လျှာ လိမ္မော်ရောင်ဖြစ်တာက လျှာဝါတာနဲ့ ဖြစ်ရတဲ့ အကြောင်းအရင်းတွေက ခပ်ဆင်ဆင်ပါ။ ခံတွင်းသန့်ရှင်းမှု အားနည်းတာနဲ့ ခံတွင်းခြောက်တာတို့ကြောင့် ဘက်တီးရီးယား ပေါက်ဖွားမှု များလို့ပါ။
အချို့သော ပဋိဇီဝ ပိုးသတ်ဆေးတွေ၊ အစားအစာတွေကြောင့်လည်း လျှာက လိမ္မော်ရောင် ပြောင်းနိုင်ပါတယ်။ ဥပမာ ဘီတာကယ်လ်ရိုတင်း ကြွယ်ဝတဲ့ မုန်လာဥနီ အစားများတာကြောင့်လည်း လျှာက လိမ္မော်ရောင် ဖြစ်နိုင်ပါတယ်။
အစိမ်းရောင် လျှာ
လျှာက ပန်းရောင်ကနေ အစိမ်းရောင် ပြောင်းသွားတယ်ဆိုတာ လျှာ အဖြူရောင် ပြောင်းတာ၊ အဝါရောင် ပြောင်းတာတို့လိုပဲ ဘက်တီးရီးယားတွေ ပေါက်ဖွားတာကြောင့်ပါ။ တစ်ခါတလေမှာ လျှာက အစိမ်းရောင်ပြောင်းတာနဲ့အတူ အမွှေးတွေ ပေါက်တာမျိုးတောင် ရှိနိုင်ပါတယ်။
အပြာရောင် လျှာ
လျှာက အပြာရောင်ပြောင်းတာက သွေးထဲမှာ အောက်ဆီဂျင် နည်းနေတာကြောင့်ပါ။
အဆုတ်မှာ အောက်ဆီဂျင် နည်းတာ၊ သွေးပြဿနာ တစ်ခုခု ရှိနေတာ၊ သွေးကြောပြဿနာ တစ်ခုခု ရှိနေတာ၊ ကျောက်ကပ် ရောဂါတို့ကြောင့် လျှာက အပြာရောင် ပြောင်းနေနိုင်ပါတယ်။
လျှာပြာတာက သွေးတွင်း အောက်ဆီဂျင် နည်းတာကြောင့်ဆိုရင် ချက်ချင်း ဆေးကုသမှု ခံယူဖို့ လိုပါမယ်။ လျှာကို ပြာစေနိုင်တဲ့ နောက်ထပ် အကြောင်းအရင်း တစ်ခုကတော့ နှင်းခူပြဿနာပါ။
ကဲ…မှန်ရှေ့ကိုသွားပြီး လျှာထုတ်ကြည့်လို့ လျှာက ကျန်းမာရဲ့လား။ ဘာအရောင်လဲဆိုတာကို စစ်ကြည့်လိုက်ဦးနော်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။