ကလေးကို စကားလုံးတွေ၊ ဂဏန်းတွေ သင်ပေးဖို့ ကျောင်းနေအရွယ်အထိ စောင့်မနေပါနဲ့။ စကားစပြောနိုင်ပြီ၊ မှတ်ဉာဏ်ကို စတင်တည်ဆောက်ပြီဆိုတဲ့ အချိန်ကတည်းက ဂဏန်းတွေ (၁၊ ၂၊ ၃၊ ၄၊ ၅ စသဖြင့်ပေါ့) သင်ပေးပါ။ ဂဏန်းတွေကို ဒီအတိုင်းမသင်ချင်ရင် မုန့်လေးတွေ၊ အရုပ်လေးတွေနဲ့ တစ်ခု၊ နှစ်ခု၊ သုံးခု ဆိုပြီး သင်လို့ရပါသေးတယ်။
နောက်သင်လို့ရတာတစ်ခုက တိရစ္ဆာန်လေးတွေ၊ အရာဝတ္ထုလေးတွေရဲ့ နာမည်ပါ။ ဥပမာ c-o-w (cow) နွား ဆိုတာမျိုး၊ e-l-e-p-h-a-n-t (elephant) ဆင်ကြီးဆိုတာမျိုးကို ကစားစရာအရုပ်လေးတွေ ကိုင်ရင်းဖြစ်ဖြစ် ရုပ်ပုံကားချပ်ကို ပြရင်းဖြစ်ဖြစ် သင်ပေးပါ။ ကလေးက စာလုံးပေါင်းတွေကို မမှတ်နိုင်သေးရင်တောင် အသံထွက်နဲ့ အရာဝတ္ထုတွေ၊ တိရစ္ဆာန်လေးတွေကို တွဲမှတ်မိနေမှာပါ။
(၄) သီချင်း ပေးနားထောင်ပါ
လေ့လာမှုတွေအရ ကလေးတွေကို သီချင်း နားထောင်စေတာက မှတ်ဉာဏ်ကောင်းစေသလို၊ အာရုံစူးစိုက်နိုင်စွမ်း၊ သင်ယူနိုင်စွမ်းကောင်းစေပြီး စိတ်အားထက်သန်စေတယ်လို့ သိရပါတယ်။ သီချင်းနားထောင်တာက ကလေးရဲ့ ဦးနှောက်နဲ့ ဉာဏ်ရည်ဖွံ့ဖြိုးမှုကို ထိခိုက်စေတဲ့ စိတ်ဖိစီးမှုကို ပြေလျော့စေပါတယ်။
(၅) အာဟာရပြည့်ဝအောင် ကျွေးပါ
ကလေးတစ်ယောက် ကျန်းမာပျော်ရွှင်နေဖို့က လုံလောက်တဲ့ အာဟာရကို ရရှိဖို့လည်း လိုပါမယ်။ ဒါကြောင့် ကလေးနေ့စဉ် စားသုံးတဲ့ အစားအစာတွေထဲမှာ ကလေးရဲ့ ဉာဏ်ရည်၊ ကိုယ်ခံအား နဲ့ ခန္ဓာကိုယ် ကြီးထွားဖွံ့ဖြိုးမှုကို အထောက်အကူပြုပေးမယ့် အာဟာရဓာတ်တွဖြစ်တဲ့ ပရိုတင်း၊ အကျိုးပြု ဘက်တီးရီးယားအာဟာရ (Prebiotics)၊ ဇင့်ဓာတ်၊ ဗီတာမင် A ၊ ဗီတာမင် E၊ အမျှင်ဓာတ်၊ သံဓာတ်၊ lutein၊ nucleotide နဲ့ DHA (Omega-3 fatty acids) တို့ လုံလောက်ပြည့်ဝစွာ ပါဝင်စေဖို့လိုပါမယ်။
ဒါကြောင့် ကလေးကို နေ့စဉ် ထမင်း၊ ကြက်သား၊ အဆီမပါတဲ့ အနီရောင်အသား၊ ပန်းဂေါ်ဖီစိမ်း၊ ဆယ်လ်မွန်ငါး၊ ပဲနီလေး၊ ဥအမျိုးမျိုး၊ အစိမ်းရောင် ဟင်းသီးဟင်း ရွက်တွေ၊ သစ်သီးတွေ၊ အခွံမာသီး နဲ့ အစေ့အဆန်လိုမျိုး စားစရာတွေ ပြင်ဆင်ကျွေးမွေးသင့်ပါတယ်။ ဒါ့အပြင် အာဟာရဖြည့်စွက်ထားတဲ့ နို့မှုန့်တွေမှာလည်း ကလေးရဲ့ကြီးထွားမှုကို အထောက်အကူပြုနိုင်တဲ့ အာဟာရဓာတ်တွေ ပြည့်စုံစွာပါတဲ့အတွက် နေ့စဉ် ကလေးရဲ့ စားသောက်မှုပုံစံထဲမှာ ပါဝင်ဖို့ သင့်လျော်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။