အခြားခံတွင်းရောဂါ ပြဿနာများ

ပါးစပ်မှာ အဖြူရောင်အကွက်လို အနာလေးတွေ ဖြစ်ဖူးကြမယ်ထင်ပါတယ်။ ဒီလိုအနာတွေဟာ စိုးရိမ်ရလောက်တဲ့ ကျန်းမာရေးပြဿနာမျိုး မဟုတ်ပေမဲ့ ထမင်းစားချိန်၊ ရေသောက်ချိန်လိုမျိုးမှာ နာကျင်ပြီး နေရထိုင်ရခက်စေပါတယ်။ များသောအားဖြင့် သွားဖုံးနဲ့ ပါးစောင်တွေမှာ ပေါက်တတ်ပြီး လျှာ၊ အာသီးပတ်လည်မှာလည်း ပေါက်နိုင်ပါတယ်။ ပါးစပ်နာ (Mouth ulcers/ canker sores) တွေဟာ ကူးစက်နိုင်လား။ အထိအတွေ့ကြောင့်ဖြစ်စေ၊ ပွေ့ဖက်နမ်းရှုပ်လို့ဖြစ်စေ ကူးစက်တာမျိုး မဖြစ်စေပါဘူး။ ပုံမှန်အားဖြင့် ပါးစပ်နာတွေဟာ တစ်ပတ်ကနေ ၂ပတ်အတွင်း သူ့အလိုလိုပျောက်ကင်းသွားနိုင်ပြီး အမာရွတ်ကျန်ခဲ့တာမျိုးလည်း မဖြစ်ပါဘူး။ ဘာကြောင့် ပါးစပ်နာတွေ ဖြစ်လာတာလဲ။ ၁။ သွားတိုက်တဲ့အခါ၊ အစာစားရင်း ကိုက်မိတဲ့အခါဖြစ်စေ၊ အားကစားလုပ်ရင်း၊ သွားနှုတ်နေရင်းနဲ့ ထိခိုက်မိတဲ့အခါဖြစ်စေ ဒဏ်ရာဖြစ်ရင်းကနေ ပါးစပ်နာ အဖြူကွက်တွေ ဖြစ်နိုင်ပါတယ်။ ၂။ အာဟာရမပြည့်ဝသူတွေ၊ ဗီတာမင် B 12, ဇင့်ဓါတ်၊ ဖောလစ်အက်ဆစ်နဲ့ သံဓာတ်ချို့တဲ့သူတွေမှာလည်း ပါးစပ်နာတွေ […]

အာခေါင်ခြောက်တဲ့ပြဿနာကတော်တော်လေးပင်ပန်းရပါတယ်။ရေခဏခဏသောက်နေလည်း အာခေါင်ကခြောက်မြဲခြောက်ဆဲပါပဲ။ ဘာလို့ဖြစ်ရတာလဲဆိုတော့ တံတွေးနည်းလို့၊ တံတွေးမထွက်လို့ပါ။ တံတွေးက အရသာခံနိုင်စွမ်းကို ကူညီထောက်ပံ့ပေးပြီး အစားအသောက်တွေကိုချေဖျက်ရာမှာလည်း ကူညီပေးပါတယ်။ သွားမှာ အစားအစာအကျန်တွေမကပ်ကျန်အောင် ကူညီပေးပြီး သွားမပျက်စီးစေဖို့ အက်စစ်တွေကိုလျော့နည်းစေပါတယ်။ တံတွေးခန်းခြောက်တဲ့အခါ နှုတ်ခမ်းသားနဲ့တဝိုက်မှာခြောက်သွေ့၊ တင်းနေစေပါလိမ့်မယ်။ ဒါဆို နှုတ်ခမ်းတွေကွဲလာမယ်၊ နှုတ်ခမ်းထောင့်တွေမှာ အနာဖုလေးတွေဖြစ်လာမယ်။ လျှာကလည်း ကြမ်းလာ၊ခြောက်သွေ့လာမယ်၊ စားသောက်တဲ့အခါ မျိုချရခက်၊စကားပြောရခက်လာနိုင်တယ်။ တံတွေးတွေက အစားအစာအကြွင်းအကျန်တွေကို ပုံမှန်မဖယ်ရှားပေးနိုင်တဲ့အတွက် အာခေါင်ခြောက်တဲ့သူတွေမှာ ခံတွင်းနံ့ဆိုးတြာဖစ်ပါတယ်။ လည်ချောင်းထဲ ကလိကလိယားနေတာ၊ အသံပြာ၊ အသံအက်ကွဲတာတွေကလည်း အာခေါင်ခြောက်ခြင်းရဲ့အကျိုးဆက်တွေဖြစ်နိုင်ပါတယ်။ ဘာတွေကြောင့် အာခေါင်ခြောက်တာလဲ ဆေးတွေကြောင့်လား ဆရာဝန်ညွှန်းစာမလိုတဲ့ဆေးဝါးတွေနဲ့ အအေးမိသက်သာဆေးတွေအပါအဝင်ဆေးဝါးအမျိုးပေါင်း ၄၀၀ကျော်မှာအာခေါင်ခြောက်စေနိုင်တယ်ဆိုတဲ့ ဘေးထွက်ဆိုးကျိုးရှိပါတယ်။ သွေးတိုးကျဆေး၊ သည်းခြေဆေး၊နဲ့ စိတ်ကျန်းမာရေးဆေးဝါးတွေကြောင့်လည်း ဒီလက္ခဏာဖြစ်စေနိုင်ပါတယ်။ ဓါတ်ရောင်ခြည်တွေကြောင့်လည်း တံတွေးဂလင်းကိုထိခိုက်နိုင်ပြီး ဓါတုကုထုံးတွေက တံတွေးကိုပျစ်စေလို့ အာခေါင်ခြောက်စေနိုင်ပါတယ်။ ခေါင်းထဲကပြဿနာ ဦးခေါင်း ဒါမှမဟုတ် လည်ပင်းထိခိုက်မှုတစ်ခုခုကနေဖြစ်လာတဲ့ အာရုံကြောထိခိုက်မှုကြောင့် အာခေါင်ခြောက်ခြင်းဖြစ်လာနိုင်ပါတယ်။ အာရုံကြောတချို့က ဦးနှောက်နဲ့တံတွေးဂလင်းတွေကြားမှာ သတင်းပေးပို့တဲ့လုပ်ဆောင်ချက်ရှိပါတယ်။ အဲဒီအာရုံကြောတွေထိခိုက်ထားတယ်ဆိုရင် […]

ဆေးလိပ်ကြောင့်ဖြစ်သော နောက်ဆက်တွဲဆိုးကျိုးများ ဆိုလိုက်တာနဲ့ ပြေးမြင်မိတာက အဆုတ်ကင်ဆာ၊ နှလုံးေသွးကြောကျဉ်းရောဂါ ၊ ခြေလက်သွေးမလျှောက်၍ ပုပ်သွားခြင်းရောဂါ တွေပဲဖြစ်တယ်။ လူတော်တော်များများက ဆေးလိပ်သည် ခံတွင်းကျန်းမာရေးကိုလည်းထိခိုက်စေတတ်တာကို မေ့နေကြတယ်။ သေချာစဉ်းစားကြည့်လိုက်ရင်တော့ ဆေးလိပ်သောက်တာနဲ့ ဆေးလိပ်ငွေ့ ပထမဆုံးထိတွေ့သော နေရာက ခံတွင်းဖြစ်တယ်ဆိုတာ တွေးမိကြမှာပါ။ ဆေးလိပ်ငွေ့တွေ တိုက်ရိုက်မထိတွေ့တဲ့ အဆုတ်တို့ နှလုံးတို့ကိုတောင် ဒီလောက် ဒုက္ခပေးနေတာ သောက်လိုက်တာနဲ့ အငွေ့နဲ့ တန်းထိတဲ့ ခံတွင်းဆို ဘယ်လောက်တောက်ထိခိုက်မလဲဆိုတာ စဉ်းစားသာကြည့်။ ဒါကြောင့် ဆေးလိပ်သောက်လိုက်တာနဲ့ ခံတွင်းကျန်းမာရေး ဘာတွေထိခိုက်သွားလဲဆိုတာ ကြည့်ရအောင်။ သွားများတဖြည်းဖြည်း အရောင်ညစ်လာခြင်း။ ဆေးလိပ်မှာ နီကိုတင်း နှင့် ဆေးရွက်ကြီးပါတယ်လေ။ သောက်လိုက်တာနဲ့ ပါးစပ်ထဲကို ဝင်သွားတဲ့ အငွေ့တွေက ခံတွင်းမှာရှိတဲ့ သွားကို အရင်ဆုံးထိတာမလား၊ အဲ့တော့ ဖြူနေတဲ့ သွားလေးတွေ အစပိုင်းမှာတော့ ဝါလာမယ်။ နောက်ပိုင်းသောက်တာ […]

သွားနဲ့ခံတွင်းဆိုတာ တကယ်လိုဂရုစိုက်သင့်တဲ့အရာတစ်ခုဖြစ်ပါတယ်။ ခံတွင်းကျန်းမာမှ အနံ့ဆိုးခြင်း၊ သွားပျက်စီးခြင်းနဲ့သွားဖုံးရောဂါတွေဖြစ်မလာအောင် တားဆီးနိုင်မှာဖြစ်ပြီး အသက်ကြီးတဲ့အထိ သွားကျန်းမာမှာဖြစ်ပါတယ်။ သွားနဲ့ခံတွင်းကျန်းမာရေးကို ဘာလို့ဂရုစိုက်သင့်တာလဲဆိုတာလည်း အရေးပါတဲ့အကြောင်းရင်းရှိပါတယ်။ ခံတွင်းမကျန်းမာရင် သို့မဟုတ်သွားဖုံးရောဂါရှိနေရင် နှလုံးရောဂါ၊လေဖြတ်ခြင်း၊ ဆီးချိုမထိန်းနိုင်ခြင်း၊ လမစေ့ဘဲ ကလေးမွေးခြင်းတို့ိလိုပြင်းထန်တဲ့ကျန်းမာရေးပြဿနာတွေဖြစ်လာစေနိုင်ပါတယ်။ ခန္ဓါကိုယ်ရဲ့တခြားအစိတ်အပိုင်းတွေလိုပဲ ခံတွင်းမှာက ဘက်တီးရီးယားတွေအများကြီးရှိပါတယ်။ အများစုကတော့ အန္တရာယ်မပေးပါဘူး။ ပုံမှန်အားဖြင့်နေ့တိုင်းသွားတိုက်တာ၊ သွားပွတ်ကြိုးသုံးတာ လိုမျိုး ခံတွင်းသန့်ရှင်းရေးဂရုစိုက်မှုတွေနဲ့ ခန္ဓါကိုယ်ရဲ့ခုခံမှုစနစ်ကြောင့် ဒီဘက်တီးရီးယားတွေကို ထိန်းချုပ်ထားနိုင်တာဖြစ်ပါတယ်။ ဒါပေမယ့် ခံတွင်းသန့်ရှင်းရေးဂရုမစိုက်မိတာနဲ့ ဘက်တီးရီးယားတွေကရောဂါပိုးဝင်တာတွေဖြစ်စေနိုင်တဲ့အဆင့်ထိရောက်ရှိလာနိုင်ပါတယ်။ အဲဒီလိုဖြစ်လာပြီဆိုရင် ဘယ်လိုလက္ခဏာတွေသိသာလာလဲ သတိထားမိကြရဲ့လား။ လက္ခဏာတစ်ခုခုဖြစ်လာရင် ဆေးသောက်လိုက်ဖို့ပဲ အာရုံစိုက်ကြပြီး တကယ့်အကြောင်းရင်းခံဖြစ်တဲ့ ခံတွင်းသန့်ရှင်းရေးကိုမေ့နေကြတတ်ပါတယ်။ ဒီလက္ခဏာမျိုးတွေဖြစ်လာရင်တော့ သွားနဲ့ခံတွင်းမှာပြဿနာရှိနေပြီလို့ သိလိုက်ပါတော့ - (၁) သွားကိုက်ခြင်း သွားကိုက်တာက အဖြစ်များကြတဲ့ပြဿနာတစ်ခုပါ။ သွားကိုက်ပြီဆို ပါးတွေရောင်၊ သွားဖုံးတွေရောင်ပြီး အစားမစားနိုင်၊ ဆန်ပြုတ်သောက်ရတာပါပဲ။ သွားပိုးစားခြင်းကြောင့်ဖြစ်တတ်ပေမယ့် သွားဖုံးရောဂါရှိနေတဲ့လက္ခဏာတစ်ခုလည်းဖြစ်နိုင်ပါတယ်။ (၂) သွားကျဉ်ခြင်း အပူ ၊ အအေး ဘာပဲသောက်သောက် သွားကျဉ်ရတယ်ဆိုရင် […]

သွားတိုက်မယ်၊ သွားပွတ်ကြိုးအသုံးပြုမယ်၊ ပလုတ်ကျင်းမယ်ဆိုတာတွေက မဖြစ်မနေလုပ်ကိုလုပ်ရမယ့် အခြေခံအကျဆုံးသွားနဲ့ခံတွင်းထိန်းသိမ်းမှုနည်းလမ်းတွေပေါ့။တစ်နေ့တာလုံးလူတွေနဲ့ပြောဆိုဆက်ဆံတဲ့အခါမှာအရေးပါတဲ့ ခံတွင်းကျန်းမာဖို့က အရေးကြီးပါတယ်။ ခံတွင်းကျန်းမာနေမှ ခံတွင်းနံ့ဆိုးကင်းစင်ပြီး ကိုယ့်ကိုယ်ကို ယုံကြည်မှုတိုးသလို ပတ်ဝန်းကျင်ကသူတွေအတွက်လည်း စိတ်အနှောင့်အယှက်ကင်းမှာပါ။ သွားနဲ့ခံတွင်းကျန်းမာရေးအတွက်နောက်ထပ်ဂရုပြုရမယ့်အချက်ကတော့ သွားနဲ့ခံတွင်းကိုထိခိုက်စေမယ့် အမူအကျင့်တွြေဖစ်တဲ့ဆေးလိပ်သောက်တာ အချိုတွအများကြီးစားတာ၊သွားနဲ့ခံတွင်းကို သန့်ရှင်းရေးမလုပ်တာမျိုးကိုရှောင်ရှားဖို့ပါ။ ဒီတော့ သွားနဲ့ခံတွင်းကျန်းမာစေဖို့မွေးမြူသင့်တဲ့ အကျင့်တွေရှိနေပါတယ်။ ဒီနေရာမှာမေးစရာရှိနေတာက သွားနဲ့ခံတွင်းကျန်းမာဖို့အတွက် သီးသန့်ဂရုစိုက်မွေးမြူရမယ့် အကျင့်တွေရှိနေတာလားပေါ့။ သွားနဲ့ခံတွင်းကျန်းမာစေမယ့် အမူအကျင့်တွေကရှိနေပါတယ်။ သွားနဲ့ခံတွင်းကျန်းမာစေမယ့် အမူအကျင့်တွေက သွားနဲ့ခံတွင်းကျန်းမာစေဖို့မွေးမြူရမယ့် အမူအကျင့်တွေက အရမ်းကြီးမခက်လှပါဘူး။ ပုံမှန်လုပ်နေကျအမူအကျင့်တွေကို နည်းနည်းသတိထားပေးလိုက်ရင်ကိုရပါပြီ။ (၁) သွားနဲ့ခံတွင်းကိုကျန်းမာစေနိုင်တဲ့ အစားအစာတွေစားသုံးပေးပါ -နေ့စဉ်စားသုံးတဲ့ အစားအစာတွေထဲမှာ အချိုများတဲ့အစားအစာတွေနဲ့သွားမှာကပ်နိုင်တဲ့ အစားအစာတွေကို တတ်နိုင်သမျှရှောင်ပေးပါ။ ပထမဆုံးလုပ်ရမှာက အချိုများတဲ့ စားစရာသောက်စရာတွေကို နည်းနည်းချင်းလျှော့စားသွားပါ။ အရင်ကတည်းက အချိုများတဲ့ အစားအစာတွေကို မကြိုက်တာဆိုရင်တော့ အိုကေပေါ့။ သွားနဲ့ခံတွင်းအတွက် အထောက်အပံ့ပေးနိုင်မယ့် ကယ်လ်ဆီယမ်၊ ပရိုတင်း၊ ဗီတာမင် A၊ ဗီတာမင် C၊ […]

ခံတွင်းနံ့ဆိုးထွက်စေတဲ့ အကြောင်းအရင်း အများကြီးရှိပါတယ်။ ခံတွင်းနံ့ဆိုးထွက်ခြင်းဟာ မိမိကိုယ်ကိုယုံကြည်မှု လျော့နည်းစေတဲ့အတွက် ခံတွင်းနံ့ကောင်းမွန်လာအောင် အလွယ်တကူပြုလုပ်နိုင်မယ့် နည်းလမ်းတွေကို ပြောပြပေးမှာ ဖြစ်ပါတယ်။ မကြာခဏသွားတိုက်ပါ၊ သန့်ရှင်းရေးလုပ်ပါ သင့်အာခံတွင်းထဲက သွားချေးနဲ့ ဘက်တီးရီးယားပိုးမွှားတွေဟာ ခံတွင်းနံ့ဆိုးစေတဲ့ အဓိကအကြောင်းအရင်း ဖြစ်ပါတယ်။ လူအများစုက မနက်အိပ်ရာထမှာ တစ်ကြိမ်၊ ညအိပ်ရာဝင်ခါနီးမှာ တစ်ကြိမ် တစ်နေ့ကို နှစ်ကြိမ် သွားတိုက်လေ့ရှိကြပါတယ်။ အကယ်၍ သင်ဟာ ခံတွင်းနံ့အတွက် စိုးရိမ်ပူပင်နေရမယ်ဆိုရင်တော့ တစ်နေ့နှစ်ကြိမ်မက သွားတိုက်ဖို့ လိုအပ်ပါလိမ့်မယ်။ ဥပမာ blue cheese ခေါ် ပင်နီဆီလီယမ် မှိုဖောက်ထားတဲ့ ချိစ်၊ ကြက်သွန်ဖြူ၊ ကြက်သွန်နီ၊ ငါး စတဲ့ အနံ့စူးစူးထွက်စေတဲ့ အစားအသောက်တွေ စားပြီးတိုင်း သွားတိုက်ပေးသင့်ပါတယ်။ ဒါ့အပြင် တစ်နေ့ကို အနည်းဆုံးတစ်ကြိမ် သွားသန့်ရှင်းရေးလုပ်တဲ့ကြိုးကို အသုံးပြုပြီး သွားပွတ်တံနဲ့ မဖယ်ထုတ်နိုင်တဲ့ သွားကြိုသွားကြားထဲက […]

ခံတွင်းကင်ဆာကို ဘယ်လိုကာကွယ်မလဲ။ ကင်ဆာဆိုတဲ့ အသံကို ကြားလိုက်တာနဲ့ လူတိုင်းက တွန့်ခနဲ ဖြစ်သွားတတ်ကြပါတယ်။ ဟုတ်ပါတယ်၊ကင်ဆာရောဂါဟာ တကယ်တမ်းလည်း အင်မတန်မှ ကြောက်ဖို့ကောင်းတဲ့ ရောဂါတမျိုးပါ။ ကင်ဆာအမျိုးမျိုးရှိတဲ့အနက် တချို့ကင်ဆာတွေဟာ မျိုးရိုးလိုက်လို့ဖြစ်ရတယ်၊အစားအသောက်အနေအထိုင်တွေကြောင့် ဖြစ်ရတယ်၊ပတ်ဝန်းကျင် (ဝါ)လုပ်ငန်းခွင် အနေအထားတွေကြောင့် ဖြစ်ရတယ် စသဖြင့် အကြောင်းရင်းခံအမျိုးမျိုး ရှိတဲ့အတွက် အချို့ကင်ဆာတွေကို ကာကွယ်လို့ရသလို၊အချို့ကင်ဆာတွေကိုတော့ ကာကွယ်လို့ မရပါဘူး။ ဒါပေမယ့် အသက်ဉာဏ်စောင့်ဆိုတဲ့အတိုင်း မိမိဖက်က ဆင်ခြင်စရာရှိတာတွေကိုတော့ အသေအချာ ဆင်ခြင်ရမှာပဲ ဖြစ်ပါတယ်။ မြန်မာနိုင်ငံအပါအဝင် အရှေ့တောင်အာရှနိုင်ငံအများစုမှာ အမျိုးသားတွေကို ဒုက္ခအပေးဆုံးကင်ဆာတွေကတော့ အဆုတ်ကင်ဆာနဲ့ ခံတွင်းကင်ဆာတို့ပဲ ဖြစ်ပါတယ်။ အဆုတ်ကင်ဆာကတော့ သိကြတဲ့အတိုင်း ဆေးလိပ်သောက်သုံးမှုကြောင့် အဓိက ဖြစ်ပေါ်လာရပြီး ခံတွင်းကင်ဆာရဲ့ အဓိက လက်သည်ကတော့ ကွမ်းယာပဲ ဖြစ်ပါတယ်။ ရှေးမြန်မာဘုရင်များလက်ထက်ကတည်းက ကွမ်းယာစားလာကြတယ်ဆိုပေမယ့် ဒီခေတ်လို ဆေးမျိုးစုံထည့်ပြီး စားကြတာမဟုတ်ပါဘူး။ ထုံးနဲ့ […]

အဓိပ္ပါယ်ဖွင့်ဆိုချက်Oral Cancer (ခံတွင်းကင်ဆာ) ကဘာလဲ။ ခံတွင်းကင်ဆာဆိုသည်မှာ ခံတွင်းတစ်ရှူးများတွင်ဖြစ်ပေါ်လာသောကင်ဆာဖြစ်ပါတယ်။ သင့်ခံတွင်းရှိမည်သည့်နေရာတွင်မဆိုဥပမာ နှုတ်ခမ်း၊ပါးစောင်၊သွားဖုံး၊အာခေါင်၊အာသီးအမာနှင့်အပျော့၊နှာခေါင်းလျှိုပေါက်များနှင့်လည်ပင်းတွင်ဖြစ်နိုင်ပါတယ်။ သို့သော်လည်း ပါးစပ်၊လျှာနှင့် နှုတ်ခမ်းတို့မှာပိုအဖြစ်များပါတယ်။ ရောဂါကနဦးပိုင်းမှာ လက္ခဏာအနည်းငယ်သာပြခြင်း (သို့)လက္ခဏာမပြခြင်းတို့ဖြစ်တတ်ပါတယ်။ ခံတွင်းကင်ဆာသည် လည်ပင်းနှင့် ပြန်ရည်ကြောအိမ်များသို့ပြန့်နှံ့သွား၍ ရောင်ရမ်းလာစေသောအခါ(သို့) သင့်သွားဆရာဝန်မှ စမ်းသပ်တွေ့ရှိသောအခါ ခံတွင်းကင်ဆာဖြစ်နေမှန်းသိရှိနိုင်ပါတယ်။ Oral Cancer (ခံတွင်းကင်ဆာ) က ဘယ်လောက်အဖြစ်များသလဲ အချက်အလက်များထပ်မံသိရှိဖို့အတွက် ဆရာဝန်နဲ့ တိုင်ပင်ဆွေးနွေးသင့်ပါတယ်။ လက္ခဏာများOral Cancer (ခံတွင်းကင်ဆာ) ရဲ့လက္ခဏာတွေကဘာတွေလဲ ခံတွင်းကင်ဆာ ရဲ့ အဖြစ်အများဆုံးရောဂါလက္ခဏာတွေကအခြား သောအန္တာရာယ်နည်းသည့် ခံတွင်းရောဂါအချို့နှင့် အလွန်ဆင်တူနေပါတယ်။ ထို့ကြောင့် ခံတွင်းကင်ဆာကို သင့်ဘာသာဆုံးဖြတ်နိုင်ရန်ခက်ခဲပါတယ်။ အကောင်းဆုံးကတော့ သွားဆရာဝန်(သို့)ဆရာဝန်တစ်ဦးဆီတွင် အောက်ပါလက္ခဏာများရှိပါက အစစ်ဆေးခံကြည့်ခြင်းဖြစ်ပါတယ်။ နှုတ်ခမ်း(သို့) ခံတွင်း၏အတွင်းပိုင်းအခြားနေရာများတွင် ရောင်ရမ်းခြင်း၊ထူထဲလာခြင်း၊အကျိတ်(သို့)အဖုများပေါက်လာခြင်း၊ကြမ်းတမ်းမာကျောသော အစက်အပြောက်များ၊အသားစများ(သို့)အနာများဖြစ် ပေါ်လာခြင်း (သို့) 2ပတ်အတွင်း အနာကျက်မသွားခြင်း အကြောင်းအရင်းမသိရသော ခံတွင်းသွေးယိုခြင်း မျက်နှာ၊မေးစေ့(သို့) လည်ပင်းနှင့် အောက်နှုတ်ခမ်း၏ မည်သည့်နေရာတွင်မဆို အကြောင်းအရင်းမသိရသော ထုံကျဉ်ခြင်း၊ထိတွေ့ခံစားမှုအာရုံပျောက်သွားခြင်း(သို့) နာကျင်ကိုက်ခဲခြင်း(သို့)ထိလိုက်လျှင်နာကျင်နေခြင်း သွားကျဲလာခြင်း လည်ပင်းအနောက်ဘက်တွင် နာကျင်ခြင်း(သို့)တစ်စုံတစ်ခုရှိနေသည်ဟုခံစားရခြင်း အစာမျိုရခက်ခြင်း(သို့)မျိုလျှင်နာကျင်ခြင်း အံတုများဝတ်ဆင်ရခက်ခဲခြင်း လည်ပင်းတွင် ရောင်ရမ်းဖုဖောင်းလာခြင်း ပျောက်မသွားနိုင်သည့် နားကိုက်ခြင်းဝေဒနာဖြစ်ပေါ်နေခြင်း ကိုယ်အလေးအချိန်အလွန်အမင်းကျဆင်းသွားခြင်း အသံပြောင်းသွားခြင်း(သို့) အသံအောသွားခြင်း၊နာတာရှည် […]

အဓိပ္ပါယ်ဖွင့်ဆိုချက်Leukoplakia (ခံတွင်းထဲတွင်အဖြူရောင် အဖတ်များဖြစ်သောရောဂါ) ကဘာလဲ။ ခံတွင်းထဲတွင်အဖြူရောင် အဖတ်များဖြစ်သောရောဂါ ဆိုတာ အဖြ ူရောင်ရှိတဲ့ ခပ်ထူထူအဖတ်တွေဟာ ပါးအတွင်းဘက်၊ သွားဖုံး သို့မဟုတ် လျှာ တို့မှာ ကပ်နေတာကို ခေါ်ပါတယ် ဒီအဖတ်တွေဟာ များသောအားဖြင့် ဆေးလိပ်သောက်တဲ့လူတွေ မှာ အဖြစ်များပြီး ဆဲလ် ပွားမှု များခြင်းကြောင့်ဖြစ်ရပါတယ်။၎င်းတို့ ဟာ ပုံစံမကျတဲ့ မတော်တဲ့ သွားတုတွေ ဝတ်ဆင်ခြင်း ဒါမှမဟုတ် ပါးအတွင်းထဲထည့်ပြီး ဝါးတတ်တဲ့အကျင့်ကြောင့် ဖြစ်ရပါတယ်။ တစ်ခါတစ်လေမျာ ဒီရောဂါဟာ ခံတွင်းကင်ဆာရောဂါတွေနဲ့တွဲတတ်ပါတယ်။ တကယ်လို့ မြင်ရတဲ့ အဖြ ူတွေဟာ သံသယဖြစ်စရာရှိပါက သင့်ဆရာဝန်က အသားစယူ ကြည့်ဖို့ အကြံပေးပါလိမ့်မယ်။ သင့်သွားဆရာဝန်ကနေပြီး ဖြစ်နေတဲ့နေရာရယ် အသားစအဖြေတွေကို ကြည့်ပြီ ရောဂါကိုဘယ်လို ကုပေးရမလဲ ကြည့်ပါလိမ့်မယ်။ ဖြစ်စေတဲ့အချက်တွေကို ဖယ်ရှားခြင်းနဲ့ကုသမှုကို စတင်ပါတယ် ဆေးလိပ်ဖြတ်ခြင်း ဒါမှမဟုတ် မတော်တဲ့သွားအတု တွေ အဆင်မပြေတဲ့ […]

အဓိပ္ပါယ်ဖွင့်ဆိုချက်Geographic Tongue ကဘာလဲ။ Geographic tongue မှာ နာမည်အရ လျှာ၏ အပေါ်ဖက် ဘေးဘက်တို့တွင် မြေပုံကဲ့သို့အကွက်များ ထနေသော အခြေအနေတစ်မျိုးဖြစ်ပါသည်။ ခံတွင်းမှ ဧရိယာတော်တော်များများတွင်လည်း ဖြစ်တတ်ပါသည်။ Geographic tongue မှာ အန္တရာယ်ရှိသော အခြေအနေမဟုတ်ပါ။ ကင်ဆာ သို့မဟုတ် တခြား ပိုးဝင်ခြင်းလို အခြေအနေမျိုးမဟုတ်သော Benign အခြေအနေသာဖြစ်ပါသည်။ Geographic tongue အတွက် တခြားနာမည် ၂ မျိုးမှာ Benign migratory glossitis နှင့် erythema migrams တို့ဖြစ်သည်။ Geographic Tongue က ဘယ်လောက်အဖြစ်များသလဲ လူဦးရေ၏ ၁-၃ % တွင်ဖြစ်နိုင်ပြီး Geographic tongue မှာ အရွယ်မရွေးပေါ်လာတတ်ပါသည်။ သို့သော် ၎င်းမှာ လူလတ်ပိုင်း သို့မဟုတ် လူကြီးပိုင်းများတွင် ပိုဖြစ်ဟန်ရှိ၏။ […]