ဘေဘီလေးတွေမှာ ကိုဗစ်ဖြစ်ရင် ဘယ်လို လက္ခဏာတွေ ခံစားရနိုင်လဲ

မှ အချက်အလက် စစ်ဆေးထားပါသည်။ Aye Thi Mon

Aye Thi Mon မှ ရေးသားသည်။ · 18/08/2022 တွင် အသစ်ဖြည့်စွက်ခဲ့သည်။

ဘေဘီလေးတွေမှာ ကိုဗစ်ဖြစ်ရင် ဘယ်လို လက္ခဏာတွေ ခံစားရနိုင်လဲ

ကိုဗစ်ရောဂါ စတင်ဖြစ်ပွားစဉ်က ကလေးတွေမှာ ကိုဗစ် ကူးစက်တာ သိပ်မတွေ့ရပေမယ့် နောက်ပိုင်းမှာ Covid-19 က ကလေးတွေမှာပါ ဖြစ်လာတာကို တွေ့ရပါတယ်။ တကယ်ကတော့ ကိုဗစ်က ကလေးတွေမှာ အသက်အရွယ် မရွေးဖြစ်နိုင်ပါတယ်။

ကလေးတိုင်းမှာ မတူညီတဲ့ နည်းလမ်းတွေနဲ့ ကိုဗစ်ဗိုင်းရပ်စ် ကူးစက်ခံရနိုင်သလို အရမ်းငယ်သေးတဲ့ အသက် ၁ နှစ်အောက် ကလေးတွေမှာ ပြင်းပြင်းထန်ထန် ခံစားရနိုင်ပါတယ်။ ဒီတစ်ခေါက်တော့ ဘေဘီလေးတွေမှာ ကိုဗစ်ဖြစ်ရင် ဘယ်လို လက္ခဏာတွေ ခံစားရနိုင်လဲ ဆိုတာကို သတိထားသိရှိနိုင်စေဖို့ မျှဝေပေးချင်ပါတယ်။

မွေးကင်းစ ကလေးလေးတွေ နဲ့ ဘေဘီလေးတွေမှာ ကိုဗစ်ဖြစ်နိုင်လား

မေမေ့မှာ ရောဂါပိုး ကူးစက်ခံထားရပြီး ကလေးကိုမွေးဖွားချိန်မှာ ရောဂါပိုး ကူးစက်တာမျိုးကတော့ အတော်လေး ဖြစ်ခဲပါတယ်။ ကလေးကို မွေးဖွားပြီးချိန်မှာ ထိတွေ့တာ နမ်းရှုံ့တာတွေကနေတဆင့်တော့ ကူးစက်နိုင်ပါတယ်။ မွေးကင်းစ ကလေးတွေမှာ ကိုဗစ်ဖြစ်ပွားနိုင်ပြီး ရောဂါလက္ခဏာကတော့ အရမ်းကြီး ပြင်းထန်တာမျိုး မရှိတာကနေ ရောဂါလက္ခဏာ လုံးဝမရှိတာမျိုး ရှိသလို အသက်အန္တရာယ် ထိခိုက်စေနိုင်တဲ့အထိ ပြင်းထန်တာမျိုးလည်း ရှိပါတယ်။

ကိုဗစ်က မိခင်နို့ကနေတဆင့် ကူးစက်တာမျိုးတော့ မရှိပါဘူး။ ကိုဗစ် ရှိနေတဲ့ မိခင်က ကလေးကို နို့တိုက်နေချိန်မှာ နှာချေချောင်းဆိုးတာတွေကြောင့် အမှုန်တွေကနေတဆင့် ကူးစက်တာမျိုးတော့ ရှိနိုင်ပါတယ်။ ဒါကြောင့် ကလေးကို မိခင်ကနေတဆင့် ကိုဗစ် ကူးစက်တာမျိုး မဖြစ်စေဖို့ဆိုရင် အကောင်းဆုံး နည်းလမ်း တစ်ခုက ကိုယ်ဝန်ဆောင်ချိန်မှာ ဒါမှမဟုတ် မွေးပြီးတာနဲ့ ဆရာဝန်နဲ့ တိုင်ပင်ပြီး ကိုဗစ်ကာကွယ်ဆေး ထိုးနှံထားတာပါ။

မွေးကင်းစလေးတွေမှာရော အသက် ၁ နှစ်အောက် ဘေဘီလေးတွေမှာပါ ကိုဗစ် ဖြစ်နိုင်ပါတယ်။

ဖေဖေမေမေတို့ သိထားဖို့ လိုမယ့် ဘေဘီလေးတွေမှာ ဖြစ်တတ်တဲ့ ကိုဗစ်

ဘေဘီလေးတွေမှာ ကိုဗစ်ဖြစ်ရင် ဘယ်လို လက္ခဏာတွေ ခံစားရနိုင်လဲ

ကိုရိုနာဗိုင်းရပ်စ် အမျိုးအစားတွေထဲမှာမှ မျိုးဗီဇပြောင်းလဲလာတဲ့ ကိုဗစ်ဗိုင်းရပ်စ်တွေက ကူးစက်မြန်ပြီး ရောဂါပြင်းထန်တာမျိုးတွေ ရှိပါတယ်။ ကာကွယ်ဆေး ပြည့်မီအောင် မထိုးနှံရသေးတဲ့ နေရာတွေမှာ အဖြစ်များပါတယ်။

အရမ်းငယ်သေးတဲ့ ကလေးလေးတွေကတော့ ကိုဗစ် ကာကွယ်ဆေး ထိုးနှံဖို့ မဖြစ်နိုင်သေးတာကြောင့် သူတို့လေးတွေကို ကိုဗစ်အန္တရာယ်ကနေ ကာကွယ်ဖို့ဆိုရင် လုပ်ဆောင်နိုင်မယ့် အကောင်းဆုံး နည်းလမ်းကတော့ ကလေးနဲ့ အနီးကပ် ထိတွေ့မယ့်သူတွေကို ကာကွယ်ဆေး ထိုးပေးတာမျိုး လုပ်ဆောင်ဖို့ လိုသလို ပါးစပ်နဲ့ နှာခေါင်းစည်း တပ်ဆင်တာ၊ ကလေးကို မချီခင် လက်ဆေးတာ၊ ကလေးကို လူထူတဲ့နေရာတွေကို ခေါ်သွားတာမျိုး ရှောင်တာ၊ လေဝင်လေထွက်ကောင်းတဲ့ နေရာမှာ နေတာမျိုးတွေ လုပ်ဆောင်ပေးဖို့ လိုပါမယ်။

ကလေးလေးတွေကို ကိုဗစ် ကူးစက်ခံရတာမျိုး မဖြစ်အောင် မိဘတွေအနေနဲ့ သေသေချာချာလေး ကာကွယ်ပေးဖို့ လိုပါမယ်။ ကိုဗစ် ဗိုင်းရပ်စက် တစ်ဦးကနေ တစ်ဦးကို အလွယ်တကူ ကူးစက်နိုင်သလို ကလေးတွေမှာ နောက်ဆက်တွဲ ကျန်းမာရေး ပြဿနာတွေ ခံစားရနိုင်တာကြောင့် သေချာလေး ဂရုစိုက် ကာကွယ်ဖို့ လိုပါမယ်။

ကိုဗစ် ကူးစက်မှုကြောင့် ကလေးတွေမှာ ဖျားနာမှုကို ခံစားရနိုင်သလို အဆုတ်ပိုးဝင်ကူးစက်တာလိုမျိုး ပြင်းထန်တဲ့ ကျန်းမာရေး ပြဿနာတွေ ခံစားရနိုင်ပါတယ်။ အဆိုးရွားဆုံးကတော့ အသက်ဆုံးရှုံးနိုင်တာပါ။ ဒါကြောင့် ကလေးကို ကိုဗစ်မဖြစ်အောင် ကလေးနဲ့ အနီးကပ် ထိတွေ့မယ့်သူတွေလည်း ကိုဗစ်ကာကွယ်မှုတွေကို သေချာလုပ်ဆောင်ပေးဖို့ လိုပါမယ်။