5 ပတ်

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 12, 2020 . 2 mins read
Share now

ကလေးလေး ဘယ်လိုဖွံ့ဖြိုးလာမှာလဲ

သားသားမီးမီးလေးက ဘယ်လိုကြီးလာတာပါလိမ့်

အခုဆို ကလေးလေးက နှမ်းစေ့လောက်ပဲရှိပါတယ်။ ကလေးပုံထက် ဖားလောင်းသေးသေးလေးနဲ့ ပိုတူနေပါတယ်။ ဒီအခြေနေရောက်ရင် သန္ဓေသားလေးက ဆဲလ်အရေအတွက် တော်တော်များလာပါပြီ။ အာရုံကြောမြောင်းမကြီးက သန္ဓေသားအာရုံကြောမကြီးတစ်လျှောက် ပေါ်လာပါတယ်။ အဲဒီကနေဦးနှောက်ဖြစ်လာပါတယ်။ သန္ဓေသားရဲ့အလယ်မှာရှိတဲ့ ဖောင်းနေတဲ့နေရာကနေ နှလုံးဖြစ်လာပါတယ်။ တစ်ချိန်ထဲမှာ အချင်းနဲ့လက်ချောင်းပုံ တစ်ခြားအမြှေးပါးတွေလည်း စပြီးဖွံ့ဖြိုးလာပါတယ်။ မေမေ့ဆီက အာဟာရတွေ အချင်းနဲ့အာဟာရပေးမယ့် အမြှေးပါးဆီကနေ သန္ဓေသားလေးဆီရောက်ပါပြီ။

ခန္ဓါကိုယ်နဲ့ အနေအထိုင်အပြောင်းအလဲလေးများ

ခန္ဓါကိုယ်မှာရော ဘာတွေဆက်ပြောင်းလဲဦးမှာပါလိမ့်

အရမ်းကိုပျော်ရွှင်နေပြီးတော့မှ ရုတ်တရက်စိတ်ဖိစီးမှုတွေများလာတာမျိုးဖြစ်ဖူးကြလားမသိဘူး။ ကိုယ်ဝန်ဆောင်ချိန်မှာတော့ ဒီလိုခံစားချက်အပြောင်းအလဲအရမ်းဖြစ်လွယ်ပါတယ်။ ပျော်လိုက်၊ စိတ်ဓါတ်ကျလိုက်၊ ဒေါသထွက်လိုက်၊ အားငယ်သလို ခံစားရလိုက်နဲ့အမြဲပြောင်းလဲနေတတ်ပါတယ်။ တစ်နာရီအတွင်းကို ဒီခံစားချက်တွေအကုန်ဖြစ်နေတာလည်းဖြစ်နိုင်ပါတယ်။ အခုချိန်က ဟော်မုန်းတွေ သိသိသာသာမြင့်တက်နေတော့ စိတ်ခံစားချက်က အမြဲပြောင်းနေမှာပါ။ သိပ်ပြီးစိတ်မပူပါနဲ့။ ကိုယ်ဝန်ဆောင်တယ်ဆိုတာ ဘဝမှာကြီးမားတဲ့ အချိုးအကွေ့တစ်ခုပဲဟာ ဘယ်သူက စိတ်မလှုပ်ရှားဘဲနေမှာလဲ။
မူမမှန်တဲ့ခံစားချက်တွေက ဒုတိယလမှာ အဆိုးဆုံးပါပဲ။ တစ်ခါတစ်လေ နောက်ဆုံးလမှာပြန်ပေါ်လာတတ်ပါတယ်။ ကိုယ်ဝန်ဆောင်ချိန်မှာ အမျိုးသမီး ၁၀-၁၂%က စိတ်ဖိစီးမှုကို ခံစားနေရပါတယ်။ ဒီ ဖိစီးမှုပမာဏက မီးဖွားပြီး စိတ်ဖိစီးမှုကို ခံစားနေရတဲ့သူပမာဏနဲ့ တူတူနီးပါးရှိပါတယ်။ ကိုယ်ဝန်ဆောင်နေတုန်း ဘယ်ချိန်မဆို စိတ်ဖိစီးမှုကို ၂ပတ်ထက် ပိုခံစားနေရပြီဆိုရင်တော့ ဆရာဝန် ဆီကအကြံဉာဏ်တောင်းပြီး ကုသမှုခံယူသင့်ပါတယ်။

သိသင့်သိထိုက်တာလေးတွေ

အားကစားရောလုပ်လို့ရလား။

ပေါ့ပေ့ါပါးပါးအားကစားနည်းတွေ အားကောင်းအောင်တောင့်ခံနိုင်အားတိုးစေပါတယ်။ အားကစားလုပ်တာ ကောင်းကျိုးတွေ အများကြီးရပါတယ်။
• အလေးချိန်(ဗိုက်)ကို ပိုပြီးသယ်ထားနိုင်စေပါတယ်။
• နာကျင်ကိုက်ခဲတာတွေကို လျော့စေပါတယ်။
• စိတ်ဖိစီးမှုကိုလျှော့ချပေးပြီး စိုးရိမ်စိတ်၊ စိတ်ဓါတ်ကျတာကို ကာကွယ်ပေးပါတယ်။
• အဓိကကြွက်သားတွေကို ဖြေလျှော့ပေးပြီး မီးဖွားဖို့အဆင်သင့်ဖြစ်အောင်ပြင်ဆင်ပေးပါတယ်။
ပေါ့ပေါ့ပါးပါးအားကစားတွေဆိုတာ လမ်းလျှောက်တာ၊ ရေကူးတာ၊ ယောဂကျင့်တာတွေကို ဆိုလိုတာပါ။ ကိုယ်နဲ့အဆင်ပြေတာကိုရွေးပြီး နေ့တိုင်းပုံမှန်လုပ်လို့ ရပါတယ်။ အားကစားနည်းအသစ်တွေလုပ်တိုင်း ဆရာဝန်နဲ့တိုင်းပင်ပြီး လုပ်ကြဖို့မမေ့နဲ့နော်။

ဆရာဝန်ဆီ သွားပြရအောင်

ဆရာဝန်နဲ့ ဘာတွေတိုင်ပင်ကြမလဲ

မီးမဖွားမီ ကိုယ်ဝန်အပ်စာ စောစောလုပ်တာ ကောင်းပါတယ်။ ကျန်းမာရေးစစ်ဆေးတာကို ပုံမှန်လုပ်ဖို့လည်း မမေ့နဲ့နော်။ ကလေးရော အမေရာ ကျန်းမာဖို့ ကိုယ်ဝန်အပ်တာက အရေကြီးပါတယ်။ ပထမဆုံးသွားပြတဲ့အခါ(ကိုယ်ဝန်၈ပတ်လောက်)ရောဂါထွေထွေထူးထူးမဖြစ်အောင် ကာကွယ်ဖို့စမ်းသပ်စစ်ဆေးတာတွေလုပ်ပါလိမ့်မယ်။ အရေးကြီးဆုံးအချက်က ရက်ရွေးပြီး ရက်ချိန်းယူထားဖို့ပါ။ သောက်နေတဲ့ဆေးတွေကိုဆရာဝန်သိအောင်ပြောပြဖို့လိုပါတယ်။ ဆရာဝန်မညွှန်းထားတဲ့ ဆေးတွေကစိတ်မချရပါဘူး။ နာတာရှည်ရောဂါတစ်ခုခုကြောင့် ဆေးသောက်နေရတယ်ဆိုရင်တော့ ချက်ချင်းမရပ်လိုက်သင့်ပါဘူး။ အဲဒါကြောင့် ဘယ်ဆေး၊ အစားအစာ၊ ဆေးဖက်ဝင်အပင်တွေက အန္တရာယ်မရှိလဲဆိုတာ ဆရာဝန်နဲ့တိုင်ပင်တာက အကောင်းဆုံးပါပဲ။

ဘယ်လိုစစ်ဆေးမှုတွေ ထပ်လိုဦးမလဲ ဆက်လေ့လာရအောင်

ဆရာဝန်ဆီသွားပြရင် ခန္ဓါကိုယ်ကို စစ်ဆေးမှုလုပ်ပါလိမ့်မယ်နော်။ အရပ်၊ အလေးချိန်၊သွေးဖိအး ကအစ မေမေလောင်းလေးတွေရဲ့တစ်ကိုယ်လုံးခြုံပြီး စစ်ဆေးမှုတွေလုပ်မှာပါ။ တင်ပါးဆုံရိုးစစ်ဆေးတာ အရေးကြီးပါတယ်။ မိန်းမကိုယ်စစ်ဆေးတဲ့အခါမှာ မှန်အဝိုင်းလိုမျိုးကိရိယာကို သုံးပါတယ်။ ဒီကိရိယာက ဆရာဝန်ကို သားအိမ်လည်တံ၊ သားအိမ်ဝတွေကို ကောင်းကောင်းမြင်ရအောင်လုပ်ပေးတဲ့အပြင် သူတို့ရဲ့ပြောင်းလဲမှုတွေကိုလည်း သိစေနိုင်ပါတယ်။ ကိုယ်ဝန်ရှိတာ ဘယ်လောက်ကြာပြီလဲဆိုတာကိုလည်း သိစေနိုင်ပါတယ်။

ကျန်းမာဘေးကင်းအောင်နေကြမယ်

ကိုယ်ဝန်ရှိချိန်မှာ ကျန်းမာဘေးကင်းအောင် ဘာတွေသိထားရမလဲ

ကိုယ်ဝန်ဆောင်ချိန်မှာ ကိုယ်ခံအားကျနေပါတယ်။ ရောဂါတွေ ဝင်လွယ်ပါတယ်။ တစ်ချို့အစာတွေကို ရှောင်စာမျိုးတွေလုပ်ဖို့လိုပါမယ်နော်။ ဘက်တီးရီးယား၊ ကပ်ပါးကောင်တွေကြောင့်ဖြစ်တဲ့ အစားမှားလို့ဖြစ်တဲ့ရောဂါတွေက အကောင်းအတိုင်းမမွေးတာတို့၊ ပျက်ကျတာတို့ပါ ဖြစ်စေနိုင်ပါတယ်။ ရှောင်သင့်သင်အစာတွေကို အောက်မှာပြပေးပါမယ်နော်။
• ပျော့ပြီးပိုးမသတ်ထားတဲ့ချိစ်(လတ်ဆတ်တယ်လို့ကြော်ငြာတတ်ပါတယ်)ချီးစ်ဖြူ၊ ဆိတ်နို့ချိစ်၊ အချဉ်ဖေါက်ထားတဲ့ချိစ်၊ ချိစ်ဝါ၊ ချိစ်ပြာတို့တွေ ပါပါတယ်။
• ပိုးမသတ်ထားတဲ့နို့၊ ဖျော်ရည်၊ ပန်းသီးဖျော်ရည်
• မလိုင်၊ ရုံးပတီသီး၊ ကဖင်းအဓိကပါတဲ့ အီတလီအချိုမုန့်တစ်မျိုးစတဲ့ အစားစာတွေ ဥအစိမ်း၊ ဥအစိမ်းနဲ့လုပ်ထားတဲ့အစာတွေ
• အစိမ်း၊ ဒါမှမဟုတ် မကျက်တကျက်ဖြစ်နေတဲ့အသားငါး၊ ကြေးခွံပါတဲ့ငါး၊
• မာကျူရီများတဲ့ငါး ဥပမာ-ငါးမန်း၊ ဓါးရှည်ပုံပင်လယ်ငါးတစ်မျိုး၊ ပင်လယ်ငါးကြီးများ

ကပ်ပါးကောင်ကဖြစ်တဲ့ တော့ဆိုပလတ်စမိုးစစ်ရောဂါက ကြောင်အပေါ့အလေးစွန့်တဲ့ဗန်းကနေ ကူးနိုင်လို့ ကိုယ်ဝန်ဆောင်ချိန်မှာတစ်ယောက်ယောက်ကို သိမ်းခိုင်းတာပိုကောင်းပါတယ်။

ဒီအပတ်အတွက် အဆင်ပြေပါစေ။ နောက်အပတ် ၆ပတ်မြောက်အတွက်ကို ဆက်ပြောပြပေးထားပါတယ်နော်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy
ရင်းမြစ်များ

ဒါတွေလည်းဆက်ဖတ်ပါ:

    သင်ဒါလည်း နှစ်သက်နိုင်ပါတယ်။

    ကိုယ်ဝန်ဆောင်မေမေနဲ့ သင့်တော်မယ့် လေ့ကျင့်ခန်းများ

    ကိုယ်ဝန်ဆောင်ချိန်မှာ ခံစားရနိုင်တဲ့ နာကျင်ကိုက်ခဲမှုတွေကို သက်သာစေမယ့် နည်းလမ်းကောင်း တစ်ရပ်ကတော့ လေ့ကျင့်ခန်း လုပ်တာပါ။

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Aye Thi Mon

    ဦးနှောက်နဲ့အာရုံကြော ကျန်းမာစေဖို့ မွေးမြူသင့်တဲ့ အလေ့အထများ

    ဦးနှောက်နဲ့အာရုံကြော အလေ့အထ ဦးနှောက် အာရုံကြောစနစ် ကိုယ်အလေးချိန် ခန္ဓာကိုယ် မှတ်ဉာဏ်ပိုင်းဆိုင်ရာ အာဟာရ မျှတအောင် ဟင်းသီးဟင်းရွက်တွေ

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Aye Thi Mon

    ဦးခေါင်းသေး သေး ကလေးလေး

    ဦးခေါင်းသေး မွေးရာပါချို့ယွင်းချက် Head circumference ဦးနှောက်ကြီးထွား ပုံမှန်ဉာဏ်ရည် ဖွံ့ဖြိုးမှုနောက်ကျ ပုညှက် အသိဉာဏ်မဖွံ့ဖြိုး အတက်ရောဂါ ဒေါင်းရောဂါ

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Dr. Htet Htet Zaw Win

    ကိုယ်ဝန်ဆောင်အားဆေးကို ဘယ်လိုရွေးချယ်သင့်သလဲ

    ဖောလိတ် ကိုယ်ဝန်ဆောင်ကာလ ကိုယ်ဝန်ဆောင်အားဆေး Omega 3 ဗီတာမင် B12 ကိုလင်း Choline အိုင်အိုဒင်း ဗီတာမင် D3 ဘိုင်အိုတင် သံဓာတ်

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Dr.Thant Zin

    သင့်အတွက် ရွေးချယ်ထားသည်

    ကိုယ်ဝန်ဆောင် မေမေ စိတ်ဖိစီးမှု ကင်းပါစေ။

    ကိုယ်ဝန်ဆောင် မေမေ စိတ်ဖိစီးရင် ကလေးကို ဘယ်လိုထိခိုက်နိုင်လဲ ဘယ်လောက်ထိခိုက်နိုင်လဲ

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Aye Thi Mon
    ရေးသား ထုတ်ဝေခဲ့သည် ဒီဇင်ဘာ 11, 2020 . 2 mins read
    ကိုယ်ဝန်ဆောင်ချိန် ကိုက်ခဲတာကို သက်သာစေဖို့

    ကိုယ်ဝန်ဆောင်ချိန် ကိုက်ခဲတာကို သက်သာစေဖို့

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Aye Thi Mon
    ရေးသား ထုတ်ဝေခဲ့သည် နိုဝင်ဘာ 25, 2020 . 2 mins read
    ကိုယ်ဝန်ဆောင်ချိန် ခေါင်းကိုက်ခြင်း

    ကိုယ်ဝန်ဆောင်ချိန် ခေါင်းကိုက်ခြင်း

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Aye Thi Mon
    ရေးသား ထုတ်ဝေခဲ့သည် အောက်တိုဘာ 5, 2020 . 2 mins read
    ဆယ်ကျော်သက်တို့ စိတ်ပိုင်းဆိုင်ရာ ကျန်းမာစေဖို့

    ဆယ်ကျော်သက်တို့ စိတ်ပိုင်းဆိုင်ရာ ကျန်းမာစေဖို့

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Aye Thi Mon
    ရေးသား ထုတ်ဝေခဲ့သည် စက်တင်ဘာ 29, 2020 . 2 mins read