သွေးဆုံးချိန်မှာ ဘာတွေကြုံရတတ်သလဲ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဩဂုတ် 21, 2020 . 2 mins read
Share now

သွေးဆုံးခြင်းဆိုတာ အမျိုးသမီးတစ်ယောက်ရဲ့ ဘဝမှာ ပုံမှန်ကြုံတွေ့ရမယ့် အပြောင်းအလဲတစ်ခုပါပဲ။ ကိုယ်ခန္ဓာကနေ မျိုးဥကြွေခြင်းရပ်တန့်သွားပြီး ဓမ္မတာမလာတော့တဲ့ အခြေအနေဖြစ်ပါတယ်။ ကိုယ်ခန္ဓာထဲက ဟော်မုန်းများ အပြောင်းအလဲကြောင့် ဖြစ်ပါတယ်။

ကိုယ်ခန္ဓာ သွေးသားပြောင်းလဲချိန်လို့ ရည်ညွှန်းကြပြီး ကျန်းမာရေးဆိုင်ရာ ပြဿနာအချို့လည်း ကြုံလာရတတ်ပါတယ်။ အဆိုပါကာလမှာ ကျန်းကျန်းမာမာနေနိုင်ဖို့ ဘာတွေကြုံတွေ့နိုင်သလဲ၊ ဘယ်လိုနေထိုင်သင့်သလဲ သိထားသင့်ပါတယ်။

အမျိုးသမီးတစ်ယောက် သွေးဆုံးနိုင်တဲ့ ပျမ်းမျှအရွယ်ကတော့ အသက် ၅၀ ပတ်ချာလည်ဖြစ်ပါတယ်။ များသောအားဖြင့် အသက် ၄၀ ကျော် ၅၀ ကြားထဲ ကြုံနိုင်ပြီး အသက် ၆၀ လောက်မှ သွေးဆုံးသူတွေလည်း ရှိပါတယ်။ သားအိမ်ပိုင်းဆိုင်ရာ ခွဲစိတ်ကုသခြင်းကြောင့်လည်း သွေးဆုံးခြင်း စောနိုင်ပါတယ်။

သွေးဆုံးချိန်မှာ ကြုံတွေ့ရနိုင်တဲ့ ကျန်းမာရေးပြဿနာများကတော့

– အရိုးပွခြင်း

– နှလုံးနဲ့သွေးကြောဆိုင်ရာ ရောဂါများ

– စိတ်ကျခြင်းနဲ့ စိတ်ကျန်းမာရေးဆိုင်ရာ အခြားပြဿနာများ

– မိန်းမကိုယ်ပိုင်းဆိုင်ရာ ပြောင်းလဲမှုများ (ဥပမာ မွေးလမ်းကြောင်းခြောက်သွေ့ခြင်း) စတာတွေပဲ ဖြစ်ပါတယ်။

အရိုးပွခြင်း

အရိုးများ သိပ်သည်းဆနည်းလာတဲ့ အခြေအနေဖြစ်ပါတယ်။ သွေးဆုံးပြီး နှစ်အနည်းငယ်အတွင်း ကြုံတွေ့နိုင်ပါတယ်။ ကိုယ်ခန္ဓာကနေ အီစထရိုဂျင်ဟော်မုန်း နည်းပါးသွားလို့ ဖြစ်ပါတယ်။ သွေးဆုံးချိန်ကနေ အသက် ၆၀ ကြားထိ အရိုးများရဲ့ သိပ်သည်းဆဟာ ၂၅ ရာခိုင်နှုန်း လျော့နည်းသွားနိုင်ပါတယ်။

အရိုးပွခြင်းကြောင့် အရိုးများ ကျိုးပဲ့လွယ်ပါတယ်။ အထူးသဖြင့် ပေါင်ရိုး၊ ခါးဆစ်ရိုးနဲ့ လက်ကောက်ဝတ် ဖြစ်ပါတယ်။ အရိုးပွခြင်းပြဿနာကို ဖြေရှင်းနိုင်ဖို့ ကယ်လ်ဆီယမ်ကြွယ်ဝတဲ့ အစားအစာတွေ စားသုံးသင့်ပါတယ်။ လိုအပ်ရင် ကယ်လ်ဆီယမ်အားဖြည့်ဆေးဝါး၊ ဗီတာမင် D ပါတဲ့ ဆေးဝါးတွေပါ သောက်သုံးသင့်ပါတယ်။

လေ့ကျင့်ခန်း ပုံမှန်ပြုလုပ်သင့်ပါတယ်။ အရက်သောက်ခြင်း၊ ဆေးလိပ်သောက်ခြင်း ရှောင်ကြဉ်သင့်ပါတယ်။ လိုအပ်ရင် ဆရာဝန်ပြသရပါမယ်။

နှလုံးနှင့်သွေးကြောရောဂါများ

သွေးဆုံးခြင်းကြောင့် နှလုံးရောဂါဖြစ်ပွားရတာမျိုး မဟုတ်ပေမယ့် နှလုံးနဲ့သွေးကြောရောဂါတွေ ဖြစ်ပွားနိုင်ခြေကိုတော့ မြင့်တက်စေပါတယ်။ မကောင်းတဲ့ LDL ကိုလက်စထရောများ မြင့်တက်လာခြင်း၊ ဟော်မုန်းပြောင်းလဲခြင်း စတာတွေနဲ့ ဆက်စပ်နေပါတယ်။ သွေးဆုံးပြီး အမျိုးသမီးသုံးဦးအနက် တစ်ဦးမှာ ဒီပြဿနာ ခံစားရနိုင်တယ်လို့ ဆိုပါတယ်။ အထူးသဖြင့်သွေးဆုံးပြီး ဆယ်နှစ်ခန့်အကြာမှာ ဖြစ်နိုင်ခြေ မြင့်တက်လာပါတယ်။ နှလုံးရောဂါဖြစ်နိုင်ခြေ လျှော့ချဖို့အတွက် အစားအသောက်ကို မျှတစွာ စားသောက်ခြင်း၊ လေ့ကျင့်ခန်း ပုံမှန်ပြုလုပ်ခြင်း၊ ဆေးလိပ်ရှောင်ခြင်း စတဲ့နေထိုင်မှုပုံစံတွေကို လိုက်နာကျင့်သုံးသင့်ပါတယ်။

အခြားပြဿနာများ

သွေးဆုံးပြီး အမျိုးသမီးအချို့ကြုံတွေ့ရတာကတော့ စိတ်ကျခြင်းနဲ့ စိတ်ပိုင်းဆိုင်ရာ ပြဿနာတွေ ဖြစ်ပါတယ်။ အနီးပတ်ဝန်းကျင်မှာ ရှိသူတွေက ဒီပြောင်းလဲခြင်းတွေကို သိမြင်ပြီး နားလည်စာနာပေးဖို့ လိုအပ်ပါတယ်။ စိတ်ကျန်းမာရေးအခြေအနေအတွက် တရားထိုင်ခြင်း၊ ယောဂကျင့်ခြင်း၊ စာဖတ်ခြင်း၊ သီချင်းနားထောင်ခြင်း စတဲ့နည်းလမ်းတွေနဲ့ စိတ်ပြေလက်ပျောက် နေထိုင်သင့်ပါတယ်။ လိုအပ်ရင် စိတ်ကျန်းမာရေးဆရာဝန်နဲ့ ဆွေးနွေးသင့်ပါတယ်။

မိန်းမကိုယ်နဲ့ မွေးလမ်းကြောင်း ခြောက်သွေ့ခြင်းကြောင့် လိင်မှုကိစ္စမှာ အနှောင့်အယှက် ကြုံနိုင်ပါတယ်။ ချောဆီသုံးရင် အဆင်ပြေနိုင်ပါတယ်။ တခြား ရောဂါပိုးဝင်နိုင်ခြေတွေ ရှိနေတာကို သတိပြုသင့်ပါတယ်။

သွေးဆုံးချိန်ဆိုတာ ဖြစ်ရိုးဖြစ်စဉ် သဘာဝပဲ ဖြစ်ပါတယ်။ ကြုံတွေ့လာနိုင်တဲ့ ကျန်းမာရေးဆိုင်ရာ ကိစ္စရပ်တွေကို သတိပြုပြီး အစားအသောက်ပုံစံ၊ နေထိုင်မှုပုံစံတွေကို ကျန်းမာရေးနဲ့ ညီညွတ်အောင် နေထိုင်သွားမယ်ဆိုရင် အကောင်းဆုံး ကျော်ဖြတ်နိုင်မှာ ဖြစ်ပါတယ်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

Read also:

ဒီဆောင်းပါးက သင့်အတွက် အသုံးဝင်ပါသလား။
happy unhappy"

သင်ဒါလည်း နှစ်သက်နိုင်ပါတယ်။

လောက ပျော်ရွှင်မှုကို ရှာပုံတော်ဖွင့်ရာဝယ်…

ပျော်ရွှင်မှု ဘဝ နေထိုင်မှုပုံစံ စိတ်ချမ်းသာ စိတ်ပျော်ရွှင်မှု ပျော်စရာ မိသားစု အထီးကျန် နောင်တ လူ့ဘဝ စိတ်ဖိစီးမှု ဝမ်းနည်း ရယ်ပြုံး အနာဂတ် လူငယ်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat

အိုမင်းရင့်ရော်ခြင်းနှင့်သက်ဆိုင်သော အသိမှား အမြင်မှားများ

လူတစ်ယောက် မကျန်းမမာဖြစ်ရတဲ့ အဓိကအချက်က နေထိုင်စားသောက်ပုံ စနစ်မကျလို့သာဖြစ်ပါတယ်။ အသက်ကြီးလာတာနဲ့ တချို့ရောဂါတွေက မဖြစ်မနေဖြစ်မယ်လို့ မှတ်ယူထားလို့မရပါဘူး။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

နှလုံးရောဂါ ကာကွယ်ပါ

နှလုံးရောဂါဖြစ်ပွားနိုင်ခြေရှိတဲ့ အကြောင်းအရင်းတွေကို ပြုပြင်ယူလို့ရတာရှိသလို မပြုပြင်နိုင်တာလည်း ရှိပါတယ်။မျိုးရိုးဗီဇကြောင့် နှလုံးရောဂါ ဖြစ်နိုင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin

သွေးတိုးကြောင့်ဖြစ်သော နှလုံးရောဂါ (Hypertensive Heart Disease)

သွေးတိုးကြောင့်ဖြစ်တဲ့ နှလုံးရောဂါဆိုတာ သွေးပေါင်ချိန်မြင့်ပြီး နှလုံးကိုထိခိုက်စေတာမှန်သမျှကို ဆိုလိုပါတယ်။ သွေးတိုးတာက နှလုံးထိခိုက်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin

သင့်အတွက် ရွေးချယ်ထားသည်

နှင်းခူရှိသူ ကျန်းမာစေဖို့

နှင်းခူရှိသူ ကျန်းမာစေဖို့

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် စက်တင်ဘာ 23, 2020 . 1 min read

Stay Home ကာလမှာ ထပ်ပြီးဝိတ်တက်လာမှာ စိုးရိမ်နေရပြီလား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat
ရေးသား ထုတ်ဝေခဲ့သည် စက်တင်ဘာ 22, 2020 . 2 mins read
စိတ်ဓာတ်ကျနေသလား၊ ကိုယ်လက်လှုပ်ရှားလေ့ကျင့်ခန်းလုပ်ပါ

စိတ်ဓာတ်ကျနေသလား၊ ကိုယ်လက်လှုပ်ရှားလေ့ကျင့်ခန်းလုပ်ပါ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin
ရေးသား ထုတ်ဝေခဲ့သည် စက်တင်ဘာ 21, 2020 . 2 mins read
အဆုတ်ကျန်းမာစေဖို့ နေ့စဉ် လုပ်ပေးသင့်တဲ့ လေ့ကျင့်ခန်း ၄ မျိုး

အဆုတ်ကျန်းမာစေဖို့ နေ့စဉ် လုပ်ပေးသင့်တဲ့ လေ့ကျင့်ခန်း ၄ မျိုး

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် စက်တင်ဘာ 21, 2020 . 2 mins read