အခြားလေ့ကျင့်ခန်းများ

စတင်ပြေးသောအခါ သင်ဘာတွေသိသင့်လဲ စည်းမျဉ်းများသည် အရာဝတ္ထုများအခြေကျအောင် ပြုလုပ်ထားသောအခြေခံအုတ်မြစ် ဖြစ်သည်။ အရာရာတိုင်းတွင် စည်းမျဉ်းများရှိပါသည်။ ညစာစားခြင်း မှ အစလူအများနှင့် တွေ့ဆုံခြင်းထိတိုင် စည်းမျဉ်းများရှိပါသည်။ လေ့ကျင့်ခန်းလုပ်ခြင်း၊ အပြေးအားကစားတွင်လည်း ထိုနည်းတူ ချွင်းချက်မရှိ စည်မျဉ်းများရှိပါသည်။ ထိုစည်မျဉ်းများသည် သင့်ကို ပို၍ကောင်းမွန်သော အပြေးသမားဖြစ်အောင် ကူညီနိုင်ရန်သာ ဖြစ်ပါသည်။ အမှန်စင်စစ် ထိုစည်းမျဉ်းများသည် သင်အပြေးလေ့ကျင့်ရန်အတွက် အကြံပြုချက်များသာ ဖြစ်သည်။ ၁။ ရှူးဖိနပ် အပြေးအားကစားအတွက် အရေးကြီးဆုံးပစ္စည်းတစ်ခုမှာ ရှူးဖိနပ်ဖြစ်သည်။ အားကစားဖိနပ်မဟုတ်သော ဖိနပ်ကို ဝတ်ဆင်လျှင် များမကြာမီတွင် ဟောင်းနွမ်းစုတ်ပြတ်သွားနိုင်ပြီး ရှူးဖိနပ်ဆိုင်ကို မကြာခဏ သွားနေရပါလိမ့်မည်။ မသင့်တော်သော ရှူးဖိနပ်ကို ဝတ်ဆင်ပါက သက်တောင့်သက်သာမရှိသကဲ့သို့ ဒဏ်ရာရမည့်အန္တရာယ် ပိုများနိုင်ပါသည်။ ထို့ပြင် သက်သောင့်သက်သာ မရှိခြင်းသည် အပြေးအားကစားပေါ်တွင် မကောင်းသောခံစားမှု ဖြစ်စေနိုင်ပြီး စိတ်ဓါတ်ခွန်အားပါ ကျဆင်းစေနိုင်ပါသည်။ မည်သို့ပင်ဖြစ်စေ ရှူးဖိနပ်များသည် […]

အပြေးလေ့ကျင့်ခြင်းသည် လူတိုင်းစိတ်ဝင်စားသော အခြေခံလှုပ်ရှားမှု ဖြစ်သည်။ အကယ်၍သင်သည် အပြေးလေ့ကျင့်ခန်း စတင်တော့မည်ဆိုလျှင် သင့်လျော်သော စားသောက်မှုပုံစံ ရှိသင့်ပါသည်။ လိုအပ်သော အာဟာရစားခြင်းသည် ကြီးမားသော အကျိုးကျေးဇူးရရန်အတွက် အရေးကြီးသည်။ အောက်ဖော်ပြပါ အစားအစာများသည် အပြေးသမားအတွက် အသုံးဝင်နိုင်ပါသည်။ ဗာဒံစေ့ ဗာဒံစေ့တွင် တခြားသောအစားအစာများ၌ ပါဝင်မှုနည်းသော ဗီတာမင်အီး အမြောက်အမြားပါရှိသည်။ ဗာဒံစေ့ လက်တစ်ဆုပ်ပမာဏကို တစ်ပတ်လျှင် (၃)ကြိမ်မှ (၅)ကြိမ်ထိ သုံးဆောင်ခြင်းသည် ကိုလက်စထရောပမာဏ နှင့် နှလုံးသွေးကြောကျဉ်းရောဂါကို လျော့ချစေနိုင်ပါသည်။ ထို့ပြင် ဗာဒံစေ့တွင်ပါသော ဗီတာမင်အီး သည် ကင်ဆာရောဂါကိုလည်း ကာကွယ်နိုင်ပါသည်။ ဥများ ယေဘူယျအားဖြင့် ဥများသည် အကောင်းဆုံးအစာများထဲတွင် တစ်ခုအပါအဝင် ဖြစ်သည်။ ပုံမှန်လူတွေအတွက် မနက်စာ ကြက်ဥမွှေကြော်ဟင်းတစ်ခွက်သည် နေ့တစ်နေ့ကို ပြည့်စုံစေနိုင် ပါသည်။ အပြေးသမားများအတွက် ဥများသည် အသားဓါတ် ကြွယ်ဝစွာ ပါဝင်ရုံမျှမက အရိုးအတွက်ကောင်းသော […]

သင်ပြေးချင်ပါသလား။ အောက်ဖော်ပြပါ အရာများသည် သင် မလုပ်သင့်သောအကြောင်းအရာများ ဖြစ်သည်။ Runer’s World မှ အထင်ကရပုဂ္ဂိုလ်တစ်ဦးဖြစ်သော Bart Yasso က ဒီလိုဆိုထားပါတယ်။ “တစ်ခါတစ်ရံတွင် တချို့လူတွေဟာကိုယ့်ကိုကိုယ် အပြေးသမားအစစ် မဟုတ်ဘူးလို့ ဆိုကြတယ်။ တကယ်တော့ကျွန်ုပ်တို့အားလုံးဟာအပြေးသမားပါပဲ။ တချို့ကတခြားလူတွေထက် ပိုပြေးနိုင်ရုံပါ။ ကျွန်ုပ် အပြေးသမားအတုနှင့် တခါမျှ မကြုံဖူးပါဘူး။”သင် သည် ပုံမှန်ပြေးနေသူတစ်ယောက်ဆိုလျှင် သင်သည် အပြေးသမားတစ်ယောက် ဖြစ်ပါသည်။ ထို့ကြောင့် ပြေးသည့်အခါတွင်ရှောင်ရှားသင့်သည့်အချက်များကိုသတိထားရန်လိုပါသည်။ မသင့်လျော်သော ပြင်ဆင်မှု အပြေးသမားများသည် ပြေးခြင်းကို ကြိုက်နှစ်သက်ကြပါသည်။ ထိုအချက်ကသင့်ကိုသွေးပူလေ့ကျင့်ခန်း ပြုလုပ်လိုသောဆန္ဒကင်းမဲ့စေသည် ။ အချိန်မရှိခြင်း၊ အလျင်လိုနေခြင်း၊ ပြေးလိုစိတ်တစ်ခုသာရှိနေခြင်းကြောင့်လည်း သွေးပူလေ့ကျင့်ခန်း မလုပ်ခြင်းဖြစ်နိုင်ပါသည်။ သို့သော် ဤအချင်းအရာသည် ရေရှည်တွင် သင့်ကိုထိခိုက်စေပါသည်။ သင့်ကြွက်သားနှင့် သွေးလည်ပတ်မှုစနစ် ကောင်းမွန်စေဖို့ အတွက် သွေးပူလေ့ကျင့်ခန်းလုပ်ရန် လိုအပ်ပါသည်။ အထူးသဖြင့် […]

ကိုယ်လက်လေ့ကျင့်ခန်းအတွက် ဘယ်လိုရည်မှန်းချက်အစီအစဉ်ဆွဲမလဲ သင်စတင်လှုပ်ရှားဖို့ အဆင်သင့်ဖြစ်ရင် ရည်မှန်းချက်တွေချပြီးအစီအစဉ်ဆွဲရပါမယ်။ သင့် အနေနဲ့အစမှာစိတ်သိပ်မပါသေးဘူး၊ ကိုယ့်ကိုကိုယ်မနာကျင်စေချင်ဘူးဆိုရင် နည်းနည်းနဲ့ပဲစတင်ဖို့ သတိပြုပါ။ ရည်မှန်းချက်ချပါ ကိုယ်ကာယလေ့ကျင့်ခန်းအတွက် ရည်မှန်းချက်ချဖို့ရာအဓိကသုံးချက်ကိုထည့်စဉ်းစားရပါမယ်။ ဘယ်လိုလှုပ်ရှားမှုမျိုးကိုဘယ်လောက်ကြာကြာလုပ်မယ်ဆိုတာတိတိကျကျ သတ်မှတ်ပါ။ ဘယ်အချိန်မှာလုပ်မှာလဲ သင့်ရည်မှန်းချက်ဟာလက်တွေ့ကျရဲ့လား။ တခါတည်းနဲ့ အများကြီးအပြောင်းအလဲမလုပ်ပါနဲ့။ ဒီသုံးချက်ပါဝင်တဲ့ ဥပမာတစ်ခုကတော့ အောက်ပါအတိုင်း ဖြစ်ပါတယ်။ တစ်ပတ်မှာလေးရက် နေ့လယ်စာစားချိန်မှာ ၁၀ မိနစ်လောက် လမ်းမြန်မြန်လျှောက်မယ် (ထမင်းစားချိန်မှာတစ်ချိန်လုံးထိုင်စားနေမှာမဟုတ်လို့ပါ) ရည်မှန်းချက်ဆိုတာ ‘’ငါ ပိုပြီးလမ်းလျှောက်မယ်’’ ‘’ငါပိုပြီးကျန်းမာရမယ်’’ဆိုတာမျိုးပဲမဟုတ်ပါဘူး။ ဒီစကားတွေကသိပ်မတိကျပါဘူး။ စာနဲ့ချရေးပါ ရည်မှန်းချက်များကိုချရေးထားတာဟာအထောက်အကူပြုပါတယ်။ အဲ့ဒီစာတွေကိုသင်မြင်ရမယ့် နေရာမျိုးမှာထားပါ။ ရေခဲသေတ္တာမှာ၊ ရေချိုးခန်းမှန်မှာကပ်ထားပါ။ ပိုက်ဆံအိတ်ထဲမှာထည့်ထားပါ။ ရည်မှန်းချက်တွေချတဲ့အပြင် ဘယ်လိုအောင်မြင်အောင်လုပ်မယ်ဆိုတာအစီအစဉ်ဆွဲပါ။ အောက်ပါမေးခွန်းတွေကိုဖြေကြည့်ပါ။ ဒါဆိုရင် ပြီးပြည့်စုံတဲ့ အစီအစဉ်ဖြစ်မှာပါ။ တခြားအရန် အစီအစဉ်ပါ ဆွဲထားပါ။ လက်ရှိဘယ်အခြေအနေမှာရှိလဲ ဥပမာ။ ငါဟာအထိုင်များတယ်။ အများဆုံးလုပ်ဖြစ်တဲ့ လေ့ကျင့်ခန်းကတော့ အိမ်အလုပ်နဲ့ အိမ်အပြင်မှာရေလောင်းပေါင်းသင် တစ်ပတ်တစ်ခါ လုပ်တာပဲ။ ငါ့ရည်မှန်းချက်ဟာ ဥပမာ။ တစ်ပတ်မှာလေးရက် နေ့လယ်စာစားချိန်မှာ ၁၅ မိနစ်လောက် လမ်းမြန်မြန်လျှောက်မယ်။ ထမင်းစားချိန်မှာတချိန်လုံးထိုင်စားနေစရာမှ မလိုတာပဲ။ ငါဘာတွေလိုအပ်လဲဆိုတော့ ဥပမာ။ လမ်းလျှောက်ဖိနပ်နဲ့ […]

အခုပြောမှာကို သင်အပြင်မှာ မြင်ဖူးပြီးသားဖြစ်ရင် ဖြစ်မယ်။ ဒါမှမဟုတ် သတိမထားမိပဲ သင်ကိုယ်တိုင် လုပ်ဖူးတာ ဖြစ်ကောင်းဖြစ်နိုင်ပါတယ်။ ဒါကတော့ လေ့ကျင့်နေစဉ် ကိုယ်နေဟန်ထားမှားယွင်းခြင်းပါပဲ။ ခုခံတဲ့ လေ့ကျင့်ခန်းတွေဟာ ကြွက်သားကို ပိုမိုသန်မာစေပေမယ့် သင့်ပုံစံဟာ လျော့တိလျော့ရဲဖြစ်နေမယ်ဆိုရင် လေ့ကျင့်ခန်းက အကျိုးအပြည့်အဝမရနိုင်ပဲ ဒဏ်ရာရရှိမှုပါ ဖြစ်နိုင်ပါတယ်။ ကိုယ်နေဟန်ထားမှန်ကန်ပြီး သင့်တော်တဲ့ ကြွက်သားတွေကို ပစ်မှတ်ထားလေ့ကျင့်မှသာ လေ့ကျင့်ခန်းလုပ်ပြီး လိုချင်တဲ့အရာတွေကို ရနိုင်မှာဖြစ်ပါတယ်။ အောက်ဖေါ်ပြပါအချက်တွေကတော့ ဘာလို့ ကိုယ်နေဟန်ထားကို အလေးထားသင့်လဲဆိုတာ ဖေါ်ပြထားတာတွေပဲဖြစ်ပါတယ်။   ပိုမိုကောင်းမွန်ပြီး ကိုယ့်ကိုယ်ကို ယုံကြည်မှုပိုရှိတဲ့ ပုံစံရှိခြင်း ရာဇဝင်ထဲမှာ စွမ်းအားကြီးတဲ့လူအကုန်လုံးဟာ သူတို့ရဲ့ဓါတ်ပုံကိုကြည့်လိုက်ရင် ကိုယ်နေဟန်ထား ဆင်တူကြပါတယ်။ နောက်ကျောကို မတ်မတ်ရပ်တယ်၊ ပုခုံးကားတယ်၊ မေးစေ့ကိုမော့ထားကြပါတယ်။ ကောင်းမွန်တဲ့ ကိုယ်နေဟန်ထားဟာ ယုံကြည်မှုနဲ့ အားအင်ကို ဆောင်ကျဉ်းပေးပါတယ်။ တကယ်တော့ မကြာသေးမီက လေ့လာမှုတစ်ခုက လူတွေရှေ့မှာ စကားပြောတဲ့လူအချို့ဟာ […]

ယောဂဟာ ကိုယ်နေဟန်ထားတွေနဲ့ ဆက်စပ်နေတာကြောင့် သူ့ရဲ့ အကျိုးကျေးဇူးတွေဟာ ကိုယ်ခန္ဓါကိုပဲ အကျိုးသက်ရောက်မှု ရှိတယ်ဆိုတဲ့ အယူအဆအများတွေ ရှိနေကြပါတယ် ။ ဒါပေမယ့် ယောဂရဲ့ ကိုယ်နေဟန်ထားတိုင်းဟာ ပိုမို လေးနက်တဲ့ ရည်ရွယ်ချက် ရှိပါတယ်။ ဥပမာ - downward-facing dog posture ဟာ ကိုယ်ခန္ဓါကို အားအင်ပြည့်စေခြင်း၊ ဦးနှောက်ကို တည်ငြိမ်စေခြင်း၊ အစာခြေခြင်းကို တိုးတက်စေခြင်း၊ လက်၊ ခြေထောက်တွေကို ကျန်းမာသန်စွမ်းစေခြင်းတွေ ဖြစ်နိုင်ပါတယ်။ သူဟာ သွေးတိုးတတ်တဲ့သူတွေအတွက်လည်း အလွန်အကျိုးရှိပါတယ်။ ဒါအကုန်မဟုတ်သေးပါဘူး။ ယောဂကျင့်စဉ်ရဲ့ အသေးစိတ် လုပ်ကိုင်ပုံတစ်ခုစီဟာ ကျန်းမာရေး အကျိုးကျေးဇူးတစ်ခုစီကို ဖေါ်ပြပါတယ်။ ဥပမာ ယောဂဟာ ကိုယ်ခန္ဓါ အဆိပ်အတောက်တွေကို ဖယ်ရှားနိုင်ပါတယ်။ ကိုယ်ခန္ဓါနဲ့စိတ်ဟာ ဆက်စပ်နေပါတယ်။ ဒါ့ကြောင့် စိတ်ပိုင်းဆိုင်ရာ မညီမျှမှုဟာ ကိုယ်ခန္ဓါကိုလည်း မညီမျှမှု ဖြစ်စေပါယတ်။ ဒါကို […]

Kinetic chain ရဲ့ အယူအဆကို ၁၈၇၅ မှာ စတင် အစပြုခဲ့ပြီးတော့ Franz Reuleaux လို့ခေါ်တဲ့ စက်မှုအင်ဂျင်နီယာ က တကယ်လို့ ထပ်နေတဲ့ အစိတ်အပိုင်းတွေဟာ ချိတ်ဆက်အဆစ် (pin joint) တွေနဲ့သာ ဆက်သွယ်နေခဲ့မယ်ဆိုရင် မပြုတ်ထွက်အောင်ဆက်ထားပြီးသား အဆစ်တွေဟာ တစ်ခုလှုပ်လိုက်ရင် နောက်တစ်ခုကပါ လိုက်လှုပ်တဲ့ စနစ်တစ်ခုကို ဖန်တီးနိုင်လိမ့်မယ်လို့ ပြောကြားခဲ့ပါတယ်။ Dr. Arthur Steindler ဟာ ဒီသီအိုရီကို ၁၉၅၅ မှာ သဘောတူ လက်ခံခဲ့ပြီးတော့ လူတွေရဲ့ လှုပ်ရှားမှုတွေ ပါဝင်တဲ့ ခွဲခြမ်း စိတ်ဖြာမှုတစ်ခုကို ပြုလုပ်ခဲ့ပါတယ်။ Steindler ဟာ လက်ဖျားခြေဖျားတွေကို တောင့်တင်းပြီး ထပ်နေတဲ့ အစိတ်အပိုင်းတွေအဖြစ် မြင်ကြည့်ပြီး Kinetic chain ကို များစွာသော အဆစ်များ […]

ကိုယ်အလေးချိန်ကျခြင်းဟာ လူအတော်များများအတွက် အတော်ကို ကြိုးစားရတဲ့ အရာတစ်ခုဖြစ်ပါတယ်။ ကိုယ်အလေးချိန်ကို ကျအောင်ကြိုးစားရတာ၊ ထိန်းထားရတာနဲ့ ကျန်းမာပြီး အရသာရှိတဲ့ အစားအစာတွေကို စားရတာဟာ မလွယ်ကူလှပါဘူး။ ကိုယ်အလေးချိန်လျှော့ဖို့အတွက် ကြုံရတဲ့ အခက်အခဲတစ်ခုကတော့ ကိုယ်တိုင်လုပ်နိုင်တဲ့ နည်းလမ်းတစ်ခုကို ရှာဖွေရတာပါပဲ။ ယောဂဟာ လွန်ခဲ့တဲ့ နှစ်ပေါင်း ၃၀၀၀ ကျော်ထဲက ရှိခဲ့ပြီးတော့ အေရိုးဗစ် လေ့ကျင့်ခန်းတစ်ခုဖြစ်ပါတယ်။ သူဟာ သွေးလှည့်ပတ်မှု တိုးတက်စေခြင်း၊ ကြွက်သားတွေကို ဆန့်ပေးခြင်းနဲ့ ကိုယ်အလေးချိန် လျော့ကျခြင်းတို့ကိုတောင် အားပေးနိုင်ပါတယ်။ ယောဂလေ့ကျင့်ခန်းဟာ ကိုယ်ခန္ဓာမှာ ရှိတဲ့ ကြွက်သားတွေကို ပုံစံအမျိုးမျိုးနဲ့ ပစ်မှတ်ထားပြီးတော့ ပျော့ပျောင်းမှုနဲ့ အားအင်တွေကို တဖြည်းဖြည်းခြင်း ရရှိလာစေပါတယ်။ တကယ်တမ်းတော့ ကျော်ကြားသူတွေဟာ ယောဂကို ကိုယ်အလေးချိန်လျှော့ဖို့အတွက် ကစားကြပါတယ်။ ဒါဟာ ထိရောက်မှုရှိပြီး နေ့စဉ်လုပ်ဖို့လဲ လွယ်ကူပါတယ်။ ယောဂကို လေ့ကျင့်ခန်းအဖြစ် ယူဆခြင်းမရှိကြပဲ ကိုယ်ခန္ဓာအနှံ့မှာ ဆက်ကြောင်းတွေ […]

ကိုယ်အလေးချိန် ကျလိုက် ပြန်တက်လိုက်ဖြင့် သံသရာလည်နေခြင်းမျိုးသည် အလွန်အဖြစ်များပါသည်။ ယခင်က ဝိတ်ချ ခြင်း မအောင်မြင်ခဲ့ဖူးသည့်အခါ အခြားနည်းလမ်းတစ်ခု ပြောင်းသုံးသင့်ပါသည်။ ဝိတ်ချပြီးမှ ဘာလို့ ဝိတ်ပြန်တက်လာသလဲ လေ့လာမှုများက လူအများစုသည် ဝိတ်ချပြီးသောအခါ အနှေးနှင့်အမြန် ဝိတ်ပြန်တက်လာစမြဲဟု ပြောသည်။ ထိုအချင်းအရာက စိတ်ပိုင်းဆိုင်ရာ ထိခိုက်မှုကိုဖြစ်စေပါသည်။ အစားအလွန်စားခြင်း နှင့် ကိုယ်ခန္ဓါ ပုံပန်းသွင်ပြင်ကို အထူးပြုလေ့လာသော မက်ဟန်တန်မှ စိတ်ပညာရှင် Alexis Conason က အစားစားခြင်းဖြင့် ဝိတ်လျှော့လိုက် ဝိတ်ပြန်တက်လာလိုက်ဖြစ်ခြင်းသည် ဖြစ်နေကျ သံသရာလည်ခြင်းဖြစ်ပြီး ထိုသို့ဖြစ်ရခြင်းမှာ ကျွန်ုပ်တို့ အပြစ်ကြောင့်ဟုပြောဆိုခံနေရပါသည် ဟုဆိုပါသည်။ ချထားပြီးသော ကိုယ်အလေးချိန် ပြန်တက်လာသောအခါ သူတို့သည် ရှက်ခြင်း၊ ရှုံးနိမ့်ခြင်း၊မိမိကိုယ်ကိုလက်ခံနိုင်မှု လျော့ကျခြင်း နှင့် အပြစ်ရှိသလို ခံစားရခြင်းတို့နှင့် ရင်ဆိုင်ရသည်။ သူတို့တွင် အားတက်စရာမရှိတော့ဘဲ မိမိကိုယ်ကို ထိန်းချုပ်နိုင်မှုလည်း မရှိတော့ချေ။ လူတို့သည် […]

Kegel လေ့ကျင့်ခန်းများသည် ဆီးအိမ်နှင့် မိန်းမကိုယ်လမ်းကြောင်းကို ထောက်ပံ့ပေးသော ကြွက်သားများကို သန်မာစေသည်ဟု ယုံကြည်ကြပါသည်။ ဒီလေ့ကျင့်ခန်းများမှ အကောင်းဆုံးရလဒ်ကိုရစေရန် သင်ကိုယ်တိုင် ဒီအရာနဲ့ပတ်သက်တဲ့ ဗဟုသုတများကို သိရှိပြင်ဆင်ထားဖို့အရေးကြီးပါတယ်။ အောက်မှာ သင့်အတွက် လမ်းညွန်ချက် အဆင့်ဆင့်ကို ဖေါ်ပြထားပါတယ်။   Kegels ဆိုသည်မှာ အဘယ်နည်း   Kegel လေ့ကျင့်ခန်းများ (သို့) Kegel ဆိုသည်မှာ သင် ခန္ဓါကိုယ်ဧ။် တင်ပါးဆုံအောက်ခြေနေရာရှိ ကြွက်သားများအတွက် ပြုလုပ်ထားသော လိုက်နာလုပ်ဆောင်ရန် ရိုးရှင်း လွယ်ကူသည့် လေ့ကျင့်ခန်းများဖြစ်သည် ။ Kegel လေ့ကျင့်ခန်းများသည် တင်ပါးဆုံ အောက်ခြေနေရာရှိ ကြွက်သားများကို သန်မာစေသည့်အပြင် များစွာသော သက်တောင့်သက်သာမဖြစ်သည့် လက္ခဏာများကိုလည်း သက်သာစေပါသည်။ သတင်းကောင်းတစ်ခုကတော့ ဒီလေ့ကျင့်ခန်းကို ဘယ်အချိန် ဘယ်နေရာမှာမဆို သင့်ဘေးမှလူများ သတိမထားမိစေဘဲ လုပ်ဆောင်နိုင်ခြင်းပဲဖြစ်ပါတယ်။ ရေချိုးနေရင်း၊ လုပ်ငန်းခွင်သို့ ကားမောင်းသွားနေရင်း […]