ဆရာဝန်တွေ ပြောပြောနေကြတဲ့ ကိုယ်ဝန်ပထမ၃လ ( 1st trimester) ဆိုတာ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဇန်နဝါရီ 28, 2021 . 2 mins read
Share now

ကိုယ်ဝန် တစ်ခုကို အချိန်ကာလ ဘယ်လိုတွေ ခွဲခြားသတ်မှတ်ထားလဲ။ ။

ကိုယ်ဝန်တစ်ခုဟာ ကိုးလလွယ် ဆယ်လဖွားဆိုတာတော့ အားလုံးသိကြမှာပါ။ ပုံမှန်ကိုယ်ဝန်တစ်ခုရဲ့ ကာလဟာ အပတ်ပေါင်း ၄၀ ရှိရမယ် လနဲ့ဆိုရင်တော့ ဆယ်လလောက်ပေါ့။ ဒါပေမယ့် အပတ်ပေါင်း၄၀ ကွက်တိမဟုတ်ဘဲ သူ့ကို ၃၇ပတ် – ၄၂ ပတ်ကြားထဲ ထည့်ထားလေ့ရှိပါတယ်။ လူတစ်ယောက်နဲ့ တစ်ယောက်က မတူဘူးလေ။ ဒီတော့ ဒီ ၃၇ – ၄၂ ပတ် ကြားထဲမှာ မွေးတဲ့ ကိုယ်ဝန်မှန်သမျှ ပုံမှန်ကိုယ်ဝန် တစ်ခုပါ။

ဆေးပညာမှာ ဒီ ၁၀ လလွယ်ထားရတဲ့ ကိုယ်ဝန်ကို Trimester ( ကိုယ်ဝန် အပိုင်းအခြားကာလ) နဲ့ ပိုင်းခြားလေ့ရှိပါတယ်။ Trimester ဆိုတာ ၁၀လကြာတဲ့ ကိုယ်ဝန် တစ်ခုကို ( 1st Trimester , 2nd Trimester နဲ့ 3rd Trimester ) ဆိုပြီး ၃လစီ ခွဲထားတာကို ပြောတာပါ။ အလွယ်ပြောရရင် ကိုယ်ဝန် ပထမ ၃လ၊ ဒုတိယ ၃လ နဲ့ တတိယ ၃ လပေါ့။ ကိုယ်ဝန် trimester ကာလတစ်ခုဆီမှာ အပတ်ပေါင်း ၁၂ပတ်ကနေ ၁၄ပတ် လောက်အထိရှိပြီး လပေါင်းကတော့ ၃ လစီပါ။

တစ်လချင်းစီ လိုက်မကြည့်ဘဲ ဒီလို ၃ လစီခွဲလိုက်တဲ့အခါကျတော့ အများကြီးမှတ်စရာ မလိုတော့ဘဲ တစ်စုတည်းကြည့်ရလွယ်သွားတာပေါ့။ ဒါဆို ဒီ ၃လစီ စုထားတဲ့ ကိုယ်ဝန် အပိုင်းအခြားအလိုက်ဘာတွေပြောင်းလဲလာလဲ ဆိုတာကိုရော သိချင်ကြတယ်မလား။ ဆက်ကြည့်ရအောင် ။ ။

1st Trimester ( ကိုယ်ဝန်ပထမ၃လ)

ကိုယ်ဝန် တစ်ခုရဲ့ စစချင်း ရက်စွဲကို နောက်ဆုံးလာခဲ့တဲ့ ရာသီစက်ဝန်းရဲ့ ပထမရက်ကနေ စမှတ်လေ့ရှိပါတယ်။ ဒီတော့ နောက်ဆုံးလာခဲ့တဲ့ ရာသီစက်ဝန်းရဲ့ ပထမရက်ကနေစရေရင် ၁၃ ပတ်မြောက်တဲ့နေ့ဟာ 1st Trimester ( ကိုယ်ဝန်ပထမ၃လ) ၃လပါ။

ကိုယ်ဝန်ပထမ၃လ မှာ မိခင်ရဲ့ ပြောင်းလဲမှု 

1st Trimester မှာတော့ စစချင်းကိုယ်ဝန်ရခါစဖြစ်တာကြောင့် ဗိုက်က သိသိသာသာစူထွက်လာတာမျိုးတော့ မရှိပေမယ့် ဗိုက်ထဲမှာ ကြီးထွားလာတဲ့ ကလေးကြောင့် ကိုယ်ဝန်ဆောင် အမျိုးသမီးတွေရဲ့ ကိုယ်ခန္ဓာမှာ အခြားပြောင်းလဲမှုတွေ အများကြီးကြုံတွေ့ရမှာပါ။ ဘာတွေလဲဆိုတော့

  • အရင်ရှိနေကျ ဟော်မုန်းတွေ အပြောင်းအလဲဖြစ်သွားတာကြောင့် မနက်ပိုင်း ပျို့အန်တာ၊( morning sickness )နဲ့ အစားစားချင်စိတ်မရှိတာတွေက ကိုယ်ဝန် နုစဉ်ကာလရဲ့ အသိသာဆုံး အချက်တွေပါ။ ဒါ့အပြင်
  • သားအိမ်ကနေပြီး အချင်းဖြစ်ပေါ်လာဖို့နဲ့ ကလေးဖွံ့ဖြိုးဖို့အတွက် လိုအပ်တာတွေကို အကူအညီပေးရမယ်။
  • ကလေးဆီကိုပါ သွေးတွေ အာဟာရတွေ အောက်ဆီဂျင်တွေ လုံလုံလောက်လောက်ရဖို့အတွက် သွေးများများပိုထုတ်ပေးရတဲ့အတွက်ကြောင့် နှလုံခုန်နှုန်းတွေ မြန်လာမယ်။
  • ပြောင်းလဲသွားတဲ့ ဟော်မုန်းတွေကြောင့် အူလမ်းကြောင်း လှုပ်ရှားမှု မမှန်ဖြစ်ပြီး ဝမ်းချုပ်တာတွေလည်း ဖြစ်နိုင်ပါသေးတယ်။

ဆရာဝန်တွေ ပြောပြောနေကြတဲ့ ကိုယ်ဝန်ပထမ၃လ ( 1st trimester) ဆိုတာ

ကိုယ်ဝန်ပထမ၃လ မှာ ရင်သွေးလေးပြောင်းလဲလာမှု

ကိုယ်ဝန်ပထမ၃လဟာ ဗိုက်ထဲက ရင်သွေးလေး ဖွံ့ဖြိုးမှု အဓိကအကျဆုံး အချိန်လို့ပြောလို့ရပါတယ်။ ပထမ ၃ လဟာ ဗိုက်ထဲက ရင်သွေးလေးရဲ့ ကိုယ်တွင်း အစိတ်အပိုင်းအားလုံး ဖွံ့ဖြိုးတဲ့အချိန်ဖြစ်တာကြောင့် မွေးရာပါ ချို့ယွင်းချက်တွေ မရှိဖို့အတွက် ဒီ ၃ လဟာ အလွန်အရေးကြီးပါတယ်။ ဒါ့ကြောင့် ကိုယ်ဝန်လနုတဲ့အချိန်တည်းက ကလေး ဦးနှောက်နဲ့ အာရုံကြောပြွန်ဖွံ့ဖြိုးမှုအတွက် အရေးပါတဲ့ folic acid ဖြည့်စွက်အားဆေးတွေကို ဆရာဝန်တွေ သောက်ခိုင်းကြတာဖြစ်ပါတယ်။

ကိုယ်ဝန် အပ်ခြင်း

ဒါ့အပြင် ကိုယ်ဝန်စအပ်သင့်တဲ့အချိန်ကလည်း ဒီ ပထမ ၃ အတွင်းမှာပဲ ဖြစ်ပါတယ်။ ကိုယ်ဝန်ရှိပြီဆိုတာနဲ့ စောစောနိုင်သမျှ စောစော ကိုယ်ဝန်စအပ်ပါ။ ကိုယ်ဝန်ရင့်တော့မှ၊ မီးဖွားခါနီး ၂ လလောက်အလိုမှ ပထမဆုံး ကိုယ်ဝန်သွားပြတာမျိုး မဟုတ်ဘဲ ကိုယ်ဝန် လနုစဉ်တည်းက ကိုယ်ဝန်ကို သွားအပ်ထားသင့်ပါတယ်။ ဒါမှ ကလေးရဲ့ ဖွံ့ဖြိုးမှုတွေ မိခင်ရဲ့ ကျန်းမာရေးတွေကို သေချာသိနိုင်မှာ ဖြစ်ပြီး တစ်စုံတစ်ရာချို့ယွင်းနေရင် အချိန်မီ ကုသနိုင်မှာ ဖြစ်ပါတယ်။

သားပျက်သားလျှောဖြစ်ခြင်း

မေမေတိုင်း ကြောက်ကြတဲ့ ကိုယ်ဝန် ပျက်ကျခြင်းဟာလည်း ဒီ ကိုယ်ဝန်ပထမ၃ လ ( 1st Trimester ) အဖြစ်များပါတယ်။ လနုတဲ့ကာလဆိုတော့ ချော်လဲတာ၊ အထိုင်အထ မတော်တာမျိုးနဲ့တင် ကိုယ်ဝန် ပျက်ကျသွားတတ်ပါတယ်။ ဒါ့ကြောင့် ကိုယ့်ရဲ့ နေထိုင်မှု ပုံစံတွေကို ပြင်မယ်၊ အလေးအပင်တွေ မမဘူး၊ အရက် ဆေးလိပ်ဖြတ်မယ်၊ ကိုယ်ဝန်ဆောင် အားဆေးတွေ သောက်မယ်ဆိုရင် ကိုယ်ဝန်ပျက်ကျတာမျိုးတွေ နည်းသွားမှာပါ။

ဆရာဝန်တွေ ပြောပြောနေကြတဲ့ ကိုယ်ဝန်ပထမ၃လ ( 1st trimester) ဆိုတာ

Takeaways

ဒီ ကိုယ်ဝန်ပထမ၃ဟာ ဘယ်လောက်အရေးကြီးကြောင်း၊ ဘယ်လိုတွေ ပြောင်းလဲကြောင်း ဒီလောက်ဆို သိသွားလောက်ပြီလို့ ထင်ပါတယ်။ ဗိုက်ထဲက ရင်သွေးလေးစပြီး ရုပ်လုံးပေါ်နေတဲ့ အချိန်ဖြစ်တာကြောင့် မေမေတို့ စိတ်ပိုင်းဆိုင်ရာပိုင်းလည်း ပြင်ဆင်စရာတွေရှိပါသေးတယ်။ စိတ်ကို အတတ်နိုင်ဆုံး ပျော်အောင်ထားမယ်၊ စိတ်ဆိုး ဝမ်းနည်း ဒေါသထွက်တာတွေကို လျှော့ဖို့လည်း လိုပါတယ်။ ဒီ ကိုယ်ဝန်ပထမ၃လ က ကိုယ်ဝန်နဲ့ ပတ်သက်တာတွေက စပြီးလေ့လာသ့င့်တဲ့အချိန် ၊ မီးဖွားနည်းပုံစံတွေ၊ နို့ချိုတိုက်ကျွေးခြင်းပုံစံတွေကို စပြီး သင်ယူဖို့ အကောင်းဆုံး အချိန်လည်း ဖြစ်ပါတယ်။ ။

ဆောင်းပါး တစ်ခုတည်းမှာ ရှိသမျှ Trimesters ၃ခုလုံး တစ်ပြုံတည်းရေးလိုက်ရင် စာဖတ်သူလည်း ပျင်းမယ်၊ စာရေးသူအတွက်လည်း ပြည့်ပြည့်စုံစုံ အသေးစိတ်တင်ပြခွင့် မရတာကြောင့် 2nd Trimester နဲ့ 3rd Trimester အကြောင်းကို နောက်အပုဒ်တွေမှာ ဆက်လက်စောင့်မျှော်ကြပါဦးနော် ။ ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

မေမေတိုင်း ရင်ခုန်စွာ စောင့်ဆိုင်းကြတဲ့ ဘေဘီလေး မွေးဖွားမယ့်အချိန်

မေမေတိုင်း ရင်ခုန်စွာ စောင့်ဆိုင်းကြတဲ့ ဘေဘီလေး မွေးဖွားမယ့်အချိန်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ကလေးများအတွက် ဒိုင်းသဖွယ် ကာကွယ်ပေးမယ့် နို့တစ်ခွက်

ကျန်းကျန်းမာမာနဲ့ ဆော့ကစားနေတဲ့ ကလေးတွေကို မြင်နေရတာ မေမေအတွက်တော့ စိတ်ချမ်းသာစရာပါ။ မေမေတို့ အဖြစ်ချင်ဆုံး ဆန္ဒက မေမေ့ကလေးတွေကို ကျန်းမာစေချင်တာပါပဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

သားဥကြွေ ခါနီးရင် ဘာတွေ ခံစားရမလဲ။

သားဥကြွေ တဲ့အချိန်ဟာ ကိုယ်ဝန်လိုချင်တဲ့သူတွေရော၊ တားချင်တဲ့ သူတွေအတွက်ပါ အရေးကြီးပါတယ်။ အလွယ်ဆုံးနည်းကတော့ ကျန်းမာရေးကိရိယာမှာ တွက်ချက်တာပဲ ဖြစ်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

အာထွာဆောင်းဂျူးဒိတ်နဲ့ ရာသီရက် ဂျူးဒိတ်နဲ့ ကွာနေရင် ဘယ်ဒိတ်ကို ယူရမလဲ။

ဂျူးဒိတ်ကို အာထွာဆောင်းကနေ တွက်နိုင်သလို၊ ရာသီရက်ကနေလည်း တွက်နိုင်ပါတယ်။ နှစ်ခုက အခြေအနေပေါ်မူတည်ပြီး ရက်မကိုက်တာမျိုး ရှိနိုင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

သင့်အတွက် ရွေးချယ်ထားသည်

ဘေဘီလေးက ချင်း (ဂျင်း) စားလို့ဖြစ်ရဲ့လား

ဘေဘီလေးကို ချင်း (ဂျင်း) ကျွေးလို့ရရဲ့လား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 20, 2021 . 2 mins read
ကိုယ်ဝန်မြန်မြန်ရနိုင် စေဖို့ နည်းလမ်းကောင်းများ

ကိုယ်ဝန်မြန်မြန်ရနိုင် စေဖို့ နည်းလမ်းကောင်းများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဇန်နဝါရီ 18, 2021 . 2 mins read
ဘယ်နေ့မှာ အတူနေ၊ ဘယ်နေ့မှာ ကိုယ်ဝန်ရှိပြီး၊ ဘယ်နေ့မှာ မွေးကြမလဲ။

ဘယ်နေ့မှာ အတူနေ၊ ဘယ်နေ့မှာ ကိုယ်ဝန်ရှိပြီး၊ ဘယ်နေ့မှာ မွေးကြမလဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဒီဇင်ဘာ 18, 2020 . 2 mins read
လေဒီတို့ သိထားသင့်တဲ့ သားဥကြွေမယ့်ရက်

လေဒီတို့ သိထားသင့်တဲ့ သားဥကြွေမယ့်ရက်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဒီဇင်ဘာ 18, 2020 . 2 mins read