ကိုယ်ဝန်ဆောင်ကာလ

ပန်းနာရင်ကျပ်ရောဂါဟာ အဖြစ်များတဲ့ အဆုတ်ရောဂါ တစ်မျိုး ဖြစ်ပါတယ်။ အမြစ်ပြတ်အောင် ကုသလို့ မရနိုင်ပေမယ့် ဆေးတွေနဲ့ ထိန်းချုပ်မယ်၊ ရင်ကျပ်ထစေတာတွေကို ရှောင်မယ်ဆိုရင် လူကောင်းတစ်ယောက်လိုပဲ နေနိုင်ပါတယ်။ ကိုယ်ဝန်လည်း ဆောင်လို့ရပါတယ်။ ဒီဆောင်းပါးမှာတော့ ပန်းနာရင်ကျပ်ရှိသူတွေ ကိုယ်ဝန်ဆောင်မယ်ဆိုရင် ဘာတွေ သတိထားသင့်သလဲ။ ဘယ်လိုဂရုစိုက်ရမလဲဆိုတာကို ပြောပြပေးပါမယ်။ ကိုယ်ဝန်ဆောင်နဲ့ ပန်းနာရင်ကျပ်ရောဂါ အကြောင်း နည်းနည်းလောက် ပြောပြပေးချင်ပါတယ်။ ကိုယ်ဝန်ဆောင်နဲ့ ပန်းနာရင်ကျပ်ရောဂါ ကိုယ်ဝန်ဆောင်နဲ့ ပန်းနာရင်ကျပ်ရောဂါအကြောင်း အတူတူ လေ့လာလိုက်ရအောင်နော်။ ပန်းနာရင်ကျပ်ရှိသူတွေ ကိုယ်ဝန်ဆောင်လို့ ရပါသလား။ ရပါတယ်။ ဒါပေမယ့် ကိုယ်ဝန်မဆောင်ခင်မှာ ဆရာဝန်နဲ့ သေချာတိုင်ပင်ဖို့ လိုပါတယ်။ သောက်လက်စဆေးတွေကို ပြန်ပြဖို့ လိုပါတယ်။ ရောဂါသိပ်ဆိုးနေရင် ကိုယ်ဝန်ဆောင်ဖို့ ခက်နိုင်သလို သောက်လက်စဆေးတွေက ကလေးကို သက်ရောက်မှု ရှိနိုင်တာကြောင့် ကိုယ်ဝန်မယူခင် ဆရာဝန်နဲ့ ပြန်တိုင်ပင်ဖို့ အရေးကြီးပါတယ်။ သေချာကုသထားမယ်ဆိုရင်တော့ အခက်အခဲမရှိဘဲ […]

အော်တစ်ဇင် ဘာလို့ ဖြစ်တာလဲ။ သုတေသန ပညာရှိများ အနေနဲ့ အော်တစ်ဇင်ရောဂါဖြစ်စေတဲ့ အကြောင်းရင်းခံတွေကို ရှာဖွေနေဆဲပဲ ဖြစ်ပါတယ်။ လတ်တလော လေ့လာတွေ့ရှိချက်တွေအရတော့ မျိုးရိုးဗီဇအရ နဂိုထဲက အော်တစ်ဇင်ဖြစ်ဖို့ အခွင့်အလမ်းရှိတဲ့ ကလေးတွေမှာဆိုရင် သန္ဓေသားမျိုးအောင်တဲ့အချိန်၊ကိုယ်ဝန်ဆောင်တဲ့အချိန် နဲ့ မွေးဖွားနေဆဲ အချိန်တွေမှာ ဖြစ်ပေါ်တဲ့ ပြောင်းလဲမှုတွေဟာ အော်တစ်ဇင်ကို ပိုဖြစ်စေတယ်လို့ ဆိုပါတယ်။ သံဓါတ်အားဆေးတွေ များများသောက်ရင် အော်တစ်ဇင် ကို ကာကွယ်ပေးနိုင်သလား။ ၂၀၁၄ ခုနှစ်အတွင်းက သုတေသန ပြုချက်တခုအရ သံဓါတ်ချို့တဲ့နေတဲ့ မိခင်တွေကနေ မွေးဖွားလာတဲ့ ကလေးတွေဟာ အော်တစ်ဇင်ဖြစ်နိုင်ချေ ပုံမှန်ထက် ငါးဆပိုများတယ်လို့ဆိုပါတယ်။ တကယ်လို့ မိခင်က အသက် ၃၅နှစ်အထက် ဖြစ်နေမယ် ဒါမှမဟုတ် အဝလွန်တာ၊သွေးတိုးဆီးချိုရှိတာ စတဲ့ အခြေအနေတွေပါ ရှိနေမယ်ဆိုရင် ပိုလို့တောင်ဖြစ်နိုင်ချေ များပါတယ်။ သံဓါတ်ဟာ သန္ဓေသားလေးရဲ့ ဦးနှောက်ဖွံ့ဖြိုးဖို့အတွက် မရှိမဖြစ်လိုအပ်တဲ့ […]

လိပ်ခေါင်းရောဂါနဲ့ ဝမ်းချုပ်ခြင်းဟာ ကိုယ်ဝန်ဆောင်စဉ်ကာလမှာ အဖြစ်များပါတယ်။ ကိုယ်ဝန်ဆောင် အမျိုးသမီးအများစုဟာ ကိုယ်ဝန်ဆောင်ကာလမှာ ဝမ်းချုပ်တာ၊လိပ်ခေါင်းဖြစ်တာ ဒါမှမဟုတ် နှစ်မျိုးလုံးကို ခံစားရလေ့ရှိတယ်လို့ ဆိုပါတယ်။   ဝမ်းချုပ်တယ်ဆိုတာ ဘာလဲ။ တကယ်လို့ သင်ဟာ တပတ်ကို သုံးခါထက်နည်းပြီး ဝမ်းသွားတယ်ဆိုရင် ဒါကို ဝမ်းချုပ်တယ်လို့ သတ်မှတ်ပါတယ်။ ရက်သတ္တပတ်အနည်းငယ်ထက် ပိုကြာကြာဝမ်းချုပ်ရင်တော့ ကာလရှည်ဝမ်းချုပ်တယ်လို့ ခေါ်ပါတယ်။ ကိုယ်ဝန်ဆောင်စဉ်ကာလမှာ အူတွေရဲ့လှုပ်ရှားမှုဟာ ပုံမှန်ထက်ပိုနှေးကွေးတာကြောင့် ဝမ်းချုပ်လေ့ရှိပါတယ်။ ဒါ့အပြင် ကိုယ်ဝန်ဆောင်အမျိုးသမီးတွေ သုံးစွဲလေ့ရှိကြတဲ့ သံဓါတ်အားဖြည့်ဆေးတွေကလည်း ဝမ်းချုပ်တာကို အားပေးပါသေးတယ်။   လိပ်ခေါင်းဆိုတာ ဘာလဲ။ အူသိမ်အဆုံးပိုင်းနဲ့ စအိုတဝိုက်မှာရှိတဲ့ သွေးပြန်ကြောတွေ ဖောင်းကားရောင်ရမ်းတာကို လိပ်ခေါင်းလို့ အလွယ်ခေါ်ကြပါတယ်။ တချို့ လူနာတွေမှာဆိုရင် အဲ့ဒီ သွေးကြောလေးတွေဟာ ဖောင်းကားလွန်းနေပြီး အရမ်းတင်းနေတာကြောင့် ပါးလှပ်နေပြီး အပြင်ကိုကျွံထွက်လာတတ်ကာ နေရာတာ ကသိကအောင့်ဖြစ်ပြီး နာကျင်စေပါတယ်(အထူးသဖြင့် အိမ်သာတက်တဲ့ အချိန်တွေမှာပေါ့)။ ဒီနာကျင်ပြီး ကသိကအောက်ဖြစ်ရတဲ့ အခြေအနေဟာ […]

တချို့အမျိုးသမီးတွေ ကိုယ်ဝန်ရှိနေချိန်မှာ ချင်ချင်းတက်တာ ကြားဖူးပါလိမ့်မယ်။ ညကြီးသန်းခေါင်ထပြီး ရေခဲမုန့်စားချင်တာမျိုး၊ ဒံပေါက်စားချင်တာမျိုး စသဖြင့်ပေါ့။ ဒါမှမဟုတ် ရုတ်တရက်ကြီး ဖရဲသီး ကြိုက်လာတာ၊ အာလူးကြော် အရမ်းစားချင်လာတာမျိုးလည်း ဖြစ်နိုင်တာပဲ။ ဒါတွေက ဘာများထူးဆန်းလို့လဲ လူတိုင်းလိုလိုသိနေတာပဲကိုလို့ သင်တွေးကောင်းတွေးနေပါလိမ့်မယ်။ ဒါပေမယ့် သင်မသိသေးတာတွေလည်း ရှိနေပါသေးတယ်။ သင့်မှာ ကိုယ်ဝန်ရှိနေပြီဆိုရင် အရင်က မနက်တိုင်း စွဲစွဲမြဲမြဲ သောက်နေကျ ကော်ဖီကို သင်မသောက်ချင်တော့ပါဖူး။ အနံ့ရတာနဲ့ အန်ချင်လာလို့ ကော်ဖီဆိုင်ရှေ့တောင် ဖြတ်မလျှောက်ချင်တဲ့အထိ ဖြစ်ကောင်းဖြစ်လာပါလိမ့်မယ်။ ကိုယ်ဝန်ဆောင်မိခင်တွေရဲ့ တစ်ဝက်လောက်ဟာ တချို့သော အစားအစာတွေကို ခံတွင်းမလိုက် ဖြစ်တတ်ကြပါတယ်။ အခါတိုင်း ကြိုက်လွန်းလို့ စားနေကျ အစားအစာတွေကိုတောင်မှ မစားနိုင်ပါဖူး။ စားလိုက်မိတာနဲ့ အန်ထွက်ပါတော့တယ်။ တကယ်လို့ သင်ဟာ ခံတွင်းပျက်နေပြီဆိုရင် ပျို့တာအန်တာတွေကို မနက်ခင်းတင်မက နေ့လည်၊ညနေနဲ့ ညဘက်တွေမှာပါ ခံစားရမှာပါ။ ခံတွင်းပျက်တာနဲ့ ပျို့တာအန်တာတွေဟာ တစ်ခုနဲ့တစ်ခု […]

စိုက်ပျိုးရေးသုံး ပိုးသတ်ဆေးတွေနဲ့ ထိတွေ့ခြင်းဟာ သန္ဓေသားရဲ့ ဦးနှောက်ဖွံ့ဖြိုးမှုကို ထိခိုက်စေပြီး မူမမှန်တဲ့ အပြောင်းအလဲတွေကို ဖြစ်လာစေပါတယ်။ သန္ဓေသားနဲ့ ပိုးသတ်ဆေးထိတွေ့ခြင်း စိုက်ပျိုးရေးသုံးပိုးသတ်ဆေးတွေနဲ့ ထိတွေ့မှုများတဲ့ သန္ဓေသားလေးတွေဟာ ဦးနှောက်ရဲ့ cortex လို့ခေါ်တဲ့ အစိတ်အပိုင်းမှာ မူမမှန်တဲ့ အပြောင်းအလဲတွေ ဖြစ်လာပါတယ်။ဦးနှောက်ရဲ့ အပြင်ဖက်အခြမ်းဖြစ်တဲ့ cortex ဟာ ဉာဏ်ရည်ဉာဏ်သွေး၊ကိုယ်ရည်ကိုယ်သွေး၊ကြွက်သားလှုပ်ရှားမှုနဲ့ တခြားသော လုပ်ငန်းတာဝန်အမျိုးမျိုးကို ထိန်းချုပ်လုပ်ဆောင်ပေးတဲ့ အစိတ်အပိုင်းဖြစ်ပါတယ်။ organophosphates လို့ လည်းခေါ်တဲ့ စိုက်ပျိုးရေးသုံး ပိုးသတ်ဆေးတွေကို ယာခင်းထဲမှာ အဓိကအသုံးပြုတာဖြစ်ပေမယ့် တချို့ပိုးသတ်ဆေးတွကို အိမ်ကဥယျာဉ်ထဲ၊ခြံထဲမှာလည်း အသုံးပြုလေ့ရှိကြပါတယ်။ ဒီပိုးသတ်ဆေးတွေဟာ အင်းဆက်ပိုးမွှားတွေနဲ့ လူတွေမှာ အာရုံကြောတွေ ပုံမှန်အလုပ်လုပ်နိုင်ဖို့လိုအပ်တဲ့ အင်ဇိုင်းမ်တမျိုးကို ပိတ်ဆို့ခြင်းအားဖြင့် အာနိသင်ပြပါတယ်။ ဒါကြောင့် သူတို့ဟာ အာရုံကြောဆဲလ်တွေကို ထိခိုက်မှုရှိစေပြီး ဦးနှောက်ဆဲလ်တွေ ပုံမှန်အလုပ်လုပ်တာကိုလည်း နှောင့်ယှက်ပါတယ်။ ပိုးသတ်ဆေးတွေဟာ ကလေးတွေအတွက် အရမ်းအန္တရာယ်များတဲ့အတွက် စိုက်ပျိုးရေးသုံးမဟုတ်ဘဲ အိမ်သုံးအဖြစ် အသုံးပြုခြင်းကို […]

အိပ်စက်အနားယူခြင်း ( အိပ်ရာပေါ်၌သာ အနားယူနေရခြင်း Bed rest)ကို ပုံမှန်အားဖြင့်တော့ ကိုယ်ဝန်ဆောင်ပြဿနာတွေ ဖြစ်မလာစေဖို့အတွက် ဆရာဝန်တွေက ညွှန်ကြားလေ့ရှိပါတယ်။ ဒါပေမယ့် သူ့မှာ ကောင်းကျိုးတွေရှိနေသလို ဆိုးကျိုးတွေကလည်းများပြားလှပါတယ်။ ကိုယ်ဝန်ဆောင်စဉ်ကာလမှာ အိပ်ရာပေါ်မှာအနားယူတာအရေးကြီးတယ်ဆိုတာ ကျွန်ုပ်တို့သိကြပြီး အဆင်မပြေမှုတွေကိုဖြေရှင်းနည်းတွေကိုသိဖို့လည်းအရေးကြီးပါတယ်။ အိပ်ရာပေါ်မှာကောင်းစွာအနားယူခြင်း(Bed rest)ရဲ့နောက်ကွယ်မှ အဓိက အကြောင်းရင်းများ Bed rest ဆိုတာ ကိုယ်ဝန်ဆောင်နေစဉ်ကာလအတွင်း ကလေးရဲ့ကျန်းမာရေးပေါ်ထိခိုက်စေမှာနဲ့ နဂိုရှိရင်းစွဲကျန်းမာရေးပိုဆိုးလာတာကို လျှော့ချနိုင်ဖို့ သင့်ရဲ့ကိုယ်ကာယလှုပ်ရှားမှုတွေကို ရပ်တန့်လိုက်တာပါပဲ။ သင့်ရဲ့ကျန်းမာရေးအကြံပေးပေါ်မူတည်ပြီး သင့်ရဲ့လှုပ်ရှားမှုတွေဟာ လေးလံတာတွေပါတဲ့ အိမ်မှုကိစ္စတွေလုပ်ရတာကစပြီး ကန့်သတ်ခံရကာ ရေချိုးချိန်နဲ့ အိမ်သာသွားချိန်တွေကလွဲပြိး ကျန်တဲ့အချိန်တွေ အိပ်ရာထဲမှာပဲနေဖို့ တင်းကြပ်စွာသတိပေးတားမြစ်ထားနိုင်ပါတယ်။ ဒီလိုအခြေအနေဟာ ခဏတာလည်းဖြစ်နိုင်သလို ကိုယ်ဝန်ဆောင်ချိန်အများစုမှာဒီတိုင်းနေရတာလည်းဖြစ်နိုင်ပါတယ်။ အဖြစ်အများဆုံးအကြောင်းပြချက်တွေကတော့။ သွေးတိုးခြင်း (သွေးဆိပ်တက်ခြင်းအကြို နဲ့သွေးဆိပ်တက်ခြင်း) မိန်မကိုယ်သွေးဆင်းခြင်း သို့မဟုတ် အချင်းပြဿနာ လမစေ့ဘဲမွေးဖွားခြင်း သားအိမ်ခေါင်းအားနည်းခြင်း- ဒီလိုအခြေအနေမှာ သားအိမ်ခေါင်းဟာလမစေ့သေးဘဲပွင့်လာနိုင်ချေများပါတယ်။ အမြွှာကိုယ်ဝန် […]

ကိုယ်ဝန်ဟာသင့်ကိုပျော်ရွှင်စိတ်တက်ကြွစရာတွေပေးမှာအမှန်ဖြစ်ပေမယ့်သင့်အသားအရေကိုလည်းအံ့အားသင့်ဖွယ်အပြောင်းအလဲတချို့ ဖြစ်စေမှာပါ။ သင့်အသားအရေကမှဲ့ခြောက်၊ဝက်ခြံတွေများနေရင်၊အသားအရေခြောက်သွေ့တာဒါမှမဟုတ်အဆီပြန်တာတွေဖြစ်နေရင် ပြုံးပြုံးကြီးနေနေမယ့်အစားမနက်ခင်းတိုင်းမနက်ခင်းတိုင်းမှာမိတ်ကပ်လေးပါးပါးတို့ပေးဖို့ကိုအချိန်ပေးပါ။ ဒီလိုအချိန်နည်းနည်းဖဲ့ပေးလိုက်လို့သင့်အနေနဲ့အလုပ်သွားဖို့ကသီသွားမယ်ဒါမှမဟုတ်ပင်ပန်းသွားမယ်စသဖြင့်ဖြစ်ကောင်းဖြစ်နိုင်ပါတယ်။ ဒါပေမယ့်အချိန်ခဏပေးပြီးပညာသားပါပါလေးနဲ့မိတ်ကပ်လိမ်းလိုက်ခြင်းဟာသင့်ကိုတနေ့တာလုံးလန်းဆန်းတက်ကြွပြီးကိုယ့်ကိုယ်ကိုယုံကြည်မှုတွေအပြည့်နဲ့ ဖြစ်နေစေမှာပါ။ မျက်လုံးကိုအလှဆုံးခြယ်သပါ။ မျက်လုံးမို့တာတွေဒါမှမဟုတ်အိပ်ရေးတွေပျက်တာများလို့မျက်ကွင်းညိုတာတွေအတွက်ခပ်တောက်တောက်စိုစို (မျက်လုံးကိုလည်းအာဟာရဓါတ်တွေ ဖြည့်ပေးတဲ့) eye cream ကိုသုံးနေကျ moisturizer မသုံးခင်လိမ်းပေးပါ။ ပြီးရင် concealer လေးကိုအသာအယာတို့ပါ။ ဒီလိုလုပ်လိုက်မယ်ဆိုရင်ငိုက်မျဉ်းနေတဲ့ရုပ်သွင်ပျောက်သွားပြီးသင့်မျက်ဝန်းတွေကိုလည်းတောက်ပစေမှာပါ။ မျက်ကွင်းညိုတာအကုန်လုံးကိုဖုံးကွယ်နိုင်ပါ့မလားလို့တွေးပူနေမယ်ဆိုရင်သင့်အနေနဲ့ BB cream ဒါမှမဟုတ် tinted moisturizer ကိုသုံးပြီးထပ်အုပ်နိုင်သေးတဲ့အတွက်ဘာမှမပူပါနဲ့။ အတောက်ပဆုံး ခြယ်သပါ။ ကိုယ်ဝန်ဆောင်စဉ်ကာလမှာထွက်လာတဲ့ဟော်မုန်းတွေကသင့်အသားအရေကိုထိခိုက်လွယ်စေပြီးဝက်ခြံတွေ၊အစက်အပြောက်တွေအလွယ်တကူထွက်စေတာမို့ဒီအချိန်မှာမိတ်ကပ်အောက်ခံအထူကြီးတွေမလိမ်းသင့်ပါဖူး။ သင့်အသားအရေကိုခဏလောက်တော့အနားပေးထားလိုက်ပါ။ တကယ်လို့သင့်မျက်နှာမှာအမဲစက်တွေအများကြီးရှိနေတယ်ဆိုရင် tinted moisturizer ကဖြေရှင်းပေးနိုင်ပါတယ်။ မျက်နှာအသားအရေတွေယာယီအနေနဲ့ဘယ်လိုပဲပြောင်းလဲပြောင်းလဲသင့်အသားအရေနဲ့အရောင်ညီသွားမှာပဲဖြစ်လို့ foundation မိတ်ကပ်တွေလိမ်းစရာမလိုပါဖူး။BB cream နဲ့ CC cream တို့ဟာသင့်အသားအရေကိုကျန်းမာစွာတောက်ပစေပြီးအမြန်ဆုံးလှပကြည့်ကောင်းစေတဲ့စွယ်စုံအသုံးပြုနိုင်တဲ့မိတ်ကပ်တွေပဲ ဖြစ်ပါတယ်။ သူတို့အတော်များများမှာနေလောင်ဒါဏ်ကာကွယ်ပေးနိုင်တဲ့ SPF အနည်းဆုံး၁၅လောက်ပါဝင်ပါသေးတယ်။ မျက်နှာသစ်ပြီးသန့်စင်ပြီးသားမျက်နှာနဲ့လည်ပင်းတို့ကိုခရင်မ်လေးတွေအသာအယာလိမ်းပေးပါ။ အစက်ရှိတဲ့နေရာတွေကိုထူထူလေးလိမ်းပေးနိုင်ပါတယ်။ သင့်အသားအရေဘယ်လောက်ပြောင်းလဲသွားတယ်ဆိုတဲ့အပေါ်မူတည်ပြီးအခါတိုင်းကိုယ်ဝန်မရှိခင်သုံးနေကျမိတ်ကပ်ခြယ်သတဲ့အရောင်နဲ့အနည်းငယ်မတူကွဲပြားတဲ့အရောင်တွေ၊ခြယ်သပုံတွေကိုသုံးပေးနိုင်ပါတယ်။ တခဏလေးအတွင်းမှာတောက်ပမှုကိုဖန်ဆင်းမယ် ချစ်စရာရင်သွေးလေးမွေးဖွားပြီးချိန်မှာရောအခုအချိန်အတွက်ပါ blusher ပါးနီမှုန့်လေးတွေကသင့်ရဲ့အဖော်မွန်ပါ။ သင့်မျက်နှာလေးတင်းတင်းရင်းရင်းရှိစေဖို့၊မျက်ဝန်းလေးတွေတောက်ပဖို့နဲ့အိပ်ရေးပျက်တဲ့ပုံမပေါက်စေဖို့အတွက် blusher ထက်ပိုပြီးသင့်ကိုကူညီပေးနိုင်တဲ့သူမရှိပါဖူး။ တကယ်လို့သင်အချိန်မရဖူးဆိုရင် blusher ခရင်မ်လေးဒါမှမဟုတ်ပါးနီလေးကိုအသာလေးတို့ပေးလိုက်ခြင်းအားဖြင့်သင့်မျက်နှာလေးဟာလန်းဆန်းနေတဲ့ပုံပေါ်သွားမှာဖြစ်ပြီးအသားအရေကလည်းတခဏအတွင်းမှာကိုတောက်ပလာမှာပါ။ သူ့ကိုမျက်နှာပေါ်တိုက်ရိုက်လိမ်းနိုင်သလို […]

ကိုယ်ဝန်ဆောင်ကာလမှာ မအီမသာဖြစ်တာ၊ ကိုယ်လက်နာကျင်တာကြောင့် အနှိပ်ခံချင်ပေမယ့် တစ်ဖက်မှာလည်း ဒါနဲ့ ပတ်သက်ပြီး ဘယ်လောက်စိတ်ချရသလဲဆိုတာကို မေးခွန်းထုတ်မှုတွေ ရှိနေပါတယ်။ ကိုယ်ဝန်ဆောင်ကာလမှာ အနှိပ်ခံတာက အန္တရာယ်ရှိ မရှိ ဆိုတာက ကိုယ်ဝန်ဆောင် တစ်ယောက်ချင်းစီရဲ့ ကျန်းမာရေးနဲ့သာဆိုင်ပါတယ်။  အောက်မှာ အသေးစိတ်ဆက်ရှင်းပြပါ့မယ်။ ကိုယ်ဝန်ဆောင်ကာလမှာ အနှိပ်ခံတာက အန္တရာယ်ရှိ မရှိ ကိုယ်ဝန်ဆောင်ကာလမှာ အနှိပ်ခံတာက အန္တရာယ်ရှိ မရှိ ဆိုတာကို အတူတူ ဆက်ကြည့်လိုက်ရအောင်နော်။ ကိုယ်ဝန်ဆောင်စဉ် နှိပ်နယ်ခြင်း (prenatal massage therapy) ဆိုတာ ဘာလဲ။ ကိုယ်ဝန်ဆောင်ချိန်မှာ နှိပ်နယ်တာက ဇိမ်ခံတယ်ဆိုတာ တစ်ခုထပ် ပိုပါတယ်။ ဒါက ကုသမှုတစ်မျိုးလို့လည်း ပြောနိုင်ပါတယ်။ အနှိပ်ပညာရပ်ကို စိတ်ဖိစီးမှုကို သက်သာစေပြီး ကြွက်သားတွေကို ပြေလျော့စေဖို့ နှစ်ပေါင်းများစွာတည်းက အသုံးပြုခဲ့တာ ဖြစ်ပါတယ်။ လေ့လာချက်တွေအရ prenatal massage therapyက ကိုယ်ဝန်ဆောင်တွေကို […]

အော်တစ်ဇင်ရောဂါဟာပညာရေး၊လူမှုပေါင်းသင်းဆက်ဆံရေးအစရှိတဲ့ကလေးရဲ့ဘဝမှာအရေးပါတဲ့အခြင်းအရာတွေကိုထိခိုက်စေတယ်ဆိုတာအားလုံးသိကြမှာပါ။ ဒါကြောင့်အော်တစ်ဇင်ကလေးကိုကုသရတယ်ဆိုတာအင်မတန်ခက်ခဲတဲ့တိုက်ပွဲတစ်ပွဲကိုတိုက်ရသလိုပဲအခက်အခဲတွေအများကြီးရှိပါတယ်။ ဒီနေရာမှာအံ့ဩဖို့ကောင်းတဲ့အချက်ကအော်တစ်ဇင်ဟာကလေးငယ်မိခင်ရဲ့ဝမ်းကြာတိုက်ထဲမှာရှိနေစဉ်ကတည်းကကိုစတင်ဖြစ်ပေါ်လာနိုင်တယ်ဆိုတာပါပဲ။ အော်တစ်ဇင်ဟာဦးနှောက်ဖွံ့ဖြိုးမှုထိခိုက်ခြင်းနဲ့ဆက်စပ်နေတယ်။ အော်တစ်ဇင်ဟာသန္ဓေသားရဲ့ဦးနှောက်ဖွံ့ဖြိုးမှုထိခိုက်ခြင်းနဲ့ဆက်စပ်နေတယ်လို့သုတေသီတွေကယူဆခဲ့ကြတာအချိန်အတော်ကြာခဲ့ပါပြီ။ ဒါ့အပြင်ဒီပြဿနာဟာစတင်မျိုးအောင်ချိန်ထဲက ဖြစ်ပွားနေခဲ့တာပါလို့လည်းဆိုပါတယ်။ ဒါပေမယ့်အော်တစ်ဇင်ဝေဒနာခံစားနေရတဲ့ကလေးတွေရဲ့ဦးနှောက်အပြင်အလွှာမှာပုံမှန်မဟုတ်ထိခိုက်ထားတဲ့နေရာလေးတွေရှိတာကိုတွေ့ရှိခဲ့တာတော့မကြာသေးပါဖူး။ အော်တစ်ဇင်ရောဂါဟာကိုယ်ဝန်ဆောင်စဉ်ကာလမှာကတည်းကအစပျိုးလာနိုင်တယ်။ ဒီပြဿနာကိုလေ့လာအဖြေရှာဖို့အတွက်သုတေသနပညာရှင်တွေဟာကွယ်လွန်ပြီးကလေးနှစ်ဆယ့်နှစ်ယောက်ရဲ့ဦးနှောက်တစ်ရှူးတွေကိုလေ့လာခဲ့ကြပါတယ်။ အဲ့ဒီကလေးနှစ်ဆယ့်နှစ်ယောက်မှာတစ်ဝက်ဟာအော်တစ်ဇင်ရောဂါရှိခဲ့ပြီးနောက်တဝက်ကတော့ပုံမှန်ဖြစ်ပါတယ်။ ရလာဒ်အနေနဲ့ကတော့အော်တစ်ဇင်ရောဂါရှိသူကလေးတွေရဲ့ဦးနှောက်အပြင်လွှာမှာပုံမှန်မဟုတ်တဲ့နေရာလေးတွေကိုတွေ့ရှိခဲ့ရပါတယ်။ ဒါ့အပြင်ဒီလိုပုံမမှန်နေရာလေးတွေဟာသန္ဓေသားဘဝမှာပဲ ဖြစ်ပေါ်နိုင်တယ်ဆိုတာကိုသိပ္ပံပညာရှင်များအနေနဲ့သိရှိပြီးဖြစ်ပါတယ်။ ဒါ့ကြောင့်အော်တစ်ဇင်ဟာမိခင်ဗိုက်ထဲမှာကတည်းကစတင်ဖြစ်ခဲ့လိမ့်မယ်လို့အခိုင်အမာယုံကြည်ရပါတယ်။ သုတေသနပညာရှင်တွေဟာတဆင့်တက်ပြီးအဆိုပါပုံမှန်မဟုတ်တဲ့နေရာလေးတွေရဲ့အခြေအနေအသေးစိတ်ကိုဆက်လက်လေ့လာခဲ့ကြပါတယ်။ ဒီလိုလေ့လာတဲ့အခါအော်တစ်ဇင်ကလေးတွေရဲ့ဦးနှောက်တစ်ရှူးမှာရှိနေတဲ့အဲ့ဒီနေရာလေးတွေဟာပုံမှန်ရှိရမယ့်မျိုးဗီဇဆိုင်ရာလက္ခဏာလေးတွေမရှိတာကိုတွေ့ရှိခဲ့ရပါတယ်။ ဒါ့အပြင်ထူးခြားတာကအဆိုပါမူမမှန်နေရာလေးတွေဟာဦးနှောက်ရဲ့အရေးပါအရာရောက်တဲ့နေရာတွေမှာတည်ရှိနေတယ်ဆိုတာပါပဲ။ စောစောသိစောစောကုရင်အခြေအနေကောင်းနိုင်တဲ့အော်တစ်ဇင်ရောဂါ ကံကောင်းတာကဦးနှောက်မှာရှိတဲ့ဒီပုံမမှန်နေရာလေးတွေဟာအရွယ်ခပ်သေးသေးဖြစ်ပြီးအခြေအနေအရမ်းကြီးမဆိုးခင်ရပ်ဆိုင်းသွားတာပါပဲ။ ဒါကြောင့်စောစီးစွာကုသနိုင်မယ်ဆိုရင်အတော်အကျိုးရှိမှာပါ။ မှန်ကန်တဲ့ကုသမှုကိုအသုံးပြုနိုင်မယ်ဆိုရင်မတ်တပ်ပြေးအရွယ်အော်တစ်ဇင်ကလေးတွေမှာအခြေအနေတိုးတက်လာနိုင်ပါတယ်။ ဒါဟာဘာလို့လဲဆိုတော့ဦးနှောက်ဟာဒီအပြစ်အနာအဆာခပ်သေးသေးကိုကျော်လွှားကောင်းကျော်လွှားနိုင်မှာမို့ပါ။ ပညာရှင်တွေအားလုံးလက်ခံထားတာကတော့စောစောကုလေအခြေအနေကောင်းလေဆိုတာပါပဲ။ အော်တစ်ဇင်ကိုစောစီးစွာသိနိုင်မယ့်နည်းလမ်းအသစ်တွေကိုလည်းရှာဖွေနေကြပါတယ်။ အသေးစိတ်ထပ်စဉ်းစားမယ် >အော်တစ်ဇင်ဘာလို့ဖြစ်တာလဲ။ အော်တစ်ဇင်ဘာလို့ဖြစ်ရတာလဲဆိုတဲ့ကိစ္စမှာအဖြေရှာမရနိုင်သေးတဲ့ ပြဿနာတွေရှိနေပါတယ်။ ပထမတစ်ချက်ကကိုယ်ဝန်ရဲ့ဘယ်အဆင့်မှာအော်တစ်ဇင်စဖြစ်နိုင်တယ်ဆိုတာမသိရသေးပါဖူး။ ဒုတိယနဲ့ပိုအရေးကြီးတဲ့အချက်ကအပေါ်မှာပြောခဲ့တဲ့ပုံမှန်မဟုတ်တဲ့နေရာလေးတွေဟာလနုသေးတဲ့သန္ဓေသားလေးရဲ့ဦးနှောက်မှာဘာလို့လာဖြစ်နေရတာလဲဆိုတဲ့အချက်ဖြစ်ပါတယ်။ အော်တစ်ဇင်ဟာမျိုးရိုးဗီဇနဲ့ဆိုင်သလိုပတ်ဝန်းကျင်အခြေအနေတွေကြောင့်လည်း ဖြစ်နိုင်တယ်လို့သိပ္ပံပညာရှင်တွေအားလုံးကသဘောတူလက်ခံထားပါတယ်။ တချို့အနေအထားတွေမှာနှစ်မျိုးလုံးကြောင့် ဖြစ်နိုင်ပါတယ်။ ပတ်ဝန်းကျင်အခြေအနေတွေနဲ့ပတ်သက်လို့သုတေသနပညာရှင်တွေအနေနဲ့လေ့လာစမ်းသပ်မှုတွေအများကြီးလုပ်ခဲ့ကြပြီးလေထုညစ်ညမ်းမှုနဲ့ကာလကြာရှည်ထိတွေ့တာ၊ဗီတာမင်ဘီ၊ဖောလစ်အက်ဆစ်ဓာတ်ချို့တဲ့တာဒါမှမဟုတ်ဗိုင်းရပ်စ်ပိုးကူးစက်ခံရခြင်းတွေကြောင့် ဖြစ်နိုင်တယ်လို့ကောက်ချက်ချခဲ့ကြပါတယ်။

လိပ်ခေါင်းရောဂါဟာကိုယ်ဝန်ဆောင်ကာလ (အထူးသဖြင့်ကိုယ်ဝန်၂၇ပတ်နောက်ပိုင်း)မှာအဖြစ်များပါတယ်။ လိပ်ခေါင်းဟာနာကျင်တာ၊ကသိကအောင့်ဖြစ်တာနဲ့စအိုကသွေးယိုစီးတာတွေကို ဖြစ်စေနိုင်ပါတယ်။ လူနာအများစုမှာတော့ကလေးမွေးပြီးတာနဲ့လိပ်ခေါင်းပြန်ပျောက်သွားလေ့ရှိပါတယ်။ အောက်မှာဖော်ပြထားတဲ့သဘာဝဆေးနည်းတွေဟာသင့်ရဲ့လိပ်ခေါင်းရောဂါအတွက်အသုံးဝင်မှာပါ။ ရေနွေးစိမ်ပါ။ ဒီနည်းလမ်းလေးကရိုးရှင်းပါတယ်။ အိမ်သာတက်ပြီးတိုင်းဒါမှမဟုတ်တနေ့ကိုအကြိမ်ရေအနည်းငယ်သင့်အောက်ပိုင်းကိုရေနွေးထဲ၁၀မိနစ်- ၁၅မိနစ်လောက်စိမ်ပေးမယ်ဆိုရင်နာကျင်တာ၊ကသိကအောင့်ဖြစ်တာတွေကိုသက်သာစေမှာပါ။ ဒီလိုရေနွေးမစိမ်ခင်မှာသင့်အောက်ပိုင်းကိုသေချာစွာသန့်စင်ဖို့မမေ့ပါနဲ့။ ရေခဲအိတ်ကပ်ပါ။ ရေခဲဟာသင့်စအိုတဝိုက်ကသွေးကြောတွေကိုကျဉ်းစေပြီးနာကျင်တာနဲ့ရောင်ရမ်းတာတွေကိုသက်သာစေတဲ့အတွက်ရေခဲအိတ်ကပ်တာလည်းတကယ်အကျိုးရှိပါတယ်။ ရေခဲကပ်တဲ့အိတ်ကိုဆေးဆိုင်တွေမှာအလွယ်တကူဝယ်ယူနိုင်ပါတယ်။ အရေးကြီးတဲ့အချက်အနေနဲ့ရေခဲဟာအရေပြားကိုလောင်စေနိုင်တဲ့အတွက်ရေခဲကိုသင့်အရေပြားနဲ့တိုက်ရိုက်မထိမိစေဖို့သတိထားပါ။ စအိုနားတဝိုက်ကိုကပ်ပြီးတဲ့အခါအဲ့ဒီရေခဲအိတ်ထဲကရေခဲဒါမှမဟုတ်ရေကိုလုံးဝအသုံးမပြုပါနဲ့။ အိမ်သာသုံးစက္ကူကိုရေစွတ်ပြီးသုံးပါ။ ဒီနည်းလမ်းဟာလည်းတကယ်ပဲအသုံးဝင်လှပါတယ်။ အမျိုးသမီးအများစုဟာဒီနည်းလမ်းကိုသုံးပြီးအကျိုးရှိတာကိုတွေ့ခဲ့ရပါတယ်။ ဒါ့ကြောင့်သင်လည်းစမ်းကြည့်လို့အကျိုးမယုတ်ပါဖူး။ စွတ်စိုနေတဲ့တစ်ရှူးဟာပုံမှန်တစ်ရှူးထက်သုံးရတာပိုပြီးသက်တောင့်သက်သာရှိတာကိုတွေ့ရမှာပါ။ လုပ်ရလည်းမခက်ပါဖူး။ အိမ်သာတက်ပြီးတစ်ရှူးနဲ့သန့်ရှင်းရေးမလုပ်ခင်မှာတစ်ရှူးကိုရေသန့်သန့်လေးနဲ့စွတ်ပေးလိုက်ရုံပါပဲ။ အရည်များများသောက်ပါ။ အရည်များများသောက်ရင်ဝမ်းပျော့စေတဲ့အတွက်ဝမ်းသွားရလွယ်ကူစေပါတယ်။ ဘယ်အရည်သောက်ရမလဲလို့မေးရင်ရေကတော့အကောင်းဆုံးပါ။ ဒါ့ကြောင့်တနေ့ကိုရေရှစ်ခွက်မှဆယ်ခွက်အထိသောက်ပေးသင့်ပါတယ်။ နွားနို့ဒါမှမဟုတ်သစ်သီးဖျော်ရည်တွေကိုလည်းသောက်လို့ရပါတယ်။ ဆီးသီးခြောက်ဖျော်ရည်ဟာလည်းဝမ်းပျော့စေတဲ့အတွက်သောက်သုံးသင့်ပါတယ်။ အမျှင်ဓါတ်များများစားပါ။ သင့်ရဲ့စားသောက်တဲ့ပုံစံကိုပြောင်းလဲပစ်ပါ။ ဂျုံ၊အစေ့အဆံ၊အသီးအရွက်၊သစ်သီးနဲ့ပဲတွေကိုများများစားပေးပါ။ အမျှင်ဓါတ်ဟာဝမ်းကိုပျော့စေတဲ့အတွက်ဝမ်းသွားရလွယ်ကူစေပါတယ်။ သင်နေ့စဉ်စားတဲ့အစားအသောက်ကနေအမျှင်ဓါတ်ကိုလုံလုံလောက်လောက်မရနိုင်ဖူးလို့ထင်ရင်အမျှင်ဓါတ်ပါတဲ့ ဖြည့်စွက်ဆေးတွေကိုသုံးစွဲနိုင်ပါတယ်။ အစာစားတဲ့အခါမှာလည်းအစာတွေအူလမ်းကြောင်းထဲမှာကပ်မနေစေဖို့ ဖြည်းဖြည်းချင်းကြေညက်အောင်ဝါးပါ။ ကိုယ်လက်လေ့ကျင့်ခန်းမှန်မှန်လုပ်ပါ။ ကိုယ်လက်လေ့ကျင့်ခန်းလုပ်ခြင်းဟာသင့်ကျန်းမာရေးအတွက်အရေးပါလှပါတယ်။ ကီးဂျဲလ်လေ့ကျင့်ခန်းကိုနေ့စဉ်လုပ်ကြည့်နိုင်ပါတယ်(ကီးဂျဲလ်လေ့ကျင့်ခန်းဆိုတာစအို၊မိန်းမကိုယ်နဲ့ဆီးအိမ်အပေါက်ဝနားကကြွက်သားတွေကိုသန်မာစေတဲ့လေ့ကျင့်ခန်းဖြစ်ပါတယ်)။ ဒီလေ့ကျင့်ခန်းဟာစအိုနဲ့အူမကြီးအဆုံးပိုင်းနားတဝိုက်မှာသွေးလည်ပတ်မှုကိုပိုမိုကောင်းမွန်စေတာမို့လိပ်ခေါင်းဖြစ်နိုင်ချေကိုလျော့နည်းစေပါတယ်။ တခြားလေ့ကျင့်ခန်းအနေနဲ့လမ်းဖြည်းဖြည်းမှန်မှန်လျှောက်တာကိုလည်းလုပ်ပေးနိုင်ပါတယ်။ တနေ့ကိုမိနစ်နှစ်ဆယ်ကနေနာရီဝက်အထိလမ်းလျှောက်ပေးနိုင်ပါတယ်။ ချည်သားအထည်တွေကိုပဲဝတ်ပါ။ ချည်သားပွပွချောင်ချောင်နူးနူးညံ့ညံ့လေးတွေကိုဝတ်ခြင်းအားဖြင့်လိပ်ခေါင်းနေရာကိုခြောက်သွေ့နေစေသလိုယားယံတာ၊နာကျင်တာတွေကိုလည်းလျော့နည်းသက်သာစေမှာဖြစ်လို့နေလို့ပိုအဆင်ပြေမှာပါ။ ညင်သာစွာသန့်စင်ပါ။ လိပ်ခေါင်းဖြစ်နေတဲ့နေရာကိုညင်ညင်သာသာလေးသန့်စင်ပါ။ အရမ်းမပွတ်ပစ်ပါနဲ့။ ရေသန့်သန့်ဒါမှမဟုတ်အယ်လ်ကိုဟောမပါတဲ့သန့်စင်ဆေးတွေကိုသုံးပြီးသင့်အောက်ပိုင်းကိုဆေးကြောသုတ်သင်ပါ(အထူးသဖြင့်အိမ်သာတက်ပြီးတိုင်းမှာပေါ့)။ အရောင်တွေပါတဲ့တစ်ရှူးတွေကိုသုံးရင်ဆိုးဆေးတွေကတဆင့်မလိုလားအပ်တဲ့ယားယံမှုတွေ၊ပြဿနာတွေ ဖြစ်လာနိုင်တဲ့အတွက်တစ်ရှူးအဖြူကိုပဲသုံးတာအကောင်းဆုံးပါ။ လိပ်ခေါင်းရောဂါဟာကိုယ်ဝန်ဆောင်ကာလမှာ ဖြစ်ပေါ်လာနိုင်ပြီးမီးဖွားပြီးတာနဲ့ပျောက်သွားလေ့ရှိပါတယ်။ တကယ်လို့သင့်အနေနဲ့ကိုယ်ဝန်ဆောင်နေစဉ်လိပ်ခေါင်းဖြစ်နေပြီဆိုရင်အပေါ်မှာဖတ်ခဲ့ရတဲ့သဘာဝနည်းလမ်းလေးတွေကိုအသုံးပြုပေးရင်လိပ်ခေါင်းဝေဒနာကိုသက်သာစေမှာဖြစ်ပြီးလိပ်ခေါင်းမရှိဖူးဆိုရင်လည်းကြိုတင်ကာကွယ်ထားနိုင်မှာ ဖြစ်ပါတယ်။   Hello Health Groupသည် ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများမပြုလုပ်ပေးပါ။