် အရေးကြီးပါတယ်။ ကလေးကို ငယ်စဉ်ကတည်းက အာဟာရ ပြည့်ဝပြီး ကျန်းမာအောင် စားသောက်တတ်တဲ့ အလေ့အထ မွေးမြူပေးလိုက်တာက ဘဝတစ်သက်တာလုံး ကျန်းမာနေစေဖို့ အားဖြည့်ပေးလိုက်တာပါပဲ။
အခုခေတ်မှာ ကလေးတွေ နဲ့ မိသားစုဝင်တွေဟာ အလုပ်များနေတတ်ကြပါတယ်။ ဒီလို များပြားလှတဲ့ လုပ်ငန်းဆောင်တာတွေက ကလေးအတွက် အာဟာရပြည့်ဝတဲ့ အိမ်ချက် အစားအစာတွေ အပြည့်အဝရရှိနိုင်ဖို့ အဟန့်အတားဖြစ်စေပါတယ်။
ဒီတော့ ကလေး အများစုက အသင့်စား အလွယ်စား အစားအသောက်တွေကို စားသုံးရင်း ကြီးပြင်းလာရတော့တာပေါ့။ ဒါက ပြဿနာ မရှိလောက်ဘူးလို့ ယူဆရပေမယ့် ကြီးထွားဖွံ့ဖြိုးမှုကို ထိခိုက်စေသလို အရွယ်ရလာတာနဲ့အမျှ ရောဂါတွေခံစားရနိုင်ခြေကို တိုးလာစေပါတယ်။
သားသားမီးမီးတို့ကို ရောဂါကင်းပြီး ကျန်းမာဖွံ့ထွားစေဖို့ဆိုရင်
ကလေးကို တစ်နေ့တာမှာ ၃ နပ် ကျွေးမယ်..အဆာပြေအစားအသောက် ၂ ကြိမ် ကို ၃နပ်အကြားမှာထည့်ကျွေးမယ်… ဒီ အာဟာရဓာတ်တွေလည်း ပြည့်စုံအောင်ပြင်ဆင်ပေးမယ် ဆိုရင် ကလေးက အာဟာရပြည့်ဝပြီး ကျန်းမာမှာ အသေအချာပါ။ သတိထားရမယ့် နောက်တစ်ချက်က ကလေးကို အသင့်စား အစားအစာတွေ၊ ပြုပြင်ထားတဲ့ အစားအစာတွေ အချိုကဲ၊ အငန်ကဲတာတွေ မကျွေးဖို့ပါ။
ကလးကို အာဟာရ ပြည့်ဝအောင် နေ့စဉ်ကျွေးမွေးပြင်ဆင်ပေးခြင်းကြောင့်
ကလေးကို အာဟာရ ပြည့်ဝအောင် ပြင်ဆင်ပေးတာက ကြီးထွားဖွံ့ဖြိုးဖို့ အရှိန်ယူနေတဲ့ ကလေးကို
ကိုယ်ဝန်ဆောင်ချိန်မှာကတည်းက မေမေက လုံလောက်ပြည့်ဝတဲ့ အာဟာရတွေကို စားပေးရပါမယ်။ ဒီလိုမှ မဟုတ်ဘူးဆိုရင် ကလေးက သိမြင်မှုစွမ်းရည် ဖွံ့ဖြိုးမှု ထိခိုက်စေနိုင်ပါတယ်။ ကလေးက သူတို့ရဲ့ ပထမ ၅ နှစ်တာ ကာလမှာ အာဟာရ ပြည့်ဝမှ ဦးနှောက်က အကောင်းဆုံး ဖွံ့ဖြိုးမှာပါ။ ဒီကာလမှာ သံဓာတ် ချို့တဲ့တာမျိုး ဖြစ်မယ်ဆိုရင် သင်ယူနိုင်မှု ခက်ခဲတာ၊ အပြုအမူပိုင်းဆိုင်ရာ ပြဿနာရှိတာ၊ အာရုံစူးစိုက်နိုင်စွမ်း နည်းတာမျိုးတွေ ဖြစ်စေနိုင်ပါတယ်။
ကျန်းမာရေးနဲ့ ညီညွတ်တဲ့ စားစရာတွေမှာ ဗီတာမင်၊ သတ္တုဓာတ်နဲ့ ဓာတ်တိုးဆန့်ကျင် ပစ္စည်းတွေ ကြွယ်ဝစွာ ပါဝင်နေပါတယ်။ ဒီအာဟာရတွေက ကိုယ်ခံအားကို အကောင်းဆုံး ဖြစ်စေဖို့ အားဖြည့်ပေးပါတယ်။ အအေးမိ၊ တုပ်ကွေး နဲ့ အခြား ကျန်းမာရေး ပြဿနာ အမျိုးမျိုးကနေ ကာကွယ်ပေးပါတယ်။
ငယ်စဉ်မှာ ကျန်းမာရေးနဲ့ ညီညွတ်အောင် ပြင်ဆင်ကျွေးမွေးတာက ကလေးကို အဝလွန်တာ မဖြစ်အောင် ကာကွယ်ပေးနိုင်ပါတယ်။ ဒါ့အပြင် နာတာရှည် ရောဂါတွေ ဖြစ်ကြတဲ့ ကင်ဆာ၊ နှလုံးရောဂါ၊ ဆီးချို၊ အဆစ်ရောင်နာ စတာတွေ မဖြစ်လာစေဖို့လည်း ကာကွယ်ပေးပါတယ် လို့ U.S. Centers for Disease Control and Prevention ကဖော်ပြထားပါတယ်။
သားသားမီးမီးတို့ကို လိုအပ်တဲ့ အာဟာရတွေ ပြည့်ဝအောင် ပြင်ဆင်ကျွေးမွေးပြီး တစ်သက်လုံး ကျန်းမာပျော်ရွှင်အောင် စားသောက်တတ်တဲ့ အလေ့အထကို ငယ်စဉ်ကတည်းက ပျိုးထောင်ပေးလိုက်ပါ မေမေဖေဖေတို့ရေ …။
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။