ကိုယ်ဝန်ဆောင်မေမေ ကြုံတွေ့ရနိုင်တဲ့ ကျန်းမာရေးပြဿနာ အစုစု

ဆေးပညာပိုင်းဆိုင်ရာတည်းဖြတ်သူ | ရေးသားသူ

ရေးသား ထုတ်ဝေခဲ့သည် စက်တင်ဘာ 9, 2020 . 2 mins read
Share now

ကိုယ်ဝန်ဆောင်ချိန်မှာ ခန္ဓာကိုယ်မှာ ပြောင်းလဲမှု များစွာကို ကြုံတွေ့ရနိုင်ပါတယ်။ အချို့သော ပြောင်းလဲမှုတွေက ထူးထူးခြားခြား သိပ်မဖြစ်လှပေမယ့် အချို့သောပြောင်းလဲမှုတွေကတော့ တော်တော်လေး မသက်မသာ ဖြစ်စေပါတယ်။

ဒီပြောင်းလဲမှုမှာက ဖြစ်ရိုးဖြစ်စဉ်တွေပါသလို သတိပေး လက္ခဏာတွေလည်း ပါနေတတ်ပါတယ်။ ဒီတော့ ဘာတွေက ဖြစ်ရိုးဖြစ်စဉ် ဖြစ်လို့ ဘာတွေက အချက်ပြ လက္ခဏာတွေလဲ။ စိုးရိမ်ဖို့ လိုမလား၊ မလိုဘူးလားဆိုတာကို သိနိုင်ဖို့ ဒီဆောင်းပါးလေးထဲမှာ ဖတ်ကြည့်ပေးပါ။

ကိုယ်ဝန်ဆောင်ချိန်မှာ ခံစားရနိုင်တဲ့ ပြောင်းလဲမှု အစုစု

ကိုယ်ဝန်ဆောင်ချိန်မှာ အမျိုးမျိုးသော ပြောင်းလဲမှုကို ခံစားရနိုင်ပါတယ်။ တစ်ယောက်နဲ့ တစ်ယောက် မတူနိုင်ပေမယ့် အများစုကတော့ ဒီပြောင်းလဲမှုတွေကို တွေ့ကြုံရစမြဲပါ။

ဝမ်းချုပ်ခြင်း

ဒါက ကိုယ်ဝန်ဆောင် မေမေတိုင်းလိုလို ကျော်သွားလို့ မရတဲ့ ကျန်းမာရေး ပြဿနာ တစ်ရပ်ပေါ့။ ကိုယ်ဝန် အစောပိုင်းကာလမှာ ခံစားကြရတာ များပါတယ်။

အကြောင်းကတော့ ကိုယ်ဝန်ဆောင်ချိန်မှာ ခန္ဓာကိုယ်တွင်းမှာ ဟော်မုန်း ပြောင်းလဲတာကြောင့်ပါ။ ကိုယ်တွင်း ဟော်မုန်း ပြောင်းလဲမှုက မေမေတို့ကို ဝမ်းချုပ်စေရတဲ့ အချက်ပါပဲ။

ကြွက်တက်ခြင်း

ကြွက်တက်တယ်ဆိုတာ ရုတ်တရက်ဖြစ်ပေါ်လာတဲ့ ကြွက်သားထဲက စူးခနဲ နာကျင်မှုပါ။ ခြေသလုံး​ ကြွက်သားနဲ့ ခြေထောက်မှာ အဖြစ်များပါတယ်။  ညဘက်တွေမှာ အဖြစ်များတဲ့ ကျန်းမာရေး ပြဿနာပါ။ ကိုယ်ဝန်ဆောင်ချိန်မှာ ကြွက်တက်ရတဲ့ အကြောင်းအရင်းကို ဘယ်သူကမှ သေသေချာချာ မသိရသေးပါဘူး။

ပင်ပန်းနွမ်းနယ်ခြင်း

ကိုယ်ဝန်ဆောင် မေမေ အများစုဟာ မူးဝေတာ၊ အားမရှိသလို ခံစားရတာတွေကို ခံစားရလေ့ရှိပါတယ်။ အကြောင်းကတော့ ဟော်မုန်း အပြောင်းအလဲကြောင့်ပါ။ တစ်ခါတလေမှာ ဒီလို ဖြစ်ရတာက ဦးနှောက်ဆီကို သွေးစီးဆင်းရောက်ရှိမှု မလုံလောက်ဘဲ အောက်ဆီဂျင် ရရှိမှု နည်းနေတာကြောင့်လည်း ဖြစ်နိုင်ပါတယ်။

ပူသလို အိုက်သလို ခံစားရခြင်း

ကိုယ်ဝန်ဆောင်ချိန်မှာ ပုံမှန်ထက် ပိုပြီး ပူတယ်၊ အိုက်တယ်လို့ ခံစားရနိုင်ပါတယ်။ အကောင်းကတော့ ဟော်မုန်းပြောင်းလဲမှုဖြစ်တာရယ် အရေပြားဆီ သွေးစီးဆင်းရောက်ရှိမှု ပိုများလာတာကြောင့်ပါ။ ချွေးတွေလည်း ပိုထွက်နိုင်ပါတယ်။

ဆီးမထိန်းနိုင်ခြင်း

ကိုယ်ဝန်ဆောင်ချိန်နဲ့ ကလေးမွေးဖွားပြီးချိန်မှာ ဆီးမထိန်းနိုင်တာက အဖြစ်များတဲ့ ကျန်းမာရေးပြဿနာတစ်ရပ်ပါ။ နှာချေတဲ့အခါ၊ ချောင်းဆိုးတဲ့အခါ၊ ရယ်တဲ့အခါတွေမှာ မထိနးနိုင်ဘဲ ဆီးထွက်ကျတာမျိုး။ ထိုင်နေရာကနေ ထလိုက်တဲ့အခါမှာ ဆီးထွက်ကျတာမျိုးတွေ ခံစားရနိုင်ပါတယ်။

ဒါက ရေရှည်စွဲကျန်ခဲ့မယ့် ကျန်းမာရေးပြဿနာ မဟုတ်ပါဘူး။ ကလေးမွေးဖွားဖို့နဲ့ ကလေးမွေးဖွားပြီးချိန်မှ ဆီးအိမ်တဝိုက်က ကြွက်သားတွေ ပြေလျော့နေတဲ့ သဘောပါ။

ဆီးခဏခဏ သွားခြင်း

ကိုယ်ဝန် အစောပိုင်းကာလကနေစပြီး ကိုယ်ဝန်ဆောင်ကာလ တလျှောက်လုံး ဆီးခဏခဏ သွားရတာမျိုးကြုံရနိုင်ပါတယ်။ ဘေဘီလေးရဲ့ ဦးခေါင်းက ဆီးအိမ်ကို ဖိထားတာ​ကြောင့် ဆီးခဏခဏ သွားရတာပါ။

ခြေလက်တွေ ဖောရောင်ခြင်း

ကိုယ်ဝန်ဆောင်ချိန်မှာ ဖောရောင်တာကိုလည်း ခံစားရနိုင်ပါတယ်။ အထူးသဖြင့် ခြေထောက်မှာပေါ့။ နေရထိုင်ရ မသက်မသာဖြစ်နိုင်ပေမယ့် အန္တရာယ်တော့ မရှိပါဘူး။

အသားအရေ ပြောင်းလဲခြင်း

ကိုယ်ဝန်ဆောင်ကာလမှာ ဟော်မုန်း အပြောင်းအလဲကြောင့် ရင်သားထိပ်တွေ အရောင်ရင့်လာတာ၊ အသားအရေတွေ အရောင်ပြောင်းတာမျိုး အရေပြားမှာ အကွက်လိုက် မဲတာမျိုးတွေ ခံစားရနိုင်ပါတယ်။

မွေးရာပါအမှတ်တေါ၊ မှဲ့တွေ အရောင်ရင့်လာတာမျိုး ရှိနိုင်သလို ဗိုက်အလယ်မှာ အနက်ရောင် အစင်းကြောင်း ပေါ်လာတာမျိုးလည်း ဖြစ်နိုင်ပါတယ်။ ကိုယ်ဝန်ဆောင်ချိန်မှာ ဟော်မုန်းပြောင်းလဲနေတာကြောင့် အရေပြားက နေလောင်လွယ်တာမျိုးလည်း ရှိနိုင်ပါတယ်။

ဆံသား ပြောင်းလဲခြင်း

ကိုယ်ဝန်ဆောင်ချိန်မှာ ဆံသားပြောင်းလဲတာမျိုး ဖြစ်နိုင်ပါတယ်။ ဆံပင်တွေ ပိုသန်လာတာမျိုးပေါ့။ ကလေးမွေးဖွားပြီးချိန်မှာ ဆံပင်ကျွတ်တယ်ဟုတ်။ အဲ့အခါ ကျွတ်သွားတဲ့ ဆံပင်တွေက ကိုယ်ဝန်ဆောင်ချိန်မှာ ဟော်မုန်း အပြောင်းအလဲကြောင့် ပေါက်ခဲ့တဲ့ ဆံပင်တွေသာဖြစ်လို့ မစိုးရိမ်ပါနဲ့လို့ ပြောပါရစေ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy
ရင်းမြစ်များ

သင်ဒါလည်း နှစ်သက်နိုင်ပါတယ်။

အခါးဓာတ်ပါတဲ့ အရာတွေက ဝက်ခြံကို သက်သာစေလား။

အခါးဓာတ်ပါတဲ့ အရာတွေက ဝက်ခြံ ကို သက်သာစေလား။ အခါးဓာတ်ပါတဲ့အရာတွေက အစာခြေစနစ်ကို ကျန်းမာစေသလို ကိုယ်တွင်းအဆိပ်အတောက်တွေကို ဖယ်ရှားပေးပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ပင်ပန်းလာရင် အိပ်သင့်ရဲ့လား အိပ်လိုက်လို့ ဘာအကျိုးရှိနိုင်မလဲ

ပင်ပန်းလာရင် အိပ်သင့်ရဲ့လား အိပ်လိုက်ရင် ဘာတွေ အကျိုးရှိနိုင်မလဲဆိုတာ ပြောပြချင်ပါတယ်။ လုပ်နေကျ အလုပ်တွေကို လုပ်ဖို့တောင် ခက်ခဲလာပြီဆိုရင် သေချာတာကတော့ ...

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

နေပူထဲ အချိန်အကြာကြီးရပ်နေမိလို့ Eye Sunburn မဖြစ်ရလေအောင်

Eye Sunburn နေပူရှိန်ပြင်းပြင်းထဲ အချိန်အကြာကြီး ရပ်နေမိရင် မျက်လုံးတွေ ပြာဝေပြီး မူးသလိုလို မော်သလိုလို ဖြစ်လာတာကို Eye Sunburn လို့ ခေါ်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

အကြောက်တရား နဲ့ ကျန်းမာရေး

အကြောက်တရား နဲ့ ကျန်းမာရေး

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

အာပူရွက် ရဲ့ကျန်းမာရေး အာနိသင်

အာပူရွက် ရဲ့ကျန်းမာရေး အာနိသင်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 5, 2021 . 2 mins read
ကော်လာဂျင်နဲ့ မေးခွန်းများစွာ

ကော်လာဂျင်နဲ့ မေးခွန်းများစွာ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 4, 2021 . 2 mins read
nose-and-eye-allergy နှာခေါင်းနဲ့မျက်လုံး ဓာတ်မတည့်ခြင်း

နှာခေါင်းနဲ့မျက်လုံး ဓာတ်မတည့်ခြင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 4, 2021 . 2 mins read
အရေပြား ဓာတ်မတည့်မှု

အရေပြား ဓာတ်မတည့်မှု

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 3, 2021 . 2 mins read