COVID-19 နဲ့ သင်္ကြန်ရေ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 11, 2020 . 2 mins read
Share now

COVID-19 လို့ ခေါ်ဆိုကြတဲ့ ကူးစက်မြန် အဆုပ်ရောင်ရောဂါဆိုးကြီး ကမ္ဘာတစ်ဝှမ်းမှာ ပြန့်နှံ့နေတာဟာ ၄ လ တိုင်ခဲ့ပါပြီ။ ခုချိန်ထိ တိကျရေရာတဲ့ ကုထုံးမျိုးကို ဖန်တီးနိုင်ခြင်းမရှိသေးပဲ သေဆုံးသူအရေအတွက်နဲ့ ရောဂါကူးစက်ခံရသူအရေအတွက်ကတော့ မှန်မှန်ကြီး တိုးတက်လာနေပါတယ်။

ရောဂါပိုး ကူးစက်ခံခဲ့ရသူ အရေအတွက်က ၁ သန်းခွဲနီးပါးရှိနေပြီဖြစ်သလို သေဆုံးသူအရေအတွက်ကလည်း ၈သောင်းကျော်အထိ တိုးတက်လာခဲ့ပါတယ်။ ပြန်လည်သက်သာလာသူအရေအတွက်ကတော့ ၃ သိန်း စွန်းစွန်းရှိလာခဲ့ပါပြီ။

မြန်မာနိုင်ငံမှာလည်း ရောဂါကူးစက်ခံခဲ့ရသူအရေအတွက် ၂၂ ဦးအထိ ရှာဖွေတွေ့ရှိထားပြီး အဲ့ဒီထဲက လူနာ ၃ ဦးကတော့ သေဆုံးသွားခဲ့ကြပြီဖြစ်ပါတယ်။

လက်ရှိအချိန်အထိ ပြည်တွင်းမှာရော ပြည်ပမှာပါ ဒီရောဂါကို ထိမ်းချုပ်ဖို့ နည်းလမ်းအမျိုးမျိုးနဲ့ ကြိုးပမ်းနေကြပေမယ့် အခက်အခဲတွေနဲ့အတူ ရုံးကန်နေကြရဆဲဖြစ်ပါတယ်။

အဲ့လိုအခြေအနေမျိုးမှာပဲ မြန်မာနိုင်ငံမှာတော့ အတာကူးမယ့် နှစ်သစ်ကူးအခါသမယကို ဖြတ်သန်းကြရတော့မှာဖြစ်ပါတယ်။ သင်္ကြန်ကာလရဲ့ ထုံးစံအတိုင်း ရေပက်ဆော့ကစားကြတာမျိုးတွေ ရှိလာမှာဖြစ်ပါတယ်။

လက်ရှိမှာ ပြည်တွင်းက နေရာဒေသအများအပြားမှာ အိမ်ထဲကနေ အိမ်ပြင်မထွက်ဖို့ အသိပေးချက်ထုတ်ပြန်ထားပေမယ့် ခုလို ကြေညာချက်ထုတ်ပြန်ထားခြင်းမရှိတဲ့ နေရာဒေသတွေလည်း ရှိနေပါသေးတယ်။ ကြေညာချက်ထုတ်ပြန် သတိပေးထားတဲ့ ဒေသတွေမှာလည်း ရပ်ကွက်တွေအတွင်းမှာ အိမ်နီးနားချင်းတွေအချင်းချင်း ရေပက်ဆော့ကစားတာမျိုး အခြေအနေတွေ ရှိနေနိုင်ပါသေးတယ်။

ဒီလို အခြေအနေမှာ သိထားသင့်တာက COVID-19 ဟာ ရေထဲမှာ ရှင်သန်နိုင်သလား? ဒါမှမဟုတ် ရေကနေတဆင့် ပြန့်နှံ့နိုင်သလား? သင်္ကြန်ရေဆော့ကစားမှုကြောင့် ဒီရောဂါကူးစက်နိုင်သလား? ဆိုတဲ့ မေးခွန်းတွေပါပဲ။

လက်ရှိအချိန်အထိ သိရှိထားရတဲ့ သိပ္ပံလေ့လာချက်တွေနဲ့ WHO၊ CDC စတဲ့ စိတ်ချယုံကြည်ရတဲ့ ကျန်းမာရေး အဖွဲ့အစည်းတွေရဲ့ ထုတ်ပြန်ချက်တွေကို အခြေခံပြီး ဒီမေးခွန်းတွေကို ဖြေကြားပေးချင်ပါတယ်။

COVID-19 ဟာ ရေထဲမှာ ရှင်သန်နိုင်သလား?

COVID-19 ရေထဲမှာ ရှင်သန်နိုင်သလားဆိုတာကို ဘယ်သူမှ မသိကြရသေးပါဘူး။ WHO အပါအဝင် ကျန်းမာရေးအဖွဲ့အစည်းတွေက ဒီရောဂါပိုးဟာ ရေထဲမှာ ရှင်သန်နိုင်စွမ်းရှိမရှိနဲ့၊ ရေထဲကနေတဆင့် ကူးစက်နိုင်စွမ်း ရှိမရှိဆိုတာတွေကို သေချာစွာ မသိရှိရသေးဘူးလို့ ဆိုထားပါတယ်။

တစ်ဖက်မှာလည်း လက်ကို သန့်စင်တဲ့ရေ၊ ဆပ်ပြာစတာတွေနဲ့ သေချာစွာ ဆေးကြောရင် ရောဂါပိုးကို ဖယ်ရှားရှင်းလင်းနိုင်တာမို့ တစ်ချို့သောလူတွေက ရေက ရောဂါပိုးကို နိုင်တယ်လို့ အလွယ်တကူ မှတ်ယူလိုက်ကြတာမျိုးတွေ ရှိနေပါတယ်။ တကယ်တမ်းမှာတော့ ဒီအယူအဆဟာ အန္တရာယ်များပြီး သက်သေမခိုင်လုံတဲ့ ယုံကြည်ချက်တစ်ခုဖြစ်ပါတယ်။

လက်ကို စင်ကြယ်စွာ ဆေးကြောရုံနဲ့ ရောဂါပိုးကပ်ငြိမှုကို တားဆီးနိုင်၊ ဖယ်ရှားနိုင်တာဟာ သန့်စင်တဲ့ရေ ဒါမှမဟုတ် ရေနွေးနဲ့ ဆပ်ပြာတို့ရဲ့ ပေါင်းစပ်စွမ်းအားကြောင့်သာဖြစ်ပါတယ်။ ရေတစ်မျိုးတည်းကြောင့် မဟုတ်ပါဘူး။

ရေသန့်က COVID-19 ကို သတ်နိုင်သလား

ဘူးနဲ့ရောင်းချနေတဲ့ ရေသန့်တွေကရော ကိုရိုနာဗိုင်းရပ်စ်ကို သတ်နိုင်သလားဆိုတဲ့ မေးခွန်းလည်း ရှိပါသေးတယ်။ အဖြေကတော့ ရိုးရှင်းပါတယ်။ မသတ်နိုင်ပါဘူး။ ဆပ်ပြာနဲ့ ရေတွဲဖက်ပြီး ဆေးကြောသန့်စင်မှသာ ရောဂါပိုးကို ဖယ်ရှားရှင်းလင်းနိုင်တာဖြစ်ပါတယ်။ ရေချည်းသီးသန့်ဆိုရင် ရောဂါပိုးကို သတ်လည်းမသတ်နိုင်သလို ထိထိ ရောက်ရောက်လည်း ဖယ်လည်းမဖယ်ရှားနိုင်ပါဘူး။

ရေကနေတဆင့် ပြန့်နှံ့နိုင်သလား?

COVID-19 ဟာ ရေထဲကနေတဆင့် ပြန့်နှံ့နိုင်စွမ်းရှိမရှိကို တိကျသေချာစွာ သက်သေပြသထားနိုင်ခြင်းမရှိသေးပါဘူး။ ဒါပေမယ့် WHO အပါအဝင် ကျန်းမာရေးအဖွဲ့အစည်းတွေရဲ့ ပြောဆိုချက်တွေအရဆိုရင်တော့ မသန့်စင်တဲ့ ရေဆိုးတွေ၊ မသန့်ရှင်းတဲ့ရေတွေ အသုံးပြုမှုတွေကနေတဆင့်တော့ တခြားရောဂါတွေ ပျံ့နှံ့နိုင်ခြေရှိတယ်လို့ ဆိုထားပါတယ်။

သောက်သုံးရေရှားပါးတဲ့အရပ်တွေမှာ သန့်စင်တဲ့ရေရရှိနိုင်ဖို့ ခက်ခဲနေတာမို့ လက်ကို ဆပ်ပြာနဲ့ ဆေးကြောရာမှာ အဆင်ပြေရာ ရေတွေနဲ့ ဆေးကြောမိနေတာမျိုးတွေ ရှိနေပြီး ဒါဟာ COVID-19 အပြင် တခြားသော ကူးစက်ရောဂါတွေကိုပါ ဖိတ်ခေါ်ရာ ရောက်ပါတယ်။

သင်္ကြန်ရေဆော့ကစားမှုကြောင့် ဒီရောဂါကူးစက်နိုင်သလား?

ရောဂါပိုးဟာ ရေထဲမှာ ရှင်သန်နိုင်စွမ်းရှိမရှိနဲ့၊ ရေထဲကနေတဆင့် ကူးစက်နိုင်စွမ်း ရှိမရှိဆိုတာတွေကို သေချာစွာ မသိနိုင်သေးတာမို့ ရေကနေတဆင့် ရောဂါကူးစက်နိုင်ခြေရှိမရှိကို အတိအကျ သုံးသပ်ပြောဆိုဖို့ ခက်ခဲပါတယ်။ ဒါပေမယ့် မသန့်စင်တဲ့ ရေတွေနဲ့ အပက်ခံရမယ်ဆိုရင် ကူးစက်ရောဂါတွေကို ကပ်ငြိနိုင်တာကို သတိထားဖို့ တော့လိုအပ်မှာဖြစ်ပါတယ်။

နောက်တစ်ချက်က ရေပက်ကစားတာကြောင့် လူချင်းထိတွေ့မှုဖြစ်ဖို့ ပိုအခွင့်အလမ်းများတာကိုလည်း မမေ့သင့်ပါဘူး။ လက်ရှိအချိန်မှာ ကျန်းမာရေးဌာနကလည်း Social Distancing လုပ်ပြီး တစ်ဦးနဲ့ တစ်ဦးအကြား ၃ ပေ ကနေ ၆ ပေ အထိ ခြားနားနေထိုင်ဖို့ တိုက်တွန်းနေပါတယ်။ ရေပက်ကစားခြင်းကြောင့် လူလူချင်းထိတွေ့မှုဖြစ်ဖို့ အလွန်နီးစပ်ပြီး ရောဂါကူးစက်နိုင်ခြေလည်း မြင့်မားပါတယ်။

အကောင်းဆုံးနည်းလမ်းကတော့ သင်္ကြန်ကာလမှာ အိမ်ထဲကနေ အိမ်ပြင်ကို မထွက်ပဲ နေအိမ်မှာပဲ Social Distancing ပြုလုပ်နေတာဟာ ရောဂါကူးစက်မှု ကာကွယ်ရေးအတွက် အကောင်းဆုံးနည်းလမ်းဖြစ်ပါတယ်။ ဒီလိုပြုမူနေထိုင်ခြင်းအားဖြင့် ရောဂါပြန့်ပွားမှု အခြေအနေကို ထိမ်းချုပ်နိုင်ဖို့ အထောက်အကူကောင်း ဖြစ်စေမှာပါ။

COVID-19 Outbreak updates
Country: Myanmar
Data

117,946

Confirmed

97,819

Recovered

2,484

Death
Distribution Map

Hello Health Group သည် ဆေးပညာ အကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ကိုဗစ်ကပ်ဘေးကြောင့် ပိုကြီးမားလာတဲ့ နောက်ထပ်ကပ်ဘေးတစ်ခု

ကိုဗစ်ကာလမှာ စိတ်ပိုင်းဆိုင်ရာ ထိခိုက်ခံစားရမှုတွေကို အသက် ၁၈ နှစ်နဲ့ ၂၄ နှစ်အကြားလူငယ်တွေ ပိုပြီး ခံစားကြရတယ်လို့ လေ့လာချက်တွေက ဖော်ထုတ်လာကြပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

အိန္ဒိယရဲ့ ဆုံးဖြတ်ချက်ကြောင့် မြန်မာ့ ကိုဗစ်ကာကွယ်ဆေးရရှိရေး မျှော်လင့်ချက် ထိခိုက်မလား

မြန်မာနိုင်ငံဟာ ပြီးခဲ့တဲ့ ဒီဇင်ဘာလ ၂၄ ရက်နေ့တုန်းက အိန္ဒိယနိုင်ငံ အခြေစိုက် ...

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

ဈေးနှုန်းချိုသာတဲ့ Oxford-AstraZeneca ကိုဗစ်ကာကွယ်ဆေး အသုံးပြုခွင့်ရပြီ

တန်ကြေး အမေရိကန်ဒေါ်လာ ၅ ဒေါ်လာ ဝန်းကျင်သာကျသင့်မယ့် Oxford/AstraZeneca ကိုဗစ်ကာကွယ်ဆေးကို ဗြိတိန်နိုင်ငံက အသုံးပြုခွင့် ခွင့်ပြုလိုက်ပြီဖြစ်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

ကိုယ့်ဘေးကလူတွေမှာ COVID ပိုးမရှိနိုင်ဘူးလို့ ဘာလို့ စိတ်ချလက်ချ ယုံကြည်နေတာလဲ

ကိုယ်ရင်းနှီးရတဲ့သူဆိုရင် ပိုးမရှိနိုင်ဘူးလား? ဘာကြောင့် သံသယမဝင်ကြတာလဲ? အနီးကပ်ဆုံးရှိနေတဲ့သူတွေက ပိုးမရှိဘူးဆိုတာ ဘာကြောင့် ဒီလောက်သေချာနေရတာလဲ?

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

သင့်အတွက် ရွေးချယ်ထားသည်

Mask ၂ ထပ်ဝတ် ရင် ပိုစိတ်ချရမလား

Mask ၂ ထပ်ဝတ် ရင် ပိုစိတ်ချရမလား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဖေ‌ဖော်ဝါရီ 16, 2021 . 2 mins read
how to prevent covid when you have to be in a crowd

လူစုလူဝေးအကြားမှာ ကိုဗစ်အန္တရာယ် ကင်းကင်းနဲ့ နေနိုင်ဖို့ဆိုရင်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဖေ‌ဖော်ဝါရီ 8, 2021 . 2 mins read
Covishield ကာကွယ်ဆေး နဲ့ အရက် သောက်သုံးခြင်း

Covishield ကာကွယ်ဆေး နဲ့ အရက် သောက်သုံးခြင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဖေ‌ဖော်ဝါရီ 5, 2021 . 2 mins read
Zoom Fatigue သို့ Video Call ကြောင့် ဖြစ်လာတဲ့ ဖြစ်လာတဲ့ ကျန်းမာရေးထိခိုက်မှု

Zoom Fatigue သို့ Video Call ကြောင့် ဖြစ်လာတဲ့ ဖြစ်လာတဲ့ ကျန်းမာရေးထိခိုက်မှု

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဇန်နဝါရီ 27, 2021 . 2 mins read