Hyperemesis Gravidarum (ကိုယ်ဝန်ဆောင် အအန်လွန်ရောဂါ)

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဇူလိုင် 20, 2017
Share now

အဓိပ္ပါယ်ဖွင့်ဆိုချက်

Hyperemesis Gravidarum (ကိုယ်ဝန်ဆောင် အအန်လွန်ရောဂါ) ကဘာလဲ။

ကိုယ်ဝန်ဆောင်အအန်လွန်ရောဂါဆိုသည်မှာ ပြင်းထန်သောနံနက်ပိုင်းပျို့ခြင်း နှင့် အော့အန်ခြင်းဖြစ်ပါသည်။ ထိုရောဂါသည်ရေဓါတ်ခမ်းခြောက်ခြင်း၊ဇီဝကမ္မဖြစ်စဉ်များပြောင်းလဲမှု (electrolytes နှင့် ketones ကဲ့သို့သောဓါတုဗေဒပစ္စည်းများပမာဏမမှန်ဖြစ်ခြင်း) နှင့်ကိုယ်အလေးချိန်ကျခြင်းတို့ကိုဦးတည်စေပါသည်။ဤပြောင်းလဲမှုများသည်ဆေးရုံတက်ရသည်အထိဖြစ်စေနိုင်ပါသည်။ ကိုယ်ဝန်ဆောင်အအန်လွန်ရောဂါ၏ဆိုးကျိုးများသည်ပြင်းထန်ပြီး ကျောက်ကပ် အာရုံကြောအဖွဲ့အစည်းနှင့်အသည်းတို့ကိုထိခိုက် ပျက်စီးစေပါသည်။

Hyperemesis Gravidarum (ကိုယ်ဝန်ဆောင် အအန်လွန်ရောဂါ) က ဘယ်လောက်အဖြစ်များသလဲ

ကိုယ်ဝန်ဆောင်အအန်လွန်ရောဂါသည်ရှားပါးပါသည်။ အမျိုးသမီးများ၏ ၇၀% မှ ၈၅% သည် နံနက်ပိုင်းအော့အန်ခြင်းရှိကြပါသည်။ ၁% မှ ၂% သာလျှင်ကိုယ်ဝန်ဆောင်အအန်လွန်ရောဂါ ရှိကြပါသည်။ ကိုယ်ဝန်အအန်လွန်ရောဂါခံစားနေရခြင်းသည်ကလေးတစ်ယောက်ထက်ပို၍ (အမွှာပုူးနှင့် အထက်)ကိုယ်ဝန်ဆောင်ထားရခြင်းကြောင့်လည်း ဖြစ်နိုင်ပါသည်။

လက္ခဏာများ

Hyperemesis Gravidarum (ကိုယ်ဝန်ဆောင် အအန်လွန်ရောဂါ) ရဲ့လက္ခဏာတွေကဘာတွေလဲ

ရောဂါလက္ခဏာများသည်များသောအားဖြင့်ကိုယ်ဝန်၏လေးပတ်နှင့်ရှစ်ပတ်ကြားတွင်စတင်ပြီး ၁၆ ပတ်အထိကြာပါသည်။ ဖြစ်ပွားသောအမျိုးသမီးအများစုသည်တစ်နေကုန်အော့အန်တတ်ပါသည်။

တခြားရောဂါလက္ခဏာများမှာမအီမသာဖြစ်ခြင်း၊ကိုယ်အလေးချိန်ကျခြင်း၊ဆီးသွားမှုနည်းပါးခြင်း၊ခေါင်းကိုက်ခြင်း၊စိတ်ရှုပ်ထွေးခြင်း၊သတိလစ်ခြင်းနှင့်အသားဝါခြင်းတို့ပါဝင်ပါသည်။ Ketones များဆီးထဲတွင်ပါဝင်ခြင်း၊သွေးခုန်နှုန်းမြင့်တက်ခြင်းနှင့်သွေးပေါင်ချိန်ကျဆင်းခြင်းတို့သည်ရေဓါတ် ခမ်းခြောက်မှုကိုညွှန်ပြပါသည်။

အထက်တွင်ဖော်ပြမထားသောအခြားလက္ခဏာများလည်းရှိနိုင်ပါသည်။ အကယ်၍ သင့်ဆီတွင် ရောဂါလက္ခဏာတစ်ခုခုများရှိနေသည်ဟုစိုးရိမ်မိပါက ဆရာဝန်နဲ့ ဆွေးနွေးတိုင်ပင်သင့်ပါသည်။

ဘယ်အချိန်မှာ ဆရာဝန်နဲ့ သွားရောက်တွေ့ဆုံသင့်သလဲ

ကိုယ်ဝန်ရှိသောလက္ခဏာများတွေ့ရပါကပိုမိုတိကျသောညွှွှန်ကြားချက်များနှင့် စောင့်ကြည့်မှုများအတွက်သင်၏ဆရာဝန်ကိုချက်ချင်းခေါ်ပါ။ သို့သော်လည်းသင်သည်မကြာခဏ ပြင်းထန်သောအော့အန်ခြင်းနှင့်သတိလစ်ခြင်းတို့ကိုခံစားရပါကအရေးပေါ်အလျင်အမြန်ဆေးရုံ တက်ရန်လိုအပ်ပါသည်။ လူတိုင်းရဲ့ခန္ဓါကိုယ်တုံ့ပြန်မှုသည်မတူညီနိုင်ပါ။ ဆရာဝန်နှင့် တိုင်ပင်ဆွေးနွေးခြင်းသည် သင့်အတွက်အကောင်းဆုံး ဖြစ်ပါသည်။

အကြောင်းရင်းများ

Hyperemesis Gravidarum (ကိုယ်ဝန်ဆောင် အအန်လွန်ရောဂါ) ကိုဘာတွေကဖြစ်စေသလဲ

အမျိုးသမီးအများစုသည်အထူးသဖြင့်ကိုယ်ဝန်ပထမသုံးလတွင်မအီမသာဖြစ်ခြင်းနှင့်အော့အန်ခြင်းများ ဖြစ်တတ်ပါသည်။ ကိုယ်ဝန်ဆောင်စဉ်မအီမသာဖြစ်ခြင်းနှင့်အော့အန်ခြင်း၏အကြောင်းအရင်းသည် Human chorionic gonadotrotil (HCG) ဟုခေါ်သောဟော်မုန်းတမျိုးသွေးထဲတွင်လျင်မြန်စွာမြင့်တက်လာခြင်းကြောင့်ယူဆရပါသည်။ (HCG) ကိုအချင်းမှထုတ်လွှတ်ပါသည်။

အချို့အမျိုးသမီးများသည်ကိုယ်ဝန်ဆောင်ချိန်အတွင်းမအီမသာဖြစ်ခြင်းနှင့်အော့အန်ခြင်းများရှိပါသည်။ ကိုယ်ဝန်တိုင်းတွင်ဖြစ်တတ်သော်လည်းနှစ်မြွှာပူးနှင့် အထက် ကိုယ်ဝန်လွယ်ထားရသူများ သို့မဟုတ် စပျစ်ခိုင် ကိုယ်ဝန်ရောဂါရှိနေသူများတွင်ပို၍ဖြစ်ပွားပါသည်။

Risk factors

ငါ့ဆီမှာ Hyperemesis Gravidarum (ကိုယ်ဝန်ဆောင် အအန်လွန်ရောဂါ) ဖြစ်နိုင်ခြေကိုဘာ်တွေက မြင့်တက်စေသလဲ

ကိုယ်ဝန်ဆောင်အအန်လွန် ရောဂါဖြစ်ပွားနိုင်ချေသည် ငယ်ရွယ်စဉ်တွင်ကလေးရမှု၊ ကိုယ်အလေးချိန် (အဝလွန်မှု)၊ ယခင်ကကိုယ်ဝန်မဆောင်ဖူးသူ၊ ပထမဆုံးအကြိမ်ကိုယ်ဝန်ဆောင်ခြင်း နှင့် အရင်ကိုယ်ဝန် များတွင် ကိုယ်ဝန်ဆောင်အအန်လွန်ရောဂါဖြစ်ဖူးမှု တို့အပေါ်မူတည်၍ မြင့်တက်နိုင်ပါသည်။ ဇီဝဗေဒဆိုင်ရာ၊ စိတ်ပညာဆိုင်ရာ နှင့် လူမှုဆက်ဆံရေးဆိုင်ရာအချက်များသည်လည်းအခန်းကဏ္ဍ တစ်ခုအနေနှင့် ပါဝင်နိုင်ပါသည်။

ဖြစ်ပွားစေနိုင်ချေကို မြင့်စေသည့် အကြောင်းရင်းများမရှိခြင်းသည် သင့်အားရောဂါမရနိုင်ဟုမဆိုလိုပေ။ ဤအချက်များသည် ကိုးကားချက်များသာလျှင်ဖြစ်သည်။ ပိုမိုများပြားသောအချက်အလက် များအတွက် သင်၏ဆရာဝန်နှင့် တိုင်ပင်ပါ။

ရောဂါအဖြေရှာခြင်းနှင့် ကုသမှု

ယခုဖော်ပြထားသော အချက်အလက်များကို ဆေးပညာအကြံပေးမှုနေရာတွင် အစားထိုးရန်မသင့်တော်ပါ။ ပိုမိုသောအချက်အလက်များရရှိရန်အတွက် ဆရာဝန်နှင့် အမြဲတမ်းတိုင်ပင်ပါ.

Hyperemesis Gravidarum (ကိုယ်ဝန်ဆောင် အအန်လွန်ရောဂါ) ကို ဘယ်လိုအတည်ပြုပါသလဲ

ရောဂါအဖြေရှာခြင်း

ယခုဖော်ပြထားသည့်အချက်အလက်များမှာဆေးပညာဆိုင်ရာကျွမ်းကျင်သူ၏ အကြံပေးချက် များနေရာတွင် အစားထိုးရန် မသင့်တော်ပါ။ ဆက်လက် သိရှိလိုသောအချက်အလက် များအတွက် သင့်ရဲ့ဆရာဝန်နဲံ အမြဲတိုင်ပင်ဆွေးနွေးပါ။

ကိုယ်ဝန်ဆောင် အအန်လွန် ရောဂါကိုဘယ်လိုရှာဖွေစစ်ဆေးမလဲ။

ပြင်းထန်သောမအီမသာဖြစ်မှုနှင့် အော့အန်မှုတို့သည် ကိုယ်အလေးချိန် လျော့ကျခြင်း၊ ရေဓါတ် ခန်းခြောက်ခြင်း နှင့် ခန္ဓါကိုယ်တွင်းဓါတ်သဘောများပြောင်းလဲခြင်းတို့အထိဦးတည် လာသောအခါ ဆရာဝန်နှင့် ရောဂါစစ်ဆေးရှာဖွေမှုများ ပြုလုပ်ပါ။ ဤလက္ခဏာများအားအခြားအရာများအား ဖြစ်စေသလားသိရှိရန် ဆရာဝန်သည် သွေးနှင့် ဆီးအားစစ်ဆေးမှုများ ပြုလုပ်နိုင်ပါသည်။ အာထရာဆောင်းခြင်းကိုလည်း ပြုလုပ်နိုင်ပါသည်။

Hyperemesis Gravidarum (ကိုယ်ဝန်ဆောင် အအန်လွန်ရောဂါ) ကို ဘယ်လိုကုသပါသလဲ

ရောဂါလက္ခဏာများသည် မဆိုးရွှားပါကဘီစကွက်ခြောက်များ နှင့်အစာကိုခဏခဏနဲ့နည်းနည်းစားသောက်ပေးခြင်းဖြင့် သက်သာနိုင်ပါသည်။ အရည်များများသောက်ခြင်းဖြင့် သက်သာနိုင်ပါသည်။ ( သင်သည် ဆိုဒါဖျော်ရည်နှင့် အခြားစပါကလင်ဖျော်ရည်ကဲ့သို့ အမြှုပ်ပါသောဖျော်ရည်များသောက်သုံးမည် ဆိုပါကရေခဲများလောင်းထည့်၍ အမြှုပ်နည်းသွားအောင်လုပ်ပါ) ကိုယ်ဝန်ဆောင် အအန်လွန်ရောဂါရှိသောအမျိုးသမီးများသည် အကြောဆေးထိုးခြင်း၊ ဗိုက်တာမင်ဆေးသောက်ခြင်းနဲ့ဆေးရုံတက် ခြင်းတို့လိုအပ်နိုင်ပါသည်။ ဆိုးရွှားစွာ နှင့် ကြာမြင့်စွာအန်သောအမျိုးသမီးများအတွက် အအန် ပျောက်ဆေးများပေးနိုင်ပါသည်။ အရည်များဝင်ပါကနူးညံ့သောအစာများ နှင့် အစာများကို ဖြည်းဖြည်းချင်းစတင် စားသောက်ပါ။ ဤနည်းလမ်းများအလုပ်မဖြစ်ပါကပါးစပ်မှလွဲ၍ ကျန်သောနည်းလမ်းများမှ အာဟာရပေးခြင်းတို့ကိုလုပ်ဆောင်နိုင်သည်။

လူနေမှုပုံစံပြောင်းလဲခြင်းနှင့် အိမ်သုံးကုထုံးများ။

လူနေမှုပုံစံပြောင်းလဲခြင်းနဲ့ အိမ်သုံးကုထုံးတွေအသုံးပြုခြင်းကကိုယ်ဝန်ဆောင် အအန်လွန်ရောဂါကိုကုသရာမှာဘယ်လိုအထောက်အကူပြုနိုင်မလဲ။

အောက်ဖော်ပြပါလူနေမှုပုံစံများနဲ့အိမ်သုံးကုထုံးများသည်ကိုယ်ဝန်ဆောင်အအန်လွန်ရောဂါကို ကုသသောနေရာတွင် အကူအညီပေးနိုင်ပါသည်။

  • အတွေ့အကြုံရှိသောဆရာဝန်ထံမှ ကုသမှုခံယူပါ။
  • အဆီများသောသို့မဟုတ် ပူစပ်သောအစာများမစားပါနှင့်။
  • မအိပ်ခင်နှင့် မလဲလျောင်းမီအစာမစားပါနှင့်။
  • အစာကိုနည်းနည်းနှင့် မကြာခဏစားသုံးပါ။
  • ပရိုတိန်းဓါတ် များသောမုန့်ပဲသရေစာများစားသုံးပါ။
  • ဘီစကွတ်ခြောက်များပေါင်မုန့်မီးကင်များ နှင့် ကွေကာအုပ်ျများကိုမနက်စောစောတွင် စားသုံးပါ။

အကယ်၍သင့်မှာမေးခွန်းတွေရှိပါကသင့်အတွက်သင့်တော်တဲ့ အဖြေရှာဖွေနိုင်ရန် ဆရာဝန်နဲ့ ဆွေးနွေးတိုင်ပင်သင့်ပါသည်။

ဒီဆောင်းပါးက သင့်အတွက် အသုံးဝင်ပါသလား။
happy unhappy"
ရင်းမြစ်များ

သင်ဒါလည်း နှစ်သက်နိုင်ပါတယ်။

အာလူး နဲ့ ကျန်းမာရေး

ကျန်းမာရေး ကယ်လ်လိုရီ သစ်သီး နဲ့ ဟင်းသီးဟင်းရွက် အမျှင်ဓာတ် အာလူး အရိုး အရိုးပွ ကော်လာဂျင် ကျန်းမာရေး ပြဿနာ သွေးပေါင် သွေးစီးဆင်းမှု

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon

အသင့်စား ခေါက်ဆွဲတွေက အရသာ ကောင်းပေမယ့် ကျန်းမာရေးအတွက် မကောင်းပါ

ခေါက်ဆွဲပြုတ် သားသားမီးမီးတွေ တာရှည်ခံဆေး အသင့်စားခေါက်ဆွဲ အာဟာရ ကျန်းမာရေး ပြဿနာ အစာကြေ ကိုယ်ဝန် ပျက်ကျ ကိုယ်ဝန်ဆောင်တွေ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon

ဟော်မုန်းမပါတဲ့ သားဆက်ခြားနည်း များ

သားဆက်ခြားနည်း သားအိမ်ထဲထည့် လက်မောင်းအောက်ထဲထည့် ဟော်မုန်း လိင်ကတစ်ဆင့်ကူးစက် ရင်သားကင်ဆာ သုတ်ပိုးသတ်ဆေး အရေးပေါ်သန္ဓေတားဆေး ကွန်ဒုံးပြဲ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Htet Htet Zaw Win

သွေးဆုံးချိန်နဲ့ ဟော်မုန်း အစားထိုး ကုသမှု

ဟော်မုန်း သွေးဆုံးချိန် အီစထရိုဂျင် ပရိုဂျက်စတုန်း သွေးဆုံးကိုင်ဝေဒနာ အရိုးသိပ်သည်းဆ ရင်သားကင်ဆာ သားအိမ်ကင်ဆာ သားဥအိမ်ကင်ဆာ နှလုံးသွေးကြောကျဉ်း

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Htet Htet Zaw Win

သင့်အတွက် ရွေးချယ်ထားသည်

အသက်ရှင်နှုန်းများတဲ့ ကင်ဆာရောဂါ များ

အသက်ရှင်နှုန်းများတဲ့ ကင်ဆာရောဂါ များ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဇွန် 2, 2020
သားသားမီးမီးတို့ကို လေ့ကျင့်ခန်း လုပ်ခိုင်းပါ

သားသားမီးမီးတို့ကို လေ့ကျင့်ခန်း လုပ်ခိုင်းပါ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon
ရေးသား ထုတ်ဝေခဲ့သည် မေ 28, 2020
ပန်းသစ်ခွ နဲ့ ကျန်းမာရေး

ပန်းသစ်ခွ နဲ့ ကျန်းမာရေး

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon
ရေးသား ထုတ်ဝေခဲ့သည် မေ 28, 2020
အရက်ဖြတ်လိုက်ခြင်းကြောင့် ဘယ်လိုအကျိုးကျေးဇူးတွေ ခံစားလာရနိုင်သလဲ

အရက်ဖြတ်လိုက်ခြင်းကြောင့် ဘယ်လိုအကျိုးကျေးဇူးတွေ ခံစားလာရနိုင်သလဲ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Thiha Phyo Myint
ရေးသား ထုတ်ဝေခဲ့သည် မေ 25, 2020